སྐབས་གསུམ་པའི་མ་འོངས་བཀའ་ཁྲིར་འདེམས་ཐོན་པ་བློ་བཟང་སེང་གེ་མཆོག་གིས་རྒྱ་ནག་ལྷན་དུ་གྲོས་མོལ་ག་དུས་གནང་ཡང་གྲ་སྒྲིག་ཡོད་ཅེས་གསུངས་འདུག
ཕྱི་ཚེས་༡༢ཉིན།སྐབས་གསུམ་པའི་བཀའ་བློན་ཁྲི་པའི་འོས་ཐོབ་ཀྱི་མ་འོངས་བཀའ་ཁྲི་བློ་བཟང་སེང་གེ་མཆོག་གིས། ལྡི་ལི་གསར་པར་ཨེ་ཕེ་གསར་ཁང་གི་བཅར་འདྲིའི་སྐབས།རིང་མིན་ཁོང་གིས་དབུ་འཁྲིད་པའི་འཛིན་སྐྱོང་བཀའ་ཤག་གསར་བའི་སྲིད་བྱུས་བཟུང་ཕྱོགས་དང་འབྲེལ་བའི་སྐོར་ལན་འདེགས་གནང་ཡོད་པར་མ་ཟད། ལྡི་ལིར་དུས་ངེས་མེད་ཀྱི་ཟས་བཅད་ངོ་རྒོལ་གནང་མཁན་གཞོན་ལྷན་རྒྱུན་ལས་རྣམ་པ་གསུམ་ལ་ཆེད་དུ་གཟིགས་སྐོར་འཚམས་འདྲི་གནང་སྟེ། བོད་ནང་བོད་མི་ཚོར་རྒྱབ་སྐྱོར་མཚོན་ཆེད་ཁོང་རྣམ་པས་རང་སྲོག་བློ་གཏོང་གིས་ཟས་བཅད་ངོ་རྒོལ་གནང་བཞིན་པ་དེ་ནི་གཟི་བརྗིད་ལྡན་པ་ཞིག་ཡིན་པའི་བསྔགས་བརྗོད་དང་། ང་ཚོ་བོད་ཀྱི་མ་འོངས་རྩ་དོན་བརྩོད་པར་མགོ་ཁྲིད་མང་པོ་དགོས་པ་དང་། ཁོང་རྣམ་པ་ནི་མགོ་འཁྲིད་མཁན་རྐྱང་རྐྱང་ཆགས་ཡོད་པར་བརྟེན། མ་འོངས་ཕུགས་རྒྱང་རིང་པོར་གཟིགས་ཏེ་ཟས་བཅད་ངོ་རྒོལ་མཚམས་འཇོག་ཡོང་བའི་འབོད་སྐུལ་གནང་འདུག
བློ་བཟང་སེང་གེ་མཆོག་གིས་ཨེ་ཕེ་གསར་ཁང་གི་བཅར་འདྲིའི་སྐབས། བོད་རྒྱའི་དཀའ་རྙོག་སེལ་ཕྱོགས་ཐད་གསུང་དོན།རྒྱ་གཞུང་དང་ལྷན་ས་ཕྱོགས་གང་དང་དུས་ཚོད་ག་དུས་ཡིན་ཡང་གྲོས་མོལ་གནང་རྒྱུར་གྲ་སྒྲིག་ཡོད་ལ། ཁོང་གིས་དབུ་འཁྲིད་པའི་བཙན་བྱོལ་བོད་གཞུང་གི་ཐོག་ནས་༸གོང་ས་སྐྱབས་མགོན་ཆེན་པོ་མཆོག་གི་དགོངས་གཞི་ལྟར་ལམ་དབུ་མའི་སྲིད་ཇུས་གཞིར་བཟུང་སྟེ། བོད་ལ་མིང་དོན་མཚུངས་པའི་རང་སྐྱོང་གི་གནས་བབ་བསྐྲུན་ཐབས་གནང་རྒྱུ་ཡིན་ལ། བཙན་བྱོལ་གཞུང་གི་ཆབ་སྲིད་དབུ་འཁྲིད་པའི་ཆ་ནས་གལ་གནད་ཆེ་བའི་ལས་འགན་གཙོ་བོ་ནི། བོད་ནང་རང་དབང་བསྐྲུན་ཐབས་དང་བོད་མིའི་དབུ་འཁྲིད་༸གོང་ས་སྐྱབས་མགོན་ཆེན་པོ་མཆོག་རང་ཡུལ་བོད་ནང་ཕྱིར་ཕེབས་གནང་ཐུབ་རྒྱུར་འབད་བརྩོན་ཞུ་རྒྱུ་དེ་གཉིས་ཡིན་པས། གཞུང་གསར་བའི་འགན་ཁུར་རྩིས་ལེན་ཞུས་རྗེས་སྲིད་ཇུས་དེ་དག་ལག་བསྟར་གནང་གི་ཡིན་ཞེས་གསུངས་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༼བཙན་བྱོལ་བོད་གཞུང༽་ཞེས་བའི་མིང་དེ་༼བཙན་བྱོལ་བོད་མིའི་སྒྲིག་འཛུགས༽་ལ་བཟོས་བཅོས་རྒྱག་དགོས་བའི་རྒྱུ་མཚན་ཅི།
ང་ནི་བོད་ནང་ལོག་གི་ཨ་མདོ་བ་ཞིག་ཡིན། ད་ལྟ་ཉི་ཧོང་ན་ཡོད།
འབྱུང་འགྱུར་ཚོགས་གྲབས་ཡོད་པའི་བོད་རྒྱལ་ཡོངས་གྲོས་ཚོགས་འཚོགས་སྐབས་གླེང་གཞིར་གྱུར་ཡོད་པའི་གཤམ་གྱི་གནད་དོན་ཁག་གཉིས་ལ་བློ་འཚབ་ཆེན་པོ་སྐྱེས་བཞིན་ཡོད་པས། བསམ་ཚུལ་ཐུང་ཙམ་འདོན་འདོད། བོད་ནང་ལོག་གྲོགས་པོ་ཁ་ཤས་ཀྱིས་ཀྱང་དེའི་ཐད་ལ་བློ་འཚབ་དང་ཁོང་ཁྲོ་ཆེན་པོའི་རྣམ་འགྱུར་སྟོན་བཞིན་འདུག
༼བཙན་བྱོལ་བོད་མིའི་སྒྲིག་འཛུགས་སུ་བཟོ་བཅོས་རྒྱག་དགོས་པ༽ཞེས་བའི་གྲོས་གཞི་དེ་འདོན་མཁན་ནི་བོད་གཞུང་ཡིན་སྲིད། བོད་གཞུང་གི་ནང་ནས་དེ་ལྟར་བླུན་པོ་སྨྱོན་པ་ལྟ་བུའི་གྲོས་གཞི་མ་གཏོགས་འདོན་མཁན་མི་འདུག་གམ། དེ་འདྲའི་གྲོས་གཞི་འདོན་དགོས་པའི་རྒྱུ་མཚན་ཅི།
དགེ་ལགས་ཁྱེད་ཀྱིས་གསུངས་པར་ལྟར་ན། བཙན་བྱོལ་གཞུང་གི་བཀའ་ཤག་དུས་ཡུན་ཐེངས་གཉིས་ལས་མང་བ་བཞག་ན་འགྲིགས་ཀྱི་མ་རེད་གསུངས་སོང་། གང་ཡིན་ཟེར་ན། དུས་ཡུན་རིང་སོང་ན་ཁོས་དངུལ་གྱིས་བསླུ་བྲིད་གཏོང་བའི་ཉེས་འགལ་ཡོད་རེད་ལབ་སོང་།གལ་སྲིད་ཁོས་དངུལ་གྱིས་མི་མང་བསླུས་སྟེ་རྐུབ་སྟེབས་སྟེང་དུ་སླེབས་པ་ཡིན་ན་ཁོང་ལ་ཁེ་ཕན་གང་ཡོད་དམ། རང་ཉིད་ལ་ཁེ་ཕན་ཞིག་ཡོད་པ་ཡིན་ན་གསར་འདེམས་བྱེད་པའི་བཀའ་ཤག་དེས་ཀྱང་དངུལ་གྱིས་མང་ཚོགས་བསླུ་བྲིད་གཏོང་བའི་ཉེ་འགལ་དེ་སླེབས་པ་མ་རེད་དམ། ངའི་བསམ་ཚུལ་བྱེད་པ་ཡིན་ན་བཀའ་ཤག་གི་དུས་ཡུན་ངེས་མེད་བྱེད་པ་ཡིན་ན་དགའ་ཡི་རེད་དྲན་སོང་། གང་ཡིན་ཟེར་ན། བཀའ་ཤག་་དེ་མི་མང་གིས་འོས་འདེབས་བྱས་ནས་སླེབས་པ་ཡིན་ཙང་། གལ་སྲིད་ཁོང་ལ་འཇོན་ཐང་མེད་པ་ཡིན་ན་རྐུབ་སྟེགས་ནས་མར་ཡང་མང་ཚོགས་ཀྱིས་ཕབ་ཆོག་གི་རེད། དཔེར་ན། ད་ལོའི་གསར་འདེམས་བྱེད་པའི་བཀའ་ཁྲི་ལ་ཆ་བཞག་པ་ཡིན་ན། ཁོས་དུས་རྒྱུད་དུ་གསུངས་པ་ལྟར། སྐབས་དང་དུས་ཤར་པ་ཡིན་ན་གོ་སྐབས་བཟུང་ཐུབ་དགོས་ཞེས་གསུངས་པ་ཡིན་ཙང་། དུས་ཡུན་གཉིས་ནང་སྐབས་དང་དུས་མ་ཤར་པ་ཡིན་ན་ཁོང་ལ་བྱེད་ཐབས་བྲལ།
སྐབས་གསུམ་པའི་བཀའ་བློན་ཁྲི་པའི་འོས་ཐོབ་ཀྱི་མ་འོངས་བཀའ་ཁྲི་བློ་བཟང་སེང་གེ་མཆོག་གིས་རྒྱལ་གཅེས་དཔའ་བོ་རྣམ་གསུམ་ལ་གཟིགས་སྐོར་དང་འཚམས་འདྲི་གནང་བ་ཐུག་རྗེ་ཆེ།
རྒྱལ་གཅེས་དཔའ་བོ་གསུམ་ལ་བཀའ་དྲིན་སྙིང་ནས་ཞུ།
བོད་ཀྱི་བཀའ་ཁྲི་བློ་བཟང་སེངྒེ་མཆོག་གིས་ལས་དོན་དེ་དེ་བཞིན་འགྲུབ་པར་སྨོན།
གྲུབ་འབྲས་ལེགས་པོ་ལ་ཡིད་ཆེས་དང་རེ་བའི་འཁེང་།
རྒྱལ་གཅེས་དཔའ་བོ་རྣམ་གསུམ་ལ་ཡི་རངས་བླ་ན་མེད་པ་ཞུའོ།།
བོད་ཀྱི་བཀའ་ཁྲི་བློ་བཟང་སེངྒེ་མཆོག་གིས་གཟིགས་སྐོར་དང་འཚམས་འདྲི་གནང་བར་ཡིད་སེམས་འགུལ་སོང་བས་ན། བཀའ་དྲིན་ཆེ་ཡང་ཡང་ཞུའོ།།
གཞོན་ནུའི་ད་ཐེངས་ལས་འགུལ་འདིར་བསམ་ཡུལ་ལས་འདས་པ་ཞིག་མ་རེད་གམ། ང་ལ་མཚོན་ན་ཚོགས་གཞོན་དོན་འགྲུབ་ལྷ་དར་མཆོག་དེ་སྔོན་ས་གནས་ཁག་དུ་ཕེབས་སྐབས་ངོ་ཤེས་ཀྱི་ཡོད། ཡིན་ཡང་ད་རིང་བཀའ་ཁྲི་གསར་པ་བློ་བཟང་སེང་གེ་མཆོག་གི་མདུན་དུ་བཞུགས་ཡོད་པའི་བོད་རིགས་དཔའ་བོ་ཁོང་སུ་ཡིན་དང་པོ་ངོ་ཐག་ཆོད་མ་སོང་། དངོས་གནས་ཡིན་ད་ཐེངས་ཁོང་ཡོང་རིང་ནད་གྱི་གནར་བའི་ནད་པ་བཞིན་ངོ་གདོང་ལ་བལྟས་ན་ངོ་ཐག་མཆོད་དཀའ་བ་དང་ཐ་ན་ཡོན་རིང་སྐུ་ཚེ་བསྟན་པ་མི་འདུག་བསམ་ནས་བློ་ཚབ་སྐྱེ་འོས་པ་ཞིག་རེད་འདུག།
ཆེས་མཆོག་ཏུ་བཀུར་འོས་པའི་གཞོན་ལྷན་གྱི་ཟས་བཅད་ངོ་རྒོལ་བ་རྣམ་པའི་རྒྱལ་ཞེན་སྙིང་སྟོབས་ལ་བསྔགས་བརྗོད་དང་འབྲེལ་འཚམས་འདྲི་ཡོད། ང་ཚོར་ཁྱེད་རྣམ་པའི་སེམས་ནང་གུང་ཁྲན་གྱི་མེ་མདའི་ཁ་ཡི་བོད་ཀྱི་རྒྱལ་གཅེས་དཔའ་བོ་རྣམས་ལ་གདུང་སེམས་བསྐྱེད་པ་ལྟར། ང་ཚོ་ཡང་ཁྱེད་རྣམས་ཀྱིས་གཙོས་བོད་ནང་གི་རྒྱལ་གཅེས་པ་རྣམས། ནམ་ཡང་སེམས་ཁུངས་སུ་ཉར་ནས་ཡོད་ལ། ཁྱེད་རྣམས་ཀྱི་བསམ་དོན་འགྲུབ་པ་དང་བཀྲེས་ལྟོགས་ཀྱི་ཚོར་བས་གདུང་བ་ཆེས་ཆུང་ཆུང་ནས་མེད་པར་གྱུར་པ་དང་། མྱུར་དུ་འུ་ཅག་སྤུན་ཟླ་རྣམས་གསལ་ཞལ་མཇལ་བའི་སྨོན་འདུན་ཞུ། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་། སྐུ་ཚེ་རིང་།