སྐབས་བཅོ་ལྔ་པའི་གྲོས་ཚོགས་ནང་སྐབས་བཅུ་བཞི་བའི་བཀའ་ཤག་གི་མ་འོངས་བྱེད་འཆར་དང་། སྲིད་བྱུས་ལངས་ཕྱོགས་སྐོར་ལ་ཤོག་ངོས་ ༣ ཅན་གྱི་གསལ་བཤད་ཅིག་གནང་པའི་ནང་། གནས་ཚུལ་མང་པོ་ཞིག་གི་སྣེ་ཙམ་རེ་གླེང་ཡོད་ཀྱང་། ཞིབ་ཚགས་དང་ལམ་སྟོན་མི་འདུག་ལ། ཆིག་སྒྲིལ་དང་གསར་གཏོད། རང་མགོ་རང་ཐོན་སོགས་ཀྱང་བསྟན་མི་འདུག་ཟེར།
ཁ་སང་ཕྱི་ཚེས་ ༢༡ ཉིན་གྱི་ཉིན་རྒྱབ་བོད་མི་མང་སྤྱི་འཐུས་གྲོས་ཚོགས་ནང་། ཉེ་ཆར་ཚོགས་འདུ་དབུ་འཛུགས་སྟེང་བཀའ་ཁྲི་བློ་བཟང་སེང་གེ་མཆོག་གིས་བཀའ་ཤག་སྐབས་བཅུ་བཞི་བའི་སྲིད་བྱུས་ལངས་ཕྱོགས་དང་། མ་འོངས་བྱེད་འཆར་སྐོར་གྲོས་ཚོགས་ནང་གསལ་བཤད་ཅིག་གནང་ཡོད་པའི་ཐོག་སྤྱི་འཐུས་རྣམ་པས་བགྲོ་གླེང་གནང་སོང་།
བགྲོ་གླེང་སྐབས་སྤྱི་འཐུས་ ༢༠ ཙམ་གྱིས་ཆ་ཤས་བླངས་ཏེ་བཀའ་ཁྲིའི་གསལ་བཤད་ཐོག་དགོངས་འཆཪ་དང་དོགས་འདྲི་གནང་ཡོད་ལ། དགོངས་འཆར་གསུང་མཁན་མང་ཆེ་བར་ཐུན་མོང་གི་ལྟ་ཚུལ་ཞིག་བྱུང་ཡོད་པ་ནི། ཐེངས་འདིའི་བཀའ་ཤག་གི་གསལ་བཤད་ནང་གནས་ཚུལ་མང་པོ་ཞིག་གི་ཕྱོགས་མགོ་ཙམ་རེ་བཀོད་ཡོད་ཀྱང་། དེ་དག་ཁ་གསལ་ཞིབ་ཚགས་མིན་པ་དང་། སྲིད་བྱུས་མང་པོ་ཞིག་ལག་བསྟར་བྱེད་ཕྱོགས་ཀྱི་ཐབས་བྱུས་དང་ལམ་སྟོན་མེད་པ། དེ་བཞིན། དེ་སྔ་འོས་བསྡུའི་ལས་རིམ་འགྲོ་བཞིན་པའི་སྐབས་སུ་གསར་གཏོད་དང་རང་མགོ་རང་ཐོན། ཆིག་སྒྲིལ་བཅས་ཀྱི་ཐོག་ཁས་ལེན་གནང་ཡོད་པ་དེ་དག་ཀྱང་། འདི་དང་དེ་ཡིན་གྱི་གསལ་ཁ་གང་ཡང་མེད་པ་སོགས་རེད།
གཞན་སྤྱི་འཐུས་ཚོས་བཀའ་ཤག་ལ་རེ་སྐུལ་ཞུས་པ་དག་ལས། སྤྱི་འཐུས་ཀརྨ་ཡེ་ཤེས་ལགས་ཀྱིས་དེང་སྐབས་ཕྱི་རྒྱལ་དུ་འགྲོ་མཁན་མང་བ་དང་། དེ་དག་སྐྱ་བོ་དང་སེར་མོ། ལས་བྱེད། བོད་ནས་ཕེབས་པ་གང་ཡིན་ལ་ཞིབ་འཇུག་བྱས་ཏེ། དེ་དག་གི་དཀའ་ངལ་སེལ་ཐབས་དང་། མ་འོངས་པར་གཞིས་ཆགས་སྲ་བརྟན་གྱི་ཐབས་ལམ་འཚོལ་དགོས་སྐོར་བརྗོད་སོང་།
སྤྱི་འཐུས་འབའ་པ་སྐལ་བཟང་རྒྱལ་མཚན་ལགས་ཀྱིས་བཀའ་ཁྲི་མཆོག་གིས་དེ་སྔ་ཉམས་ཞིབ་སྡེ་ཚན་ཞིག་ཟུར་འཛུགས་གནང་རྒྱུ་ཡིན་སྐོར་གསུངས་པ་དེར་བསྔགས་བརྗོད་དང་འབྲེལ། དེང་སྐབས་རྒྱ་གཞུང་གིས་ཕྱི་ཕྱོགས་ལ་བོད་དོན་འཁྱོག་བཤད་བྱེད་པའི་ཆེད་དུ་བོད་རིག་པའི་ཞིབ་འཇུག་སྡེ་ཚན་ཁག་ཏུ་ཤུགས་རྒྱག་གི་ཡོད་པ་བཞིན། ང་ཚོས་ཀྱང་གཞུང་འབྲེལ་ཐོག་བོད་རིག་པ་ཞིབ་འཇུག་དང་ཉམས་ཞིབ་སྡེ་ཚན་ཐོག་ཤུགས་བརྒྱབ་སྟེ་རྒྱལ་སྤྱིའི་བོད་རིག་པའི་ཚོགས་ཆེན་གཙོས་པའི་བྱེད་སྒོ་དེ་རིགས་ལ་ཆ་ཤས་ལེན་ཐབས་བྱ་དགོས་པ་དང་། གཞན། ངྷ་རམ་ས་ལ་དང་ལྡི་ལི་སོགས་སུ་གསར་འབྱོར་བ་མང་པོར་དཀའ་ངལ་འཕྲད་བཞིན་ཡོད་པ་དག་ལ། དེ་སྔ་གཞུང་ངོས་ནས་གཞིས་ཆགས་ཁག་ཏུ་བཏང་ན་འགྲོ་འདོད་བྱེད་ཀྱི་མི་འདུག་ཟེར་ནས་སྣང་མེད་དུ་བཞག་ཡོད་པ་དེ་འགྲིག་གི་མེད་ཚུལ། ཁོང་ཅག་གི་དཀའ་ངལ་གཞན་སེལ་ཐབས་མེད་ཀྱང་ཁང་པ་ཆེན་པོ་བརྒྱབ་སྟེ་སྡོད་གནས་ཀྱི་དཀའ་ངལ་སེལ་ཐབས་བྱ་དགོས་ཚུལ་གསུངས་སོང་ལ། ལྡི་ལི་གཅིག་པུར་བོད་རིགས་མཐོ་རིམ་སློབ་མ་ཆིག་སྟོང་བརྒལ་བ་ཡོད་པ་དེ་དག་ཆེད་ཁང་པ་བརྒྱབ་སྟེ། མཐོ་རིམ་སློབ་མ་དེ་དག་མཉམ་དུ་སྡོད་ཐུབ་པ་ཡིན་ན་བོད་སྐད་ཡིག་རིག་གཞུང་དང་། བོད་དོན་ལས་འགུལ་སོགས་ལ་ནུས་པ་ཐོན་སྐོར་བརྗོད་སོང་།
དེ་བཞིན་སྤྱི་འཐུས་འཇིགས་མེད་འབྱུང་གནས་ལགས་ཀྱིས་བཀའ་ཤག་གི་གསལ་བཤད་ནང་། ལས་དོན་མང་པོ་ཞིག་རོབ་ཙམ་རེ་བསྟན་ཡོད་ཀྱང་། དཔལ་འབྱོར་འདུ་འགོད་སྐོར་ལ་གང་ཡང་གསུངས་མེད་སྟབས། བཀའ་ཤག་སྐབས་བཅུ་བཞི་བའི་ལས་རྒྱུན་རིང་གི་དཔལ་འབྱོར་འདུ་འགོད་སྐོར་གྲོས་ཚོགས་ནང་ཁ་གསལ་བཟོ་དགོས་སྐོར། གཞིས་ཆགས་ཁག་ནང་གི་ཞང་ལས་གཙོའི་པའི་འཕྲུལ་རིགས་ལག་རྩལ་པ་རྒན་པ་མང་པོ་ཞིག་རྫོགས་འགྲོ་བཞིན་ཡོད་སྟབས། ལས་དོན་དེ་རིགས་རྒྱུན་འཛིན་བྱེད་མཁན་གྱི་མི་རབས་གསར་པ་སྐྱེད་སྲིང་གང་འདྲ་བྱ་འཆར་ཡོད་མེད་སོགས་ལ་དྲི་བ་བཏང་སོང་།
སྤྱི་འཐུས་ཀརྨ་ཆོས་འཕེལ་ལགས་ཀྱིས་བཀའ་ཤག་གི་གསལ་བཤད་ནང་། བོད་དོན་བདེན་མཐའ་སེལ་ཐབས་སུ་དབུ་མའི་ལམ་རྒྱུན་འཛིན་གནང་རྒྱུ་ཡིན་པ་གསུངས་ཡོད་ཀྱང་། ཆབ་སྲིད་ཀྱི་འཕོ་འགྱུར་གྱི་དབང་གིས་བཀའ་ཤག་གསར་བ་དང་སྤྱི་འཐུས་གསར་བ་ཆགས་ཡོད་སྟབས། རྒྱལ་ཁབ་དང་མི་རིགས་ཀྱི་གལ་ཆེ་བའི་སྲིད་བྱུས་ཀྱི་ཐད་ནས་བཀའ་ཤག་གསར་པས་སྤྱི་འཐུས་གསར་པ་ཚོར་འགྲོ་སྟངས་ཀྱི་ཐོག་ནས་བཀའ་ལུང་གསར་བ་ཞིག་གནང་དགོས་སྐོར་བརྗོད་བྱུང་ལ། ཆིག་སྒྲིལ་གྱི་ཐོག་ནས། བར་སྐབས་ཤིག་ནས་གྲྭ་བ་ཚོར་འོས་ཤོག་གཉིས་ཀྱི་ཐོབ་ཐང་ཡོད་པ་དང་། ཆོས་བརྒྱུད་སྤྱི་འཐུས་དགོས་མིན་གྱི་སྐད་ཆ་ཡོང་གི་ཡོད་པ་དེ་འབུར་འཇོམས་བྱ་མ་ཐུབ་ཚེ་ཆིག་སྒྲིལ་ལ་གཏོར་བཤིག་གཏོང་བའི་ནང་ཁུལ་གྱི་གནད་དོན་ཞིག་ཆགས་ཉེན་ཡོད་སྐོར་གསོགས་བརྗོད་བྱུང་།
ཀརྨ་ཆོས་འཕེལ་མཆོག་གིས་མུ་མཐུད་དུ་༧གོང་ས་མཆོག་བོད་ལ་གདན་འདྲེན་ཞུ་རྒྱུ་གལ་ཆེན་དུ་བརྩིས་ཏེ་ཐེངས་མང་གསུངས་པ་ལེགས་ཀྱང་རྩལ་དུ་བཏོན་ཏེ་བཤད་ན་མཇུག་འབྲས་གང་འདྲ་འབྱུང་མིན། བཅའ་ཁྲིམས་ནང་བཀའ་བློན་ཁྲི་པས་བོད་དོན་བདེན་མཐའ་སེལ་ཐབས་ཨང་དང་པོ་འཇོག་དགོས་ཀྱི་ཡོད་སྟབས། བཀའ་ཁྲི་མཆོག་གིས་ཤེས་རིག་བཀའ་བློན་གཞན་ཞིག་བསྐོས་ན་ལས་དོན་འཐུས་ཤོར་ལ་མི་འགྲོ་སྐོར་སོགས་བརྗོད་སོང་།
གསར་འགོད་པ། དོན་གོ
འགྱུར་མེད་བསྟན་འཛིན་ལ་ཞུ་རྒྱུ།
རྒྱལ་བ་ཀརྨ་པ་མཆོག་ལ་སྐྱབས་བྱོལ་གྱི་ཕྱག་འཁྱེར་དང་རྒྱལ་ཁབ་ཁག་མང་པོ་ལ་
ཕེབས་ཆོག་པའི་ཆོག་མཆན་ཆ་ཚང་ཡོད་ན་ཡང་ཕེབས་མི་ཐུབ་པའི་གནས་ཚུལ་ཞིག་ཡོད་པ་ནི་མངོན་བདེན་རེད།ཕེབས་བསྐྱོད་རང་དབང་ཆ་ཚང་མེད་པ་ཡང་བདེན་པ་རེད།
གནས་ཚུལ་དེ་འདྲ་ཞིག་འཕྲད་དགོས་པའི་རྒྱུ་མཚན་དངོས་མ་དེ་ཁྱོད་ལ་ཤེས་
འདོད་ཡོད་ན་རྒྱ་གར་གཞུང་གི་ནང་སྲིད་དང་བདེ་སྲུང་གསང་བའི་ལས་ཁུངས་
གསུམ་ལ་སྐད་ཆ་དྲི་ན་ཁྱོད་ཀྱི་དོགས་འཆར་དེ་སེལ་ཐུབ་པའི་ཡིད་ཆས་ཡོད་ཅེས་ཞུ་རྒྱུ་ཡིན།བོད་བཙན་བྱོལ་སྒྲིག་འཛུགས་དང་སྐུ་སྒེར་ཡིག་ཚང་སོགས་ལ་ཞྭ་མོ་ནག་པོ་གཡོག་ཐབས་མ་བྱས་ན་ལེགས་ཞུ་རྒྱུ་དང་གལ་སྲིད་ཁྱོད་ལ་རྒྱ་དམར་གཞུང་གིས་དེ་འདྲའི་ལས་དོན་སྒྲུབ་དགོས་པའི་བསྐུལ་མ་དང་སྒོར་དམར་པོ་ལེན་ཟིན་པ་ཡིན་ན་ཁྱོད་ལ་ཐུག་ཁག་མེད། སྙིང་རེ་རྗེ།
མི་ཉག་བཙན་ལ་ཞུ་རྒྱུ།ང་ཚོ་རྒྱ་ནག་ལ་ངོ་ལོག་རྒྱབ་བསྟན་ནས་ཡོང་དགོས་དོན་ནི་ཆོས་ལུགས་རང་དབང་དང་སྨྲ་བརྗོད་རང་དབང་འགྲོ་འདུག་རང་དབང་དགོས་ཞེས་ཡོང་བ་རེད།རྒྱལ་དབང་ཀརྨ་པ་མཆོག་ཀྱང་ཐོབ་ཐང་ཡོད་ཚད་གཡུགས་ཤིང་ཚེ་སྲོག་གཏའ་མ་བཞགས་ནས་རྒྱ་གར་དུ་ཕེབས་ཤིང་རྒྱ་གར་གྱི་སྐྱབས་བཅོལ་ལག་དེབ་དང་ཕྱི་རྒྱལ་ནས་ཐོངས་ཆེན་ཡིག་ཆ་ཆ་ཚང་ཡོད་ཀྱང་ད་དུང་འགྲོ་འདུག་རང་དབང་མེད་པའི་གནས་ཚུལ་འདི་་ཐབས་སྐྱོ་བོ་ཞིག་རེད།གནས་ཚུལ་འདི་མུ་མཐུད་ནད་བགྲོ་གླེང་བྱ་འདོད་ཡོད་ད་ལྟ་དུས་ཚོད་མི་ཁོམ་ཀི
བཀའ་ཁྲི་ཁོང་དང་པོ་བཀའ་ཁྲིའི་འོས་དམིགས་སུ་བཞེངས་སྐབས་རྒྱབ་སྐྱོར་བ་མང་པོ་ཞིག་ལ་བཤད་པ་ཡིན། ཁོང་ལ་བཀའ་ཁྲི་ཐོབ་ན་ཉམས་མྱོང་གིས་འདང་གི་མ་རེད། གྲོས་ཚོགས་སྐབས་མི་ངན་ཀར་ཆོས་སོགས་ཀྱིས་རྟུག་དྲི་ཤོར་ཤོར་བཟོས་ཀྱི་རེད་ཟེར་ལབ་པ་ཡིན། ད་དངོས་ནས་ཅི་དྲག ད་ཁོང་རང་ཉིད་ཀྱིས་བཏོན་པའི་ “སྒྲུབ་དོན་གསུམ་” ཙམ་ལ་ཡང་རྒྱུ་མ་ཕུག་འདེད་བཏང་དུས་གོ་རིམ་ལྡན་པའི་ལན་གསལ་ཞིག་མེད་ན་་་་་འོ་་་ད་ཚར་སོང་བ་རེད། ཟམ་གདོང་རིན་པོ་ཆེ་ཁོང་གི་གཟི་བརྗིད་དང་ཆོས་སྲིད་ཟུང་གི་མཁྱེན་ཡོན་གཞལ་ཟླ་བྲལ་བ་དེ་སླར་ཡང་དྲན་ཏེ་ཡིད་སྨོན་ཞིག་ངང་གིས་སྐྱེས་སོང་། ད་དུང་བྱ་འདུར་ཟེར་བ་དེ་མེད་པ་བཀའ་ཁྲི་ཁོང་གི་སྐུ་བསོད་རེད།
བསེ་རུས་གཞན་ལ་ཞུ་དག་བྱེད་ཀྱིན་འདུགཧེ་ཧེ
བསེ་རུས་གསུངས་པ་དེ་ག་རང་རེད། ནོར་བཅོས་བཏང་ཡོད།
<བཀའ་ཤག་གི་གསལ་བཤད་རབ་རུབ་ཅིག་རེད། >
ཅེས་པའི་ཁ་བྱང་འདི་དགོངས་ཚུལ་གསུང་མཁན་ཚང་མས་ཐུགས་སྣང་བྱུང་མེད་ཚོད་རེད།
དོན་དམ་དུ། རབ་རུབ་མ་ཡིན་པར། རབ་རིབ་ཅེས་འབྲི་དགོས་པས་དེ་དོན་ཐུགས་འཇགས་ཡོད་པ་ཞུ། དེ་སྔོན་ནས་ཞུས་པ་བཞིན། དབྱངས་ཨི་དང་ཨུའི་དཀའ་ངལ་འདི་རིགས་ལ་ད་དུང་ཐུགས་སྣང་ཆེར་བསྐྱེད་དགོས་འདུག་ཅེས་ཞུ་བར་ཐལ་ལོ།།
ཡང་བཀའ་ཤག་གིས་གསལ་བཤད་གནང་དོན་ལྟར། “དེ་སྔ་འོས་བསྡུའི་ལས་རིམ་སྐབས་གསར་གཏོད་དང་རང་མགོ་རང་ཐོན། ཆིག་སྒྲིལ་བཅས་ཀྱི་ཐོག་ཁས་ལེན་གནང་ཡོད་པ་དེ་དག་ཀྱང་། འདི་དང་དེ་ཡིན་གྱི་གསལ་ཁ་མེད་པ་སོགས་རེད།”
ཅེས་བཀོད་པ་ལྟར། བཀུར་འོས་སྤྱི་འཐུས་མང་པོ་ཞིག་ལ་དེའི་ཐོག་ཐུགས་འཚབ་དང་དགོངས་ཚུལ་ཤུགས་ཆེ་བྱུང་ཡོད་པ་ལྟར། མི་མང་སྤྱི་ལ་ཡང་དེ་དོན་སེམས་ཁྲལ་དང་། དོགས་གཞི་སྣ་ཚོགས་ཡོང་ངེས་ལ་བརྟེན། འབྱུང་འགྱུར་བཀའ་ཤག་གི་ལྟ་གྲུབ་དེ་ཚོའི་ཐོག་ཐབས་ལམ་དང་འཆར་འགོད་སོགས་ཁ་གསལ་གྲོས་ཚོགས་སུ་ངེས་པར་གསལ་འདེབས་གནང་དགོས་པ་ནི་གནད་ཀྱི་དམ་པའོ།།
བཀུར་འོས་སྤྱི་འཐུས་ཞིག་གིས་མཐོ་སློབ་ཀྱི་སློབ་མ་རྣམས་མཉམ་དུ་སྡོད་པའི་སྡོད་ཁང་རྒྱག་དགོས་ཚུལ་གསུང་པ་ཤིན་ཏུ་ལེགས་ཀྱང། དེ་ལ་འཛིན་སྐྱོང་ཚགས་ཚུད་ཅིག་མེད་ན་འཁྲབ་ནས་སྡོད་ཀྱི་ཡོད་པ་བོད་ཁྱིམ་གྱི་མཐོ་སློབ་སློབ་མའི་སྡོད་ཁང་དག་ལ་ཞིབ་འཇུག་ཅིག་བྱས་ན་ལེགས་སམ་སྙམ། གོ་ཐོས་ལ་སྣང་བ་གང་སྐྱིད་བྱེད་པ་ལས་སློབ་སྦྱོང་ལ་དོ་སྣང་མེད་པ་དང། ད་དུང་སྦྲིད་སྨན་དང་དུ་ནག་འཐེན་གྱི་ཡོད་པའི་གནས་ཚུལ་གོ་རྒྱུ་འདུག་ལ། དེ་ལ་སློབ་ཡོན་སྤྲོད་ཕྱོགས་ཀྱི་ཆ་ནས་ཞིབ་འཇུག་ངེས་པར་དུ་བྱེད་དགོས་པར་འདུག སློབ་སྦྱོང་བྱེད་འདོད་ཡོད་ཀྱང་ཆ་རྐྱེན་ཕྲན་ཚེགས་ཀྱི་མ་འདང་བར་སློབ་ཡོན་མ་རག་པ་དང། ཁ་ཤས་མཐོ་སློབ་ཏུ་སོང་ནས་དགོས་ངེས་བརྒྱ་ཆ་ལོངས་ཙམ་བྱས་ནས་སློབ་ཡོན་གཞུང་ནས་ཞུ་བ་དང། ནང་ནས་ཕ་མ་སྤུན་མཆེད་དང་སྦྱིན་བདག་དེ་འདྲའི་ལག་མགོ་སྐོར་གྱི་སྒོར་མོ་བླངས་ཏེ་སྣང་བ་གང་སྐྱིད་ཀྱིས་མཐོ་སློབ་ཀྱི་རྩ་ཆེན་དུས་ཚོད་དེ་འཕྲོ་བརླག་ཏུ་གཏོང་གི་ཡོད་གནས་ཚུལ་གོ་རྒྱུ་འདུག་པས་ཞིབ་འཇུག་བྱེད་དགོས་པར་མཐོང། དེ་ནི་མ་འོངས་པའི་ཆེད་ལས་པའི་ཁྲི་ཡི་རྨང་གཞི་ཞིག་ཡིན་པར་སེམས། དེ་བཞིན་སློབ་གྲྭ་ཁག་གི་དགེ་རྒན་དང་། དེ་དག་གི་སློབ་སྦྱོང་གི་ཆུ་ཚད་དང་སློབ་མ་ལ་སློབ་སྦྱོང་སྤྲོད་ཐུབ་པའི་ནུས་པ་རྣམས་ཞིབ་འཇུག་བྱེད་དགོས་པ་སེམས། དེ་ནི་སློབ་གྲྭ་ཁག་ན་དགེ་རྒན་ཁག་ཅིག་གི་གླ་ཆ་ལེན་ཐུབ་ཙམ་བྱས་ཏེ་ཉི་མ་ཕུད་ཐབས་བྱེད་ཀྱི་ཡོད་པ་གོ་ཐོས་བྱུང་ལ། སྔོན་མ་ཡིན་ན་རྒྱ་གར་གྱི་དགེ་རྒན་གྱིས་སློབ་ཕྲུག་ལ་སློབ་སྦྱོང་སྤྲོད་པར་དོ་སྣང་བྱེད་མི་འདུག་ཟེར་ཀྱི་ཡོད། དེང་སང་བོད་པའི་དགེ་རྒན་གྱི་དེ་ལྟར་བྱས་ན་ཉེན་ཁ་ཞིག་རེད། ནམ་རྒྱུན་སློབ་གྲྭ་ཁག་གི་དུས་དེབ་དང་དེ་འདྲའི་སྟེང་ལ་ལྟོས་ན་འདྲ་ཆགས་པོ་གང་འདྲ་མི་འདུག དོན་དངོས་དེ་འདྲ་ཞིག་མིན་པ་ནི་བོད་ཞེན་ཅན་ཚོས་སྐད་རྒྱག་གི་ཡོད་པ་ལ་བལྟས་ན་ཤེས་ཐུབ
ཆོས་རྒྱུད་སྤྱི་འཐུས་སླེབས་པ་ནས་བཟུང་སྤྱི་ཚོགས་ནང་གླེང་རྙོག་མང་པོ་འདུག དོན་མེད་དུ་ངག་འཁྱལ་དང་ཚིག་རྩུབ་མང་པོ་ཡོང་གིན་འདུག དཔེར་ན་ཇོ་ནང་པས་རྟག་པར་ཁྲོམ་བསྒྲགས་བྱེད་བཞིན་པ་དེ་ཡང་སྤྱི་འཐུས་དང་རྐུབ་སྟེགས་ཤིག་གི་ཆེད་དང་། དེ་བཞིན་དཔེར་བོན་པོ་བཀོད་དེ་ནང་ཁུལ་དམ་ཚིག་ལ་སུན་ཕྱུངས་ཀྱིན་འདུག ཇོ་ནང་གི་ས་མིག་དེ་དོན་དངོས་སུ་ཁལ་ཁ་རིན་པོ་ཆེ་ལ་དགོས་ལབ་ཀྱི་ཡོད་དམ། ཡང་ན་སྐབས་འཚོལ་བ་ཁ་ཤས་ཆེད་དང་། དེ་བཞིན་ཀརྨ་ཆོས་འཕེལ་བཀའ་བརྒྱུད་སྤྱི་འཐུས་རེག་པ་ལྟ་བུ། མདོར་ན་དེ་དག་ཚང་མ་མི་དགོས་པ་ཤ་སྟག་ཡིན་པས་ཆོས་རྒྱུད་སྤྱི་འཐུས་ཟེར་བ་དེ་ད་ནས་བཟུང་མེད་པར་བཟོས་ན་རེད། དེ་ཡིས་ཆོས་ལུགས་ལ་ལེགས་རྗེས་དང་ཕན་ཐོགས་གང་ཡང་མེད་པའི་ཁར་ད་དུང་མཐོང་ཚུལ་ངན་པ་བཟོ་གིན་འདུག དཔེར་ན། ཀརྨ་ཆོས་འཕེལ་དང་། ཐུབ་བསྟན་འཕེལ་རྒྱས། གཡུང་དྲུང་རྒྱལ་མཚན། ཨོ་རྒྱན་སྟོབས་རྒྱལ། ལ་སོགས་པའི་ཆོས་རྒྱུད་མིང་འཁུར་མཁན་དེ་དག་གིས་ཞབས་འདྲེན་རྐྱང་རྐྱང་ལས་བྱས་རྗེས་ཅི་ཞིག་བཞག་ཡོད་མིན་ཀུན་ལ་གསལ་པོ་རེད། མདོར་ན་༸གོང་ས་མཆོག་གིས་ཀྱང་ཆབ་སྲིད་ཐུགས་འགན་བཞག་ནས་ཆོས་པ་རྐྱང་མ་ཞིག་གནང་བ་ལ་མིག་དཔེར་བལྟས་ནས་དགེ་འདུན་པ་རྣམས་ཀྱིས་ཆབ་སྲིད་ཀྱི་དུག་ངན་དེ་ལ་ཐུགས་རེ་མ་གནང་བ་དང་། དེ་བཞིན་མི་སྐྱ་དེ་ཚོ་ཡང་རང་ཚོད་ཟིན་ནས་ཆོས་ལུགས་པའི་གོ་ས་ལ་འཛེགས་ཐབས་དང་ཧམ་འདོད་མི་བྱེད་པར་ཉ་དང་ཉུང་མ་སོ་སོར་བཟོ་རོགས་གནང་། ད་ལྟ་བཞིན་སྐྱ་མིན་སེར་མིན་མཛུབ་མོ་འཛུགས་ས་མེད་མཁན་ཞིག་ཆགས་ན་སྙིང་པོ་ཅི་ཡང་མི་འདུག་ལ་ཕན་ཐོགས་ཀྱང་ཅི་ཡང་ཡོང་གི་མི་འདུག
རིགས་གཞུང་དང་ལྟ་གྲུབ་ཀྱིས་འཕོངས་པའི་མི་ལ་འཕྲད་དུས། སེམས་ཀྱིས་དྲན་ཡོང་བ་ནི་ཟམ་གདོང་བླ་མ་ཁོ་ནའོ།།
དགོངས་འཆར་གསུང་མཁན་ཕལ་ཆེ་བ་སྤྱི་འཐུས་རྒན་གྲས་རྐྱང་རྐྱང་ཡིན་པ་མ་ཟད། ཉམས་མྱོང་དང་ཤེས་ཡོན་སོགས་གང་ཅིའི་ཐོག་ནས་ཕུན་སུམ་ཚོགས་པོ་ཡོད་སྟབས། དོན་སྙིང་ལྡན་ལ་དགོས་མཁོ་ཡོད་པའི་དགོངས་ཚུལ་ཤ་སྟག་གསུངས་འདུག དེར་བརྟེན་སྐབས་བཅོ་ལྔ་པའི་སྤྱི་འཐུས་རྣམ་པ་ཚོར་བསྔགས་བརྗོད་ཞུ་རྒྱུ་ཡིན།
མཇུག་ཏུ་གསར་འགོད་པར་གསལ་འདེབས་ཞུ་རྒྱུར།
༼གཞིས་ཆགས་ཁག་ནང་གི་ཞང་ལས་གཙོའི་པའི་འཕྲུལ་རིགས་ལག་རྩལ་པ་༽ཞེས་པ། གཞིས་ཆགས་ཁག་ནང་གི་ཞིང་ལས་གཙོས་པའི་འཕྲུལ་རིགས་ལག་རྩལ་པ། ཞེས་པར་བཟོ་བཅོས་མ་གནང་ཚེ་འདི་ཡི་གོ་དོན་་་་ ཧ་ཧ། ཀུ་རེ་ཡིན།།
སྤྱི་འཐུས་ཀྱི་ངོས་ནས་བཀའ་ཤག་ལ་སྐྱོན་འདོགས་དང་ཟུར་ཟ་བྱེད་ས་རེག་ཐབས་ལས་མི་དམངས་ཀྱི་བདེ་སྡུག་དངོས་ལ་ཞིབ་འཇུག་བྱེད་ཅིང་དངོས་ཡོད་ལ་ཁྲིམས་ཀྱིས་རྒྱབ་སྐྱོར་བྱེད་རན་རེད། དཔེར་ན་ཇོ་ནང་གི་གནས་སྟངས་ལྟ་བུར་ཁྲིམས་ཐོག་གི་རྒྱབ་སྐྱོར་མི་བྱེད་ན་བྱེད་མི་འོས་པའི་རྒྱ་མཚན་ཙམ་མི་གླིང་བར་གཞིག་ན་དེའི་རྒྱབ་ལྗོངས་ན་འཐེན་འཁྱེར་གྱི་ལྐོག་གཡོ་ཞིག་ཨེ་ཡོད་སྙམ་པའི་དོགས་པ་འདུག ཅི་སྟེ་ཇོ་ནང་གི་ལྷ་སྡེ་བོད་མི་དམངས་ཀྱི་བདེ་སྡུག་གྲལ་དུ་རྩི་མི་རུང་ན་གནས་ཚུལ་ལོག་ཁ་རེད་མ་གཏོགས། འདས་ལོ་དུ་མའི་རིང་ལ་ཇོ་ནང་བའི་ངོས་ན་དཀའ་ངལ་གང་ཡོད་སོགས་ཀྱི་སྙན་ཞུ་རབ་དང་རིམ་པ་མང་པོ་ཕུལ་ཡོད་པར་སྣང་མེད་དུ་འཇོག་དགོས་པའི་རྒྱུ་མཚན་དེར་འདྲི་བ་ཞིག་འདོན་བཞིན་ཡོད།
གྲོས་ཚོགས་སྐབས་སྤྱི་འཐུས་རྣམས་ནས་དྲི་བ་དང་བརྟག་ཞིབ་གནང་སྒོ་ཁག་ནི་ཁ་ཚ་དགོས་གཏུགས་ཀྱི་བོད་གཞིས་བྱེས་མཉམ་མཛོམས་ཡོང་ཐབས་དང་བོད་རྒྱ་བར་དཀའ་རྙོག་སེལ་ཐབས། བོད་མི་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་རྩོད་ལེན་ཀྱི་
ལངས་ཕྱོགས་གསར་པ་གང་ཡོད་སྐོར་དྲི་བ་དང་བགྲོ་གླེང་བྱས་དགོས་པ་
ལས་སྤྱི་འཐུས་རྣམས་ནས་ཕན་ཚུན་ཐོབ་ཐང་རྩོད་ལེན་གྱི་དུས་ཚོད་མིན་པ་
མི་ཤེས་པར་ཆོས་ལུགས་ཀྱི་ཐོ་ཐང་རྩོད་ལེན་བྱས་པ་ནི་མི་དམངས་རྣམས་བློ་ཕམ་དགོས་པའི་གནས་སུ་གྱུར།
སྤྱི་མཐུས་སྐར་མ་ཆོས་འཕེལ་དང་ཟླ་བ་ཕུལ་སྐྱིད་གཉིས་སྤྱི་འཐུས་གསར་པ་མིན་ན་ཡང་ད་དུང་ཁྲིམས་ལུགས་ཐོག་ཆོས་ལུགས་ཁག་ལ་ཐོབ་ཐང་གང་
སྤྲོད་དགོས་མིན་ཐད་བཀའ་ཤག་གི་སྡེ་ཚན་ལ་ཐག་གཅོད་ཀྱི་དབང་ཆ་མེད་པ་མི་ཤེས་པ་ནི་ཞབས་འདྲེན་རེད།
སྤྱི་འཐུས་གྲོས་ཚོགས་ར་བའི་ནང་བཀའ་ཁྲིའི་གསུང་བཤད་རྣམས་ཀྱི་ཚིག་སྣ་རེ་ལ་རྐྱོན་བརྗོད་དང་རྩོད་པ་རྒྱབ་པ་ནི་སྤྱི་འཐུས་གྲོས་ཚོགས་ཀྱི་རྣམ་པ་ལྟ་བུ་གཏན་ནས་ཆགས་མེད། གདན་ས་ཁག་གི་ཆོས་རའི་རྣམ་པ་ཞིག་རེད། དོན་དངོས་མ་དང་བོད་ཀྱིོ་རྩ་དོན་གྱི་གནད་ལ་བགྲོ་གླེང་རེ་བྱས་ཡོན་ན་མི་
དམངས་ཀྱི་དངོས་ཚབ་ཀྱི་ལས་འགན་སྒྲུབ་ཐུབ་པ་རེད་། དེ་མིན་ ཚིག་རེ་ལ་རྟགས་གསལ་རེ་བཏང་ནས་གྲོས་ཚོགས་གྲོལ་དགོས་བྱུང་ན་
གཞུང་ལ་འགྲོ་སོང་ཙམ་རེད།
བཀའ་ཁྲི་དང་བཀའ་ཤག་གིས་ཕྱག་ལས་གནང་ནས་དུས་ཡུན་ཐུང་ཙམ་ལས་ཕྱིན་མེད་པས་དེ་འྟ་བུའི་སྐྱོན་བརྗོད་དང་ལས་འཆར་གང་ཡོད་གསལ་པོ་བཟོ་ཐུབ་དགོས་པའི་དུསལ་བསླེབས་མེད། མ་ཟད་སྤྱི་འཐུས་རྣམ་པས་མཁྱེན་དགོས་པ་ཞིག་ནི་སྔར་བཀའ་ཤག་གིས་ཕྱག་ལས་གནང་ཟིན་པ་རྣམས་ལ་བསྐྱར་ཞིབ་དང་ལས་འཆར་གསར་པ་གསར་འཚོལ་གྱི་དུས་ཚོད་འདང་ངེས་སྤྲོདདགོས་པ་ལས།
དུས་ཚོད་ཐུང་ཐུང་ཞིག་ནང་ཚང་མ་གཏན་འཁེལ་བྱས་ན་ཡག་པོ་ཡོང་ཁག་པོ་རེད།་དེ་གད་ངེས་པར་དུ་ཤེས་དགོས་པ་རེད།
ཆུ་ཐིགས་སྔོན་མོ་མིང་ཅན་པོ། ཁྱོད་ལ་དགོས་པ་དེ་རྒྱ་ནག་གི་གསར་འགྱུར་ལྟར། ཡར་རྒྱས་སོང་རབ་དང་རྒྱལ་ཁ་བླངས་རབ། བྱས་རྗེས་བཞག་རབ་དང་མཐུན་སྒྲིལ་ཆེ་རབ་རྐྱང་རྐྱང་བཤད་དགོས་པ་འདྲ།
དམངས་གཙོ་ཡར་ཐོན་ཅན་གྱི་རྒྱལ་ཁབ་དང་སྤྱི་ཚོགས་གང་ཞིག་ཡིན་རུང་། ཡར་རྒྱས་དང་བཟང་ཕྱོགས་དེ་འབུར་དུ་ཐོན་པ་གཟེངས་སུ་ཐོན་པ་ཞིག་མིན་ལ་གསར་ལམ་དུ་སྤེལ་སྲོལ་ཡོད་པ་མ་རེད། དེ་སྤེལ་ཡང་རིན་ཐང་ཡོད་པ་མ་རེད་ཆོས་ཉིད་དང་ལམ་ཕྱོགས་ཀྱི་འགྲོས་ཙམ་རེད། མ་འགྲིག་པ་དང་ནོར་འཁྲུལ་ཤོར་བ། ཞན་ཆ་སོགས་ཕྲན་བུ་ཙམ་བྱུང་ཡང་རྒྱ་ཁྱབ་ཏུ་བསྒྲགས་ཀྱི་ཡོད། དེ་ནི་ཡར་རྒྱས་དང་ལེགས་བཅོས་གསར་བརྗེ་བཅས་ཀྱི་ལམ་སྟོན་ཆགས་ཀྱི་ཡོད་པ་རེད།
བཀའ་ཤག་གི་གསལ་གཤད་ཐོག་ལ་གྲོས་ཚོགས་ནང་བགྲོ་གླེང་གནང་གི་ཡོད་པ་དེར་བཙན་བྱོལ་བོད་གཞུང་དྲིལ་བསྒྲགས་ལས་ཁུངས་ཀྱིས་བརྒྱུད་གཏོང་བྱེད་བཞིན་པའི་དྲ་བརྙན་བརྒྱུད་དེ་མཐོང་སོང་ལ། སྤྱི་འཐུས་ཚང་མའི་གཏམ་བཤད་ལ་ཞིབ་ཉན་བྱས་པ་ཡིན། ང་རང་གི་ཐོས་གསལ་ལའང་སྤྱི་འཐུས་ཚོས་ཐོག་མར་བཀའ་ཤག་གི་གསལ་བཤད་དེར་ཐུགས་རྗེ་ཆེ་རེ་ཞུས་རྗེས། སྐྱོན་བརྗོད་རྐྱང་རྐྱང་བྱས་སོང་། ལྷག་པར་དུ་སྤྱི་འཐུས་འགའ་རེ་ཡིས་ཐེངས་འདིའི་བཀའ་ཤག་གི་གསལ་བཤད་དེ་སྤྱིར་བཏང་གི་འཕྲིན་ཡིག་ཙམ་གྱི་ནང་དོན་ལས་མེད་པའི་ཟུར་ཟ་ཡང་བྱས་སོང་།
གྲྭ་པར་འོས་གཉིས་ཐོབ་བསྡད་པ་དང་། ཆོས་བརྒྱུད་སྤྱི་འཐུས་དགོས་མིན་གྱི་སྐད་ཆ་ད་ལྟ་ནས་འབུར་འཇོམས་བྱ་མ་ཐུབ་ན། ཟེར་དུས་ཡང་ཀརྨ་ཆོས་འཕེལ་ལ་མ་འོངས་ལོ་ལྔའི་སེམས་ཁྲེལ་ལངས་ཚར་པ་འདྲ། ཆབ་སྲིད་པ་ནི་སྒེར་དོན་རྐྱང་རེད་གསུངས་པ་དེའང་དོན་དངོས་སུ་བདེན་པར་མཐོང་།
གནས་དོན་འདི་གཉིས་ནི་བཙན་བྱོལ་བོད་མིའི་མང་གཙོའི་ཐོབ་ཐང་སྤྱི་མཚུངས་ཡིན་མིན་ཐད་མང་ཚོགས་དང་ལྷག་པར་ཤེས་ཡོན་པའི་ནང་གླེང་ཀློང་ཆེ་ཤོས་དེ་ཆགས་ནས་ཡོད། ཧ་ཅང་མངོན་གསལ་དོད་པའི་ལྟེ་མོ་མང་པོ་མཐོང་གིན་འདུག ཆོས་རྒྱུད་ཀྱི་སྤྱི་འཐུའི་ས་མིག་དང་ཀརྨ་ཆོས་འཕེལ་ལགས་ཀྱི་ཕོར་བ་་་་་་
གསར་འགོད་པ་གཙོ་བོར་བཞག་ནས་བོད་པ་ཚོས་མིག་གཅིག་གིས་ལྟ་བ་ལས་མིག་གཉིས་ཀྱིས་བལྟ་གི་མེད། ནམ་ཡིན་ཡང་སྐྱོན་ཁོ་ནའི་ཕྱོགས་མ་གཏོགས་ལེགས་ཆའི་ཕྱོགས་ཤིག་ཅི་ཡང་མཐོང་གི་མི་འདུག་་་་་་འདི་ནི་ང་ཚོའི་སྤྱི་ཚོགས་སུ་འཇགས་པའི་གོམས་གཤིས་སྡུག་ཤོས་ཤིག་ཡིན།
གྲོས་འཆར་ད་ཡིས་ནང་ནས་ཡག་ཤོས་དེ་འབའ་པ་དེ་ཡིས་གསུང་འདུག་
གྲོས་ཚོགས་དོན་རྙིང་ལྡན་པ་འགྲོ་བཞིན་ཡོད་ས་འདུག་པའི་སྙིང་ནས་དགའ་བ་ཆེ་