བུ་ཆུང་འཇིག་རྟེན་དུ་སླེབས་སོང་།

སྤུན་ཟླ་ཁྱེད་ཅག གཅིག་རྗེས་གཉིས་མཐུད་དུ་ཕེབས་ནས། བདག་གི་བུ་ཆུང་འདི་་འཇིག་རྟེན་འདིར་སླེབས་པ་ལ་ཁ་གཡང་བོས་པ་དང་། འཚམ་འདྲི་ཞུས་པ་དེར་སྙིང་ཐག་པ་ནས་བཀའ་དྲིན་ཆེ་ཞུ་ལགས།

སྙིང་རྗེ་ཕ་ལ་དེ་འདྲའི་འདྲ་བ་ལ། ཚེ་རིང་རྒྱུ་བོ།མིང་ལ་ཚེ་རིང་དོན་འགྲུབ་ཅེས་བཏགས་རོགས།

ཡོང་རྒྱུ་ཅུང་འཕྱི་སོང་པར་དགོངས་དག རྟེན་འབྲེལ་ཞུ། སེམས་ཁོང་རུས་པའི་གཏིང་ནས་བཀྲ་ཤིས་བདེ་ལེཊ་ཡོད། མ་ཟད་ཁྱོད་བུ

ཁྱེད་ཀྱི་བུ་ཆུང་འདི་རི་ཁ་བ་ཅན་གྱི་གཅས་ཕྲུག་ངོ་མ་ཞིག་ཏུ་འགྱུར་བར་སྨོན།

ཨ་རོ། བོད། ཤ་ཁྲག་རུས་གསུམ། ཁྱོད་བདེ་མོ། ངས་ད་བར་དུ་ཁྱོད་སུ་ཡིན་མ་ཤེས་ལ། ཤེས་འདོད་ཀྱང་དམིགས་མ་བྱུང་མོད། འོན་ཀྱང་། ཁ་རྩང་ཨེ་ཤ་ཡ་རླུང་འཕྲིན་ཁང་དུ་ཁྱོད་ལ་བཅར་འདྲི་ཞིག་བྱས་པ་དེར་ཉན་རྗེས། གཞི་ནས་ངས་ཁྱོད་སུ་ཡིན་ཤེས་སོང་། གང་ལྟར་མ་ཐུག་རིང་བདེ་མོ། ངེད་གཉིས་ཀྱིས་གཅིག་གིས་གཅིག་ངོ་ཤེས་ལ། ངས་ཁྱོད་ཀྱི་རྩོམ་དེབ་དེ་དག་ཀྱང་བཀླགས་མྱོང་ཡོད། དེ་བས་ཀྱང་ངས་དགའ་རོགས་སྔུན་མ་དེ་དང་ཁྱེད་གཉིས་གྲོགས་པོ་ཡག་ཤོས་ཤིག་ཡིན་རབས་བཤད། མདོར་ན། ངས་ཀྱང་འདི་ནས་སྨྱུག་མིང་ཞིག་བརྒྱུད་ནས་མཆན་བུ་རེ་འདེམས་ཀྱིན་ཡོད། དོན་ངོས་སུ་ང་ནི་སྐྱེས་སྨན་བོད་ཡིག་ལ་དོ་སྣང་ཡོད་མཁན་ཞིག་དང་། མི་རིགས་ཀྱི་ཆེད་དུ་གཉེན་བསྒྲིགས་ཀྱང་མ་བྱས་པར་བསྡད་ཡོད། གནས་སྐབས་བདེ་མོ།

གྲོགས་པོ་བོད་ཤ་ཁྲག་རུས་གསུམ་བཟའ་མི་བཞི་ལ་བཀྲ་ཤིས་བདེ་ལེགས་ཞུ།
ཨ་ཕའི་ཁོག་གི་སྙིང་དང་དཔྲལ་བའི་མིག་དང་འདྲ་བའི་བུ་ཆུང་ཁྱོད་ཀྱི་འབྱུང་འགྱུར་ལ་འོད་སྣང་དང་ལྡན་པའི་སྨོན་ལམ་འདེབས།
མཆན་གོང་མའི་ནང་གི་གཟའ་དེ་བཟའ་རུ་བཅོས།

ཁྱེད་གཟའ་མི་ལྷན་རྒྱས་སྤྱི་དང་སྒོས་སུ་བུ་ཆུང་སྙིང་རྗེ་བོ་དེར་འཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ།་

ཨ་ཁུ་ཀླུ་སྨྱོན་གྱིས་བུ་ཆུང་ཁྱེད་ལ་ཐེངས་དང་པོར་རྟེན་འབྲེལ་ཞུ། ཁྱེད་ཀྱི་ལུས་ལ་ན་ཚ་མེད་ཅིང་ཡིད་སེམས་དགའ་བདེའི་དཔལ་གྱིས་འཚོ་བ་དང་། མི་ཚེའི་ནང་ཤེས་བྱ་ཡོན་ཏན་དང་ཚེ་བསོད་དཔལ་འབྱོར་སྙན་གྲགས་སོགས་འཕེལ་བའི་སྨོན་ལམ་འདེབ། དེ་བཞིན་ཕ་མ་གཉིས་ལ་ཡང་བཀྲ་ཤིས་བདེ་ལེགས་ཞུ།