གནས་ཚུལ་འབྱོར་གསལ་ལྟར་ན། ཟླ་ ༣ ཚེས་ ༡༦ ཉིན་ཨ་མདོ་རྔ་པ་རྫོང་གི་ཀིརྟི་དགོན་གྱི་གྲྭ་བ་ཕུན་ཚོགས་ལགས་ཀྱིས་རང་ལུས་མེར་བསྲེགས་ཀྱིས་བོད་མི་རིགས་ཀྱི་བདེ་སྡུག་རྒྱ་གཞུང་ལ་ཞུ་གཏུག་བྱས་བ་རེད། དེར་བརྟེན་ས་གནས་སྐྱ་སེར་མང་པོ་བསྡེབས་ལངས་ཀྱིས་དོན་དངོས་ར་སྤྲོད་ཆེད་ཞི་རྒོལ་བྱས། དེའི་ཁྲོད་དུ་རྔ་སྲིབ་སྤྲོ་ཚིགས་ཐང་བ་མའི་བཀྲ་རྒྱལ་ཚང་གི་ཕོ་གསར་སྐལ་བཟང་ཡང་ཡོད་ཅིང་། ཁོང་ཉིན་དེར་རྒྱ་གཞུང་གིས་འཛིན་བཟུང་བྱས་ཏེ་ད་བར་གར་སོང་ཅི་ཆགས་ཀྱི་གནས་སྟངས་ཤེས་རྟོགས་མེད་པ་ཆགས་ཡོད། ད་ཆར་ཤུལ་དུ་ཁོང་གི་བཟའ་ཟླ་དང་བུ་ཕྲུག་འགའ་ལྷག་ཡོད།
གནས་ཚུལ་དེའི་ནང་མུ་མཐུད་བཀོད་པ་ལྟར་ན། ས་གནས་རྒྱ་གཞུང་གིས་ཟླ་ ༣ ཚེས་ ༡༦ ནས་བཟུང་ད་བར་ཀིརྟི་དགོན་པ་གཙོས་རྔ་པ་རྫོང་གི་སྐྱ་སེར་མང་པོ་འཛིན་བཟུང་བྱས་ཡོད་ཀྱང་། ང་ཚོས་དེའི་ཁྲོད་ནས་ཉུང་ཤས་མ་གཏོགས་ཤེས་ཐུབ་ཀྱི་མེད་ལ། སྤྲོ་ཚིགས་ཐང་བ་མའི་བཀྲ་རྒྱལ་ཚང་གི་སྐལ་བཟང་འཛིན་བཟུང་བྱས་ཡོད་པ་དེ་ད་ལྟ་གསར་དུ་ཤེས་རྟོགས་བྱུང་བ་ཞིག་ཡིན་པ་བཞིན། ད་དུང་ཁོང་དང་ཁོང་ལྟ་བུ་ཕྱི་ཕྱོགས་ནས་ཤེས་རྟོགས་མ་ཐུབ་པར་རྒྱའི་བཙོན་འོག་ཏུ་མནར་གཅོད་མྱོང་བཞིན་པ་མང་པོ་ཞིག་ཡོད་ཟེར།
གནས་ཚུལ་མཁོ་གཏོང་བ་རྔ་ཕྲུག་ཉི་མ།
རེད་ལགས་ཅི་མི་བདེན། གནའ་ནས་ད་ཐུགས་གི་བར་དུ་མང་ཚོགས་དཀྱུས་མའི་ཟུང་ཁྲག་གི་རྒྱུད་རིམ་ཁྲོད་མི་ཆེན་དང་དབོན་ཆེན་ཚོའི་བརྗིད་མཉམ་དགོངས་ལ་བཏེགས་སྐད།
རེད་ཡ།ང་ཚོས་རྒྱུན་པར་བོད་མི་མིང་གྲགས་ཆེ་ཤོས་དེ་ཚོ་ལས་མིང་མེད་བོད་མི་དཀྱུས་མ་རྣམས་ཀྱི་མི་རིགས་དང་བོད་རྒྱལ་ཁབ་ཆེན་མོའི་བྱ་གཞག་ཐད་རང་གི་ཡོད་ཚད་བློས་བཏང་པ་ལ་སེམས་ཁུར་མ་བྱས་ན་མི་འགྲིག་གོངསབསམ་ན་བོད་དོན་ཐད་དྲང་བདེན་སྐྱོང་མཁན་མི་མང་པོ་ཞིག་ནི་དགོན་པ་ཕུད་པའི་གྲོང་པ་དཀྱུས་མ་དག་ཡིན་པས་ཁོ་ཚོ་ལའང་བླ་ཆེན་དང་།གྲྭ་པ་མཚན་སྙན་ཅན།རྩོམ་པ་པོ།གླུ་པ་གླུ་མ་བཅས་དང་འདྲ་བར་ཁོ་ཚོའི་ལུས་སེམས་གཉིས་ཀའི་ཐད་ལ་སེམས་ཁུར་དང་དོ་སྣང་བྱེད་རྒྱུ་མ་བརྗེད་དོ།