ཁ་རོག་གེར་འདི་ལྟར་བུད་སོང་བའི་ཉིན་ཞིག་བྱུང་དུས། ངས་རྗེས་སུ་མིག་ཆུ་གཏོང་མཁན་དེ་དག་ནི་རང་ཉིད་ལ་ཆེས་སྙིང་ཉེ་བའི་མི་དེ་དག་ཡིན་སྲིད་དམ། ཕལ་ཆེར། འཇིག་རྟེན་གྱི་ཆོས་ཉིད་དང་བསྟུན་ནས་བཤད་ན། ལོས་ཡིན། དེ་དག་ནི་རང་ཉིད་ལ་སྙིང་ཉེ་བའི་མི་དག་ཡིན་ངེས་རེད། དེ་དག་གི་མིང་ཡང་། དྲིན་ཆེན་གྱི་ཕ་མ་གཉིས་དང་། གཅེས་པའི་ཨ་མྱེ། བརྩེ་བའི་སྤུན་ཟླ་དང་ཉེ་མི་ཚོ་ཡིན་སྲིད་པ་རེད།
འོན་ཀྱང་། ཁ་རོག་གེར་བུད་སོང་བ་དེ་ཡི་མིང་དུ་ཅི་ཞིག་འབོད་པ་རེད། རེད་རེད། ཀུན་གྱིས་མི་འདོད་པའི་ཡུལ། སུ་ལ་ཡང་རྒྱུས་མངའ་མེད་པའི་གནས་གཞན་ཞིག་སྟེ། མིང་དངོས་ལ་ཕྱི་མ་ཟེར་བ་དང་། ཤི་བ་ཟེར་བའི་མིང་དེ་ཐོབ་རྗེས་སུ་རེད། འོ་ན། ང་རང་ག་དུས་བུད་འགྲོ་བ་རེད། མ་རེད། ག་དུས་ཤི་སྲིད་པ་རེད། དེ་ལ་དངོས་ནས་ངེས་བརྟན་མེད། གློ་བུར་གློ་བུར་ཞིག་ཡིན་སྲིད། རྒས་ཀྱང་སྲིད། སྐར་མ་གཅིག་གི་སྔ་གཞུག་ཡང་ཡིན་སྲིད། ཡི་གེ་འདི་བཏགས་མ་ཚར་གོང་དེར་ཡང་ཡོང་སྲིད། མཐའ་མཇུག གནས་དེ་རུ་འགྲོ་འདོད་མཁན་གྱི་མྱི་ཟེར་བ་ཧ་ཅང་ཉུང་ཚོད་ཡིན་ཡང་། ཉུང་མིན་ལ་མ་བལྟས་པར་བུད་འགྲོ་དགོས་པ་རེད།
དེ་ཡི་མིང་ལ་འཆི་བ་ཟེར་བ་ཡིན་དུས། འདི་ནས་བཟུང་འཆི་བ་ཟེར་ནས་གླེང་། ང་རང་འཆི་བའི་ཕྱིར་ཉིན་དེ་ནས་བཟུང་། ངའི་ཆེད་དུ། ང་བསམ་ནས། ང་དྲན་ནས། མིག་ཆུ་གཏོང་མཁན་གྱི་ཕ་མ་དང་ཉེ་མི་དག་གིས། དངོས་ནས་ང་ལ་མིག་ཆུ་དེ་ཡིས་ཕན་ཐོག་གམ། ཁོང་ཚོས་ཀྱང་མིག་ཆུ་དེ་དག་འཕུད་པས། སེམས་གཏིང་གི་དྲན་པ་སེལ་སྲིད་དམ། སྐྱོ་བ་སངས་སྲིད་དམ། དེ་ལ་ཡང་ལན་འདེབས་ཐུབ་མཁན་གྱི་མྱི་ཞིག་ཕལ་ཆེར་ངའི་ཉེ་ཁོར་དུ་མེད་ཚོད་རེད་ལ། ཡོད་ཀྱང་ངའི་མིག་གི་མཐོང་བར་མ་གྱུར་བར་ལུས་ཡོད་པ་འདི་ཡང་ངས་ནོར་འཁྲུལ་ཡིན་མི་སྲིད་པར་རེ་བ་ཡོད།
རེད་ཡ། ང་ཤི་རྗེས་སུ། བཞག་ཞོག ཤི་རྗེས་སུ་ག་རེ་བྱུང་མིན་དེ་ནི་ངས་ཤེས་མི་སྲིད་པ་ཞིག་ཡིན་ངེས། དེས་ན་ང་རང་མ་ཤི་བར་བསྡད་ཡོད་པའི་སྐབས་འདི་ལ་ངས་ག་རེ་བྱེད་དགོས་ཀྱི་ཡོད་དམ། ཤི་བའི་ཆེད་དུ་ལས་ཀ་རེ་བྱེད་དགོས་ཀྱི་ཡོད་པ་ཡིན་ནམ། གསོན་པའི་རིང་འདིར་དགོས་ངེས་ཀྱི་ལས་ཀ་རེ་བྱེད་དགོས་ཀྱི་ཡོད་དམ། དེ་ཡང་མ་ཤི་སྔོན་གྱི་སྐད་ཆ་ཞིག་རེད། ང་མ་ཤི་བར་བསྡད་ཡོད་པ་འདིས་ངའི་ཕ་མ་གཉིས་དང་ཉེ་མི་དག་ལ་བདེ་སྐྱིད་རེ་ཐོབ་ཀྱི་ཡོད་དམ། སེམས་རྩ་དྲོད་རེ་འཁོར་གྱི་ཡོད་དམ། ངས་ཀྱང་ཁོང་ཚོའི་ཆེད་དུ་ལས་ཀ་རེ་བྱེད་ཀྱི་ཡོད་དམ། བྱེད་དགོས་ཀྱི་རེད་དམ། བྱེད་དགོས་པ་དེ་དག་གང་ཡིན་ནམ། མ་བྱས་པ་ཡིན་ན་འགྲིག་གི་ཡོད་དམ། དེ་ཡང་མ་རེད། བྱེད་མིན་དེ་ཡང་རང་ཉིད་ལ་རེག་ལས་པ་ཞིག་ཡིན་ངེས་ན། བྱེད་ཐུབ་མིན་དེ་ནི་རང་ཉིད་ལ་རེག་ལས་པ་ཞིག་ཡིན་ནམ། དེ་ཡང་གནད་དོན་ཞིག་རེད། གང་ལྟར། མ་ཤི་གོང་དེར་ངའི་ཕ་མ་དང་ཉེ་འབྲེལ་དག་གི་ངའི་ཆེད་དུ་མིག་ཆུ་ཞིག་འཕུད་མི་དགོས་པ་ཡིན། དེས་ན་ང་རང་མི་ཤི་བར་གསོན་བསྡད་པ་དེ་གས་ཁོང་ཚོའི་རེ་འདོད་འགྲུབ་ཡོད་པ་རེད་དམ།
གང་ལྟར། ང་ཤི་ངེས་རེད། ངས་མི་ཤེས་པ་དེ་ནི་དུས་ཚོད་ཡིན། དུས་ཚིགས་ཡིན། ས་གནས་ཡིན། སྐར་ཆ་ཡིན། རྒན་གཞོན་ཡིན། ཤི་ངེས་པ་ནི་ངས་རྒྱུན་དུ་ཤེས་ཀྱི་ཡོད། སྐྱེ་བ་ནས་ཤི་བ་འགོ་བཙུགས་པ་དེ་ཡང་ངས་ཤེས་ཡོད། ཤི་བའི་རྗེས་ཀྱི་ང་རང་ཡང་ཡོད་སྲིད་དམ། ཤི་བའི་རྗེས་ཀྱི་ང་རང་ཡང་དེ་རིང་འདི་བཞིན། བོད་མི་ཞིག་དང་བོད་ཡིག་འབྲི་མཁན་གྱི་མྱི་ཞིག་གི་རྣམ་ཤེས་རུ་འཁོར་ངེས་རེད་དམ། དེ་དུས་ངའི་ཆེད་དུ་མིག་ཆུ་འཕུད་མཁན་དེ་དག་གི་འདོད་དོན་ལྷུན་གྱིས་འགྲུབ་སྲིད་དམ། མ་རེད། དེ་ཡང་སྐད་ཆ་ཞིག་མ་རེད། དྲང་མོ་བཤད་ན། ངས་སྐད་ཆ་ཞིག་བཤད་ཤེས་ཀྱི་མེད་པར་ཡུན་རིང་བོར་འགོར་བ་རེད། སྐྱེ་བ་ནས་བཟུང་བོད་སྐད་བཤད་པ་རེད། རེད་དེ། ང་ལ་ཕ་མ་གཉིས་ཀྱིས་བོད་སྐད་བསླབས་དེ་འཚར་ཡང་། ངས་བསྟུད་མར་བོད་སྐད་འདི་ཙམ་ཡང་རང་གི་བུ་ཕྲུག་དག་གི་ངག་སྒོར་འཇོག་ཐུབ་མིན་དེ་ངས་མི་ཤེས་ཀི དེ་ཡིན་དུས། ངས་ཅི་ཡང་ཤེས་མི་འདུག ངས་ཅི་ཡང་འཇོན་མི་འདུག ང་ཤི་སོང་རུང་མིག་ཆུ་འཕུད་དོན་གང་ཡང་མི་འདུག་གོ མཐའ་དོན་དེ་རེད་འདུག
ཕུན་ཚོགས་ལགས། འདང་ཞིབ་མོ་རེ་རྒྱོབས
སེམས་ལྷོད་དུ་རང་ཞོག
ཁ་ཁོམ་ལག་ཁོམ་གྱི་བར་གསེང་དུ
ཡི་གེ་འདི་དག་གི་སྔ་ནུབ་ཕྱི་ནུབ་དུ
འཆི་བ་ནི་ལྡོག་དུ་མེད་པའི་སྐྱེ་དུས་ཀྱི་གྲོགས་དང་བོ་དེ་ཡིན་པ་ཤེས་པར་གྱིས
གཅེན་པོ་ལགས། སྐྱེ་འཆི་ལ་ངེས་པ་མེད་པའི་སྔ་ཕྱི་དེ་ནས
ངས་འཆི་བ་ལས་གང་ཡང་གྲོགས་དུ་བལྟས་མེད་ཀྱང་
ལམ་ཁ་ཞིག་ནས འཆི་བ་ལ་གཡོལ་ས་མེད་པའི་གཞུག་དེར
ཤ་དང་རུས་པའི་ཚོགས་ཀྱི་དུངས་པ་ཞིག་གིས
མ་ཤི་བའི་སྔ་དྲོ་དེར
ང་ལ་འབོད་ཀྱིན་འདུག
ངས་དེ་དག་ལ་ཉན་དུས་སུ
སྐུ་ཉིད་ལྟ་བུ་གང་མང་ཞིག
ངའི་ཁོར་ཡུག་ན་འཛོམ་འདུག
དགོད་ཀྱང་མ་ཐུབ ངུ་ཡང་མ་ཐུབ་པར
མགོ་རྐ་ལག་ཚང་མ་ས་ཆུ་མེ་རླུང་ཁྲོད་དུ་གཏོར་གྲབས་བྱེད་ཀྱི་འདུག
བསྟན་འཇམ་ལགས།
ང་ཤིས་རྗེས་པའི་ལོ་དེར
སུ་ལ་ཡང་ཁེ་གྱོང་མེད་པའི་སྔ་གཞུག་དེ་ནས
སྐུ་ཉིད་ལྟ་བུ་དག་གིས
ཁོམ་པ་ཡོད་དུས་རེ་གླེང་ངེས་ཡིན
དྲན་ཡང་སྲིད
རེད་དེ དེ་དག་ལ་སྙིང་བོ་གང་ཡང་མེད
གཅིག་ཡོད་སྲིད་དེ དེ་ནི་རྒྱང་རིང་བའི་མི་ཚོགས་ཤིག
དེ་ནས་ང་དང་ཁྱོད་ཉིད་ཀྱིས་མི་མཐོང་
འཁོར་བར་ངེས་འབྱུང་སྐྱེས་ཟེར་བ་ནི་དེ་འདྲ་ཞིག་ལོས་ཡིན། སེམས་སྐྱོ་བྱེད་ཅིག་དང་འདང་རྒྱག་དགོས་པ་ཞིག་བྲིས་ཡོད་གི་
ངེས་འབྱུང་བཅོས་མ་མ་ཡིན་པ་ཞིག་སྐྱེས་འདུག
འཆི་བ་ནི་ལས་སླ
གསོན་པ་ནི་དེ་ལྟ་མ་ཡིན
གྲོགས་པོ་ལགས
མི་རྟག་པ་ལ་སྙིང་རྗེ་མེད་ལ
མི་རྟག་པ་ལ་དུས་ཆས་མེད
དེ་བས་དང་པོ་ནས་འགྲོ་གྲབས་བྱོས
ཏག་ཏག་བཟོས
འཆི་བ་ནི་ལས་སླ
འཆི་ནས་ལས་འབྲས་ཀྱི་བདེ་སྡུག་མྱོང་བ་བཟློག་མེད་ཀྱི་ཆོས་ཉིད་ཡིན
དེ་གང་འདྲ་ཞིག་མྱོང་མེད་རང་ཉིད་ཀྱི་སེམས་ལ
གསལ་ལེར
ཝ་ལེར
ཧཧཧཧཧཧཧཧཧཧཧཧཧཧཧ
ཁྱོད་ཤི་ཚར་བའི་ལོར
སུ་ལ་ཆག་སྒོ་མེད སུ་ལ་ཁེ་བཟང་མེད
ཡིན་ནའང་ དེ་ནི་ཁྱོད་ཁོ་ནའི་གྱོད་གུད་ཅིག
ཁྱོད་གཅིག་བུའི་ཁེ་ཕན་ཞིག་ཏུ་རྩི་ཆོག
རྒྱུ་མཚན་ནི་ཚེ་སྲོག་ཐུན་གཅིག་ཤོར་བའི་ལོ་ནག
དེ་བས་ཚེ་སྲོག་གསར་བའི་མགོ་བརྩམ་པའི་ལོ་ཡག
སྐྱེ་བ་གཅིག་བརྒྱུད་གཉིས་མཐུད་བརྒྱུས་ནས
ཁྱོད་ཡང་བསྐྱར་ཤི་ལོག་བརྒྱབ་ཆོག