ལེ་བྷེ་ཡི་སྲིད་འཛིན་གྷ་ཌ་ཧྥེ་ཡིས་མུ་མཐུད་ལྟ་བ་མཁྲེགས་འཛིན་བྱས་ཏེ། མང་ཚོགས་ལ་དྲག་གནོན་དང་མཉམ་འབྲེལ་དམག་དཔུང་ལ་འཐབ་འཛིང་གིས་ལེ་བྷེ་ཡའི་མང་ཚོགས་ལ་བརྡབ་གསིག་དང་ཕྱོགས་གཉིས་ཀྱི་དམག་མིར་ཤི་རྨས་ཚབས་ཆེན་འབྱུང་བཞིན་ཡོད་སྟབས། ད་ལྟ་ཎ་ཊོ (Nato) དམག་དཔུང་བཏང་ཡོད་འདུག་ལ། ཎ་ཊོ་མནའ་མཐུན་ཚོགས་པ་ནི་རྒྱལ་ཁབ་ ༢༨ ལས་གྲུབ་པ་ཞིག་ཡིན་ཡང་། ཐེངས་འདིའི་དྲག་ཆས་དམག་དཔུང་དང་ལྷག་པར་དུ་མཁའ་དམག་གི་མཐུན་འགྱུར་གནང་མཁན་གཙོ་བོ་ཧྥ་རན་སི་དང་དབྱིན་ཇི། ཁེ་ནེ་ཌ། བྷེལ་ཇེམ། ནཱོར་ཝེ། ཌེན་མག་བཅས་ཡིན་འདུག
ཎ་ཊོ་དམག་དཔུག་གིས་ཕར་རྒོལ་བྱེད་བཞིན་པའི་སྐབས་དང་བསྟུན་ཏེ། ཨ་རིའི་སྲིད་འཛིན་ཨོ་བྷ་མ་དང་། དབྱིན་ཇིའི་སྲིད་བློན་ཌ་ཝེཌ། ཧྥ་རན་སིའི་སྲིད་འཛིན་སཱར་ཀོ་ཛེ་གསུམ་མཉམ་འབྲེལ་ཐོག་བསྒྲགས་ཡིག་ཅིག་སྤེལ་ཡོད་པའི་ནང་། ཐེངས་འདིར་ལེ་བྷེ་ཡའི་སྒེར་སྤྱོད་སྲིད་དབང་མགོ་རྟིང་སློག་ཆེད། ཎ་ཊོ་མཉམ་འབྲེལ་དམག་དཔུང་བཏང་ཡོད་པ་དེས་ལེ་བྷེ་ཡའི་མི་སེར་ལ་སྲུང་སྐྱོབ་དང་གྷ་ཌ་ཧྥེའི་དབང་ཤུགས་ཕམ་ཉེས་གཏོང་རྒྱུའི་ཆོད་དོན་ཡོད། སྲིད་འཛིན་གྷ་
བསྒྲགས་ཡིད་དེའི་ནང་། སྲིད་དབང་སྒེར་གཅོད་པ་རྩ་མེད་བཏང་སྟེ། ལེ་བྷེ་ཡ་སྲིད་གཞུང་དང་སྤྱི་ཚོགས་བསྐྱར་གསོ་འཛུགས་སྐྲུན་ཐད། མཉམ་འབྲེལ་རྒྱལ་ཚོགས་དང་དེའི་ཁོངས་མི་རྣམས་ཀྱིས་རོགས་འདེགས་བྱ་རྒྱུ་ཡིན་ཞེས་ཀྱང་གསལ་འདུག
གསར་འགོད་པ། བནྡེ་སྐྱབས།
དྲྭ་གྲོགས་ཚོ་དེ་འདྲ་མ་གསུང་། ང་ཚོ་བོད་ལ་སྣུམ་ཐོན་ཁུངས་མེད་པ། དེ་ན་དོན་དམ་པའི་རྒྱབ་སྐྱོར་སུ་ཡི་བྱེད།
འཁྱམས་པོས་གསུངས་པར་མོས་མཐུན་ཡོད།
ཨོ་བྷ་མས་གསུངས་སྟངས་ལ་ལྟས་ན་སྲིད་དངབ་གཅིག་བསྡུད་པ་དེ་ཚོར་མེད་པ་བཟོ་གི་ཡིན་ཟེར།
དེ་ལྟར་ན་རྒྱ་ནག་དམར་ཤོག་ལ་དམག་འཐབ་བྱོས་དང་ཨ་མའི་བུ་རྒོད་ཡིན་དེ་མིན་པཱོ་པཱོས་ཐུབ་ས་རྨོ་རྨོ་ཞེས་པའི་དཔེ་ལྟར་མིན་ནམ།
ཉམས་ཆུང་རྒྱལ་ཁབ་ལ་ཐུབ་ཚོད་རང་རེད།
བྷུ་ཤི་ཡིས་ཀྱང་དེ་ལྟར་བྱས་སོང།
ཎ་ཌོའི་དམག་དཔུངས་ལ་འཇོན་སྟངས་དང་དཔའ་བློ་ཁོག་ཡོད་ན་རྒྱ་ནག་གི་སྟེང་དུ་བགྱིས་དང་དེ་ནས་དྲང་པོ་ཡིན།
དེ་མིན་ཐུབ་ཚོད་རང་རེད།
Nato ཞེས་དམངས་སྐྱོབ་བམ་དམག་སྐྱོབ་མཉམ་འབྲེལ་དམག་དཔུང་ཞིག་ཡོད་ན་རྒྱ་ཐོག་ལ་ཏག་ཏག་གཏོང་རན་རེད་བོད་སྐྱོབ་ཀྱི་དུས་ལ་བབ་འདུག
ལྟོས་དང་ད་སྐབས་རྔ་བའི་གནས་སྟངས་དེའང་ལེ་བྷེ་ཡི་གནས་སྟངས་དང་གཅིག་མཚུངས་རེད།
འོན་ཀྱང་བོད་དོན་ནི་རྒྱ་ནག་དང་གོང་གི་རྒྱལ་ཁབ་དེ་དག་བར་གྱི་ཆབ་སྲིད་འཚོང་རྫས་ཞིག་སྟེ་ཕྱོགས་སོ་སོའི་དགོས་མཁོ་ཁོ་ནའི་ཆེད་དུ་གླེང་སློང་ཙམ་རེ་ལས་དོན་ངོས་སུ་ཞིག་གིས་བོད་པ་ཚོ་སྐྱོབ་་་་