ཉིན་འདི་འགར་ཨ་རིའི་ཕྱི་སྲིད་དྲུང་ཆེ་ལྕམ་ཧེ་ལཱ་རི་ཁུ་ལིན་ཊོན་མཆོག་རྒྱ་གར་དུ་རྒྱལ་དོན་འཚམ་གཟིགས་སུ་ཕེབས་ཡོད་ཅིང་། རྒྱ་གར་གྱི་དཔོན་རིགས་མང་པོ་ཞིག་དང་མཇལ་འཕྲད་གནང་སྟེ། ཨ་རྒྱ་ཕྱོགས་གཉིས་པར་རྡུལ་ཕྲན་ཚོང་ལས་རྒྱ་སྐྱེད་གཏོང་རྒྱུའི་ཐད་གྲོས་མོལ་གནང་ཡོད།
ཟླ་འདིའི་ཕྱི་ཚེས་ ༡༩ ཉིན་རྒྱལ་ས་ལྡི་ལི་རུ་ཧེ་ལཱ་རི་དང་རྒྱ་གར་ཕྱིད་སྲིད་བློན་ཆེན་གཉིས་མཇལ་འཕྲད་ཀྱི་གསར་འགོད་གསལ་བསྒྲགས་ཤིག་བསྐྱངས་པའི་ནང་། ཨ་རྒྱའི་བར་བཞག་པའི་དེ་སྔའི་རྡུལ་ཕྲན་ཚོང་ལས་ཀྱི་གྲོས་ཆོད་རིགས་ཡིག་ཐོག་ཏུ་འཇོག་རྒྱུ་ཙམ་མ་ཡིན་པར་དངོས་སུ་ལག་བསྟར་བྱ་རྒྱུ་དང་། དམངས་ཀྱི་བདེ་དོན་དང་སྤྱི་ཚོགས་འཛུགས་སྐྲུན་ཐད་རྡུལ་ཕྲན་གྱི་ནུས་ཤུགས་བེད་སྤྱོད་བྱ་རྒྱུ་ནི་ཕྱོགས་གཉིས་ཀྱི་རྩ་འཛིན་ཡིན་ཚུལ་དང་། རྒྱ་གར་ཕྱོགས་ནས་ཀྱང་རྡུལ་ཕྲན་ཚོང་ལས་གོང་འཕེལ་གཏོང་རྒྱུར་འབད་བརྩོན། ཨ་རིའི་རྡུལ་ཕྲན་བཟོ་སྐྲུན་རྟེན་གཞི་རྒྱ་གར་ནང་འཛུགས་རྒྱུར་དགའ་བསུ་ཡོད་ལུགས་བཅས་བརྗོད་ཡོད་པ་རེད།
ཁ་སང་ཕྱི་ཚེས་ ༢༠ ཉིན་ཧེ་ལཱ་རི་རྒྱ་གར་ལྷོ་ཕྱོགས་ཅེ་ནའེ་(Chennai) གྲོང་ཁྱེར་དུ་ཕེབས་ཏེ། ཨ་ནཱ་དཔེ་མཛོད་ཁང་དུ་གཏམ་བཤད་ཅིག་གནང་ཡོད་ཀྱང་། སྐབས་དེར་ཁོང་གིས་ཨེ་ཤ་ཡ་ཞི་བདེ་རྒྱ་མཚོའི་མངའ་ཁུལ་ནང་རྒྱ་ནག་གི་དབང་ཤུགས་རྒྱས་བཞིན་པའི་དུས་འདིར་རྒྱ་གར་གཞུང་གིས་ཆབ་སྲིད་དང་དཔལ་འབྱོར་སོགས་ཕྱོགས་ཡོངས་ནས་ཁྱིམ་མཚེས་རྒྱལ་ཁབ་ཁག་ཏུ་རྒྱ་སྐྱེད་དང་། ཨེ་ཤ་ཡ་ཞི་བདེ་རྒྱ་མཚོའི་མངའ་ཁུལ་ལ་སྣེ་འཁྲིད་ཐུབ་མཁན་ཞིག་དགོས་རྒྱུ། དེ་བཞིན་ཨ་རི་དང་མཉམ་དུ་དཀྱིལ་ཤར་གླིང་དང་ཨ་ཧྥི་རི་ཀ་གླིང་གི་དཀའ་རྙོག་ཐོག་མཉམ་ལས་བྱ་དགོས་པ་སོགས་བརྗོད་ཡོད་འདུག
ཉིན་འགའི་སྔོན་རྒྱ་གར་མུམ་བྷའེ་གྲོང་ཁྱེར་ནང་འགད་རྫས་ཀྱི་དོན་རྐྱེན་བྱུང་ཡོད་སྟབས། ཐེངས་འདིར་ཧེ་ལཱ་རིའི་བདེ་འཇགས་ལ་དམིགས་བསལ་དོ་སྣང་བྱེད་ཀྱི་ཡོད་ཅིང་། ཁོང་གི་འགྲོ་སྐྱོད་ཀྱི་ས་གནས་ཁག་དང་བཞུགས་ཡུལ་སོགས་གསང་བ་བྱས་ཡོད་འདུག
གསར་འགོད་པ། བནྡེ་སྐྱབས།
་་་་་་ཨ་རིའི་རྡུལ་ཕྲན་བཟོ་སྐྲུན་རྟེན་གཞི་རྒྱ་གར་ནང་འཛུགས་རྒྱུར་དགའ་བསུ་ཡོད་ལུགས་བཅས་བརྗོད་ཡོད་པ་ལྟར། དམིགས་ཡུལ་གཙོ་བོ་ཨ་རུ་ནཱ་ཅལ་དུ་ཆགས་ཀྱི་ཨེ་ཡོད། ད་ལྟོས་ཨ་་་་་་་་་་་་་ཡང་འཁྲུག་ཆ་དོད་པོ་ཞིག་་་་་་་་་ང་དགའ་བསུ་ཡོད་ཡ། ད་འཚེ་མེད་ཞི་བ་བཤད་མ་ཡོང་ཨ་་་་་་་་་་་་་་་