སྐུ་སྲོག་མེ་ལ་སྒྲོན་པ་འཚེ་བར་བཤད་མཁན་ཚོར་ཟློ་བ།

ཤར་ཁུག
གཅིག མ་གཞི་ཁྱོད་རང་གིས་རང་རློམ་རང་ཆེའི་བསམ་སྤྱོད་ལ་འགྱུར་བ་ཞིག་བཏང་ན་ཡག་ས་རེད་ད། དེ་ནི་ཁྱོད་རང་གི་སྣང་བརྙན་ལ་འབྲེལ་བ་ཆེན་པོ་ཡོད་པས་སོ།།
གཉིས། ཁྱོད་ཀྱིས་ཁྱོད་རང་གི་སྐད་ཆ་བཤད་ཐལ་བ་ངོས་འཛིན་མེད་མཁན་ཞིག་ཡིན་ན། ད་ནས་བཟུང་། ཁྱོད་རང་ལ་རྦད་དེ་ཉོབ་སོང་།
གསུམ། འདྲེ་མགོ་རྡོ་ཟེར་བ་དེས་ཀྱང་སྤྱི་ཚོགས་ནང་གི་བཤད་ཡམས་མང་པོ་ཞིག་བཏུས་ནས་བསྒྲགས་ཀྱིན་པ་ལས་གཞན་གྱི་ཁྱད་ཆོས་ཤིག་མ་མཐོང་།
བཞི། ངའི་མིག་དེ་སྐུ་ཞབས་ལུང་རིགས་རྒྱལ་ལགས་ཀྱིས་ཁ་ཕྱེས་པ་ཡིན་ཟེར་ན་མི་ཆོག་རྒྱུ་མེད། ང་སྐྱབས་བཅོལ་བ་ཆགས་ནས་བཟུང་ནས། ཁོང་གིས་བརྩམས་གནང་བའི་རྩོམ་ཆོས་མང་པོ་ཞིག་གིས་ངའི་མིག་ལ་རྒྱ་བསྐྱེད་པ་འདྲའོ།། དེའི་ཆ་ནས། ངས་ཁོང་ལ་གུས་བཀུར་ལོས་ཞུ། ད་རུང་། ཁོང་གིས་གང་ཞིག་བརྩམས་ན། རྒྱབ་མདུན་ཡོད་སའི་བསམ་གཞི་ཞིག་འཇོག་པ་ལས་ཞག་རྩི་མེད་ས་ཞིག་རྩ་ནས་མི་འདུག་ན། དེ་བས་ཀྱང་ཁོང་ལ་མིག་དཔེ་བལྟ་ན་འདོད་དོ།།
ལྔ། ང་ལུང་རིགས་རྒྱལ་དང་ནོར་གི་ཡོད་ན། ཁྱོད་ཀྱི་བསམ་བློས་བློ་རིག་ཟིན་མི་འདུག དེ་མིན་འགྲེལ་བཤད་བྱེད་འདོད་མི་འདུག ཡུན་གྱིས་གསལ་བས་ནའོ།།

བཀུར་འོས་དྲ་གྲོགས་རྣམ་པ་ལགས། སྤྱིར་ན་བསམ་ཚུལ་བརྗེ་རེས་དང་རིག་པའི་དཔྱད་པ་བཏང་ནས་རྣམ་དཔྱོད་ཀྱི་སྒོ་མོ་ཡངས་པོར་བྱས་ན་ཡར་རྒྱས་ལ་ཕན་ཐོག་ཆེན་པོ་རེད། སྐབས་དེར་བོད་ནང་གི་ཛ་དྲག་གནས་སྟངས་ལ་གཟིགས་དང་དྲ་དངོས་འདི་ནས་ངའི་ཁ་དང་ཁྱོས་རྣ་ཟེར་ནས་ཕན་ཚུན་ལ་སྡུག་མོས་བྱེད་པའི་དུས་ཤིག་མིན། དེ་ལས་ཀྱང་གཞི་ལུས་རྒྱ་ཆེས་མི་མང་གི་སྤྱོར་དངོས་འཇིགས་གསུམ་ནས་རང་ཐག་གཙང་བཅད་ཀྱི་རང་སྲོག་གཙང་མ་བོད་མི་རིགས་ཀྱི་འཐབ་བརྩོད་ཆེད་དུ་བློས་བཏང་རླབས་ཆེན་གྱིས་ལས་འགུལ་འདི་ལ་ང་ཚོས་རྗེས་སུ་ཡི་རིང་བྱེད་པ་ལས་ཟློག་སྟེ་འཚེ་བ་ཡིན་རབས་བཤད་ནས་སྐྱོན་བརྗོད་ཀྱི་རྣམས་པའི་ཟུར་བཟའ་བྱས་ན་ཤིན་ཏུ་མི་འོས། རང་དབང་ལུང་བའི་ནང་ནས་ང་ཚོས་སྣང་བ་གང་དྲན་བྱས་ནས་ཁོང་ཚོས་སྙིང་སྟོབས་དང་ཕུགས་འདུན་གྱི་དགོས་དམིགས་ལ་ཁ་སྐམ་པོའི་ནང་ནས་སྐད་ཆ་སྐམ་པོ་བཤད་མི་ཉན་ལ་བཤད་དགོས་པའི་དངོས་ཡོད་ཀྱི་དབང་ཚད་ཀྱང་ཁྱོན་ནས་མེད་པ་གསལ་བོ་ཤེས་པར་བྱོས། ང་ཚོ་ལ་སྐབས་བབས་ཀྱི་ལས་འགན་ཡོད་པ་ནི། རང་རང་སོ་སོས་ཐད་ནས་ནུས་པ་གང་ཡོད་ཀྱིས་ལས་འགུལ་སྤེལ་རྒྱུ་སོགས་ཡིན།

རང་ལུས་མེར་བསྲེགས་བཏང་བྱ་བ་འདི་ནི་སྲིད་ཕྱོགས་ནས་བཤད་ན་རླབས་ཆེན་གྱི་དཔའ་བོ་ཞིག་དང་ལ་རྒྱ་ཆེན་པོ་ཅན་གྱི་མི་ཞིགས་རེད་ལ་ཆོས་ཕྱོགས་ནས་བཤད་ན་བླུན་པོ་ཕྱུགས་བས་ཀྱང་བླུན་པའི་བྱ་བ་ཞིག་ཡིན་ལ་མི་ལུས་ལན་གཅིག་ཐོབ་པའི་དལ་འབྱོར་འདི་ཆུད་ཟོས་སུ་བཏང་བ་མ་ཟད་གསང་སྔགས་ཀྱི་དབང་དུ་བྱས་ན་ཞི་ཁྲོ་དམ་པ་རིགས་བརྒྱའི་ལྷ་ཚོགས་མེར་བསྲེགས་བཏང་བ་ཡིན་པས་སྡིག་པ་དེ་ལས་ལྕི་བ་བསགས་ཐབས་བྲལ་བ་ཡིན་ནོ།།

ཨ་མགོ་སྟོང་ཚོ། ད་འཚེ་བ་ཡིན་མིན་རྩོད་པའི་དུས་ཚོད་མ་རེད་ཡ། བདེན་པའི་འགུལ་བསྐྱོད་ནང་དུ་གང་མང་མང་འཛུལ་ཞུགས་གནང་རོགས།

ཁྱེད་ཅག་གིས་འཆད་བཞིན་པ་འདི་དག་ལ་ངས་གོ་བ་ལེན་ཐུབ་ཀྱི་མི་འདུག རྒྱལ་གཅེས་པས་སྐུ་ལུས་མེ་ལ་སྒྲོན་པ་དེ། འཚེ་བའི་མེད་ཀྱི་ལས་དང་བརྒལ་ཡོད་མེད་ཀྱི་སྐད་ཆ་ནི། བོད་ཀྱི་ཤེས་ཡོན་པ་ཞིག་གིས་བཤད་འོས་པ་ཞིག་ཏུ་མཐོང་མ་སོང་ལ། རྒྱལ་གཅེས་པ་འདི་དག་གིས་ལས་འགུལ་སྤེལ་སྟངས་འདི་བྱང་ཆུབ་སེམས་དཔའི་སྤྱོད་པ་ཡིན་མིན་གྱི་སྐད་ཆ་དེའང་འབྲེལ་མེད་དོན་གཞན་ཞིག་རེད་འདོད། འཚེ་བ་མེད་པའི་ལས་འགུལ་ཞེས་པ་ནི། ནང་པ་སངས་རྒྱས་པའི་གཞུང་ནས་བྱུང་བ་ཞིག་མིན་ལ། ཤེས་ཡོན་པ་ཞིག་གིས་གང་དྲན་དུ་བཤད་ཆོག་པ་ཞིག་གཏན་ནས་མ་རེད། དེ་ནི་གན་དྷི་མཆོག་གིས་གསར་བཏོད་བྱས་པའི་འཐབ་རྩོད་ཀྱི་ལམ་བུ་ཞིག་རེད། དེ་དང་མ་འགལ་ན། འཛམ་གླིང་གིས་འཚེ་མེད་ཞི་བ་ཟེར་ལ། དེ་དང་འགལ་སོང་ན་འཚེ་བ་ཟེར་བཞིན་ཡོད་པ་ལས་སངས་རྒྱས་ཆོས་དོན་དང་འགལ་མི་འགལ་ལ་འབྲེལ་བ་ཁྱོན་ནས་མེད་དོ། གན་དྷི་མཆོག་གིས་”འུ་ཅག་ལ་རང་དབང་གི་རྒྱལ་ཁ་མ་ཐོབ་གོང་ཟུངས་ཁྲག་གི་གཙང་པོ་བཞུར་དུ་འཇུག་དགོས་ཀྱང་སྲིད། འོན་ཀྱང་ཟུངས་ཁྲག་དེ་ངེས་པར་དུ་འུ་ཅག་གི་ཟུངས་ཁྲག་ཡིན་དགོས་”གསུངས་པ་འདི་དང་བོད་ཀྱི་རྒྱལ་གཅེས་དཔའ་བོ་དག་གིས་བྱེད་སྟངས་དང་ཡོངས་སུ་མཐུན་པ་རེད།
རྒྱབ་སྐྱོར་འདི་ལ་ཡོད།

བཀའ་ཤག་སྐབས་བཅུ་བཞི་བའི་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་གིས་རང་ལུས་མེར་བསྲེགས་བཏང་བ་དེ་འཚེ་བའི་ལས་ཡིན་པར་ངོས་འཛིན་བྱས་ཡོད། དེ་ནི་སོ་སོའི་ལུས་ལ་འཚེ་བ་བྱས་པས་ན་འཚེ་བའི་ལས་ཡིན་པར་བསྒྲུབ་ཡོད། ངས་བསམ་ན་འདི་ལས་འདི་འཚེ་བ་ཡིན་དང་མ་ཡིན་གྱི་རྩོད་པ་འདི་གོ་རིམ་གྱི་ཐོག་ནས་ཡོང་གི་འདུག་དྲན་ཡོད། བྱེད་ལས་དེའི་ངོ་བོ་ཙམ་ལ་འགྲེལ་བཤད་བརྒྱབ་ན་འཚེ་བ་རེད། འོན་ཀྱང་། འཚེ་བའི་ཀུན་ནས་བསླངས་པའི་ལས་དོན་ཞིག་མིན་སྟབས། འཚེ་བའི་ལས་སུ་བགྲང་ཐབས་མེད་པ་ཞིག་རེད།

བཤད་འདོད་པ་གཞན་ཞིག་ནི། ཨ་འདུས་མིག་ཆུ་ཁྱོད་ངུ་གི་མ་འདུག་ཟེར་འདོད་བྱུང་། མ་ཤེས་ཤེས་མདོག་དང་། མ་ཡིན་ཡིན་མདོག་སྟོན་གི་མ་འདུག་རོགས། ཁྱེད་ཀྱི་རྩོམ་ཡིག་དང་དཔྱད་མཆན་དག་ལ་ཉོབ་སོང་།

དོན་འགྲུབ་བཀྲ་ཤེས་ཞེས་པ་དེས་༼ཡེ་ཤུ་སྟོན་པས་རང་ལུས་རྒྱངས་ཤིང་ཐོག་ལྕགས་གཟེར་བརྒྱབ་ཏེ་སྐུ་གྲོངས་པ་དེ་འཚེ་བའི་ལས་སུ་བརྩི་འམ། ༽དྲི་བ་འདི་ག་རེ་བྱས་ནས་བཏོན་པ་ཡིན། ཡེ་ཤུ་སྟོན་པས་ཞེས་བྱེད་སྒྲ་སྦྱར་དགོས་དོན་གང་ཡིན་ནམ། རང་ལུས་རྒྱངས་ཤིང་ཐོག་ལྕགས་གཟེར་རྒྱག་མཁན་དེ་སྟོན་པ་རང་ལས་གཞན་ཞིག་ཡིན་པ་མ་ཤེས་སམ། དེ་མ་ཤེས་ན་ཉིད་ཀྱི་དྲི་བ་འདི་ངོ་མ་ཡ་མཚན་ཞིག་བཏང་འདུག་སྙམ།

འཚེ་བའི་གོ་དོན་མ་རྟོགས་པའི་མི་རིགས་སྐོར་ཅིག་དང་འཚེ་མེད་ཀྱི་གཞུང་ལུགས་མ་མྱོང་བའི་སེམས་ཅན་ཁྱུ་ཅིག་གིས་གཏམ་གྱི་སྒྱུ་ཉོག་གི་བཙོག་རོ་ཡར་འཐེན་མར་འདྲུད་བྱེད་ཀྱིན་འདུག སྤྱིར་ན་འདིའི་སྐོར་ལ་སྐད་ཆ་ཞིག་མ་འཕེན་འདོད་མ་བསམ་ཡང་གཏམ་ཆོ་ངེ་བ་ཞིག་ལ་རིན་ཅན་གཞལ་མཐར་བགྲང་ན་དོན་ཆེན་དོན་ཆུང་དུ་བརླག་ཉེན་སྲིད་པས་སུག་བྲིས་བྱས་པའི་གཏམ་འདི་ཐོལ་གྱི་གློད་པ་ཡིན།
རང་ལུས་མེར་བསྲེག་གི་ལས་འགུལ་འདི་འཚེ་བ་མེད་པའི་སྒྲུབ་བྱེད་ལ་སྔོན་དགེ་སྦྱོང་གོ་ཏ་མ་དག་པའི་སྐྱེ་བ་དང་མ་དག་པའི་སྐྱེ་བ་ལྔ་གཉིས་བསྡོམ་ནས་སྐྱེ་བ་གཅིག་སྟོང་དང་སྟག་མོ་ལུས་སྤྱིན་གྱི་རྟོག་བརྗོད་དང་འབྲེལ་ནས་འཚེ་མེད་ཀྱི་སྒྲུབ་བྱེད་དུ་བཀོད་འདུག ཀླད་སྟོང་ཞིག་རྩོད་གཞི་བཟུང་ནས་ཆོས་སྲིད་ཀྱི་སྤུ་རིས་འབྱེད་མི་ཤེས་པའི་མགོ་མེད་ཅིག་ལ་ཡོད་ཚད་མཉམ་བསྲེས་དང་བདེན་རྫུན་ལྷན་དཀྲོག་བྱེད་ཆོག་པ་དེ་ལ་གཞིགགས་ན་སྒྲུབ་བྱེད་དེ་ལྟར་འགྲོ་སྲིད་ཀྱང་ཆོས་སྲིད་ལ་བློ་སྒོ་ཕྱིས་པའི་སྐྱེས་བུ་ཞིག་ལ་སྔར་གྱི་རྒྱུ་མཚན་དེ་ལྟར་རྟགས་སུ་བཀོད་ན་ཁོང་དགོད་ཤོར་ནས་འགལ་ལ་ཁད་བྱེད་ངེས་རེད །
མི་ཡིན་ཟེར་མཁན་དང་ང་ཅིག་ཡིན་མདོག་མདོག་བྱེད་པ་པོ་ཤར་ཁུག་གིས་འཚེ་བ་ཡིན་མིན་དེ་མངོན་འདོད་ལ་རག་ལུས་ཚུལ་དང་གཞན་ཀུན་སློང་ཐུག་ཡོད་ཟེར་མཁན་ཚོས་ཆོས་ལུགས་ཀི་བཤད་ཚུལ་རེད་ཅེས་ཆོས་ལུགས་སམ་ཆོས་པ་ཚོར་ཟུར་ཟ་བྱེད་ཁུལ་གྱིས་སྡོམ་ཚིག་ཐེབས་ཆག་ཅིག་བཀོད་འདུག་མོད། མངོན་འདོད་དམ་རེ་འདུན་ངན་པ་བཅང་ནས་མེར་སྲེག་མཁན་ཚོའི་འཚེ་བའི་ལས་བྱས་པ་དང་རེ་འདུན་ནམ་མངོན་འདོད་བཟང་བ་བཅང་ནས་མེར་སྲེག་མཁན་ཚོའི་འཚེ་མེད་ཀྱི་ལས་བྱས་པ་ཡིན་པར་མདོར་བསྡུས་ན་འདི་བཤད་ཁུལ་བྱས་ཡོད་ཀྱང་དེ་ཙམ་གྱིས་འཚེ་བ་དང་འཚེ་མེད་ཀྱི་ཁྱད་པར་ཅི་ལྟར་འབྱེད་འདུག ཀུན་སློང་མེད་པའི་མངོན་འདོད་ཅན་གྱི་སྐྱེས་བུ་སུ་ཞིག་ཡོད །

ང་ཚོ་གང་ཞིག་གི་རྐྱེན་ཡིན་ནམ། རང་ཕྱོགས་ལ་ཤ་ཚ་དེ་འདྲ་ཆེ་ཞིང་རང་ཉིད་ཀྱི་བསམ་ཚུལ་ཁོ་ན་གཙུག་ཆེན་འཛིན་དོན་འདི།
སྐྱེ་ཆེན་ཚོས་ཀྱང་གོམས་ཕྱོགས་དང་ཁ་ཕྱོགས་ཙམ་མིན་པར་དོན་ལ་སྨིན་པའི་ལམ་སྟོན་དགོས་གལ་མཐོང་། གཡོ་གྲུ་བཞིན་བསྐྱོད་ཆོག་པ་ཚོས་ཀྱང་ལུང་འདྲེན་རྫིག་ཐག་ཞིག་འཁྱེར་ནས་རྩ་བ་བོར་ནས་ཉོག་བཤད་མི་བྱེད་པར་དོན་དམ་གྱི་འབྲེལ་ལམ་དང་། སྔ་རྗེས་གཉིས་ལ་བསམ་ཞིབ་མ་ནོར་བ་ཞིག་གཏོང་རྒྱུ་ཁ་ཚ་དགོས་གཏུགས་དང་སེམས་རྒྱ་ཆེར་བསྐྱེད་དགོས་པ་མཐོང་།

དཔེ་ཡག་པོ་བྲིས་འདུག

ཆོས་ཉམས་ལེན་གྱི་སྐབས་སུ། མིག་རྒྱང་སྲིངས། ཁོག་གསང་ལྷོད། ཅེས་གསུངས་འདུག

ནད་པ་ལགས་ཀྱི་གསུང་པ་དེ་བདེན་པར་མཐོང་སོང།

སྤྱིར་འཚེ་བའི་ལས་ཟེར་བ་དེ་ལ་ནང་ཆོས་ཕྱོགས་ནས་འགྲེལ་བཤད་ཞིག་བརྒྱབ་ན་གཙོ་བོ་སྐྱེ་བོ་གང་ཟག་དེ་ཉིད་ཀྱི་སེམས་ཀྱི་ཀུན་སློང་ལ་རག་ལུས་པ་དང་ཀུན་སློང་དེས་བྱ་བ་དང་ལས་རྩོམ་བཞིན་ཡོད་སྟབས། གཞི། བསམ་པ། སྦྱོར་བ། མཐར་ཐུག་བཅས་ཡོངས་སུ་རྫོགས་ན་འཚེ་བའི་ལས་སུ་འགྲོ་བ་རེད།

དཔེར་ན་གཞི་རྒྱ་ནག་དམར་ཤོག་དེ་ང་ཚོའི་དགྲ་བོ་ཞིག་ཡིན་བསམས་པ་དང་། བསམ་པ་དེ་དམར་ཤོག་དེར་ཁོང་ཁྲོའི་མེ་ལྕེ་དྲག་པོ་འབར་བས་རྒྱ་དམར་མཐར་སྐྲོད་བཏང་བསམ་པ། སྦྱོར་བ་དེ་རིང་ངས་རང་ལུས་མེ་རུ་བསྒྲོན་རྒྱུར་ཐག་བཅད་པ། མཐར་ཐུག་རང་ལུས་མེ་རུ་བསྒྲོན་ཏེ་ངས་བཙན་རྒྱལ་རྒྱ་དམར་བོད་ནས་མཐར་བསྐྲོད་གཏོང་རྒྱུའི་ཆེད་དུ་དེ་རིང་ད་ང་ཤི་སོང་བསམས་པའི་མཐར་གཞི་བསམ་པ་སྦྱོར་མཐར་ཐུག་བཅས་རྫོགས་ན་དེ་ནི་འཚེ་བའི་བྱ་བ་ཞིག་ཡིན་པ་བཤད་མི་དགོས།

ཡང་སྤྱིར་སངས་རྒྱས་ཀྱི་བསྟན་པ་དང་། སྒོས་བོད་མི་རིགས། ཡང་སྒོས་རྒྱ་མི་རིགས་བཅས་སྐྱེ་བོ་དུང་ཕྱུར་མང་པོའི་ཆེད་དུ་ངས་ཕན་པའི་བྱ་བ་རླབས་ཆེན་ཞིག་བསྒྲུབ་བསམ་པ་དེ་གཞི་དང་། བསམ་པ་དེ་རྒྱ་ནག་གཞུང་གིས་སྲིད་ཇུས་དེ་ཇི་ལྟར་བྱས་ཀྱང་ཡག་པོ་མེད་སྟབས། ངས་དེ་ལ་ངོ་རྒོལ་ཐ་གཅིག་ཏུ་བྱ་བསམས་པ། སྦྱོར་བ་དེ་ངས་གཞན་བྱ་བ་ཅི་ཡང་བསྒྲུབ་པའི་སྟོབས་ཤུགས་མེད་ཀྱང་རང་གི་གཅེས་པའི་ཚེ་སྲོག་དེ་གཞན་དོན་ཆེད་དུ་མེ་རུ་བསྒྲོན་པ། མཐར་ཐུག་སྐུ་ལུས་མེ་ལ་བསྒྲོན་ནས་ད་ངས་བསྟན་དང་འགྲོ་བའི་དོན་དུ་རང་ཉིད་ཀྱི་ལུས་སྲོག་ལོངས་སྤྱོད་དང་བཅས་པ་ཡོངས་སུ་བློས་བཏང་ཚར་བསམས་པའི་མཐར་འཇུག་གི་ཀུན་སློང་བཅས་ཡོངས་སུ་རྫོགས་ན་འཚེ་མེད་ཞི་བའི་གཞན་ཕན་གྱི་བྱ་གཞག་ཆེས་བླ་ན་མེད་པ་ཞིག་བསྒྲུབས་པ་དེ་རེད།

དེ་ནི་ངས་གང་ཟག་དམ་པ་གང་དེའི་ཀུན་སློང་ལ་གཞི་བཅོལ་ཏེ་འཚེ་བ་དང་འཚེ་མེད་ཀྱི་ལས་ཟེར་བ་དེར་འགྲེལ་བཤད་བྱས་ཁུལ་ཙམ་ཞིག་ཡིན།

ཡིན་ནའང་འོད་དཀར་ལགས་ཀྱིས་རྩོམ་ནང་ནང་ཆོས་ཐོག་ནས་བཤད་ན་ཐ་གཅིག་ཏུ་དེ་ནི་འཚེ་མེད་ཞི་བའི་བྱ་བ་ཞིག་ཡིན་པར་བཤད་ན་མི་འགྲིག གང་ཡིན་ཟེར་ན་ནང་ཆོས་ཐོག་ནས་བཤད་ན་རང་ཉིད་རང་གི་བསད་ན་དེས་ལས་ཀྱི་འབྲས་བུར་ཚེ་རབས་ཕྱི་མ་སྐྱེ་བ་ལྔ་བརྒྱའི་བར་དུ་རང་ཤི་བརྒྱབ་དགོས་པའི་ལས་བསགས་ཡོད། ད་དུང་གསང་བསྔགས་རྡོ་རྗེ་ཐེག་པའི་ལུགས་ནས་བཤད་ན་རང་ལུས་ཡི་དམ་རྒྱལ་བའི་དཀྱིལ་འཁོར་གྱི་ལྷ་ཚོགས་མ་གུས་པ་དང་། མ་དད་པའི་ལས་ངན་བསགས་པ་མ་ཟད་གསང་བསྔགས་ཀྱི་རྩ་བལྟུང་ཡང་ཕོག་པ་ཡིན། ད་དུང་རང་ལུས་དམར་པོའི་མེ་རུ་བསྒྲོན་པ་དེས་ནི་འཚེ་བ་དྲག་པོའི་ལས་སྦྱོར་གྱི་ངོ་བོ་ཞིག་ཏུ་གྱུར་པ་རེད།

ཡིན་ནའང་འཇིག་རྟེན་སྲིད་ཕྱོགས་ཀྱི་ངོ་བོའི་ཐོག་ནས་བལྟས་ན་དེ་ནི་མོའི་ཡིས་བཤད་པ་ལྟར་སྐྱེ་བ་བོད་མི་རིགས་གཅིག་ཏུ་སྐྱེས་པ་དེ་རླབས་ཆེན་ཞིག་དང་། ཤི་བ་བོད་རྒྱལ་ཁབ་དང་མི་རིགས་ཀྱི་དོན་དུ་འཆི་བ་དེ་ནི་གཟི་བརྗིད་གཅིག་རེད།

ད་དུང་རང་གིས་གཅེས་པའི་ཚེ་སྲོག་དེ་རྒྱལ་ཁབ་དང་། མི་རིགས། སྤྱི་ཚོགས། འབྱུང་འགྱུར་ཕུགས་བསམ་བཅས་ཀྱི་ཕྱིར་བློས་བཏང་བྱས་པ་དེ་ནི་ཆེས྄ཕུལ་བྱུང་གི་སྙིང་སྟོབས་དང་། ཆེས་ལོ་རྒྱུས་ཐོག་འཁོད་ངེས་པའི་རྒྱལ་གཅེས་ཀྱི་དཔའ་མོའམ་དཔའ་མོ་ཞིག་ཡིན། དེ་ནི་ཆེས་རླབས་ཆེན་གྱི་བྱ་བ་ཞིག་དང་མི་རིགས་ཀྱི་གཟི་བརྗིད་གཅིག་ཆགས་ཡོད།

གོང་ནས་ཅང་ཟློ་རྒྱུ་ཞིག་རྙེད་མི་འདུག་སྟེ། ཞབས་མཆན་ནང་ཅིག་ཟློ་ཁུལ་བྱེད་ཀྱི་འདུག་མོད། རབ་ཏུ་བྱུང་ན། ཁྱེད་ཚོས་སྐབས་འདིར་འཚེ་བ་ཡིན་མིན་གྱི་སྐོར་ལ་རྩོད་པ་ཚིག་གཅིག་མ་རྒྱབ་ན་ཡག་གི་རེད།

འཚེ་བ་མེད་པའི་ལས་འགུལ་ཡིན་མིན་ནི། ལས་འགུལ་སྤེལ་བ་པོ་དེའི་མངོན་འདོད་བདེན་པ་ཡིན་མིན་ལ་ཐུག་ཡོད། ལྷག་ཏུ་རྒྱ་བོད་ཀྱི་བར་ནས་བཤད་ན། ༣་ཚེས ༡༦ ནས་རང་ལུས་མེར་བསྲེགས་གཏོང་མཁན་རྣམས་ཀྱིས་གང་ལ་གཟས་པ་དང་། གང་རྩོད་ཀྱི་ཡོད་པ་དེ་བོད་མིའི་མངོན་འདོད་དང་ཡོངས་སུ་མཐུན་ལ། བོད་མིའི་བདེན་དོན་འཐབ་རྩོད་ཀྱི་སྣེ་ཁྲིད་ལྟ་བུར་ཆགས་ཡོད་པས། བོད་ཀྱི་རང་དབང་འཐབ་རྩོད་ནང་འཚེ་བ་མེད་པའི་སྣེ་ཁྲིད་རང་བཞིན་གྱི་ལས་འགུལ་ལོ་རྒྱུས་ལྡན་པ་ཞིག་ཆགས་ཡོད། འཚེ་བ་ཡིན་མིན་ལ། ཀུན་སློང་གིས་འགྲེལ་བཤད་རྒྱག་མཁན་དག་ནི་ཆོས་ལུགས་པ་དག་རེད། སྐྱེ་བ་ཕྱི་མ་སྨྲ་མཁན་རྣམས་ཀྱི་བཞེད་ཕྱོགས་རེད། ཡིན་ནའང་། འཐབ་རྩོད་པ་འདི་ཚོས་རྒྱ་ནག་གཞུང་གི་བ་སྤུ་ཙམ་ལ་མ་རེག་པར་བོད་མི་རིགས་ཀྱི་སྡུག་བསྔལ་ར་སྤྲོད་ཀྱི་མེ་ལྕེ་སྦར་ཡོད། རང་གི་ལུས་སྲོག་ལོངས་སྤྱོད་བློས་གཏོང་གི་མེ་ལྕེ་སྦར་ཡོད་པས། བོད་མི་རིགས་ཀྱི་རང་དབང་འཐབ་རྩོད་ནང་བོད་ཀྱི་གནས་བབ་བདེན་པར་བརྗོད་པའི་མེ་ལྕེ་ལྷབ་ལྷབ་དག་ཡིན། བོད་མི་རིགས་ཀྱི་མངོན་འདོད་བདེན་པར་བརྗོད་པའི་མེ་ལྕེ་ཡང་ཡིན་ལ། བོད་ལ་བདེན་པ་ཡོད་པས་རྫུན་གོག་རྨེག་མེད་དུ་བསྲེགས་པའི་མེ་ལྕེའང་ཡིན་པ་ཟད། འཛམ་གླིང་གི་གྲུ་ཟུར་གང་དུའང་བདེན་པར་རྡོག་རྫུས་གཏོང་མཁན་གཞོམ་བསྲེགས་བྱེད་མཁན་གྱི་མེ་ལྕེ་ཡིན་པས། བོད་མི་རིགས་ཀྱིས་འདི་ལ་འཚེ་བ་མེད་པའི་བདེན་པའི་ལས་འགུལ་ཟེར་ལ། མྱིའི་འཇིག་རྟེན་འདིར་འདི་ལ་༼ མྱི་དོན་སྨྲ་བའི་མེ་ལྕེ ་༽ཞེས་གདགས་ཆོག་པ་ཡིན།

ལར་ནས། ཆེ་ཆུང་གཞུང་སྒེར་སུས་ཀྱང་། འདི་ལ་བོད་མི་རིགས་ཀྱི་བདེན་དོན་གྱི་ངོས་ནས་གཟིགས་པ་ལས། ཆོས་ལུགས་ཀྱི་མིག་དང་ལྟ་གྲུབ་བྱེ་བྲག་པའི་མིག་ནས་གཟིགས་ཚེ། དེ་ཚད་ལྡན་དུ་མི་འགྲོ་བ་ཐག་གཅོད་ཡིན།

སྤྱིར་བཏང་སྐད་ཆ་འདི་རིགས་བཀྲམས་མཁན་མང་པས་ང་འདིར་སླེབས་པ་ལས། འོད་དཀར་གྱི་རྩོམ་ཡིང་གཏི་ཐུག་འདིས་དྲངས་ནས་ང་འདིར་ཡོང་བ་མིན།

རྒན་རབས་པ་མྱི་ནག་ཚང་ལགས། སྐབས་འདི་འདྲ་ལ། བགྲོ་གླེང་ཟེར་བས་སྐོར་བ་རྒྱག་གི་འདུག་རྒྱུ་ལས། དོན་ངོ་མ་བསྟན་བཞག་ན་དེའང་མཆཽག་གྱུར་ཞིག་རེད།

ངས་གང་བཤད་འདོད་པ་ནི། ཁྱེད་ཀྱིས་གནས་བབ་འདི་ཤེས་བཞིན་དུ། དེ་རིང་སང་ཉིན་སྐད་ཆ་རྫིག་པོ་བཤད་ཀྱིན་འདུག བོད་ཀྱི་རིག་གནས་དང་ཅི་ལྟར་མ་མཐུན་ཚུལ་བཀོད་རྒྱུ་ཡོད་ན། ངས་དེར་དཔྱད་གསུམ་དག་པའི་ལན་མ་རྙེད་ན། ངས་གོང་དུ་ཁྱེད་ལ་སྡོམ་རྒྱབ་པ་དེ་ཕྱིར་རང་གི་མགོ་ལ་བླངས་ནས་ཁྱེད་ཀྱི་དགོངས་ཚུལ་ལ་ཕྱག་འཚལ་ཐུབ། དེ་མིན་སྐད་ཆ་རྫིག་པོ་མ་བཤད་ན་དགའ་ས་རེད། སྐུ་ཞབས་ལུ་རིགས་ལགས།

ཤར་ཕྱོགས་ཁུག་རྟ་ལགས། མི་ལེགས་མི་རྒྱན་ཚུལ་གྱི་གནས་ལུགས་དེ་ཚོ་རྡོ་སྒྲིག་སྒྲིག་དང་ཆུ་བཞུར་བཞུར་བྱས་ན་མི་ལེགས་སམ།

ད་དགོད་ཀྱི་ཡོང་གི འཚེ་བ་རེད་མ་རེད་ཟེར་ནས་རྩོད་མཁན་དེ་དག་ལ་ཡ་བྱེད་དགོས་ཀྱི་མ་རེད། དེ་རྣམས་དེའི་ས་རུ་བཞག་བཞག་ན་ཡག་ཤོས་རེད། སྐད་ཆ་འདི་འདི་ལྟར་ཡལ་འགྲོ་ཡི་མ་རེད་ལ། སྐད་ཆ་འདི་སླེབས་པས་གནད་དོན་གྱི་ངོ་བོ་ཁ་གཞན་ཞིག་ཏུའང་བསྒྱུར་ཐུབ་ཀྱི་མ་རེད། དེ་ནི་རང་ཉིད་ནས་འགོ་བཙུགས་ཏེ་བདེན་པའི་ངོ་བོ་བདེན་པར་བསྒྱུར་ཐུབ་ལ་འབད་ན་ལས། འཚེ་མེད་ཞི་བ་ཡིན་མིན་རྩོད་རྒྱུ་བྱས་དུས། ད་གླེན་རྟགས་བསྟན་ཚར་བ་རེད། འཚེ་བ་ཡིན་མིན་དེའང་ནང་ཆོས་ལ་གཏུག་དགོས་མིན་དང་། ཡང་ན་ཅིག་གི་ཐག་ཆོད་ལ་གཏུག་དགོས་དོན་ཡོད་ཀྱི་མ་རེད། དེ་ཚེ་སྲོག་མེ་སྦར་མཁན་དེས་མངོན་འདོད་བདེན་པ་ཡིན་མིན་ལ་རག་ལས་འདུག་སྟབས། ཁོང་རྣམས་ཀྱི་བློས་གཏོང་ལ་ལྟ་གྲུབ་ཡན་གར་བས་ལོག་འགྲེལ་བྱ་དགོས་དོན་མེད། མདོ་དོན་བོད་མི་རིགས་ཀྱི་དཀའ་ངལ་གྱི་ཚབ་མཚོན་བྱེད་ཐུབ་ཡོད་མེད་དེས་ཡོངས་སུ་ཐག་གཅོད་བྱས་ན་འགྲིག་པ་ལས་གཞན་སུ་གང་གིས་ཀྱང་མིན། དེ་བས་ཁོང་རྣམས་ཀྱིས་མེ་རུ་སྦར་དགོས་པའི་དམྱལ་བ་མི་ཡུལ་དུ་མྱངས་པའི་གནས་སྟངས་རྣམས་བདེན་པ་ཡིན། གནས་སྟངས་དེ་ལས་གྲོལ་ཆེད། གནས་སྟངས་དེར་བསྐྱལ་མཁན་གྱི་བ་སྤུ་ཚུན་ཆད་ལ་མི་གནོད་པའི་ཐོག་ནས། རང་གི་ཚེ་སྲོག་གིས་རང་གི་སྡུག་བསྔལ་གསལ་བཤད་བྱས་ན། བསྐལ་བ་སྟོང་ལའང་འཚེ་བ་ཡིན་ས་ཁྱོན་ནས་མི་འགྲོ།། རྗེས་ནས། ང་ཚོས་གླེན་རྟགས་བཏོད་ནས། རྒྱ་ནག་ཚང་གི་གླེང་ཕྱོགས་དང་མཐུན་པའི་འཚེ་བ་ཡིན་མིན་འདི་རྩོད་རྒྱུ་ཅམ་འཇོག་བྱས་ན་དགའ་ལ། དྲ་རྒྱ་རླུང་འཕྲིན་དག་གི་མདོ་འཛིན་པ་ཚོས་ཀྱང་བོད་མི་རིགས་ཀྱི་རང་དོན་འདི་ཐལ་དྲགས་པའི་མང་གཙོའི་ནང་བསྲེས་ནས་འཕྲོ་བརླག་ལ་མ་བཏང་ན་དགའ་ནི་རེད་དོ།།

སུ་ལ་ཟློ་བ་ཡིན་ན་༸གོང་ས་མཆོག་ལ་ཡིན་ས་རེད།