དེ་རིང་ཞོགས་པར་ངྷ་སྟེང་བོད་ཁྱིམ་རྩེད་ཐང་དུ་ཨ་རིར་གནས་སྡོད་བོད་རིགས་ན་གཞོན་བསྟན་འཛིན་རིག་གྲོལ་ལགས་ཀྱིས་བོད་ནས་ས་སྤྱི་རྒྱ་ཁྲི་གཉིས་དབོར་ཏེ་འགྲེམ་སྟོན་བྱས་ཡོད་པ་བཀའ་ཁྲི་མཆོག་གིས་དབུ་འབྱེད་གསུང་བཤད་གནང་སོང་།
ངྷ་སྟེང་བོད་ཁྱིམ་སློབ་གྲྭའི་ལག་རྩེད་སྤོ་ལོ་རྩེད་ཐང་དུ། ཨ་རིར་གནས་བཞུགས་བོད་རིགས་ན་གཞོན་སྒྱུ་རྩལ་པ་བསྟན་འཛིན་རིག་གྲོལ་ལགས་ཀྱིས་བོད་ནས་སྐྱེལ་འདྲེན་བྱས་པའི་ས་སྤྱི་རྒྱ་ཉིས་ཁྲི་ཙམ་གྱིས་༼ ང་ཚོའི་ས་ཆ། ང་ཚོའི་མི་མང ༽ཞེས་པའི་བོད་ཀྱི་ས་ཡི་སྟེགས་བུ་ཞིག་བསྐྲུན་ཡོད་པ། དེ་རིང་ཞོགས་པའི་ཆུ་ཚོད་ ༩ སྟེང་བཀའ་བློན་ཁྲི་པ་བློ་བཟང་སེང་གེ་མཆོག་གིས་དབུ་འབྱེད་གནང་སོང་།
སྐབས་དེར་བོད་ཁྱིམ་སློབ་ཕྲུག་ཁག་ཅིག་གིས་ “ང་ཚོ་ཕ་ཡུལ་བོད་ལ་ལོག་འགྲོ ” ཞེས་མཉམ་གཞས་ཤིག་བཏང་རྗེས་མི་མང་སྡིངས་ཆའི་སྟེང་བུད་དེ། རྐང་རྗེས་འཇོག་པ་དང་། སའི་སྟེང་དུ་ཉལ་པ། སྨོན་ལམ་རྒྱག་པ། བོད་ཀྱི་རྒྱལ་དར་འཛུགས་པ། དེ་བཞིན་མི་མང་གིས་སོ་སོའི་མྱོང་ཚོར་དང་རེ་འབོད། དམ་བཅའ་སོགས་བརྗོད་ཡོད།
དབུ་འབྱེད་སྐབས་བཀའ་ཁྲི་བློ་བཟང་སེང་གེ་མཆོག་གིས་བོད་ཁྱིམ་སློབ་ཟུར་བསྟན་འཛིན་རིག་གྲོལ་ལགས་ཀྱིས། བོད་ཡུལ་གྱི་ས་ཕོན་ཆེན་པོ་ཞིག་བཞུགས་སྒར་ངྷ་རམ་ས་ལར་ཁྱེར་ཡོད་པའི་དམིགས་ཡུལ་ནི། ཁོང་གི་ཕ་དམ་པ་ལགས་ཀྱིས་རང་ཉིད་མ་ཤི་སྔོན་ལ་བོད་ཐེངས་གཅིག་མཐོང་རྒྱུར་རེ་བ་བྱས་ཡོད་པ་དེ། བཙན་བྱོལ་བོད་མི་སྤྱིའི་རེ་བ་དང་འདོད་པ། འབད་བརྩོན་ཞིག་ཆགས་ཡོད། བོད་རང་དབང་བསྐྱར་གསོ་དང་༧གོང་ས་མཆོག་བོད་ཀྱི་རྒྱལ་ས་ལྷ་སར་གདན་འདྲེན་ཐོག གཞིས་བྱེས་བོད་མི་ཚང་མ་ཉིན་གཅིག་བོད་ནས་མཇལ་འཛོམས་ཐུབ་པའི་ཉིན་མོ་ཞིག་འཆར་རྒྱུ་དེ་བོད་མི་སྤྱི་ཡོངས་ཀྱི་རེ་བ་དང་འབད་བརྩོན་བྱ་ཡུལ་དེ་ཡིན་པ་དང་། ཁོང་གི་ཕ་ལགས་སྔོན་མ་བོད་དུ་ཕེབས་མྱོང་ཡོད་ཀྱང་། མ་ཤི་གོང་བསྐྱར་དུ་བོད་ལ་ཐེངས་གཅིག་ལོག་སྟེ་སྤུན་མཆེད་ལྷན་འཛོམས་ཡོང་ཐུབ་ན་ཞེས་ཐེངས་མང་གསུངས་མྱོང་ཡང་ ༢༠༠༤ ལོར་ཁོང་གྲོངས་ཕྱིན་ཡོད་ཚུལ་བརྗོད་བྱུང་།
དེ་བཞིན་ ༡༩༥༩ ལོ་ནས་བོད་ནང་ཛ་དྲག་བྱུང་ཡོད་པ། ལྷག་པར་དུ་ ༢༠༠༨ ལོ་ནས་ཛ་དྲག་ཆེ་རུ་ཕྱིན་ཡོད་ཅིང་། ཉེ་ཆར་གྱི་རང་ལུས་མེར་བསྲེགས་གཏོང་མཁན་ཚོས་མཚོན་པས་བོད་ནང་གི་བོད་མི་ཚོས་རང་སྲོག་བློས་གཏོང་གིས་གཞིས་བྱིས་མཉམ་འཛོམས་ལ་འབད་བརྩོན་དང་རེ་སྒུག་བྱེད་ཀྱི་ཡོད་པ་དེ་དག་གིས། མདོར་ན་བོད་ཕྱི་ནང་གཉིས་ཀྱི་བོད་མི་ཚོའི་རེ་བ་ནི་བོད་ཀྱི་ས་ཐོག་ཏུ་གཞིས་བྱེས་ལྷན་འཛོགས་ཡོང་རྒྱུ་དེ་ཡིན་སྐོར་སོགས་གསུངས་བྱུང་ལ། བཀའ་སྤྱི་གཉིས་ཀྱིས་དཀའ་ལས་རྒྱག་གི་ཡོད་པ་དེ་ཚང་མ་བོད་དུ་ལོག་ཆེད་ཡིན་པ་དང་། དེ་རིང་འདིར་ཡོང་སྟེ་བོད་ཀྱི་སའི་སྟེང་གོམ་པ་རྒྱག་རྒྱུ་བྱུང་པ་དང་ལག་པ་འཆིང་ཐུབ་པ་འདི་རྟེན་འབྲེལ་བཟང་པོ་བྱུང་། མ་འོངས་པར་མགྱོགས་པོར་བོད་ཀྱི་ས་ཆར་ལོག་ཐུབ་རྒྱུ་དང་རང་དབང་བསྐྱར་གསོ་བྱ་རྒྱུ། ༧གོང་ས་མཆོག་བོད་ལ་གདན་འདྲེན་ཞུ་ཐུབ་པ། བོད་ཕྱི་ནང་གཉིས་ཀྱི་བོད་མི་ཚོ་ཁྱིམ་ཚང་གཅིག་གི་ནང་མི་མཉམ་འཛོམས་ཡོང་པའི་ཉིན་མོ་ཞིག་ལ་སྨོན་ལམ་དང་རེ་འདུན། དཀའ་ལས་རྒྱག་གི་ཡིན་པའི་དམ་བཅའ་བཞག་སོང་།
མི་མང་གིས་སོ་སོའི་མྱོང་ཚོར་བརྗོད་པའི་ཐོག་མར་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་ཀྱིས། རང་ཉིད་བསོད་ནམས་དམན་པས་བཙན་བྱོལ་དུ་སྐྱེས་ཡོད་པ་དང་། འདས་པའི་རང་ལོ་ ༤༠ ལྷག་རིང་སོ་སོའི་ལུང་པ་མིག་གིས་མཐོང་མ་ཐུབ་པ་དང་། སོ་སོའི་ཕ་ཡུལ་གྱི་ཆུ་ཁམ་གང་འཐུང་པའི་གོ་སྐབས་མེད་པ། སོ་སོའི་ལུང་པའི་སའི་སྟེང་གོམ་པ་རྒྱག་ཐུབ་པ་དང་ལག་པ་འཆིང་ཐུབ་པ་མི་ཚེའི་ནང་ཐེངས་དང་པོ་ཆགས་ཡོད་སྐོར་དང་། དེ་བཞིན་རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་གང་སར་ཡོད་པའི་བོད་རིགས་རྣམས་ངོ་བོ་དང་གནས་སྟངས་གང་འདྲ་ཞིག་གི་འོག་གནས་ཡོད་ཀྱང་། སོ་སོ་གནས་ས་དེ་རང་ཉིད་སོ་སོའི་ཕ་ཡུལ་གྱི་ས་ཆ་མིན་པ་དྲན་དགོས་པ་དང་། བོད་མི་ཚང་མས་བོད་རང་བཙན་གྱི་དོན་དུ་དཀའ་ལས་བརྒྱབ་སྟེ་མི་ཚེ་གང་པོར་བཙན་བྱོལ་དུ་སྡོད་མ་དགོས་པར་སོ་སོའི་ལུང་པར་ལོག་ཐུབ་པ་བྱ་དགོས་པའི་འབོད་སྐུལ་གནང་རྗེས། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ཀླུ་མཁར་བྱམས་ལགས་ཀྱིས། བོད་མི་རིགས་ཀྱི་འཐབ་རྩོད་ལ་དཔའ་འབྱོར་དང་ཚོང་ལས། དམག་དོན་དང་ཆབ་སྲིད་བཅས་ཀྱི་སྟོབས་ཤུགས་ལ་ཚད་ཡོད་པ་ཞིག་ཏུ་གྱུར་ཡོད་ཀྱང་། མི་སོ་སོའི་རྣམ་དཔྱོད་དང་སྒྱུ་རྩལ་ནི་ཚད་མེད་པ་ཞིག་ཡིན་པས། མ་འོངས་པར་བོད་ཀྱི་འཐབ་རྩོད་ལ་སྒྱུ་རྩལ་གྱིས་ནུས་པ་ཆེན་པོ་འདོན་ཐུབ་པའི་རེ་བ་དང་ཡིད་ཆེས་བྱེད་ཀྱི་ཡོད་པ་དང་། བོད་མི་ཚང་མས་སོ་སོ་ལ་ཡོད་པའི་རྣམ་དཔྱོད་དང་སྒྱུ་རྩལ་གྱི་ནུས་པ་དེ་བོད་བསྟན་པ་ཆབ་སྲིད་ཀྱི་དོན་དུ་བཏོན་པ་ཡིན་ན་བོད་ལ་སྐྱིད་པའི་ཉི་མ་འཆར་རྒྱུར་ཐག་རིང་པོ་མིན་པར་བརྗོད་བྱུང་།
དབུ་འབྱེད་མཛད་སྒོ་གྲུབ་རྗེས་སྒྱུ་རྩལ་ལས་གཞིའི་འགན་ཁུར་པ་བསྟན་འཛིན་རིག་གྲོལ་ལགས་དང་ཀིརྟི་དགོན་པའི་བོད་གནས་འབྲེལ་མཐུད་པ་ཀ་ཉག་ཚེ་རིང་དང་བློ་བཟང་ཡེ་ཤེས་བཅས་ལྷན་བཞུགས་ཐོག་གསར་འགོད་གསར་བསྒྲགས་ཤིག་བསྐྱངས་ཡོད་ལ། སྐབས་དེར་སྒྱུ་རྩལ་པ་བསྟན་འཛིན་རིག་གྲོལ་ལགས་ཀྱིས། སྒྱུ་རྩལ་ལས་གཞི་འདིའི་བསམ་བློ་འབྱུང་རྐྱེན་ནི་འདས་གྲོགས་སུ་གྱུར་པའི་ཕ་དམ་པ་ནོར་བུ་ལགས་ཀྱི་རེ་འདུན་ལས་བྱུང་པ་ཞིག་དང་། ལས་གཞི་འདི་མགོ་བརྩམས་པ་ནས་ལེགས་འགྲུབ་མ་བྱུང་པར་ཟླ་ ༡༧ ཙམ་གྱི་རིང་འགྲོ་གྲོན་ཨ་སྒོར་འབུམ་གཅིག་ ༡༠༠༠༠༠ ཙམ་ཕྱིན་ཡོད་པ། ལས་གཞི་དང་དམིགས་བསལ་བོད་ནས་ས་དབོར་འདྲེན་བྱས་པར་གློག་བརྙན་ཐུང་ངུ་ཞིག་བཟོས་ཡོད་པ་མི་འགྱངས་པར་སྤྱི་ཚོགས་སྟེང་འགྲེམས་སྤེལ་བྱ་འཆར་ཡོད་པ། དེ་བཞིན། ལས་གཞི་འགྲེམས་སྟོན་ཉིན་གསུམ་པར་བོད་ནས་ཁྱེར་ཡོང་པའི་ས་འདི་མི་མང་སོ་སོའི་དྲན་རྟེན་དུ་འཁྱེར་འཇུག་རྒྱུ་ཡིན་པའི་གསལ་བསྒྲགས་བྱས་སོང་ལ། ཀིརྟི་དགོན་པའི་བོད་གནས་འབྲེལ་མཐུད་པ་གྲྭ་བློ་བཟང་ཡེ་ཤེས་ལགས་ཀྱིས་ད་ལྟའི་བོད་ནང་གི་གནས་བབ་སྤྱི་དང་བྱེ་བྲག་ཏུ་འདི་ལོའི་ཕྱི་ཟླ་གསུམ་པ་ནས་བོད་ནང་རང་ལུས་མེར་བསྲེགས་གཏོང་པའི་གནས་ཚུལ་བྱུང་དང་འབྱུང་བཞིན་པའི་སྐོར་ངོ་སྤྲོད་གནང་སོང་།
བསྟན་འཛིན་རིག་གྲོལ་ལགས་ནི་ཕྱི་ལོ་ ༡༩༨༢ ལོར་བལ་ཡུལ་དུ་སྐྱེས་ཤིང་བོད་ཁྱིམ་ནས་སློབ་མཐར་ཕྱིན་རྗེས་། ད་ལྟ་ནེའུ་ཡོག་ཏུ་གནས་སྡོད་བྱེད་ཀྱི་ཡོད་པ་དང་། ཁོང་ནི་ཚོན་བྲིས་དང་འཇིམ་བཟོ། བརྙན་ཕབ་བཅས་ཀྱི་ལག་ཤེས་སྣ་མང་ལ་མཁས་པའི་དེང་རབས་བོད་ཀྱི་སྒྱུ་རྩལ་པ་ཞིག་དང་། སྙན་ངག་པ་ཞིག་ཀྱང་ཡིན་འདུག
གསར་འགོད་པ། བནྡེ་སྐྱབས།
ད་ང་ཚོ་ལ་བོད་ཀྱི་ས་རག་འདུག བོད་ཀྱི་ཆུ་འཐུང་འདོད་འདུག་གམ བོད་ཀྱི་ཆུ་འཐུང་འདོད་ཡོད་ན་སང་ཉིན་རྒྱ་གར་གྱི་ཆུ་མོ་གང་གྰའི་ཁར་ཤོག་དང་དེ་ང་ཚོ་བོད་ཀྱི་ཆུ་རེད། ཚང་མས་མཉམ་དུ་རྒྱག་ཚད་ཅིག་འཐུང་ཆོག
བོད་ཀྱི་ས་སྐམ་པོ་ཞིག་གིས་ཅི་བྱེད་དམ། ང་ནི་ས་དེ་ནས་སྐྱེས་པའི་མི་ཞིག་ཡིན། ཕྱག་འཚལ་མཁན་ཡོད་ན་ང་ལ་འཚལ་དུ་ཤོག་དང།
ཧཧཧ བོད་ལ་འགྲོ་ཡ་མ་རག་པར་བོད་ས་བརྐུས་ནས་ཚུར་ཡོང་། ད་ག་རེ་ཡིན་ཟེར་གི་ཡོད་རེད། བོད་ས་ཚུར་བོར་ཚད་ཡོད་མ་རེད། དེ་ལས་ང་ཚོ་ཚང་མ་བོད་ལ་ཕར་ལོག་འགྲོ ང་ཚོར་རང་ས་རང་ཡུལ་ནས་བདག་དགོས་པ་ལས་རང་ས་མི་ཡུལ་ལ་སྐྱེལ་དགོས་པ་མ་རེད། ས་འབོག་རས་ཁ་ཤས་རྒྱ་གར་ལ་འབྱོར་བ་དེར་བཀའ་འཁྲི་བློ་སེང་ཡང་ཕེབས་ནས་ཞབས་ཀྱིས་བཅག་འདུག ད་ཡག་པོ་རེད། ཁྱེད་བཀའ་ཁྲིར་བསྡད་ནས་བོད་ཀྱི་ས་ཞིག་རག་པ་རེད། དེ་སྲུང་ནས་སྡོད་ལོ། ཧཧཧ ཨོ་ས་བརྐུས་ནས་དཀའ་ལས་རྒྱག་མཁན་གྱི་ལྷག་བསམ་ལ་རྗེས་སུ་ཡི་རང་ཡོད།
མ་གཞི་ལས་ཀ་འདིའི་རིགས་དེ་མ་བརྩམས་པ་ལ་ལྟོས་ཏེ་བཤད་ན་བརྩམས་པ་ཡག་པོ་ཡིན་པ་ངོས་འཛིན་ཡོད་མོད། འོན་ཀྱང་། འདིའི་འགྲོ་སོང་གི་ཆེད་པ་གཅིག་སྐྱེད་སྲིང་བྱེད་སྤྱད་ཀྱི་མཐུན་རྐྱེན་དུ་སྤྱར་ཡོད་ན། འཕྲལ་མཁོ་ཕུགས་ཕན་གྱི་ལས་ཀ་རླབས་ཆེན་ཞིག་ཡིན་པ་ལས། ལས་ཀ་འདིའི་རིགས་ནི། འཕྲལ་དུ་ཁྱབ་བསྒྲགས་ཙམ་ཞིག་འགྲོ་རུང་། མ་འོངས་པར་གང་ཡང་ཐོབ་བྱ་མེད་པ་ཞིག་ཏུ་གྱུར་ཡོད་པ་མ་རེད་དམ།
དེའི་ཕྱིར་ན། མ་འོངས་པ་ཡིན་ན། སུ་ཞིག་གི་ངོས་ནས་ལས་རིགས་གང་ཞིག་རྩོམ་སྐབས་སུ། གཙོ་བོ་ཕུགས་ཕན་གྱི་ཕྱོགས་སུ་འགྲོ་གི་ཡོད་མེད་ལ་བལྟ་རྒྱུ་གལ་ཆེན་ཞིག་མ་གཏོགས། འདིའི་རིགས་ཀྱི་ལས་འགུལ་རིགས་ནི། རྩོམ་མཁན་དེ་སྙན་གྲགས་ཀྱི་ངོ་སོ་ཙམ་ཞིག་རག་གི་ཡོད་ན་ཐང་མོད། ཏག་ཏག་བཤད་སོང་ན། ད་ལྟའི་འཐབ་རྩོད་ཀྱི་ཁ་ཕྱོགས་དང་མ་འོངས་པའི་མདུན་ལྗོངས་ལ་ཤུགས་རྐྱེན་ཐེབས་ཀི་ཡོད་མེད་སོམ་ཉི་ཞིག་རེད།
སྤྱིར་ན། ཐེངས་འདིའི་ལས་འགུལ་རྒྱབ་རྟེན་དང་བཙན་བྱོལ་གཞུང་དང་ཚོགས་པ་ཁག ལྷག་པར་དུ། སློབ་ཕྲུག་ཚོགས་པའི་ཚོགས་གཙོ་དང་ལྷ་སྒྲོན། ད་རུང་བསྟན་འཛིན་བརྩོན་འགྲུས་སོགས་ཀྱིས་རམ་འདེགས་བྱེད་སྟངས་ལ་བལྟས་ཡོང་ན། འདིའི་རིགས་ཀྱི་ལས་འགུལ་ལ་འབབ་ས་ཞིག་ཡོད་ཡོད་འདྲ་ཡང་། ངའི་བསམ་ཚུལ་དང་མཐོང་ཕྱོགས་ནོར་མེད་ན། ཁྱབ་བསྒྲགས་ཙམ་མ་གཏོགས་པའི་གང་ཡང་འབབ་རྒྱུ་རག་མ་སོང་བསམ་སོང་།
གལ་སྲིད། ཐེངས་འདིའི་ལས་འགུལ་གྱི་འགྲོ་སོང་དེ། རིགས་གཅིག་རྐང་འཛིན་པ་གཅིག་སྐྱེད་སྲིང་བྱེད་སྤྱད་ཀྱི་མཐུན་ཞིག་སྤྱར་ཡོད་རྒྱུ་ན། མཐུན་མཐུན་སྤྱོར་མཁན་ཁོ་རང་ལ་སྐད་གྲགས་དེ་ཙམ་ཡོད་པ་མ་རེད་དེ། ཏག་ཏག་གྲུབ་འབྲས་ཀྱི་ཕྱོགས་ནས་དེ་ཆེ་བ་མངོན་སུམ་ཚད་མ་རེད།
ས་འདི་དག་མི་མང་ལ་སྤྲད་པ་ལས་ངེས་པར་དུ་བཞུགས་སྒར་གྱི་ཉེ་ས་ཞིག་ནས་བོད་དྲན་གསོ་གཏོང་སའི་སྐྱེད་ཚལ་ཆུང་ཆུང་ཞིག་བཟོས་ན་ལེགས། དེ་ནི་རྒྱུན་རིང་ཙམ་གནས་ངེས་ལ་གཞན་མི་མང་ལ་སྤྲད་པ་ཡིན་ཉིན་ཤས་སམ་ཟླ་ཤས་ནས་བརྗེད་འགྲོ་ངེས།
སྤྱིར་བཏང་ཡག་པོ་རེད། ག་རེ་བྱས་ནའང་ཡག་པོ་རེ། སྐྱོན་བཏོན་ན་དགའ་ཡི་མ་རེད། ང་ནི་ལས་ཀ་དེ་ལྐུགས་རྟགས་ཤིག་མཐོང། ཁྱེད་ཀྱི་དངུལ་ག་ཚོད་འགྲོ་སོང་བཏང་ཡོད་རེད། ཕོན་ཆེན་པོ་བཏང་ཡོད་རེད། ཨ་རྩི། འཇིག་རྟེན་ན་ཟ་རྒྱུ་འཐུང་རྒྱུ་འགྱོན་རྒྱུ་མེད་པའི་སྐྱེ་བོ་ག་ཚོད་ཡོད་དམ། དེ་ཚོ་ལ་བསམ་བློ་ཞིག་བཏང་ན། རང་རིགས་བོད་མི་ཉམས་ཐག་ནད་པ་འགྲོ་སོང་གཏོང་མ་ཐུབ་མཁན་ག་ཚོད་ཡོད་དམ། དེ་ཚོ་ལ་གཅིག་བསམ་བློ་བཏང་ན། ཨ་ནི་དངོས་གནས་གཅིག་བྱས་པ་རེད། ས་འཁྱེར་ནས་ག་རེ་བྱེད་དགོས་རེད། མིང་ཙམ་གྱི་དོན་དུ་དེ་འདྲའི་ལས་ཀ་ལྐུགས་རྟགས་ཤིག།།།།
བུད་མེད་གཅེར་བུའི་རི་མོ་འབྲི་ཤེས་ཙམ་དང་། ཆགས་སེམས་ཀྱི་འདོད་གླུ་གཏོང་ཤེས་པ་ཙམ་གྱིས་མི་ཆོག་པ་ན་གཞོན་བསྟན་འཛིན་རིག་གྲོལ་ལགས་ཀྱིས་བོད་ནས་ས་སྤྱི་རྒྱ་ཁྲི་གཉིས་དབོར་ཏེ་འགྲེམ་སྟོན་བྱས་པ་ལྟ་བུའི་བོད་རིགས་སྒྱུ་རྩལ་པ་མང་ཙམ་དགོས་འདུག
འོ།འདི་སུས་ཀྱང་ཕུལ་མ་མྱོང་བའི་མཇལ་དར་གསར་བ་ཞིག་རེད།
དངུལ་ལོ་ཕོན་ཆེ་བཏང་ནས་རང་ས་ཕྱི་འདྲེན་བྱས་པ་འདིས་བཙན་བྱོལ་དུ་སྐྱེས་པའི་བོད་ཕྲུག་ཚོགས་ལ་སེམས་གཤིས་རེ་བསྐྲུན་ན་མ་གཏོགས་དམིགས་གསལ་གྱི་དགེ་མཚན་འདྲ་མཐོང་མ་སོང་། བོད་ཀྱི་སའི་སྟེགས་བུའི་སྒོ་འབྱེད་ཀྱི་རྣམ་པ་འདི་རྒྱ་གུང་ཁྲན་ཚང་གིས་མཐོང་ཀི་ཡོད་ན། ག་རེ་བསམ་ས་རེད། ཧ་ཧ་ཧ། ང་ཡིན་ན་གད་མོ་འཆོར་ས་རེད།
འདི་ནི་སུས་ཀྱང་བསམ་བློར་ཤར་དཀའ་བའི་ལས་གཞི་ཞིག་ཡིན་སྟབས་ཁྱེད་ནི་མི་བུ་ཧ་ཅང་རིག་ཡག་ཅིག་ཡིན་པ་གསལ་བོར་ཤེས་ཐུབ། དེའི་ཕྱིར་སྐུ་ཉིད་ཀྱི་སྒྱུ་རྩལ་གྱི་ཆེད་ལས་ཡར་ངོའི་ཟླ་ལྟར་འཕེལ་བའི་སྨོན་འདུན་ཞུ
ལས་ཀ་ཚང་མ་ནོར་འདུག བོད་ནས་སྲོག་མེད་ས་ཕྲན་བུ་འཁྱེར་བ་ཡོང་བར་ཧོན་འཐོར་དགོས་དོན་མི་འདུག བོད་དུ་ས་སྐྱེས་རྡོ་སྐྱེས་ཀྱི་མི་རིན་པོ་ཆེ་མང་པོ་ཞིག་༸གོང་ས་མཆོག་གི་ཞལ་མཇལ་དང། རང་རྒྱལ་ཁབ། མི་རིགས་ཀྱི་རིག་གཞུང་སྦྱང་ཆེད་དུ་སླེབས་པ་རྣམས་ལ་གསར་འབྱོར་ཞེས་དམའ་འབེབས་ག་ཚོད་བྱེད་ཀྱི་མི་འདུག་གམ། སྙིང་རྗེ། ཨ་རིར་གནས་བསྡོད་བསྟན་འཛིན་རིག་གྲོལ་གྱི་འཁྱེར་ཡོང་བའི་ས་གསར་འབྱོར་དེ་གས་ལ་བོད་སྐད་ཡག་པོ་མི་ཤེས་པའི་མི་དེ་ཚོས་མཐོང་ཆུང་ཚད་མེད་གཏང་གི་རེད།
ས་དེ་ཚང་མ་བོད་ནས་འཁྱེར་ཡོང་བ་སུས་ཤེས། ཅིག་བྱས་ན་བལ་ཡུལ་ནས་འཁྱེར་ཡོད་འགྲོ
འདི་ནི་ངོ་མ་བསྟོད་ན་བསྟོད་རིན་ཆོག་པའི་བྱས་རྗེས་ཞིག་ཏུ་ངོས་འཛིན་གྱི་ཡོད། བསྟན་འཛིན་རིག་གྲོལ་ཁྱེད་རང་སྐྱེས་ས་ཕྱི་ཡུལ་ན་སྐྱེས་ཀྱང་སེམས་འཁྲེང་ས་དང་ཞེ་ཆགས་ས་རང་ཡུལ་ཁོ་ན་ཡིན་པ་ནི་ཁྱེད་ཀྱིས་དཀའ་ཚེགས་ཅན་གྱི་ལས་འགུལ་འདིས་གསལ་པོ་མཚོན་ཐུབ་ཀྱི་འདུག རྗེས་སུ་ཡི་རངས་ཡོད། ལས་འགུལ་གྱི་རྣམ་པ་གསར་པ་དེ་ལྟ་བུ་རིགས་མང་ཙམ་སྤེལ་རོགས།
འོ་ཙི་རེད། ངའི་གྲོགས་མོ་ཞིག་བོད་ལ་གཉེན་འཕྲད་ཕྱིན། ཕྱིར་ཡོང་དུས་སྐམ་ཤ་༼གཡག་ཤ་༽སྐམ་པོ་འགའ་ཁྱེར་ཡོང་། དེ་བཙན་བྱོལ་དུ་སྐྱེས་པའི་ངའི་གྲོགས་པོ་ཞིག་གིས་ཟས། ཁོ་ལ་ང་རྒྱལ་དང་སྤོབས་པ་འདྲ་བོ་ཞིག་སྐྱེས། བོད་པ་ཞིག་ཡིན་པའི་རྒྱུ་མཚན་ཡང་རྙེད། གཡག་ཤ་ཟས་པ་ཡིན་ཅེས་པ་འདི་རེད།
ཤ་ཁ་ནང་ལ་མ་ཡོང་བའི་དཀའ་ངལ་གྱིས་སྐབས་དེར་དགའ་བ་ནི་མ་རེད། བོད་ཀྱི་གཡག་ཤ་དང་། ས་དང་ཆུ། དེ་ལས་གཞན་པའི་མཚོན་བྱེད་དུ་རུང་བ་གང་ཡོད་ན་དེས་སོ་སོའི་ཕ་ཡུལ་མཐོང་མ་མྱོང་མཁན་དང་། མཐོང་འདོད་མཁན་ཚོར་ལང་ཚོའི་རྦབ་ཆུ་ནང་བཞིན་གྱི་སྤོབས་པ་ཞིག་སྐྱེད་ཀྱི་ཡོད་པ་འདྲ།
རང་ས་ཕྱི་ཡུལ་དུ་ཁྱེར་ནས་ཡོངས་པ་འདི་སྒྱུ་རྩལ་ཞིག་ཡིན་ན་རེད་མ་གཏོང་དེ་ནི་དགའ་འོས་པའི་བྱ་བ་ཞིག་ཡིན་པ་ཚོར་མ་སོང་། དེས་ན་བོད་ཀྱི་ཤིང་ནགས་དང་གཏེར་དངོས་རིགས་རྒྱ་ནག་དམར་གཞུང་གིས་རྒྱ་ནང་དུ་ཁྱེར་གྱི་ཡོད་པ་རེད་དེ་ཡང་དགའ་འོས་པ་ཞིག་ཡིན་གྱི་རེད། གང་ལྟར་ལྷག་གསམ་མཚོན་གྱི་ཡོད་པ་ཡིན་དུས་ཡག་པོ་རེད།
ང་ཚོ་བོད་གངས་ཅན་པའི་ཕ་ས་ཚུར་རྒྱ་གར་རུ་ཁྱེར་ནས་མི་ཡི་ལུང་པར་བཞག་པ་དེ་ཏོག་ཙམ་རྟེན་འབྲེལ་གྱི་ཆ་ནས་ཡག་པོ་ཞིག་ཨེ་ཡིན་ན། དེ་ལས་བཙན་བྱོལ་དུ་ཡོད་པའི་བོད་པའི་མི་དང་དངོས་པོ་རྣམས་བོད་དུ་ཁྱེར་ནས་འཇོག་ཐུབ་ན་བཟང་བ་མིན་འགྲོ། གང་ལྟར་ཡང་སྙིང་ལས་དོན་ལ་བཀྲ་ཤིས་བདེ་ལེགས་ཞུ།
སྒྱུ་རྩལ་པ་བསྟན་འཛིན་རིག་གྲོལ་ལགས་ཀྱིས་འགྲོ་སོང་ཕོན་ཆེ་བཏང་ནས་ཕ་ས་དངོས་ལ་རེག་རྒྱུ་ཡོད་པའི་དྲན་གསོའམ་ཚོར་སྣང་གསར་བ་སྦྱིན་པའི་འགྲེམས་སྟོན་འདིར་ཡི་རང་བསྔགས་བརྗོད་དང་ཆབས་ཅིག་བོད་མི་ཚོར་ས་སྤར་བ་གང་རེ་དྲན་རྟེན་ལ་འབུལ་རྒྱུ་ཡང་བཟང་གི་ད་དུང་ལྷག་མ་ཞིག་ཉར་ཚགས་ཀྱིས་བོད་ཀྱི་ས་ཁྲ་ཆེན་པོ་ཞིག་བཞེངས་ནས་རྟག་པར་དྲན་གསོའི་རྟེན་ཞིག་བཞེངས་ཐུབ་ན་ཧ་ཅང་བཟང་གི་སྙམ།
ལས་འགུལ་འམ་སྒྱུ་རྩལ་འགྲེམ་སྟོན་དེ་ཧ་ཅང་དཔེ་གསར་དང་མི་སེམས་འགུག་བྱེད་ཡག་པོ་ཞིག་རེད་བཀོད་སྒྲིག་པ་ཁོང་ལ་སེམས་གཏིང་ནས་ཐུགས་རྗེ་ཆེ་ཞུ་བ་དང་ཁོང་དམིགས་ཡུལ་དང་བསམ་དོན་ཚང་འགྲུབ་ཐུབ་པའི་སྨོན་ལམ་ཡོད།
མཐར་རེ་བ་གཅིག་ཞུ་ཡ་ཡོད་ངའི་གོ་ཚོད་ལ་སང་ཉིན་ནས་བོད་ས་དེ་མི་མང་ལ་དྲན་རྟེན་དུ་ཕུལ་རྒྱུའི་དགོངས་ཚུལ་ཡོད་ས་རེད་ངའི་ཚོར་ཤུགས་དང་རེ་བ་ཆེན་པོའི་ཐོག་ནས་ཞུ་རྒྱུར་བོད་ས་ཚང་མ་མ་ཕུལ་བར་དོག་ཙམ་དྲན་རྟེན་དུ་ད་ལྟའི་ས་ཆ་རང་ནས་བཞག་ནས་མ་འོངས་བར་བུ་ཕྲུག་སུ་འདྲ་ཞིག་སློབ་གྲྭ་དེར་ཕེབས་སྐབས་འཇལ་རྒྱུ་ཡོད་པ་དང་དྲན་གསོ་བྱུང་བ་ཞིག་བྱེད་དགོས་རེད་ཐུགས་ལ་འཇགས་རོགས་ཞུ་སླར་ཡང་ཐུགས་རྗེ་ཆེ་ཞུ།།
བོད་ཀྱི་ས་ཁྱེར་བ་ཡོང་བ་དེའང་ཧ་ཅང་གི་ཡག་པོ་རེད་མོད། དེ་ལས་ཤིང་ནགས་དེ་ཚོ་ཁྱེར་ཡོང་ཏེ་འདིར་བཙུགས་པ་ཡིན་ན་ཁོར་ཡུག་ལ་ཧ་ཅང་གི་ཕན་ཐོགས་ཆེན་པོ་ཡོད་ཀྱི་རེད་འདོད་ཀི