གྲོས་ཚོགས་ཀྱིས་༸གོང་ས་མཆོག་གི་བཀའ་དགོངས་རྡོག་རོལ་བཏང་སོང་།

མཚན་བྱང་ནང་ལ་གལ་ཆེ་ཤོས་ནི། ད་ལྟ་ཡང་རྒྱལ་ཁབ་རང་བཙན་ཡོད་མདོག་མདོག་དང་། ཡང་ན་བོད་རང་བཙན་ལེན་མཁན་ཡིན་མདོག་མིན་པར། བོད་རིགས་ཡོངས་ལ་ཁྱབ་པའི་མིང་ཚིག་ཅིག་དགོས་རྒྱུ་དེ་དོན་གནད་ཆེ་ཤོས་དེ་རེད།

ཆབ་བྲག་ལྷ་མོ་སྐྱབས་ལགས་སུ་ཞུ་རྒྱུ།
༡ དོན་དག་འདི་ཚོའི་ཡིག་ཆ་ཚང་མ་ང་ལ་ཡོད། རྡ་སར་འགྲོ་དགོས་དོན་གང་ཡང་མི་འདུག རྩོམ་ཡིག་འདི་ཡང་ཡིག་ཆ་དེ་དག་གི་འཕེལ་རིམ་གཞི་ལ་བཞག་ནས་མདོར་བསྡུས་ཀྱི་ལུགས་སུ་བྲིས་ཡོད།
༢ “བོད་མིའི་སྒྲིག་འཛུགས་ཅེས་པ་དེ་ྋགོང་ས་མཆོག་ལ་གསོལ་འདེབས་ཞུ་རྒྱུའི་ཡིག་ཆའི་ནང་ཆེད་དུ་བཅུག་པ་ཞིག་དང༌། ཡང་ ྋགོང་ས་མཆོག་གིས་བཙན་བྱོལ་བོད་གཞུང་གི་མཚན་བྱང་གི་ཚབ་ཏུ་གངས་ལྗོངས་རང་དབང་མང་གཙོའི་སྒྲིག་འཛུགས་སམ། ཡང་ན། གངས་ལྗོངས་རང་དབང་མང་གཙོའི་ལྷན་ཁང་ཅེས་ཡར་ཞུ་མི་དགོས་པར་མར་གསོལ་བསྩལ་གནང་བ་དེས་འགྲིག་མི་འདུག་མདོག་མདོག་བྱས་ནས་མཚན་བྱང་གསར་པ་ཉི་ཤུ་རྩ་བཞི་ཡར་ཕུལ་སྟབས་ྋགོང་ས་མཆོག་གིས་བོད་མིའི་སྒྲིག་འཛུགས་ཅེས་འཁོད་པ་དེར་ཆོག་མཆན་མཚན་རྟགས་གནང་བ་རེད། “ཅེས་གོང་དུ་བྲིས་པ་བཞིན། བོད་མིའི་སྒྲིག་འཛུགས་ཟེར་བ་དེ་བཙན་བྱོལ་བོད་གཞུང་གི་ཚབ་ཏུ་རྒྱལ་ཡོངས་ཚོགས་བཅར་བ་ཚང་མས་བདམས་པ་ལྟ་བུས་གསོལ་འདེབས་སྙན་ཞུར་བེད་སྤྱོད་བཏང་ཙང་། སྐུ་སྒེར་བཀའ་ཡིག་དེར་དང་པོ་བཙན་བྱོལ་བོད་མིའི་སྒྲིག་འཛུགས་ཅེས་བྲིས་ཡོད་པ་དེ་ཡང་དོན་ཚན་དང་པོའི་ནང་གསེས་དང་པོ་རུ་བོད་མིའི་སྒྲིག་འཛུགས་ཅེས་བྲིས་ཡོད་པ་དེའི་སྔོན་དུ་བཙན་བྱོལ་ཟེར་བའི་ཚིག་དེ་བཅུག་ནས་གནང་བ་ཙམ་རེད། ཡིན་ནའང་༸གོང་ས་མཆོག་གིས་ཚེས་ ༢༥ ཉིན་གྱི་ཚོགས་ཆེན་མཇལ་ཁའི་སྐབས་བཙན་བྱོལ་བོད་མིའི་སྒྲིག་འཛུགས་ཟེར་བས་བོད་ནང་ལ་ཁྱབ་ཐུབ་ཀྱི་མེད་པའི་བཀའ་གནང་གྲུབ་ཙང་། བཙན་བྱོལ་བོད་མིའི་སྒྲིག་འཛུགས་ཟེར་བའི་ཐད་དོགས་འདྲིའི་ཁ་པར་སྐུ་སྒེར་དྲུང་ཆེར་བཏང་སྟབས་བཙན་བྱོལ་བཏོན་ནས་སླར་ཡང་གནང་བ་རེད།

༣ བོད་མིའི་སྒྲིག་འཛུགས་ཅེས་པ་དེ་ྋགོང་ས་མཆོག་ལ་གསོལ་འདེབས་ཞུ་རྒྱུའི་ཡིག་ཆའི་ནང་ཆེད་དུ་བཅུག་པ་ཞིག་རེད་ཅེས་བཤད་ཡོད་པ་ལས་མིང་བྱང་ཉེར་བཞིའི་ནང་འདུག་ཅེས་གཏན་ནས་བཤད་མེད།

༤ བོད་མིའི་སྒྲིག་འཛུགས་ཟེར་བ་གཞི་ལ་བཞག་ནས་བཅའ་ཁྲིམས་བསྐྱར་བཅོས་བྱུང་བ་དེར་མཚན་རྟགས་གནང་ཡོད་པ་རེད་ཟེར་གྱི་ཡོད་པ་ལས་སྐབས་འདིར་བདེན་པ་ཉིད་རྣམ་པར་རྒྱལ་གྱུར་ཅིག་ལ་མཚན་རྟགས་གནང་ཡོད་མེད་བཤད་ཀྱི་མེད།

དོ་ཁུར་གནང་བར་དགའ་པོ་བྱུང་ཞུ་རྒྱུ་ཡིན།

༸གོང་ས་མཆོག་གིས་བོད་ཀྱི་སྲིད་དབང་གི་ཐུགས་འགན་བཞེས་བཞིན་པའི་སྐབས་སུ་སྡེ་སྲིད་ཀྱི་མིང་གནས་བེད་སྤྱོད་གནང་གི་ཡོད་པ་རེད། དཔེར་ན་སྡེ་སྲིད་སངས་རྒྱས་རྒྱ་མཚོ་མཆོག་ལྟ་བུ་རེད། ཡིན་ནའང་བཙན་བྱོལ་བོད་མིའི་བཅའ་ཁྲིམས་ནང་གི་སྡེ་སྲིད་ལྷན་ཚོགས་ཟེར་བ་དེ་མི་གཅིག་ལས་གྲུབ་པ་ཞིག་མ་རེད། མ་ཟད་ད་ཆ་སྡེ་སྲིད་ལྷན་ཚོགས་དེ་མི་རབས་རིམ་བརྒྱུད་དུ་༸གོང་ས་མཆོག་གིས་དབུ་ཁྲིད་རྒྱུའི་ཆ་རྐྱེན་དུ་བཙན་བྱོལ་བོད་མིའི་མང་གཙོའི་བཅའ་ཁྲིམས་ཀྱི་སྒྲོམ་གཞིའི་ནང་ཡོད་པ་ཕྱིར་བསྡུ་གནང་བ་བདེན་པ་རེད། དེར་བརྟེན་སྡེ་སྲིད་དང་སྡེ་སྲིད་ལྷན་ཚོགས་གཉིས་ལ་མི་འདྲ་བའི་ཆ་ཡོད་པ་རེད། ཡིན་ནའང་བོད་ཀྱི་ལོ་རྒྱུས་ཁྲོད་༸གོང་ས་མཆོག་ལས་གཞན་པའི་གང་ཟག་གཞན་ཞིག་གིས་བོད་ཀྱི་ཆབ་སྲིད་ཀྱི་འགན་དབང་ཆ་ཚང་བཞེས་སྐབས་སྐྱེ་བོ་དེ་ལ་སྲིད་སྐྱོང་དང་རྒྱལ་ཚབ་གཉིས་རེས་མོས་སུ་བེད་སྤྱོད་གནང་བ་རེད། ད་ཆ་༸གོང་ས་མཆོག་སྐུ་ཕྲེང་རིམ་བྱོན་གྱིས་བོད་ཀྱི་སྲིད་དབང་འཛིན་པའི་སྲོལ་དེ་སྒོ་རྒྱབ་པ་ཡིན་ཙང་རྒྱལ་ཚབ་ཅེས་འབོད་སྲོལ་མེད་པ་ཆགས་ཡོད་ནའང་། ༸གོང་ས་མཆོག་གིས་རྩིས་སྤྲོད་གནང་བའི་བོད་ཀྱི་ཆེས་མཐོའི་ཆབ་སྲིད་དབང་འཛིན་པ་སྟེ་སྲིད་འཛིན་ནམ་སྲིད་སྐྱོང་ཞིག་སྔར་ནས་འབོད་སྲོལ་ཡོད་པ་དེ་བོད་ཀྱི་ཆབ་སྲིད་ཀྱི་ཁྲིམས་མཐུན་རྒྱུན་འཛིན་བྱེད་ཆེད་དགོས་པ་དེ་༸གོང་ས་མཆོག་དང་། བོད་མི་མང་གི་མངོན་འདོད་ཡིན་མིན་ལ་དོགས་པ་གང་ཡང་མེད་པ་ཞིག་རེད། ཁྲིམས་སྒྲིག་དང་སྲིད་བྱུས་སོགས་ལ་མཚན་རྟགས་སྐྱོན་རྒྱུའི་ཁྲིམས་ལུགས་ཀྱི་ཐོག་གི་ྋགོང་ས་མཆོག་གི་སྲིད་སྐྱོང་གི་འགན་དབང་གི་མཚོན་རྟགས་བླ་ན་མེད་པ་ཡིན་པ་དེ་བཀའ་བློན་ཁྲི་པར་ཡོད་པ་ཁྲིམས་ལུགས་ཀྱི་ཐོག་ནས་གཏན་འབེབས་གནང་ཡོད་སྟབས་བཀའ་བློན་ཁྲི་པའི་མིང་གནས་དེ་སྲིད་སྐྱོང་པ་རུ་བསྒྱུར་ན་ད་གཟོད་མིང་དོན་མཚུངས་པ་ཞིག་ཆགས་ཀྱི་ཡོད་ལ། ཕྱོགས་གཞན་ཞིག་ནས་བཀའ་ཁྲི་ཅེས་ལབ་དུས་སུའི་བཀའ་བློན་ཡིན་པ་དེ་ལ་ཁུངས་ལུང་མེད་པ་ཞིག་ཆགས་པ་རེད། དེ་བཞིན་སྲིད་སྐྱོང་དུ་བསྒྱུར་བ་ཡིན་ན་ཁོང་གི་བློན་པོ་ཚོ་ལ་བཀའ་བློན་ཅེས་འབོད་བདེ་པོ་ཆགས་པ་རེད། དེ་མིན་བཀའ་ཁྲི་དང་བཀའ་བློན་ཚང་མ་སུའི་བློན་པོ་རེད་ཟེར་ན་ལན་མེད་པ་ཆགས་པ་རེད་ལ། ཞིབ་ཏུ་བསམ་ན་འགོ་མེད་པའི་སྒྲིག་འཛུགས་ཤིག་ཆགས་པ་རེད། དེ་བས་༸གོང་ས་མཆོག་གིས་སྲིད་དབང་རྩིས་སྤྲོད་གནང་བ་བཞིན་སྲིད་སྐྱོང་གི་ཆ་རྐྱེན་ངེས་པར་བཟོ་དགོས་པ་རེད། དེ་ད་ལྟ་མེད་ཙང་བཟོ་དགོས་པ་རེད་ཅེས་བཤད་ཀྱི་ཡོད་པ་རེད། དེ་བཙན་བྱོལ་མི་མང་གི་མངོན་འདོད་དང་། ལྷག་པར་ ༸གོང་ས་མཆོག་གི་ཐུགས་རེ་ཡིན་ཙང་གཞིས་ལུས་མི་མང་གི་མངོན་འདོད་རེད། དེ་གྲོས་ཚོགས་ཀྱིས་ངོས་ལེན་མ་གནང་བར་སོང་། མདོར་ན་གཞིས་བྱེས་གཉིས་ཀྱི་བོད་མིའི་མངོན་འདོད་རྡོག་རོལ་བཏང་བ་རེད། རྡོག་རོལ་བཏང་བ་དེ་དངོས་ཡོད་ཡིན་ཙང་རྡོག་རོལ་བཏང་སོང་ལབ་ན་དམའ་འབེབས་ཡིན་པའི་ངོས་འཛིན་བྱེད་ཀྱི་མེད།

འཇིགས་བྲལ་ལགས་སུ།

༡༽ངས་ཁ་སང་གི་བསམ་ཚུལ་ནང་། བོད་པའི་དམངས་གཙོའམ་བཙན་བྱོལ་དམངས་གཙོ་འདི་དེ་སྔ་ཁྲིམས་གྱི་དབང་བསྒྱུར་ལས་གང་ཟག་གི་དབང་བསྒྱུར་ཤུགས་ཆེ་བ་ཡོད་ཅེས་བཤད་ཡོད་པ་ལས། སྐུ་མདུན་གྱི་མི་ལོ་དྲུག་ཅུ་ནང་བོད་མིའི་ཐོག་དབང་ཆ་གཅིག་སྡུད་རིང་ལུགས་གནང་སོང་ཅེས་ཞུས་མེད། ཁྲིམས་ལས་གང་ཟག་ཤུགས་ཆེ་བ་ཡོད་པ་དང་དབང་ཆ་གཅིག་སྡུད་རིང་ལུགས་གཉིས་དོན་གཅིག་ཏུ་ཐུགས་བསམ་བཞེས་པ་དེར་སྐུ་ཉིད་ཤེས་ཡོན་པ་ཞིག་དང་། གསར་འགོད་པ་ཞིག དེ་བཞིན་རང་ནུས་གང་ཐུབ་ཀྱིས་སྲིད་དོན་དབྱེ་ཞིབ་པ་ཅིག་ཡིན་ཁུལ་གྱི་དཔྱད་བརྗོད་སྤེལ་བཞིན་པ་བཅས་ཀྱི་ངོས་ནས་བློ་ཕམ་བྱུང་། ཐ་ན་སྐུ་ཉིད་ལ་ཁ་སང་གི་བསམ་ཚུལ་དེ་ཕུལ་བར་འགྱོད་སེམས་ཀྱང་སྐྱེས་བྱུང་།

༢༽བོད་པའི་དམངས་གཙོ་འདི་གང་ཟག་གི་དབང་བསྒྱུར་ཆེ་བ་ཡོད་ཚུལ་ངའི་བསམ་ཚུལ་ཙམ་མ་རེད། འདི་དངོས་ཡོད་གནས་སྟངས་རེད། ཕྱི་རྒྱལ་ཡུལ་གྲུ་ཁག་གི་སྲིད་དོན་དབྱེ་ཞིབ་པ་ཚོས་ཀྱང་དེ་སྔ་འདིའི་སྒང་ནས་སྐྱོན་བརྗོད་གནང་ཡོད་ལ། དེ་བཞིན་ཟམ་གདོང་རིན་པོ་ཆེས་གྲོས་ཚོགས་ཚོགས་གཙོ་ཐེངས་གཉིས་གནང་རྗེས་ཀྱི་བཟོད་གསོལ་རིང་མོ་ཀྱང་གཙོ་བོ་དོན་གནད་འདིའི་སྒང་ནས་ཞུས་ཡོད། བཅའ་ཁྲིམས་རྙིང་བའི་ནང་གི་དམིགས་བསལ་སྐུ་དབང་ཆེན་པོ་དགུ་བོས་ཀྱང་ཁྲིམས་དང་གང་ཟག་གཉིས་ལས་གང་ཤུགས་ཆེ་བ་ཟུར་བལྟས་ལེབ་མཐོང་དུ་ཡོད།

༣༽བཀའ་ཁྲི་སྲིད་སྐྱོང་དུ་མ་བསྒྱུར་ན་བོད་ཀྱི་སྲིད་སྐྱོང་གི་ཁྲིམས་མཐུན་རྒྱུན་ཆད་པ་རེད་ཅེས་པ་འདི། གང་ཉིད་ཀྱིས་གྲོས་ཚོགས་ཀྱིས་རྒྱལ་བའི་གསུང་རྡོག་རོལ་དུ་བཏངས་སོང་ཅེས་པའི་རྒྱུ་མཚན་ལྟེ་བ་དེ་རེད། ཐུགས་བསམ་བཞེས་དང་། ཁྲིམས་ཐོག་ནས་བཅའ་ཁྲིམས་ནང་གི་སྡེ་སྲིད་ལྷན་ཚོགས་སྐོར་གྱི་ལེའུ་ཚན་གང་ཡོད་ཕྱིར་བསྡུའམ། ལེའུ་དེ་དག་བཅའ་ཁྲིམས་ལས་མེད་པར་བཟོས་རྗེས་ད་དུང་༼ སྲིད་སྐྱོང་ལ་ཁྲིམས་མཐུན་གྱི་རྒྱུན་ ༽ ཞིག་ཡོད་དམ། ཡོད་ན་བོད་མིའི་ཁྲིམས་ལུགས་གང་ན་འདུག དེའི་བརྗོད་པ་གང་དག་རེད། མཛུབ་སྟོན་གནང་རོགས།

༤༽གང་ཉིད་ཀྱིས་༼ རྡོག་རོལ ༽ཞེས་པའི་ཚིག་འདི་སྤྱོད་གནང་འདུག འདིས་སྒང་ནས་གང་ཉིད་ཀྱིས་སྐུ་མདུན་ལ་བླ་ན་མེད་པའི་དད་གུས་ཞུས་པ་ཞིག་མཚོན་ནའང་། དེ་དང་ལྷན་དུ་གྲོས་ཚོགས་ལ་སྔ་ན་མེད་པའི་མཐོང་ཆུང་ཁྱད་གསོད་ཅིག་གནང་ཡོད་པ་རེད། དམངས་གཙོའི་སྤྱི་ཚོགས་ནང་གྲོས་ཚོགས་ལ་མཐོང་ཆུང་ཁྱད་གསོད་གནང་མཁན་དེ་བཅའ་ཁྲིམས་ལ་མི་བརྩི་མཁན་དང་གཅིག་མཚུངས་རེད། འདིའི་མན་གྱི་མིང་ཚིག་སྡུག་པ་དེ་ཚོ་ངས་འདི་ནས་མི་འབྲི་བར་བྱ། གང་ཉིད་ཀྱིས་བསམ་བཞེས་ཐུབ་པའི་རེ་བ་ཡོད་ལ། མ་གཞི་གང་ཉིད་ཀྱིས་ཡང་བསྒྱུར་གྲོས་ཚོགས་ཀྱི་གལ་ཆེ་རང་བཞིན་དང་། དེའི་དབང་ནུས་ཁྱབ་གསུམ་སོགས་ལ་ངེས་ཤེས་གསལ་བོ་ཞིག་ཐོབ་ཐུབ་པའི་རེ་བའང་ཡོད།

དྲ་གྲོགས་ཐོག་སྒྲའི་བསམ་ཚུལ་ལ་ལན་མདོར་བསྡུས་རེ་ཞུ་གི་ཡོད།

ཐོག་སྒྲ་ལགས། “གཞུང་གི་མིང་བརྗེ་འགྱུར་སྐབས་༸གོང་ས་མཆོག་གིས་་་་གངས་ལྗོངས་རང་དབང་དམངས་གཙོའི་སྒྲིག་འཛུགས་སམ་གང་ལྗོངས་རང་དབང་དམངས་གཙོའི་ལྷན་ཁང་་་་ཞེས་བཏགས་ན་འོས་འཚམས་རེད་གསུངས་ཀྱང་གྲོས་ཚོགས་དང་ཟམ་གདོང་གིས་༸གོང་ས་མཆོག་གི་བཀའ་ལ་བརྩི་མེད་ཀྱི་དབུས་བོད་མིའི་སྒྲིག་འཛུགས་ཤེས་བཏགས་”པ་ཁས་བླངས་འདུག དེ་ལ་ངའི་ངོས་ནས་བློ་ཕམ་ཡོད་པའི་བསམ་ཚུལ་རིམ་པར་བཤད་པ་ཡིན་ལ། གནད་དོན་འདིའི་ཐད་སྤྱི་ཚོགས་ནང་གླེང་སློང་བྱས་ཡོད་ལ། བོད་མིའི་སྒྲིག་འཛུགས་ཅེས་པར་༸གོང་ས་མཆོག་གིས་མཚན་རྟགས་གནང་ཚར་བའི་རྒྱུ་མཚན་གྱིས་དེ་ཡང་བསྐྱར་བསྒྱུར་མི་དགོས་པའི་གནད་དོན་ཡང་གླེང་ཡོད། གཤམ་གྱི་དྲ་འབྲེལ་ནས་གནས་ཚུལ་དེ་གཟིགས་རོགས་ཞུ།
http://www.tibetexpress.net/bo/home/2010-02-04-05-35-27/6285-2011-08-13-12-23-18
དེ་ནས་གུས་པས་གོང་གི་རྩོམ་ཡིག་དང་དྲ་འབྲེལ་དེ་གཉིས་ནང་གང་བཤད་ཡོད་པ་གསལ་པོ་ཤེས་ཐུབ་པའི་རེ་བ་ཡོད།

སྐུ་ཞབས་འཇིགས་བྲལ་ལགས་ཀྱིས་དུས་ཐོག་ཏུ་དགོངས་ཚུལ་གསུངས་པར་ཡག་པོ་བྱུང་འདུག ཁྱེད་ཀྱིས་བསམ་ཚུལ་ཆ་ཚང་ལ་ངས་རྒྱབ་སྐྱོར་བྱེད་ཐུབ་མིན་གཉིས་མཐོང་གི་འདུག འོན་ཀྱང་། ད་རིང་ངས་འདིར་མཐུན་ཕྱོགས་སུ་སྐད་ཆ་ཞིག་བཤད་འདོད་བྱུང་། བོད་མི་མང་སྤྱི་འཐུས་སྐབས་ ༡༥ པར་བཀའ་བློན་ཁྲི་བ་ཞེས་པ་སྲིད་སྐྱོང་པ་རུ་མ་བསྒྱུར་བར་བློ་ཕམ་བྱུང་། འདི་ནི་བྱུང་རབས་ལོ་རྒྱུས་དང་། ཁྲིམས་དོན། དངོས་ཡོད་གནས་ཚུལ་བཅས་ཀྱི་ཐོག་ནས་སྲིད་སྐྱོང་པར་སྲིང་སྐྱོར་པ་ཞེས་པའི་མིང་འདི་ཐོབ་དགོས་པ་ཞིག་རེད། གཤམ་དུ་དྲྭ་མཛའ་འགའ་རེས་སྲིད་སྐྱོང་ཅེས་པ་བཅའ་ཁྲིམས་ཀྱི་བརྗོད་ཚིག་ནང་མེད་པ་བཟོས་ཚར་བ་རེད་གསུང་འདུག་པ་ནི་བཅའ་ཁྲིམས་ལ་རྒྱུས་མེད་པའི་གཏམ་ཁོ་ན་ཙམ་རེད། གང་གིས་ཟེར་ན། བཅའ་ཁྲིམས་ནང་སྡེ་སྲིད་ཀྱི་གནས་བབ་མེད་པ་བཟོས་པ་བདེན་པ་རེད་མོད། སྲིད་སྐྱོང་མེད་པ་བཟོས་མ་བཟོས་ཀྱི་གནས་བབ་གཏན་ནས་ཡོད་པ་མ་རེད། མ་གཞི་ནས་སྲིད་སྐྱོང་དང་སྡེ་སྲིད་གཉིས་ཀྱི་ངོ་བོ་ཡང་འདྲ་ཡི་མ་རེད་ལ། སྲིད་སྐྱོང་ཅེས་པ་ད་སྔོན་བཅའ་ཁྲིམས་ནང་འཁོད་ཡོད་པ་མ་རེད། དེ་མེད་ཙང་ད་བཀོད་དགོས་འདུག་ཅེས་གླེང་བཞིན་པ་རེད། དེ་གཅིག་རེད། གཉིས་པ་ནི་བཀའ་ཤག་གིས་གློ་བུར་དུ་སྲིད་སྐྱོང་ཅེས་པ་བེད་སྤྱོད་གནང་བ་ཡིན་པར་འདོད་པའི་བསམ་ཚུལ་འདུག་པ་ནི་ཆབ་སྲིད་ཀྱི་འཕེལ་རིམ་དང་། ༸གོང་ས་མཆོག་གིས་སྲིད་དབང་རྩིས་སྤྲོད་གནང་བའི་ཕྱོགས་ཡོངས་ཀྱི་དོན་དངོས་མ་ཤེས་པས་རེད། རྒྱུ་མཚན་ནི། ང་ཚོས་དང་པོ་༸གོང་ས་མཆོག་གིས་ཆབ་སྲིད་ཀྱི་འགན་དབང་བཞེས་བཞིན་པའི་སྐབས་འབུམ་རམས་པ་བློ་བཟང་སེང་གེ་ལ་བཀའ་བློན་ཁྲི་བར་འོས་འདེམས་བྱུང་བ་བདེན་པ་རེད་མོད། འདེམས་ཐོན་བྱུང་བའི་བཀའ་ཁྲི་དེ་ལ་བོད་ཀྱི་བླ་ན་མེད་པའི་དབུ་ཁྲིད་༸གོང་ས་མཆོག་གིས་སྲིད་སྐྱོང་སྟག་བྲག་རིན་པོ་ཆེ་ནས་བརྒྱུད་སྤྲོད་བྱུང་བའི་ཆབ་སྲིད་ཀྱི་འགན་དབང་ཡོངས་སུ་རྫོགས་པ་རྩིས་སྤྲོད་གནང་བ་དང་། བཀའ་ཁྲི་གསར་པའི་ཁྲི་སྟོན་གྱི་ཉིན་ནས་སྲིད་སྐྱོང་པར་གྱུར་པ་རེད། དེའི་སྟབས་ཀྱིས། ལོ་རྒྱུས་དང་ཆབ་སྲིད་འཕེལ་རིམ་གྱི་བརྒྱུད་རིམ་ཁྲོད་ནས་བྱུང་བའི་བཀའ་ཤག་གི་འགན་དབང་ཡང་བཀའ་བློན་ཁྲི་བ་ལས་ཐོག་པས་ཡར་སྲིད་སྐྱོང་ལ་རྩིས་སྤྲོད་གནང་དགོས་པའི་གནད་དོན་ཆགས་པ་རེད་ལ། བཀའ་ཤག་རྙིང་པས་བོད་ཀྱི་ཆབ་སྲིད་ཀྱི་འགན་དབང་ཡོངས་རྫོགས་ཡོད་མཁན་གྱི་སྐྱེས་བུ་དེར་སྲིད་སྐྱོང་པ་ཅེས་དང་། སྐྱེས་བུ་དེའི་འགན་ཁུར་གྱི་དབང་ཆ་ལ་སྲིད་སྐྱོང་འགན་དབང་ཅེས་འབོད་དགོས་པའི་བརྒྱུད་རིམ་ཆགས་པ་རེད། གནས་ལུགས་འདི་དག་གི་ཐོག་ནས་བཀའ་བློན་ཁྲི་པ་ཅེས་མིང་དེ་སྲིད་སྐྱོང་པར་བསྒྱུར་རྒྱུ་ནི་དོན་དངོས་དང་འཚམས་པ་ཞིག་ཏུ་གྱུར་ཡོད་པ་རེད། དེ་མིན་སྲིད་སྐྱོང་ཅེས་མིང་བེད་སྤྱོད་ན་” འདི་དོན་མར་༼ བཅའ་ཁྲིམས་རིན་པོ་ཆེ་༽ ལ་བརྩི་བཀུར་མ་ཞུས་པའི་གནང་སྟངས་ཤིག་ཆགས་ཡོད།”པ་ཡིན་ན། ༸གོང་ས་མཆོག་གིས་ཀྱང་སྲིད་དབང་རྩིས་སྤྲོད་སྐབས་སྲིད་སྐྱོང་ཅེས་པ་ཤུགས་ཆེན་པོས་བེད་སྤྱོད་གནང་ཡོད་པ་རེད། སོང་ཙང་། བསལ་བློ་འདི་འདྲ་གཏོང་བ་ནི་ཡ་མཚན་པ་ཞིག་ཀྱང་རེད་འདོད།

འཇིགས་བྲལ་ལགས། དོན་དག་འདི་ཚོར་ཡིག་ཆ་ངོ་མ་ཡོད། ཁྱེད་རང་ཡང་རྡ་སར་ཐག་ཉེ་བས་ཡིག་ཆ་ངོ་མར་གཟིགས་ན་བཟང། གསུང་བཤད་དང་བཀའ་ཡིག ཡར་ཞུའི་ཡིག་ཆ་ཚང་མ་གཤིབ་བསྡུར་གྱིས་དངོས་ཡོད་རང་བཤད་ན་བཟང། སྐྱོན་བརྗོད་པར་ངས་ཅང་ལབ་གི་མེད། “མཚན་བྱང་གསར་པ་ཉི་ཤུ་རྩ་བཞི་ཡར་ཕུལ་སྟབས་ྋགོང་ས་མཆོག་གིས་བོད་མིའི་སྒྲིག་འཛུགས་ཅེས་འཁོད་པ་དེར་ཆོག་མཆན་མཚན་རྟགས་གནང་བ་རེད”ཟེར་བ་འདི་བདེན་པ་མ་རེད། མཚན་རྟགས་གནང་ས་དེ”བདེན་པ་ཉིད་རྣམ་པར་རྒྱལ་གྱུར་ཅིག”་ཅེས་པ་དེ་རེད། བོད་གཞུང་གི་ཚབ་ལ་བོད་མིའི་སྒྲིག་འཛུགས་ཟེར་བ་དེ་སྐུ་སྒེར་ཡིག་ཚང་བརྒྱུད་དེ་གནང་བའི་བཀའ་ཡིག་ནང་ལ་ཡོད་པ་རེད།
ང་ཚོ་ཐག་ཉེ་ནས་བསྡད་དེ་ད་དུང་དངོས་ཐོག་བདེན་འཚོལ་མི་བྱེད་པར་རྣ་ཐོས་དང་བསམ་ཚུལ་ཙམ་ལ་ཨ་འཐས་བྱེད་པ་འདི་ཞན་ཆ་ཞིག་རེད། ལྷག་པར་དཔྱད་བརྗོད་པ་ཞིག་ལ་མཚོན་ན་དེ་ནི་སྐྱོན་ཆའམ་ནོར་འཁྲུལ་ཆེ་ཤོས་ཤིག་ཡིན།
ཀུན་སློང་བཟང་ན་ཡང་གཏམ་དོན་མ་མཐུན་ན་རང་ལ་བསམ་བཞིན་དུ་དཀྲུག་ཤིང་བཟོ་མཁན་རེད་ལབ་གི་རེད། བདེན་པ་ངོ་མ་ཞིག་སྐྱོང་འདོད་ན་ཞིབ་འཇུག་ཡག་པོ་ཞིག་གནང་དགོས། ཤ་ཚ་བའི་སྐད་ཆ་ཡིན། ངས་འདི་ལ་ཡང་བསྐྱར་ནན་བཤད་བྱེད་དོན་ནི་འཆལ་གཏམ་ཆགས་སོང་ན་མི་བཟང་སྙམ་པ་ཙམ་ཡིན།

འཇིགས་བྲལ་ལགས་་་ཁམས་བཟང་་ཞུ་རྒྱུ་ལས་ཅང་མེད་་་་སྒེར་གཅོད་པ་ཚོ་ལ་སྐད་ཆ་ག་ཚོད་བཤད་ནའང་གོ་གི་མ་རེད། བོད་ཀྱི་མ་འོང་པ་་་ཚར་སོང་།  རྗེས་སུ་མཇལ་ཡོང་་་་

གྲོགས་པོ་འཇིག་བྲལ་ལགས་ད་ལྟ་སྡུག་སྐད་ཤོར་དོན་ཅི་ཡིན་ནམ།
གཞུང་གི་མིང་བརྗེ་འགྱུར་སྐབས་༸གོང་ས་མཆོག་གིས་་་་གངས་ལྗོངས་རང་དབང་དམངས་གཙོའི་སྒྲིག་འཛུགས་སམ་གང་ལྗོངས་རང་དབང་དམངས་གཙོའི་ལྷན་ཁང་་་་ཞེས་བཏགས་ན་འོས་འཚམས་རེད་གསུངས་ཀྱང་གྲོས་ཚོགས་དང་ཟམ་གདོང་གིས་༸གོང་ས་མཆོག་གི་བཀའ་ལ་བརྩི་མེད་ཀྱི་དབུས་བོད་མིའི་སྒྲིག་འཛུགས་ཤེས་བཏགས་དུས་ཁྱེད་ཀྱི་རྣམ་ཤེས་རྐུབ་ཀྱི་འཛུལ་བའམ་ཡང་ན་ཁྱེད་ཀྱི་ཤེས་པ་འཆོལ་སོང་ངམ།
རྗེ་ས་པཎ་གྱིས། ཁྱི་རྒན་ཀུ་ཅོ་སྒྲོག་པ་ནི།། རྒྱུ་མཚན་མེད་པར་གཞན་ལ་རྒྱུག།

རྩོམ་ཡིག་འདིའི་མཐའ་བསྡོམས་དེ་བཀོད་མི་འདུག
འགོད་ཐབས་ཡོད་ཚེ་གཤམ་གསལ་ལྟར་ཡིན།

མཐའ་དོན།
དེར་བརྟེན་འདི་ལོ་སྤྱི་འཐུས་སྐབས་ ༡༤ པ་དང་ ༡༥ གཉིས་ཀྱི་ངོས་ནས། དང་པོ། ༸གོང་ས་མཆོག་ལ་བོད་ཀྱི་སྲིད་སྐྱོང་འགན་དབང་ཡོད་པའི་སྐབས་སུ་བཙན་བྱོལ་བོད་གཞུང་གི་མིང་བྱང་གི་ཚབ་ཏུ་གནང་བའི་གངས་ལྗོངས་རང་དབང་མང་གཙོའི་སྒྲིག་འཛུགས་སམ། ཡང་ན། གངས་ལྗོངས་རང་དབང་མང་གཙོའི་ལྷན་ཁང་ཞེས་གསོལ་བསྩལ་གྱིས་བཀའ་ནན་ལམ་སྟོན་གནང་བ་བརྩིས་མེད་རྡོག་རོལ་དང་། གཉིས་པ། ༸གོང་ས་མཆོག་གིས་བོད་མིའི་སྒྲིག་འཛུགས་ཟེར་བར་ཆོག་མཆན་མཚན་རྟགས་གནང་བ་དེ་ཡང་འགྲིག་མི་འདུག་མདོག་མདོག་གི་གཞུང་འབྲེལ་གྲོས་འཆར་དང་གསར་འགོད་གསལ་བསྒྲགས། གསུམ་པ། ༸གོང་ས་མཆོག་གིས་བོད་ཀྱི་སྲིད་སྐྱོང་གི་མཚན་གནས་རྗེས་འབྲེལ་གྱི་ཐོག་ནས་བོད་ཀྱི་སྲིད་དབང་ཆ་ཚང་རྩིས་སྤྲོད་གནང་བའི་རླབས་ཆེན་གྱི་དགོངས་པ་ལ་ཡང་གྲོས་ཚོགས་ནས་ངོས་ལེན་མེད་པའི་ཐག་གཅོད་འདི་དག་གི་ཐོག་ནས་སྤྱི་འཐུས་ལྷན་ཚོགས་ཀྱི་འཐུས་མི་ཚོས་ད་ནས་བཟུང་༸གོང་ས་མཆོག་བཀའ་དང་དགོངས་པ་ཟེར་ནས་གསུང་རྒྱུའི་ཐོབ་ཐང་རྩ་བ་ནས་མེད་པའི་ངོས་འཛིན་བྱེད་ཀྱི་ཡོད་ལ། ༸གོང་ས་མཆོག་བཀའ་དང་དགོངས་པ་ཇི་བཞིན་ལག་བསྟར་གནང་རྒྱུ་ནི་བོད་གཞིས་བྱེས་གཉིས་ཀྱི་ཚེ་སྲོག་ལ་ཐུག་ཀྱང་འདོར་མི་སྲིད་པ་ཡིན་པས་སྤྱི་འཐུས་འདི་དག་གིས་བོད་གཞིས་བྱེས་གཉིས་ཀྱི་མངོན་འདོད་རེ་བ་གཏན་ནས་ཁས་ལེན་གྱི་མེད་པ་གསལ་པོ་ཆགས་པ་རེད་ལ། ཁོང་ཚོ་ཡང་སྙིང་སུའི་ཆེད་དུ་རྐུབ་སྟེགས་སྲུང་ཡོད་པ་ཡང་དོགས་པ་ཧ་ཅང་ཆེན་པོ་ཞིག་རེད་བསམ་གྱི་འདུག

ངས་ན་ནིང་ནས་བཤད་མྱོང་། སྤེན་པ་ཚེ་རིང་འདི་ཚོགས་འགོ་ཐོན་མི་ཐུབ་མཁན་ཞིག་ཡིན་ཞེས་བཤད་ན། ཨ་མདོ་ཚོ་མང་པོ་ཞིག་གིས་འདེམས་སོང་། ད་ལྟ་གང་འདྲ་འདུག

གསལ་བཤད་ཅིག
༸གོང་ས་མཆོག་གིས་གངས་ལྗོངས་མང་གཙོའི་ལྷན་ཁང་ལྟ་བུ་བཏགས་ན་ཞེས་གསུངས་སོང་ང་དེ་མ་ཐག་ད་ག་ལེར་གཟབ་གཟབ་གནང་དགོས་རེད་ད་ཞེས་ཐག་བཅད་མ་སོང། ཕྱི་ཉིན་གྲོས་ཚོགས་ཐོག་ལ་བཀའ་ཡིག་ཕེབས་པའི་ནང་ལ་བོད་མིའི་སྒྲིག་འཛུགས་ཞེས་བྲིས་འདུག གཞུང་ཐམ་མམ་རྒྱལ་རྟགས་ངོས་ཀྱི་བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་ཞེས་པའི་ཚབ་ལ་མཚན་བྱང་ཁག་ཅིག་གདམ་ངར་ཕུལ་བ་བའི་ནང་ནས་བདེན་པ་ཉིད་རྣམ་པར་རྒྱལ་གྱུར་ཅིག་ཅེས་པར་མཚན་རྟགས་བཀོད་འདུག
ཁྱེད་རང་དྲང་བདེན་སྐྱོང་མཁན་ཞིག་ལ་ངོས་འཛིན་གྱིན་ཡོད། དེ་བས་དོབ་དངོས་རང་གསལ་རྟོགས་ཆེད་དུ་བཤད་པ་ཡིན།