ཉེ་སྔོན་བསྟན་འཛིན་སྒང་དུ་བུ་མོ་རིག་འཛིན་ལ་མི་སྤྱོད་ལས་འདས་པའི་ཉེས་རྡུང་ཕོག་པ་དེར་ནང་འགྲིག་བྱ་རྒྱུ་ཡིན་ལུགས་བརྗོད་ཡོད་ཀྱང་། ད་བར་ཟླ་གཉིས་འགྲོ་བཞིན་ཡོད་ཀྱང་ཐག་གཅོད་གསལ་བོ་གང་ཡང་བྱུང་ཡོད་མི་འདུག
ཕྱི་ཟླ་ ༧ ཚེས་ ༡༦ ཉིན་བསྟན་འཛིན་སྒང་དུ་བུ་མོ་མེད་རིག་འཛིན་ལ་མི་སྤྱོད་ལས་འདས་པའི་ཉེས་རྡུང་བཏང་བའི་གནས་ཚུལ་དེ་བྱུང་རྗེས། ནང་སྲིད་ལས་ཁུངས་ཀྱི་ལམ་སྟོན་འོག་ས་གནས་ལས་ཁུངས་ནས། ཉེས་རྡུང་གཏོང་མཁན་ཚོར་ཧིན་སྒོར་ཁྲི་ ༤ དང་། ཟུར་བསྟེན་འཚོལ་མཁན་བསྟན་པར་ཧིན་སྒོར་ཁྲི་ ༢ བཅས་ཀྱི་ཉེས་ཆད་བཅད་པ་མ་གཏོགས། མི་སྒེར་གཉིས་བར་གྱི་གནད་དོན་དེར་ས་གནས་ལས་ཁུངས་ནས་ཐག་གཅོད་གང་ཡང་བྱས་མེད་པ་མ་ཟད། ད་ལྟའི་ཆར་གྱོན་དོན་དེའི་གནས་སྟངས་ག་འདྲ་ཆགས་ཡོད་མེད་ཐད་ནས། ས་གནས་མཉམ་འབྲེལ་ཚོགས་གཙོ་དང་དྲུང་ཆེ་གཉིས་ཀྱིས་བརྗོད་པའི་སྐད་ཆ་ཡང་མཐུན་གྱི་མི་འདུག
བསྟན་འཛིན་སྒང་ས་གནས་མཉམ་འབྲེལ་ཚོགས་གཙོ་སྲི་ཡར་ལགས་ཀྱིས་བརྗོད་པ་ལྟར་ན། མི་མང་ཁྲོད་བུད་མེད་གཅེར་བུར་ཕུད་དེ་ཉེས་རྡུང་གཏོང་མཁན་དག་ལ་ས་གནས་མི་མང་ལ་དགོངས་སེལ་ཞུ་ཆེད་ཉེས་ཆད་བཅད་པ་མ་གཏོགས། ཉེས་རྡུང་ཕོག་མཁན་བུད་མེད་རིག་འཛིན་དང་ཉེས་རྡུང་ལ་བཀོལ་བྱུས་གཏོང་མཁན་གཏེ་བོ་པ་སངས་ནང་མི། དེ་བཞིན་བསྟན་པ་བཅས་མི་སྒེར་སོ་སོའི་བར་གྱི་གཞི་རྩའི་གནད་དོན་རྣམས་ཐག་གཅོད་གང་ཡང་བྱུང་མི་འདུག དེ་ནི་པ་སངས་དང་བསྟན་པ་གཉིས་ཀྱི་ནང་མིའི་ཕྱོགས་ནས་གནད་དོན་ཁྲིམས་ཐོག་ལ་མ་སྐྱེལ་བར་ནང་འགྲིག་བྱ་རྒྱུ་ཡིན་ལུགས་བརྗོད་སྟབས། ས་གནས་མགོ་འཛིན་ལས་ཁུངས་ཀྱིས་ཀྱང་ནང་འགྲིག་ཡོང་ཐབས་ལ་དགོངས་བཞེས་གནང་སྟེ་ཐག་གཅོད་གནང་མེད་པ་རེད། འོན་ཀྱང་། ད་ལྟའི་ཆར་བུ་མོ་རིག་འཛིན་གྱི་ཕྱོགས་ནས་ནང་འགྲིག་བྱ་འདོད་ཡོད་མེད་ཀྱི་དགོངས་ཚུལ་ཚིག་གཅིག་ཀྱང་བཏོན་མི་འདུག
བསྟན་འཛིན་སྒང་ས་གནས་མཉམ་འབྲེལ་དྲུང་ཆེ་བསྟན་འཛིན་རིག་བཟང་ལགས་སུ། གྱོད་དོན་དེ་ད་ལྟ་ཐག་གཅོད་ག་འདྲ་བྱུང་ཡོད་མེད་སྐོར་དྲིས་སྐབས། “ས་གནས་མགོ་འཛིན་ལས་ཁུངས་རང་ནས་ཐག་གཅོད་གནང་སྟེ། ད་ལྟ་གནས་ཚུལ་གཙང་མ་གཙང་རྐྱང་ཆགས་ཚར་བ་རེད “ ཅེས་བརྗོད་སོང་ལ། ད་དུང་ཁོང་གིས་ཉེས་རྡུང་གཏོང་མཁན་ཚོའི་བྱེད་ལུགས་བྱེད་སྟངས་མ་འགྲིག་པ་དེར་ཉེས་ཆད་བཅད་ཟིན་པར་མ་ཟད། ས་གནས་མགོ་འཛིན་ལས་ཁུངས་ནས་བུ་མོ་རིག་འཛིན་ལའང་ནོར་འཁྲུལ་ཡོད་པར་ངོས་འཛིན་ཐོག སྔོན་ཆད་ཁོ་མོའི་བཟོས་པའི་ནོར་འཁྲུལ་དང་ཐེངས་འདིར་ཉེས་རྡུང་དམའ་འབེབ་ཐེབས་པ་གཉིས་དོ་མཉམ་ལྟ་བུར་རྩིས་བརྒྱབ་སྟེ། ས་གནས་ལས་ཁུངས་ཀྱི་ངོས་ནས་ཁོ་མོར་ཉེས་ཆད་ཅི་ཡང་གཅོད་རྒྱུ་མིན་པའི་ཐག་གཅོད་དང་། ས་གནས་མགོ་འཛིན་གྱིས་ཁོ་མོར་རྗེས་ཕྱོགས་བཟའ་ཚང་བར་འཛུལ་མི་ཆོག་པ་ནན་བརྗོད་བྱས་ཏེ། གནས་ཚུལ་དེའི་མགོ་མཇུག་བར་གསུམ་ཆ་ཚང་གཙང་མ་ཆགས་ཡོད་ཚུལ་དང་། དེའི་སྐོར་གྱི་འབྲེལ་ཡོད་ཡིག་ཆ་ཆ་ཚང་དབུས་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་སུ་ཕུལ་ཡོད་སྐོར་བརྗོད་སོང་ལ། ས་གནས་ལས་ཁུངས་ཀྱིས་ཐག་གཅོད་གང་གནང་བ་དེ་དག་བུ་མོ་རིག་འཛིན་གྱི་མ་ཡར་ལའང་གསལ་བཤད་བྱས་ཏེ། ཁོང་མ་སྨད་གཉིས་ས་གནས་ལས་ཁུངས་སུ་བཅར་དགོས་སྐོར་བརྗོད་ཡོད་ཀྱང་། བུ་མོ་རིག་འཛིན་གྱིས་ཁོ་མོ་ད་ལྟ་ལུས་སེམས་ཅུང་བདེ་བོ་མེད་སྟབས། ཉིན་འགའི་རྗེས་སུ་བཅར་རྒྱུ་ཡིན་ཚུལ་གྱི་ལན་འདེབས་བྱས་ཡོད་འདུག
བུ་མོ་རིག་འཛིན་ལ་མི་སྤྱོད་ལས་འདས་པའི་ཉེས་རྡུང་དམའ་འབེབ་ཕོག་པའི་གནད་དོན་དེ་ཐག་གཅོད་དྲང་སྙོམས་ཡོང་ཐབས་ལ། ཕྱི་ཟླ་ ༩ པའི་ཚེས་མགོར་དབུས་བུད་མེད་ལྷན་ཚོགས་ཀྱི་ངོས་ནས་རྒྱུན་ལས་གཉིས་བསྟན་འཛིན་སྒང་དུ་གཏོང་འཆར་ཡོད་པ་དང་། བུ་མོ་རིག་འཛིན་གྱི་གནས་སྟངས་རྒྱུས་ལོན་གྱིས་ཁོང་མོར་ལྟ་སྐྱོང་རོགས་རམ་བྱ་རྒྱུ་ཡིན་པའི་སྐོར་ལ། དབུས་བུད་མེད་ལྷན་ཚོགས་ཀྱི་དྲུང་ཆེ་ཚེ་དབྱང་ལགས་ཀྱིས། “བུ་མོ་རིག་འཛིན་དང་འབྲེལ་བའི་གནད་དོན་དེའི་ཐད་ས་གནས་འབྲེལ་ཡོད་ལས་ཁུངས་དང་ནང་སྲིད་ལས་ཁུངས་ཀྱི་ངོས་ནས་ཐག་གཅོད་ཅིག་གནང་འདུག འོན་ཀྱང་། ཉེས་རྡུང་ཕོག་མཁན་བུ་མོ་རིག་འཛིན་ལ་ཁ་ཡོད་ལག་ཡོད་ཀྱི་ཕན་ཐོག་ཅིག་བྱུང་མེད་པ་མ་ཟད། ཁོ་མོར་ཡང་ནག་ཉེས་ནོར་འཁྲུལ་ཡོད་རབས་ཀྱིས་ཉེས་པ་གཏོང་རྒྱུའི་ཐགས་གཅོད་དེ་འདྲ་གནང་འདུག ང་ཚོ་བུད་མེད་ལྷན་ཚོགས་ཀྱི་ངོས་ནས་ཐག་གཅོད་དེར་བློ་ཕམ་བྱུང་སོང་། ཅེས་བརྗོད་བྱུང་ལ།
ཁོང་མོས་མུ་མཐུད་དུ། བུ་མོ་དེའི་མ་འོངས་མི་ཚེ་འགྲོ་སྟངས་དེ་ག་འདྲ་ཞིག་ཆགས་མིན་ཐད་ང་ཚོར་བློ་འཚབ་ཆེན་པོ་འདུག ད་ལྟའི་གནས་སྟངས་ལ་གཞིགས་ན་བུ་མོ་དེ་ས་གནས་གཞན་ཞིག་ལ་གཞིས་སྤོར་བཏང་ན་མ་གཏོགས། མུ་མཐུད་ས་གནས་དེ་ག་རང་དུ་མི་ཚེ་རྒྱུན་ལྡན་ཞིག་སྐྱེལ་ཐུབ་རྒྱུ་ཁག་པོ་རེད་བསམ་གྱི་འདུག གལ་སྲིད་ཁོ་མོ་འདིར་དྷ་རམ་ས་ལར་ཕེབས་འདོད་ཡོད་ན། ང་ཚོས་ངོས་ནས་ཁོ་མོར་ལོ་གཅིག་དང་ཕྱེད་ཀའི་རིང་གི་ཟས་གོས་སྡོད་གནས་ཀྱི་འགྲོ་སོང་ཆ་ཚང་མཐུན་འགྱུར་གནང་འཆར་ཡོད། གཞན་ད་དུང་ཁོ་མོའི་སེམས་ཁམས་ལ་ཕོག་ཐུག་ཆེན་པོ་བྱུང་ཡོད་སྟབས། ང་ཚོའི་ངོས་ནས་ཁོ་མོར་སེམས་གསོ་དང་སློབ་སྟོན་གང་ཡོང་བྱས་ཏེ། མ་འོངས་པར་ཁོ་མོར་འཚོ་བའི་རྟེན་གཞི་གསར་བ་ཞིག་ཚུགས་ཐུབ་རྒྱུར་འབད་བརྩོན་ཞུ་རྒྱུ་ཡིན།” ཅེས་བརྗོད་སོང་།
གཞན་ཡང་། བོད་མིའི་གཞིས་གྲོང་ཁུག་ཀྱོག་དག་ཏུ་དེང་སྐབས་ཀྱང་བུད་མེད་ཀྱི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་སྐོར་ནས། དབུས་བུད་མེད་ལྷན་ཚོགས་ཀྱི་རྒྱུན་ལས་ཤར་གླིང་ཟླ་སྒྲོན་ལགས་ཀྱིས། “ ད་ལོའི་ཕྱི་ཟླ་ ༡ ནང་དབུས་བུད་མེད་ལྷན་ཚོགས་ཀྱི་ཟུང་དྲུང་དང་ཉི་མ་ལགས་གཉིས་བསྟན་འཛིན་སྒང་དུ་སོང་སྟེ། ས་གནས་མི་མང་ ༡༢༠ ལ་བུད་མེད་ལ་བརྙས་བཅོས་བཏང་ན་ཁྲིམས་འགལ་ཡིན་པ་དང་། བུད་མེད་ཀྱི་ཐོབ་ཐང་སྲུང་སྐྱོབ་བྱ་དགོས་པའི་སྐོར་ལ་ཉིན་གསུམ་རིང་ཟབ་སྦྱོང་སྤྲད་པ་རེད། སྐབས་དེར་ཕལ་ཆེར་ས་གནས་རང་བདེན་ཚོགས་གཙོ་ཆོས་གྲུབ་ཟེར་བ་དེ་དང་ཉེས་རྡུང་གཏོང་མཁན་རྣམས་དང་། ཉེས་རྡུང་ཕོག་མཁན་བུད་མེད་རིག་འཛིན་ལགས་བཅས་མཉམ་ཞུགས་གནང་ཡོད་རྒྱུ་རེད། ཟླ་ཤས་ལས་མ་འགོར་བར་གནས་ཚུལ་དེ་ལྟ་བུ་བྱུང་བར་ཧ་ཅང་བློ་ཕམ་ཡོད། “ ཅེས་བརྗོད་དེ། ཕྱི་ལོ་ ༢༠༠༩ ལོ་ནས་བཟུང་བུད་མེད་ལྷན་ཚོགས་ཀྱིས་ངོས་ནས། བུད་མེད་ཀྱི་ནུས་སྟོབས་གོང་འཕེལ་གྱི་སྐོར་སྡེ་ཚན་ཞིག་ཟུར་འཛུགས་གནང་སྟེ་རྒྱ་བལ་འབྲུག་གསུམ་ནང་ཟབ་སྦྱོང་སྤྲོད་བཞིན་ཡོད་ནའང་། ཤེས་ཡོན་གནས་ཚུལ་སྐྱོ་བའི་མཐའ་འཁོབ་གཞིས་ཆགས་ཁག་ནང་ད་དུང་བུད་མེད་ལ་བརྙས་བཅོས་དང་བཙན་གཡེམ་བྱེད་པའི་གནས་ཚུལ་བྱུང་བཞིན་ཡོད་སྐོར་བརྗོད་བྱུང་། ཕྱི་ལོ་ ༢༠༡༠ ལོར་ལ་དྭགས་སུ་ཁྱོ་ག་ཞིག་གིས་སྐྱེས་དམན་ལ་ཉེས་རྡུང་བཏང་སྟེ་རྐྱེན་ལམ་དུ་བཏང་ཡོད་པ་དང་། དེ་བཞིན་དྷ་རམ་ས་ལ་ཁུལ་དུའང་སྐྱེས་པ་ཚོས་བུད་མེད་ལ་ཉེས་རྡུང་གཏོང་མཁན་མང་པོ་ཡོང་གི་ཡོད་མོད། དེ་ལ་ཉམས་ཞིབ་ཀྱིས་དངོས་ཡོད་གནས་སྟངས་ཤེས་རྟོག་ཡག་པོ་མ་ཐུབ་པའི་རྐྱེན་གྱིས། ད་ལྟའི་བར་དེའི་ཐད་སྙན་ཐོ་ཞིག་འདོན་མ་ཐུབ་པའི་སྐོར་ཡང་བརྗོད་བྱུང་།
ཉེ་སྔོན་བུད་མེད་ལ་མི་སྤྱོད་ལས་འདས་པའི་བརྙེས་བཅོས་བཏང་བའི་གནས་ཚུལ་ཐབས་རྡུགས་དེ་འདྲ་ཞིག་བྱུང་བའི་ཐད། བསྟན་སྒང་མཉམ་ལས་དྲུང་ཆེ་བསྟན་འཛིན་རིག་བཟང་ལགས་སུ་སེམས་ཚོར་ག་འདྲ་བྱུང་ཡོད་མེད་དྲིས་སྐབས། ཁོས་ “ང་ཚོ་ཨ་རུ་ན་ཅལ་མངའ་སྡེ་ནང་ཡོད་པའི་བསྟན་འཛིན་སྒང་གཞིས་ཆགས་ལྟ་བུར་མཚོན་ན། སྐད་ཆ་གསར་བ་དེ་འདྲ་གང་ཡང་མ་རེད། ང་ཚོའི་ལུང་པའི་སྐོར་རྣམ་པ་ཚོས་གསལ་བོ་མཁྱེན་ཡོད་རྒྱུ་རེད། གློག་དང་ཁ་པར། དྲ་རྒྱ་གང་ཡང་ཡོད་པ་མ་རེད། ད་ལྟ་གཞི་ནས་ཡར་རྒྱས་འགྲོ་བཞིན་པ་ཙམ་རེད། ཕལ་ཆེར་མི་རྙིང་པ་དང་ཀླད་པ་རྙིང་པ་སློབ་སྦྱོང་མེད་མཁན་ཤ་སྟག་རེད། གནས་སྟངས་དེ་འདྲ་ཞིག་གི་ཐོག་ནས་བསམ་བློ་བཏང་བ་ཡིན་ན། གནས་ཚུལ་གསར་བ་ཞེ་དྲག་མེད་པའི་བཟོ་འདྲ་ཞིག་རེད།” ཅེས་བརྗོད་དེ། དྷ་རམ་ས་ལ་དང་ལྡི་ལི། ལྷོ་ཕྱོགས་གཞིས་ཆགས་ཁག་སོགས་ཡར་རྒྱས་ཅན་གྱི་སྤྱི་ཚོགས་ཤིག་གི་ངོས་ནས་བལྟས་ན། བསྟན་འཛིན་སྒང་གི་གནས་ཚུལ་དེ་ཧ་ཅང་ཛ་དྲག་ཡིན་ཡང་། ཨེ་ཌ་ན་གྷིར་དང་འབུམ་སྡེ་ལ་སོགས་གཡས་གཡོན་ས་ཁུལ་ཁག་ནང་དེ་འདྲའི་གནས་ཚུལ་མང་པོ་འབྱུང་བཞིན་ཡོད་པར་བརྟེན། གནས་ཚུལ་གསར་བ་གང་ཡང་མིན་སྐོར་བརྗོད་སོང་།
རྒྱུས་ལོན་བྱུང་བ་ལྟར་ན་དོན་རྐྱེན་དེའི་འབྱུང་རྐྱེན་གཙོ་བོ་ནི། ཕྱི་ལོ་ ༢༠༠༥ ལོར་བསྟན་པའི་ཆུང་མ་པ་སངས་ལགས། ཨི་སི་རེལ་( Isrel ) རྒྱལ་ཁབ་ནང་ལོ་གཅིག་རིང་ལས་ཀ་བྱེད་དུ་ཕྱིན་པའི་རྗེས། བསྟན་པས་གསང་བའི་སྒོ་ནས་བུ་མོ་རིག་འཛིན་དང་འབྲེལ་བ་བྱུང་སྟེ་ཁོ་མོར་བྱིས་པ་ཞིག་སྐྱེས་པ་དང་། དེའི་རྗེས་པ་སངས་ཕྱིར་ལོག་རྗེས་དེའི་སྐོར་གྱི་གནས་ཚུལ་གོ་ཐོས་བྱུང་སྟེ་བུ་མོ་རིག་འཛིན་འབོད་འགུག་གིས་འདྲི་བརྩད་བྱས་སྐབས། རིག་འཛིན་གྱིས་དངོས་ཡོད་གནས་ཚུལ་ངོས་ལེན་གནང་མ་ཐུབ་པར། པ་སངས་ཀྱི་བློ་འདོད་ལྟར་དགོན་པར་སོང་སྟེ་ལྷ་མདུན་ནས་ཁོ་མོའི་བྱིས་པ་དེའི་ཨ་ཕ་བསྟན་པ་མིན་པའི་གསལ་བཤད་དང་། མ་འོངས་པར་ཡང་ཁོ་མོ་དང་བསྟན་པའི་བར་འབྲེལ་བ་མི་བྱ་རྒྱུའི་ཁས་ལེན་ཞུས་ཡོད་འདུག ཡིན་ནའང་། ཉེ་ཆར་པ་སངས་ཀྱིས་བསྟན་པའི་ཁ་པར་ནང་རིག་འཛིན་དང་བསྟན་པ་གཉིས་ལྷན་དུ་ཡོད་པའི་པར་ཅིག་ཡོད་པ་མཐོང་མ་ཐག ཁོང་ཁྲོས་མ་བཟོད་པར་ཨེ་ཌ་ན་གྷར་ཟ་ཁང་ཞིག་གཉེར་ཡོད་པ་དེ་སྒོ་བརྒྱབ་ཅིང་། ཕྱིར་གཞིས་གྲོང་དུ་ལོག་སྟེ་ནང་མི་གཉེན་འབྲེལ་སྐོར་ཞིག་འཁྲིད་དེ་བུ་མོ་རིག་འཛིན་དམར་ཧྲང་ལ་ཕུད་དེ་རུབ་རྡུང་བྱས་པའི་མི་སྤྱོད་ལས་འདས་པའི་དོན་རྐྱེན་དེ་བཟོས་ཡོད་འདུག
བུ་མོ་རིག་འཛིན་གྱི་བྱིས་པ་དེ་ལོ་ ༤ ཡིན་པ་དང་། ད་ལྟ་བུ་གསོ་ཁང་དུ་འགྲོ་བཞིན་ཡོད་འདུག ཉེས་རྡུང་དོན་རྐྱེན་བྱུང་སྐབས་ཁོ་མོས་རང་གི་བྱིས་པའི་ཨ་ཕ་བསྟན་པ་ཡིན་པ་ངོས་ལེན་གནང་ཡོད་འདུག བུད་མེད་རིག་འཛིན་ནི་ཁོང་མོའི་ཕ་ཡར་དང་མ་ཡར་གཉིས་ཀྱིས་གསོས་པ་ཞིག་ཡིན་འདུག
༼ བོད་ཀྱི་དུས་བབ་ཚགས་ཤོག་ལས་འདིར་བསྐྱར་འགོད་བྱས། ༽
གསར་འགོད་པ། ཚེ་རིང་རྒྱལ།
གནས་ཚུལ་འདིའི་རིགས་སྣང་མེད་དུ་བཞག་ན། དེ་ནས་རྒྱ་གཞུང་ངན་ལགས་རྐྱང་ནས་ཡོང་དུས་། བོད་གཞུང་མང་གཉིས་འགྱོད་པ་སྐྱེས་སྲིད་།
པ་སངས་གདོན་མོ་དང་བསམ་གཏན་སོགས་ཀྱི་རྒྱབ་ལོག་ན་དཔོན་ངན་རུལ་སུང་བ་ཞིག་ཡོད་ཐག་ཆོད་རེད་མ་གཏོགས། བུ་མོ་རིག་འཛིན་སྒྲོལ་མ་ལ་གུན་གསབ་སྤྲོད་མི་དགོས་པའི་རྒྱུ་མཚན་ཅི། གནད་དོན་དེ་ཐག་གཅོད་དྲང་མོ་མ་བྱེད་པ་ན་མཐའ་གཅིག་ཏུ་ངོ་རྒོལ་བྱེད་ངེས་ལ། དྲ་གྲོགས་ཚོར་ཆིག་སྒྲིལ་གྱིས་དྲང་བདེན་གྱི་ཆེད་དུ་བུ་མོ་ཉམ་ཆུང་དེའི་རྒྱབ་རྩར་ལངས་དགོས་པའི་འབོད་སྐུལ་ཡང་ཡོད།
དྲྭ་གྲོགས་ཉི་མ་ལགས། བུད་མེད་ཚོགས་པ་ལ་དེ་ལྟ་བུའི་ཁ་མ་གཏོང་མ་གཏོགས་ཁྱེད་རང་གི་ཨ་མ་ཡང་དེའི་ནང་ཡོད་རེད་དཱ། ཐུགས་སེམས་ཡག་པོ་བཞེས་རོགས་ཐུགས་རྗེ་གཟིགས།
ལས་འབྲས་མེད་པའི་ཐག་ཆོད་དེ་ལ་སྐྱུག་བྲོ་བྱུང་། བུད་མེད་ཚོགས་པས་བྱུས་གཏོགས་དེ་ལ་ཡི་རངས་བྱུང་སོང་། ཚེ་རིང་རྒྱལ་ལགས་སུ་ཐུགས་རྗེ་ཆེ་ཞུ།
བེུད་ཚོགས་པར་ལས་ཀ་ཡག་པོ་ཞིག་རག་འདུག འཇོན་པོ་དེ་འདྲ་ཡོད་ན་བུད་མེད་ཚོགས་པས་མེག་ལོར་དང་ལྡི་ལི་མན་ཇུ་ཊི་ལར་ཡན་ལག་ཡོད་སྟབས་བོད་པའི་བོུ་ཕྱི་མི་དང་གང་བྱུང་བྱ་མཁན་དེ་ཚོར་རེ་རེ་བྱས་འཇུས་ཏེ་སློབ་གསོ་བརྒྱབ་དང་། ཁག་པོ་རེད། བརྒྱབ་ ཐུབ་ཀྱི་མ་རེད། ས་གནས་ཁུག་ཀྱོག་ཞིག་ཏུ་བྱུང་བའི་གནས་ཚུལ་རྙིང་པ་ཞིག་ཡར་བསླངས་ནས་ག་རེ་བྱ་དགོས་བསམ་གྱི་འདུག བོུ་རིག་འཛིན་དེ་སྔ་ནས་བོད་པའི་གཞིས་ཆགས་ནང་ཟུར་བསྟེན་ཉར་ཏེ་ཕྲུ་གུ་སྐྱེས་པ་དང་། བུ་ཚབ་ཏུ་སླེབས་རྗེས་མ་རྒན་རྒས་པ་སོགས་ལས་ཁྱིམ་ཚང་སྐྱོ་པོ་ཡིན་པའི་བུད་མེད་དེའི་གནས་སྟངས་བུད་མེད་ཚོགས་པས་སྔ་ས་ནས་ཞིབ་འཇུག་མ་བྱས་པ་ག་རེ་རེད། ཁྱོད་ཚོའི་ཡན་ལག་གང་སར་ཡོད་པ་མ་རེད་དམ། ཡང་ཕྱི་རྒྱལ་མི་སྣ་དེ་ཚོར་ང་ཚོས་དེ་ལ་འཚོ་སྣོན་སྤྲོད་ཀྱི་ཡོད་ཅེས་དངུལ་སློང་སའི་གཞོང་པ་སྟོང་པ་ཞིག་རག་སོང་སྙམ་བྱུང་ངམ། སློང་རྒྱུ་དང་ངུ་རྒྱུ་མ་གཏོགས་ཤེས་ཀྱི་མ་རེད།
ད་བར་དུས་བབས་ཚང་ལ་དེབ་སྐྱེལ་བྱེད་མ་ཐུབ་ནས་ཅིག་མྱངས་སོང་།
བུ་མོ་རིག་འཛིན་སྒྲོལ་མའི་བུ་དེ་ཅི་ཞིག་བྱེད་དགོས་སམ། ཕ་ངན་དེས་རང་གི་བུ་ལ་ཡང་འགན་འཁྱེར་མི་དགོས་སམ། རིག་འཛིན་སྒྲོལ་མ་རྒྱན་ནང་ཞུགས་མ་དགོས་པའི་ཐོག་ནས་ཁེ་ན་ཊར་ངེས་པར་དུ་གཏོང་ཐུབ་པ་བྱེད་དགོས། ཁོ་མོ་མུ་མཐུད་བསྟན་འཛིན་སྒང་དུ་བསྡད་ན་མི་ཚེ་སྐྱེལ་རོགས་ཤིག་རེག་ཐབས་བྲལ་བ་རེད་ལ་དེའི་ཁར་ད་དུང་ས་གནས་དེ་ནས་མགོ་བཀྱག་ཐབས་མེད་པ་ཆགས་པ་རེད། འདི་ལ་ངེས་པར་དུ་འབྲེལ་ཡོད་གཞུང་དང་བུད་མེད་ཚོགས་པ་སོགས་ཀྱིས་འགན་འཁུར་དགོས་པ་རེད་འདོད།
གསར་འགོད་པ་ཚེ་རིང་རྒྱལ་ལགས་ཀྱིས་སྤྱི་ཚོགས་ལ་སྨན་ཆེད་གནས་ཚུལ་རྗེས་འདེད་དང་སྐུ་ལས་སྐྱོན་པར་ཐུགས་རྗེ་ཆེ་ཞུ་རྒྱུ་དང་། བསྟན་འཛིན་སྒང་ས་གནས་མཉམ་འབྲེལ་དྲུང་ཆེ་བསྟན་འཛིན་རིག་བཟང་སྐྱག་པ་ཟོ་ཞེས་སྐུལ་རྒྱུ་ཡིན།
བུད་མེད་ལྷན་ཚོགས་ཀྱིས། ༼བུ་མོ་དེའི་མ་འོངས་མི་ཚེ་འགྲོ་སྟངས་དེ་ག་འདྲ་ཞིག་ཆགས་མིན་ཐད་ང་ཚོར་བློ་འཚབ་ཆེན་པོ་འདུག ད་ལྟའི་གནས་སྟངས་ལ་གཞིགས་ན་བུ་མོ་དེ་ས་གནས་གཞན་ཞིག་ལ་གཞིས་སྤོར་བཏང་ན་མ་གཏོགས། མུ་མཐུད་ས་གནས་དེ་ག་རང་དུ་མི་ཚེ་རྒྱུན་ལྡན་ཞིག་སྐྱེལ་ཐུབ་རྒྱུ་ཁག་པོ་རེད་བསམ་གྱི་འདུག གལ་སྲིད་ཁོ་མོ་འདིར་དྷ་རམ་ས་ལར་ཕེབས་འདོད་ཡོད་ན། ང་ཚོས་ངོས་ནས་ཁོ་མོར་ལོ་གཅིག་དང་ཕྱེད་ཀའི་རིང་གི་ཟས་གོས་སྡོད་གནས་ཀྱི་འགྲོ་སོང་ཆ་ཚང་མཐུན་འགྱུར་གནང་འཆར་ཡོད། གཞན་ད་དུང་ཁོ་མོའི་སེམས་ཁམས་ལ་ཕོག་ཐུག་ཆེན་པོ་བྱུང་ཡོད་སྟབས། ང་ཚོའི་ངོས་ནས་ཁོ་མོར་སེམས་གསོ་དང་སློབ་སྟོན་གང་ཡོང་བྱས་ཏེ། མ་འོངས་པར་ཁོ་མོར་འཚོ་བའི་རྟེན་གཞི་གསར་བ་ཞིག་ཚུགས་ཐུབ་རྒྱུར་འབད་བརྩོན་ཞུ་རྒྱུ་ཡིན།༽ ཞེས་ཧ་ཅང་ཡག་པོ་གསུངས་འདུག འོན་ཀྱང་གཏམ་བཤད་རྫིག་པོ་དེ་གཏམ་བཤད་གཅིག་པུའི་ངོ་བོར་མ་ལུས་པར། དོན་ངོ་མའི་ཐོག་ལ་མདུན་བསྐྱོད་ཀྱིས་ཁ་ཡོད་ལག་ཡོད་ཕན་འདོགས་གནང་རྒྱུ་ཤིན་ཏུ་གལ་ཆེ།
ཐག་གཅོད་བྱེད་སྟངས་འདི་དེ་འདྲའི་སྣང་བ་འགྲོ་ནི་ཞིག་མ་རེད ། འདི་ད་བོད་ཁྲིམས་མེ་འཕུ་ཐུང་ནས་གསོད་ཟེར་བ་དེ་ཡིན་ས་རེད །
བུ་མོ་རིག་འཛིན་སྒྲོལ་མའི་གནས་ཚུལ་བསྟན་འཛིན་སྒང་ས་གནས་མགོ་འཛིན་ལས་ཁུང་རང་ནས་ཐག་གཅོད་གནང་སྟེ། ད་ལྟ་གནས་ཚུལ་གཙང་མ་གཙང་རྐྱང་ཆགས་ཚར་བ་རེད་ཕྱིར་བསྒྲགས་བྱས་པ། དེ་ལ་དཔག་ན་ཚོགས་གཙོ་ཁོ་རང་ཚོས་ལྐོག་དངུལ་ཟ་ཚར་བ་ཐག་ཆོད་པ་རེད། ད་དུང་ཁོང་གི་ཉེས་རྡུང་གཏོང་མཁན་ཚོར་ཉེས་ཆད་བཅད་ཟིན་པར་མ་ཟད། ས་གནས་མགོ་འཛིན་ལས་ཁུངས་ནས་བུ་མོ་རིག་འཛིན་སྒྲོལ་མ་ལའང་ནོར་འཁྲུལ་ཡོད་པ་ངོས་འཛིན་བྱས་པ་དྲང་བདེན་གྱི་ཁྲིམ་ཞིབ་རེད་དང་། ཁོ་མོའི་བྱིས་པ་དེའི་ཨ་ཕ་ཡང་བསྟན་པ་ཡིན་ན་དེ་ལ་ཁྲིམ་ག་འདྲ་བཅད་རྒྱུ་འོས། དབུས་བུད་མེད་ལྷན་ཚོགས་ཀྱི་ངོས་ནས་གནད་དོན་དེའི་ཐད་རྟོགས་ཞིབ་རྒྱབ་སྐྱོར་ཡོད་པ་དགའ་བསུ་ཞུ།
འཇམ་བཟང་ལགས། གསུངས་པར་རྒྱབ་སྐྱོར་ཡོད།
དབུས་བོད་མིའི་སྒྲིག་འཛུགས་དང་། བོད་ཀྱི་བུད་མེད་ལྷན་ཚོགས་བཅས་ནས། བུ་མོ་རིག་འཛིན་ལ་ཁ་ཡོད་ལག་ཡོད་ཀྱིས་རོགས་པ་བྱེད་པ་དགོས་པ་སྙམ།
ད་དུང་བསྟན་པ་དང་པ་སངས་གཉིས་ཀྱི་རྒྱབ་རྩ་དཔོན་ངན་ཞིག་ཡོད་པ་ཐག་གིས་ཆོད། དེ་དག་ལ་ཞིབ་འཇུག་ཡག་པོ་བྱས་ན་ལེགས་སྙམ། མ་ཟད་ད་དུང་སྒོར་ཁྲི་དྲུག་དེ་རིག་འཛིན་མོ་རང་གི་ལག་དུ་སྤྲད་ཡོད་པ་རེད་དམ། ཡང་ན་གཞུང་གི་ཁྱེར་བ་རེད། གལ་སྲིད་དེ་གཞུང་གི་ཁྱེར་ཡོད་ན་དེ་ནི་ནོར་འཁྲུལ་ཞིག་རེད། སྒོར་དེ་དག་མོ་རང་གི་མ་འོངས་པའི་མི་ཚེ་ཕྱོགས་ལ་འགྲོ་སོང་བཏང་དགོས་པ་སྙམ།
བོད་མའི་སྒྲིག་འཛུག་འདི་དངོས་གནས་དོན་དང་ལྡན་པ་ཞིག་ཡིན་ན། ཕྱི་ཡི་རྒྱ་རྩ་དང་ནང་གི་དཔལ་འབྱོར་མེད་པའི་ཉམ་ཆུང་ཁོང་ཚོའི་རིག་ལ་རོགས་རམ་བྱེད་དགོས་པ་སྙམ། དེ་དང་ད་དུང་བསྟན་པ་ཟེར་བའི་མི་ངན་དེ་ལ་ཡང་ཉེས་ཆད་ཆུང་དྲག་འདུག
ཡག་པོ་བྱུང་འདུག དུས་བབས་ཚགས་ཤོག་གི་གསར་འགོད་པས་གནས་ཚུལ་དེའི་ཐོག་འདྲི་རྩད་ཡག་པོ་བྱེད་འདུག རང་ངོས་ནས་བཤད་ན་ནང་སྲིད་ལས་ཁུངས་ཀྱིས་ཐག་གཅོད་གནང་ཟིན་པ་ཞིག་ལ་ད་དུང་མ་འགྲིག་པ་དང་མ་མཐུས་པ་བཟོ་འདྲ་པོ་བཤད་ནས་ད་དུང་རྙོག་དྲ་སློང་ནས་ཕན་ཐོགས་མེད། ང་ནི་བུ་མོ་རིག་འཛིན་ལ་སྙིང་འདྲ་རྗེས་ཀྱི། གསར་འགོད་པ་དེ་དག་གི་བྱེད་ལས་ཀྱིས་མོ་ནི་སྤྱི་ཚོགས་ནང་འགྲོ་སྟངས་འདུག་སྟངས་མི་ཤེས་པ་བཟོས་སོང་། སྤྱིར་དེ་ནི་གཟའ་མི་ནང་ཕན་ཚུན་གྱི་རྙོག་དྲ་ཞིག་ཡིན་པས་ཧ་ཅང་ཚབས་ཆེ་མདོག་གིས་གཏམ་གླེང་རྫོགས་རྒྱུ་མེད་པ་དེ་འདྲ་གང་རེད། གསར་འགོད་པ་ཁྱེད་རང་ཚོ་དོན་ངོ་མར་བོད་མི་རིགས་ཉམས་ཐག་ལ་ཤ་ཞེན་དང་བོད་མི་རིགས་ཀྱི་ལ་རྒྱ་ཡོད་ན་རྒྱ་ཆེ་སའི་གནས་ཚུལ་ཐོག་ལ་འདྲི་རྩད་ཆེད་དུ་བསྐྱོད་དང་། དྲང་པོ་དང་ཆོད་སེམས་ཇི་འདྲ་ཡོད་མེད་ལྟ་ཆོག་གི་རེད། དཔེར་ན། ང་ཚོ་བོད་ཀྱི་རྙོག་དྲ་ཆེ་རིགས་ཏེ་དོལ་རྒྱལ་གྱི་རྙོག་དྲ་དང་། ཆུ་སྒང་གསར་རྙིང་འགྲིག་ཐབས་ཀྱི་འདྲིས་ཞིབ་དང་།དེ་བཞིན་དུ་ལྷོ་ཕྱོགས་ཁག་ཏུ་བོད་མི་ཚོང་པ་འབྱོར་ལྡན་ཁག་གི་འདོད་རྔམས་ཀྱི་ལས་ལ་བརྟེན་ནས་ཚོགས་སྒེར་མང་པོ་ཞིག་ལ་དཀའ་ངལ་འཕྲད་བཞིན་པ་སོགས་ཀྱི་སྐོར་ལ་འདྲི་བརྩད་བྱེད་དང་། འདི་དག་ནི་རྒྱ་ཆེ་སའི་རྩོད་གཞི་ཞིག་ཡིན་པ་ཤེས་ཤེས་པ་རེད་པ།
རྗེས་མ་མི་ཡོང་བའི་ཕྱི་བྱས་ཉེས་ཅན་ལ་སློབ་གསོ་ཡག་པོ་རེ་སྤྲད་ཐོབ་པའི་རེ་བ་ཡོད་སྐྱེས་མ་རིགས་འཛིན་རྒྱལ་ལོ།
གཞི་ཆགས་བོད་མིའི་བཟང་ངན་གྱི་བྱ་སྤྱོད་གང་བྱས་ནའང་། འདི་བོད་མི་སྤྱིའི་ལུགས་སྲོད་དང་གོམ་གཤིས་ཡིན་པར་ཐག་གཅོད་ཅི་ལ་རུང་། ལྷག་པར་དུ་བོད་སིལ་བུར་འཐོར་ནས་ལོ་༥༠༠ ཚམ་སོང་རྗེས། ཆོལ་ཁ་སོ་སོ་དང་མ་ཟད་སྡེ་བ་སོ་སོ་བར་ལ་ལུགས་སྲོལ་མི་འདྲ་བ་ཧ་ཅང་མང།
འོན་ཀྱང་གཅིག་འགྱུར་རམ་ཕན་ཚུན་མ་དོར་བའི་བསམ་བློ་དེ་ནི། ང་ཚོའི་ཆོས་ལུགས་གཅིག་གི་འཆིང་ཐེགས་ཀྱིས་མཉམ་དུ་བཅིང་ཡོད།
དུས་བབས་གསར་འགོད་ལགས་ངོ་མ་ཐུགས་རྗེ་ཆེ། མི་སྤྱོད་ལས་འདས་པའི་བྱ་སྤྱོད་དེའི་སྐོར་དབུ་མེད་ཚོགས་པ་མ་ཟད་དབུས་བོད་མིའི་སྒྲིགས་ཀྱི་སྲིད་སྐྱོང་བློ་བཟང་སེངྒེ་ལའང་འདིའི་སྐོར་མཁྱེན་རྟོགས་གསལ་པོ་ཡོད་མེད་སོགས་བསྐྱར་འདྲི་ཞིག་ངེས་པར་དུ་བྱ་དགོས།
དབུ་མེད་ཚོགས་པས་ནམ་རྒྱུན་དབུ་མེད་ཐོབ་ཐང་བཤད་ཀྱིན་ཡོད་རུང་ད་བཤད་སར་ཐུག་དུས་ལས་འགུལ་འདོད་བློ་ཁེང་བ་ཞིག་བྱས་མ་སོང་།
འོ་ཧོ་ཧོ་་་་བལྟས་ཚོད་པ་སངས་ཞེས་པའི་བུ་མེད་དེ་ངར་མ་ཞིག་ཡིན་ས་རེད་་་་སྔོན་ཞིག་ནས་བུ་མོ་རིག་འཛིན་ལ་བསྙས་བཅོས་མང་པོ་བཏང་ཚར་འདུག བུད་མེད་ཚོགས་པ་ལགས པ་སངས་ཞེས་པའི་གདོན་མོ་དེ་ལ་བསླབ་བྱ་ཡག་པོ་རྒྱག་རོགས་གནང། རིག་འཛིན་རྒྱལ་གྱུར་ཅིག།
གང་གི་མཆན་འདི་ངེས་པ་ཅན་དུ་འགོད་རོགས།
དུས་བབ་རྩོམ་སྒྲིག་ཁོང་གི
དབུས་བོད་མིའི་སྒྲིག་འཛུགས་དང་། བོད་ཀྱི་བུད་མེད་ལྷན་ཚོགས་བཅས་ནས། བུ་མོ་རིག་འཛིན་ལ་ཁ་ཡོད་ལག་ཡོད་ཀྱིས་རོགས་པ་བྱེད་པ་དགོས་པ་སྙམ།
ད་དུང་བསྟན་པ་དང་པ་སངས་གཉིས་ཀྱི་རྒྱབ་རྩ་དཔོན་ངན་ཞིག་ཡོད་པ་ཐག་གིས་ཆོད། དེ་དག་ལ་ཞིབ་འཇུག་ཡག་པོ་བྱས་ན་ལེགས་སྙམ། མ་ཟད་ད་དུང་སྒོར་ཁྲི་དྲུག་དེ་རིག་འཛིན་མོ་རང་གི་ལག་དུ་སྤྲད་ཡོད་པ་རེད་དམ། ཡང་ན་གཞུང་གི་ཁྱེར་བ་རེད། གལ་སྲིད་དེ་གཞུང་གི་ཁྱེར་ཡོད་ན་དེ་ནི་ནོར་འཁྲུལ་ཞིག་རེད། སྒོར་དེ་དག་མོ་རང་གི་མ་འོངས་པའི་མི་ཚེ་ཕྱོགས་ལ་འགྲོ་སོང་བཏང་དགོས་པ་སྙམ།
བོད་མའི་སྒྲིག་འཛུག་འདི་དངོས་གནས་དོན་དང་ལྡན་པ་ཞིག་ཡིན་ན། ཕྱི་ཡི་རྒྱ་རྩ་དང་ནང་གི་དཔལ་འབྱོར་མེད་པའི་ཉམ་ཆུང་ཁོང་ཚོའི་རིག་ལ་རོགས་རམ་བྱེད་དགོས་པ་སྙམ། དེ་དང་ད་དུང་བསྟན་པ་ཟེར་བའི་མི་ངན་དེ་ལ་ཡང་ཉེས་ཆད་ཆུང་དྲག་འདུག གལ་སྲིད་ང་དེ་ན་ཡོད་ཚེ། ངས་ཁོ་ལ། ཁོང་ཚོའི་རིག་འཛིན་ལ་ག་རེ་བྱས་པ་བཞིན་ཁོ་ལ་ཡང་བྱེད་ངས། ལྟས་ངན་ཁོ། ཁོ་རིག་འཛིན་ལ་ཕར་སོང་བ་མ་ཏོག རིག་འཛིན་ཁོ་ས་ལ་འོང་ཨེ་ཡོད། ཁོའི་སྐྱེས་དམན་པ་སངས་གིས་ཡང་ཨི་སི་རེལ་( Isrel འགྲོ་སྐབས། སྐྱེས་པ་གཞན་དང་དགའ་བོ་སྒྲིག་ཡོད་མེད་སུས་ཤེས། ཅིག་བྱས་ན་ལུས་འགྲེལ་ཡང་བྱེད་ཚར་ཡོད་འགྲོ། བསྟན་པ་ཁྱེད་རང་མི་ངན་པ་ཞིག་ན་བརྟག་ཕྱེད་བཏང་ན་ལེགས་སྙམ།
པ་སངས་ལགས་ལ་བསམ་བློ་གཏོགས་ཙམ་གཏོང་རྒྱུ་མེད་པ་གང་ཡིན་ན། ང་ཚོ་བོད་པའི་སྤྱི་ཚོགས་ནང་བུ་གཅིག་ལ་གནའ་མ་གཉིས་གསུམ་ཡོད་པ་དང་། བུ་མོ་གཅིག་ལ་ཁྱོ་ཤུག་གཉིས་གསུམ་ཡོད་པ་མཐོང་ཆོས་སུ་འགྱུར་བ་ཡོད་པས་དེ་ལྟ་བུའི་འཛམ་གླིང་འདི་ཡི་ནང་ཁྱོ་ག་དཀོན་པའི་རྣམ་པ་དེ་འདྲ་བསྟེན་དགོས་དོན་གང་ཡིན་ན། པ་སངས་མོ་རང་འདོད་པ་ཡོད་ན་ང་རང་ཕོ་ཧྲང་ཡིན།
སྐྱོ་བ་ལ་་་་ས་གནས་ལས་ཁུངས་ནས་སྒོར་མོ་ལེན་ཐབས་ཤིག་ལས་གནད་དོན་ཐག་གཅོད་ཡག་པོ་ཞིག་མ་བྱུང་བ་དེར་ངོ་རྒོལ་ཡོད། ད་དུང་ཉེས་ཆད་དེ་ཧ་ཅང་ཡང་དྲགས་པས་མིའི་གདོང་པར་བལྟས་ནས་ལས་ཀ་བྱས་ཡོད་པའི་དོགས་པ་ཡོད།
ད་རེས་དབུས་བུད་མེད་ལྷན་ཚོགས་ནས་གནས་ཚུལ་དེའི་ཐད་མཐོང་ཆེན་འགན་འཁུར་དང་འཆར་འགོད་གང་ལེགས་ཤིག་གནང་བར་རྗེས་སུ་ཡིད་རངས་ཞུ།
ཤར་གླིང་ཟླ་སྒྲོན་ལགས་གནས་ཚུལ་དེའི་ཐད་ཁྱེད་ཀྱི་ཐག་གཅོད་ཡག་པོ་ཞིག་ཡོང་བའི་རེ་བ་བྱེད་ངེས་རེད་ལ་མཛད་མཆོག་དེར་ངས་མཐའ་གཅིག་ཏུ་རྒྱབ་སྐྱོར་ཡོད་། སྤོབས་སེམས་ཆེར་སྐྱེད་ཀྱིས་མདུན་སྐྱོད་མུ་མཐུད་བྱེད་རོག་གནང། །
གནས་ཚུལ་ཁ་གསལ་བཀོད་པར་ཐུགས་རྗེ་ཆེ།
བཙན་བྱོལ་བོད་མིའི་ཁྲོད་དུ་བཟའ་ཟླ་གཉིས་ལས་གང་རུང་ཞིག་ཕྱི་རྒྱལ་དུ་ཡོད་པ་རྣམས་ཀྱིས་རང་གི་བཟའ་ཟླའི་རྒྱབ་ལ་ཟུར་གསལ་ཡོད་མཁན་ཉུང་ཉུང་མིན་པས། གལ་སྲིད་ཚང་མས་བསྟན་པའི་བཟའ་ཟླ་པ་སངས་ལགས་ཀྱི་བྱེད་སྟང་ལྟར་བྱས་ཚེ་གང་འདྲ་ཞིག་ཡོང་གི་རེད་དམ། དེར་རྟེན་ཐོག་མར་ཆང་ས་རྒྱབ་དུས་ནས་དེའི་ཐད་ཕན་ཚུན་སྐད་ཆ་བྱས་ན་བཟང་བ་ལས་ངན་མེད། ད་དུང་ཁག་ཅིག་གིས་རང་གིས་མ་མཐོང་བར་གཞན་གིས་བཤད་པའི་སྐད་ཆར་ཡིད་ཆེས་བྱས་ནས་བཟའ་ཟླ་ཁ་ཐོར་བ་ཡང་མང་པོ་འདུག་པས། དེ་འདྲའི་སྐབས་རང་གིས་མ་མཐོང་བར་གཞན་གྱིས་བཤད་པར་ཡིད་ཆེས་བྱེད་ཀྱང་བྱེད་མི་རུང། དེ་མིན་ཕྲུ་གུ་ཡོད་པའི་བཟའ་ཟླ་དེ་དག་གིས་རང་གི་ཕྲུ་གུའི་ཆེད་དུ་གནས་ཚུལ་ཆུང་ཙག་རིག་དང་རང་ཉིད་ཀྱིས་དངོས་མཐོང་ལགས་ཟིན་མ་བྱུང་བའི་གཞན་གྱི་ལབ་གླེང་རིག་ལ་ཕན་ཚུན་བཟོད་སྲན་གནང་གལ་ཆེ།
དེང་སྐབས་བཟའ་ཟླ་འཚོལ་སྐབས་མི་གཤིས་སམ་སྤྱོད་པ་གཙོ་བར་མི་འཛིན་པར། རྣམ་པ་དང་ལོ་ན་ཆུང་མིན་གཙོ་བོར་འཛིན་གྱི་འདུག་པས། དེ་འདྲ་མཛད་མཁན་རྣམས་ཀྱི་བཟའ་ཟླ་འམ་ཆུང་མ་ཞེས་པའི་ཚིགས་དེར་བསམ་བློ་མ་གཏང་བར་ཚེ་གྲོགས་ཞེས་པའི་ཚིགས་དེར་བསམ་བློ་ཞིབ་ཚགས་ཞིག་གཏོང་དང་ཕན་ངེས་རེད།
བུད་མེད་ཚོགས་པ་ནས་བུ་མོ་རིག་འདྷིན་ལགས་ལ་གདུང་སེམས་བསྐྱེད་དང་བུ་མོའི་མི་ཚེ་འགྲོ་སྟངས་སོགས་ལ་ཐུགས་བསམ་བཞེས་སྟངས་དེར་བསྔགས་བརྗོད་དང་རྗེས་སུ་ཡི་རངས་ཡོད།
མི་སྤྱོད་ལས་འདས་པའི་མནར་གཅོད་གཏོང་མཁན་དེ་རིགས་ཐར་པར་ནམ་ཡང་གཏོང་མི་རུང། སྐུ་ངོ་དེ་དག་ཀྱང་ལྐོག་བཟའ་རུལ་སུང་ཞིག་དང་མི་ངོ་ནོར་ཕྱིར་གྱིས་ཁྲིམས་གཅོད་བྱེད་སྟངས་དེར་བློ་ཕམ་ཤིན་ཏུ་ནས་ཆེ།
ཅི་ཡིས་ཕྱིར་ནག་མོ་དེ་ཡིས་མོ་རང་གི་ཁྱོ་ག་མོ་རིང་གིས་བདག་པོ་མ་རྒྱབ་པ་རེད་དམ།
རང་གི་ཁྱོ་ག་རང་གིས་བདག་པོ་རྒྱབ་མ་ཐུབ་པར་གཞན་གྱི་བུད་མེད་ལ་བརྙེས་བཅོས་ཚད་མེད་བཏང་བ་ནི་ཧ་ལས་དགོས་པ་རེད།
ཙམ་ཁུག་ནང་དུ་ལག་པ་རྐྱོང་མཁན་དེ་ལ་ཉེས་ཆད་ལྗིད་པོ་གཏོང་དགོས་པ་ལས།
ཙམ་ཁུག་ལ་ཉེས་ཆད་ཕོག་དོན་ཅི་ཡིས་ཕྱིར་བྱུང་བ་རེད་དམ།
ཁྲིམས་གཅོད་པ་དེ་ཚོས་ངས་བཤད་པའི་གཏམ་དཔེ་དེར་མནོ་བསམ་གཏོང་རོགས།