སྲིད་འཛིན་ཨོ་བྷ་མས་རྒྱ་ནག་གི་མི་འདོད་པའི་རྣམ་འགྱུར་ལ་མ་ལྟོས་པར། ༸གོང་ས་མཆོག་ཕོ་བྲང་དཀར་པོའི་ནང་གདན་ཞུས་གནང་སྟེ་ཆུ་ཚོད་སྐར་མ་ ༤༥ རིང་མཇལ་འཕྲད་བཀའ་མོལ་ཞུས་འདུག
ཁ་སང་ཕྱི་ཚེས་ ༡༦ ཉིན་གྱི་ཝ་ཤིན་ཊོན་ཆུ་ཚོད་ ༡༡ སྐར་ ༣༥ སྟེང་། ཨ་རིའི་སྲིད་འཛིན་ཨོ་བྷ་མ་ལགས་ཀྱིས་༸གོང་ས་མཆོག་ཕོ་བྲང་དཀར་པོའི་ནང་གདན་ཞུས་གནང་སྟེ། དུས་ཡུན་སྐར་མ་ ༤༥ རིང་ལ་ཕན་ཚུན་མཇལ་འཕྲད་བཀའ་མོལ་གནང་ཡོད་འདུག མཇལ་འཕྲད་གནང་གྲུབ་རྗེས་ཨ་རིའི་ཕོ་བྲང་དཀར་པོས་གསལ་བསྒྲགས་སྤེལ་ཏེ། སྲིད་འཛིན་ཨོ་བྷ་མ་ལགས་ཀྱིས་༸གོང་ས་མཆོག་གི་སྐུ་ཚབ་དང་རྒྱ་གཞུང་བར་ཐད་ཀར་འབྲེལ་མོལ་གནང་སྟེ་གནད་དོན་སེལ་དགོས་པ་གླེང་སློང་གནང་ཡོད་སྐོར་དང་། དེ་བཞིན་ཨ་རིའི་ཕྱོགས་ནས་བོད་ནི་རྒྱ་ནག་གི་ཆ་ཤས་ཤིག་ཡིན་པ་ངོས་ལེན་ཡོད་སྐོར་བརྗོད་འདུག དེ་བཞིན། ཕྱི་ཚེས་ ༡༥ ཉིན་ཕོ་བྲང་དཀར་པོས་སྤེལ་བའི་གསར་འགོད་གསལ་བསྒྲགས་ནང་དུའང་། ཐེངས་འདིའི་མཇལ་འཕྲད་ལས་སྲིད་འཛིན་ཨོ་བྷ་མ་ལགས་ཀྱིས་བོད་ཀྱི་ཐུན་མིན་ཆོས་དང་རིག་གཞུང་། སྐད་ཡིག བོད་ཀྱི་འགྲོ་བ་མིའི་ཐོབ་ཐང་བཅས་སྲུང་སྐྱོབ་ཐད་རྒྱབ་སྐྱོར་གནང་བཞིན་པ་མཚོན་ཡོད་སྐོར་བསྒྲགས་ཡོད་པ་རེད།
ཧྥ་རན་སིའི་གསར་སྤེལ་ཁང་གིས་གནས་ཚུལ་སྤེལ་བ་ལྟར་ན། ཕོ་བྲང་དཀར་པོའི་ནང་མཇལ་འཕྲད་གནང་གྲུབ་རྗེས། ༸གོང་ས་མཆོག་གིས་ “ཨོ་བྷ་མ་ནི་ཆེས་རླབས་ཆེ་བའི་དམངས་གཙོའི་རྒྱལ་ཁབ་ཀྱི་སྲིད་འཛིན་ཡིན་པ་དང་། དེ་བཞིན་དུ་ཁོང་གིས་གཞི་རྩའི་འགྲོ་མ་མིའི་ཐོབ་ཐང་རིན་ཐང་དང་ཆོས་ལུགས་རང་དབང་ཐད་ཐུགས་ཁུར་གནང་གི་འདུག” ཅེས་གསུངས་ཡོད་འདུག
ཕྱི་ཚེས་ ༥ ཉིན་ཨ་རི་གཞུང་གི་དམངས་གཙོ་དང་འཛམ་གླིང་ལས་དོན་ཐད་ཀྱི་བློན་ཆེན་ཟུར་བ་ཨོ་ཐི་རོ་ (Maria Otero) ་ལགས་གནམ་ཐང་དུ་ཆེད་ཕེབས་ཀྱིས་༸གོང་ས་མཆོག་ལ་སྣེ་ལེན་མཇལ་འཕྲད་གནང་པ་དང་། ཕྱི་ཚེས་ ༧ ཉིན་ཨ་རིའི་གྲོས་ཚོགས་འོག་མའི་ཚོགས་གཙོ་བྷེ་ནེར་ (John Boehner,R-OH) དང་། གྲོས་ཚོགས་འཐུས་མི་ལྕམ་སྐུ་ཕའེ་ལོ་སི་ (Nancy Pelosi,D-NY) རྣམ་གཉིས་ནས་ཀྱང་༸གོང་ས་མཆོག་དང་མཇལ་འཕྲད་གནང་ཡོད་པ་རེད། དེ་བཞིན། ཕྱི་ཚེས་ ༡༤ ཉིན་རྒྱབ་ཨ་རིའི་བོད་དོན་དམིགས་བསལ་འབྲེལ་མཐུད་ལྕམ་སྐུ་མ་རི་ཨོ་ཏེ་རོ་མཆོག་ (Maria Otero) ཀྱང་དུས་འཁོར་དབང་ཆེན་གྱི་ཆོས་ཐུན་གཅིག་ལ་ཆེད་བཅར་ཞུས་ཡོད་འདུག
ཉེ་སྔོན་ནས་རྒྱ་གཞུང་གིས་སྲིད་འཛིན་ཨོ་བྷ་མས་༸གོང་ས་མཆོག་དང་མཇལ་འཕྲད་གནང་རྒྱུར་མི་འདོད་པའི་རྣམ་འགྱུར་སྟོན་བཞིན་པ་ལྟར། ཕྱི་ཚེས་ ༡༦ ཉིན་རྒྱ་ནག་ཕྱི་འབྲེལ་ལས་ཁང་གིས་གསར་འགོད་བསྒྲགས་ཤིག་སྤེལ་ཏེ། “རྒྱལ་ཁབ་སུ་ཞིག་གི་མགོ་ཁྲིད་ཡིན་ཡང་རྣམ་པ་གང་རུང་གི་ཐོག་ནས་ཏཱ་ལའི་བླ་དང་ཐུག་འཕྲད་བྱ་རྒྱུར་མཐའ་གཅིག་ཏུ་ངོ་རྒོལ་ཡོད” ཅེས་བརྗོད་དེ། ཨ་རི་གཞུང་གིས་༸གོང་ས་མཆོག་དང་མཇལ་འཕྲད་ཀྱི་ལས་འཆར་དེ་ཕྱིར་བསྡུ་གནང་རྒྱུར་རེ་སྐུལ་ཞུས་ཡོད་པ་མ་ཟད། ༸གོང་ས་མཆོག་དང་ཨོ་བྷ་མ་རྣམ་གཉིས་མཇལ་འཕྲད་མ་གནང་བའི་ཆུ་ཚོད་འགའི་སྔོན་ལ། རྒྱ་ནག་ཕྱི་འབྲེལ་ལུས་ཁུངས་ཀྱི་མགོ་གཙོ་གཞོན་པ་ཚའེ་ཐེན་ཁའེ་པེ་ཅིན་དུ་གནས་སྡོད་ཨ་རིའི་གཞུང་ཚབ་ཀྱི་ལས་ཚབ་ཝང་ཞའོ་མེན་ཡོད་སར་ཆེད་བཅར་གྱིས། ཨ་རི་གཞུང་གིས་སྲིད་འཛིན་ཨོ་བྷ་མ་དང་ཏཱ་ལའི་བླ་མ་གཉིས་ཀྱི་མཇལ་འཕྲད་ཕྱིར་འཐེན་དགོས་སྐོར་ཤུགས་ཆེན་པོས་བརྗོད་པ་དང་། དེ་དང་དུས་མཉམ་དུ་ཨ་རིར་གནས་སྡོད་རྒྱ་ནག་གཞུང་ཚབ་ཀྲང་ཡེ་སཱི་ཡིས་ཀྱང་དེར་མཚུངས་ནན་སྐུལ་དང་ངོ་རྒོལ་བྱས་ཡོད་འདུག ད་དུང་། མཇལ་འཕྲད་གནང་གྲུབ་སྟེ་ཆུ་ཚོད་ ༢ འདས་པའི་རྗེས་ལའང་། རྒྱ་གཞུང་ཕྱི་འབྲེལ་མགྲིན་ཚབས་པ་མཱ་ཀྲོ་ཞིས་ཐེངས་འདིར་ཨ་རི་གཞུང་གིས་རྒྱ་ནག་གི་ནང་སྲིད་ལ་ཐེ་ཇུས་ཚབ་ཆེན་གནང་སྟེ། རྒྱ་ནག་མི་མང་གི་བརྩེ་སེམས་ལ་ཕོགས་ཐུག་དང་། ཨ་རྒྱ་གཉིས་ཀྱི་མཛའ་འབྲེལ་ལ་བར་ཆད་བཏང་ཡོད་སྐོར་སྐྱོན་བརྗོད་བྱས་འདུག
ཡིན་ནའང་། ཨ་རིའི་སྤྱི་མཐུན་ཚོགས་པའི་འཐུས་མི་སི་མེ་ཐི་ལགས་ཀྱིས། ཕོ་བྲང་དཀར་པོས་མཇལ་འཕྲད་གནང་རྒྱུ་དེ་སྔ་ས་ནས་གསལ་བསྒྲགས་མ་གནང་པར། ཕྱི་ཚེས་ ༡༥ དགོང་མོ་ད་གཟོད་ཕྱིར་བསྒྲགས་བྱས་པ་དེ་ནི་སྤྱི་ཚོགས་ཁྲོད་གླེང་སློང་ཤུགས་ཆེན་པོ་མི་ཡོང་བར་དམིགས་པ་ཞིག་ཡིན་པའི་སྐྱོན་བརྗོད་གནང་ཡོད་འདུག
ཐེངས་འདིའི་མཇལ་འཕྲད་ནི་༸གོང་ས་མཆོག་གིས་ཆབ་སྲིད་འགན་དབང་རྒས་ཡོལ་གནང་བའི་རྗེས། ཨ་རིའི་སྲིད་འཛིན་གྱིས་ཕོ་བྲང་དཀར་པོའི་ནང་གདན་ཞུས་ཀྱིས་མཇལ་འཕྲད་གནང་བ་ཐོག་མ་དེ་ཆགས་ཡོད།
གསར་འགོད་པ། ཚེ་རིང་རྒྱལ།
དབུ་ཁྲིད་རྣམ་གཉིས་མཇལ་འཕྲད་གནང་བར་བཀྲིས་བདེ་ལེགས་ཞུ་བ་དང་། འོན་ཀྱང་མི་ལོ་དྲུག་བཅུ་མ་ཟིན་ཙམ་རིང་ལ་འཛམ་གླིང་དབུ་ཁྲིད་དག་ནས་བོད་དོན་དང་བོད་མི་རིགས་ཀྱི་བདེ་དོན་ནི་རང་རང་རྒྱལ་ཁབ་སོ་སོའི་སྲིད་ཀྱི་ལག་ཆ་ཞིག་ལས་དོན་དམ་པའི་རྒྱབ་བསྐྱོར་རྩ་བ་ནས་བྱེད་ཀྱི་མེད་པ་ཀུན་གསལ་ཡིན་ན། ད་རེས་ཀྱང་ཨ་རིའི་ཆབ་སྲིད་ཀྱི་ལག་ཆ་ཞིག་ཏུ་བེད་སྤྱོད་གཏོང་རྒྱུ་ལས་མགོ་ནག་བོད་མིར་ཕན་པའི་རེ་བ་དང་ཡིད་ཆེས་དེ་ཙམ་མེད།
ཨ་ལ།གོང་གི་མཆན་འདི་དག་ལ་བལྟས་ཚེ།ང་ཚོ་བོད་པ་ཚོ་དུས་རབས་ཉེར་གཅིག་པའི་སྐབས་སུ་འང་།ད་དུང་གཉིད་ལས་སད་མི་འདུགད་སད་རན།ཨ་རིའི་རྒྱབ་སྐྱོར་ཡོད་ཅེས་པ་ངག་ནས་ཁྲོལ་བ་ཙམ་ལས་དོན་ལ་ལག་ལེན་གསེར་གྱི་ཐིགས་པ་རེད།ད་ལྟ་ཨ་རི་ལ་མཚོན་ན།བོད་ལ་རྒྱ་དཀྲུག་པའི་སྤྱོད་སྒོ་མེད་པ་མ་ཟད།ཚོང་ལས་ཐད་ནས་བར་ཆད་ཞིག་ཏུ་གྱུར་ཡོད།ཨ་རིས་དམངས་གཙོ་སྒྲུབ་པ་ནི་བྱི་ལས་སྟོན་པའི་ཚུལ་བསྟན་ནས་ཙི་གུར་ཆོས་གསུངས་པའི་ཚུལ་ཁོ་ནའོ།
༼ཨོ་བྷ་མས་ཐུགས་ཁུར་གནང་གི་འདུག་ཟེར།༽ ཁ་བྱང་བྲིས་སྟངས་ལ་་བལྟས་ན་དུས་བབ་ཚང་གིས་༧གོང་ས་མཆོག་ལ་གུས་ཞབས་མེད་པའམ་ཡི་མ་རངས་བ་ལྟ་བུ་ཞིག་ཤུགས་ཀྱིས་མངོན་གྱི་འདུག དེ་འདྲ་མིན་ན་སླད་མར་ཁ་བྱང་འགོད་ཕྱོགས་ལ་གཟབ་གཟབ་གནང་རོགས།
ལྷ་ཡི་ཐུགས་དང་མི་ཡི་སེམས་ཁམས་གཉིས།།
ཅོག་ཙེ་གཅིག་གི་སྟེང་ལ་མི་འདུ་རུང་།།
མི་ཡི་སྡུག་བསྔལ་ལྷ་ཡིས་སེལ་ཐབས་ལ།།
ཁང་བ་གཅིག་གི་ནང་ན་གླེང་ངམ་ཅི།།
ག་རེ་བཀྲ་ཤིས་བདེ་ལེགས་
ཞི་བདེའི་གདོོངས་འབག་གོེན་མཁན་རང་རེད་་་་་་ཁོང་སྲིད་འཛིན་ཆགས་པའི་ཉིན་མོ་དེ་ནས་བཟུང་དམག་ས་གསར་པ་མང་པོ་འགོ་འཛུགས་པ་རེད་ལ་དམར་གསོད་དེ་བས་ཀྱང་ཚམ་ཆད་མེད་
་ཨོ་བྷ་མའི་ཁ་གཅིག་ལ་ཅེ་གཉིས་ཡོད་
ཨོ་བྷ་མ་དང་༸གོང་ས་མཆོག་མཇལ་འཕྲད་གནང་འདི་མ་གཏམ་བཟང་ཞིག་ཡིན་ཏ་ཡིན། དགྲ་སྡུག་རྒྱུ་ཟིན་དགའ་རྒྱུ་ཡོད་པ་ཞིག་རེད་ཏ་རེད།
འོན་ཏེ་༸གོང་ས་མཆོག་གི་གཟི་བརྗེད་དང་མཛད་རྗེས་ལ་ཡི་རིང་བྱས་ནས་བསྡད་འདུག་པ་ཙམ་གྱིས་མི་འགྲིག་པ་ཐག་ཆོད་རེད། ༸གོང་ས་མཆོག་གིས་དབང་ཆ་མི་དམངས་ཀྱི་ལག་དུ་བཞག་པ་དེ་རང་ཅག་མི་རེ་བཞིན་ལ་ལས་འགན་ཇེ་བརྗིད་དུ་སོང་བ་ཤེས་དགོས།
དེའི་རྩ་བ་ལ་རྒྱ། ཆིག་བསྒྲུལ། དྲང་བདེན། ཆོད་སེམས། གསར་གཏོད་བཅས་ལ་ཐུག་ཡོད། ང་ཚོས་ཆབ་སྲིད་ལང་ཕྱོགས་ལ་བསམ་བློ་གསར་བ་བཏང་རན་ཡོད།
ཇོ་ནང་བ་ལ་ཆོས་བརྒྱུད་གཅིག་བཙུང་གིས་ཐོབ་ཐང་མ་གནང་བར་ཕྱི་གཤོལ་ལེ་ལོ་བྱས་ལུགས་སོགས་ལྟ་བུ་བྱས་ན།
བསྟན་སྲིད་ཟིན་གྱི་མ་རེད། འདིསྐོར་མི་ཤེས་མཁན་ཡོད་ན་སྤྱི་ཟླ་༦ པའི་ ཚེས་༡༢ ལ་སྤེལ་བའི་དུས་བབ་ཀྱི་ཐོག་གི༼ དུས་འཁོར་གྱི་ཉམས་བཞེས་ཇོ་ནང་བ་ཁོ་ན་ལ་ཡོད ༽ཟེར་བའི་ཁ་བྱང་ཐོག་གཟིགས་དང་དེར་གསལ་བོ་འདུག
འདི་དག་ཚང་མ་གཏམ་བཟང་ཡིན་ཏ་ཡིན། དགྲ་སྡུག་རྒྱུ་ཟིན་དགའ་རྒྱུ་ཞིག་རེད་ཏ་རེད།
འོན་ཏེ་༸གོང་ས་མཆོག་གི་གཟི་བརྗེད་དང་མཛད་རྗེས་ལ་ཡི་རང་བྱས་ནས་བསྡ་འདུག་པ་ཙམ་གྱིས་མི་འགྲིག་པ་ཐག་ཆོད་རེད། ༸གོང་ས་མཆོག་གིས་དབང་ཆ་མི་དམངས་ཀྱི་ལག་དུ་བཞག་པ་དེ་རང་ཅག་མི་རེ་བཞིན་ལ་ལས་འགན་ཇེ་བརྗིད་དུ་སོང་བ་ཤེས་དགོས།
དེའི་རྩ་བ་ལ་རྒྱ། ཆིག་བསྒྲུལ། དྲང་བདེན། ཆོད་སེམས། གསར་གཏོད་བཅས་ལ་ཐུག་ཡོད། ང་ཚོས་ཆབ་སྲིད་ལང་ཕྱོགས་ལ་བསམ་བློ་གསར་བ་བཏང་རན་ཡོད།
ཇོ་ནང་བ་ལ་ཆོས་བརྒྱུད་གཅིག་བཙུང་གིས་ཐོབ་ཐང་མ་གནང་བར་ཕྱི་གཤོལ་ལེ་ལོ་བྱས་ལུགས་སོགས་ལྟ་བུ་བྱས་ན།
བསྟན་སྲིད་ཟིན་གྱི་མ་རེད། འདིསྐོར་མི་ཤེས་མཁན་ཡོད་ན་སྤྱི་ཟླ་༦ པའི་ ཚེས་༡༢ ལ་སྤེལ་བའི་དུས་བབ་ཀྱི་ཐོག་གི༼ དུས་འཁོར་གྱི་ཉམས་བཞེས་ཇོ་ནང་བ་ཁོ་ན་ལ་ཡོད ༽ཟེར་བའི་ཁ་བྱང་ཐོག་གཟིགས་དང་དེར་གསལ་བོ་འདུག
༸གོང་ས་༸སྐྱབས་མགོན་ཆེན་པོ་མཆོག་དང་ཨ་རིའི་སྲིད་འཛིན་མཇལ་འཕྲད་གནང་བར་བཀྲིས་བདེ་ལེགས་ཞུ། དེས་ཨ་རིའི་གཞུང་ནས་དོན་དུ་བོད་པའི་འཐབ་རྩོད་ལ་རྒྱབ་སྐྱོར་ཡོད་པའི་རྣམ་པ་ཞིག་བསྟན་པ་རེད། རྒྱ་དམར་སྲིད་གཞུང་ནས་དངོས་ཤུགས་བརྒྱུད་གསུམ་ནས་༸གོང་ས་མཆོག་དང་ཨ་རིའི་སྲིད་འཛིན་དབར་མཇལ་འཕྲད་མི་ཡོང་བའི་ཐབས་ཤེས་བྱས་ཀྱང་གྲུབ་འབྲས་མ་ཐོན་པ་ནི་རྒྱ་དམར་སྲིད་གཞུང་སྔོ་ལོ་འཆར་བ་རེད།
ཕོ་རབས་ཟེར་ན་འོ་བྷ་མ་ལྟ་བུ་དགོས་པ་རེད། ཡིན་ནའང་བྷུ་ཤུ་མཆོག་གི་ཆོད་སེམས་ལ་དོ་ཟླ་མི་ཉན་གི་ཡ།
བཀྲ་ཤིས་བདེ་ལེགས་གྲངས་མེད་ཞུ།
འཚེ་མེད་ཞི་བའི་ཚབ་མཚོན་གོང་ས་དང་། །
བྲན་གཡོག་བུ་རྒྱུད་མི་ནག་སྲིད་འཛིན་གཉིས། །
ཕོ་བྲང་དཀར་པོའི་ནང་དུ་མཇལ་འཛོམས་ཀྱིས། །
གདུག་རྩུབ་བཙན་དབང་མཁན་ཚོར་བརྡ་ཞིག་སྤྲད། །