ཁ་སང་དང་དེ་རིང་གཉིས་ལ་སི་ཁྲོན་ཞིང་ཆེན་དཀར་མཛེས་ཁུལ། གསེར་རྟ་རྫོང་ཚེ་ཤུལ་སྡེ་བའི་སེར་སྐྱ་མི་མང་གིས་རྒྱ་གཞུང་ལ་ཞི་བའི་ངོ་རྒོལ་བྱས་པར། རྫོང་ཉེན་རྟོག་པས་བོད་མི་སྐོར་ཞིག་འཛིན་བཟུང་དང་མི་མང་ནང་གང་བྱུང་དུ་མེ་མདའ་བརྒྱབ་ཡོད་པའི་གནས་ཚུལ་ཐོན་འདུག
ཁ་སང་ཕྱི་ཚེས་ ༡༦ ཉིན་གསེར་རྟ་རྫོང་ཚེ་ཤུལ་སྡེ་བའི་ཞང་སྲིད་གཞུང་དང་། ཉེན་རྟོག་ལས་ཁུངས་སོགས་སུ་མི་མང་གིས་ཞི་བའི་སྐད་འབོད་བྱས་ཡོད་པ་དང་། དེ་རིང་སྔ་དྲོ་ཉེན་རྟོག་པ་དང་དྲག་ཆས་དམག་མི་ཡོང་སྟེ། ཚེ་ཤུལ་སྡེ་བའི་འབྲུག་ལོ་དང་མགོན་དགའ། ལོ་ ༢༦ ཡིན་པའི་རིན་འགྲོས། ལོ་ ༢༣ ཡིན་པའི་ཆོས་དགའ། ལོ་ ༡༩ ཡིན་པའི་ཚེ་དབང་བུ་བྷོ་རིས། རང་ལོ་ ༡༨ ཙམ་ལ་ཟོན་པའི་རིག་མཛོས། རྟ་ཤར་སྡེ་བའི་རང་ལོ་ ༡༩ ཙམ་ལ་སོན་པའི་ཚེ་དབང་སྐྱིད་སོགས་འཛིན་བཟུང་བྱས་ཡོད་འདུག སྐབས་དེར་ཉེན་རྟོག་པ་ཚོས་མེ་མདའ་གང་བྱུང་བརྒྱབ་སྟེ། འབྲུག་ལོ་དང་མགོན་དགའ་གང་རུང་གི་ཕོ་བར་མེ་མདའ་ཕོག་ཡོད་པའི་གནས་ཚུལ་ཐོན་འདུག
ཉེན་རྟོག་པས་ཁོང་ཅག་འཛིན་བཟུང་བྱེད་སྐབས་སྡེ་བ་གཞན་གྱི་མི་མང་པོ་འབྱོར་ཏེ་ས་གནས་སུ་ངོ་རྒོལ་ཤུགས་ཆེན་བྱུང་སྟབས། ད་ལྟ་ས་གནས་ཡོངས་སུ་དྲག་ཆས་དམག་མི་བཏང་སྟེ་དམ་དྲག་ཤིན་ཏུ་ཆེན་པོ་བྱེད་བཞིན་པ་མ་ཟད། ཕྱི་ཕྱོགས་སུ་འབྲེལ་བ་བྱ་རྒྱུའི་བརྒྱུད་ལམ་ཡོངས་སུ་བཀག་སྡོམ་བྱས་ཡོད་འདུག
གསེར་རྟ་རྫཽང་ཚེ་ཤུལ་སྡེ་བའི་མི་དམངས་ཡོངས་ལ་བསྔགས་བརྗོད་དང་བཅས་བོད་ས་ཡོངས་ནས་གསེར་རྟ་དང་རྔ་བའི་མི་དམངས་ལ་རྒྱབ་བཅོལ་གནང་རོགས་ཞུ། བོད་རྒྱལ་ལོ། བོད་རྒྱལ་ལོ།
གསེར་རྟ་རྫོངས་ཚེ་ཤུལ་སྡེ་བའི་སེར་སྐྱ་ཡོངས་ལ་སྙིང་དབུས་ནས་རྒྱབ་སྐྱོར་བྱེད།