མདང་དགོང་རྒྱ་གཞུང་དྲག་དམག་གིས་ཀིརྟི་དགོན་པའི་མཐའ་བསྐོར་ཏེ་གྲྭ་པ་༣༠༠ལྷག་འཛིན་བཟུང་བཙན་ཁྲིད་དང་།ལོ་༦༠ལྷག་ཡིན་པའི་རྒན་རྒོན་གཉིས་རྐྱེན་ལམ་དུ་བཏང་འདུག
ཁ་སང་ཕྱི་ཚེས་༢༡ཉིན་གྱི་བོད་ནང་གི་མཚན་མོའི་དུས་ཚོད་༩ཙམ་ནས་རྔ་པ་ཀིརྟི་དགོན་པའི་གྲྭ་ཤག་རེ་རེར་རྒྱ་གཞུང་གིས་དྲག་ཆས་དམག་དཔུང་དང་།ཉེན་རྟོག་པ།ཁྱད་ལས་དྲག་དམག་བཅས་འགྲེམས་འཇོག་བྱས་ཏེ་དགེ་འདུན་པ་༣༠༠ལྷག་འཛིན་བཟུང་གིས་སྤྱི་སྤྱོད་རླངས་འཁོར་ཆེ་བ་བཅུ་གྲངས་ཤིག་གི་ནང་བླུགས་ནས་ས་གནས་གཞན་ཞིག་ཏུ་ཁྱེར་ཡོད་འདུགས་གནས་ཡུལ་མི་ཚོས་གོ་ཐོས་བྱུང་བ་ལྟར་ན་གྲྭ་པ་རྣམས་རྔ་པ་རང་སྐྱོང་ཁུལ་གྱི་བུན་ཁྲོན་རྫོང་དང་།མོའོ་རྫོང་།བཀྲ་ཤིས་གླིང་རྫོང་བཅས་སུ་བཙན་ཁྲིད་བྱས་འདུག
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་ལགས་གཉིས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན།མདང་དགོང་གྲྭ་པ་རྣམས་འཛིན་བཟུང་བཙན་ཁྲིད་བྱ་སྐབས།དེ་སྔ་ནས་དགོན་པའི་ཉེ་འདབས་སུ་ཉིན་མཚན་གཉིས་ཀར་དགེ་འདུན་པ་རྣམས་སྲུང་སྐྱོབ་ཆེད་བསྡད་ཡོད་པའི་ལོ་ན་རྒན་རྒོན་གཙོས་མང་ཚོགས་༢༠༠ལྷག་ཡོད་པ་རྣམས་ཀྱིས་བཀག་འགོག་བྱས་པར་གཅར་རྡུང་དྲག་པོ་བཏང་སྟེ།དགུང་ལོ་༦༠ཡིན་པའི་མཐའ་བ་གོང་མའི་དོན་ཁོ་དང་།དགུང་ལོ་༦༥ཡིན་པའི་གཅའ་ཞང་ནག་ཚང་མའི་ར་ཁོ་ཚང་གི་ཤེར་སྐྱིད་གཉིས་རྐྱེན་ལམ་དུ་བཏང་ཡོད་པར་མ་ཟད། རྒན་མོ་ཞིག་གི་རྐང་པའང་དུམ་བུ་གསུམ་དུ་བཅག་པ་སོགས་མི་མང་པོའི་རྐང་ལག་བཅག་ཡོད་པའི་གནས་ཚུལ་བྱུང་ཡོད་པ་དང་།སྐབས་དེར་མང་ཚོགས་ནས་སྐད་ཤུགས་ཆེན་པོས་ངུ་འབོད་བྱས་པར་ཁ་ནང་དུ་རས་སོགས་བརྫངས་ཏེ་བཙན་གྱིས་སྐད་བརྒྱག་བཅུག་མེད་པ་རེད།རྗེས་སུ་མི་མང་རྣམས་དོ་སྐྱེལ་རླངས་འཁོར་བཞིའི་ནང་ལ་བླུགས་ནས་གཉིས་དམག་སྒར་ནང་ཁྱེར་ཡོད་པ་དང་།གཉིས་རས་བོང་ཞེས་པའི་དུར་སའི་ནང་ཁྱེར་ཡོད་འདུགཕྱི་ཚེས་༢༢ཉིན་མི་ཕལ་ཆེ་བ་གློད་ཡོད་ནའང་ལོ་གཞོན་པ་ཁག་ཅིག་མུ་མཐུད་དུ་བཀག་ཉར་བྱས་ཡོད་པ་དང་།ནགས་ལས་བློ་བཟང་ཚང་གི་བུ་མོ་ཞིག་ཀྱང་མདང་དགོང་བཙན་འཁྲིད་བྱས་ཏེ་གར་སོང་ཆ་མེད་དུ་གྱུར་ཡོད་འདུག
གཞན་ཡང་ཕྱི་ཚེས་༢༢ཉིན་རྔ་པ་རྫོང་ཐོག་གི་ཁྲོམ་རའི་ཚོང་ཁང་དང་ཟ་ཁང་ཡོངས་རྫོགས་སྒོ་བརྒྱབ་ཡོད་པ་དང་།ཉེན་རྟོག་པ་དང་དམག་མིའི་རླངས་འཁོར་མ་གཏོགས་གཞན་ཚང་མ་བཀག་སྡོམ་བྱས་ཡོད་པར་མ་ཟད།མདང་དགོང་འཛིན་བཟུང་བྱས་པའི་གྲྭ་པ་རྣམས་ཀྱི་གྲྭ་ཤག་ཚང་མའི་སྒོ་ངོས་སུ་སྒོ་ཕྱེ་མི་ཆོག་ཞེས་པའི་ཡི་གེ་སྦྱར་ཡོད་འདུག
གསར་འགོད་པ། ཚེ་རིང་རྒྱལ།
ཨ་ཨ། རྔ་བ་ཀུརྟི་དགོན་པར་ཆེ་ཉེན་ཕྲེང་གི་གནས་སྟེང་འདི་ལྟ་བུ་ལ་ཕྲད་དུས། ཀུརྟིའི་སྲུང་མ་ཞེས་ཡོངས་གྲགས་ནང་ཁུལ་ལ་མཐུ་རྩལ་ཅན་ཞིག་ཡོད་པ་དེ། ད་རེ་གནད་འགོག་གི་སྐངས་སུ་གོ་མེད་ཚོར་མེད་གྱི་གང་ལ་བསྐུངས་སྡད་པ་ཡིན་ནམ། ཡང་ན། འདི་ལས་གལ་ཆེན་གྱི་བྱ་བཞག་ཞིག་གིས་མ་ཁོམ་པ་ཡིན་ནམ། གང་ལྟར་དགོས་འཁོ་ལ་ཐུགས་དུས་གོ་ཚོར་གང་ཡང་མེད་པ་ནི། ཆེ་བློ་ཕམ་གྱི་གནས་ཞིག་མ་ཡིན་ནམ། འདི་ལྟ་བའི་སྲུང་མའི་མིང་ཅན་འཇིག་རྟེན་དྲེགས་པའི་རིགས་ལ་ཡིད་མི་གཏོད་པར་ད་ཕྱིན་ཆད་བསང་གསུར་སོགས་ཆུ་ཟས་སུ་མ་བཏང་ན་མི་དགའ་འམ། ཇི་སྐད་དུ། བདག་ནི་བདག་གི་མགོན་ཡིན་གྱི།། ཞེས་གསུང་བ་བཞིན་རང་ཉིད་གྱི་ལས་དོན་རང་ཉིད་གྱིས་འབད་པས་སྒྲུབས་པ་ལས། འཇིག་རྟེན་དྲེགས་པ་སོགས་ལ་རེ་ལྟོས་རྐྱང་རྐྱང་མི་བྱེད་རྒྱུ་ནི་ཆེ་གལ་ཆེའོ་སྙམ།།
མི་རིགས་དང་བོད་བསྟན་པ་ཆབ་སྲིད་ཀྱི་ཆེད་དུ་རང་སྲོག་བློས་བཏང་བའི་ཕུན་ཚོགས་གཙོ་བའི་མི་དམངས་ཡོངས་ལ་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་དུས་ནམ་ཡིན་སེམས་ཤིགས་མ་ཆག་བློ་མ་ཕམ་ང་ཚོ་ལ་རྒྱལ་སྤྱིའི་ཐོག་ནས་ལྟ་སྟངས་ཞིག་ཡོད་མི་སྲིད་པ་མ་རེད་།
འཕགས་ཡུལ་ཀིརྟིའི་བྱེས་པ་གྲྭ་ཚང་་ནས་གཞི་རྒྱ་ཆེ་བའི་གོམ་བགྲོད་ལས་འགུར་ཞིག་ལྡི་ལིར་བར་དུ་གཟའ་ལྷག་པའི་ཉིན་ནས་སྤེལ་གནང་གི་ཡོད་པའི་གསར་སྒྲིག་ཐོན་འདུག་པས་དགོན་སྡེ་གྲྭ་ཚང་ཁག་དང་མི་མང་མཉམ་བཞུགས་གནང་ན་གོ་སྐསབས་ལེགས་ཤོས་རེད། ང་རང་རྡ་སའི་ལས་འགུར་ནང་དུ་མཉམ་བཞུགས་བྱེད་མི་ཐུབ་ཀྱང་འདི་ཕྱོགས་ནས་ལས་འགུར་ག་རེ་སྤེལ་ན་གོ་སྐབས་ལེན་རྒྱུ་ཡིན།
སྐྱབས་རྗེ་ཀིརྟི་རིན་པོ་ཆེ་ཡིས་སྐྱབས་འོག་ཏུ་འཚོ་བའི་ཀིརྟི་དགོན་གཞིས་ལས་སོགས་རྔ་བའི་མི་དམངས་རྣམས་ནས་འདི་ལྟ་བོད་ཞེན་གྱིས་ལྷག་བསམ་རྨ་མེད་རང་སྲོག་བློས་གཏོང་གི་བྱ་བར་མཐའ་གཅིག་ཏུ་རྒྱབ་སྐྱོབ་ཞུ་རྒྱུ་མ་ཟད་ཁྱེད་རྣམས་ཀྱི་ལུས་སྲོག་བློས་བཏངས་བྱས་པ་དག་ཆུད་ཟོས་སུ་ནམ་ཡང་མི་འགྲོ་བའི་ཡིད་ཆེས་དང་སྨོན་ལམ་ཞུ་བཞིན་ཡོད།
བསམ་དོན་འགྲུབ་པར་ཤོག།
འདི་ལྟ་བུར་རྒྱབ་སྐྱོར་གྱི་ཚུལ་དུ་ལས་འགུལ་སྤེལ་མཁན་བྱུང་ཚེ་མཉམ་བཞུགས་བྱེད་རྐྱང་བྱེད་རྒྱུ་མ་ཟད་རྒྱུ་དངོས་ཀྱི་སྟེང་ནས་ཞལ་འདེབས་གང་ཐུབ་ཕུལ་རྩིས་ཡོད།
ཁྱེད་རྣམས་ལ་བདེ་སྐྱིད་ཀྱི་ཉི་མ་ཤར་བར་ཤོག
ཀིརྟི་དགོན་པའི་སྐྱ་སེར་ཚང་མ་ལ་ཐུགས་རྗེ་ཞུ་རྒྱ་དང་འདིར་སྡོད་བོད་མི་ཡོངས་ནས་སེམས་ཤུགས་གཅིག་སྒྲིལ་བྱས་ནས་ཡར་ལ་ལིང་བྱེད། དེ་མིན་མཉམ་འབྲེལ་རྒྱལ་ཚོགས་དང་སྤྱི་ཚོགས་ལ་མ་གོ་མ་ཐོས་མེད་པ་ཞིག་བྱེད་དགོས་པ་ཕྱི་སྡོད་བོད་མའི་ལས་འགན་རེད་བསམ་གི་བོད་ནང་དུ་མི་གནོད་པའི་ལས་འགལ་རེ་བསྒྲུབ་རྒྱུ་ཡོད་ན་དེའི་ཐོག་ལ་བོད་མི་ཡོངས་ནས་སེམས་ཤུགས་རྒྱག་རྒྱུ་དང་བོད་དོན་རྒྱབ་སྐྱོར་ཚོགས་པ་ཁག་ལའང་འབྲེལ་བ་བྱས་ནས་ཐབས་ཤེས་རེ་རེག་ཐུབ་བྱེད་རོགས་ཞུ། མཁྱེན་དཔྱོད་ཅན་དང་ནུས་ལྡན་རེ་ཡོད་ན་ནུས་པ་དེ་འདོན་རན་འདུག
སྐབས་དང་དུས་ལ་བབས་འདུག་་་་་་་་་་་་་་་་་་་་་་་་་་་་་་་་
དཀའ་ཁག་ཆེ་ན་ཡང་བོད་ཁམས་སྤྱི་ནས་གྲ་ཕུན་ཚོགས་དང་ཀརྟིའི་ལས་འགུལ་འདི་ལ་རྒྱབ་སྐྱོར་བྱེད་དགོས། དེ་མིན་རང་གི་ཁེ་ཕན་ཕྲན་བུའི་ཆེད་མངོན་ལྐོག་གཉིས་ནས་བོད་ནང་ཁུལ་ལ་འཐབ་རྩོད་བྱེད་པ་ནི་སྐྱུག་བྲོ་བ་ཞིག་རེད། དཔེར་ན། ཉེ་ཆར་ཡུལ་ཤུལ་ནས་ས་གནས་དཔོན་ངན་རྒྱ་དགའ་ཚོས་བརྒྱུད་སྐུལ་ལས་བོད་ཀྱི་རིག་གནས་དང་འཛུགས་བསྐྲུན་ལ་བྱས་རྗེས་ཆེ་བའི་བསྟན་ཁོ་ལ་ཁྲོམ་སྐོར་བྱེད་པ་དང་གོང་ལ་ཞུ་གཏུགས་བྱེད་སཽགས་བྱས་འདུག
རྒྱུ་མཚན་སྔོན་ཆད་ཁོ་ཚོའི་ཧམ་ཟ་བྱས་པའི་ས་རྒྱ་ཆེན་པོ་དེ་དག་སྒེར་ལ་བླངས་ནས་རྒྱ་མི་དང་ཁ་ཆེ་ཕྱུག་པོ་ཚོ་སྐད་བཏང་ནས་མ་རྩ་འཛུགས་གི་འཇུག་ཆེད་རེད་ཟེར། བསྟན་ཁོ་འུ་ཐུགས་ནས་མཚོ་ལྷོར་སོང་ནས་ལས་བྱེད་ལྔ་བཅུ་ཁྲིད་་ཡོང་ནས་བྱ་བ་སྒྲུབ་མོད་། ད་དུང་དཔོན་ངན་ཚོས་ངན་བཅོས་བྱས་པས། ཁོ་ཡང་བསྐྱར་ཟི་ལིང་ནས་ལས་བྱེད་དྲུག་ཅུ་ཁྲིད་ཡོང་འདུག་ཟེར། ད་དུང་ཁོའི་ལས་གནས་བརྟན་པོ་ཡིནམིན་བཤད་ཁག་པོ་རེད་ཟེར། བོད་རང་གི་ཚོང་པ་མང་པོས་མ་རྩ་མང་ཙམ་འཛུགས་ཐུབ་པའི་རེ་བ་འདུག་ཟེར། དེ་ལྟར་བྱས་ན་བརྒྱ་ཆའི་ལྔ་བཅུ་གཞུང་གིས་གཏོང་ས་རེད། ཡུལ་ཤུལ་བ་རྣམས་གཉིད་སད་རིན་རེད། ཁ་སང་ཕྱི་སྡོད་བོད་མི་ཞིག་ལ་ཡུལ་ཤུལ་གི་སློབ་ཕྲུག་སྟོང་ཕྲག་མང་པོ་རྒྱ་ནང་ལ་ཁྲིད་འདུག་པ་ནི་ཉེན་ཁ་ཆེན་པོ་རེད་ལབ་པ་ཡིན། ཁོས་་་ཡག་པོ་རེད། རྒྱ་ནང་ན་མཐུན་རྐྱེན་ཡག་པོ་ཡོད་པ་རེད་ཟེར།
ཐོ་ནེ་ཞི་ཡའི་ཤིང་ཏོག་བཙོང་མཁན་མི་དཀྱུལ་མ་ཞིག་གིས་རང་ལུས་ལ་མེ་བརྒྱབས་ནས་རང་སྲོག་བཏང་བ་ནས་རྐྱེན་བྱས་སྟེ་ཨ་རབ་གླིང་གི་གསར་བརྗེ་ཡི་མེ་ལྕེ་མཆེད་དང་མཆེད་བཞིན་འདི་རེད། བོད་ཀྱི་བློ་བཏོང་བ་ཆེན་མོ་གྲ་ཕུན་ཚོགས་རང་སྲོག་དོར་བའི་ལས་འགུལ་ལ་ཀརྟི་དགོན་པའི་འཁོར་ཡུག་ན་མ་གཏོགས་གྲགས་འགུལ་མེད་པའི་རྒྱུ་མཚན་ཅི་རེད། ལྟ་བ་མཐུན་མིན་ཕྲན་བུའི་དབང་གིས་དམར་ཕྱོགས་གི་བསམ་བློ་ཡོད་མཁན་ཚོས་གྲ་བ་དང་མང་ཚོགས་ཀྱི་ལས་འགུལ་ལ་ནུས་པ་མི་འདོན་པ་ནི་ཐབས་སྐྱོ་བོ་གཅིག་རེད་།
ད་རུང་ངས་གོ་ཚོད་ལ་རྔ་བ་རྫོང་ཐོག་གི་བོད་རིགས་ལས་བྱེད་པ་ཚོ་ས་གནས་གཞན་དུ་ལས་སྤོར་བྱེད་དུ་འཇུག་གི་འདུག་ཟེར།
ཀིརྟི་དགོན་རྒྱལ་གཅེས་དཔའ་བོ་དེ་ཚོའི་ཆེད་དུ་གདུང་སེམས་མཉམ་སྐྱེད་ཡོང་ཆེད་རྡ་ས་ནས་རྡི་ལི་བར་དུ་གོ་མགྲོས་ཞིག་ངེས་པར་དུ་འགྲོ་དགོས་འདུག།
རྒྱ་གཞུང་གིས་མུ་མཐུད་དུ་བཙོན་ལས་དང་སྡུག་སྤྱོད་སྣ་ཚོགས་བྱེད་ཀི་རེད། ང་ཚོས་གཞུང་དམངས་གཉིས་ཀྱིས་ཀྱང་མུ་མཐུད་དུ་ལྟད་མོ་བལྟས་ནས་འདུག་རྒྱུ་རེད། དངོས་གནས་ཕན་འདོད་དང་གྲུབ་འབྲས་ལྡན་པའི་ལས་དོན་རེ་བསྒྲུབ་རྒྱུ་ཡིན་ན་སྐབས་སུ་བབ་པ་འདི་ལ་ཡུལ་ལུང་གང་ན་ཡོད་པའི་བོད་པ་རྣམས་རང་རང་སར་མཉམ་འཛོམས་བྱས་ཏེ་རྒྱ་ནག་གཞུང་ཚབ་ལ་མི་དམངས་བྱིངས་ཀྱིས་སྐབས་བབ་ཀྱི་གནས་ཚུལ་ནན་བརྗོད་དང་འབྲེལ་སྐད་འབོད་ཤུགས་ཆེན་རེ་རྒྱག་ཐུབ་ན་དེས་འགུལ་ཤུགས་ཀྱིས་ཕ་ཡུལ་མི་དམངས་ལ་ཏོག་ཙམ་ཕན་ངེས་སྙམ་ལ་རྒྱལ་སྤྱིའི་སྒང་ནས་ཀྱང་གླེང་སློང་རེ་བྱ་ངེས། དེ་ལས་མཆན་བུ་ཁ་ཤས་ཀྱིས་ལྷ་བླ་མ་དང་ཆོས་སྐྱོང་སྲུང་མས་རོགས་ཕན་བྱེད་ཀི་མེད་པའི་ཡི་ཆད་ཀྱི་སྐད་ཆའང་བཤད་ཀི་འདུག འདི་ལྟ་བུའི་ཤེས་ལྡན་པ་ཡིན་ཟེར་མཁན་ཚོའི་ད་འདའ་ཡང་རྐང་ལག་མ་འགུལ་བར་ནག་ཁུང་ལ་རེ་ལྟོས་བྱེད་པ་འདི་ཇི་འདྲའི་ཐབས་སྐྱོ་བ་ཞིག་མ་རེདའང་།
ངོ་མ་སེམས་སྐྱོ་བོ་དང་སྙིང་བ་ན་ཞིག་རེད། ཡིན་ན་ཡང་ང་ཚོས་དེ་ལྟར་སྡུག་སྐད་དང་ངུ་འབོད་བྱེད་བསྡད་ནས་ཅི་ཕན། བཙལ་བྱོལ་གཞུང་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་མིང་ཐོག་ནས་རྒྱལ་སྤྱིའི་མཉམ་འབྲེལ་རྒྱལ་ཚོགས་དང་སྟོབས་ཆེན་རྒྱལ་ཁབ་ཁག་ལ་སྙན་ཞུ་དང་མྱུར་སྐྱོབ་གྱི་ནན་སྐུལ་བཏང་ན་ཅུང་དྲག་རྒྱུ་རེད་བསམ། མི་མང་ངོས་ནས་ཀྱང་གསོལ་འདེབས་སྨོན་ལམ་ཤུགས་ཆེར་བྱེད་རྒྱུ་གལ་རེད།་་་གཅིག་གི་བྱས་སོང་གཅིག་གིས་བྱས་མ་སོང་ཟེར་ནས་ཁ་རྡུང་བཏང་བསྡད་ན་ཕན་གྱིན་མེད་པ་་ལོས་ཤེས། ཚོགས་པ་ལྔ་ལ་གོ་རྒྱུ་མེད་པ་ཅི་ཞིག་རེད།
སེམས་པ་ཡོད་ཀྱང་ཅི་ཡང་བསྒྲུབ་མི་ཐུབ་པའི་ནུས་མེད་བདག་ལྟ་བུའི་དབུགས་རིང་རེ་འཐེན་ནས་བསྡོད་རྒྱུ་ལས་བྱ་ཐབ་གཞན་མེད། མ་ཟད་བསམ་ཚུར་རེ་ཡོད་པའི་དབང་དུ་བཏང་ཅང་སེམས་ཁུངས་དུ་འཆག་སིབ་སེ་ཉལ་ནས་བསྡོད་རྒྱུ་རང་ལས་ཉན་མཁན་ཉིན་མོའི་སྐར་མ་རེད། འོན་ཀྱང་དེ་རིང་ངའི་འདི་ནས་ཨག་སྐད་ཞིག་རྒྱག་རྒྱུ་ཡིན
མཁྱེན་མངའ་བཞིན་དངོས་གཞིའི་བཀའ་ཁྲིའི་འོས་མི་གསུམ་གྱིས་འདས་མ་ད་གསུམ་ལ་བྱས་རབ་དང་བྱ་རྒྱུ་སོགས་གང་ས་ཅི་ཐད་ནས་བཀའ་མོལ་ཆུ་རྒྱུག་པ་བཞིན་གསུངས་སོང་པ་ཚང་མའི་ཐུགས་ལ་མངའ་བ་འདི་རེད། དེར་བརྟན་ཁོང་རྣམ་པའི་བཀའ་ཁྲི་སུ་ལ་ཐོབ་མིན་ལ་མ་ལྟོས་པར་མདོསྨད་རྔ་ཡུལ་ནས་མྱོང་བཞིན་པའི་དངོས་ཡོད་འདིའི་ཐོག་ནུས་པ་ཞིག་འདོད་དགོས་ངེས་ཡིན་པ་མ་ཟད།
སླེབ་་ལ་ཉེ་བའི་བཀའ་ཁྲིར་སུ་གཏན་ཁེལ་བ་དེའི་དབུ་ཁྲིད་པའི་ཐོག ཚད་མེད་ཞུ་བའི་ལྟ་གྲུབ་གཞི་ལ་བཞགས་དེ་གཞི་རྒྱ་ཆེ་བའི་འགུལ་བསྐྱོད་ཞིག་བྱེད་རེན་རེད།
སྤྱིར་བོད་མི་མི་རེ་ངོས་རེ་རང་ཉིད་ཀྱི་འགན་རེ་ཡོད་ཟེར་ཡང་།འདི་བཤད་ཚུལ་ཙམ་ཞིག་ལས་ནུས་པ་ངེས་ཅན་ཞིག་འདོན་མི་ཐུབ་པ་འདས་ཟིན་པས་ཤེས། གནད་ཡོད་མི་སྣ་དང་ལས་ཀྱི་སྣེ་མོ་བ།་ལྷག་དོན་དུ་འབྱུང་འགྱུར་གྱི་བཀའ་ཁྲི་ལྟ་བུ་ཞིག་གི་དབུ་ཁྲིད་འོག་གཉིས་སྨན་དབུ་མ་བསྒྲུབ་བྱ་དང་ཚད་མེད་ཞུ་བའི་ལྟ་གྲུབ་སྒྲུབ་བྱེད་དུ་བཟུང་ནས་རྒོལ་ལེན་ཞིག་ལོག་ན???????????དེ་མིན། གཞན་འབའ་ཞིག་ལ་རེ་བའི་རང་དོན་མི་འགྲུབ་པ་དངོས་པོའི་གནས་ལུགས་ཡིན།
འདས་པོ་གཉིས་དལ་འགྲོར་སྐྱེ་བའི་སྨོན་ལམ་དང་། ཉེས་བརྡུང་ལས་མྱུར་གྲོལ་བའི་སྨོན་ལམ་ཞུ།
ད་ནི་ང་ཚོས་ལྟ་གྲུབ་རྩོད་པའི་དུས་ཚོད་མ་རེད།ལྷ་མི་ཚང་མ་མཉམ་དུ་ཐོན་དགོས་པའི་དུས་ཚོད་རེད།སྐབས་རེར་བོད་ལྷ་འདི་ཚོས་ཁོང་ཁྲོ་ལངས་འཇུག་གི
མི་འུ་ཐུག་པའི་ཉིན་མོར་ལྷ་འདི་ཚོའི་རྫུ་འཕྲུལ་དང་།ནུས་པ་སོགས་གང་ཡང་མཐོང་རྒྱུ་མི་འདུག་་་་
བསྟན་དང་དེ་འཛིན་ཆབ་སྲིད་རང་རིགས་སླད།
གཅེས་པའི་ལུས་སྲོག་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
རྒྱལ་སྤྱིའི་མཉམ་འབྲེལ་རྒྱལ་ཚོགས་ཞེས་བའི་དོན་ལྡན་ཞིག་ཡོད་ན་འདི་ཚོ་ལ་བསམ་གཞིགས་རེ་དང་ཁ་རེ་གྲགས་རོགས། མིང་ཙམ་གྱི་མཉམ་འབྲེལ་རྒྱལ་ཚོགས་ཡིན་ན་སྤྱི་ཚོགས་ལ་ཕན་པ་གཅིག་འབྱུང་མི་ཐུབ་ཁོ་ཐག་ཡིན།
རྒྱལ་གཅེས་ཀྱི་སྤུན་ཟླ་རྣམ་པ་ཁྱོད་ཚོས་ཤེས་སམ་གཟིགས་དང་གོང་གི་ཡ་ངལ་བའི་གནས་ཚུལ་འདི་ལ། གསུངས་དང་ད་ང་ཚོས་ཅི་བྱ་ན་བཟང་། སྔ་མོ་བཞིན་སྨོན་ལམ་བརྒྱབས་ནས་བསྡད་ན་ཡག་གམ། ཡང་ན་གང་ཐབས་གང་ཡོད་དམ། ཏ་ལྟའི་འཆར་དངོས་ཡོད་ཀྱི་མི་དམངས་ཀྱི་དཀའ་ངལ་ལས་ཐར་ཐབས་ཞིག་དགོས་པ་དེ་གལ་ཆེ་བས་ཅི་བྱ་ན་ལེགས།
ཉིན་རེ་རེ་བཞིན་ཆེས་ཛ་དྲག་ཏུ་འགྱུར་བཞིན་འདུག སེམས་སྐྱོ་ཞིང་བྱ་ཐབས་ཟད་པ་ཞིག་རེད་དེ། རྒྱལ་སྤྱིའི་སྟེང་ལ་གཏུག་བཤེར་དང་ཞུ་འབོད་རེ་བྱས་ན་ཛ་དྲག་གི་གནས་བབ་ནས་བརྒལ་ཐབས་རེ་ཨེ་ཡོད་ལ། གཞན་ད་ནི་དོན་དངོས་སུ་ཅི་ཞིག་བྱེད་དགོས་པ་རེད།
དཀོན་མཆོག་གསུམ་པོ་མཁྱེན་་མཁྱེན། རྔ་བའི་མི་མང་དང་ཀིརྟིའི་དགོན་ནང་དུ་དམྱལ་བ་དངོས་སྟོན་བྱེད་ཀྱིན་འདུག་པས། བཙན་བྱོལ་བོད་གཞུང་དང་ཚོགས་སྡེ་ཁག་ལྷག་པར་དུ་བཙན་བྱོལ་ནང་གི་དགོན་སྡེ་ཡོངས་ཀྱི་གདུང་སེམས་མཉམ་སྐྱེད་ཡོང་ཆེད་་ཞི་བའི་ལས་འགུར་གཞི་རྒྱ་ཆེ་བ་ཞིག་མགྱོགས་ནས་མྱུར་དུ་སྤེལ་རོགས་ཞུ་ཞུ་ཞུ།