སེར་མོ་བའི་འདུ་ཤེས་མེད་པའི་སེར་མོ་བ།

ཟིན་བྲིས་པའི་སྐད་ཆ་དེ་དེ་རིང་ཉིན་གུང་མཐོང་ཡོང་དུས་སྐྱོན་བརྗོད་ཡིན་པའི་བཟོ་འདྲ་བསླབ་བྱ་ཡིན་པའི་བཟོ་འདྲ་ཁྱད་མཚར་ཞིག་མཐོང་བྱུང་། དེས་ན་ཚིག་ཁ་ཤས་མ་བཤད་ཐབས་མེད་བྱུང་སོང་། ཟིན་བྲིས་དེ་ལ་ཞིབ་བཤེར་བྱས་པ་ཡིན་ན། ལག་འཁྱེར་ཁ་པར་སོགས་གློག་ཆས་རིགས་ཡར་རྒྱས་ཕྱིན་ཏེ་སྤྱི་ཚོགས་ནང་མི་མང་པོར་རྣམ་གཡེང་བྱས་
ནས་སློབ་སྦྱོང་ལ་འཐུས་ཤོར་འགྲོ་ཡི་ཡོད་པ་དང་། གྲྭ་གཞོན་འགས་ཁ་པར་ཐོག་གླུ་གཞས་འདྲ་མིན་བཏང་ནས་རྫིག་ཉམས་བསྟན་གྱི་འདུག་ཅེས་བཤད་པ་དེ་ནི་དངོས་འབྲེལ་རེད། དེ་གཞོན་པ་ཙམ་མ་རེད་རྒན་པ་ལ་ཡང་སྤྱོད་ངན་དེ་རིགས་ཡོད་རེད། དེ་ལྟར་བྱས་པ་ཡིན་ན་འཇིག་རྟེན་པའི་མཐོང་སྣང་ལ་ཡག་པོ་མི་འདུག དེ་ཚོ་རབ་བྱུང་ཡིན་ཕྱིན་ངེས་པར་སྤོང་དགོས་ཏེ། ཞི་བ་ལྷས་
༼འཇིག་རྟེན་མ་དད་གྱུར་པ་ཀུན། །མཐོང་དང་དྲིས་ཏེ་སྤོངས་པར་བྱ༽ཞེས་གསུངས་ཡོད་པ་རེད། ཁྱེད་རང་གིས་བོད་ཀྱི་གྲྭ་བ་ལས་འབར་མའི་གྲྭ་བ་སོགས་ཐེག་དམན་པའི་རབ་བྱུང་རྣམས་སྤྱོད་པ་བཟང་རབས་དང་ཡག་རབས་བཤད་འདུག་སྟེ། དེ་ནི་ཁྱེད་རང་གི་མུན་པའི་འཆར་སྣང་ཙམ་རེད། ཁོ་ཚོ་ལའང་ཡག་སྡུག་གཉིས་ཀ་ཡོད་པ་རེད། དེའི་སྐོར་ཡུལ་དེར་སོང་ནས་ཞིབ་འཇུག་གྱིས་དང་ཤེས་ཀྱི་རེད། དེའི་རྒྱུས་མངའ་ཆ་ཚང་ཡོད། ཡང་རྟགས་ཙམ་འཛིན་པ་ལས་ཀྱང་སྡུག་རབས་བཤད་འདུག་སྟེ། དེ་ནི་ཟེར་རྒྱུས་ཕོངས་པ་ཙམ་རེད། དེ་ལས་ལྷག་པའི་སྡུག་རྒྱུ་གང་ཡང་ཡོད་མ་རེད། མ་གཞི་ནས་ཁྱེད་རང་གིས་དེ་འདྲ་བཤད་རྒྱུ་དེ་དེང་སང་ང་ཚོ་བོད་པ་ལ་རང་གི་གཞུང་དང་སོ་སོའི་ཟ་སར་ཁ་གཏོང་ཐུབ་ན་དྲང་པོ་དང་མཁས་པར་བརྩི་བའི་གོམས་གཤིས་ངན་པ་ཞིག་འདུག དེ་ཁྱེད་ལའང་གཏན་གཏན་་ཡོད་པ་འདྲ། མདོར་ན་སྤྱི་ཡོངས་ལ་གྲྭ་བ་སྡུག་པོ་གཅིག་སྡུག་པའི་རྒྱུ་མཚན་གྱིས་ཚང་མ་ལ་སྐྱོན་བརྗོད་བྱེད་རྒྱུ་དང་ཆོས་པ་འགས་བྱས་པའི་རྒྱུ་མཚན་གྱིས་ཆོས་ལ་སྐྱོན་བརྗོད་སོགས་མི་ཡོང་བར་དབྱེ་ཞིབ་ལེགས་པོར་བྱས་ནས་སྨྲ་རོགས་ཞེས་སྙིང་ནས་འབོད་སྐུལ་ཞུ་རྒྱུ་ཡིན། གྲྭ་བ་ཡག་སྡུག་གཉིས་ཀ་དང་ཆོས་དང་གང་ཟག་གཉིས་ཀ་ཕ་བུ་བཞིན་དུ་ཁ་ཁ་ཡིན་པའི་གནས་ལུགས་འདི་ཤེས་པར་བྱོས་ཤིག །

ལྡོང་ཕྲུག་ལགས ཁྱོད་ཀྱི་རྣམ་དཔྱོདཀྱི་མིག་ཤེལ་དེ་གཟུར་གནས་ཀྱི་ཆུ་ཡིས་ཡང་ཡང་ཁྲུས་ཤིག

བསྟན་འཛིན་འཕགས་པ་ལགས། དྲ་གྲོགས་འདིས་བཤད་པ་ཕལ་མོ་ཆེ་དོན་ལ་གནས་པས་ཁོ་དམྱལ་བར་སྐྱེ་དགོས་ན་ལས་འབྲས་ལ་བསླུ་བ་ཡོད་སོང་བས་དེས་ན་ལས་འབྲས་བརྩི་བ་དགོས་མེད་དུ་འགྱུར་རོ། ཁར་སྔོན་ཕྲན་གྱིས་མཆན་ཞིག་བཏབ་ཀྱང་དུས་བབ་ཚང་གིས་བཅུག་མི་འདུག གང་ལྟར་དུས་བབ་ཚང་ལ་རྩོམ་སྒྲིག་པའི་ལྟ་བ་དང་མཐུན་པ་ཁོ་ན་བརྗོད་དགོས་ཀྱི་མིན་འགྲོ

ཟིན་བྲིས་ཡག་པོ་སྤེལ་འདུག དངོས་གནས་རེད་དངོས་ཡོད་གནས་ཚུལ་ཟུར་ཐབས་ཡོད་པ་མ་རེད་གང་ལྟར་དགོན་པ་གྲྭ་ཚང་རྣམས་ཀྱི་སོ་སོའི་དགོན་པའི་གྲྭ་བཙུན་རྣམས་ཀྱི་ཀུན་སྤྱོད་ཐོག་ལ་ཡར་རྒྱས་བཏང་དགོས་པ་ལས། ནང་ལ་མེད་ལ་ཕྱིའི་སྤྱོད་ལམ་གནང་མ་གནང་ཡོད་པ་མ་རེད་ཟེར་བ་ལྟ་བུའི་བཀའ་མོལ་དེ་འདྲ་གསུང་རྒྱུ་མེད། གང་ཟག་ལས་དང་པོ་པ་སོ་སོའི་སྐྱེས་བུ་ཞིག་ལ་དང་ཐོག་མ་ནས་ནང་གི་སེམས་ཞི་ཞིང་དུལ་བ་ཞིག་ཁག་པོ་ཡིན་ཙང་ནང་གི་སེམས་དུལ་ཐབས་སུ་ཕྱིའི་ཀུན་སྤྱོད་ལ་ཡར་རྒྱས་བཏང་དགོས་རེད། འཇིག་རྟེན་དྭངས་པ་འདྲེན་པའི་མིག་ཅན་ཟེར་བ་ལྟར་དང་། ཕྱི་རུ་ཉན་ཐོས་སྤྱོད་པས་ཞི་ཞིང་དུལ་ཞེས་གསུངས་པ་ལྟར་ལས་དང་པོ་པས་ཕྱིའི་ཀུན་སྤྱོད་ལ་ཟབ་པར་གནང་ན་ཧ་ཅང་ལེགས། ཇོ་བོ་རྗེས། ཚུལ་འཚོས་ཅན་ཚུལ་མཐར་ཕྱིན་ཞེས་གསུངས་པ་ལྟར་དང་པོ་ཚུལ་འཚོས་དང་བར་དུ་རྒྱུན་སྐྱོང་། མཐར་ཚུལ་ཁྲིམས་མཐར་ཕྱིན་པ་ཞིག་ལ་བསླབ་ན་བཟང་། དེ་མིན་རེ་འགའ་རེད་ཚང་མ་མིན་ལྟ་བུའི་བཀའ་མོལ་དེ་འདྲ་དགོས་ཡག་མི་འདུག བཀའ་མོལ་དེ་ནི་ང་རྒྱལ་གྱི་གསུང་ཉག་གཅིག་ཡིན། ཚང་མ་ཡིན་མིན་དང་རེ་འགའ་ཡིན་མིན་ནི་སོ་སོ་རང་ཉིད་ནས་བརྩིས་ནས་ཤེས་རྒྱུ་ཞིག་རེད།

ཁྱེད་ཀྱི་མཚན་ལ་ལྟོས་ན་བུད་མེད་ཅིག་གི་མཚན་རེད་འདུག་ཀྱང་དེང་གི་སྤྱི་ཚོགས་ནང་ཕོ་མོ་དབྱེ་མི་ཐུབ་པའི་མིང་འདྲ་མིན་བཏགས་ཀྱི་འདུག ཁྱེད་ཀྱང་དེའི་ཁོངས་སུ་མིན་ན། ལྕམ་བསྟན་འཛིན་ཚེ་འཚོ་ལགས་གུས་པའི་མི་གཤིས་དེ་སྐྱོན་ག་ཚོད་འདོགས་ན་དེ་ལས་དགའ་བསུ་ལས་ཁོང་ཁྲོ་མེད། ངེད་ཚོས་མཆན་ལ་མི་འགྲིག་པ་དང་ནོར་སྐྱོན་ཤིན་ཏུ་མང་པོ་ཞིག་ཡོང་དང་ཡོང་བཞིན་འདུག་པས་དེ་ཚོ་ལ་འདི་ལྟར་བཤད་ཐུབ་ན་དེ་ལས་དགེ་མཚན་ཆེ་བ་ལས་ཉེས་པ་གང་ཡང་མེད་ཀྱང་། གལ་སྲིད་སྐྱོན་འདོགས་པ་པོ་རང་ཉིད་ལ་ཡང་སྐྱོན་མེད་པ་ཞིག་གི་སྒོ་ནས་ཕ་རོལ་པོ་ལ་གླེང་མ་ཐུབ་ན། དེ་ཡང་སྐྱོན་ཆེན་པོ་ཞིག་ཡིན་པར་སེམས་པས་ཁྱེད་ཀྱིས་ཀྱང་མིང་འདི་གཅིག་པུའི་ནང་ལ་ཡང་དོ་སྣང་མ་བྱས་པའི་སྐྱོན་མང་པོ་ཞིག་འདུག་པར་སེམས། ཁྱེད་ཀྱི་(རྨ་ཀླུང་དཔལ་ལགས། )ཞེས་བྲི་གནང་བ་འདི་ལ་གཟིགས་དང་གུས་པའི་མིང་ནི། (སྨར་ཀླུང་དཔའ་ལ་)ཡིན་པས། ཚིག་དུམ་འདི་ནང་ལ་ཡང་ལྷག་ཆད་མང་པོ་བྱུང་ཤོར་འདུག་པས། འདི་རྒྱུད་ནས་ཟིན་བྲིས་འབྲི་བ་པོ་རང་གཞན་ཀུན་ལ་ཡིག་ནོར་གྱི་ཐད་ལ་དོ་སྣང་དང་། ཡོ་བཅོས་གང་བྱུང་རིགས་ལ་བཀའ་མཆིད་གང་མང་གནང་ཐུབ་པར་སྙིང་ནས་ལེགས་གསོལ་ཞུ་གི་ཡོད། འཚང་འདྲུ་དང་ངོ་ཤ་བྲུས་པ་གཏན་ནས་མིན་པ་དགོངས་མངའ་འཚལ། ཁྱེད་ཀྱི་ཁ་བརྡ་དེ་ཚོ་གུས་པའི་གདམ་ངག་ཉིད་དུ་འཆང་གི་ཡིན།

གཡུ་དྲག་དཀར་ལགས་ཀྱིས་གསུང་པ་འདི་ཅུང་ཐལ་མི་ཆེ་འམ། ཁྱེད་རང་སྐྱབས་སུ་འཛིན་མ་ཐུབ་ན་མི་ཐུབ་པ་དེ་ཚོ་ལ་དད་པ་འགྲོ་གི་ཡང་མ་རེད་ལ་དེ་འདྲའི་རིགས་ལ་འགྲོ་དགོས་ཀྱི་ཡང་མེད་དད་ལྡན་དྭང་བ་འདྲེན་པའི་མིག་རྒྱན་ཞེས་པ་དེ་རང་གཞན་སུ་ཡི་ལྟས་ན་མངོན་ལྐོགས་གཉིས་སུ་མི་མཐུན་པ་མེད་པ་ཞིག་ལ་གསུང་པ་ཡིན་དུས་བྱ་ངན་འདི་ཚོ་ནི་གང་ཟག་སྒེར་གྱི་སྐྱོན་ཡིན་གྱི་ཆོས་ཀྱི་སྐྱོན་མ་ཡིན་པ་འདི་ངེས་པར་དུ་ཤེས་དགོས་པར་སྙམ། (ཁྱོད་ཀྱིས་དྲང་མོར་བཤད་ན་སྐལ་ལྡན་དང་བ་འདྲེན་པའི་མིག་རྒྱན་ཟེར་བའི་ཚིག་འདི་ནི་ཆོས་ལུགས་པའི་གཡོ་སྒྱུའི་ཚིག་ཞིག་སྟེ། ཚིག་འདིའི་དོན་ནི་སྦྱིན་བདག་མགོ་སྐོར་གཏོང་བའི་བཅོས་སྤྱོད་ཞེས་པ་ཙམ་ཞིག་ཡིན།)ཞེས་འདི་ནི་དེ་འདྲ་ཞིག་ག་ལ་ཡིན་ཤཱཀྱ་མུ་ནེའི་བསྟན་པ་འདི་ལ་གཡོ་སྒྱུ་དང་ཟོལ་ཟོག་གི་ཚིག་གཅིག་ཡོོད་ན་ལེགས་པར་གསུངས་པ་དང་དྲང་པོར་གསུངས་པ་ཉིད་དུ་མི་འགྲོ་བས་། ཐུགས་བསམ་ཡག་པོ་ཞིག་བཞེས་དང་(སེར་གཙང་ལྡོང་ཕྲུག་ཐུབ་བསྟན་བློ་གྲོས)ལགས་ཀྱིས་གསུང་པ་འདི་འདྲ་ཞིག་དེང་གི་སྤྱི་ཚོགས་འདིའི་གྲ་པ་རྣམས་ཀྱི་སྤྱོད་ལམ་དང་སྐུ་གཤིས་སོགས་རང་བློ་རང་ལ་ལྐོགས་ཏུ་མ་གྱུར་པའི་མེ་ལོང་ལ་ལྟོས་ན་ཕྱི་གསལ་ནང་གསལ་དུ་འགྲོ་བཞིན་པ་ཡིན་དུས་ཁོང་གིས་བསམ་ཚུལ་འདི་ནི་ངོ་མ་འཚང་ཐོགས་ཏུ་རྒོལ་བའི་གདམ་ངག་ཆེས་རིན་ཐང་བྲལ་བ་ཞིག་ཏུ་གྱུར་འདུག་སྙམ་ (ཕྱིའི་ཀུན་སྤྱོད་དང་ནང་གི་ཀུན་སློང་ཕྱོགས་ངོས་མང་པོ་ཞིག་ཏུ་དགེ་འདུན་པའི་རྟགས་ཙམ་འཛིན་པ་ལས་ཀྱང་ཐབས་ཇེ་རྡུགས་སུ་འགྲོ་བཞིན་ཡོད་པ་ཉིན་རེ་བཞིན་ཇེ་མང་རེད། ) ཞེས་པ་འདི་ཐམས་ཅད་གང་ཟག་ཁོ་རང་སྒེར་གི་བྱས་པ་ཞིག་ལས་ཤཱཀྱ་མུ་ནེའི་ཆོས་འདི་བཤད་སྟང་ཐབས་སྡུག་ནས་བྱུང་བཞག་པ་ཞིག་གཏན་ནས་བརྗོད་པ་མིན། རང་ལ་ཁ་ཟས་ཐོབ་པའི་ཕྱིར་དུ་བོད་པ་ཚོས་ཆོས་ལུགས་འདི་གཅེས་ཉར་བྱེད་པ་རེད་བསམ་ན་དེ་ནི་བསམ་བློ་ཤིན་ཏུ་བྱབ་ཆུང་མིན་ནམ། ཁ་ཟས་ནི་ས་འོག་གི་སྲིན་བུ་ཕྲ་མོས་རག་ཐུབ་དུས་འགྲོ་བ་མི་ཞིག་ཡིན་པའི་ཆ་ནས་རྒྱུ་མཚན་ཅི་ཡི་ཕྱིར་རག་མི་ཐུབ་དེ་ཙམ་ཞིག་གི་གལ་སྲིད་ནང་ཆོས་འདི་མི་ཡི་མགོ་བསྐོར་བ་ཡིན་པར་ཁྱོད་ཀྱི་བསམ་དུ་ཆུག་ན་ཡང་དེང་གི་སྐབས་སུ་འཛམ་གླིང་ན་སྐད་གྲགས་ཅན་གྱི་ཚན་རིག་པ་དུས་རབ་བཅུ་དགུ་པ་ནང་བྱུང་བའི་ཨེལ་བྷཊ་(albert)ལྟོས་གྲུབ་གྱི་སློབ་དཔོན་དམ་པ་འཛམ་གླིང་ན་སྙན་གྲགས་ཅན་གྱི་ཚན་རིག་པ་ཨ་ཡིན་སི་ཊེན་དང་(Einstein) རྗན་སི་རོ(jansiro)ཞེས་པ་འདི་ཚོས་ཤཱ་ཀྱ་མུ་ནེའི་ནང་ཆོས་འདི་ནི་འཛམ་གླིང་ས་སྒང་འདི་གི་སྙིང་དང་གཅིག་པ་ཡིན་སྙིང་མེད་ན་མི་འཚོ་བར་དཀའ་ལ་གལ་སྲིད་འཚོ་བའི་དབང་དུ་བཏང་ན་ཁོ་རང་ལ་སྐྱིད་པོ་བདེ་པོ་ཞིག་ཡོང་མི་ཐུབ་ཞེས་པ་སོགས་མང་པོ་བསྔགས་བརྗོད་གནང་བ་འདི་ཚོ་གང་ཟག་ཕྱོགས་རེ་བ་ཞིག་ཟ་གོན་མ་རག་ནས་ཆོས་འདི་བཟོས་པར་བསམ་ན་མི་ཤེས་པ་དེ་སུ་ཡིན་མགོ་བསྐོར་སུ་ལ་ཐེབ་པ་ཡིན་པ་བརྗོད་མི་དགོས་པ་བཞིན་དུ་སྤྱིར་ནི་འཛམ་གླིང་འདི་དང་སྒོས་སུ་བོད་གང་ཅན་པའི་སྐྱ་སེར་ཡོངས་ཀྱི་སྤྱི་ཚོགས་ནང་མེད་དུ་མི་རུང་བ་ཞིག་ཡིན་པས་ལོགས་པར་མ་བལྟ་ཞིག ཆོས་བྱེད་པ་པོའི་གང་ཟག་དེ་ཉིད་ཀྱི་བྱ་ངན་ཡོད་ཚད་ང་ཚོ་བསམ་ཚུལ་འདོན་པ་པོ་ཡོངས་ཀྱིས་སྐྱོན་ངན་ཐེར་འདོན་བྱེད་ནས་གསལ་བཤད་ངེས་པར་དུ་དགོས་ཀྱི། བོད་གངས་ཅན་པས་སྲོག་བཞིན་གཅེས་ཉར་བྱེད་པའི་ནང་པ་སངས་རྒྱས་པའི་རིང་ལུགས་ཟབ་མོ་འདི་ལ་འཁང་ར་དང་ཟུར་ཟ་དམོད་ཚིག་སོགས་ང་དང་ཁྱོད་ལྟ་བུས་བྱེད་ཤེས་ཀྱི་མེད་ལ་བྱེད་དགོས་ཀྱི་ཡང་མེད། རང་རེ་བོད་གངས་ཅན་པ་ལ་ཕུག་ནོར་འདི་ལས་རྩ་ཆེ་བ་ཞིག་གང་ཡང་མེད་པས་ནོར་བུ་འདི་ཉིད་ཀྱི་ནོར་ཉམས་ལོན་པར་བྱེད་དགོས་ཀྱི་གང་ཟག་གི་བྱེད་པ་ལ་ལྟོས་ནས་ནོར་བུ་མི་གཙང་བའི་ནང་དུ་རང་ས་་ནས་གཡུག་བཞག་ན་ཁྱོད་རང་ནོར་བ་ཡིན་པས་དུས་ནམ་ཡང་དེ་ལྟར་མ་སེམས་ཞིག།

ཉེ་སྔོན་བཀའ་ཁྲི་ཟམ་གདོང་གིས་གསུང་པར་བཞིན་ནང་བསྟན་ཕལ་ཆེར་ཉམས་ཟིན་དུས་ དེའི་རྗེས་སུ་སེར་མོའི་ཆ་ལུགས་འཛིན་པ་ཚོར་བདེན་བརྫུན་གི་དབྱེ་བ་ཕྱེ་ས་ཞིག་མེད་གི་ དངོས་གནས་བཤད་ན་སེམས་ལ་ཆགས་སྡང་རྨོགས་གསུམ་གི་རྒྱུད་ཡོངས་སུ་ཁེངས་ནས་མ་ཡིན་ཡིན་འདོག་བྱས་ནས་འཕྲེང་བ་ཞིག་ལག་ཏུ་བཟུང་མགོ་དམའ་དམའ་བྱེད་འགྲོ་མཁན་དེ་ཚོ་ལས་ ཕྱི་གསལ་ནང་གསལ་བྱས་འགྲོ་མཁན་དེ་ཚོ་བཟང་བ་མིན་འགྲོ

གུས་པར་འོས་པའི་སྐུ་ཞབས་གླེན་པ་ལུག། ངས་གོང་དུ་བཤད་པ་དེ་སྒྲུང་ཞིག་ཡིན་མིན་དེ་གཙོ་བོ་མ་རེད། ངས་དེ་ལྟར་མཐོང་མྱོང་མོད། དེ་དག་མཐོང་བ་ཙམ་ལས་མིང་དང་སྡོད་གནས་སོགས་གསལ་བོར་ཤེས་ཁག་པོ་འདུག། འོན་ཀྱང་གཅིག་གི་མིང་དང་སྡོད་གནས་སོགས་གསལ་བོར་ཤེས་མོད། མི་དེ་ཐེར་འདོན་བྱས་པས་ཅི་ཞིག་ཕན་གི་རེད། ཁོང་མེད་པར་བཏང་ན་ཡང་གྲྭ་བའི་སྤྱི་ཚོགས་གཙང་མར་འགྱུར་མི་ཐུབ། གལ་སྲིད་མཚན་གཞི་ཞིག་ངེས་པར་དུ་དགོས་ཟེར་ན། དེ་ནི་ཁྱེད་རེད། ཧཧཧཧཧཧ

ཐེག་ཆེན་གྱིས་ནང་གི་བསམ་བློ་གཙོ་བོ་བྱེད་པ་ཡིན་ལ། ཐེག་ཆུང་གིས་ཕྱིའི་སྤྱོད་པ་གཙོ་བོ་བྱེད་པ་ཡིན། དེས་ན་ཕྱིའི་སྤྱོད་པ་རྗེས་སུ་ལུས་པ་ཙམ་གྱིས་ང་ཚོ་ཐཱེ་ལན་སོགས་ཀྱི་ཐེག་ཆུང་བའི་རྗེས་སུ་ལུས་པར་བཤད་དཀའ་བར་སེམས། གཞན་ཡང་ཆོས་དང་འཇིག་བརྟན་གང་གི་ཐད་ནས་བཤད་ཀྱང་གུ་དོག་རུ་དོག་རུ་འགྲོ་བ་འདི་ནི་རྗེས་ལུས་ཞིག་ལས་སྔོན་ཐོན་གྱི་རྟགས་མ་ཡིན་ནོ།

སྤྱིར་བཏང་ཡག་པོ་གསུངས་འདུག འོན་ཀྱང་ཞིབ་ཆ་མ་ཕྱེ་བའི་སྐྱོན་དང་གུ་དོག་པའི་སྐད་མོལ་ཡང་མང་པོ་འདུག

རང་ཉིད་གྲྭ་བ་ཞིག་ཡིན་པའི་ཆ་ནས་གྲྭ་བའི་སྤྱི་ཚོགས་ལ་ཐུགས་ཁུར་དང་བརྩེ་སེམས་བཅིངས་བ་དེས་རང་ཉིད་ཀྱི་འོས་འགན་བསྙེལ་མེད་པར་མ་ཟད་དེའི་འཕྲལ་ཕུགས་རྒྱང་གསུམ་ལ་ཞིབ་ལྟ་དང་མནོ་བསམ་ནན་མོ་བཏང་ཡོད་པ་མཚོན་ཐུབ། ཉེས་སྐྱོན་དང་རུལ་སུངས་ལ་ཐེར་འདོན་དང་གཙང་སེལ་བྱེད་དགོས་པ་རེད། ཡིན་ན་ཡང། ཉེས་སྐྱོན་བཅོས་བསྒྱུར་དང་ངན་པ་མཐར་བསྐྲོད་ཀྱི་ཐབས་ལམ་གང་ཡང་ལམ་སྟོན་མེད་པར་དེ་དག་མེད་པར་བཟོ་དགོས་ཚུལ་དང་སྒྲོལ་བཟློག་དགོས་ཚུལ་རྐྱང་རྐྱང་བྱེད་བསྡད་པའི་ཅི་ཡང་མི་ཕན།

ངོ་མ་བདེན་པ་རང་རེད། ནང་གི་རྟོགས་པ་མཐོ་རུང་དམའ་རུང་། ཕྱིའི་ཀུན་སྤྱོད་ལ་འགྱུར་བ་ཅུང་ཟད་གཏོང་དགོས་རྒྱུ་དེ་ཤིན་ཏུ་གལ་ཆེན་རེད། ཁ་ཤས་ཀྱིས་གཙོ་བོར་བསམ་བློ་རེད་ཟེར་ནས་གང་དྲན་བྱེད་པའང་མཐོང་རྒྱུ་འདུག་སྟེ། དེ་ནི་ཅིའང་མི་ཤེས་པའི་ལྐུགས་རྟགས་རང་རེད་ལ། དེ་རིགས་ཀྱིས་ཁ་ནས་བཤད་པ་ཙམ་ལས་བསམ་བློ་གཙོ་བོ་ཡིན་པའི་བྱ་བའང་གཏན་ནས་སྒྲུབ་ཀྱི་མེད་པར། མི་ཚེ་སྟོང་ཟད་གཏོང་གི་ཡོད་པ་དེ་བསམ་ཞིང་བསམ་ན། ངོ་མ་ང་ཚོའི་མི་རིགས་འདི་ལ་ད་དུང་ཡང་་་་་་་་་་་་མ་འོངས་པར་་་་་་་་་ལོ་ཇི་་ཙམ་ནས་ཅུང་ཟད་ཡར་ཐོན་འོང་ན་སྙམ་དུ་སེམས་ཀྱི་ཡོད།

མིང་ལ་ཐེག་ཆེན་ཞེས་བཏགས་པ་ཙམ་གྱི་ཐེག་ཆེན་པ་ཡིན་པས་ཁྱབ་པ་མེད་ལ། ཐེག་ཆེན་གླིང་ལ་ཡོད་མཁན་ཚང་པ་ཐེག་ཆེན་པ་ཡིན་དགོས་ན་དེ་ནི་དེ་བས་ཧ་ཅང་ཐལ་ལ། སྡོད་ས་པད་ཁོག་སྒང་ལ་སྡད་ནས་མིག་ལ་ཐ་བ་ལྟབས་མཁན་དེ་ཡང་ཡང་དག་པ་ཞིག་མིན་པར་འདོད། གྲྭ་ས་གྲྭ་ཚང་ནང་དུ་སྡད་ནས་བསྟན་ཤིག་ཁོ་ན་ཁྲབ་ནས་སྤྱི་ཚོགས་སྟེང་མཁས་ཉམས་སྟོན་ཕྱིར་རང་གིས་བསྟན་ཤིག་ཁྲབ་པ་ཚང་མ་གྲྭ་པ་སྤྱི་ལ་གཡོགས་ནས་གྲྭ་པས་འདི་དང་འདི་བྱེད་ཀྱི་འདུག་ཟེར་མཁན་རྒྱབ་མདུན་མི་མཚུངས་བའི་ལས་ཀ་གཉེར་ནས་ཆོས་དང་འཇིག་རྟེན་གཉིས་ཀྱི་བར་སྲིད་པ་དག་གི་ལོག་གཏམ་ལ་དུས་ནམ་ཡང་བདེན་ཁ་གཏེར་རྒྱུ་མེད། རྩད་བཙོད་ཞིབ་ཚགས་བྱས་པ་ཡིན་ན་སྤྱོད་ངན་ཁྲབ་མཁན་ཁོ་རང་ཡིན་པའི་ངེས་ཤེས་རྙེད་ཐུབ།

དྲ་གྲོགས་ལགས་ཀྱི་བསམ་ཚུལ་དེ་དངོས་ཡོད་དང་མཐུན་པ་ཞིག་བཀོད་འདུག་་་ལྷག་པར་དེང་སང་གདན་སའི་ནང་གི་གྲྭ་བ་རྒན་པ་དང་།འཛིན་གྲྭ་རྒན་པ་ཡིན་མཁན་རེ་ཟུང་གིས་དྲ་ཐོག་ཏུ་རྩོམ་ཡིག་སྤེལ་བ་དང་།མཆན་བུ་འདེབས་སྐབས་གྲྭ་བའི་ཀུན་སྤྱོད་དང་།གྲྭ་བའི་འདུ་ཤེས་ལས་བརྒལ་བའི་ཆགས་ཚིག་དང་།འཆལ་ཚིག་མང་པོ་ཞིག་ཐོན་བཞིན་ཡོད་པ་དང་།མདོར་ན་དྲ་ཐོག་ཏུ་གྲྭ་བ་དང་མི་སྐྱ་ཡིན་མིན་གྱི་ས་མཚམས་མེད་པ་ལྟ་བུར་བྱེད་ཀྱིན་ཡོད་པའི་མཐོང་ཚུལ་བྱུང་།དེ་དག་གིས་གཞོན་སྐྱེས་གྲྭ་ཕྲུག་ཚོ་ལ་མིག་དཔེ་ངན་པ་རེ་སྟོན་གྱིན་མེད་འགྲོ་བསམ་གྱིན་འདུག་་་བསམ་ཚུལ་ཙམ་ཡིན།