དེ་རིང་ཕྱོགས་མཐའ་ཁག་ནས་ཕེབས་པའི་བོད་མི་སྐྱ་སེར་ ༣༥༠༠ ལྷག་གིས་ལྡི་ལིའི་གྷན་ངྷི་མཆོག་གི་དྲན་རྟེན་གླིང་ཀར་བསྔོ་སྨོན་མཆོད་འབུལ་དང་ཇཱན་ཏར་མན་དར་བར་གཞི་རྒྱ་ཆེ་བའི་ཞི་བའི་གོམ་བགྲོད་གནང་སོང་ལ། སྤྱི་འཐུས་ཚོགས་གཙོ་མཆོག་གིས་རྒྱ་ནག་གི་འཁྱོག་བཤད་ལ་གསལ་བཤད་དང་། བཀའ་སྤྱི་གཉིས་ཀྱིས་མུ་མཐུད་ལས་འགུལ་ལ་ཤུགས་སྣོན་གནང་རྒྱུ་ཡིན་སྐོར་ཡང་གསུངས་བྱུང་།
དེ་རིང་ཞོགས་པའི་ཆུ་ཚོད་ ༩ ། ༣༠ སྟེང་ལྡི་ལི་ར་རྗི་གྷེ་ཁྲི་ས་གནས་ཡོད་པའི་མེས་པོ་དམ་པ་གྷན་ངྷི་མཆོག་གི་དྲན་རྟེན་གླིང་ཀ་རུ་རྒྱ་གར་གྱི་ཆོས་ལུགས་ཁག་གི་སྐུ་ཚབ་དང་བོད་མི་མང་སྤྱི་འཐུས་རྣམ་པ། བོད་གཞུང་སྐུ་ཚབ་དོན་གཅོད་གཙོས་པའི་གཞུང་འབྲེལ་གྱི་གནད་ཡོད་མི་སྣ། གཞུང་འབྲེལ་མིན་པའི་ཚོགས་སྡེ་ཁག་གི་མགོ་འཁྲིད། རྒྱ་བལ་འབྲུག་གསུམ་ནས་ཕེབས་པའི་སེར་སྐྱ་མི་མང་། དེ་བཞིན་ཕྱི་རྒྱལ་དང་རྒྱ་གར་བཅས་ཀྱི་གསར་འགོད་པ་བཅས་མཉམ་ཞུགས་ཀྱིས་རང་ལུས་མེར་བསྲེགས་བཏང་བའི་རྒྱལ་གཅེས་པ་རྣམ་པ་དང་དཀའ་སྡུག་འོག་ལྷག་ཡོད་པའི་གཞིས་བཞུགས་བོད་མི་ཚོར་གདུང་སེམས་མཉམ་སྐྱེད་མཚོན་ཕྱིར་བསྔོ་སྨོན་གནང་ཡོད་པ་མ་ཟད། དེར་ཡོད་མི་མང་ལག་ཏུ་བོད་ཀྱི་རྒྱལ་དར་དང་འཕྲེད་དར་འཕྱར་ཏེ། ལྡི་ལི་ར་རྗི་གྷེ་ཊི་ནས་ཇཱན་ཏར་མཱན་ཏར་བར་ཞི་བའི་གོམ་བགྲོད་ཀྱི་ལས་འགུལ་ཡོད།
དེ་རིང་གི་ལས་འགུལ་ནང་རྒྱ་བལ་འབྲུག་གསུམ་དང་། རྒྱ་གར་གྱི་མངའ་སྡེ་ ༨ དང་ས་གནས་ ༣༦ ལྷག་གི་སེར་སྐྱ་མི་གྲངས་ ༣༥༠༠ ལྷག་མཉམ་ཞུགས་ཀྱིས་ཀེ་ལོ་མི་ཊིར་ ༣ ལྷག་གི་ལམ་དུ་ཞི་བའི་ལམ་ནས་ལས་འགུལ་སྤེལ་ཡོད་
ལ། ལས་འགུལ་ཐོག་རྒྱ་གར་གྱི་གྲོང་གསེབ་གསར་བ་འཛུགས་སྐྲུན་ལས་གཞིའི་བློན་ཆེན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་ལོ་གྷོ་ཝ་ཕུ་ས་སེན་མཆོག་དང་གྲོས་ཚོགས་གོང་མའི་འཐུས་མི་དང་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་ཐོག་མར་གསར་འཛུགས་གནང་མཁན་སྐུ་ཞབས་མོན་ཧཱན་སེན་མཆོག རྒྱ་གར་བྱང་ཕྱོགས་ཨོ་ཏི་ར་མངའ་སྡེའི་བློན་ཆེན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་གྷི་ཞཱ་རེ་མཆོག རྒྱ་གར་གྲོས་ཚོགས་འཐུས་མི་ར་གྷོ་ཝན་མཆོག་བཅས་གཙོས་པའི་རྒྱ་གར་བོད་དོན་རྒྱབ་སྐྱོར་ཚོགས་པ་དང་གྲོས་ཚོགས་འཐུས་མི་ཁག་ཅིག་གིས་གཏམ་བཤད་གནང་ཡོད་པར་མ་ཟད། ཕྱི་དྲོ་ཆུ་ཚོད་ ༤ པའི་སྟེང་བཀའ་ཤག་གི་སྐུ་ཚབ་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་མི་མང་ལ་གཏམ་བཤད་བཅས་གནང་སོང་།
དེ་རིང་གི་ལས་འགུལ་འདིའི་ཐད་འདི་གའི་གསར་འགོད་པས་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ལ་བཅར་འདྲི་བྱས་པར། དེ་རིང་ཞོགས་པ་ནས་མགོ་བརྩམས་པའི་ལས་འགུལ་གྱི་བརྒྱུད་རིམ་ངོ་སྤྲོད་དང་འབྲེལ་ད་ལྟའི་ཆར་རྒྱ་ནག་གཞུང་གིས་བོད་ནང་རང་ལུས་མེར་བསྲེགས་ཀྱི་ལས་འགུལ་སྤེལ་གྱིན་པ་དེ་བཙན་བྱོལ་བོད་མི་ཚོས་བརྒྱུད་སྐུལ་བྱས་པ་ཡིན་ཚུལ་གྱི་རྫུན་གཏམ་བཤད་ཀྱིན་པའི་ཐད་གསུངས་དོན། “ ང་ཚོས་གོ་ཚུལ་ལ་རྒྱ་ནག་གཞུང་གིས་ད་ལྟའི་ཆར་ཀིརྟི་དགོན་པ་གཙོས་པའི་ས་གནས་བོད་མིའི་གནས་སྟངས་ལ་ཞིབ་འཇུག་བྱ་རྒྱུ་ཡིན་ཚུལ་དང་ཕྱི་སྡོད་བོད་མི་ཚོས་བརྒྱུད་སྐུལ་ཐོག་ལས་འགུལ་སྤེལ་བ་ཡིན་ཚུལ་གོང་བྱུང་། དེའི་ཐད་ང་ཚོའི་ངོས་ནས་གསར་འགོད་གསལ་བསྒྲགས་རིམ་པའི་ཐོག་ད་ལྟའི་བོད་ནང་ལས་འགུལ་སྤེལ་གྱིན་པ་དེ་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་འཛིན་སྟངས་ནོར་འཁྲུལ་ཡིན་པའི་ཐོག བོད་མིའི་མངོན་འདོད་མཐོང་མ་ཐུབ་པར་བོད་མི་ཚོ་དཀའ་
སྡུག་གི་འོག་ནས་རང་ལུས་མེར་བསྲེགས་བཏང་བ་ལས། བཙན་བྱོལ་སྤྱི་ཚོགས་ཀྱི་ངོས་ནས་བོད་ནང་གི་བོད་མི་ཚོར་རང་ལུས་མེར་བསྲེགས་མ་བཏང་ཚེ། བོད་ཀྱི་གནད་དོན་རྒྱལ་སྤྱིའི་ཐོག་ཁྱབ་ཐུབ་ཀྱི་མེད་པའི་བརྒྱུད་སྐུལ་གྱི་གནས་སྟངས་རྩ་བ་ནས་མེད་སྟབས། རྒྱ་ནག་གི་བཤད་ཀྱིན་པ་དེ་བདེན་པ་མ་རེད། རྒྱ་ནག་གཞུང་གིས་དུས་ནམ་ཡང་བོད་ནང་གནས་ཚུལ་བྱུང་བའི་སྐབས་སུ་གནད་དོན་སེལ་ཐབས་བྱ་རྒྱུ་ལས་ལྡོག་ཏེ། གནད་དོན་གཞན་པ་ཞིག་ལ་འཁྲིད་འགྲོ་བའི་གནས་སྟངས་ཆགས་ཡོད། “ ཅེས་གསུངས་བྱུང་།
ཡང་ཁོང་གིས། “ ད་ལྟའི་ཆར་ཨ་རིའི་གཞུང་གི་ངོས་ནས་བོད་ནང་གི་ཛ་དྲག་གནས་སྟངས་ལ་དོ་སྣང་ཆེན་པོ་བྱས་ཏེ་རྒྱ་ནག་གཞུང་ལ་འབྲེལ་བ་གནང་གི་ཡོད་འདུག་ལ། རྒྱལ་ཁབ་གཞན་པ་དག་དང་རྒྱལ་སྤྱིའི་ནང་བོད་དང་རྒྱ་ནག་གི་འབྲེལ་ལམ་ཐོག་ཕྱག་ལས་གནང་མཁན་ཚོས་ཀྱང་དོ་སྣང་བྱེད་ཀྱི་འདུག གཙོ་བོ། ཁོང་ཚོའི་གནོན་ཤུགས་དེ་བོད་ནང་གི་བོད་མི་ཚོའི་དཀའ་ངལ་སེལ་རྒྱུ་དེ་ཡིན་སྟབས། བོད་ནང་གི་བོད་མི་ཚོར་མཚོན་ན་ཡང་། ཁྱེད་རང་ཚོས་བོད་ནང་རང་སྲོག་བློས་གཏོང་གི་ལས་འགུལ་སྤེལ་བ་དེར། ང་ཚོ་བཙན་བྱོལ་བོད་མི་ཡོངས་ཀྱིས་གང་ཐུབ་བྱེད་ཀྱི་ཡོད་ལ། རྒྱལ་སྤྱིའི་གཞུང་དང་བོད་དོན་རྒྱབ་སྐྱོར་ཚོགས་པ་ཁག་གི་རྒྱབ་སྐྱོར་བྱེད་ཀྱི་ཡོད་པ་རེད། ང་ཚོའི་ངོས་ནས་ཁྱེད་རང་ཚོའི་དཀའ་ངལ་སེལ་ཆེད་མུ་མཐུད་ལས་འགུལ་རིམ་པར་སྤེལ་འཆར་ཡོད། “ ཅེས་གསུངས་བྱུང་།
ལྡི་ལི་ནས་གསར་འགོད་པ་དོན་གོ
དོན་གྲུབ་བཀྲ་ཤིས་ཟེར་བ་འདི་ཅི་ཞིག་ཡིན་ནམ། ? ཁོས་སྤྱི་འཐུས་གོམ་བགྲོད་ལ་མ་ཕེབས་པ་རྣམས་ཀྱི་ཚབ་བྱེད་དགོས་དོན། ཁོང་ཚོས་གླས་པ་ཡིན་ནམ། ཁོང་ཚོར་ངོ་དགའ་སྤྲེད་ལད་འཁྲབ་ཀྱི་ཡོད་རེད། ད་དུང་དྲང་གཏམ་བཤད་མཁན་དྲང་གཟུ་ལ་ཁ་རྡུང་འདྲ་བཏང་ནས། ་བཀའ་སྤྱི་གཉིས་ནས་རྒྱལ་ས་ལྡི་ལི་གལ་ཆེའི་ས་གནས་སུ་འདེམས་པ་དེ་མ་འགྲིག་འདོག་འདོག་བྱེད་ཀྱི་ཡོད་དམ། ས་གནས་སུ་མཉམ་ཞུགས་བྱས་ནས་འགྲིག་གི་ཡོད་ན་རྒྱ་བལ་འབྲུག་གསུམ་གྱི་ནང་ནས་འགྲོ་གྲོན་ཕོན་ཆེན་བཏང་ནས་ལྡི་ལིར་ཡོང་དགོས་དོན་མེད་པ་རེད་པཱ། དེ་ལྟར་མིན་སྟབས་ལྡི་ལིར་འཛོམས་དགོས་བྱུང་བ་རེད། ཁྱེད་ཀྱིས་བཀོད་པ་གསལ་བཤད་དེ་ཚོའི་ནང་དུ་བདེན་པ་རེད་བསམ་པ་གཅིག་ཀྱང་མི་འདུག འཇུ་ཆེན་དཀོན་མཆོག་ནི་སྐུ་ངོ་གྲུངས་རྐྱེན་གྱིས་སླེབས་མེད་ཚོད་བཤད་འདུག་པ། སྐུ་ངོའི་དགུང་ཞག་ཚང་ནས་མང་པོ་སོང་འདུག་པས་དེ་འདྲ་ཞིག་གཏན་ནས་མ་རེད། ནམ་རྒྱུན་སྤྱི་བ་བཤད་བསྡད་མཁན་ཚང་མ་ད་ཐེངས་སླེབས་མེད་པ་འདིས་གསལ་བཤད་ཅི་ཞིག་བྱས་ཡོད་པ་ང་ཚོས་བསམ་བློ་གཏོང་དགོས།
གཞུང་འབྲེལ་དང་གཞུང་འབྲེལ་མ་ཡིན་པའི་གནད་ཡོད་མི་སྣ་སུ་ཞིག་ཡིན་ཡང་།
ལས་འགུལ་འདིའི་ནུས་པ་འཛམ་གླིང་ཡུལ་གྲུ་ག་སར་ཁྱབ་ཐུབ་པ་གནང་རྒྱུ་དེ་གལ་གནད་ཆེ། ལྷག་པར་དུ་ད་རེས་ཀྱི་གོ་སྐབས་འདི་བཟུང་ནས་བོད་དོན་གྱི་ཐོག་འགྱུར་པ་ཞིག་འགྲོ་ཐུབ་པ་དང་། འགྱུར་པ་ཞིག་མ་བཏང་རང་བཏང་བཟོས་དགོས་འདུག ད་རེས་གོ་སྐབས་འདི་ཤོར་སོང་ན་ཧ་ཅང་གི་ཕང་པོ་རེད། བོད་ནང་གི་ཚེ་སྲོག་བློས་བཏང་གནང་བ་དེ་ཚོ་ཡང་འཕྲོ་རླག་ཏུ་འགྲོ་ཉེན་ཤིན་ཏུ་ནས་ཀྱང་ཆེ། དེར་བརྟན་རྒྱལ་སྤྱིའི་ཐོག་ནས་བོད་དོན་ལ་གླེང་སློང་བྱེད་ཐུབ་པ་དང་། དགྲ་བོ་རྒྱ་དམར་གྱིས་བཤད་བཞིན་པའི་རྫུན་གཏམ་དེ་ཚོ་དུས་ནས་དུས་སུ་ར་སྤྲོད་གསལ་བོ་གནང་རྒྱུ་དེ་གལ་ཆེ། བོད་རྒྱལ་ལོ།
གང་ནས་སྤེལ་ཡང་གཅིག་པ་རེད། སྟོང་བཤད་ཀྱི་གཏམ་བཤད་རྐྱང་སྤེལ་་ནས་ལག་བསྟར་དུ་སྟོང་པ་ཡིན་ན་བློ་ཕམ་རེད།
དམངས་གཙོའི་ལམ་སྲོལ་ལྟར་ན་གནས་ཚུལ་གང་ཡིན་གསལ་བོ་བཟོ་རྒྱུ་གལ་ཆེན་པོ་ཡིན་ཡང་། དོན་དག་ལ་ལ་ཞིག་གསལ་ཁ་མ་བྱུང་སྔོན་ལ་སྐྱོན་བརྗོད་བྱེད་པ་དེ་ཙམ་ཡག་པོར་མཐོང་མ་སོང་།
ལྡི་ལིར་སྤྱི་འཐུས་ཀྱིས་སྣེ་ཁྲིད་པའི་ལས་འགུལ་ནང་སྤྱི་འཐུས་ ༩ ཞུགས་ཐུབ་མེད་པ་དངོས་ཡོད་རེད། དེ་དག་ཁྲོད་ཀྱི་སྤྱི་འཐུས་སྐོར་ཞིག་ཕྱི་རྒྱལ་དུ་ཡོད། སྤྱི་འཐུས་ཁག་ཅིག་གིས་ས་གནས་ཁག་ཏུ་མི་མང་ལས་འགུལ་ལ་སྣེ་ཁྲིད་བྱེད་ཀྱི་ཡོད།
ཨ་རི་དང་ཡུ་རོབ་ཀྱི་སྤྱི་འཐུས་ ༤ ཕེབས་ཐབས་ཡོད་པར་ས་གནས་མི་མང་གི་ལས་འགུལ་ལ་སྣེ་ཁྲིད་ལམ་སྟོན་གནང་གི་ཡོད་པ་རེད།
སྤྱི་འཐུས་གངས་ལྷ་མོ་ལགས་ཚེས་ ༡༤ ཉིན་བདེ་ལེགས་སྨན་ཁང་དུ་མཐོང་བྱུང་། ཟླ་འགའ་གོང་ནས་ཁོང་མོའི་རྐང་པར་ཆག་སྐྱོན་ཆེན་པོ་ཞིག་བྱུང་ཡོད། ཉེ་སྔོན་སྤྱི་འཐུས་གྲོས་ཚོགས་སྐབས་སུའང་ཚོགས་འདུར་བཅར་རྒྱུར་དཀའ་ངལ་འཕྲད་ཀྱི་ཡོད་པ་དངོས་སུ་མཐོང་།
སྤྱི་འཐུས་རོང་བོ་བློ་བཟང་སྙན་གྲགས་ལགས་ཀྱིས་ཁ་སང་སྦེལ་ཀོབ་སེར་སྐྱ་མི་མང་ལ་སྣེ་ཁྲིད་དེ་ལས་འགུལ་སྤེལ་གྱི་ཡོད་པ་པར་ལས་མཐོང་སོང་།
སྤྱི་འཐུས་རྣམ་དག་གཙུག་ཕུད་ལགས་ཀྱིས་ཁ་སང་ཝར་ན་མཐོ་སློབ་ཏུ་དགེ་ལས་སློབ་མ་དག་གི་སྣེ་ཁྲིད་དེ་ལས་འགུལ་སྤེལ་གྱི་ཡོད་པ་ད་ནངས་རླུང་འཕྲིན་ལས་གོ་སོང་།
སྤྱི་འཐུས་འཇུ་ཆེན་དཀོན་མཆོག་ལགས་ཀྱི་ཕ་དམ་པ་འཇུ་ཆེན་ཐུབ་བསྟན་རྣམ་རྒྱལ་མཆོག་སྐུ་གྲོངས་ཏེ་རྒྱུན་རིང་ཕྱིན་མེད་སྟབས། ད་དུང་ཡར་མར་འགྲུལ་བཞུད་དང་ལས་འགུལ་རིགས་སུ་ཞུགས་ཐུབ་ཀྱི་མེད་པ་འདྲ།
དཀོན་མཆོག་དང་། གངས་ལྷ་མོ། ཚུལ་ཁྲིམས་བསྟན་འཛིན། གཡུང་དྲུང་རྒྱལ་མཚན། རྣམ་དག་གཙུག་ཕུད། བློ་བཟང་སྙན་གྲགས། བསྟན་པ་ཡར་འཕེལ་བཅས་ལ་ག་རེ་བྱུང་ཡོད་དམ། སྤྱི་འཐུས་ཤིག་གི་ཆ་ནས་མི་མང་གི་སྣེ་ཁྲིད་བྱ་མ་ཐུབ་ཀྱང་མཉམ་ཞུགས་ཙམ་ཡང་བྱ་མི་ཐུབ་དོན་ག་རེ་ཡིན་ནམ། ངེས་པར་སྤྱི་འཐུས་འགན་ལེན་མེད་པ་འདི་ཚོའི་བྱ་སྤྱོད་བཟང་ངན་གང་ཡིན་སྤྱི་འཐུས་ལྷན་ཚོགས་ནས་ཞིབ་འཇུག་བྱས་ཏེ་བོད་གཞིས་བྱེས་གཉིས་ཀྱི་མི་མང་ལ་གསལ་བཤད་ཅིག་ངེས་པར་གནང་དགོས།
ང་རང་ཡང་རྡི་ལིའི་ལས་འགུལ་འདིར་མཉམ་ཞུགས་བྱས་པ་ཡིན།
ངས་མཐོང་ཚུལ་ལ་མི་མང་བརྒྱ་ཆ་མང་ཤོས་དེ་ན་གཞོན་ལོ་ཆུང་རྐྱང་རྐྱང་ཡིན་པའི་ཚོར་སྣང་བྱུང།
གསར་འགྱུར་བརྒྱུད་ལམ་ཁག་ནས་ཁྱབ་བསྒྲགས་བྱ་སྟངས་ལ་ལྟ་ན་མི་མང་ཧང་སང་བ་ཞིག་འཛོམ་ཡོད་རྒྱུ་རེད་བསམ་ཀྱང་ངའི་ཚོད་དཔག་ལ་ལྟོས་ན་བརྡབ་འགྱུར་མང་པོས་ཉུང་ཉུང་རེད་ཤག
ངས་རེ་རེ་ནས་བརྩིས་མེད་ཀྱང་མི་ཆིག་སྟོང་ལྷག་ཙམ་ཡོད་ན་སྣམ་པའི་ཚོར་སྣང་བྱུང།
གནས་ཚུལ་འདི་ཚོས་བོད་གཞིས་བྱེས་གཉིས་ཀྱི་བསམ་བློའི་བར་ཐག་དེ་ལེ་བར་མང་པོས་ད་དུང་ང་ཚོ་རྗེས་སུ་ལྷག་ཡོད་པ་བཤད་ཐུབ།
ཞོགས་ཀ་དུས་ཚོད་ལྔ་བ་ནས་གཉིད་ལས་སད་མ་ཐག་སེམས་འཚབ་འཚུབ་ཏུ་གྱུར་འདུག གང་ཡིན་ཟེར་ན། དེ་རིང་ནི། བཙན་བྱོལ་གཞུང་མང་གཉིས་མཉམ་འབྲེལ་གྱིས་རྒྱ་གར་རྒྱལ་ས་ལྡི་ལི་ནས་ཞི་བའི་གོམ་བགྲོད་དང་ཟས་བཅད་ངོ་རྒོལ་བྱ་རྒྱུ་ཡིན་པས་ཡིན་ན་ཐང་། གང་ལྟར། རང་ངོས་ནས་གྲ་སྒྲིག་བྱས་ནས་སོང་བ་ཡིན་མོད། ང་རང་སྔ་དྲགས་སོང་བས་ན། དུས་ཚོད་ལྔ་ལ་འགུགས་དགོས་བྱུང་སོང་།
གཞི་ནས་གྷན་ངྷེའི་བདེ་བར་གཤེགས་ས་ནས་གཞི་ནས་མགོ་འཛུགས་སོང་། དེ་ནས་ཞི་བའི་གོམ་བགྲོད་བྱེད་ཞོར་དུ་སོང་བའི་ལམ་བར་ནས་མི་མང་གི་སྐད་འབོད་སྣ་ཚོགས་ཤིག་བྱེད་ཀྱིན་པ་ལས་འབོད་ཚིག་གཅིག་རྩ་བ་ནས་མི་འདུག རང་ངོས་ནས་དོ་སྣང་བྱས་པའི་ཁུལ་གྱིས་སྔོན་མར་བཀའ་སྤྱི་གཉིས་ཐུན་མོང་གིས་བསྒྲགས་པའི་འབོད་ཚིག་རྣམས་ཟིན་དེབ་ཐོག་ཏུ་བཀོད་ཡོད་མོད། འོན་ཀྱང་། འབོད་ཚིག་དེ་འཕྲེད་དར་དང་འབོད་མཁན་གཅིག་ཀྱང་མི་འདུག 《བོད་རང་བཙན་གཙང་མ་ཡིན།》ཟེར་བ་སོགས་མ་གཏོགས་དབུ་མ་ལམ་གྱི་ཐོག་ནས་ཞི་མོལ་བྱེད་དགོས་པ་ཟེར་སོགས་གཅིག་ཀྱང་མི་འདུག
དེ་རིང་དམིགས་བསལ་གྱི་གནས་ཚུལ་ཞིག་མཐོང་བ་ནི། ཞི་བའི་གོམ་བགྲོད་ནི། གོམ་པ་བརྒྱབས་ནས་འགྲོ་བ་ཡིན་དུས། གོམ་པ་རྒྱག་སྤྱད་ཀྱི་རྐང་པ་ཞིག་ངེས་པར་དུ་ཡོད་དགོས་པ་ཞིག་ཡིན་པ་འདྲ། ཡིན་རུང་། སེམས་ཤུགས་ཡོད་ན། རྐང་པ་ཡོད་མེད་ལ་ཁྱད་པར་མི་འདུག དཔེར་ན། རྐང་གཡས་རྩ་བ་མེད་སའི་ཕོ་གསར་ཞིག་དང་། རྐང་པ་གཉིས་ཀ་ཀྱོག་ཀྱོག་ཡིན་པའི་གྲྭ་པ་ཞིག་གིས་མཁར་བ་ལ་བརྟེན་ནས་ཞི་བའི་གོམ་བགྲོད་བྱེད་དུས། ང་ལ་དམིགས་བསལ་གྱི་ཚོར་སྣང་ཆེན་པོ་ཞིག་སྤྲད་སོང་། ངའི་རྐང་པ་ཐང་ཐང་ཡིན་རུང་། ཁོང་རྣམ་པ་གཉིས་ཀྱིས་རྐང་ཕྱེད་ལ་མི་དོ་བ་འདི། གནད་འགག་ཐུག་ས་ནི། སེམས་ཤུགས་ཆེ་ཆུང་གི་གནད་དོན་ཞིག་ཡིན་པ་ཚོར་སོང་།
བཀའ་སྤྱི་ཐུན་མོང་གིས་གསལ་བསྒྲགས་སྔོན་བྱས་ལྟར་ན། ཐེངས་འདིའི་ལས་འགུལ་ནང་རྒྱ་གར་མངའ་སྡེ་ཁག་དང་བལ་ཡུལ་སོགས་ཀྱི་ཁོངས་ནས་བོད་མི་ ༣༠༠༠ འཛུལ་ཞུགས་བྱེད་རྒྱུ་ཡིན་སྟངས་བསྒྲགས་སོང་། དེ་རིང་དུས་བབ་དྲ་ཚིགས་ཀིས་ཀྱང་དེ་མཚུངས་ ༣༥༠༠ ཡོད་རབས་སྤེལ་སོང་རུང་། ངོ་མ་ཡིན་ན། ༢༥༠༠ མ་ཟིན་མ་གཏོགས་མི་འདུག འདི་ནི། ཕལ་ཆེར་མི་རེ་རེར་རྩིས་པའི་ཁུལ་ཡིན། འདིས་ག་རེ་མཚོན་གི་འདུག་ཟེར་ན། བོད་ནང་ནས་རང་ལུས་མེར་བསྲེགས་ཀྱིས་བོད་མི་རིགས་ཀྱི་དཀའ་ངལ་གསལ་སྟོན་བྱེད་ཀྱིན་པ་ཡིན་རུང་། འདི་ཕྱོགས་ནས་སྐད་འབོད་ཙམ་ལ་མཉམ་ཞུགས་བྱེད་མཁན་ཉུང་བ་འདིས། བོད་ཀྱི་དཀའ་ངལ་འདི། ངོས་མ་ཟིན་པའམ་དང་བརྗེད་ཀྱིན་པ། ཡང་ན། སེམས་ཚོར་མེད་པ་མཚོན་གྱིན་པ་མ་ཡིན་ནམ།
བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་པའི་ལས་འགུལ་འདིའི་ནང་མཉམ་ཞུགས་ཀྱི་ཆ་ཤས་མི་ལེན་མཁན་འཇུ་ཆེན་དཀོན་མཆོག་དང་། གངས་ལྷ་མོ། ཚུལ་ཁྲིམས་བསྟན་འཛིན། གཡུང་དྲུང་རྒྱལ་མཚན། རྣམ་དག་གཙུག་ཕུད། བློ་བཟང་སྙན་གྲགས། བསྟན་པ་ཡར་འཕེལ་བཅས་ལ་ག་རེ་བྱུང་ཡོད་དམ། སྤྱི་འཐུས་ཤིག་གི་ཆ་ནས་མི་མང་གི་སྣེ་ཁྲིད་བྱ་མ་ཐུབ་ཀྱང་མཉམ་ཞུགས་ཙམ་ཡང་བྱ་མི་ཐུབ་དོན་ག་རེ་ཡིན་ནམ། ངེས་པར་སྤྱི་འཐུས་འགན་ལེན་མེད་པ་འདི་ཚོའི་བྱ་སྤྱོད་བཟང་ངན་གང་ཡིན་སྤྱི་འཐུས་ལྷན་ཚོགས་ནས་ཞིབ་འཇུག་བྱས་ཏེ་བོད་གཞིས་བྱེས་གཉིས་ཀྱི་མི་མང་ལ་གསལ་བཤད་ཅིག་ངེས་པར་གནང་དགོས།
ཕྱི་སྡོད་བོད་མི་ཀུན། བསམ་བློ་རྣལ་མ་ཐོང་ཏ། ངས་བསམ་ན་བོད་ཕྱི་ན་ཡོད་པ་དག་ངོ་ཚ་དགོས་པའི་དུས་རེད། ལྷག་པར་ཏུ་བོད་གཞུང་གི་ཆབ་སྲིད་དབུ་ཁྲིད་དག་དང་། ཆབ་སྲིད་ཚོགས་པ་ཁག་གི་དབུ་ཁྲིད་དག་ངོ་ཚ་དགོས། མི་མང་དཀྱུས་མ་རྣམས་ཡང་རང་བཞིན་དུ་འདུག་རན་མིན།
གཞེས་བཞུགས་བོད་མི་ཚོས་རིན་ཐང་བྲལ་བའི་སྲོག་ཡང་བཏང་ཐུབ་ན། དབུ་ཁྲིད་ཚོས་འཛམ་གླིང་གསར་འགྱུར་དུ་བཟོ་མ་ཐུབ་པ་ལ་ངོ་མི་ཚ་འམ། ཉིན་མཚན་བར་མེད་དུ་འདིའི་ཆེད་དུ་ལས་ག་མ་བྱས་པར་ཁྲི་ལ་འགྱང་ཕོད་དམ། འདི་ལས་ཆེ་བའི་གསར་འགྱུར་ཞིག་ཡོད་ཚུལ་མེད་མོད། འོན་དེ་འཛམ་གླིང་གིས་མཐོང་ཐུབ་མེད་པ་ང་ཚོའི་རང་སྐྱོན་མ་རེད་དམ། ངོ་མི་ཚ་འམ།
འདི་ནི་རང་དོན་དུ་རང་སྲོག་བཅད་པ་མ་རེད་མོད། འདི་ལས་ལྷག་ཞིག་བྱེད་རྒྱུ་མེད་མོད། འདི་ནི་རང་བྱུང་གི་གོད་ཆགས་ཙམ་མ་རེད་མོད། ཅེས་ཕྱིར་འཛམ་གླིང་ལ་ཁྱབ་པའི་གསར་འགྱུར་དུ་མ་ཁྱབ་པ་རེད། བོད་ཀྱི་ཆབ་སྲིད་དབུ་ཁྲིད་ཚོས་མཐུས་ཤོར་རེད། འདི་ལ་མཐུས་ཤོར་གཏོང་ཕོད་ན། གཞན་མི་ཕོད་པ་ཞིག་ཡོད་དམ། བོད་ནས་གཅེས་སྲོག་བློས་བཏང་ཡང་། པར་རྣམ་དག་ཞིག་མི་འབྱོར་བ་ལ་ལྟོས་དང་། འདི་ནི་བྱེས་སྡོད་ཚོས་ཁོང་ཚོར་ཤེས་ཡོན་སྤྲད་མ་ཐུབ་པ་རེད། བློ་ཕམ ལྷག་པར་དུ་སྐུ་ངོ་ཚོ་ངོ་རེ་མི་ཚ་འམ།
མར་མེ་ཁྲོམ་སྐོར་ལས་གཞན་ཞིག་བྱེད་མི་ཤེས་སམ། ཤུ་རེ་གོ་ཡིན་ན། ཨོ་སུ་ཁྲིའུ་ལིའུ་ཡའི་ཆབ་སྲིད་པ་དག་ཤི་སོང་ངམ། དབུ་ཁྲིད་དག་ཤི་སོང་ངམ། ཅིག་བྱེད་རན།