གཟའ་ཉི་མའི་ཉིན་ཨེ་ཇིབ་ནང་གཞུང་དམག་དང་ཁོབ་ཊི་ཡི་ཤུ་བའི་བར་ཟིང་འཁྲུག་བྱུང་སྟེ་མི་ ༢༥ དམར་གསོད་ཐེབས་པའི་དོན་རྐྱེན་ལ་བརྟེན་ཏེ་ཨེ་ཇིབ་ནོར་སྲིད་བློན་ཆེན་གྱིས་དགོངས་པ་ཞུས་འདུག
ཨེ་ཇིབ་ནོར་སྲིད་བློན་ཆེན་བྷེབ་ལཱ་ཝེ་(Hazem el-Beblawi) ཡིས་གསར་ལམ་བརྒྱུད་རང་ཉིད་དགོངས་ཞུ་དོན་བརྗོད་པ་ལྟར་ན། ཟླ་འདིའི་ཕྱི་ཚེས་ ༩ ཉིན་གྱི་དྲག་ཆས་དམག་མི་དང་ཁོབ་ཊེ་ཡི་ཤུ་བ་གཙོས་པའི་མི་མང་ ༢༠༠༠ ལྷག་བར་རྒྱལ་ས་ཀའེ་རོ་ནང་ཟིང་འཁྲུག་དོན་རྐྱེན་བྱུང་པ་དེར་གཞུང་ཕྱོགས་ནས་འགན་ལེན་མེད་ཅེས་བརྗོད་ཡོད་ཀྱང་། དོན་དངོས་ཐོག་གཞུང་ལ་འགན་ཡོད་པ་མ་ཟད། གཞུང་གིས་དོན་རྐྱེན་དེར་འགན་འཁུར་སྟངས་འགྲིག་མེད་པའི་སྐྱོན་བརྗོད་དང་། གཞུང་གི་ལས་ཀ་བྱེད་ཕྱོགས་དང་བསམ་བློ་གཏོང་ཕྱོགས་ལ་འགྱུར་པ་གཏོང་དགོས་སྐོར་བརྗོད་འདུག
བྷེབ་ལཱ་ཝེ་ནི་འདི་ལོ་ཨེ་ཇིབ་གཞུང་མགོ་རྟིང་སློག་རྗེས། ད་ལྟའི་དམག་མིའི་བར་བརྒལ་གཞུང་གིས་ནོར་སྲིད་བློན་ཆེན་དུ་བསྐོ་བཞག་བྱས་པ་ཞིག་ཡིན་ཞིང་། ཁོང་དགོངས་ཞུ་བྱས་རྗེས་ཉིན་གསུམ་རིང་ཐེངས་འདིའི་དོན་རྐྱེན་ཁྲོད་འདས་གྲོངས་སུ་ཕྱིན་པ་རྣམས་ཀྱི་ཆེད་དུ་ཟས་བཅད་ཀྱིས་མྱ་ངན་ཞུ་མགོ་ཚུགས་ཡོད་འདུག
གསར་འགོད་པ། བནྡེ་སྐྱབས།
ལྟས་ངན་ཆབ་སྲིད་འཁྲབ་མཁན་ཚོས་འདི་ལྟར་བྱེད་ངེས་རེད། ཕྱི་ཚེས་ ༩ ཉིན་གྱི་དྲག་ཆས་དམག་མི་དང་ཁོབ་ཊེ་ཡི་ཤུ་བ་གཙོས་པའི་མི་མང་ ༢༠༠༠ ལྷག་བར་རྒྱལ་ས་ཀའེ་རོ་ནང་ཟིང་འཁྲུག་དོན་རྐྱེན་བྱུང་པ་དེར་གཞུང་ཕྱོགས་ནས་འགན་ལེན་མེད་ཅེས་བརྗོད་ཡོད་ཀྱང་། དོན་དངོས་ཐོག་གཞུང་ལ་འགན་ཡོད་པ་མ་ཟད། གཞུང་གིས་དོན་རྐྱེན་དེར་འགན་འཁུར་སྟངས་འགྲིག་མེད་པའི་སྐྱོན་བརྗོད་དང་། གཞུང་གི་ལས་ཀ་བྱེད་ཕྱོགས་དང་བསམ་བློ་གཏོང་ཕྱོགས་ལ་འགྱུར་པ་གཏོང་དགོས་སྐོར་བརྗོད་འདུག་པར་ལྟོས་དང་། ད་ལྟ་ཁོང་དགོངས་པ་ཞུ་དགོས་དོན་གང་ཡིན་ནམ། དེ་ནི་ལྷག་བསམ་གྱིས་མིན་པར་རྒད་པོས་དགོངས་པ་མ་ཞུས་ཐབས་མེད་བྱུང་བས་རེད། ཁོང་དགོངས་པ་ཞུས་པ་དེ་ནི་དེང་སྐབས་མང་ཚོགས་ཀྱི་དཔའ་ངར་ཇེ་ཆེར་འགྲོ་བཞིན་པའི་མཚོན་རྟགས་ཤིག་རེད།