ངའི་བུ་མོའི་ཤ་སྐྱི་གཉིས་ཀ་བོད་མི་ཕྱེད་ཀ་རེད་ཟེར།

སྙིང་ནས་བརྩེ་བའི་སྤུན་མཆེད་ཐ་ཧར་ལགས། འབོད་སྐུལ་དེར་དང་ལེན་མ་བྱས་པ་དེར་དགོངས་འགལ་མེད་པ་ཞུ།

སྤུན་ཟླ་གཞན་དག་ཕེབས་ནས་རང་རང་གི་བསམ་ཚུལ་ལྷུག་པོར་སྨྲས་པ་དེར་དགའ་ནས་ཡོད། རྗེས་སུ་ཕེབས་རྐྱང་བྱོས། ངས་ག་དུས་ཡིན་ཡང་རང་གི་ཟིན་བྲིས་ཀྱི་སྒོ་མོ་དྲ་ཐོག་གི་བོད་རིགས་སྤུན་ཟླ་བོད་ཡིག་གི་རྫི་བོ་ཡོངས་ལ་ཕྱེ་ནས་ཡོད།

རིགས་རུས་ལ་དབྱེ་བ་མེད་ཀྱང་མི་རིགས་རང་ག་བ་ཞིག་གིས་ངོས་ནས་བཤད་ན་ཁྱོད་ཀྱི་བུ་མོ་དེ་དངོས་གནས་བོད་མི་ཕྱེད་ཀ་ཞིག་ཡིན་ཐག་ཆོད་རེད། ཡིན་ན་ཡང་བུ་མོ་དེས་མ་འོངས་པར་འབད་རྩོལ་ལ་བརྟེན་ནས་བོད་མི་རིགས་ལ་སྨན་པའི་ལས་ཀ་བྱས་ནས་བོད་མི་ཆ་ཚང་ཞིག་ལས་ཁྱད་དུ་འཕགས་པ་ཞིག་ཏུ་ད་གཟོད་ཁྱོད་ཀྱི་ཁ་བསྒྱུར་རན་པ་རེད། ཤ་ཁྲག་ལགས་སེམས་མ་ཕམ་དང་འབྱུང་འགྱུར་ཁྱོད་ཀྱི་བུ་མོ་དེ་བོད་མི་རིགས་ཀྱི་སྲོག་རྩ་ཞིག་འབྱུང་བར་ངེས།

བོད་ཤ་ཁྲག་རུས་ལགས། ཁམས་བཟང་།
ངས་བསམ་པར་བུ་མོ་ཆུང་ཆུང་མ་ཁྱེད་ཀྱི་སྙིང་ཉེར་བའི་གཅེས་ཕྲུག་རེད། ཁོང་བོད་མི་རེད། ད་ལོའི་བོད་ཀྱི་མཛངས་མ་ཡང་མིག་སྔོན་པོ་རེད། མ་འོང་པ་ཁྱེད་ཀྱི་བུ་མོ་དཀར་པོ་འདི་ཡང་བོད་ཀྱི་མཛངས་མ་ཆགས་སྲིད་པ་རེད།

ཁྱེད་ཀྱི་མི་ཚེ་ཡོངས་རྫོགས་བུ་མོའི་ཨ་མའི་མཉམ་དུ་སྡོད་ཐུབ་ཀྱི་མ་རེད་འདོད། ཁྱེད་དང་ཁྱེད་འདྲ་བ་རེ་གཉིས་ཡོད་ཀྱང་མཐའ་མ་ཁ་བྲལ་འགྲོ་གི་འདུག རྒད་པོ་ཆགས་དུས་སུ་བོད་མོ་ཞིག་གི་དགའ་ནི་རེད། ཉིན་མ་གཅིག་ཁྱེད་ཀྱིས་བོད་མོ་ཞིག་ལ་མི་ཚེ་སྐྱེལ་རོགས་བྱེད་དགོས་པ་ནི་དངོས་པོ་ཆོས་ཉིད་འདྲ་རེད་དོ།

ངའི་རེ་བ་ཡིན་ན་ཁྱོད་ཀྱི་སྙན་རྩོམ་འདི་ཕྱིར་བསྡུ་བྱེད་རོགས། མ་དགའ་བ་དང་མ་འདོད་པ་སོགས་རྩ་བ་ནས་མིན། ཁྱོད་ཀྱི་བུ་མོ་བོད་པ་ཡིན་མིན་གཙོ་བོ་མ་རེད། གཙོ་བོ་བུ་མོ་ལ་མི་ཚེ་ཡག་པོ་ཞིག་ཡོང་མིན་དེ་རེད། ཁྱེད་རང་ཡིད་དུ་འོང་བའི་བུ་མོ་འདིའི་ཕ་རྒན་ཆགས་ལ་པ་ཉེས་པ་འདྲ་རྩ་བ་ནས་ཡོད་པ་མ་རེད་དེ་སེམས་ལ་བཟུང་། རང་གིས་རང་སྡུག་ལ་སྦྱར་བའམ་སེམས་སྡུག་བྱེད་སའི་ཐབས་ལམ་འདྲ་བཙལ་ནས་ཡོང་རྒྱུ་མེད་པ་ཤེས་དགོས།
ཁྱོད་ཀྱི་སྙན་རྩོམ་འདི་མི་ཡག་གི་དང་ཚོར་བ་མི་འདུག་ཟེར་ནས་བཤད་ཀྱི་མེད། ཡིན་ན་ཡང་སྙན་རྩོམ་འདི་ལེན་ཐུབ་ན་ལེན་རོགས་གནང་།