བསམ་བློ་རང་བཙན་ཆེད་དུ་འཁོར་བཞིན་ཡོད།
གོམ་པ་རང་བཙན་ཆེད་དུ་སྤོ་བཞིན་ཡོད།
སྐད་ངག་རང་བཙན་ཆེད་དུ་འདོན་བཞིན་ཡོད།
འཚོ་བ་རང་བཙན་ཆེད་དུ་འཚོ་བཞིན་ཡོད།
ང་ལ་རང་བཙན་དགོས། རང་བཙན།
ང་ཡི་སྐད་དང་ཡི་གེར་རང་བཙན་དགོས།
ང་ཡི་རིགས་དང་རུས་པར་རང་བཙན་དགོས།
ང་ཡི་གཤིས་དང་སྲོལ་ལ་རང་བཙན་དགོས།
ང་ཡི་འགྲོ་འདུག་ཀུན་ལ་རང་བཙན་དགོས།
ང་ལ་རང་བཙན་དགོས། རང་བཙན།
རྒྱ་ལ་རང་བཙན་ཡོད་པ་སྐྱིད་ཀི་མོད།
བོད་ལ་རང་བཙན་མེད་པ་སྡུག་གི་ཡོད།
ཐོབ་དང་གོ་ས་མེད་པའི་སྐྱབས་བཅོལ་བ།
རང་བཙན་ཆེད་དུ་ཁ་ལག་མཉམ་འགུལ་བྱོས།
ང་ལ་རང་བཙན་དགོས། རང་བཙན།
བོད་པའི་རང་བཙན་རྒྱ་ཡིས་འཕྲོག་པ་རེད།
ད་ནི་ཕྱིར་ལ་སྤྲོད་པའི་དུས་ཤིགས་ཡིན།
དེ་མིན་ང་ཡི་རིགས་འདི་ཡར་བླངས་ན།
རྒྱ་གཞུང་དམར་པོའི་རྒྱལ་ཁབ་བདེ་འཇགས་མེད།
ང་ལ་རང་བཙན་དགོས། རང་བཙན།
བོད་ཀྱི་བྱེས་སུ་འཚོ་བའི་གླུ་བ་གླུ་མ་སུ་ཡིས་རང་བཙན་གླུ་འདི་ལེན་འདོད་ཡོད་ཚེ། ང་ལ་འབྲེལ་བ་མ་བྱས་པར་ཐད་ཀར་སྐད་ཤུགས་ཆེན་པོས་སྒོ་ནས་ལེན་རོགས་ཞུ་ཟེར་ནས་རང་བཙན་གླུ་ཚིག་འདི་སྤེལ་བ་ཡིན།
བོད།ཤ་ཁྲག་རུས་གསུམ། ང་ཉེས་ཅན་པ་ཞིག་ཡིན་པས་ཕེབས་བསུ་ཞུ་དགོས་ཡ་ཡོད་མ་རེད་ལ་དགོངས་དག་ཡང་ལབ་གནང་དགོས་མ་རེད།ཧཧཧཧཧ།རྩེད་མོ་ཡིན། ཁྱེད་ཀྱིས་སྨྲ་རྒོད་་་་་ སྨྲ་རྒོད་ཞེས་འབོད་སྐབས་ཕེབས་བསུ་ཞུ་མཁན་གྱི་བུད་མེད་མཛངས་མ་དེ་འདྲ་དགོས་ཡ་མིན་འདུག ཁྱེད་ཀྱིས་ངའི་མིང་ནས་འབོད་པ་ཙམ་གྱིས།ངའི་ཡིད་སེམས་ཧ་ཅང་སྤྲོ་སྣང་སླེབས་ཡོང་གི་འདུག
ལགས་སོ་ལགས། ཉིན་འདི་དག་གི་རིང་དེར་མཐོང་མ་སོང་བར་སེམས་མ་བདེ་བར་བསྡད་ཡོད་ཀྱང་། དེ་རིང་ཡོང་ནས་བསམ་ཚུལ་ཞིག་བྲིས་པ་དེར་དགའ་གུས་ཞུ།
ཚིག་རྐང་དང་པོ་དང་གཉིས་པ་གཉིས་སྣང་བ་འགྲོ་སོང་།
ཚིག་རྐང་རྗེས་མ་གཉིས་ཆ་ཧ་ཅང་འབྱོར་མོ་ཞིག་རེད་བསམ་མ་སོང་།
སྨྲ་རྒོད་ལགས། ཉིད་རང་ཕེབས་པ་དང་བོ་ཡིན། ངེད་ཚང་གི་སྒོ་འགྲམ་དུ་ལག་ལ་ཁ་བཏགས་བཟུང་བའི་བུད་མེད་མཛངས་མ་ཞིག་གིས་བསུ་བ་བྱེད་ཀྱི་ཡོད་ཀྱང་། སྐབས་དེར་གླུ་ཚིག་འདི་འཁུར་ནས་སོང་ཤུལ་ནས་ཉིད་རང་ཕེབས་འདུག བསུ་མ་བྱེད་མ་ཐུབ་པ་དེར་དགོངས་འགལ་མེད་པ་ཞུ། གཞུག་ཕྱོགས་ཕེབས་རྐྱང་བྱོས། བསམ་ཚུལ་ལྷུག་པོར་གསུང་བར་དགའ་གུས་ཡོད།
ཨ་རིག་དགེ་མཐོང་ལགས། ཉིད་ནས་སྐད་ངག་དང་འགྱུར་ཁུགས་ཀྱི་དབྱངས་སུ་བཀུག་ནས་མི་ཚོགས་འདུ་ས་ཞིག་ནས་ལེན་ཐུབ་ན་དངོས་ནས་ཡག་གི་ཡ། ཧཧཧ ཨ་ལ་ཀུ་རེ་ཡིན། བསམ་ཚུལ་གསུངས་པ་དེར་དགའ་ཡོད།
ཧ་ཅང་གི་ཡག་པོ་འདུག ལྷག་པར་དུ་གཞིས་ཆགས་ཕྲུ་གུ་ཚོས་ཀློག་རྒྱུ་ཡག་པོ་འདུག།
གཞས་ཚིགས་སུ་བཞག་ན་ལན་པོ་མིན་འདུག་ལོ།
ངས་ལེན་རྒྱུ་ཡིན། ཀུ་རེ། ཚིག་ཁ་ཤས་ཡག་པོ་འདུག འོན་ཀྱང་། གླུ་ཚིག་ཡིན་ན་རིང་དྲགས་པའི་སྐྱོན་འདུག