རེས་གཟའ་ཉི་མར་སུད་སིར་གནས་བཞུཊ་བོད་མི་དང་བོད་དོན་རྒྱབ་སྐྱོར་ཚོགས་པ་ཁག་གིས་མཉམ་འབྲེལ་རྒྱལ་ཚོགས་མདུན་དུ་བོད་དོན་ལས་འགུལ་སྤེལ་འདུག
འཛམ་གླིང་མཉམ་འབྲེལ་རྒྱལ་ཚོགས་དབུ་བརྙེས་པའི་དུས་སྐབས་དང་བསྟུན་ཏེ། སུད་སི་བོད་རིགས་ཚོགས་པའི་གོ་སྒྲིག་འོག ཟླ་འདིའི་ཕྱི་ཚེས་ ༢༣ ཉིན་སུད་སིར་གནས་སྡོད་བོད་རིགས་མང་ཚོགས་དང་བོད་དོན་རྒྱབ་སྐྱོར་བ་ཆིག་སྟོང་ ༡༠༠༠ བརྒལ་བས། ཉེ་ཆར་བོད་ནང་འདས་གྲོངས་སུ་ཕྱིན་པའི་དཔའ་པོ་དཔའ་མོ་ཚོར་གདུང་སེམས་མཉམ་སྐྱེད་ཆེད། འདས་པོའི་སྐུ་པར་སྦྱར་བའི་པུར་སྒམ་ཆེན་པོ་རེ་དང་། བོད་ཀྱི་རྒྱལ་དར་དང་འཕྲེད་དར་སྣ་ཚོགས་འཁྱེར་ཏེ། ཡུལ་དེའི་འཇི་ནེ་ཝར་ས་གནས་ནས་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལས་ཁུངས་མདུན་ཐང་བར་གཞི་རྒྱ་ཆེ་བའི་ཞི་བའི་སྐད་འབོད་གནང་འདུག་ལ། ཉིན་དེར་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་རྒྱ་གར་ནས་ཆེད་ཕེབས་ཀྱིས་ཐེངས་འདིའི་ལས་འགུལ་གྱི་སྣེ་ཁྲིད་གནང་ཡོད་པ་མ་ཟད། སྐབས་དེར་མང་ཚོགས་ལ་གཏམ་བཤད་དང་རྒྱལ་ཚོགས་ལ་ད་ལྟའི་བོད་ནང་ཛ་དྲག་གནས་སྟངས་སྐོར་ཞུ་སྐུལ་ཞུས་འདུག དེ་བཞིན་ཕྱི་ཚེས་ ༡༩ ཉིན་སྤྱི་ཟུར་ཆབ་བྲག་ལྷ་མོ་སྐྱབས་དང་བསྟན་འཛིན་གཉིས་ལགས་ཀྱིས་སྣེ་ཁྲིད་འོག ཧྥ་རན་སིའི་རྒྱལ་སར་ཕར་རི་སི་ཡང་བོད་པ་དང་བོད་དོན་རྒྱབ་སྐྱོར་བ་ ༣༠༠ ལྷག་གིས། འཕྲེད་དར་འདྲ་མིན་འཁྱེར་ཏེ་ཨེ་ཧྥིལ་ཊོ་ཝོར་ (Eifel Tower) ས་གནས་ནས་རྒྱ་ནག་གཞུང་ཚབ་ཁང་བར་ཞི་བའི་སྐད་འབོད་གནང་ཡོད་འདུག སྐབས་དེར་ཧྥ་རན་སིའི་བོད་དོན་རྒྱབ་སྐྱོར་ཚོགས་པ་ ༢༤ ཙམ་གྱིས་སྲིད་འཛིན་སིར་ཀོ་ཛི་མཆོག་གིས་རྒྱ་གཞུང་ལ་བོད་ནང་གི་གནས་སྟངས་ཐོག་གནོན་ཤུགས་སྤྲོད་དགོས་པའི་འབོད་སྐུལ་སོགས་ཞུས་ཡོད་འདུག
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སེམས་བསམ་པའི་གཏིང་ནས་བཀའ་དྲིན་ཆེ་ཞུ།
བོད་མི་རིགས་ཞེས་པ་ས་ཕྱོགས་གང་སར་ཡོད་པས་དགོས་པ་རེད། ཕྱི་ཡུལ་གང་འདྲ་ཞིག་ཏུ་ཡོད་ན་ཡང་རང་མི་རིགས་ལ་རྒྱ་ནག་དམར་གཞུང་གིས་དྲག་གནོན་ཇི་འདྲ་བྱེད་ཀྱི་ཡོད་པ་ཤེས་པ་བྱས་ནས་ལས་འགུལ་འདྲ་མིན་ནང་མཉམ་བཞུགས་གནང་ཐུབ་པ་ཧ་ཀྱང་ཡག་པོ་རེད་དེ་ནི་དགའ་འོས་པའི་བྱ་བ་གལ་ཆེན་ཞིག་རེད།
བོད་ལ་ཤ་ཞེན་ཡོད་ཞེས་ཁས་བཤད་པས་མི་ཕན་པར་དོན་དངོས་ཀྱི་ཐོགས་ནས་རྒྱ་དམར་ལ་གང་ཐུབ་ཅི་ཐུབ་ཀྱིས་སྐད་འབོད་ཁྲོམ་བསྐོར་བྱེད་ཚད་ལ་སྙིང་ནས་རྗེས་སུ་ཡི་རང་ཞུ། གཞིས་བྱེས་གཅིག་བསྒྲིལ་དང་ནང་མཐུན་བྱེད་རྒྱུ་དེ། ཁ་ཞེ་གཉིས་སུ་མེད་པ་བྱེད་དགོས་རྒྱུ་ནི་བོད་མི་ཡོངས་ལ་འགན་ཡོད་པ་བསན་བཞེས་གནང་རོག འདི་ལྟར་ལས་འགུལ་སྤེལ་ཐུབ་པ་སྙིང་ནས་ཐུགས་རྗེ་ཆེ།
ལས་འགུལ་སྤེལ་མཁན་ཚང་མར་བསྔགས་བརྗོད་ཡོད། ངོ་རྒོལ་དེ་དངོས་གནས་སྐབས་སུ་བབ་པ་དང་གནད་ལ་སྨིན་པོ་ཞིག་བྱུང་འདུག གྲུབ་འབྲས་ཀྱང་གང་ལེགས་ཡོང་བའི་རེ་བ་དང་ཡིད་ཆེས་ཡོད། ཐུགས་རྗེ་ཆེ།