ཉེ་ལམ་དཀར་མཛེས་ཁུལ་དཔལ་ཡུལ་རྫོང་ཡ་ཆེན་ཨོ་རྒྱན་བསམ་གཏན་གླིང་དགོན་པའི་བླ་མ་ཨ་ཁྱིག་གྲུབ་དབང་འཇམ་དབྱངས་ལུང་རྟོགས་རྒྱལ་མཚན་མཆོག་དགོངས་པ་ཆོས་དབྱིངས་སུ་འཐིམ་ཡོད་འདུག
བཞུགས་སྒར་གནས་བཞུགས་ཐུབ་བསྟན་བློ་བཟང་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཕྱི་ཟླ་ ༧ པའི་ཚེས་ ༢༣ ཉིན་གྱི་བོད་ནང་གི་མཚན་གྱི་ཆུ་ཚོད་ ༢ དང་སྐར་མ་ ༡༥ སྟེང་། དཔལ་ཡུལ་ཡ་ཆེན་ཨོ་རྒྱན་བསམ་གཏན་གླིང་དགོན་པའི་བླ་མ་ཨ་ཁྱིག་གྲུབ་དབང་འཇམ་དབྱངས་ལུང་རྟོགས་རྒྱ་མཚོ་མཆོག་དགོངས་པ་ཆོས་དབྱིངས་སུ་འཐིམ་ཡོད་ཅིང་། ད་ལོ་དགུང་གྲངས་ ༨༤ ཡིན་འདུག ཉིན་ ༧ རིང་གསང་བའི་ངང་གནས་ཚུལ་ཕྱིར་བསྒྲགས་བྱས་མེད་ཀྱང་། ཕྱི་ཚེས་ ༣༡ ཉིན་ནས་ཆོས་ཕྱོགས་ཀྱི་བྱེད་སྒོ་ཁག་སྤེལ་བ་དང་བསྟུན་ཏེ་མི་མང་ལ་སྐུ་གདུང་མཇལ་ཁ་གནང་གི་ཡོད་པ་དང་། དགུང་ཞག་ཞེ་དགུའི་ནང་སྐུ་གདུང་བཞུགས་འབུལ་ཞུ་རྒྱུ་ཡིན་འདུག
ཨ་ཁྱིག་རིན་པོ་ཆེ་གྲུབ་དབང་ལུང་རྟོགས་རྒྱལ་མཚན་མཆོག་ནི། དཀར་མཛེས་བོད་རིགས་རང་སྐྱོང་ཁུལ་དཔལ་ཡུལ་རྫོང་ཁྲོ་ཐལ་དུ་ཡབ་དབང་ལོ་དང་ཡུམ་ཨ་འཁོས་གཉིས་ཀྱི་སྲས་སུ་ཕྱི་ལོ་ ༡༩༢༧ ལོར་འཁྲུངས་ཤིང་། དགུང་ལོ་ ༡༥ སྟེང་རབ་བྱུང་གི་སྡོམ་པ་བཞེས་རྗེས། སྔ་ཕྱི་དགེ་བའི་བཤེས་གཉེན་དུ་མའི་ཞབས་ལ་གཏུགས་ཏེ་བོད་ཀྱི་ཐུན་མོང་མ་ཡིན་པའི་ནང་ཆོས་ལ་སློབ་གཉེར་མཐར་ཕྱིན་པ་གནང་མཁན་ཞིག་ཡིན་འདུག ཁོང་གི་སྐུ་ཚེ་ཧྲིལ་བོར་ཐོས་བསམ་སྒོམ་གསུམ་དང་སྒྲུབ་པ་ཉམས་ལེན་ཕྱོགས་ལ་འབད་ཡོད་པ་མ་ཟད། ༡༩༨༤ ལོར་ཡ་ཆེན་ཨོ་རྒྱན་བསམ་གཏན་གླིང་ཕྱག་བཏབ་ཅིང་། སྒོམ་དང་སྒྲུབ་པ་ཉམས་ལེན་གྱི་ཐད་ནས་བོད་མདོ་དབུས་ཁམས་གསུམ་དང་རྒྱ་ནག་ནང་ཁུལ་གྱི་སློབ་མ་སྟོང་ཕྲག་མང་པོ་སྐྱེད་སྲིང་བྱས་ཏེ་ཆོས་ཕྱོགས་ཀྱི་མཛད་འཕྲིན་རྒྱ་ཆེར་བསྐྱངས་ཡོད་པ་དང་། ལོ་འགའི་རིང་དགོན་པའི་ནང་འཚེ་བ་སྦངས་བའི་ལས་འགུལ་སྤེལ་ཏེ་དཀར་ཟས་ཁོ་ན་རོལ་གྱིན་ཡོད་འདུག་ལ། མ་འོངས་པར་བཤད་གྲྭ་གསར་འཛུགས་བྱ་རྒྱུའི་འབད་པ་བྱེད་ཀྱིན་ཡོད་འདུག
རྒྱ་ནག་གཞུང་གིས་ཡ་ཆེན་བསམ་གཏན་གླིང་དགོན་པར་སུན་གཙེར་དང་དམ་དྲག་རིམ་པར་བྱས་ཏེ་དགོན་པའི་དགེ་འདུན་པ་ཚོར་གནོན་ཤུགས་སྤྲད་ཡོད་ཀྱང་། དགོན་པའི་འབྲེལ་ཡོད་དང་གྲྭ་བ་ཚོས་བཟོད་སེམས་བྱས་སྟབས། གཏོར་བཅོམ་བཏང་བའི་གནས་ཚུལ་གཅིག་ཀྱང་བྱུང་མེད་པ་དང་། ད་ལྟའི་ཆར་དགོན་པའི་ནང་གྲྭ་བཙུན་ཆིག་ཁྲི་ ༡༠༠༠༠ ཡས་མས་ཤིག་ཡོད་འདུག
གསར་འགོད་པ། དོན་ག
མཁན་པོ་ཨ་ཁྱུག་ཚང་དགོངས་པ་རྫོགས་ནས་མྱ་ངན་ཞུ། མཁན་པོ་ཨ་ཁྱུག་ཚང་གི་རྒྱུད་གྱི་བྱིན་རླབས་བདག་རྒྱུད་ལ་སྐྱེ་བར་སྨོན།་་་གདོང་སེམས་ཉམས་སྐྱེད་ཡིན།
བླ་ཆེན་ཁོང་དགོངས་པ་རྫོགས་ནས་ཉིན་ཤས་རྗེས་གསེར་རྟ་བླ་རུང་གི་མཁན་པོ་ཚུལ་ཁྲིམས་བློ་གྲོས་སླེབས་ནས། ད་ནས་ཁོང་གིས་གསེར་རྟ་བླ་རུང་སྒར་དང་ཁྱད་མེད་དུ་སྒར་འདི་ལ་གཟིགས་སྐྱོང་གནང་གི་ཡིན་ཞེས་བཤད་འདུག་ཟེར། ཁོང་ནི་ངོ་མ་གོ་སྐབས་འཛིན་ཐུབ་པའི་ཆབ་སྲིད་པ་ངོ་མ་ཞིག་རེད། སྒར་འདིའི་བདག་པོའང་ངས་བྱེད་དགོས་ཟེར་བ་རེད། ཨ་ཁྱུག་སྒར་གྱིས་དེ་ལ་ངོས་ལེན་བྱེད་ངེས་རེད་དམ། སྒར་ཆེན་འདིའི་ནང་རང་ཚུགས་འཛིན་ཐུབ་མཁན་ཡོད་ངེས་པས་ལས་སླ་པོས་འདིའི་དགོན་བདག་བྱེད་ཆོག་ཆོག་ཡོད་དམ།
བླ་མ་ཚེ་རིང་བཀྲ་ཤིས་ལག་
ཁོང་ཡང་ནོར་ཤག་༼ཨ་ཆུག༽་མ་རེད་༼ཨ་ཁྱུག༽་རེད་
གསར་འགོད་པ་སུ་ཡིན་གསལ་ཁ་མི་འདུག་ཀྱང་གོང་གི་ཨ་ཁྱིག་ཞེས་པ་དེ་ཨ་ཆོས་སུ་འགྱུར་དགོས་ཀྱི་འདུག ཁོང་ལ་ཁམས་ཕྱོགས་ནས་ཨ་ཆོས་མཁན་པོ་ཞེས་འབོད་སྲོལ་ཞིག་ལས་ཨ་ཁྱིག་ཞེས་འབོད་སྲོལ་མི་འདུག
བླ་ཆེན་ཁོང་དགོངས་པ་རྫོགས་ནས་གུས་འདུད་ཞུ།
སྐུར་འོས་རྫ་ཚེ་རིང་བཀྲ་ཤིས་ལག
ཨ་ཁྱིག་མ་རེད་ཨ་ཆུག་རེད་གུས་པ་དམ་པ་ཁོང་གི་སྐུ་དྲུང་དུ་སྦྲང་བྱ་༡༢་ཙམ་འདུག་པའི་སྐལ་བཟང་ཐབས་སོང་།
བསྐུར་འོས་རྫ་ཚེ་རིང་བཀྲ་ཤིས་ལག།
གུས་པས་བསམ་ན་ཁྱེད་རང་ཡང་ནོར་བ་འདྲ།
གྲུབ་དབང་ལུང་རྟོགས་རྒྱལ་མཚན།
ཡང་ན་མཁན་པོ་ཨ་ཁྱུག་ཞུ་བ་རེད།
ཁོ་འོ་དམ་པ་ཁོང་གིས་ཞབས་དྲུང་དུ་སྦྲང་བྱ་ཧྲཱིལ་པོ་༡༢་ལ་སྡད་པ་ཡིན་
དེས་ན་ང་ལ་ཡོན་བསྟན་ཏིལ་འབྲི་རྩམ་མེད་ན་ཡང་སོ་སོའི་བརྩ་བའི་བླ་མ་མཚན་གསལ་པོ་ཤེས་གི་ཡོད་ལག
ཤིང་རྟ་ལགས་ཀྱིས་གནས་ཚུལ་དངོས་མཁྱེན་འདོད་ན་ཕྲན་གྱི་བང་ཆེན་ཟིན་བྲིས་རྫ་ཆུའི་རྡ་རྟགས་སུ་གཟིགས་རོགས།
ཨ་ཁྱུག་ཡོངས་གྲགས་ཀྱི་སྒྲ་གདང་ཡིན་ཡང་ཁྱིའུ་ལས་བསྡུས་པའི་སྒྲ་ནི་ཨ་ཁྱིག་ཏུ་འགྱུར་བ་འདྲ་ཞིག་འདུག དེ་ཡང་ཁོང་གི་ཆུང་མིང་གི་མཚན་ནི་ཁྱིའུ་རེད་འདུག
གསལ་བཤད་ཅིག་ཞུ་ཆོག་པ་ཞུ།
བླ་མ་༼ཨ་ཁྱིག་༽མ་རེད་ཨ་ཁྱུག་རེད། ཨ་ཁྱུག་རིན་པོ་ཆེ་གྲུབ་དབང་ལུང་རྟོགས་རྒྱལ་མཚན་རེད །
༸གོང་ས་སྐྱབས་མགོན་ཆེན་པོ་མཆོག་གིས་གསུངས་གནང་བའི་བླ་མ་ཨ་ཁྱུག་གི་ཞབས་བརྟན་གསོལ་འདེབས་ཤིག་འདུག་པ་དེའི་ནང་དུ།
ཀ་དག་དོན་གྱི་གནས་ལུགས་(ཨ་)ཡི་གདངས།།
སྨིན་རྒྱུ་ཆུ་ལྟར་(ཁྱུག)་པའི་བདེན་མེད་དོན།།
ཟབ་གསང་བཀའ་བབས་འཇམ་་དབྱངས་དགོངས་པ་བཞིན།།
གདོམས་མཛད་དཔལ་ལྡན་བླ་མ་གསོལ་བ་འདེབས།།
ཞེས་པའི་དོན་ལས་ཤེས་སོ།།
ད་ལྟའི་ཆར་དགོན་པའི་ནང་གྲྭ་བཙུན་ཆིག་ཁྲི་ ༡༠༠༠༠ ཡས་མས་ཤིག་ཡོད་འདུག ཅེས་པ་དེ་གྲྭ་བཙུན་ཞེས་པ་དེ་གྲྭ་པ་དང་བཙུན་མ་གཉིས་ཞེས་པའི་དོན་ཡིན་ནམ་གྲྭ་པ་གཅིག་པའི་
དོན་ཡིན་གྲྭ་པ་གཅིག་པའི་དོན་ཡིན་ན་ཅུང་ནོར་འདུག བཙུན་མ་གཅིག་པུར་ཆིག་ཁྲི་ལས་བརྒལ་ཡོད་ཚོད་འདུག
ཀྱེེ་མ དྲིན་ཆེན་རྩ་བའི་བླ་མ་ཁྱོད་ཀྱི་སྐུ་གསུང་ཐུགས་ཀྱི་བྱིན་རླབས་ནཐར་དག་བདག་གི་རྒྱུད་ལ་འཕོས་ནས་བསྟེན་པ་དང་སེམས་ཅན་གྱི་དོན་རྒྱ་ཆེན་པོ་འགྲུབ་པར་བྱིན་གྱིད་བརླབས་དུ་གསོལ།།
གྲུབ་དབང་ལུང་རྟོགས་རྒྱལ་མཚན། ཡང་ན་མཁན་པོ་ཨ་ཁྱིག་ཚང་ཞུ་བ་ལས་ཨ་ཁྱིག་གྲུབ་དབང་ཟེར་བ་འདི་ལྟར་འབོད་མཁན་ཞིག་དེ་རིང་མ་གཏོགས་མཐོང་མ་སོང་། འབོད་སྟངས་འདི་ཐེངས་དང་པོ་རེད། དག་བཅོས་བྱས་ན་བཟང་།