དམ་འབུལ་ཐོབ་སྐར་གོར་ཐིག་རེད།

ངའི་རྩོམ་འཆལ་འདིའི་བདེན་པ་སེལ་སོང་། སྲིད་སྐྱོང་གསར་བས་ཀྱང་གུ་རུ་རིན་པོ་ཆེའི་འཁྲུངས་སྐར་སྟེང་གང་ཐུབ་ཐུབ་ཅིག་དཀྲི་ཁུལ་དང་འཐེན་ཁུལ་བྱས་སོང་། དེས་ང་དགའ་བྱུང་། ཐུགས་རྗེ་ཆེ་ཞུ་བ་དང་མཉམ་དུ། རྗེས་ནས་གཟབ་གཟབ་བྱེད་རྒྱུ་མ་བརྗེད་ཅེས་སྐུ་ཞབས་བློ་སེང་ལ་ཞུ་འདོད་བྱུང་ལ། ལྷག་པར་དྲན་སྐུལ་གཏོང་དགོས་པ་ཞིག་ནི། བོད་ཡིན་ན་འདྲ། བཙན་བྱོལ་སྤྱི་ཚོགས་ཡིན་ན་འདྲ། ལྟོས་ན་ཆུང་ཆུང་ཞིག་ཡིན་ན། འགོ་ཁྲིད་བྱེད་དགོས་ན་སྟོབས་ཆེན་ཨ་རི་ལས་ཀྱང་རྙོག་དྲ་ཚ་བོ་ཡོད་པ་དེ་ཡིན།

དེ་ནས་ཞོར་དུ། བཤད་འདོད་པ་ཞིག་ལ། བཙུན་པ་ཟམ་གདོང་གི་རྗེས་མཐུད་དགོས་སྟབས། བཙུན་པ་ཟམ་གདོང་གི་གཟི་ཉམས་ཀྱིས་སྐུ་ཞབས་བློ་སེང་གི་དམ་འབུལ་གཏམ་བཤད་ནས་བཟུང་རྣ་ལ་འགྲོ་བོ་ཞིག་མེད་ཀྱང་། ༧གོང་ས་མཆོག་གིས་ཀྱང་ཡིག་རྩལ་གཏོང་གི་ཡིན་གསུངས་བ་བཞིན། ང་ཚོས་ཀྱང་ཡིག་རྩལ་གཏོང་བཞིན་པ་ཡིན།
དེ་ནས། ཞེ་དྲག་གལ་ཆེན་པོ་ཞིག་ལ། བརྒྱད་བརྒྱད་དགུ་དགུ་དགུའི་སྐབས་སུ་རྒྱལ་ས་ལྷ་ས་དང་། མདོ་ཁམས་སྟོད་སྨད་བཅས་སུ་སྐྱ་སེར་གཉིས་ཀས་ལྷ་སངས་བཏང་སྟེ་བཀྲ་ཤིས་ཁ་གཡང་ནན་གྱིས་བོས་འདུག་ཁར། ཤོག་སྦག་སྦར་ནས་དགྲ་དགག་བཟློག་བསྒྱུར་གྱིས་གཞིས་བྱེས་མཉམ་འཛོམས་ཀྱི་ཁ་གཡང་བོས་འདུག དེ་སྐུ་ཞབས་བློ་སེང་གིས་དྲན་པར་ཉར་རོགས་ཞུ།
ངའི་རྩོམ་འཆལ་འདིའི་བདེན་པ་སེལ་སོང་། སྲིད་སྐྱོང་གསར་བས་ཀྱང་གུ་རུ་རིན་པོ་ཆེའི་འཁྲུངས་སྐར་སྟེང་གང་ཐུབ་ཐུབ་ཅིག་དཀྲི་ཁུལ་དང་འཐེན་ཁུལ་བྱས་སོང་། དེས་ང་དགའ་བྱུང་། ཐུགས་རྗེ་ཆེ་ཞུ་བ་དང་མཉམ་དུ། རྗེས་ནས་གཟབ་གཟབ་བྱེད་རྒྱུ་མ་བརྗེད་ཅེས་སྐུ་ཞབས་བློ་སེང་ལ་ཞུ་འདོད་བྱུང་ལ། ལྷག་པར་དྲན་སྐུལ་གཏོང་དགོས་པ་ཞིག་ནི། བོད་ཡིན་ན་འདྲ། བཙན་བྱོལ་སྤྱི་ཚོགས་ཡིན་ན་འདྲ། ལྟོས་ན་ཆུང་ཆུང་ཞིག་ཡིན་ན། འགོ་ཁྲིད་བྱེད་དགོས་ན་སྟོབས་ཆེན་ཨ་རི་ལས་ཀྱང་རྙོག་དྲ་ཚ་བོ་ཡོད་པ་དེ་ཡིན།

དེ་ནས་ཞོར་དུ། བཤད་འདོད་པ་ཞིག་ལ། བཙུན་པ་ཟམ་གདོང་གི་རྗེས་མཐུད་དགོས་སྟབས། བཙུན་པ་ཟམ་གདོང་གི་གཟི་ཉམས་ཀྱིས་སྐུ་ཞབས་བློ་སེང་གི་དམ་འབུལ་གཏམ་བཤད་ནས་བཟུང་རྣ་ལ་འགྲོ་བོ་ཞིག་མེད་ཀྱང་། ༧གོང་ས་མཆོག་གིས་ཀྱང་ཡིག་རྩལ་གཏོང་གི་ཡིན་གསུངས་བ་བཞིན། ང་ཚོས་ཀྱང་ཡིག་རྩལ་གཏོང་བཞིན་པ་ཡིན།
དེ་ནས། ཞེ་དྲག་གལ་ཆེན་པོ་ཞིག་ལ། བརྒྱད་བརྒྱད་དགུ་དགུ་དགུའི་སྐབས་སུ་རྒྱལ་ས་ལྷ་ས་དང་། མདོ་ཁམས་སྟོད་སྨད་བཅས་སུ་སྐྱ་སེར་གཉིས་ཀས་ལྷ་སངས་བཏང་སྟེ་བཀྲ་ཤིས་ཁ་གཡང་ནན་གྱིས་བོས་འདུག་ཁར། ཤོག་སྦག་སྦར་ནས་དགྲ་དགག་བཟློག་བསྒྱུར་གྱིས་གཞིས་བྱེས་མཉམ་འཛོམས་ཀྱི་ཁ་གཡང་བོས་འདུག དེ་སྐུ་ཞབས་བློ་སེང་གིས་དྲན་པར་ཉར་རོགས་ཞུ།

བཀའ་ཁྲི་གསར་པས་དུས་ནམ་ཡང་རྒྱ་ནག་སྲིད་གཞུང་ལ་བརྡ་ལན་སྤྲོད་ཀྱི་ཡོད་སྟབས། རྒྱ་ནག་སྲིད་གཞུང་ལ་ཁྱོད་ཀྱི་བརྒྱད་ཀྱི་ཐོག་ཏུ་ངའི་དགུ་འགྲེང་ཡོད་ཅེས་པའི་དོན་དུ་དུས་ཚེས་དེ་འདམས་པ་ཡིན་པའི་འཚོར་སྣང་བྱུང། ཕྱིས་སུ་གུ་རུའི་འཁྲུངས་སྐར་ཡིན་རབས་བཤད་པ་དེ་ཆབ་སྲིད་པ་ཞིག་གིས་རང་གི་མི་མང་གི་འདོད་བབ་དང་བསྟུན་པའི་སྐད་ཆ་བཤད་པར་འདོད།

བཀའ་ཁྲི་གསར་པ་བློ་བཟང་སེང་གེ་ལགས་ཕེབས་པར་བཀྲིས་བདེ་ལེགས་ཞུ།

དྲ་གྲོགས་ཚོ་ངས་བལྟས་ན་པྭའ་པྭའ་ཅོའུ་ཅོའུ་ལ་གནད་འགག་ཤེས་དྲ་མི་འདུག་སྙམ་དེ་ལས་ངས་གོ་ཐོས་ལ་ཁམས་པའི་གནད་ཡོད་མི་སྣ་མང་པོ་ཞིག་གིས་ཁོང་གི་ཕྱག་རོགས་བཀའ་བློན་རྣམས་འདེམས་སྟངས་ལ་གནོན་ཤུགས་སྤྲོད་ཀྱིན་ཡོད་པར་ཐོས་བས་གལ་སྲིད་བདེན་པ་ཡིན་ན། དེ་ལ་ཆོལ་ཁ་གསུམ་གྱི་སྤྱི་འཐུས་རྣམས་ཀྱིས་རིག་པ་སྒྲིམ་ནས་གཟབ་གཟབ་བྱེད་རྒྱུ་གལ་ཆེ་སྙམ། འདིས་ང་ཚོ་གཞུང་སྒེར་གཉིས་ལ་གནོད་སྐྱོན་ཐེབ་རྒྱུའི་ཉེན་ཁ་ཡོད།

བཀྲ་ཤིས་བདེ་ལེགས

དྲ་གྲོགས་ཚོ་ཁྱེད་ཚོས་འདི་ལྟར་བཤད་ན་ག་ལ་འགྲིག སྤྱིར་བློ་བཟང་སངྒེ་དེ་ལྟར་གསུང་བ་བདེན་ནའང་དེ་ནི་ཞལ་རྩེད་ཙམ་ལས་དོན་དངོས་ཀྱི་རྒྱུ་མཚན་ཞིག་ག་ལ་ཡིན། གནས་ལུགས་དེ་ཙམ་ལའང་དཔྱེ་ཞིབ་མ་བྱས་པར་སྐྱོན་བརྗོད་བྱེད་སྐྱང་བྱེད་པ་ནི་གཞད་རྒད་ཀྱི་གནས་ལས་མ་མཆས་སོ།

རྒྱ་ནག་གི་ཨོ་བྷ་མ་བློ་སེང་ལགས་ནས་八八九九 གྱི་ཉིན་མོར་བོད་པའི་ཁམས་གཤིས་མེད་པར་རྒྱ་མི་རྒྱ་རྐྱང་རྐྱང་གི་རྣམ་པའི་ཐོག་ནས་མཛད་སྒོ་ཞིག་བྱ་འཆར་འདུག་པས། ཁོང་ནག་པོར་དྭོགས་པའི་བགྲེས་པོ་དང་། ཁོང་ལ་རེ་བ་བཅངས་མཁན་མི་རབས་གསར་པ་དང་། གསར་བཏོད་ལ་ཞེན་ཅིང་དུང་བའི་སྐྱེ་བོ་ཚོ་མིག་ཆུ་འཆོར་མི་ཉན་ཡ།

གང་ལྟར་八八九九九གང་ཡང་མི་མང་བསམ་པའི་བཀའ་ཁྲི་ཞིག་འདེམས་ཐུབ་ཡོད།ཁཽང་གི་མཛད་འཆར་ལམ་ལྷོད་ཡོང་བའི་བཀྲ་ཤིས་སྨོན་འདུན་ཞུ།
ང་ཚོ་ལ་དགོས་དུས་རབས་དང་མཐུན་པ་འགྲོ་ཐུབ་པའི་མི་ཞིག་དགོས་པ་ལས་ཀླད་རྙིང་མཁྲེས་བཟུང་བྱེད་མཁན་དགོས་པ་མེད།

རྒན་ལྷ་མོ་སྐྱབས་ལགས་ཀྱིས་འགན་བླངས་པའི་བསམ་ཚུལ་ལྷུག་བརྗོད་གནང་བར་ཐུགས་རྗེ་ཆེ་ཞུའོ།།

༧གོང་ས་མཆོག་གིས། “ད་ལོའི་འོས་བསྡུ་བྱས་ནས་ཐོབ་པའི་མི་གསར་བ་བློ་བཟང་སེང་གེ་འདིར་སླེབས་བསྡད་ཡོད་པ་རེད། སྐྱེས་ས་རྒྱ་གར་དུ་སྐྱེས། འཚར་ལོངས་ཀྱང་རྒྱ་གར་དུ་བྱུང་། ཐོག་མ་ང་ཚོའི་བོད་གཞུང་གི་སློབ་གྲྭའི་ཁོངས་སུ་སློབ་སྦྱོང་བྱས། དེ་ནས་ལྡི་ལི་གཙུག་ལག་སློབ་གཉེར་ཁང་དང་། དེ་ནས་ཧ་ཝ་ཌི་གཙུག་ལག་སློབ་གཉེར་ཁང་བཅས་སུ་སློབ་སྦྱོང་བྱས་ཏེ་དེང་དུས་ཀྱི་སློབ་སྦྱོང་མཐར་ཕྱིན་པ་ཆགས་བསྡད་ཡོད། ད་བོད་ཡིག་ཡག་ཉེས་གང་འདྲ་ཡོད་མེད་གཞི་ནས་རྒྱུགས་ལེན་དགོས་པ་རེད།” ཅེས་གསུངས་པ་ལྟར་བོད་ཡིག་ནི་བཀའ་བློན་རྣམ་པ་དང་ལྷག་པར་བཀའ་བློན་ཁྲི་བར་ངེས་པར་ཚང་དགོས་པའི་ཆ་རྐྱེན་ཞིག་རེད། དེ་སྔ་རྗེ་བཙུན་པདྨ་ལགས་བཀའ་བློན་ལས་དགོངས་པ་ཞུ་དགོས་པའི་རྒྱུ་མཚན་གཙོ་བོར་མོས་བོད་ཡིག་ཡག་པོ་མི་ཤེས་པ་བགྲངས་ཡོད། བློ་སེང་ལགས་ཀྱི་བོད་ཡིག་གི་གནས་ཚུལ་ཅི་འདྲ་ཡིན་ཆ་མ་འཚལ་ཡང་། ངེས་པར་དུ་དབྱིན་ཡིག་ནང་འབྲི་དགོས་པའི་ཕྱི་འབྲེལ་གྱི་ཡིག་ཆ་ཁག་ལས་གཞན་བོད་ཀྱི་ལས་ཁུངས་དང་ (བཙན་བྱོལ་གྱི་ལྷན་ཁང་ཕན་ཚུན་དང་། གཞུང་དང་སྒེར་གཉེར་ཚོགས་པ་ཕན་ཚུན། གཞུང་དང་ས་གནས་སོ་སོ། གཞུང་དང་བོད་མི་སྒེར་བ་ཕན་ཚུན་བར་སོགས།) ས་གནས་སོ་སོའི་ཡིག་འབྲེལ་རྣམས་ངེས་པར་བོད་ཡིག་ནང་འབྲི་དགོས་པའི་ཁྲིམས་སྲོལ་ནན་པོ་ཞིག་འཛུགས་རྒྱུ་ཧ་ཅང་གལ་ཆེ། འདི་ནི་བོད་ཀྱི་སྐད་ཡིག་བཙན་བྱོལ་སྤྱི་ཚོགས་ནང་ཡུན་གནས་ཐུབ་པའི་ཐབས་ཇུས་ཤིག་ཡིན་པས། མཁས་དབང་བློ་བཟང་སེངྒེ་ལགས་དང་བཀའ་ཤག་གསར་པས་ཅིས་ཀྱང་ཐུགས་ལ་འཇགས་པའི་རེ་བ་ཆེ། དཔེར་ན། དུས་རབས་ཉི་ཤུའི་ལོ་རབས་བརྒྱད་ཅུའི་ནང་༧ཀུན་གཟིགས་པཎ་ཆེན་རིན་པོ་ཆེ་མཆོག་གིས་བོད་ཀྱི་ས་གནས་རྣམས་སུ་ལས་ཀ་བྱེད་པའི་ལས་བྱེད་ཅིག་ཡིན་ཕྱིན་བོད་སྐད་བཤད་ཅིང་བོད་ཡིག་འབྲི་དགོས་པའི་བཀའ་ནན་ཕེབས་པ་ལ་བརྟེན་ནས། བོད་རིགས་ལྟ་ཅི་ཐ་ན་རྒྱ་རིགས་ལས་བྱེད་རྣམས་ཀྱིས་ཀྱང་བོད་ཡིག་སྦྱོང་བའི་དུས་ཤིག་ཤར་བ་དེས། བོད་ཡིག་སྲུང་སྐྱོབ་ལ་མིག་མཐོང་ལག་ཟིན་གྱི་ཕན་ཐོགས་རྒྱ་ཆེན་པོ་ཞིག་བྱུང་ཡོད་པ་ལྟར། བཙན་བྱོལ་བོད་མིའི་ལས་བྱེད་ཅིག་ཡིན་ཕྱིན་ངེས་པར་དུ་བོད་ཡིག་རང་རྐྱ་འཕེར་བ་ཞིག་ཡིན་དགོས་པ་ཆ་རྐྱེན་དང་པོར་བརྩི་དགོས། འདིའི་ཐད་བོད་ལ་དགའ་ཞིང་བོད་ཡིག་ལ་དུངས་པ་ཟབ་པའི་ཤེས་ལྡན་རྣམས་ཀྱིས་དངོས་ཤུགས་བརྒྱུད་གསུམ་ནས་འབད་བརྩོན་ལྷོད་མེད་དུ་གནང་བའི་རེ་བ་སྙིང་ནས་ཞུའོ།།

༧གོང་ས་མཆོག་གིས། ༼ ཁྱེད་རང་ཚོ་ཁ་ཤས་ཤིག་གིས་ཕལ་ཆེར་ཤེས་རྒྱུ་རེད། ༢༠༠༡ ལོ་ནས་ང་ཚོའི་ཆབ་སྲིད་ཀྱི་འགན་དེ་འོས་བསྡུ་བྱས་པའི་མི་དེས་ཡོངས་སུ་ཁུར་ནས་ཕྱིན་པ་རེད། ལོ ༡༠ ལྷག་ཅིག་ཕྱིན་པ་རེད། དེའི་རིང་དེར་ངོས་ཀྱི་གནས་སྟངས་ཕྱེད་རྒན་ཡོལ་ཆགས་བསྡད་ཡོད་པ་རེད། ཕྱེད་རྒན་ཡོལ་གྱི་གནས་སྟངས་ཡིན་ཞེས་ངོས་ནམ་རྒྱུན་བཤད་བསྡད་ཡོད། ཁྱེད་རང་ཚོ་ཁ་ཤས་ཀྱིས་གོ་མྱོང་ཡོད་པ་རེད།
ད་ད་ཆ་རྒན་ཡོལ་ཆ་ཚང་ཙམ་དུ་མ་ཟད་པའི་ལོ་རྒྱུས་ལ་འགྱུར་བ་ཆེན་པོ་ཞིག་བཏང་བ་ཡིན། དེའང་དགའ་བཞིན་སྤྲོ་བཞིན་སྤོབས་པའི་ངང་ནས་བཏང་བ་ཡིན། ད་ང་ཚོའི་ད་ལོའི་འོས་བསྡུ་བྱས་ནས་ཐོབ་པའི་མི་གསར་བ་བློ་བཟང་སེང་གེ་འདིར་སླེབས་བསྡད་ཡོད་པ་རེད། སྐྱེས་ས་རྒྱ་གར་དུ་སྐྱེས། འཚར་ལོངས་ཀྱང་རྒྱ་གར་དུ་བྱུང་། ཐོག་མ་ང་ཚོའི་བོད་གཞུང་གི་སློབ་གྲྭའི་ཁོངས་སུ་སློབ་སྦྱོང་བྱས། དེ་ནས་ལྡི་ལི་གཙུག་ལག་སློབ་གཉེར་ཁང་དང་། དེ་ནས་ཧ་ཝ་ཌི་གཙུག་ལག་སློབ་གཉེར་ཁང་བཅས་སུ་སློབ་སྦྱོང་བྱས་ཏེ་དེང་དུས་ཀྱི་སློབ་སྦྱོང་མཐར་ཕྱིན་པ་ཆགས་བསྡད་ཡོད།
ད་བོད་ཡིག་ཡག་ཉེས་གང་འདྲ་ཡོད་མེད་གཞི་ནས་རྒྱུགས་ལེན་དགོས་པ་རེད། གང་ལྟར་ངོས་རང་ཡིད་ཆེས་གཙང་མ་ཡོད། དངོས་གནས་རང་འགན་ཁུར་ཐུབ་མཁན་ཞིག་ཆགས་བསྡད་ཡོད་པ་རེད། ༽ ཅེས་བཀའ་སྩལ་འདུག
ཉེ་སྔོན་ཨ་རིར་༧གོང་ས་མཆོག་དང་དྲུང་ཆེ་ཚེ་རྒྱམ། སྐད་བསྒྱུར་མཁས་པ་ཐུབ་བསྟན་སྦྱིན་པ་བཅས་ཀྱིས་རྒྱ་རིགས་གྲོགས་པོ་སྐོར་ཞིག་ལ་མཇལ་འཕྲད་སྐབས། ༧གོང་ས་མཆོག་གིས་འོས་ཐོབ་བཀའ་ཁྲི་སྐུ་ཞབས་བློ་སེང་ངོ་སྤྲོད་གནང་བ་ཞིག་འདིར་དྲངས་ཡོད།

གཞན་ཞིག་ལ་དྲ་གྲོགས་མང་དག་ཅིག་གིས། ཨང་ཀི་བརྒྱད་དང་དགུ་ཡར་སྦྱོར་མར་སྦྱོར་གྱིས་དཀའ་ལས་ཞེ་དྲག་མྱང་ཚོད་མོད། དེ་ནི་དེ་བས་ཀྱང་ཞིབ་འཇུག་བྱེད་དགོས་ས་དང་གླེང་སློང་བྱེད་དགོས་པ་ཞིག་མ་རེད། གཙོ་དོན་སྐུ་ཞབས་བློ་སེང་གིས་ཆབ་སྲིད་སྐད་ཆའི་ཁྱབ་ཁོངས་ནས་བཤད་ན་ཀུན་པོ་དཀྲོག་སྤྱད་ལྟ་བུའི་ཆབ་སྲིད་ཀྱི་བཀའ་མོལ་དང་དེས་དྲངས་པའི་ཉི་མ་གཏན་འབེབས་བྱས་པ་དེ། ང་ཚོས་ཀྱང་ཆབ་སྲིད་སྐད་ཆའི་ཁྱབ་ཁོངས་ནས་གླེང་རྒྱུ་མ་གཏོགས།

ཚིག་མཛོད་ཆེན་པོ་དག་དུ་ཨང་ཀི་བརྒྱད་བཙལ་ནས་ཅིག་འདུག མིག་འདུག་ལབ་དུས་མཁས་རྣམས་གད་མོ་ཤོར་བའི་རྒྱུ་ལས་འདའ་མི་སྲིད་པའི་རྣམ་པ་ཚོས་རིག་པ་དྭངས་མོ་དང་གནད་དོན་གླེང་ཤེས་བྱེད་རོགས།

ང་ཚོའི་ནང་ལ་རང་མགོ་རྡུང་མཁན་མང་ནི་རེད། གཞན་རྐུབ་ལྡག་མཁན་མང་ནི་རེད། ཕྱི་དགྲ་ལ་ཨབ་བྲྭའི་སོ་ཙམ་ངོམ་རྒྱུ་མེད་མཁན་མང་ནི་རེད། ནང་ཕུ་ནུ་ལ་གླ་ཕོའི་མཆེ་བ་འདྲ་ངོམ་རྒྱུ་ཡོད་མཁན་མང་ནི་རེད། ད་རུང་མང་ནི་རེད་ཡ་་་་་་་་་་་་་་་་་་་་་་་ངོ་མ་མང་ནི་རེད། ཨ་ཁཁཁཁཁཁ

སྤྱིར་བོད་པ་དད་མོས་ཅན་ཞིག་ཡིན་ན་མོ་རྩིས་ཀྱིས་བརྟགས་ཏེ་དུས་ཚེས་གདམ་ག་བྱེད་པ་རེེད། གལ་ཏེ་དད་མོས་མེད་པ་ཞིག་ལ་མཚོན་ན་རྒྱུ་མཚན་གཞན་ཞིག་གིས་དུས་ཚེས་གདམ་ཆོག ཡང་ན་དུས་ཚེས་གང་རུང་གིས་འགྲིག་གི་རེད། དེ་དག་ནི་རྣམ་རྟོག་གམ་རྟེན་འབྲེལ་གང་ཞིག་ལ་གཏོགས་ན་མ་གཏོགས་ན་ཁྱད་པར་མི་འདུག རྟེན་འབྲེལ་གལ་ཆེ་ཤོས་ནི་སྲིད་སྐྱོང་ཁྲི་པའི་ཕྱག་རོགས་སྲིད་སྐྱོང་རྣམ་པ་ཉམས་མྱོང་དང་ཤེས་འཇོན་སོགས་དམངས་དོན་གཉེར་མཁན་ཡག་ཤོས་ཤ་སྟག་འཛོམས་ཐུབ་མིན་དེ་ཡིན། དེ་བས་བདག་གིས་སྔ་ས་ནས་བཀའ་བློན་ལས་ཐོག་པ་ཚེ་རིང་དོན་གྲུབ་ལགས་མུ་མཐུད་ལས་གནས་རང་འཇགས་དང་ཤེས་རིག་ལས་ཁུངས་ཀྱི་བཀྲ་ཤིས་དོན་གྲུབ་དང་ཆུང་ཚེ་རིང་རྣམ་གཉིས་ལྟ་བུ་ཤེས་རིག་བཀའ་བློན་ལ་བཞག་ན་དགེ་མཚན་ཆེ་ཚུལ་བཤད་མྱོང་ཡང་སྲིད་སྐྱོང་ཁྲི་པ་མཆོག་གིས་ཐུགས་བསམ་བཞེས་གནང་ཡོད་མེད་ཆ་མ་འཚལ་ལོ།

སྐུ་ཞབས་བློ་སེང་གིས་རང་ཉིད་ཁྱིམ་ཚང་དབུལ་བོ་ནས་སྐྱེས་པ་དང་། མང་གཙོ་དང་འདྲ་མཉམ་ལ་ཆུང་ཆུང་དུས་ནས་གོམས་འདྲིས་ཡོད་པར་སྒྲོག་པ་ནི་སྲིད་སྐྱོང་འདིའི་ཁྱད་ཆོས་དམིགས་བསལ་བ་ཞིག་ཡིན། དོན་དག་འདི་ད་བར་སུས་ཀྱང་ངོས་ལེན་མེད་ཚུལ་བཤད་མེད། འོན་ཀྱང་ངོས་ལེན་ཡོད་དགོས་ན་མ་འོངས་ཁོང་གི་ཕྱག་ལས་གནང་ཕྱོགས་ཀྱིས་མཚོན་ཐུབ་པ་ཞིག་ཡིན།

མི་རྣམས་ཀྱིས་བཙན་བྱོལ་སྤྱི་ཚོགས་ཀྱི་སྒྲོམ་གཞི་ནི་ཁྲིམས་ཀྱིས་དབང་བསྒྱུར་བའི་སྒྲིག་འཛུགས་ཤིག་དང་། དེ་ལ་བློ་སེམས་གཏོད་པའི་མི་མང་ཞིག དེ་གཉིས་ལས་ཆབ་དཔལ་རིག་གསུམ་གང་གི་ཆ་ནས་ཀྱང་ཟུར་འདུག་བྱེད་པའི་ཁྱིམ་བརྒྱུད་དང་རིགས་བརྒྱུད་ཆེན་མོ་རྣམས་བཅས་ཕྱོགས་གསུམ་དང་། ཟུར་གསུམ་མ་ཞིག་གིས་གྲུབ་ཡོད་ཙང་། སྐུ་ཞབས་བློ་སེང་གི་མང་གཙོ་དང་འདྲ་མཉམ་གྱི་དོན་དངོས་ཀྱང་ཕྱོགས་ངོས་གསུམ་པོ་དེའི་བར་ནས་འཁོར་རྒྱུར་ཚོད་དཔག་བྱེད་ཀྱི་ཡོད་པས། ཕྱོགས་གསུམ་པ་བ་དེར་རང་བཞིན་དང་གདོད་མ་ནས་ཡོད་པའི་ཤེད་ཤུགས་དག་ཁྲིམས་ཁར་འདེད་ཐུབ་པ་ཡིན་ན། ད་གཟོད་སྐུ་ཞབས་བློ་སེང་གིས་སྲིད་སྐྱོང་གནང་བ་ལོ་རྒྱུས་ནང་འཁོད་རྒྱུར་འགོ་ཚུགས་པ་རེད། ཡིན་ནའང་། འདི་ནི་ད་དུང་ལྟ་ས་ཉག་ཅིག་ཡིན།

དཔེར་ན། ཕྱག་ལས་དང་པོ། བཀའ་བློན་འདེམས་ཕྱོགས་སྐོར་རེད། འདིའི་ཐད་སྐད་ཆ་རིང་ཐུང་སྣ་ཚོགས་ཡོང་གི་ཡོད་ཀྱང་། གཙོ་ཆེ་ཤོས་གངས་ཅན་པའི་སྒྲོམ་གཞིར་འགྱུར་བ་མེད་པའི་ཐོག གོང་གི་ཟུར་དང་པོ་དང་གཉིས་བ་གཉིས་ཀའི་ཁྱབ་ཁོངས་ལས་བརྒལ་ཏེ། ཕྱོགས་གསུམ་པར་འཕོས་པ་ཡིན་ན། གལ་སྲིད་འཕོས་པ་མིན་ན། འདི་ནི་ཁོང་ལ་ད་ལྟ་བབས་པའི་གནོན་ཤུགས་ཆེས་ཆེ་བ་ཞིག་ཡིན་པས། ཟུར་ངོས་གསུམ་པ་དེར་ཁོ་རང་རང་བཞིན་གྱིས་དགའ་མོས་མེད་ཀྱང་། དངོས་ཡོད་གནས་ཚུལ་མང་དག་ཅིག་གིས་ཟུར་གསུམ་པ་དེར་བསམ་བློ་གཏོང་དགོས་པ་ཆགས་ཡོད་ལ། ད་དུང་དེའི་ཁྲོད་དུ་ཁོང་ལ་འཇིགས་སྐུལ་འཐེན་མཁན་ཡང་བྱུང་ཡོད་པར་ཚོད་དཔག་བྱས་ཆོག དེ་བས་བཀའ་བློན་ལས་རོགས་ཀྱི་སྤུས་ཚད་ནི་ཁོང་གི་ལོ་ལྔའི་གྲུབ་འབྲས་མཐོང་སྤྱད་ཅིག་ཀྱང་རེད་འདུག་པས། དེ་དག་ནི་སྐབས་བབ་ལྟ་དགོས་ས་ཉག་ཅིག་རང་རེད།

ཡིན་ནའང་། སྐུ་ཞབས་བློ་སེང་གི་ད་བར་སྦྱངས་བའི་ཁྲིམས་དང་ཞིབ་འཇུག་བྱས་པའི་བཙན་བྱོལ་བོད་མིའི་མང་གཙོའི་གྲུབ་དོན་རྣམས་མི་རྣམས་ལ་དེ་བས་ཀྱང་གསལ་བོ་ཆགས་མེད། ཁོང་གི་ཤེས་བྱ་འདི་གཉིས་ཀྱི་ཕྱག་ལས་དང་པོ་ཚུགས་དུས་ནས་མ་རྐང་ཟིན་ཐུབ་མིན་ངས་ཞིབ་ལྟ་བྱེད་ཀྱི་ཡོད་ལ། མདོར་ན། ངའི་བློ་མིག་དོགས་པོ་འདི་སྐུ་ཞབས་བློ་སེང་གི་སྲིད་སྐྱོང་དུས་ཡུན་ནང་ཡལ་ཐབས་མེད་པ་ཞིག་ཀྱང་ཡིན།

མཁས་དབང་བློ་བཟང་སེང་གེ་ལགས་དུས་ཚེས་བཟང་པོ་ཞིག་ཏུ་དམ་འབུལ་ཞུ་བར་ཡིད་རངས་ཡོད།

སྤྱིར་ཨང་ཀི་8’ པ་ནི་བལྟས་ངན་མ་ཡིན་ཡང་། གངས་ཅན་པའི་བོད་རིགས་གཅིག་གིས་སོ་སོའི་དགྲ་བོའི་ལམ་ལུགས་ལ་དགའ་ཞིང་ལག་བསྟར་བྱེད་པ་ནི་ཧ་ཅང་མི་འོས་པར་མཐོང་ཞིང་། གོང་འཁོད་ཨང་ཀི་8’ པ་ནི་ལྟང་ངན་མ་ཡིན་པར་བསྒྲུབས་པའི་རྟགས་བརྒྱད་སོགས་བརྒྱད་ཚོའི་མིང་འདོན་བྱས་པ་ནི་འདྲེ་མགོ་རྡོ་ཡིས་བྲིས་པའི་སྐད་ཆར་འབྲེལ་བ་མེད་པ་མིན་འདུག

གཟུ་གནས་བློ་ལྡན་བཤད་པ་ལྟར་རེད་། གདམས་ཁ་བཤད་ཡག་རྗེས་ལུས་ཚར་རེད་
ཤེས་ཡོན་ཆེ་ཆུང་སྐད་ཆ་ཚར་རེད་
དམ་འབུལ་ག་དུས་ཡིན་ན་ཡིན་ ངན་པ་དགུ་འཛོམས་ལ་ཡིན་ཡང་སྡུག་རྒྱུ་མེད་
བཟང་པོ་བཅུ་འཛོམས་ལ་ཡིན་ན་དགའ་རྒྱུ་མེད་
འཛམ་གླིང་ཁ་རྒྱུར་བྱེད་མཁན་ཚོས་གཟའ་དང་སྐར་མ་དུས་ནམ་ཡང་ལྟ་གི་མ་རེད་
ང་ཚོ་མི་ཁྲི་ཁ་ཤས་ལས་ལྟ་རྒྱུ་མེད་ཀྱང་གཟའ་སྐར་ལྟ་ཡག་དེ་ནི་ལྐུག་རྟགས་རང་རེད་། སྔོན་མ་འདི་འདྲ་བོ་བྱས་ནས་སྡད་དུས་ ས་ཤུར་ ཡུལ་ཤུར་ མི་ཤུར་ རྒྱུ་ཤུར་རེད་ ཕན་ཐོག་ག་རེ་གའདུག་ཅིག་ལྟོས་དང་།

བོད་མི་མང་ལ་ཕན་ན་དེ་ག་རང་གི་ཡག་བ་ཡིན་། རྒྱ་མི་ཞིག་ཡིན་ན་ཁྱད་པར་མེད་

བཀའ་ཁྲིའི་དམ་འབུལ་སྤྱི་ཟླ་བརྒྱད་པའི་ཚེས་བརྒྱད་ལ་གནང་བ་དེ་བོད་པའི་རིག་གཞུང་གི་ཞག་རྩི་མེད་པའི་རྟགས་སུ་སྨྲ་བ་དག་ཉོན་ཅིག ཁྱོད་ཚོ་བོད་པའི་རིག་གཞུང་ལ་དུང་བ་ཡོད་པ་ནི་དགའ་འོས་མོད་དེ། སྐབས་འདིར་བོད་ལུགས་ཀྱི་དབང་དུ་བྱས་ན་༨༨།༩༩༩།མིན་པར་བོད་ཟླ་དྲུག་པའི་ཚེས་བཅུའི་ཉི་ཤར་ལ་ཁེལ་ཡོད། དུས་དེ་ནི་སྐྱེ་འགྲོ་སྤྱི་དང་ལྷག་པར་གངས་ཅན་པར་བཀའ་དྲིན་ཆེ་བའི་སློབ་དཔོན་ཆེན་པོ་པདྨ་འབྱུང་གནས་མཆོག་ཨོ་རྒྱན་དྲི་མེད་དྷ་ན་ཀོ་ཤའི་མཚོའི་ནང་དུ་ཕའི་རྒྱུ་དང་མའི་རྐྱེན་ལ་མ་ལྟོས་པར་རིག་པ་ཐོལ་སྐྱེས་ཀྱི་ཚུལ་དུ་མེ་ཏོག་པདྨའི་སྙིང་པོར་རྫུས་ཏེ་སྐྱེས་པའི་འཁྲུངས་སྐར་དང་མཉམ་དུ་ཁེལ་ཡོད་སྟབས་ཧ་ཅང་གི་རྟགས་དང་རྟེན་འབྲེལ་མ་བསྒྲིག་རང་འགྲིགས་ཡིན་པས་ཐུགས་ལྷོད་ལྷོད་གནང་རོགས་ཞུ།

སངས་རྒྱས་པའི་རྣལ་འབྱོར་གྱི་ཞིག་གིས་ངོས་ནས་བཤད་ན་རྣམ་དོགས་ཟེར་བ་དེར་རྒྱུ་མཚན་གང་ཡང་མེད་པར་འདོད་པ་ཡིན། དེ་ཡང་ལས་འབྲས་དང་རྟོགས་པ་ཚད་མཐོན་པོར་སླེབས་པའི་གང་ཟག་ཞིག་གིས་ངོ་བོར་ཁོ་ནར་གནས།

ཡིན་ནའང་རྒྱུ་མ་རིག་པ་ཟེར་དེ་ཡོད་པའི་དབང་དུ་བཏང་ན་ཀུན་རྫོབ་འཇིག་རྟེན་པའི་ནང་གི་དངོས་པོའི་ཆོས་ཉིད་ལའང་རྟགས་དང་རྟེན་འབྲེལ་ཟེར་བ་དེ་བརྩི་སྲོལ་ཡོད།

བོད་གཞུང་སྨན་རྩིས་ཁང་གི་ལོ་ཐོའི་ནང་དུ་སྤྱི་ཟླ་ ༨ ཚེས་ ༨ ཉིན་ཉིན་འབྱུང་འཕྲོད་འཕྲོད་སྦྱོར་ཐོག་ནས་བལྟས་ནས་འབྱུང་འཕྲོད་སྡུག་ཤོས་དེ་འཕྲད་ཅིང་དེ་ཡང་ཚེས་ ༨ འབྱུང་འཕྲོད་མེ་ཆུ་འཕྲད་འདུག དེ་ཡང་རྩིས་གཞུང་ལས། མེ་ཆུ་འཕྲད་པ་འཆི་བའི་སྦྱོར། །འཆི་བའི་སྦྱོར་བས་སྲོག་འཕྲོག་བྱེད། །ཅེས་འཕྲོད་ཧ་ཅང་གི་ངན་པ་ཞིག་འཁེལ་འདུག

དེས་མ་ཚད་སྤྱི་ ༨ ཚེས་ ༨ ཉིན་ལག་པ་སྟོང་པའི་རྟེན་འབྲེལ་ངན་པ་དབུལ་ལག་ཟེར་བ་དེ་འཁེལ་འདུག ལག་སྟོང་པའི་དབུལ་འཁེལ་བའི་ཉིན་བྱ་བ་གང་ཞིག་འགོ་འཛུགས་བྱས་ཀྱང་ཕྱི་འབྱུང་བྱ་བ་དེར་གྲུབ་འབྲས་ཅི་ཡང་མི་ཐོན་པར་དབུལ་ལག་ངན་པའི་ཉིན་ཞིག་འཁེལ་འདུག

ད་དུང་ སྤྱིའི་གནམ་སྒོ་ཟེར་བ་དེ་འཁེལ་འདུག ཇིན་དེར་ལས་དང་བྱ་བ་གལ་ཆེའི་འགོ་འཛུགས་བྱེད་མི་རུང་བ་ཞིག་རེད།

རྒྱ་ནག་གིས་གྲངས་ ༨ དགུ་ཡག་པོར་རྩི་བཞིན་ཡོད་ཀྱང་བོད་པའི་སྲོལ་རྒྱུན་ལྟར་ན་གྲངས་དགུ་དེ་ཧ་ཅང་གི་ངན་པར་རྩི་སྲོལ་ཡོད། དཔེར་ན། བཟང་པོ་བཅུ་འཛོམས་དང་ངན་པ་དགུ་འཛོམས་ཞེས་གྲངས་དགུ་འཁེལ་བའི་རིགས་ངན་པར་བརྩི་བ་རེད། དཔེར་ན་ཚེས་གྲངས་བཟང་ངན་སྐབས། ཚེས་དྲུག་བཞི་དགུ་ཉིན་ཟླ་གཟའ་འཛིན་དང་། །གཟའ་སྐར་ངན་ངན་དང་མཚན་མོ་ལམ་བཞུགས་ངན། །ཞེས་ཚེས་དགུ་འཁེལ་བའི་ཉིན་དེ་བོད་སྲོལ་རྒྱུན་གསོ་རིག་གཞུང་ལས་ངན་པར་བཤད་འདུག

བོད་པའི་ལོ་རྒྱུས་ཐོག་ནས་བརྩིས་ན་༡༩༥༩ ཞེས་གྲངས་དགུ་འཁེལ་བའི་ལོ་དེར་བོད་ས་ཡོངས་རྫོགས་རྒྱ་དམར་གྱི་བཙན་འཛུལ་བྱས་ཏེ་༸ གོང་ས་མཆོག་གིས་གཙོས་པའི་བོད་མི་རྣམས་༥༩ ལོ་དེ་ནས་བཟུང་ད་བར་སྐྱབས་བཅོལ་བ་ཞིག་ཆགས་འགོ་ཚུགས་པ་རེད།

རྒྱ་ནག་གི་མེས་པོ་མའོ་ཙེ་ཏུང་ལ་ཆ་མཚོན་ན་ཡང་༡༩༡༩ ལོར་འབྲིང་རིམ་སློབ་གྲྭ་ནས་ཐོན་རྗེས་ཐོག་མར་གསར་ཤོག་གི་རྩོམ་སྒྲིག་ལས་ཀ་ཞིག་བརྩམས་ཀྱང་ཁུངས་མ་འཁྱོལ་བར་ལས་ཀ་དེ་གཡུགས་ནས་རྒྱ་ནག་ཧྲང་ཧེ་དུ་མེ་འཁོར་ནང་དུ་བསྐྱོད་པའི་ལོ་རྒྱུས་ཡོད།

ད་དུང་ནང་ཆོས་ནང་དེ་བཞིན་གཤེགས་པའི་གདུགས་དཀར་ལས། རྟགས་དང་རྟེན་འབྲེལ་ངན་པ་ཟློག །བལྟས་ངན་བརྒྱད་ཅུ་རྩ་གཅིག་ཟློག །དུས་མིན་འཆི་བ་རྣམ་བརྒྱད་ཟློག །བགེས་རིགས་སྟོང་ཕྲག་བརྒྱད་ཅུ་ཟློག །ཅེས་གྲངས་ ༨༡ གྲངས་ ༨ སོགས་ངན་པར་བརྩིས་ནས་ངན་ཟློག་གནང་བ་རེད་འདུག

སྤྱི་ལོ་ ༢༠༠༨ ལོར་བོད་ས་ཡོངས་སུ་མི་གསོད་ཁྲག་སྦྱོར་གྱི་ལས་ངན་ཚབས་ཆེན་ཞིག་བྱུང་བ་རེད། ད་དུང་ ༡༩༨༩ གྲངས་ ༨ དང་ དགུ་འཁེལ་བའི་ལོ་དེར་རྒྱ་ནག་ནང་དུ་ཁྲག་དྲི་བྲོ་བའི་དྲག་མནན་བརྩམས་པ་རེད།

ད་དུང་བོད་མིས་ཚོས་ཕྲུ་གུ་སྐྱེས་མ་ཐག་ཏུ་ཕ་མ་གཉིས་ཀྱི་བཙས་མ་ཐག་ཏུ་ལོ་བརྒྱ་འཚོ་ཞིང་སྟོན་བརྒྱ་མཐོང་བ་དང་། །ཚེ་རིང་དཔལ་ཐོབ་ངན་དགུ་ཐུབ་པ་དང་། །གྲང་དགུ་དེ་རིགས་ངན་ལ་ངན་པ་དགུ་འཛོམས་པའི་དབང་གིས་མི་ཚེའི་ནང་ངན་དགུ་ཐུབ་པའི་སྨོན་ལམ་བཏོན་སྲོལ་ཡོད།

དེར་བརྟེན་བཀའ་ཁྲིའི་ཁྲི་འདོན་གྱི་ལས་དོན་དེ་བོད་པའི་ངོས་ནས་བརྗོད་ན་བྱ་བ་གལ་ཆེན་ཞིག་ཆགས་ཡོད་ཀྱང་བོད་གཞུང་གིས་ངོས་ནས་སྤྱི་ ༨ ཚེས་ ༨ ཉིན་འབྱུང་འཕྲོད་སྡུག་ཤོས་དེ་དང་དབུལ་གལ་ངན་པའི་ཉིན་དེར་རང་དུ་ཁྲི་འདོན་བྱེད་དགོས་པའི་རྒྱུ་མཚན་དེ་ཆེད་དུ་བཟོས་པ་ཞིག་ཡིན་ནམ་ཡང་ན་སྣང་མེད་དུ་སྐྱུར་བ་ཞིག་ཡིན་མིན་ངས་མི་ཤེས་ཀྱང་རྟགས་དང་རྟེན་འབྲེལ་ངན་པ་ཟེར་འདྲ་འགྲིག་ན་ཏན་ཏན་དེར་བཀྲ་མི་ཤིས་པའི་གནས་ཚུལ་ཞིག་ཕྱིས་སུ་འབྱུང་བ་རེད།

དཔེར་ན་རྗེ་ཙོང་པས་ཀྱང་། རྟེན་འབྲེལ་ལེགས་པར་འགྲིག་པའི་རྩ་བ་ནི། །ཞེས་རྟེན་འབྲེལ་ལེགས་པར་འགྲིག་དགོས་རྒྱུ་དེ་གལ་ཆེན་ཞིག་ཡིན་པ་བསྟན་ཡོད། དེ་བཞིན་ཕར་པ་ལོ་ཙྰ་བ་དང་རྗེ་བཙུན་མི་ལ་ལོ་རྒྱུས་ནས་ཀྱང་ཟངས་ལུང་བཞི་པའི་སྟོང་པ་ཞིག་ཕུལ་བའི་རྟགས་དང་རྟེན་འབྲེལ་ལས་བཀའ་བརྒྱུད་པའི་བསྟན་པ་གསལ་བར་བྱེད་པའི་སྣོད་ལྡན་བུ་སློབ་རྩ་ཆེན་བཞི་འབྱུང་བའི་ལུང་བསྟན་པ་དང་། ཟངས྄སྟོང་པར་ཕུལ་བའི་རྟེན་འབྲེལ་གྱིས་མི་ལ་རས་པའི་སྐུ་ཚེ་ཧྲིལ་པོར་བཀྲས་ལྟོགས་དང་འཚོ་སྐྱོ་པོ་འབྱུང་བའི་ལུང་བསྟན་བྱུང་བ་ཡོད།

ད་དུང་བུད་མེད་ཀྱི་དམེ་བ་དགུ་མིག་དང་། སྐྱེས་པ་དགུ་མིག ངན་དགུ་སོགས་སྣ་ཚོགས་ཤིག་བརྩི་སྲོལ་ཡོད། ངས་བསམས་ན་སྤྱི་ ༨ ཚེས་ ༨ དེ་ གང་ནས་བརྩིས་ཀྱང་གཟའ་སྐར་དང་། འཕྲོད་སྦྱོར། འབྱུང་འཕྲོད། དབུལ་ལག ལོ་གྲངས། ཚེས་གྲངས་སོགས་ཕྱོགས་གང་ནས་བལྟས་ཀྱང་ཡག་ཡག་པོ་འགྲིག་མེད་སྟབས། བྱུང་ན་ཚེས་གཟའ་སྐར་དང་འབྱུང་འཕྲོད་དེ་གང་བཟང་བཟང་ཞིག་གནང་ཐུབ་ན་དགེ་མཚན་ཆེ་བར་མངོན།

བཀའ་ཁྲི་གསར་པའི་ལམ་སྟོན་འོག་བོད་མི་ཚང་མས་ཕྱ་གྲུ་མཉམ་འདེགས་ཐོག་འབྲས་བཟང་འཐོབ་པའི་སྨོན་འདུན་དེ་ངའི་རེ་བ་ཡིན།

སྤྱིར་བཀའ་ཁྲི་གསར་པར་བོད་རང་གི་རིག་གཞུང་གི་ཞག་རྩེ་གཅིག་ཀྱང་མེད་པ་ག་ལ་ཡིན། མ་ཎི་བགྲངས་པའང་བོད་ཀྱི་ཞག་རྩེ་ཡིན། འོན་ཏང་བོད་ཡིག་མཁས་མི་མཁས་ནི་བློ་སེང་ལགས་ཁོང་གི་དུས་ཐོག་གཅིག་པའི་བོད་གཞུང་སློབ་གྲྭ་ཁག་ནས་ཐོན་པའི་སློབ་ཕྲུག་ནང་བོད་ཡིག་ཆུ་ཚོད་མཐོ་པོ་ཡོད་པ་ཉིན་སྐར་ལས་མ་འདས་པ་སྤྱི་ཚོགས་ཤིག་གི་ན་ཚ་དང་མི་རིགས་གཅིག་གི་ཆག་སྒོ་ལས་མི་གཅིག་གཉིས་ལ་ཁག་བཀྲི་ས་ག་ལ་ཡོད་སྙམ། དེ་ནི་ཁོར་ཡུག་དང་ཡང་འབྲེལ་བ་ངེས་ཅན་ཡོད་དོ། །ད་ནི་བཀའ་ཁྲིར་ཡོན་ཏན་གང་འདུག་ལྟ་བའི་དུས་ཡོལ་ཟིན་ཅིང་བཀའ་ཁྲིས་བརྩམས་པའི་བོད་དོན་རྒྱབ་སྐྱོར་ཅི་བྱ་རྒྱུ་ཡོད་མེད་ལྟ་བའི་དུས་ཡིན་ནོ། །ཡོན་ཏན་ཅི་འདྲ་ཡོད་མེད་དང་གང་ཟག་ཅི་འདྲ་ཡིན་མིན་ནི་བཀའ་ཁྲི་མ་གདམས་པའི་གོང་དུ་དཔྱད་དགོས་པ་ཡིན། དུས་ལས་ཡོལ་བའི་སྐད་ཆ་མ་བཤད་ཅིག །

“ལུང་རིགས་དང་བདེན་དངོས་ཡ་མ་བྲལ་བ་དང་ཆ་མཉམ་པ”ཞེས་སུ་བཅོས་པ་ཡིན།

སྤྱིར་བཏང་བློ་སེང་གི་དམ་འབུལ་དུས་ཚེས་དེ་གང་ཞིག་ཏུ་འཁེལ་ཡང་ཆེར་མི་སྐྱོན། ཁྱད་མཚར་བ་ཞིག་ནི། བློ་སེང་གིས་ཁོ་ཡི་དམ་འབུལ་དུས་ཚེས་དེ་རྒྱ་ལུགས་ལ་སྦྱར་ནས་འགྲེལ་བཤད་རྒྱག་ཞོར་པཱ་པཱ་ཅོའུ་ཅོའུ་ཅོའུ་ཞེས་རྒྱ་སྐད་ད་མ་དིག་བཤད་པ་དེ་རེད། དེས་ན་བློ་སེང་གིས་དོན་དམ་པར་བཤད་དགོས་པའི་རྒྱ་སྐད་ཅིག་ཚེགས་མེད་བསྐྱོན་ཐུབ་བམ། འདི་དྲི་བ་གཅིག་ཡིན།

རྣམ་རྟོག་གི་དཔྱད་པ་ཙམ་ལ་སྙིང་བོ་ཆེར་མེད་མོད། ཨང་ཀི་བརྒྱད་ནི་རྒྱ་ནག་ཁོ་ནས་ཡག་པོར་བརྩི་བའི་ཨང་ཀི་ཞིག་མ་རེད། མཚན་ཉིན་རིག་པའི་ཨང་གྲངས་ཀྱི་མཚོན་ཐབས་སྟེང་ནས་ཀྱང་ཨང་གྲངས་བརྒྱད་ཀྱིས་ཕན་ཚུན་འབྲལ་བ་མེད་པ་དང་འགྱུར་བ་མེད་པའི་བརྩེ་དུང་མཚོན་པ་རེད། གཟུགས་དབྱིབས་དང་དོན་དངོས་གཉིས་ཐད་ནས་འགྱུར་བ་མེད་པའི་བརྩེ་དུང་མཚོན་ཐུབ་པ་ཞིག་ལ་ཨང་ཀི་བརྒྱད་ལས་ཡོད་པ་མ་རེད། དེ་བཞིན་ལུང་རིགས་ཡ་བྲལ་བ་དང་ཆ་མཉམ་པའང་ཨང་གྲངས་བརྒྱད་ཀྱིས་མཚོན་ཆོག་པ་ཞིག་རེད། དཔེར་ན། ངས་འབེལ་རྩོམ་གྱི་བླ་ཨང་ཡང་ཨང་གྲངས་བརྒྱད་ཡིན། བདག་གི་དེབ་ཀྱི་ནང་ངོས་ལ་ཨང་གྲངས་བརྒྱད་ཅིག་ཆེན་པོ་བྱས་ནས་བྲིས་ཡོད། དེ་ལ་མཚོན་དོན་གྱི་བཤད་པ་མང་པོ་ཞིག་ཡོད་མོད། དེ་རིང་མང་དུ་སྤྲོ་བར་མི་བྱའོ། །དེ་བཞིན་ཨང་གྲངས་བརྒྱད་བོད་ཀྱི་སྲོལ་རྒྱུན་གྱི་དབང་དུ་བྱས་ནའང་རྣམ་དཀར་དགེ་བའི་ལས་བསགས་པའི་ཉིན་མོ་ཞིག་རེད། ཚེས་བཅུ་དང་། ་ཚེས་བརྒྱད། ཚེས་བཅོ་ལྔ་བཅས་ལ་ངའི་ནང་ནས་མཆོད་མེ་སྒྲོན་པ་སོགས་དམིགས་བསལ་གྱི་དགེ་སྒྲུབ་བྱེད་པ་ཡིན་ལ། ཉིན་དེ་ལ་དགེ་བ་འགྱུར་ཆེན་པོ་ཡོད་པར་ཡང་སྨྲ་བ་ཡིན། དེའི་ཕྱིར་བརྒྱད་ནི་མཚོན་དོན་མེད་པའི་གོར་ཐིག་ཅིག་ནམ་ཡང་མ་རེད།

ཡང་རྒྱ་ལ་བཙོག་ན་བཙོག་པའི་ཁྱབ་བའང་ཡོད་པ་མ་རེད། དཔེར་ན། རྒྱ་ནག་གི་ཐ་སྙད་རྣམ་རྟོག་ཟ་ས་གཅིག་ནི་4རེད་དེ། དེས་འཆི་བ་མཚོན་གྱི་ཡོད་རེད། ཡིན་ནའང་། མཚན་ཉིད་རིག་པའི་དཔྱད་ཐབས་ལྟར་ན། 4ནི་བདེན་དོན་མཚོན་བྱེད་ཀྱི་ཨང་གྲངས་བླ་ན་མེད་པ་དེ་རེད། 2+2=4དེ་ལྟར་བསྣན་ན་4རེད་ལ། 2*2=4བསྒྱུར་ནའང་4རེད། ཨང་གྲངས་ཤིག་ལ་རང་བསྒྱུར་དང་རང་བསྣན་བྱས་ན་ཐོབ་གྲངས་གཅིག་ཡིན་པ་ཞིག་ལ་4ལས་ཡོད་པ་མ་རེད། དེའི་ཕྱིར་བཞི་ནི་བདེན་དོན་གྱི་མཚོན་རྟགས་བླ་ན་མེད་པ་རེད། དེ་བཞིན་ཨང་གྲངས་རེ་རེ་བཞིན་མཚོན་ཐབས་ཡོད་པ་རེད། རྒྱ་ནག་གི་བཤད་ཡམས་ཙམ་ལ་ཁེན་ནས་གོར་ཐིག་རེད་ཅེས་ཐག་བཅད་ན་ཧམ་ཐལ་ཚ་དྲགས་པ་རེད། སང་ཉིན་རྒྱལ་བ་དོན་གྱི་བདག་པོ་དབུ་ལ་བཞུགས་ནས། གངས་བུ་རིའི་བུ་ཕོ་སྟག་འདྲ་བ་ཞིག་གིས་སྙིང་སྟོབས་ལྡན་པའི་སྒོ་ནས་བོད་ཀྱི་སྲིད་དབང་དམ་བཅའ་བའི་ཉིན་མོ་དེ་ནི་ཀླད་ཀོར་ཞིག་གཏན་ནས་ཡིན་མི་སྲིད། དེ་ནི་སྤྱིར་བཏང་གི་ཉིན་ཕལ་བ་ཞིག་ཡིན་ནའང་། སང་ཉིན་ནས་བཟུང་ཆེས་ཕུལ་བྱུང་གི་ཉིན་ཞིག་ལ་གྱུར་བ་རེད།

མཁྱེན་དཔྱོད་ཡངས་པའི་སྐུ་ཞབས་འདྲེ་མགོ་རྡོ་ལགས
ཁྱེད་ཀྱིས་རིགས་གཞེན་གྱི་རྩོམ་ཡིག་འདི་འདྲ་ཞིག་སྤེལ་བར་ཐུགས་རྗེ་ཆེ

འོན་ཀྱང་མ་འོང་པའི་བཀའ་ཁྲི་མཆོག་དང་འདྲེ་མགོ་རྡོ་ལགས་ཡང་སྙིང་སུས་འགྲིག་ཡོད་མེད་གུས་པས་ཧ་མགོ་མ་སོང།
གང་ཟག་སོ་སོར་ལྟ་གྲུབ་རེར་ཡོད་པས་ཡིན་རྒྱུ་རེད།