རྐང་འཁོར་སྐོར་སྐྱོད་ཀྱི་ལས་འགུལ།

བྷ་རོ་ཊ་བོད་ཀྱི་མཐོ་རིམ་སློབ་གཉེར་བ་རྣམས་ལ་ཐུགས་རྗེ་ཆེ་ཞུ།

ད་ཡིན་ན། ཁྱེད་ཅག་ནང་བཞིན་གྱིས་རྒྱལ་ཁབ་གང་སར་གནས་པའི་བོད་ཀྱི་མཐོ་རིམ་སློབ་གཉེར་བ་རྣམས་མདུན་དུ་ཐོན་རན་རེད། དེ་ཡང་འཚེ་མེད་ཞི་བདེའི་ངོ་རྒོལ་རྣམ་གྲངས་སྣ་ཚོགས་ཀྱི་ཐོག་ནས། རྒྱ་གཞུང་དང་དེའི་ངན་བྱུས་རྣམས་གཏིང་ནས་བསྔོག་དགོས་པ་དེ་རེད། མ་ཟད། དེང་སང་བརྡ་འཕྲིན་དུས་རབས་ཡིན་དུས། རྒྱ་གཞུང་དང་དེའི་དབང་འཛིན་པའི་མི་སྣ་རྣམས་དམར་དམར་རྗེན་རྗེན་དུ་ཁྲོམ་སྟོན་བྱེད་དགོས་པ་ནི། བོད་ཀྱི་མི་རབས་གསར་བ་ཞིག་ལ་མཚོན་ན་མ་བསྒྲུབས་ཐབས་མེད་ཀྱི་འགན་འཁྲི་ཞིག་རེད།

ད་ནས་བཟུང་། བོད་ཀྱི་མཐོ་རིམ་གཉེར་བ་རྣམས་ཀྱི་ངོས་ནས། རྒྱ་གཞུང་དང་དེའི་རིག་གནས། ལྷ་པར་དུ། སྲིད་བྱུས་དང་ཆབ་སྲིད། མདོར་ན་རྒྱ་མི་རིགས་ཀྱི་འདས་ད་གསུམ་གྱི་གནས་བབ་འཚོལ་སྡུད་བྱེད་རན་པའི་དུས་ཚོད་གནད་འགག་ཅན་ཞིག་རེད། མ་ཚད་རྒྱ་གཞུང་གི་ནང་ཉམས་ཡོངས་སུ་རྫོགས་པ་བཤམས་སྟོན་བྱེད་རན་པ་རེད། བྱས་ན། མཐོ་རིམ་སློབ་གཉེར་བ་རྣམས་ཀྱིས་ཉམས་ཞིབ་དང་རྒྱུས་ལོན་བྱས་ཏེ། དེའི་གྲུབ་དོན་གྱིས་གཞིས་བྱེས་བོད་མི་ཡོངས་ལ་ཕྱོགས་སྟོན་བྱེད་དགོས་པ་རེད། དེ་ཡང་ཐབས་བྱུས་ཟབ་ཅིང་འགྲོ་རིམ་ཡོད་པ་ཞིག་དགོས་གལ་ཆེ།

ལྷག་པར་དུ། ཁྱེད་རྣམ་པའི་དུས་ཚོད་དམ་འཛིན་བྱས་ཏེ་རང་རང་གི་དགའ་ཕྱོགས་སུ་སོང་ནས། གྲུབ་འབྲས་དེ་རྒྱ་མི་རིགས་དང་མཉམ་དུ་རྩོད་ལེན་བྱེད་དགོས་པ་ནི། ནམ་ཡང་སེམས་ནས་བོར་མི་ཉན་པའི་དོན་དག་རེད། གཞན་ཡང་ཆེད་ལས་པའི་ཕྱོགས་སུ་མདུན་དུ་བསྐྱོད་དགོས་པ་ནི། དེ་བས་ཀྱང་གལ་འགངས་ཆེ་མ་གཏོགས། ཁ་སང་དེ་རིང་གི་བོད་མི་རིགས་ནི། བསམ་བློ་མ་ཡིན་པའི་ཡོད་ཚོད་གཞན་བརྟེན་ཁོ་ན་མ་ཡིན་ནམ། དེང་སང་རང་ལ་ནོར་བུ་ཡོད་པ་དེ་ཚོང་རྫས་སུ་བསྒྱུར་ནས་བོད་ཀྱི་བསམ་བློ་དེ་ཤོར་གྱིན་པ་མ་ཡིན་ནམ། ཅི་འདྲ་འཕངས་པ་ལ་ཨང་།

གང་ལྟར། ཁྱེད་རྣམ་པའི་ཕྱོགས་ཡོངས་ནས་འགན་ལེན་བྱེད་དགོས་པ་ཡིན་དུས། དང་ཐོག་རང་ཉིད་འཐུས་ཚང་དུ་བསྒྱུར་དགོས་པ་གལ་ཆེན་དོན་ཆེན་ཞིག་རེད། ད་ནི། བོད་དེ། ཁྱེད་ཅག་གི་ཕྲག་ན་ཡོད་ཅིང་ལག་ལེན་གྱི་གྲུབ་འབྲས་ན་ཡོད་རེད། དེའི་ཕྱིར་ན། ཁྱེད་རྣམ་པའི་མཐུན་སྒྲིལ་དང་ཁ་ཕྱོགས། གྲུབ་འབྲས་དང་མདུན་ལམ་བཅས་ནི། བོད་མི་རིགས་དང་རིག་གཞུང་གི་ད་ལྟ་བ་དང་མ་འོངས་པ་ལ་འབྲེལ་བ་ཆེན་པོ་ཡོད་པས་ན། ཁྱེད་ཅག་གི་འགན་ནུས་ཀྱི་ཚད་གཞི་དེ་རྒྱ་ཇེ་ཆེ་དང་གཏིང་ཇེ་ཟབ་ཏུ་གཏོང་དགོས་པ་ནི། གཡོལ་ཐབས་མེད་པ་ཞིག་རེད་ལགས།

ད་ཐེངས་་ཀྱི་མཐོ་རིམ་སློབ་མ་རྣམས་ཀྱི་ལས་འགུལ་འདིའི་དམིགས་ཡུལ་ས་གནས་གཞོན་ནུའི་དགོས་འདུན་དོན་ཚན་ལྔ་བཏོན་ཡོད་པའི་ཐ་མ་དེ་གཞིས་ལུས་བོད་མི་ཡོངས་ཀྱི་ཕུགས་བསམ་ངོ་མའམ་རེ་མདུན་མཐའ་ཐུག་དེ་རེད།

དབྱར་དགུན་སྟོན་དཔྱིད་བཞི་ཡི། །
ཆོལ་གསུམ་བོད་རིགས་ཡོངས་རྫོགས། །
གཞིས་བྱེས་གཉིས་ཀྱི་བོད་མིས། །
ཆིག་སྒྲིལ་གཅིག་ཏུ་དྲིལ་དགོས། །

ལོང་ཤོག་བོད་རིགས་སྤུན་ཟླ་ཚང་མ་ལོང་ཤོག ང་ཚོ་ཚང་མ་མི་རིགས་ལ་རྒྱ་རྩོད་དུ་འགྲི།

ན་གཞོན་རྣམས་ནས་རང་གི་མི་རིགས་ཀྱི་རང་དབང་ཆེད་འདི་ལྟར་གནང་པར་བསྔགས་བརྗོད་ཡོད།
གཙོ་ཆེ་ཤོས་ནི། ཁྱེད་རྣམས་ནས་ས་གནས་མི་མང་ལ་ཁ་ཡ་དང་གསར་འགོད་པར་འགྲེལ་བཤད། སྐོར་སྐྱོད་སྐབས་ཀྱི་ལུས་ངག་གི་བྱེད་བཟོ་བདེ་བའི་འབྲེལ་ལམ་གནང་ཕྱོགས་དེ་ཡིན་པས། བོད་པའི་ན་གཞོན་གྱི་སྐུ་ཚབ་མཚོན་ཐུབ་པའི་ཁོར་ཡུག་ཅིག་དང་མིག་རྣམ་ཞིག་བསྟན་དགོས་པ་དེ་ལ་ཡིད་གཟབ་གནོངས་ཤིག་དར་མ་ཁྲག་ཚའི་གཞོན་པ་ཚོ།
ཐུགས་རྗེ་ཆེ། འདི་ལྟར་གནོངས་དང་འབྱོར་ས་ཞིག་ཏུ་སླེབས་ངེས།