ཁ་ཕར་འཁོར་སེམས་པ་འཁྱེར་མྱོང་བའི།།
ཚུར་འཁོར་ན་སེམས་ཁ་དཀྲུགས་འགྲོ་བའི།།
ལུས་འགྲོགས་འདྲིས་ཆེ་བའི་མཛའ་མོ་སྟེ།།
རིགས་རུས་པ་མ་གཅིག་སེམས་རེ་སྐྱོ།།
ཆུང་བྱིས་པའི་དུས་ནས་བོད་སྐད་གོམ།།
བྱེས་བཅར་བའི་ཉིན་ནས་སྐད་མང་ཐོས།།
རྒྱུ་ཙག་ཙག་མེད་པའི་བཞི་མདོ་ནས།།
མ་བུ་མོ་ཁྱེད་དང་འཕྲད་པ་རེད།།
སྐད་མ་ཤེས་ལག་བརྡ་བྱས་ནི་རེད།།
དོན་མ་གོ་ཚིག་མཛོད་བསྔོག་ནི་རེད།།
བཤད་མ་ཐུབ་མཇེ་སྐམ་བསྡམས་ནི་རེད།།
དོན་ཐ་མར་ཁྱེད་དང་འགྲོགས་ནི་རེད།།
ཕྱི་ཞིག་ལ་ཐོན་པར་གྲྭ་སྒྲིག་བྱས།།
ཁྱེད་གཞུང་ཚབ་ཁང་ལ་བཅར་བ་དང་།།
ཡོང་ཆོག་པའི་བཀའ་ཁྲོལ་ཞུས་པའི་དུས།།
ཁྱོའི་ང་ཡི་ཆེད་དུ་མ་བྱས་མེད།།
སྒོར་འགྲོ་སོང་མང་བོ་ཁྱེད་ཀྱིས་བཏང་།།
གཏམ་མྱི་ཁ་མང་བོ་ང་ཡིས་བཞག།
དེས་བར་ནས་ཕྱི་རྒྱལ་ཡུལ་ལ་ཐོན།།
དུས་དེ་རིང་ཁྱེད་དང་མཉམ་དུ་ཡོད།།
ལས་འཁྱམས་པོ་ཞིག་གི་སྐྱེ་བ་ཁྱོད།།
ཁ་གསལ་ལེ་ཞིག་ལ་བལྟ་རུ་ཡོང་།།
ཁ་ཤོམ་པ་ཆེ་ནོ་ངར་གི་ར།།
ལག་ཁོམ་པ་ཡོད་ན་འབྲི་རྐྱང་བྱོས།།
མདོ་མེད་པའི་གསར་ལེ་ལས་ངན་པོ།།
དོན་མེད་སའི་མྱན་ངན་མྱོང་དང་ཞིག།
བསམ་མེད་པའི་གསར་ལེ་མགོ་སྟོང་དེ།།
ཚད་མེད་པའི་མྱལ་པར་ལྷུང་སོང་ཞིག།