རྔམ་ནག་ཅིང་གཏིང་རིང་བའི་སྲིད་ཇུས།

འཇམ་དབྱངས་ལགས་ཀྱིས་གསུང་པ་དེ་ལ་ཕྱོགས་གཅིག་ནས་བདེན་པའི་ཆ་ཡོད་།

རྒྱལ་བ་ཀརྨ་པ་རིན་པོ་ཆེ་རང་རྒྱ་ནག་དམར་པོ་ལ་ངོ་ལོག་རྒྱབ་གཏད་འདིར་རེ་བ་ཆེན་པོ་ཞིག་འཆང་ནས་ཕེབས་འདི་ནས་ཀྱང་འགྲོ་འདུག་རང་དབང་མེད་ཡོང་དུས་རིན་པོ་ཆེ་རང་ལ་ཡང་ཐུགས་སུན་པོ་འདྲ་ཡོད་རྒྱུ་ང་རང་ཉིད་ཀྱིས་སྐད་ཆ་གང་བཤད་པ་དེ་ངས་བདག་པོ་རྒྱགས་ཐུབ་ཀྱི་ཡོད།
དྲ་གྲོགས་གཟུར་གནས་བློ་ལྡན་སོགས་ཀྱི་སྐད་ཆ་དེ་ཚོ་ཡང་ཁྱེད་རང་ཚོ་རང་གིས་བདག་པོ་རྒྱགས་ཐུབ་དགོས།
གནས་ལུགས་མེད་པའི་སྐད་ཆ་སེམས་ཚོར་ཁོ་ནའི་རྗེས་སུ་འབྲང་ནས་སྐད་ཆ་མ་བཤདན་བཟང་གི་རེད།

གངས་སྤྲེལ་ཚ་ཞེས་པ་ཅན་ནས་གཏམ་ཅི་ཞིག་བཤད་པ་རང་ཉིད་ཀྱིས་ཚོར་ཡོད་མདོག་མི་འདུག ཚུར་ཕུ་བླ་བྲང་གི་བློ་མིག་ཁབ་ལས་དོག་པ་དག་གིས་རང་གིས་མ་འཇོན་པར་ཁག་སྐུ་སྒེར་ཡིག་ཚང་ལ་དཀྲི་བཅུག དེ་དངོས་བཀའ་དྲིན་ལ་བསམ་ཤེས་མེད་པ་རང་རེད། ཀརྨ་པ་ཐེངས་གཉིས་ཨ་རི་ལ་ཐར་ཙམ་བྱུང་བ་འདི་༸གོང་ས་མཆོག་གིས་རྒྱ་གར་ཞུ་བ་འཐེན་འཐེན་ནས་བྱུང་བ་རེད། དེ་ཀརྨ་པ་རང་གིས་ཨ་རིར་བཤད་འདུག ཀརྨ་པ་བླ་མ་བཟང་རུང་ཀརྨ་པའི་དབུ་འཕངས་མར་འཐེན་མཁན་བཀའ་བརྒྱུད་པ་རང་རེད་འདུག བཀའ་བརྒྱད་ཆེ་བཞི་ཆུང་བརྒྱད་ཀྱིས་ཀརྨ་པ་ང་ཚོའི་བླ་མ་ཡིན་ཟེར་གིན་མི་འདུག་གོ །དེ་བས་ཀྱང་ཀརྨ་པའི་ཕྱག་མཛོད་མགོན་པོ་ཟེར་བས་བོད་མི་མང་ལ་ལྟ་སྟངས་ག་འདྲ་ཡོད་པ་ཁོ་པས་ལྡི་ལིར་བཤད་པའི་སྐད་ཆ་ལ་ལྟོས་དང་ཧ་གོ་བར་འགྱུར་རོ། །

རྒྱ་གར་སོགས་ཚད་ལྡན་དམངས་གཙོའི་ལུང་པ་རྣམས་སུ་ཆོས་ལུགས་འདྲ་མཉམ་ཡིན་པའི་ཁྲིམས་ལུགས་ཡོད་བདེན་པ་རེད། ཡིན་ན་ཡང་ཁྲིམས་སུ་བཅས་པ་ལྟར་ལག་བསྟར་བྱེད་ཀྱི་ཡོད་དམ་ཞེ་ན། དེ་ནི་དྲི་བ་ཞིག་རེད། དཔེར་ན། རྒྱ་གར་གྱི་ནང་པ་རྣམས་གཉོམ་དྲགས་པར་མ་ཟད། ཕལ་མོ་ཆེ་རིགས་དམའ་བོ་ཡིན་སྟབས་ཧིན་དྷུ་བ་ལྟར་གྱི་ཐོབ་ཐང་རག་གི་མེད་པ་ནི་ཧ་ཅང་མངོན་གསལ་དོད་པོ་ཡིན་པ་ལྟ་བུ་རེད། ཁྱད་མཚར་བ་ཞིག་ལ། རང་རེའི་བཙན་བྱོལ་སྤྱི་ཚོགས་འདིས་དབུས་བོད་མིའི་སྒྲིག་འཛུགས་ཀྱི་ཁྲིམས་ཀྱང་མི་བརྩི། གནས་བདག་རྒྱ་གར་ཡུལ་མིའི་ཁྲིམས་ཀྱང་མི་བརྩི་བར། བར་མ་དོར་སྣང་བ་རྒྱ་ཡན་དུ་འགྲོ་ཆེ་དྲགས་པའི་སྐྱོན་ཞིག་ཡོད་པ་རེད། ད་ལྟའི་སྐབས་ང་ཆོལ་ཁ་གང་ཡིན་དང་ཁྱོད་ཆོས་ལུགས་ཅི་ཡིན་གྱི་ཐོབ་ཐང་རྩོད་པའི་སྐབས་མ་རེད་མོད། དེ་ཙམ་ལ་མགོ་འཁོར་བསྡད་འདུག་པ་ནི་ཡིད་སྐྱོ་བའི་གནས་ཤིག་རེད། རྒྱལ་བ་ཇོ་ནང་པ་ཚང་གིས་ཀྱང་ཐོབ་ཐང་གི་རྐུབ་སྟེགས་མི་རྩོད་པར། མངོན་འདོད་ཀྱི་རྩ་དོན་བསྒྲུབ་ན་ཕན་ཆེ། འདི་ནི་ཆུང་ངུའི་དོན་དུ་ཆེན་པོ་མི་གཏོང་བའི་ཁྲིམས་གཞི་ཡིན། ལར་ནས་དབུས་བོད་མིའི་སྒྲིག་འཛུགས་ཀྱི་ངོས་ནས་ཀྱང་དགེ་འདུན་པ་ཚོར་ཆོལ་ཁ་སོ་སོའི་སྤྱི་འཐུས་ཀྱི་འོས་འཕེན་རྒྱུ་རག་པ་དེ་གས་འཐུས་པའི་ཁྲིམས་གཞི་བཟོ་དགོས་པར་མ་ཟད། ཆོས་དོན་ལྷན་ཁང་གི་འཛིན་སྐྱོང་འོག་ནས་ས་དགེ་ཀ་རྙིང་ཇོ་བོན་ཁ་ཆེ་ཡུ་ཤུ་སོགས་ཀྱི་འཐུས་མི་ཡོད་པའི་ལྷན་ཁང་ཞིག་བཙུགས་ཏེ། ཆོས་ལུགས་སྤྱི་འཐུས་ངེས་པར་ཕྱིར་བསྡུ་བྱེད་དགོས། འདི་མུས་སུ་ལྷག་ན་ཕྱིས་སུ་ཕན་ལས་གནོད་ཆེ་བར་མཐོང་།

ཇོ་ནང་པ་ལ་སྐུ་སྒེར་ནས་ཆེ་མཐོང་ཆེན་པོ་གནང་ཡོད། འོན་ཀྱང་ཇོ་ནང་བ་ཆོས་བྱེད་མི་སྣའི་ཁོག་ཏུ་ཆབ་སྲིད་ཀྱི་འདྲེ་ཞིག་འཛུལ་ཡོད་པ་མིན་ནམ། ཆོས་རྒྱུད་ཁག་གི་སྤྱི་མཐུས་དེ་མེད་བ་བཟོ་གནང་ན་ཇོ་ནང་ལ་ཤ་ཚ་དོགས་བྱ་མཁན་གྱི་ཆབ་སྲིད་པ་དག་འཇམ་ཐིང་ངེར་གནས་ཀྱི་རེད།

འཇིགས་དགོས་གནས་ལ་ཆབ་བྲག་མི་འཇིགས་ཤིང་། །
འཇིགས་མི་དགོས་ལ་ཆབ་བྲག་འཇིགས་སྣང་བྱེད། །
ཆབ་སྲིད་སྐྱངས་མི་ཤེས་ལ་ཁྱོད་མི་འཇིགས། །
འགྲོ་བའི་ཐོབ་ཐང་རྩོད་ལ་ཁྱོད་རང་འཇིགས། །

མིང་དོན་འགལ་བའི་གཞུང་ལ་ཁྱོད་མི་འཇིགས། །
མང་མོས་བྱས་པའི་མིང་ལ་ཁྱོད་རང་འཇིགས། །
ཆོས་འགལ་སྲིད་འགལ་བྱེད་ལ་ཁྱོད་མི་འཇིགས། །
ཆོས་བརྒྱུད་ཐོབ་ཐང་སྤྲད་ལ་ཁྱོད་རང་འཇིགས། །

ངོ་དགའ་ངོ་སྲུང་བྱེད་ལ་ཁྱེད་མི་འཇིགས། །
ངོ་ཚའི་གནས་ལ་ཁྱོད་རང་ངོ་མི་ཚ། །
དགའ་བར་འོ་ལ་ཁྱེད་རང་འཇིགས་སྣང་ཤར། །
ཨ་ཚེ་ཅི་འདྲའི་མཁས་པ་ཁེ་མཚར་ཞིག །།

ས་དགེ་བཀའ་རྙིང་བོན་དང་བཅས་པས་སྔོན་མ་ཆབ་སྲིད་ཀྱི་སྐུབ་སྟེགས་བརྩད་དེ་རང་རང་གི་ལོ་རྒྱུས་དང་མི་རིགས་ཀྱི་ལོ་རྒྱུས་ལ་ནག་ཉེས་འཚབ་ཆེན་བཟོས་ཚར་བ་རེད། དེངས་སང་བསྟན་པ་དང་ལོ་རྒྱུས་རྨ་མེད་པའི་རྒྱལ་བ་ཇོ་ནང་ཚང་གིས་ཀྱང་ཡ་ང་བའི་འཇུག་འབྲས་ཤེས་བཞིན་དུ་ས་དགེ་བཀའ་རྙིང་བོན་དང་བཅས་པའི་རྒུད་ས་དང་ཉམ་ས་རུ་ཧོལ་རྒྱུགས་བྱེད་ཀྱིན་འདུག། ད་ཡང་བོད་ཀྱི་ལོ་རྒྱུས་ཀྱི་ནག་ཉེས་ཐོག་ཁོང་ཚོས་ཀྱང་ཞལ་འདེབས་མི་ཉུང་པ་ཞིག་བྱེད་ས་རེད།

སེམས་ངོགས་གསལ་བར་སྟོན་པའི་གཞུང་ལུགས་ཀྱིས།།
དེངས་ཡང་འཛིན་མའི་ཁྱོན་དུ་གྲགས་པས་འབར།།
འོན་ཀྱང་ཕྱི་ནང་རྫུས་པའི་ཕུང་འདྲེ་འགས།།
ད་ནི་རྩ་བརླག་གཏོང་བའི་བཤས་ར་འགྲེམས།།

ཇོ་ནང་བ་ལས་གཞན་ད་དུང། “མདོར་ན་བཤད་པའི་ཀ་ཆེན་རྣམ་བཅུ་དང། །སྒྲུབ་བརྒྱུད་ཤིང་རྟ་སྤྱི་དང་ཞི་བྱེད་སོགས། །མདོ་སྔགས་ཟུང་འབྲེལ་མན་ངག་དུ་མས་ཕྱུག །”ཅེས་གསུངས་པ་ལྟར་ཆོས་བརྒྱུད་ཆེ་ཆུང་གང་ཡིན་ལ་རིས་མེད་དང་འདྲ་མཉམ་གྱི་ཐོབ་ཐང་ལོས་ཀྱང་དགོས། ད་དུང་་ཁ་ཆེ་དང་ཡེ་ཤུ་སོགས་ཀྱང་བྱུང་དང་འབྱུང་རྒྱུ་རེད། ཚང་མར་སྤྲོད་དགོས། རྩོད་མཁན་རིམ་པས་འོང་གི་རེད། མ་བརྩད་ན་སྤྲོད་མི་དགོས་པ་ཞིག་ཀྱང་ཆགས་མེད།
འོན་ཀྱང་ད་ལྟ་ཡོད་བཞིན་པའི་ཆོས་བརྒྱུད་སྤྱི་འཐུས་ཀྱི་གནས་བབ་ལ་ལེགས་པར་བསམས་ན་ལམ་ལུགས་འདི་ཕན་ལས་གནོད་ཆེ་བར་བདག་གིས་མཐོང་ཞིང་འཇིགས། དེའི་ཐོག་ལ་ཆོས་བརྒྱུད་གཞན་དག་གིས་དམངས་གཙོའ་ཐོབ་ཐང་བརྩད་དུས་དེ་ལ་གཅིག་མཚུངས་སྤྲོད་མི་ཤེས་པའི་གནས་སྟངས་འདི་རིགས་མཐོང་དུས་ལྷག་པར་འཇིགས།
སྤྱིར་ཆོས་ལུགས་ཚང་མ་ངོ་བོ་བཟང་ཞིང་ཚེ་འདི་ཕྱིར་ཕན་པ་ཉག་གཅིག་ཡིན་ན་ཡང་་ཆོས་ལུགས་མི་སྣ་འདྲ་མིན་ཡིན་པས་ཁོ་ཚོ་སྲིད་དོན་ནང་ལ་གདན་འདྲེན་ཞུས་ཡོང་དུས་ཉོག་དྲ་སྔར་ཡང་བྱུང་ལ་ད་ཡང་འབྱུང་བཞིན་ཡོད། མ་འོངས་པར་དེ་བས་ཀྱང་འབྱུང་ངེས་ཏེ། སྙིགས་མ་ལྔ་བོ་ཆེས་ཆེར་བདོ་ཞིང་རྟགས་ཙམ་འཛིན་པའི་དུས་ལ་ཉེ་བས་སོ། གནས་ལུགས་འདི་དགེ་བའི་བཤེས་གཉེན་དག་གིས་མཁྱེན་ངེས། དུས་བསྟུན་གྱི་བསྟན་པར་དག་ཐེར་གནང་སྟངས་ལ་དགེ་བའི་བཤེས་གཉེན་རྣམ་པ་མཁྱེན་ནོ་མཁྱེན་ནོ་ཞུ་བ་ལས་ད་ནི་ཞུ་ས་གཞན་ཞིག་མེད་པར་མཐོང།

སྐུ་ཞབས་བསྟན་འཛིན་བློ་གསལ་ལགས། སྐུ་ཉིད་ཀྱིས་དུས་ལ་བབ་པའི་བསམ་ཚུལ་དེར་རྗེས་སུ་ཡི་རངས་ཞུ།
འོན་ཀྱང་། བཙན་བྱོལ་བོད་གཞུང་གིས་འདི་ལ་སྣང་མེད་བྱ་རྒྱུ་ཡིན་པ་ཐག་གིས་ཆོད། རྒྱུ་མཚན་ནི། ཁོང་ཚོར་ཁ་གཡར་ས་ཞིག་ཟུར་དུ་ཡོད་པ་དེ་རེད། དེ་སྔོན་ནས་ས་སྐྱ་ཚང་གིས་ངོས་ལེན་མེད་ཚུལ་བརྗོད་དེ་ད་བར་གནད་དོན་འདི་ལྷག་བསྡད་པ་རེད། གལ་ཏེ་གནད་དོན་མུ་མཐུད་དེ་ལྷག་རྒྱུ་ཡིན་ན། ང་ཚོས་ལམ་ཁ་གཞན་ཞིག་གདམས་ངེས་ཡིན་ཞེས་སྔ་མོ་ཞིག་ནས་ཞུས་ཟིན་པ་དེ་རེད། གནད་དོན་འདིའི་ཐད་ངེད་ཇོ་ནང་ཚང་གིས་ད་བར་མགོ་བཏུད་དེ་སྙན་ཞུ་དང་གསོལ་བ་བཏབ་ནས་བསྒུག་པ་རེད། འོན་ཀྱང་། གྲུབ་འབྲས་ཤིག་ནི་རི་བོ་རྭ་ལས་མ་དམིགས།
གལ་ཏེ་ཇོ་ནང་ས་སྐྱའི་ཁུངས་སུ་གཏོགས་རབས་ཀྱིས་ཇོ་ནང་ལ་ཐོབ་ཐང་འདི་མ་སྤྲད་པ་ཡིན་ན། འོ་ན་ས་སྐྱའི་སྤྱི་འཐུས་ཀྱིས་ངེད་ཇོ་ནང་ཚང་གི་བདེ་སྡུག་སྐོར་ལ་ཟུར་ཙམ་ཡང་གླེང་སློང་མི་བྱེད་པ་དེ་ཅི་རེད། ང་ཚོས་ལམ་ཁ་གཞན་ཞིག་འདེམས་རྒྱུ་ཡིན་ཞེས་པ་དེ་ད་དུང་གསལ་བོ་བཤད་མེད་པས། ཁྱེད་ཅག་གིས་དེ་ལ་སྣང་བྱས་མེད་ཀྱང་། ནམ་ཞིག་ཁྱེད་ཅག་གིས་ད་འགྲིགས་མ་སོང་ཞེས་འགྱོད་པ་ཞིག་ཏན་ཏན་སྐྱེ་ངེས། ང་ཚོས་ལས་འགུལ་ཡང་སྤེལ་རྩིས་མེད་ལ་ལས་འགུལ་ཞིག་སྤེལ་ཀྱང་དེས་ཕན་མི་ཐོགས་པ་མིག་མཐོང་ལག་ཟིན་རེད། མདོར་བསྡུས་ནས་བཤད་ན། ནམ་ཞིག་ངེད་ཅག་གིས་བཙན་བྱོལ་བོད་གཞུང་ལ་ཆེས་མཐའ་མཇུག་གི་སྙན་ཞུ་དེ་ཕུལ་བ་ཡིན་ན། དེ་དུས་ང་ཚོ་ལ་དོལ་ཚོགས་ལས་ཀྱང་གདུག་རྩུབ་ཆེ་རབས་དང་། དགྲ་དགའ་གཉེན་སྡིག་ཅེས་བཤད་ཀྱང་འཕྱི་སོང་བ་རེད་ཅེས་བཤད་འདོད་བྱུང་། འདེམས་ཀ་འདི་ཨུ་ཐུག་སྟེ་བདམས་པ་ལས་དགའ་བཞིན་སྤྲོ་བཞིན་དུ་བདམས་པ་ཞིག་མིན་པ་ཚང་མས་ཤེས་པར་གྱིས།

ང་ཚོས་དམངས་གཙོ་འདྲ་མཉམ་སོགས་ཁ་ལ་ཁྱེར་ནས་ ཆོས་བརྒྱུད་ཅུང་ཟད་མི་འདྲ་བའི་ཚོགས་སྡེ་རེ་ལ་སྤིྱ་འཐུས་རེ་དང་སྐུ་ཚབ་རེ་དགོས་ཟེར་ན་ ང་ཚོའི་སྤྱི་ཚོགས་ནང་གི་ཆོགས་ལུགས་མི་གཅིག་པའི་”ཁ་ཆེ”ཡེ་ཤུ”ཧི་ངྷེ”སོགས་ལའང་སྤྱི་འཐུས་དང་སྐུ་ཚབ་ཅིའི་ཕྱིར་མི་དགོས་”

ད་ལྟ་བར་དུ་ཇོ་ནང་རྣམས་ག་པར་གབ་རེད་། ལོ་༥༠་སྔོན་དུ་སྐད་ཆ་འདི་བཤད་ཡོད་ན་འགྲིག་ཚར་ཡོད་། ད་རྗེས་ལུས་རེད་ཚར་རེད་། འཕོ་འགྱུར་སྐབས་ལ་མ་གཏོགས་ཡོད་མ་རེད་ལོ་། དེ་ལས་སྒོམ་ཡག་པོ་རྒྱོབ་།

ཐུགས་ཁག་གཏན་ནས་མེད།བོད་གཞུང་གིས་ཆོས་ལུགས་རིས་མེད་ཟེར་བའི་སྐད་ཆ་འདི་མགྲིན་པ་ཡན་ཆོད་ཀྱི་སྐད་ཆ་ཞིག་རེད།གནད་འགག་ཐུག་ས་ཡོད་ཚད་དེ་སྐུ་སྒེར་ཡིག་ཚང་དུ་ཐུག་ཡོད།སྐུ་སྒེར་ཡིག་ཚང་གིས་མི་མངོན་པའི་འཆིང་ཐག་མ་གྲོལ་བར་དུ་ཆོས་ལུགས་རིས་མེད་གཅིག་ཆགས་ཀྱི་མ་རེད་ཟེར་ནས་ངས་སྔ་མོ་ནས་བཤད་མྱོང།༧རྒྱལ་དབང་ཀརྨ་པ་འཛམ་གླིང་ས་ཕྱོགས་གང་སར་ཕེབས་པའི་གྲྭ་སྒྲིག་བྱས་ཀྱང་རྒྱ་གར་གཞུང་ལ་ཁ་གཡར་ནས་རྡི་ལི་དོན་གཅོད་དང་སྡེ་སྲུང་ལས་ཁུང་གིས་མཐའ་གཅིག་ཏུ་འགོག་རྐྱེན་བྱ་ནས་གང་ལ་ཡང་ཕེབས་ཆོག་གི་ཡོད་པ་མ་རེད།གནས་ཚུལ་འདིས་རྐྱེན་པས་རྒྱལ་ཡོངས་བཀའ་རྒྱུད་ཡོངས་ཀྱིས་ཆོས་ལྡན་རང་དབང་དང་ཕེབས་བཞུགས་རང་དབང་དགོས་ཟེར་ནས་སྐད་འབོད་རྒྱག་དགོས་བའི་བསམ་ཚུལ་ཤུགས་ཆེན་བྱ་བཞིན་ཡོད་ཀྱང་ད་ལྟའི་བར་དུ་རྒྱལ་དབང་ཀརྨ་པ་རང་གིས་ནང་ཁུལ་ལ་རྙོག་དྲ་བཟོ་མི་ཉན་གསུངས་ནས་གནས་ཚུ་དེ་་ཚུལ་དེ་ཐོན་མེད།མུ་མཐུད་ནས་རྒྱལ་དབང་ཀརྨ་པ་ཕེབས་བཞུགས་རང་དབང་མ་སྤྲད་ན་སྐད་འབོད་བྱ་ངེས་ཡིན།ཇོ་ནང་པ་ཡང་ཁག་མེད་གནས་ཚུལ་འདི་འདྲ་མང་པོ་ཞིག་གིས་འགོག་རྐྱེན་བྱས་ཡོད་པར་ཐེ་ཚོམ་མེད་པར་བཤད་ཐུབ།

རྔམ་གནག་བློ་ཡི་བདེན་པ་མ་མཐོང་བའི།།
ཇུས་ངན་སྲིད་ཀྱི་ཁྲི་འཕང་སྲིད་ན་མཐོ།།
ཉམ་ཆུང་ཁ་སྟབས་ཞན་པའི་འགྲོ་སྟངས་འདི།།
མང་གཙོའི་གཞུང་ན་བདོག་པ་ཨ་རེ་སྐྱོ།།

འཇིགས་མེད་སེང་གེའི་ཁྲི་འཕང་ཇུས་ཀྱིས་རྩོད།།
བདེན་པའི་ལུགས་ལ་ཐལ་བ་ཇུས་ཀྱིས་འདེབས།།
ལྷ་ཆེན་ཚངས་པའི་ཐིག་ཤིང་འཁྱོག་པའི་གཏམ།།
བདག་གི་རེ་བའི་རྒྱལ་ཁབ་འདི་ལ་འབྱམས།།

བདེན་རྫུན་དབྱེ་བ་དབང་དང་ཐོབ་ཀྱིས་འབྱེད།།
དཀར་ནག་དབྱེ་བ་རྣམ་རྟོག་སྣང་བས་ཕྱེས།།
བདེན་པའི་སོ་ཁ་རྟུལ་བའི་རིང་ལུགས་འདིས།།
ཉམ་ཆུང་མགོ་བོ་གཅོད་པ་དེ་རིང་མཐོང་།།

སེང་གེའི་ཞབས་རྗེས་ཁྱི་ཡིས་བསུབ་པ་འདི།།
རྒུད་པ་ལས་ཀྱང་རྒུད་པའི་མཐར་ཐུག་ཉིད།།
བཙན་པོའི་མགོ་བོ་འདེགས་སའི་བར་སྣང་ནས།།
ཉམ་ཆུང་བྱེའུ་ཙམ་ཡང་འཕུར་དབང་བྲལ།།

ཇོ་ནང་བསྟན་པ་རྒྱས་པའི་སྨོན་ལམ་ཙམ།།
ས་ཡི་གཏིང་དང་འོག་ནའང་འདེབས་དབང་མེད།།
མི་མངོན་བདེ་ལྡན་ཞིང་ན་འཚང་རྒྱ་བའི།།
སྦྱོར་དྲུག་གྲུབ་པའི་སྡེ་དག་ཅིས་མི་སྐྱོ།།

ཇོ་ནང་པའི་ཆོས་བརྒྱུད་ལ་སུས་མཐོང་ཆུང་བྱེད་ཀྱིན་འདུག བོད་གཞུང་ནས་ཇོ་ནང་ག་དུས་མི་གྲལ་ནས་ཕུད་སོང་། བོད་གཞུང་གིས་ཇོ་ནང་པར་དངོས་ཡོད་དང་མཚམས་པའི་གནས་བབས་དགོས་སྐོར་ཕྱི་གསལ་ནང་གསལ་གསུངས་ཟིན་ཅིང་། ཡིན་ནའང་ད་དུང་ཇོ་ནང་སྤྱི་མཐུས་དང་ཇོ་ནང་པ་བོད་ཀྱི་ཆོས་བརྒྱུད་ཟུར་པ་ཞིག་ཏུ་བརྩི་རྒྱུའི་སྔོན་དུ་ཁྱེད་རང་ཚོས་ས་སྐྱ་པར་འབྲེལ་བ་བྱེད་དང་། ཅི་སྟེ་བོད་གཞུང་གིས་ལམ་སང་ཇོ་ནང་པ་བོད་ཀྱི་ཆོས་བརྒྱུད་ཟུར་གསལ་ཞིག་ངོས་འཛིན་བྱེད་ཚེ་ས་སྐྱ་པས་ག་རེ་བྱེད་ཀྱི་རེད་བསམ་བློ་གཏོང་། ཕྱོགས་གཉིས་ཀྱི་དཀའ་ངལ་ལ་བསམ་བློ་བཏང་ནས་སྐད་ཆ་བཤད་ན་ད་གཟོད་ཧ་གོ་ནུས། ལར་ནས་ཇོ་ནང་པ་ཆོས་བརྒྱུད་ཟུར་གསལ་ཞིག་ཡིན་པ་བོད་ཀྱི་བླ་ཆེན་ཡོངས་ཀྱིས་ཞལ་བཞེས་གནང་ཟིན་རུང་། ས་སྐྱ་པས་ཇོ་ནང་ང་ཚོའི་ཡིན་ཞེས་སོར་གང་བློས་གཏོང་གིན་ཡོད་མ་རེད། དུས་ཚོད་ཀྱི་བརྒྱུད་རིམ་ཞིག་བརྒྱུད་ནས་ད་གཟོད་དུས་དང་མཚམས་པ་ཡོང་ཚེ་བོད་གཞུང་ནས་ཇོ་ནང་པར་གཞུང་གདན་ལེགས་པོ་ཞིག་ཕུལ་ཆོག་ཆོག་ཡིན་ངེས། །

ཆོས་ཀྱི་དོན་དག་གིས་མིན་པར་ཆོས་འཛིན་ཚན་པ་ཚོའི་ཕྱིའི་འཇིག་རྟེན་ཆོས་བརྒྱད་ཀྱིས་རང་རེ་གངས་ཅན་ལྗོངས་གནའ་སྔ་མོར་བསྐྱལ་ས་ཅིག་བསྐྱལ་རེད་ལ། དའང་ཅིག་ལ་མི་བསྐྱལ་བའི་ངེས་པ་ཁྱོན་ནས་ཡོད་པ་མ་རེད།

གང་ལྟར། ཁ་བཙན་དབང་བཙན་ཚོས་དགོངས་པ་བཞེས། ཉམས་ཆུང་བདག་མེད་ཚོས་ཀྱང་དགོངས་པ་བཞེས་ནས། གང་ལྟར་ཇོ་ནང་ཆོས་བརྒྱུད་ལ་རྒྱ་གུང་བྲན་ཏང་གིས་ཆོས་བརྒྱུད་ཀྱི་ཐོབ་ཐང་གནང་མ་དགོས་པ་ཞིག་བྱེད་རྒྱུ་ནི་གལ་ཆེན་རེད། དེ་མིན་ཐང་རྡོའི་ཚབ་ལ་རུམ་རྡོ་ལྷུངས་པའི་དཔེ་རུ་འགྱུར་བཞིན་འདུག

ལར་ནས། ཇོ་ནང་པ་ཚོས་ཀྱང་། བཙན་བྱོལ་བོད་གཞུང་ཞེས་སྡང་གཟུགས་ཞེ་དྲག་མ་བསྟན་ན་ཡག་གི་རེད། གང་ལྟར་སོ་སོའི་མགོ་ན་ཡོད་པའི་གཞུང་རེད། བརྩི་བཀུར་དགོས་རྒྱུ་རེད། གཉིས་ནས། ཁྱེད་ཚོའི་ཐོབ་ཐང་སྐོར་ད་བར་ལས་སྣེ་གང་དང་གང་།གྲོས་ཚོགས་གང་དང་གང་གིས་བདག་པོ་མ་རྒྱབ་པར་གཡུག་བཞག་ཚུལ། ཡང་ན་ཆོས་བརྒྱུད་གཞན་གྱིས་ཐེ་བྱུས་བྱས་ན་འདྲ། གནས་ལུགས་རྒྱུ་མཚན་གསུངས་ནས་ཆོས་བརྒྱུད་དུ་མ་གྲུབ་པ་སྒྲུབ་ནའང་འདྲ། དེ་དག་རྒྱ་ཆེའི་མི་མང་ལ་གསལ་ཁ་མེད་དུས་གོང་གི་གནས་ཚུལ་འདི་འདྲའི་གནས་ཚུལ་ཞིབ་ཚགས་དང་། དོན་དག་སྙིང་བོ་གང་ན་འགག་ཡོད་མེད་སྟོན་ཐུབ་ཀྱི་མི་འདུག