དེ་རིང་ནི་རྗོ་ཤུ་མི་རིགས་ཀྱི་བརྩེ་བའི་ཉིན་རེད་ཟེར
དངོས་ནས་ངས་སྐད་ཆ་དེ་གོ་དུས
ཁོ་མོ་ལ་སྐད་ཆ་སྙན་མོ་ཞིག་དང་
ཁོ་མོའི་སེམས་པ་ཁོལ་བའི་གཏམ་ཞིག་བཤད་དགོས་ཚོད་རེད་མོད
ངས་ཁོ་མོ་ལ་སྐད་ཆ་གང་ཞིག་ནས་འགོ་འཛུགས་དགོས་སམ
ཉིན་ཟླ་རེ་མོས་ཀྱི་ལོ་ཚིགས་རེ་རེ་ཡིས
ངེད་གཉིས་ངོ་ཤེས་པ་ནས་ཕ་མར་གྱུར་ཡོད
བྱིས་པ་གཉིས་ཀྱི་ཕ་མ་ཆགས
དགའ་དུས་ཉུང་མིན་ལ་མ་བལྟས་པར
སྡུག་དུས་ཀྱང་དེ་མཚུངས་ཀྱིས་བྱུང་ཡོད
མཛའ་མོ་ལགས ཁྱེད་རང་གིས་ངའི་ངག་ལས་གང་ཞིག་ཉན་ན་འདོད
བརྩེ་བའི་ཉིན་མོ་རེད ཁྱེད་ཚང་གི་སྲོལ་རྒྱུན་ཞིག་རེད
ག་དུས་བྱུང་མིན་ངས་མི་ཤེས
ཁྱེད་ཀྱིས་ཀྱང་ང་ལ་དེ་ཡི་སྐོར་ཞིབ་མོ་ཞིག་མ་བཤད
ངས་ཀྱང་འདྲི་མི་འཕོད་པའི་དོ་ནུབ
ཁྱེད་ཀྱིས་གྲོད་ཁུག་ཆེན་པོ་དེ་སྐྱོར་ནས
བརྙན་འཕྲིན་གྱི་ཁ་གཏད་དུ་ཡོད
ང་རང་ཁྱེད་ཀྱི་འགྲམ་ཏུ གློག་ཀླད་ཀྱི་ནང་དུ་འཛུལ་ནས
སེམས་དང་བསམ་པ་འདྲིས་ཤིང་
ལུས་དང་སྐྱེ་ཁམས་གཅིག་ཞིང་
སྐད་དང་གོམ་གཤིས་གཅིག་པའི་བོད་ཀྱི་དྲ་ཚིགས་དག་ཉུལ་ནས་བསྡད་ཡོད
ཁྱེད་ཀྱིས་གདོང་དུ་འཛུམ་གྱིས་བཀང་ནས
བརྙན་འཕྲིན་ནང་གི་སྒྱུ་རྩལ་བའི་གཏམ་བརྗོད་ཟློས་གར་ཞིག་ལ་ཧད་ཡོད
བུ་མོ་ཐོག་ཁང་དུ་གཉིད་ཟིན
བུ་ཆུང་གིས་ཁྱེད་རང་གི་གྲོད་ཁོག་ནང་ནས་འཕག་འཚག་བྱས
གནམ་འོག་འདི དོ་ནུབ་ཀྱི་འུ་གཉིས་ཀྱི་གནམ་འོག་འདི་ན
མི་རིགས་ཤིག་གི་བརྩེ་བ་གསོན་པོར་ཡོད་དམ
ཤ་ལས་མཆེད་པའི་བུ་དང་བུ་མོ་འདི་གཉིས་ཀྱིས
འུ་གཉིས་ལ་བརྩེ་བ་ལྷག་མ་ཞིག་འཁུར་ནས་ཡོང་ཡོད་ངེས་ཡིན
དེས་ན ངས་ཁྱེད་ལ་སྐད་ཆ་གང་ཡང་མ་བཤད་ཀྱང་
གཟོད་ནས་ཁྱེད་རང་གིས་ང་ལ་བསམ་ཤེས་བྱེད་སྲིད
མཐའ་མཇུག་ཏུ ངས་ཁྱེད་ཀྱི་མི་རིགས་ཀྱི་བརྩེ་བའི་ཉིན་མོར
ཁྱེད་ལ་སེམས་གཏིང་ནས་སུས་ཀྱང་མ་བཤད་པའི་སྐད་ཆ་གང་ཡང་
ངའི་ངག་ལས་ཐོན་མ་ཐུབ་པ་དེར་དགོངས་དག་ཞུ
གང་ལྟར། ང་དང་ངའི་གཟུགས་པོའི་འགུལ་བསྐྱོད་ཡོད་ཚད
ཚེ་སྲོག་གི་དབུགས་སྔ་མ་བསྡུས་པར
ཁྱེད་དང་ལྷན་དུ་བསྡོད་པར་ཧུར་བརྩོན་བྱེད་ཡ
༡༤།༨།༡༡ལ་རྗོ་མི་རིགས་ཀྱི་བརྩེ་བའི་ཉིན་མོར་མཛའ་མོར་བྲིས།
ངོ་མ་ངར་བ་རེད།
སྤུན་ཟླ་ཚོ། ཕེབས་ནས་བསམ་ཚུལ་གསུངས་པ་དེར་དགའ་ནས་ཡོད། རྗེས་སུ་ཕེབས་རྐྱང་བྱོས།
འདི་ལྟར་བྲིས་ན་དོན་དག་ཇེ་ཆུང་ལ་བུད་འགྲོ་གི་ རབ་ན་ལྷུག་མ་སྤེལ་ཐུབ་ན་བཟང་གི་འདོད །
ཧྲ་ལ་བྱོས། བུ་མོ་ཐར་མོ་ལ་བསམ་བློ་བཏང་ནས་ཡག་པོ་བྱས་སྡོད། དྲན་རྒྱུ་མ་མང་། ཀུ་རེ་ཡིན། ཚོར་བ་ཟབ་པའི་སྙན་ངག་ཞིག་བྲིས་འདུག་དོན་དམ་གྱིས་འཁོར་བ་འདི་ལ་ཡིད་ཅུང་མུག་འདུག་པ་ཡང་རྟོགས་ཐུབ་གི
དམ་བཅའ་དང་བརྩེ་དུང་ཕྱོགས་ལ་སྙན་ངག་སྤེལ་བ་ཡག་གི་རྒྱན་འདུག མུ་མཐུད་དུ།
ཁྱེད་རང་གི་སྐད་ཆ་ཚ་སོབ་སོབ་དེ་ཁོ་མོ་བཤད་པ་ཡིན། ཁོ་མོ་དགོད་ཞོར་དུ། ངས་ཁོ་རང་མི་ཤེས་ཀི་ཟེར། རེད་དེ། ཁོ་རང་ནི་ངའི་སྤུན་མཆེད་ཡིན་དུས། ཁྱེད་རང་ལ་འཚམ་འདྲི་བྱས་པ་རེད་ཅེས་བཤད་དུས། ཁོ་མོས་ཁ་མུར་མུར་ཞིག་བྱེད་ཞོར་དུ་དགད་ནས་བསྡད་སོང་། དེ་ཡིན།
ཁྱོད་ཀྱིས་དམ་བཅའ་འདི་འདྲ་ཞིག་བཞག་པར་རྗེས་སུ་ཡི་རིང་ཡོད། ཁྱོད་ཀྱི་མཛའ་མོ་ལ་བརྩེ་དུང་ཉིན་མོར་བཀྲིས་བདེ་ལེགས་ཞུ་རོགས།
ཞལ་དེབ་ཐོག་གི་དཔར་གསར་དེ་ཚོ་མཐོང་སོང་ལ་ཡག་གི་ཡང་འདོད་སོང་།
གསར་ཁོ། རྒྱུ་མཚན་ནི་རང་ཉིད་ལ་ཤ་ལས་མཆེད་པའི་བུ་དང་བུ་མོ་གཉིས་ཡོད་ལ། མི་རིགས་ཤིག་གི་སྐད་ཡིག་སློབ་པར་ཧུར་ཐག་འབད་ཐག་བྱེད་འདོད་ཀྱིས་ཀྱང་ཡིན་ལགས།
“ང་དང་ངའི་གཟུགས་པོའི་འགུལ་བསྐྱོད་ཡོད་ཚད
ཚེ་སྲོག་གི་དབུགས་སྔ་མ་བསྡུས་པར
ཁྱེད་དང་ལྷན་དུ་བསྡོད་པར་ཧུར་བརྩོན་བྱེད་ཡ”
ངོ་མ་ཁྱོད་ངར་བ་རེད། ངས་དེ་མོ་དེ་ཟེར་ཐུབ་ན་དགོན་པ་གན།