ལྡི་ལི་ནེ་རོ་མཐོ་སློབ་ཀྱི་བོད་པའི་སློབ་ཕྲུག་དག་གི་གོ་སྒྲིག་འོག་བོད་དོན་ལ་རང་ལུས་མཆོད་འབུལ་བྱས་པ་དག་གི་ཆེད་དུ་༼ བོད་ནང་གི་དྲང་བདེན་མེ་ལྕེ ༽ཞེས་པའི་ལས་འགུལ་ཞིག་སྤེལ་འདུག
ཁ་སང་དགོང་མོའི་དུས་ཚོད་ ༦།༣༠ སྟེང་ལྡི་ལི་ནེ་རོ་གཙུག་ལག་སློབ་གཉེར་ཁང་གི་བོད་རིགས་སློབ་ཕྲུག་ཚོའི་གོ་སྒྲོག་འོག དེ་གའི་སློབ་གླིང་དུ་༼ བོད་ནང་གི་དྲང་བདེན་མེ་ལྕེ༽ ཞེས་པའི་མར་མེ་ཁྲོམ་སྐོར་ཀྱི་ལས་འགུལ་ཞིག་སྤེལ་ཡོད་འདུག་ལ། དེ་དང་མཉམ་དུ་སྐུ་ལུས་མཆོད་འབུལ་བྱས་ཟིན་པ་དག་གི་ལོ་རྒྱུས་ངོ་སྤྲོད་དང་པར་རུས་འགྲེམས་སྟོན། ཁོང་རྣམ་པས་བོད་དོན་ལ་རང་ལུས་མེར་བསྲེགས་བཏང་བའི་རྒྱུ་མཚན་གསལ་བཤད། ཡིག་ཆ་འགྲེམས་སྤེལ་སོགས་བྱས་ཏེ་རྒྱལ་ཁབ་འདྲ་མིན་ནས་ཕེབས་པའི་སློབ་ཕྲུག་བརྒྱ་སྐོར་ཞིག་འདུ་འཛོམས་བྱུང་ཡོད་པ་རེད།
རང་སྲོག་དོར་ཟིན་པའི་རྒྱལ་གཅེས་དཔའ་བོ་དཔའ་མོ་དེ་དག་དང་། རྨས་སྐྱོན་དང་བཙོན་འོག་ཏུ་དཀའ་སྡུག་མྱོང་བཞིན་པ་དག་གིས་བོད་པའི་རང་དབང་རང་བཙན་གྱི་ལོ་རྒྱུས་ལ་བདེན་དཔང་དང་། ད་ལྟའི་བོད་ནང་གི་དཀའ་སྡུག་ཛ་དྲག་གི་གནས་སྟངས་ལ་འགྲེལ་བཤད། བོད་མི་ཚོར་འགྲོ་བ་མིའི་ཐོབ་ཐང་དང་། དབང་བོ་ལྔ་ལོངས་སྤྱོད་ཀྱི་རང་དབང་མེད་པའི་གནས་བབ་གསལ་རྗེན་དུ་སྟོན་མཁན་ཡིན་པའི་ངོས་འཛིན་གཏམ་བཤད་གནང་སྟེ། དགོང་མོའི་དུས་ཚོད་ ༡༠།༣༠ སྟེང་ནེ་རོ་གཙུག་ལག་སློབ་གཉེར་ཁང་གི་ནུབ་ཕྱོགས་འདུ་འཛོམས་སྲང་ལམ་དུ་ལས་འགུལ་མཇུག་བསྒྲིལ་ཡོད་པ་རེད།
གསར་འགོད་པ། ཤེས་རབ་རྡོ་རྗེ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ན་གཞོན་ཚོའི་ཆོད་སེམས་ལ་ཡི་རང་ཡོད་རེ་བ་ཡོད་ཚད་ཁྱེད་ཚོ་ལ་བཅོལ་ཡོད། རྒན་པ་ཚཽས་ནང་སྐྲུག་ལས་གཞན་ཤེས་ཀྱི་མ་རེད། འདི་ཚོ་མ་རྫོགས་བར་དུ་ནང་ཁུལ་གྱི་རྙོག་གྲ་འདི་རྒྱུན་ཆད་རྒྱུ་མེད་པ་འདྲ།
དྲང་བདེན་མེ་ལྕེ་བཀོད་སྒྲིག་པ་ལྡི་ལི་མཐོ་རིམ་སློབ་མ་ཚོས་པར་རུས་འགྲེམས་སྟོན་བྱས་ཚུལ་བཀོད་འདུག པར་འགྲེམས་སྟོན་བྱས་ཡོད་པར་ཡིད་ཆེས་ཡོད་ཀྱང་རུས་པ་གང་ནས་རག་ཡིན་ན། དེ་ལ་ཡིད་ཆེས་མ་སོང་ལགས། ཧཧཧ
ལྡི་ལིར་མཐོ་རིམ་སློབ་མས་མི་རིགས་གཅིག་གི་ཕུགས་བསམ་འམ་དགོས་མདུན་གཞི་ལ་བཞག་བཞག་ནས་ངོ་རྒོལ་གྱི་ལས་འགུལ་འདིའི་ང་ཚོའི་འཐབ་རྩོད་དེ་མི་རིགས་གཅིག་གི་འཐབ་རྩོད་ངོ་མ་ཡིན་པ་བསྟན་ཐུབ་ཀྱི་འདུག།