ཆོས་ལུཊ་དབྱེ་འབྱེད་བྱ་རྒྱུ་མིན་ལབ་པ་ལས། ཐོབ་ཐང་འདྲ་མཉམ་སྤྲོད་རྒྱུ་ཡིན་ལབ་མེད།

དེ་རིང་ཆོས་ཚོགས་སྐབས་བཅུ་གཅིག་གི་དབུ་འཁྲིད་མཁས་དབང་རྣམ་པ་ཞུ་རྒྱུ། ཇོ་ནང་དེ་ཆོས་ལུགས་གཅིག་གི་ཐོབ་ཐང་ཆ་ཚང་སྤྲད་པའི་རེ་བ་ཡོད། ཆོས་ལུགས་གི་ལྟ་ས་གཙོ་བོ་གཞི་ལམ་འབྲས་གསུམ་གྱི་བལྟ་གྲུབ་རེད། དེ་ནི་ཇོ་ནང་ལ་ཡོད་པ་ཡོངས་གྲགས་རེད། མ་གཞི་ས་སྐྱ་ངར་ཤུགས་ཆེ་བའི་དེ་ལ་བརྟེན་ནས་བཀའ་ཁྲི་གཙོ་བའི་ཚོགས་མི་རྣམ་པའི་དྲང་བདེན་ལམ་ལ་འགྲོ་ཐུབ་གི་མེད་པ་འདྲ་ཤ་ཚ་སྙིང་རྗེ་འཁོར་བ་རང་རེད་ཤག ནང་ལོག་དེ་འདྲ་ཡིན་ན་ཕྱི་དགྲ་རྒྱ་ནག་ལ་ཁ་ཐད་ག་འདྲ་སེ་སྨིན་ལམ་རང་རེད།

ཐོབས་ཤིག་ཐོབས་ཤིག་བཀའ་ཁྲིས་ཕྱག་ཕྱག་མོ་ཐོབས། །
རང་བཙན་ག་དུས་རག་མིན་ཕྱག་མོ་ཐོབས། །
བོད་དུ་ག་དུས་སླེབས་མིན་ཕྱག་མོ་ཐོབས། །
འགལ་རྐྱེན་འཕྲད་ངོ་ཤར་ཚེ་ཞབས་རིམ་སྒྲུབས། །

ངས་བལྟས་ན་བློ་སེང་འདི་ཆོས་པ་ཞིག་ཡིན་པར་མ་ཟད། སྤྲུལ་སྐུ་ཞིག་ཡིན་ས་རེད། དེ་སྔོན་སྐབས་༡༣པའི་གྲོས་ཚོགས་ནང་སྨྲ་ཁམས་བསོད་ནམས་སྟོབས་རྒྱལ་གྱིས་ཀྱང་གྲོས་ཚོགས་ནང་ལག་ཏུ་ཕྲེང་བ་ཁྱེར་ཏེ། ཁ་ནས་མ་ཎི་འདོན་ཞོར། སེམས་ཀྱིས་ཆབ་སྲིད་བསམ། རྣ་བས་གཏམ་བཤད་ལ་ཉན་རབས་ཡོད་པ་ལྟར། དེང་སྐབས་བློ་སེང་གིས་ཀྱང་ད་ནས་དེ་ལྟར་གནང་ངེས་རེད། དེའི་ཕྱིར་ཁོང་སྨྲ་ཁམས་བསོད་ནམས་སྟོབས་རྒྱལ་གྱི་མ་འདས་སྤྲུལ་སྐུ་ཡིན་ས་མ་རེད་དམ།

འཁྲོབ་ཅིག་འཁྲོབ་ཅིག་བཀའ་ཁྲིས་ཆོས་རྫུན་འཁྲོབ། །
ད་ནི་ཁྱེད་ཀྱིས་འཁྲབ་པའི་དུས་ལ་བབ། །
བླ་རྫུན་སྤྲུལ་རྫུན་འཁྲོབ་ལ་ཡོན་བདག་འཚོལ། །
མོ་རྫུན་ལུང་རྫུན་ཤོད་ལ་སྒོར་མོ་སོགས། །

དེ་རྗེས་ངེད་ཅག་འབངས་མི་རྣམས་ཀྱང་འཁྲབ། །
རང་རེ་ཀུན་ཀྱིས་ཉིན་འཁྲབ་མཚན་འཁྲབ་བྱེད། །
འཁྲབ་དཔོན་བཀའ་ཁྲི་བློ་སེང་ཁྱེད་རང་ཡིན། །
འཁྲབ་མཇུག་འབངས་མི་ངེད་ཅག་རྣམས་ཀྱིས་སྐྱོངས། །

དྲ་གྲོགས་ཚོའི་གཟིགས་དང་དབུས་གཙང་སྤྱི་འཐུས་ཟླ་བ་ཕུར་སྐྱེད་ལགས་ཀྱི་ཡང་ནད་རྙིང་ལྷང་གི་འདུག་ཧཧཧཧཧ།
ཡང་ཉིན་འགག་སྒུག་དང་ལྟས་མོ་འདུག་མ་ཚད་སྤྱི་འཐུས་ཚོའི་མྱོག་གླེང་རིགས་མི་ཡོང་བའི་འགན་འཁུར་གནང་དགོས་པ་ནི་ཤིན་དུ་ནས་གལ་འགང་ཆེ་།
ཨོ་ཨོ་ད་དུང་ཟླ་བ་ཚེ་རིང་ལྟས་མོ་འདུག་

བློ་སེང་གི་གཏམ་ལན་ལ་ངོས་རང་ཡིད་མགུ་མ་སོང་ཞུ་རྒྱུ་ཡིན། སྤྱིར་ཁྱེད་རང་ཁག་མེད། དྷ་རམ་ས་ལའི་ཆབ་སྲིད་ཁོར་ཡུག་འདི་ལ་ཉམས་མྱོང་ཞེ་དྲག་མེད་པར་སོང་བས་རེད། འདི་ནི་ཁྱེད་རང་གི་དྷ་སའི་གྲོས་ཚོགས་ནང་དུ་ཀ་རྟགས་ཅན་གྱི་དྲིས་ལན་གནང་བ་ཐོག་མ་དེ་ཡིན་ཙང་ཉམས་མྱོང་ཙམ་རེད། ག་ལེར་ཡར་རྒྱས་འགྲོ་གིན་རེད། ཨའུ་ཙམ་རེད། ད་དུང་སྤྱི་མཐུས་བསྟན་འཛིན་མགོན་པོ་དང་སྨོན་ལམ་མཐར་ཕྱིན་དང་གཡུང་དྲུང་རྒྱལ་མཚན་སོགས་ཀྱི་དྲི་བ་གཞི་ནས་སླེབས་རྒྱུ་ལྷག་ཡོད་པས་སྔ་སོར་ནས་གྲ་འགྲིག་དགོས་པ་རེད།

སྐུ་སྒེར་ཡིག་ཚང་དང་བླ་ཆེན་མི་ཆེན་ཚོས་སྟག་སེང་ཁ་འཐབ་ཀྱི་བར་ནས་བཀའ་ཁྲི་དང་སྤྱི་འཐུས་ཟེར་བ་དེ་ནར་མ་སོན་པའི་བྱིན་པ་ཉམས་ཆུང་ཞིག་རེད།དྲ་གྲོགས་ཚོས་གནས་ཚུལ་འདི་མ་ཤེས་ན་བཙན་བྱོལ་ནང་གི་ཆབ་སྲིད་དང་འགྲོ་སྟངས་མ་ཤེས་པ་རེད།

ཆོས་ལུགས་དད་པ་རང་དབང་ནི་བོད་པ་རྣམས་ལ་བཅའ་ཁྲིམས་རིན་པོ་ཆེས་སྤྲད་ཡོད། ད་བོད་པ་ཚང་གི་སྤྱི་མཐུས་གྲོས་ཚོགས་ཀྱི་ནང་དུ་བརྗོད་གཞི་དོ་གལ་ཅན་ཞིག་ཨི་ཡོད་ན་བསམ་གྱི་འདུག སྤྱི་མཐུས་གྲོས་ཚོགས་ཀྱི་འགྲོ་སྟངས་ཀྱིས་ཀླད་པ་ཚོས་པའི་ཀརྨ་ཆོས་འཕེལ་ལགས་ཀྱིས་དྲི་བ་དེས་ད་དུང་ནད་རོ་རྙིང་པ་སྔོན་བཞིན་སློང་ནས། དོག་པ་མེད་པའི་དོག་པ། ཆོད་རྒྱུ་མེད་པའི་ཆོད་ཆོད་མཛད་ནས། རྙོག་དྲ་མེད་པའི་རྙོག་དྲ་སློང་རྒྱུའི་ངན་གཡོ་འམ། བརྗོད་གཞི་ཟད་པའི་ལམ་གྲོན་གྱི་རྙོག་དྲའི་ཟླ་བོར་ཉེ་བར་སོང་། བཀའ་ཁྲི་མཆོག་གིས། ཕྱག་ཕྲིང་བསྣམས་པ་དེ་བོད་ཀྱི་ལུགས་སྲོལ་ཡིན་མདོག་སྟོན་པ་ཡིན་རུང་། ཟིན་ཐོ་དང་། གྲོས་ཚོགས་ལ་གལ་གནད་དུ་བརྩིས་ཀྱི་མེད་པའི་བཟོ་བལྟ་གསལ་པོ་རེད

ཆོས་ལུགས་ཆོས་བརྒྱུད་ཀྱི་ཐོབ་ཐང་ཟེར་དུས། མི་མང་པོ་ཞིག་གིས་ད་ལྟའི་སྐབས་ཇོ་ནང་ལ་སྤྱི་འཐུས་ཀྱི་ཐོབ་ཐང་ཡོད་མེད་གཅིག་པུར་གོ་བ་ལེན་གྱི་འདུག ཆོས་ལུགས་སམ་ཆོས་བརྒྱུད་ཅིག་ཐོབ་ཐང་གཙོ་བོ་སོ་སོ་ཆོས་ལུགས་སྦྱོང་དང་དང་པ་བྱེད་པ། ཁྱབ་སྤེལ་དང་སློབ་གཉེར་སྤྲོད་པ། སྒོམ་ཉམས་ལེན། རྗེས་འབྲང་པ་བསྡུ་རུབ་དང་དགོན་པ་གསར་འཛུགས། དེའི་ཆེད་དུ་དཔལ་འབྱོར་འདུ་འགོད་སོགས་ཀྱི་རང་དགོས། ཆོས་བརྒྱུད་སྤྱི་འཐུས་མེད་ན་ཆོས་དེ་ཉམས་ཆག་འགྲོ་བའི་རྒྱུ་རྐྱེན་མེད། གལ་སྲིད་ཇོ་ནང་ལ་སྤྱི་འཐུས་དགོས་ན་༧གོང་ས་མཆོག་གིས་བཀའ་གནང་བ་དང། ཡང་གྲོས་ཚོགས་ནས་གཏན་འབེབས་དགོས། ཆོས་བརྒྱུད་ཀྱི་སྤྱི་འཐུས་འདི་༧གོང་ས་མཆོག་གི་བཀའ་དགོངས་ལྟར་དང་ཐོག་ཆོས་བརྒྱུད་ཆེན་པོ་བཞི་ནས་སྤྱི་འཐུས་བདམ་པ་རེད། དེ་རྗེས་༡༩༧༠ ལོའི་ནང་༧གོང་ས་མཆོག་བོན་པོར་སྤྱི་འཐུས་དགོས་ཞེས་གསུངས་པས་དེ་ལྟར་བཀའ་གནང་བ་རེད།
ཡིན་ཡང་ད་ལྟ་ཇོ་དེ་ཆོས་བརྒྱུད་ཅིག་ཡིན་མིན་ལ་ཆོས་ཚོགས་ཐོག་ཞིབ་འཇུག་ཚོགས་ཆུང་ཞིག་བཙུགས་པ་རེད། ཞིབ་འཇུག་པ་ཆོས་བརྒྱུད་ཁག་གིས་བཏང་མེད་པས། ད་ལྟ་ཅི་བྱེད་འདི་བྱེད་མེད་པར་ཆོས་དོན་ལས་ཁུངས་ལྷག་འདུག །

ཀརྨ་ཆོས་འཕེལ་གྱི་དྲི་བ་དང་པོ་དེ་ཆོས་རྒྱུད་ཀྱི་ཐོབ་ཐང་སྐོར་མ་གླེང་ཀ་མེད་རེད།

བཀའ་ཁྲི་མཆོག་གིས་ཆོས་ལུགས་དབྱེ་འབྱེད་དང་། ཐོབ་ཐང་འདྲ་མཉམ་སྤྲོད་རྒྱུའི་ཕྱག་མོ་ཞིག་བཏབ་སོང་། སེངྒེ་དཀར་མོ་ཁྲི་ལ་བཞུགས། །སེང་གཡུ་རྭ་རྒྱས་ཤིང་དགྲ་ལྷ་འཁོར། །གཞི་ཕྱྭ་འགྱུར་ལྡོག་མེད་པར་སྟོན། །ཞུ་བ་ཨི་གནང་གཏན་ཆ་མེད། །བློ་ཕྱ་བཟང་ཡང་ཐག་མི་ཆོད། །མགྲོན་པོ་ཟླ་བ་རྨོག་རུ་གཉིས། །ཤུལ་སྡོད་ཆེ་བས་གྲོས་ཚོགས་དཀའ། །གདོན་དུ་རྒྱ་འདྲེའི་ཉུལ་མས་གདོན། །གདོན་ཁྲོལ་འཕྲལ་དུ་གཏང་ན་བཟང་། །

“ངས་དོན་དམ་པའི་ཆོས་ལུགས་རིས་མེད་ཀྱི་དམངས་གཙོའི་སྤྱི་ཚོགས་ཤིག་བསྐྲུན་རྒྱུའི་༸གོང་ས་མཆོག་གི་ཐུགས་བཞེད་སྒྲུབ་ཐབས་ཞུ་རྒྱུའི་དམ་བཅའ་འབུལ་རྒྱུ་ཡིན” ཞེས་པའི་དམ་འབུལ་གསུང་བཤད་ཀྱི་ཚིག་དུམ་འདི་སྐབས་འདིའི་དྲི་བའི་གཙོ་ཚིག་རེད།
“ད་ལྟ་ངས་ཆོས་ལུགས་རིས་མེད་ཟེར་བ་དེ་ག་འདྲ་ཞིག་ཡིན་ཟེར་ན། གཞུང་དང་སྒྲིག་འཛུགས་གང་ཡིན་ཡང་ཆོས་ལུགས་དང་ཆོས་རྒྱུད་ལ་དབྱེ་འབྱེད་མི་བྱེད་མཁན་ཞིག་ལ་ངོས་འཛིན་བྱེད་བཞིན་ཡོད། དེར་བརྟེན། ཆོས་རྒྱུད་དང་ཆོས་ལུགས་གཞན་ལ་ཐོབ་ཐང་འདྲ་མཉམ་སྤྲོད་དགོས་ཀྱི་ཡོད་མེད་སྐོར་ལ་ངས་ལག་པ་འཆང་གི་མེད། དབྱེ་འབྱེད་མི་བྱེད་མཁན་ཟེར་དུས་དབྱེ་བ་འབྱེད་ཀྱི་མིན་ཞེས་བརྗོད་བཞིན་ཡོད་པ་ལས། ཐོབ་ཐང་འདྲ་མཉམ་སྤྲོད་ཀྱི་ཡིན་ཞེས་བརྗོད་ཀྱི་མེད ”ཅེས་པ་འདི་བཀའ་ལན་གྱི་གཙོ་ཚིག་རེད།
གནད་དོན་ནི། ད་བར་ལ་གཞུང་གིས་ཆོས་ལུགས་དང་ཆོས་བརྒྱུད་དག་རིས་མེད་གནང་ཡོད་མེད་དང། མེད་ན་ཇི་ལྟར་མེད་ཚུལ་སྐོར་གསལ་བཤད་གནང་དགོས་ངེས་ཤིག་དང། གནད་དོན་འདི་ཁྲིམས་ཐོག་གི་སྐད་ཆ་ཞིག་མིན་པར་འཛིན་སྐྱོང་ཁྲི་པས་ངེས་པར་ལག་བསྟར་བྱ་རྒྱུའི་དམ་འབུལ་ཞིག་ཡིན་པས། སེམས་དང་ངག་གཉིས་ནས་རིས་མེད་བྱས་ཀྱང་ལག་ཐོག་ནས་རིས་མེད་ཀྱི་རྣམ་པ་སྟོན་རྒྱུ་མེད་སོང་ན་དམ་འབུལ་དེ་ལ་སྙིང་བོ་མེད་པ་འདྲ་བོ་ཞིག་ཆགས་པ་རེད། དམངས་གཙོ་དང་འདྲ་མཉམ་ཟེར་བ་འདི་དག་དངོས་སུ་སྤྲོད་རྒྱུ་དང་བྱེད་རྒྱུ་ཞིག་རེད་མ་གཏོགས་བཤད་རྒྱུ་ཙམ་ཞིག་མ་རེད། གལ་ཏེ་བཤད་པ་དང་ཁྲིམས་ཐོག་ལ་ཡོད་པ་ཙམ་གྱིས་འཐུས་ན་རྒྱ་ནག་གཞུང་གིས་བཤད་པ་ཚང་མར་ཡང་ངོས་ལེན་བྱེད་དགོས།
ངས་བལྟས་ན་སྲིད་སྐྱོང་ཁྲི་པའི་ཐུགས་ལ་ཆོས་ལུགས་སམ་ཆོས་བརྒྱུད་ཁག་ལ་ཐོབ་ཐང་འདྲ་མཉམ་མིན་པ་ཞིག་དགོངས་ཀྱིན་འདུག་སྙམ། དེ་ལྟར་ལགས་ཚེ་ཐོབ་ཐང་འདྲ་མཉམ་ཡང་སྤྲོད་དགོས་པ་དང་དེ་ཡང་གྲོས་ཚོགས་ཀྱིས་གནང་རྒྱུར་བཀའ་སྐུལ་གནང་ན་ཏག་ཏག་རེད། སྤོབས་པ་སྐྱེད་ཅིག
ཡང་གཅིག་བཤད་ན། དབྱེ་འབྱེད་བྱས་པ་མི་སྐྱོན་ཐོབ་ཐང་འདྲ་མཉམ་སྤྲད་ན་དེས་འགྲིགས། ཆོས་ལུགས་མི་འདྲ་བ་སོ་སོ་ཡིན་པས་དེ་ལ་དབྱེ་བ་ཅིས་ཀྱང་འབྱེད་འོས། འོན་ཀྱང་དེ་དག་ལ་ཐོབ་ཐང་འདྲ་མཉམ་སྤྲོད་དགོས། འདི་དམངས་གཙོའི་རྩ་དོན་རེད། ཟེར་ན་བཀའ་ལན་ཅི་ཡོད་དམ།

རྒྱུ་མཚན་དང་ལུང་རིགས་ལ་གཞི་བཅོལ་་་་མཁས་པའི་རྣམ་དཔྱོདཀྱི་རྩལ་སྟོན་ནས་་་སྐྱོན་ཡོན་དབྱེ་ཞིབ་གནང་ན་་་ཆོསདང་་་ཆབ་སྲིད་གང་ནས་བཤད་ན་བཟང་མོད།
ཁྲིགས་དང་སྒྲིགས་གཞི་ཆབ་སྲིད་དང་ལམ་ལུགས་གང་ཡང་མི་ཤེས་པའི་མི་ངན་འགས་བཀའ་ཁྲི་དང་སྤྱི་མཐུས་ཚོར་སྐྱོན་བརྗོད་དང་དམར་འབེབས་བྱེད་པ་འདི་ཚོ་མཐོང་དུས་དངོས་གནས་སེམས་གཏིང་ནས་དགོད་བྲོ་ཡོང་གིན་འདུག།
ད་དུང་ཡིད་སྐྱོ་བ་ཞིག་ལ་འདི་འདྲ་བཤད་མཁན་མང་ཆེ་ཤོས་་་་་གཞན་མི་རིགས་ཀྱི་སྐད་ཡིག་ཕར་བཞག་་་་་རང་ཉིད་ཀྱི་སྐད་ཡིག་གི་གནས་ཚད་ཀྱང་སྐྱོ་པོ་ཞེ་དྲགས་རེད་འདུག།

རྣམ་པ་ལྷན་རྒྱས་ཚང་མ་ལ་ཚིག་ཁ་ཤས་ཞིག་ཞུ་འདོད་བྱུང་། ད་རེས་ཀྱི་གྲོས་ཚོགས་སྟེང་ཆོས་ལུགས་རིས་མེད་དང་ཆོས་ལུགས་ཀྱི་ཐོབ་ཐང་སྐོར་ལ་དྲི་བ་དྲིས་ལན་གནང་བ་དེར་ཞིབ་འཇུག་དང་ཆོས་ལུགས་རིས་མེད་ཀྱི་དོན་དང་། ཐོབ་ཐང་སྐོར་ལ་དཔྱད་ཞིབ་གནང་ན་རང་གཞན་ཚང་མ་ཕན་པ་ཡོང་རྒྱུ་ལས་དེ་མིན་རྒྱ་ཆ་འདི་འདྲ་ཞིག་བབས་མིན། ཞལ་རས་འདྲ་མི་འདྲ་ཆགས་མིན། ཚོར་བ་འདྲ་མི་འདྲ་སྐྱེས་མིན་སོགས་ལབ་བསྡད་ན་དྲ་ཐོག་འདིར་ཡོང་བའི་དགོས་པ་མ་ཚང་བ་རེད་བསམ། སྤྱིར་སྟངས་ཆོས་སྲིད་ཟུང་འབྲེལ་དང་ཆོས་ལུགས་རིས་མེད་ཞེས་སྔོན་ནས་ཚང་མས་ལབ་བསྡད་ཀྱི་ཡོད་པ་རེད། ཆོས་སྲིད་ཟུང་འབྲེལ་ཟེར་ན་ཆོས་དང་སྲིད་གཉིས་མཉམ་དུ་འགྲོ་མཁན་ཞིག་གམ་གཞུང་ཁོ་རང་ཡང་ཆོས་ཁས་ལེན་པའི་ཆོས་ལུགས་ཀྱི་གཞུང་ཞིག་ལ་གོ་བ་རེད། དེ་ནི་སྤྱིར་ཡག་པོ་ཡོད་པ་ཞིག་ཡིན་ནའང་། བྱང་ཆུབ་སེམས་དཔའ་མ་གཏོགས་སོ་སོ་སྐྱེ་བོ་ཞིག་ལམ་ཁ་དེའི་ཐོག་འགྲོ་རྒྱུ་ཁག་པོ་ཡོད་པ་རེད། དཔེར་ན་གཞུང་དེའི་དབུ་ཁྲིད་ཆོས་ལུགས་པ་ཞིག་སླེབས་པ་ཡིན་ན་གྲུབ་མཐའ་བྱེ་བྲག་པའི་ཁུངས་ནས་སླེབས་དགོས་ལ་གྲུབ་མཐའ་གཞན་དག་དང་ཆོས་ཁས་མི་ལེན་མཁན་ཚོས་ལྟ་ཚུལ་འདྲ་མིན་ཐོག་ནས་བྱ་སྤུ་གནོན་ཆགས་མི་ཐུབ། ལྷག་པར་དུ་ཆོས་ལུགས་ཁག་སོ་སོའི་བར་གྱི་གནད་དོན་ཆེ་མ་ཆུང་གསུམ་ཚང་མར་ཇུས་ཏོག་གནང་དགོས། དེ་ནི་རྩ་བ་བོར་ནས་ཡག་ག་ལ་འཇུ་བའི་སྣང་ཚུལ་ལས་གཞན་མེད། ཆོས་ལུགས་རིས་མེད་ཟེར་བ་གཞུང་ཁོ་རང་ལ་ཆོས་ལུགས་འདི་ཡིན་ཟེར་བ་མེད། དཔེར་ན་རྒྱ་གར་གཞུང་ལྟ་བུ་རེད། མདོར་ན་གཞུང་ཁོ་རང་ཆོས་དང་ཆོས་མེད་པ་གཉིས་ག་ཁས་ལེན་པ་ཡིན། དེར་བརྟེན་ཆོས་ཁས་ལེན་དང་མི་ལེན་མཁན་ཚང་མ་གཞུང་དེའི་འོག་བྱ་སྤུ་གནོན་ལྟ་བུ་རང་བཞིན་གྱིས་ཆགས་ཐུབ་པ་ཞིག་ཡིན།
དེར་བརྟེན་གཞུང་ཁོ་རང་གིས་གཞུང་གི་རྩ་དོན་རྐྱང་བསྒྲུབ་རྒྱུ་ལས་ཆོས་ལུགས་དང་གྲུབ་མཐའ་བར་ལ་ཇུས་ཏོག་དེ་ཙམ་གནང་མི་དགོས། དེས་རྐྱེན་གྱིས་ཆོས་ལུགས་ཁག་ཚང་མས་རང་རང་སོ་སོའི་གྲུབ་མཐའ་འཛིན་སྐྱོང་སྤེལ་གསུམ་གནང་རྒྱུ་ལས་ང་ཚོ་ལ་དམིགས་བསལ་གྱི་ཐོབ་ཐང་དགོས་སོགས་ཟེར་མི་ཐུབ།
དེ་ཡང་༧་གོང་ས་མཆོག་གི་བཀའ་སློབ་སྙིང་གི་ནོར་བུ་ལས། ༼བུད་མེད་ཚོགས་པས་ཕྱོགས་སྒྲིག་བྱས་ནས་པར་བའི་དེབ་ཞིག་༽ད་ལྟ་ང་ཚོའི་གཞུང་འདི་ཆོས་སྲིད་ཟུང་འབྲེལ་ཡིན་ཡང་མ་འོངས་པ་ཆོས་ལུགས་རིས་མེད་ཀྱི་གཞུང་དང་དེ་ཆགས་ན་དགེ་མཚན་ཆེ་བར་གསུངས་ཡོད། བཀའ་སློབ་ཀྱི་ཚིག་ཇི་བཞིན་བཀོད་ཐུབ་མ་སོང་བས་དགོངས་དག་ང་འདིར་དེབ་དེ་མེད། རྣམ་པ་ཚོས་དེར་གཟིགས་ནས་ང་ཚོའི་གཞུང་དེ་གང་ཡིན་ན་ཡག་པོ་འདུག་དཔྱད་ཞིབ་གནང་རོགས།

ཀརྨ་ཆོས་འཕེལ་གྲིས་རྩ་བའི་དྲི་བ་ཡག་པོ་འདུག ཁྲིམས་དང་སྒྲིག་གཞི་མི་ཤེས་པའི་ཟླ་བ་ཕུན་སྐྱིད་དང་རྨོག་རུ་གཉིས་ཀྱི་ཁ་ལ་རྡོ་རྗེ་རྒྱ་གྲམ་ཞིག ཨ་ཧ་འདི་འདྲའི་བཀའ་ཁྲི་བློ་ལྡན་ཞིག འདི་འདྲའི་བཀའ་ཁྲི་བརྗིད་ལྡན་ཞིག

སྤྱི་འཐུས་རྣམ་པས་དོགས་འདྲི་ལ། བཀའ་ཁྲི་མཆོག་ནས་ཀྱག་ཀྱོག་མེད་པར་ལན་གནད་ལ་ཁེལ་བ་བསྐྱོན་གནང་འདུག དགའ་བསུ་ཞུ།

དྲི་བ་དྲི་ལན་འདི་ལ་བརྒྱ་ཆ་སྤྲོད་འདོད་བྱུང་སོང་། རྩ་བའི་བརྒྱ་ཆ་25/
བཀའ་ཁྲི་མཆོག་ལ་་36%
སྤྱི་མཐུས་མོག་བསྟན་མཆོག་ལ་་་་74 %
སྤྱི་མཐུས་ཟླ་བ་ཕུན་སྐྱིད་ལ་་་་་67 %
ཐོབ་འདུག

ཨ་ཁ་ཁ་་་་་དྲི་བ་དང་ལན་ལ་བལྟ་ན་གྲོས་ཚོགས་ནང་ཕལ་ཆེལ་དམག་ཆེན་གསུམ་པ་ལང་ཡ་ཡིན་པ་འདྲ་་་་་་དྲྭ་གྲོགས་རྣམས་པ་གཟབ་གཟབ་བྱེད་མ་ཏོག་མདའ་འཁྱམས་འདྲ་འཕོག་ཡང་།

ཆོས་ལུགས་རིས་མེད་ཟེར་བ་དེའི་ས་མཚམས་གང་འདྲ་ཞིག་ལ་བཞགས་དགོས་ཀྱི་རེད།

ཆོས་ལུགས་རིས་མེད་ཟེར་བ་འདི་རྣ་ཡི་ཐོས་དུས་ཡིད་སུན་ཚར་སོང།དེ་རིང་ཆན་ཆད་དུ་ཆོས་ལུགས་རིས་མེད་བྱས་པའི་ལོ་རྒྱུས་ཤིག་ཡོད་མ་རེད།ད་དུང་ཡང་ཁག་པོ་རེད།

ཐོབ་ཐང་འདྲ་མཉམ་མེད་པའི་ཆོས་ལུགས་རིས་མེད་ཟེར་བ་ནི་མི་མང་ལ་ཟིར་སྨན་ཆུང་ཆུང་ཞིག་གནང་པ་མ་ཡིན་ནམ། འོན་ཀྱང་བཀའ་ཁྲི་མཆོག་ནས་བཀའ་སློབ་མང་པོ་ཞིག་དེ་རིང་གང་བཤད་པ་དེ་སང་ཉིན་དངོས་ཡོད་གནས་ཚུལ་མིན་པ་རྒྱུན་ལྡན་ཞིག་ཆགས་བཞིན་ཡོད།

པར་འདི་ལ་བལྟས་ན་བཀའ་ཁྲིའི་ཐུགས་ཁྲོས་ལོས་སྙམ་པ་དང་ཕྱག་གི་ཕྲེང་བ་བལྟས་ན་སྔོན་མའི་བཀའ་ཟུར་ཟམ་གདོང་མཆོག་ལྟར་སྣང་མེད་ལྟ་བུའི་སྒོ་ནས་གསན་ཡོད་པ་འདྲ། གང་ལྟར་སྤྱི་འཐུས་རྙིང་བ་དག་གི་བསམ་འཆར་བཏོན་པ་ལེགས་ཀི་ཟེར་ན་འདོད། གྲོས་ཚོགས་ཟེར་བ་གྲོས་བསྡུར་དགོས་པ་ལས་ཡོད་ཚད་སྤྱི་མོས་ཆགས་འགྲོ་ཚེ་གྲོས་ཚོགས་ཟེར་བའི་ཐ་སྙད་ཅིག་འདོགས་དོན་མེད། བཀའ་ཁྲིའི་ལས་དོན་ལམ་འགྲོ་ཡོང་བར་སྨོན།