སེང་གེའི་སྡེར་མོ།-གླེང་མི་འོས་པ་ཞིག་གླེང་བ།

ལུང་རྟོགས་ལགས།
དུས་ཚོད་ཀྱི་དབང་གིས་ད་ལྟ་མ་གཏོགས་དྲ་ལམ་ཉུལ་རྒྱུ་མ་བྱུང་། ལན་འཕྱི་དྲག་པས་དགོངས་སེལ་ཞུ། སང་ཉིན་ནས་ཀྱང་ཉིན་ཤས་ལ་དྲ་ལམ་ལ་ཡོང་ཐུབ་ས་མ་རེད། འདི་ན་སུ་ཉེས་ཀྱི་གནས་ཚུལ་ཚང་མ་དྲ་ལམ་ན་གསལ་ཡོད། གངས་ཅན་སྐྱིད་གཤོངས་གཙོས་བོད་པའི་སྤྱི་ཚོགས་ཀུན་ཏུ་གླེང་སློང་ཆེ། དེར་
བརྟེན་གནད་དོན་འདི་ལ་བཀའ་ཤག་གིས་རང་འགུལ་གྱིས་གསལ་བཤད་ཅིག་ཡོང་རྒྱུར་སྒུག་ཡོད། བར་ལམ་བོད་ནང་གི་ཛ་དྲག་གནས་བབ་འདི་དང་བསྡོངས་ནས་གནད་དོན་འདིའི་ཐད་བཀའ་ཤག་ལ་ཚ་འདེད་གཏོང་མི་ཡོང་གི་མ་རེད་སྙམ། ཡིན་ནའང་གནས་ཚུལ་འདི་ཤེས་ལྡན་པ་མང་པོ་ཞིག་གི་མིག་ནང་གི་ཚེར་མར་གྱུར་ཡོད་སྟབས། མི་དམངས་འདུ་འཛོམས་སོགས་ཀྱི་སྐབས་བཀའ་ཤག་ལ་ཏན་ཏན་དྲི་བ་ཡོང་གི་རེད་ལ།  དེ་བཞིན་གནད་དོན་འདིའི་སྐོར་ལ་བོད་ནང་གི་ཤེས་ལྡན་པ་རྣམས་ཀྱིས་ཀྱང་བཀའ་ཤག་ལ་རིམ་པས་དོག་འདྲི་ཡོང་ངེས་རེད། ནམ་ཞིག་གི་དུས་གནད་དོན་འདི་བཙན་བྱོལ་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་དང་།  ཡང་ན་རྒྱལ་སྤྱིའི་ཁྲིམས་ཁང་གང་རུང་ཞིག་ནས་འདྲི་གཅོད་ཡང་བྱེད་སྲིད།བྱ་བ་ཚང་མར་གོ་རིམ་བཞིན་བརྒྱུད་དགོས་པ་རེད།  མཐའ་དོན་ཁྱེད་རང་ནི་སློབ་མ་ཞིག་ཡིན་མིན་མི་ཤེས་ཀྱང་། ལུས་རྒས་ཤིང་སེམས་མ་རྒས་པ་ཞིག་དང་། ལྷག་པར་བོད་ཀྱི་སྐད་ཡིག་ཐད་ཀ་ངོ་ཡིག་ངོ་ཆོད་ཙམ་གྱི་ལས་དང་བོ་བ་ཞིག་ཡིན་པ་ངས་སྔ་ས་ནས་ཤེས་ཡོད། འོན་ཀྱང་ངེད་ནས་ཤིང་འཁོགས་པ་ཞིག་ལ་ཡང་ནས་བསྐྱར་དུ་དྲང་ཕུད་པ་ནི། དྲང་མོར་ཞུ་ན་ཁྱེད་རང་གཙོ་བོ་བྱས་ཏེ་གཙོ་མགོར་བཞག་པ་ཞིག་མིན།  ཁྱེད་ལ་བརྟེན་ནས་བོད་རྒྱ་ཆེ་མི་དམངས་ཀྱི་སྤྱན་ལམ་དུ་བདེན་པ་མང་པོ་ཞིག་གསལ་བཤད་བྱ་རྒྱུའི་གོ་སྐབས་བྱུང་བས་ཡིན།  དེ་ཁྱེད་ལ་ཐུགས་རྗེ་ཆེ་ཞུ།
ད་རེས་ངེད་ནས་ཁྱེད་ལ་རང་རྩོམ་འཕྲལ་སྦྱར་མའི་སྐྱོ་དབྱངས་ཤིག་གིས་སྐྱེལ་མ་
བྱེད།

ཤིན་ཏུ་འཇིགས་རུང་ཀླ་ཀློའི་བསམ་སྦྱོར་གྱིས།།
གངས་ཅན་བསྟན་སྲིད་བརླག་ལ་མ་བཟོད་པར།།
བདེན་པའི་དོན་དུ་གཅེས་སྲོག་བསྟབས་པ་ཡི།།
གཞིས་ལུས་དཔའ་བོའི་ཚོགས་ལ་སྙིང་ནས་གུས།།

འདི་ན་ཁྱི་ཕག་མི་གཙང་ཕུང་པོ་ལ།།
ཇི་ལྟར་ཞེན་ཆགས་ཆེ་བའི་ངང་ཚུལ་བཞིན།།
བདེན་དོན་དཔྱད་པར་བློ་མིག་རབ་ལྡོངས་ནས།།
དམུས་ལོང་གཡང་སར་འདྲེན་པའི་བྱེད་པོ་མང་།།

དཀར་ནག་དབྱེ་བ་དཔྱད་གསུམ་ལུང་རིག་གིས།།
ཕུ་ཐག་བཅད་དེ་བདེན་པ་ངོ་སྤྲད་ཀྱང་།།
གཡོ་སྒྱུ་ཁྲམ་མོའི་ཁ་ཐག་ཇི་ལྟ་བུ།།
བྲེ་མོའི་ལོང་གཏམ་སྨྲ་རྣམས་སྙིང་རྗེ་ཡུལ།།

ཞེ་སྡང་ཆུ་ཡི་རྦ་ཀློང་འཁྲུག་པའི་ཁར།།
ཕྲག་དོག་རླུང་དམར་འཚུབ་པའི་བསམ་སྦྱོར་གྱིས།།
བདེན་པ་རྫུན་པར་འགེབ་པའི་དྲན་འཕྲུལ་འདི།།
གངས་ཅན་པ་ཡི་བསོད་བདེ་ཟད་མིན་ནམ།།

ཀྱེ་མ་གངས་རིའི་མགོན་པོ་སྤྱན་རས་གཟིགས།།
སྲིན་པོ་གདོང་དམར་བོད་ཀྱི་རྒྱལ་ཁམས་འདིར།།
དྲང་པོ་རྣམས་ལ་ནང་གི་དཔོན་གྱིས་བརྙས།།
བོད་ཁམས་སྤྱི་ལ་རྒྱ་དམར་ཀླ་ཀློས་བརྙས།།

བསིལ་ལྡན་བོད་ཀྱི་སྤྱི་མཐུན་བསོད་ནམས་སྟོབས།།
རླུང་ནང་མར་མེའི་རྗེས་སུ་དཔོག་མིན་ན།།
སྤྱན་རས་གཟིགས་དབང་གངས་ཅན་འགྲོ་བའི་མགོན།།
མི་མངོན་དབྱིངས་ནས་ཐུགས་རྗེ་སྤྱན་གྱིས་གཟིགས།།

ལུང་རྟོགས་ལགས།
མ་གཞི་ཁྱེད་ལ་ལན་རྒྱབ་ན་སྤྱང་ཀི་རྣ་བར་ཆོས་བཤད་ཀྱི་དཔེ་ལྟར་ངེས་ཀྱང་། ཁྱེད་ཀྱི་རྣམ་རིག་ཀོ་གྱོང་དེ་སླར་ཡང་ཐེངས་གཅིག་མཉེད་ཕྱིར་གསལ་བཤད་ཐུང་ངུ་ཙམ་ཞུ། “ཉིན་གླའི་ལས་གནས་དེར་མུ་མཐུད་བསྐོ་བཞག་མ་གནང་པ་རེད་”ཅེས་པ་དེའི་ནང་དོན་བཤིག་ན་དུས་བཀག་ནང་ཚུད་ཀྱི་ལས་དུས་མ་ཚང་གོང་གི་ཟླ་གཅིག་སྔོན་ལ་རྒྱང་ཕུད་བྱས་པ་ཡིན་ཞེས་པ་དེ་རེད། དེ་བདེན་མིན་ཁྱེད་རང་ཐུགས་ཡིད་ཆེས་ས་དྲིལ་བསྒྲགས་དྲུང་ཆེ་ཐུབ་བསྟན་བསམ་འཕེལ་ལགས་ལ་བཀའ་འདྲི་ཞུ་ན་གསལ་བོར་ཆགས་ངེས།  དྲ་ལམ་ན་བོད་མི་ཤེས་ཡོན་པ་བརྒྱ་ཕྲག་ལྷག་གིས་ཉིན་མཚན་ལྟོས་མེད་དུ་བསམ་ཚུལ་འདོན་བཞིན་པའང་སྒྲིག་འཛུགས་ཀྱིས་ཐག་གཅོད་དེ་དྲང་བདེན་ཞིག་བྱུང་མ་སོང་ཞེས་ཤོད་བཞིན་ཡོད། སྒྲིག་འཛུགས་ཀྱིས་ཕོག་ཟས་པ་ཙམ་གྱིས་ལས་བྱེད་བླངས་དོར་སྒྲིག་གཞི་འཁྱེར་དགོས་ན།  དེ་དོན་གྱིས་སྒྲིག་གཞི་ནང་གསལ་ཁ་དགོས་པ་དང་། ཡང་ན་ལས་ཞུགས་སྐབས་ངོ་སྤྲོད་གནང་དགོས་པ་རེད།  དེ་འདྲའི་སྔོན་འགྲོའི་བརྡ་སྦྱོར་སོགས་གང་ཡང་མེད་པར་ལམ་སྐེད་ནས་སྒྲིག་གཞི་ལ་འགལ་ཚུལ་ཞིག་མིག་ལྡན་སུས་བལྟས་ཀྱང་དྲང་བདེན་མིན་པར་སོང་།  ད་རེས་སྒྲིག་འཛུགས་ཀྱིས་ཐག་གཅོད་དེ་སྒེར་གཅོད་ཡིན་པ་ཞིག་ལ་གཟུར་གནས་ཤེས་ཡོན་ཅན་ཚང་མས་ངོས་འཛིན་གནང་བཞིན་ཡོད། ཁྱེད་ཀྱིས་ཤེས་ཀྱི་
ཡོད་དམ། བདེན་པ་བློས་གཏོང་དང་རྫུན་པ་འགེབ་ཐབས་འདི། འཛིན་སྐྱོང་བཀའ་ཤག་དང་བོད་མིའི་རྩ་དོན་གྱི་འཕྲལ་ཕུགས་གཉིས་ཀར་ཕན་ཐོགས་རྒྱུ་ལས་གནོད་རྒྱུ་རེད། འདི་ན་གླེན་པ་ངས་ཀྱང་ཁོམ་སྐབས་ཟུར་འདོན་གྱིས་བགྲོ་གླེང་ནང་ཆ་ཤས་ལེན་བཞིན་པ་ཡང་།  ང་ཚོའི་དམངས་གཙོ་སྒྲིག་འཛུགས་འདི་དང་། འཛིན་སྐྱོང་བཀའ་ཤག་གསར་བ་འདི་ཡག་པོ་ཞིག་ཆགས་ན་བསམ་སྟེ། འདི་ལྟར་བགྲོ་གླེང་ནང་ཞུགས་བཞིན་ཡོད། ཁྱེད་ཀྱིས་ཤ་ཚ་སྟངས་དང་ང་ཡི་ཤ་ཚ་སྟངས་གཉིས་གནམ་ས་གོ་ཟློག་གི་ཁྱད་པར་རེད། ད་རེས་ཤར་ཁུག་ལ་ཐག་གཅོད་བྱེད་སྟངས་ཐད་སྒྲིག་འཛུགས་ཀྱིས་ཡང་བསྐྱར་ལངས་ཕྱོགས་ཤིག་བཟུང་ཐུབ་ན་སྒྲུང་རྫོགས་པ་རེད། འདི་མུར་བཞག་ན་གནད་དོན་འདི། བོད་ཀྱི་ལོ་རྒྱུས་སྟེང་གི་ནག་ཐིག་ཅིག་ཆགས་རྒྱུར་མ་ཟད།  བློ་སེང་གི་མི་ཚེ་སྒེར་གྱི་གནས་བབ་ཁྲོད་ཀྱང་བློ་འགྱོད་ཡོང་ངེས་ཀྱི་གནད་དོན་ཞིག་ཆགས་རྒྱུ་རེད། ད་རེས་བློ་བཟང་སེངྒེ་བཀའ་ཁྲིར་འཁོད་པ་ལ། བོད་མི་ཤེས་ཡོན་པ་མང་པོ་ཞིག་གིས་དངོས་ཤུགས་བརྒྱུད་གསུམ་ནས་རོགས་འདེགས་གནང་ཐུབ་ཡོད། མགོ་བཙུགས་མ་ཐག་པའི་བཀའ་ཤག་འདིས་ཕྱིས་འབྱུང་གི་ལས་དོན་མང་པོའི་ཁྲོད། བོད་མིའི་ཤེས་ལྡན་པ་རྣམས་གྲོགས་སུ་འགུག་རྒྱུ་དེ་ང་ཚོའི་བདེན་མཐའ་སེལ་ཐབས་ལ་སྨན་པའི་ཐབས་ཇུས་ཡག་ཤོས་དེ་ཡིན། དེ་ལ་རྒྱབ་བསྟེན་བྱས་ན། ཁ་གསབ་དཀའ་བའི་གྱོང་རྒུད་དེ་ཁྱོད་དང་ང་ཚུད་པའི་བོད་མི་རིགས་ཚང་མ་ལ་ཕོག་རྒྱུ་རེད།  རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་དོན་ཚན་དགུ་བའི་ནང་། སྐྱེ་བོ་རེ་རེར་རང་དབང་ཐོག་ནས་བསམ་ཚུལ་འཆང་བ་དང་འདོན་པའི་ཐོབ་ཐང་ཡོད་ཅེས་གསལ་བས་མ་ཟད།  བསམ་ཚུལ་དེ་བར་མཚམས་ལ་ལྟོས་མི་དགོས་པར་བརྒྱུད་ལམ་ཅི་རིགས་བརྒྱུད་དེ་རང་དབང་ཐོག་ནས་བསམ་ཚུལ་དང་། གནས་ཚུལ་འཚོལ་བསྡུ་བྱེད་པ་དང་། ལེན་པ།མཁོ་སྤྲོད་བྱེད་པ་བཅས་རང་དབང་ཡིན་ཚུལ་གསལ་ཡོད། ང་ཚོ་བཙན་བྱོལ་བོད་མིའི་རྩ་ཁྲིམས་ནང་གཞུང་ནས་མཉམ་འབྲེལ་རྒྱལ་ཚོགས་ཀྱི་ཡོངས་ཁྱབ་གསལ་བསྒྲགས་འགྲོ་བ་མིའི་ཐོབ་ཐང་ལ་སྲུང་བརྩི་བྱེད་པ་ཞེས་འཁོད་བཞིན་དུ། འདི་ལྟར་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་ཀྱི་འབྲུ་དོན་ལ་རྒྱབ་འགལ་བྱས་ན། མགོ་ནས་འདུག་མཁན་ཚོས་རང་གི་རྩ་ཁྲིམས་ལ་སྒྲིག་འགལ་བྱས་པ་མ་ཟད། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོང་ཁྱབ་གསལ་བསྒྲགས་ལའང་རྩིས་མེད་བཏང་བ་རེད། ཁྱེད་ཀྱིས་བལྟས་ན་བྱེད་སྟངས་འདི་གང་དང་མཐུན་དཔེ་ཡང་དག་ཅིག་ཆགས་ས་རེད།  ང་ཚོ་མཚན་ཉིད་ཚང་བའི་དམངས་གཙོ་ཡང་དག་ཅིག་གི་ལམ་བུའི་ཐོག་སྐྱོད་ཀྱི་འདུག་གམ།  གནས་སྟངས་འདི་ལ་བོད་དོན་རྒྱལ་སྐྱོར་བྱེད་མཁན་ཚོ་ཡང་བློ་ཕམ་ཡོང་རྒྱུ་ཉག་གཅིག་རེད། ཁྱེད་ཀྱིས་ང་ལ་སྙུག་མིང་འོག་འཛུལ་བར་སྐྱོན་བརྗོད་བྱེད་ཀྱི་འདུག  སྙུག་མིང་འདི་ང་རང་གི་བསམ་བློ་ལྟ་གྲུབ་ལ་འབྲེལ་ཡོད། དེ་སྐོར་ཁྱེད་ལ་ཤོད་དགོས་མ་མཆིས། ངས་གཞུང་གི་སྒྲིག་འཛུགས་ཆེ་ཕྲ་ཆུང་གསུམ་གང་དུ་ཡང་ལས་ཀ་བྱེད་ཀྱིན་མེད་པས་སྙུག་མིང་སྤྱད་དང་མ་སྤྱད་ལ་ཁྱད་པར་སྤུ་ཙམ་ཡང་མེད། དགོས་གལ་བྱུང་ཚེ་གདོང་སྟོན་རྒྱུར་གྲ་སྒྲིག་ཨང་གསར་ཡོད། སྙུག་མིང་འདི་སྔོན་མ་ནས་བེད་སྤྱོད་བཞིན་པ་དྲ་ལམ་ལ་ཞུགས་མཁན་ཚང་མས་མཁྱེན་ཐུབ།

ད་རེས་ངེད་ནས་ཁྱེད་ལ་མཁས་དབང་དགེ་ཆོས་ཀྱི་སྙན་རྩོམ་ཞིག་གིས་སྐྱེལ་མ་བྱེད།
མངོན་གྱུར་རྟགས་ཀྱི་བདེན་པ་ངོ་སྤྲད་ཀྱང་།།
ངམ་ནག་བཞིན་གྱི་གཉེར་མ་མི་སངས་པ།།
མདོར་ན་ཁྲག་དོག་ཅན་གྱི་སྐྱེས་པོ་འདིའི།།
དགའ་བའི་དངོས་པོ་གཞན་གྱིས་རྒུད་པ་ཉིད།།

རྒྱང་ལྟ་ལགས། ཡང་ཁྱོད་ཐལ་ཆ་ཤོར་སོང་ཞེས་མི་ལ་མཛུབ་མོ་འཛུགས་རྐྱང་ལས་རང་སྐྱོན་མི་མཐོང་བའི་ཚུལ་ལ་བལྟས་ན་ཁྱེད་རང་ཡང་རྣམ་རིག་གུ་དོག་ཅན་ཞིག་ལས་གུ་ཡང་ཅན་ཞིག་མིན་པ་བསྟན་ཡོང་གི་འདུག
ཁྱེད་ཀྱིས་ཤར་ཁུག་ཉིན་གླ་བ་ཡིན་པས་ལས་བྱེད་ཀྱི་བླང་དོར་སྒྲིག་གཞི་དང་འགལ་མེད་ཚུལ་དང་། ཉིན་གླ་བས་བླང་དོར་སྒྲིག་གཞི་སྲུང་བརྩི་ཞུ་མི་དགོས་པར་བཤད་ཞིན་འདུག་ཀྱང་། ལེན་འདེབས་ཚོགས་ཆུང་གི་ཚོགས་གཙོ་དང་དྲིལ་བསྒྲགས་དྲུང་ཆེ་ཐུབ་བསྟན་བསམ་འཕེལ་ལགས་ནས། ༼ “ གནད་དོན་དེ་ནི་ལས་བྱེད་བླང་དོར་སྒྲིག་གཞི་ལེའུ་གསུམ་པའི་དོན་ཚན་བརྒྱད་པའི་ལས་བྱེད་ཀྱི་ཀུན་སྤྱོད་བླང་དོར་དོན་ཚན་ལས། གཞུང་ཞབས་བྱེ་བྲག་པར་སྐྱོན་བརྗོད་བྱས་ཏེ་མི་མང་སྐུལ་སློང་བྱེད་མི་ཆོག་ཞེས་པར་འགལ་ཡོད་པ་རེད། ༽ཞེས་དང་། ཡང “གཞུང་གིས་ཕོགས་གནང་གི་ཡོད་སྟབས། གཞུང་གི་སྒྲིག་གཞི་གཞིར་བཟུང་ཡིན་གཅིག་མིན་གཅིག་འགྲོ་དགོས་གྱི་ཡོད་པ་རེད་ཅེས་གསུང་འདུག་ལ།
ཡང་ཁྱེད་རང་གིས་ཤར་ཁུག་ཟླ་བ་ཅིག་གི་དུས་ཚོད་མ་རྫོགས་སྔོན་ནས་རྒྱང་ཕུད་བྱས་པ་རེད་ཅེས་བཤད་པ་ནི་འོག་གི་ལྷ་མོ་སྐྱབས་ལགས་ཀྱི་མཆན་དེ་ནས་ལུང་དྲངས་ཁུལ་བྱས་པ་འདྲ་ན་ཡང་། དྲིལ་བསྒྲགས་དྲུང་ཆེ་ལགས་ནས། ༼ བློ་བཟང་ཆོས་འབྱོར་ལགས་ལས་གནས་ནས་ཕྱིར་འཕུད་བཏང་བའི་སྐད་ཆ་མ་ཡིན་པར། ཉིན་གླའི་ལས་གནས་དེར་མུ་མཐུད་བསྐོ་བཞག་གནང་ཡོད་པ་མ་རེད།” ༽ཅེས་གསུང་འདུག་པས་ད་འོ་ན་ཁྱོད་རྒྱང་ལྟ་ལ་ཡིད་ཆེས་བྱེད་དགོས་སམ་བོད་མིའི་སྒྲིག་འཛུགས་ཀྱི་དྲིལ་བསྒྲགས་དྲུང་ཆེར་ཡིད་ཆེས་བྱེད་དགོས། ངས་ནི་བོད་མིའི་སྒྲིག་འཛུགས་ཀྱི་དྲིལ་བསྒྲགས་དྲུང་ཆེར་ཡིད་ཆེས་བྱེད་པ་ལས་དངོས་མིང་ཙམ་ཡང་མེད་པའི་དྲ་འབུ་ཞིག་ལ་ཡིད་ཆེས་བྱེད་ཐུབ་ས་མ་རེད།

ཕྲན་ནི་སྔ་མོ་ནས་བོད་པའི་བདེན་མཐའ་ལ་སེམས་ཤི་ཚར་བ་ཞིག་གམ་ཡང་ན་རང་ཉིད་ཀྱིས་རང་ཉིད་ཅུང་ཡག་ཏུ་བཏང་སྟེ་སྐད་འབོད་ཅུང་ཟད་ཙམ་གྱིས་རང་ཉིད་བོད་པ་ཞིག་ཡིན་པའི་འགན་རྫོགས་པར་འདོད་མཁན་ཞིག་མིན་པར་འདོད་ཡོད་་ཟེར་མཁན་ཞིག་ཡིན་པས། བཀའ་བློན་ཁྲི་བའམ་ཁོང་གི་སྐྱོན་ཡོན་འཇོན་ཐང་ལ་ལྟ་རྟོགས་ཀྱང་དམིགས་བསལ་གྱིས་བྱེད་ཀྱིན་མེད་ལ། སྐྱོན་ཞིག་ཨེ་མཐོང་མཐོང་དེ་ལས་ཀྱང་བྱེད་ཀྱིན་མེད། རྒན་རབ་གསལ་གྱིས་ཁུག་ལྟ་ལས་བཀའ་ཁྲི་ལ་བརྟག་དགོས་བར་འདུག་ཟེར་བ་སོགས་དེང་གི་རྒྱལ་སྤྱིའི་བཤད་ལ་དགའི་འགྲོ་སྟངས་དང་མཐུན་ཞིང་། བཤད་པ་ཐལ་ཆེ་བ་དག་ལ་དགོངས་དག་ཀྱང་བྱས་འདུག་པས་པས། ཤོག་ཁག་གི་སྐད་ཆའི་ཁ་གཡོགས་ཀྱང་དགོས་པ་མི་འདུག་སྙམ།

ལུང་རྟོགས་ལགས།
ཡང་ཁྱོད་ཐལ་ཆ་ཤོར་སོང་། སྨྲ་བརྗོད་རང་དབང་དང་དམངས་གཙོ་ཞེས་པ་ནི་འགན་ཁུར་ཡོད་པ་དང་ཁྲིམས་དང་སྒྲིག་གཞི་ལྡན་པ་ཞིགམ་རེད་ཅེས་ཁྱེད་ལ་ངས་ཤོད་རྒྱུ་མ་བྱུང་། ཡང་ཁྱེད་ཀྱིས་འབེན་ཤར་ནས་བཞག་སྟེ་མདའ་ནུབ་ལ་འཕེན་
བཞིན་འདུག འདི་ལྟར་བྱས་ན་ཐག་ཆོད་ཐབས་ཡོང་གི་མ་རེད། ཁྱེད་ཀྱི་རྣམ་རིག་དེ་ཇི་འདྲའི་གུ་དོག་ཅིག་
ཨང་། ཤར་ཁུག་འདི་བཙན་བྱོལ་སྒྲིག་འཛུགས་ནང་གཞུང་ཞབས་དང་། ཆོད་གན། རང་ཁུངས། ཉིན་གླ་གསུམ་གྱི་ལས་བྱེད་ཁྲོད་ཉིན་གླ་རེད། ལས་བྱེད་ཀྱི་བླངས་དོར་སྒྲིག་གཞི་དེ་གོང་གསལ་ལས་བྱེད་དག་ལས་ཉིན་གླ་བར་ཁྱབ་ཀྱིས་ཡོད་པ་མ་རེད། དེར་བརྟེན་གཞུང་གི་ལས་བྱེད་སྒྲིག་གཞི་ལ་འགལ་ཚུལ་མེད། ལར་ནས་ཉིན་གླ་བས་ཀྱང་གཞུང་གི་བླངས་དོར་སྒྲིག་གཞི་དེ་སྲུང་བརྩི་དགོས་ན། གཞུང་གི་ལས་བྱེད་ཀྱི་བླངས་དོར་སྒྲིག་གཞི་དེ་ནང་གསལ་ཁ་དགོས་པ་རེད། གཉིས་ནས་གཞུང་སྒེར་གྱི་ཚོགས་པ་གང་ཞིག་ཡིན་ཡང་ལས་བྱེད་གསར་བ་འཛུལ་ཞུགས་སྐབས་སྒྲིག་གཞི་ངོ་སྤྲོད་གནང་སྲོལ་ཡོད། ཤར་ཁུག་ལ་གཞུང་གིས་དེ་ལྟར་ལམ་སྟོན་གང་ཡང་བྱས་མེད་སྟབས། སྒྲིག་གཞི་གང་ལ་འགལ་དགོས་པ་རེད། སོང་ཙང་
སྒྲིག་འགལ་མིན་པ་ཞིག་ལ་སྒྲིག་འགལ་བཟོས་པ་དང་། དེ་ཡང་དུས་བཀག་ནང་ཚུན་མིན་པར་ཟླ་གཅིག་སྔ་སྣུར་གྱིས་ཤར་ཁུག་རྒྱང་ཕུད་བྱས་པ་དེ་སྒེར་གཅོད་རེད་ཟེར་གྱི་ཡོད། ཁྱེད་ཀྱིས་ཤེས་ཀྱིན་མེད་པ་འདྲ།
རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོངས་གསལ་བསྒྲགས་དོན་ཚན་དགུ་བའི་ནང་།སྐྱེ་བོ་སུ་ཡང་གང་བྱུང་གིས་འཛིན་བཟུང་དང་། བཀག་ཉར་བྱེད་པའམ། རྒྱང་འབུད་གཏོང་བ་རིགས་བྱས་མི་ཆོག་ཅེས་བཀོད་ཡོད་པ་མ་ཟད། ཁྲིམས་ཐོག་ནས་ནག་ཉེས་ཡོད་པར་ར་འཕྲོད་མ་བྱུང་བར་དོ་བདག་ལ་ཉེས་མེད་དུ་ཆ་འཛིན་དགོས་པའི་ཐོབ་ཐང་ཡོད་ཅེས་པའི་དམངས་གཙོའི་ཁེ་དབང་དང་སྒྲིག་གཞི་འདི་ང་ཚོས་སྲུང་བརྩི་དགོས་
ཞེས་ཤོད་ཀྱི་ཡོད། མཇུག་མཐར་ངས་ཁྱེད་ལ་སྒྲུང་གླུ་ཞིག་གིས་སྐྱེལ་མ་བྱེད།

གླུ་ཨ་ལ་ལ་མོ་ཨ་ལ་ལེན།། གླུ་ཐ་ལ་ལ་མོ་ཐ་ལ་ལེན།།
ཁྱེད་ལུང་རྟོགས་རིག་ཤེས་རྟུལ་ལུགས་ལ།། ཕྲན་རྒྱང་ལྟས་གསེད་བཀྲོལ་བྱེད་ལོང་མེད།།
གླུ་གོ་ན་རྣ་བའི་བདུད་རྩི་བྱོས།། གླུ་མ་གོ་གླུ་ལ་འགྲེལ་བ་མེད།།

སྨྲ་བརྗོད་རང་དབང་ལོངས་སུ་སྤྱོད་ངས་ཁྱོད་ལ་རྐུ་མ་རེད་བརྗོད་པ་ཡིན་་་་་་་་་་་་དམང་གཙོ་རང་དབང་ལོངས་སུ་སྤྱད་ནས་ངས་ཁྱོད་ཀྱི་ཅ་དངོས་བརྐུས་པ་ཡིན་་་་་་་་་འདི་འདྲ་བཤད་ན་ཐལ་དྲག་པ་མ་ཡིན་ནམ་་་་་་་་་་་་་་་ཆབ་བྲག་ཁྱོད་རང་བོད་མི་མང་སྤྱི་འཐུས་བྱ་མྱོང་མཁན་ཞིག་གིས་བོད་མི་རིགས་དང་བསྟན་པ་ཆབ་སྲིད་སྤྱི་ལ་ཕན་པའི་སྐད་ཆ་རེ་བཤད་ཐུབ་ན་བཟང་་་་་་་་་་་་མི་རེ་གཉིས་ཀྱི་རྒྱབ་སྐྱོར་བྱ་ནས་འཕགས་འཚགས་མང་པོ་མ་བརྒྱབ་ན་མི་ལེགས་སམ་་་་་་་ཁྱོད་རང་གི་སྐད་ཆ་དེ་ཚོའི་རྒྱབ་ལོགས་སུ་ཅི་ཞིག་སྦས་ཡོད་ཚང་མས་གསལ་པོ་ཤེས་ཀྱི་ཡོད་ཚོད་རེད།

ཞིབ་ཀློག་གིས་བསམ་གཞིག་དང་བཅས་ནས་སྒུག་བསྡད་ཡོད།

དུས་ལ་ཐོན་ན་སྐད་ཆ་བཤད་ཁོ་ཐག་ཡིན། ད་དུང་མུ་མཐུད་ནས་གླེང་ན་བཟང་བར་སྙམ།

ལུང་རྟོགས་ལགས། རང་ཉིད་ཀྱི་བསམ་ཚུལ་ལ་རང་ཉིད་ཀྱི་གསལ་བྱེད་དགོས་ཕན་མེད། རྒྱུ་མཚན་ཁྱོད་རང་ཉིད་ཀྱི་མ་ཤེས་པས་དབང་གི་འགྲོ་བ་མའི་སེམས་ཁམས་ལ་བསམ་བློ་གཏོང་མ་ཤེས་པ་རང་ལས་མེད། གཅིག་ཅེ་ན་ལག་ཆ་ཡང་ཡིན་སྲིད། ནོར་ཡང་སྲིད། གང་ལྟར་ཀྱང་གསུང་སྟངས་ལ་སྐྱོན་ཤོར་བ་རང་ལས་མེད་པ་གསལ་བྱེད་དགོས་དོན་མེད། རྗེས་སུ་དེ་འདྲ་མ་གསུང་རོགས། བོད་ཀྱི་སྣེ་ཁྲིད་དག་འམ་ཡང་ན་སེམས་ཤུགས་ཅན་སོགས་ལ་བློ་ཕམ་མ་བཅུག་རོགས་ཞེས་ལག་གཉིས་ཕལ་མོ་བྱས་ནས་ཞུ་རྒྱུ་ཡིན། དགོངས་དག་ལུང་རྟོགས་ཞེས་བཅོས་རོགས།

སྒྲ་ནི་བརྗོད་འདོད་རྗེས་འབྲང་ཕྱིར་ཞེས་གསུངས་པ་ལྟར། ཕྱོགས་ཞེན་བྱེད་ཀྱི་འདུག་ཟེར་མཁན་ཚོས་ཀྱང་ཕྱོགས་ཞེན་བྱེད་བཞིན་ཡོད་པ་ལས་རྒྱུ་མཚན་ལ་བསམ་བློ་བཏང་ནས་བོད་འདི་དམངས་གཙོ་ཡང་དག་ཅིག་གི་བགྲོད་ལམ་ཐོག་སྐྱོད་ཨེ་ཐུབ་ལ་ལྟ་བཞིན་མི་འདུག
བརྒྱ་བཤད་སྟོང་བཤད་ཇི་ལྟར་བྱས་ཀྱང་གནས་ལུགས་གཅིག་མ་གཏོགས་ཡོད་པ་མ་རེད། གནས་ལུགས་གཅིག་པོ་དེ་བཀའ་ཤག་འདིས་སྨྲ་བརྗོད་རང་དབང་བཙན་འཕྲོག་བྱས་སོང་བྱས་པ་དེ་རེད།
དེ་ཕན་ནས་སྐད་ཆ་ཡར་སྐྱོགས་མི་སྐྱོགས་ཇི་ལྟར་བྱས་ཀྱང་ཡས་ལ་བརྔོས་ཀྱང་ཡོང་རྒྱུ་རྩམ་པ་ལས་མེད།

ང་ལ་མཚོན་ན་ཨ་མདོ་བ་ལ་མི་དགའ་སྡང་ཟུག་བྱེད་དགོས་དོན་གང་ཡང་མེད་པར་མ་ཟད། བོད་ཕྱི་ནང་གཉིས་ལ་བོད་ཀྱི་སྐད་ཡིག་དང་རིག་གཞུང་གི་སྲོག་རྩ་ལྟ་བུ་འཛིན་མཁན་ནི་ཨ་མདོ་བ་རྣམས་ཡིན་པ་གསལ་པོ་རེད་ལ། ༢༠༠༨ ནས་དུས་ད་ལྟའི་བར་བོད་མིའི་རང་དབང་གི་ཆེད་དུ་དཀའ་ལས་མང་ཤོས་རྒྱག་མཁན་ཡང་ཨ་མདོ་བ་དང་ཁམས་དཀར་མཛེས་པ་རྣམས་ཡིན་པ་ལ་སུས་ཀྱང་སྨྱོན་དུ་མེད་པས་ཁོང་ཅག་ལ་ཡིད་སྨོན་དང་དགའ་ཞེན་ཡོད། འོན་ཀྱང་རང་ཉིད་དགའ་ཕྱོགས་དེས་བྱ་བ་བཟང་ནང་ཅི་ཞིག་བྱས་ཀྱང་བཟང་པོར་བརྩི་རྐྱང་བྱེད་པའི་གཤིས་ཀ་ཞིག་བདག་ལ་མེད་ཅིང་། རྩོམ་པ་པོ་བློ་བཟང་ཆོས་འབྱོར་ལགས་ཀྱི་གླེངས་རྙོག་འདིའི་ཐད་བཙན་བྱོལ་ཁྲོད་ཀྱི་མདོ་སྨད་རྩོམ་པ་པོ་རྣམས་ནས་རང་ཚུགས་བརྟན་པོ་ཞིག་འཛིན་ཐུབ་མ་སོང་ལ་ཕྱོགས་སྒྲིལ་གྱི་རྣམ་པ་ཤུག་ཆེར་ཐོན་པའི་ཚོར་བ་ཞིག་བདག་ལ་ཡོད་ཅིང་ཡོད་པ་ལྟར་དུ་བཤད་པ་ཡིན། མི་བདེན་སྙམས་ན་གླེངས་རྙོག་འདིའི་ཐད་ཀྱི་རྩོམ་ཡིག་དག་དང་དེ་དག་གི་གཤམ་གྱི་མཆན་བུ་རྣམས་ལ་ཞིབ་འཇུག་ཅིག་གྱིས་དང་ངེས་ཤེས་སྐྱེ་ངེས་རེད། དངོས་སུ་མཐོང་བཞིན་དུ་ད་དུང་སྨྱོན་འདིང་ན་ནི་ཁྱེད་རང་ཡང་མཐར་ལྷུང་བ་ཞིག་ལ་མ་བརྩིས་རང་བརྩིས་རེད། རྟ་མགྲིན་རྡོ་རྗེ་ལགས། ངས་བློ་བཟང་ཆོས་འབྱོར་ལ་རྒྱབ་སྐྱོར་བྱེད་མཁན་ཁྲོད་ཆོལ་ཁ་གཞན་གཉིས་ཀྱི་མི་གཅིག་ཀྱང་མི་འདུག་ཞེས་བཤད་པ་མ་ཡིན་པར་གནད་དོན་འདིའི་ཐད་མདོ་སྨད་ཀྱི་རྩོམ་པ་པོ་རྣམས་ཕྱོགས་སྒྲིལ་གྱི་རྣམ་པ་ཐོན་འདུག་ཞེས་བཤད་པ་ཡིན་པས། སྐད་ཆའི་གོ་དོན་མ་རྟོག་གོང་མི་ལ་སྡིག་རྒྱུ་བཞག་ནས་སྐད་ཆའི་གོ་བ་ལོན་རྗེས་གཞི་ནས་སྐད་ཆ་བཤད་པར་ཡོང་ན་ཡག་པོ་འདུག གྲ་རྒོད་ལགས་ནས་ཀྱང་ངས་ནང་ཁུལ་དཀྲུག་ཤིང་བཞག་པ་ལྟ་བུ་ཞིག་གསུང་འདུག་ཀྱང་ངས་བལྟས་ན་བྱ་བའི་འགོ་མཐོང་བ་ཙམ་གྱིས་ཞིབ་འཇུག་གང་ཡང་མེད་པར་གང་བྱུང་གིས་རྩོམ་ཡིག་སྤེལ་མཁན་དང་མཆན་འདེབ་མཁན་དེ་ཚོ་ནི་ནང་ཁུལ་དཀྲུག་མཁན་ངོ་མ་དེ་རེད་འདོད། མ་ཟད་ངས་དུས་བབ་ནང་ལ་མཆན་གྲང་ལས་འདས་པ་ཞིག་བཀོད་ཡོད་ལ་དེ་དག་གི་མགོར་རང་མིང་གསལ་པོ་བཀོད་ཡོད་པ་ལས་མིང་འདྲ་མིན་གྱི་འོག་ནས་མཆན་འདྲ་མིན་གང་ཡང་བཀོད་མེད་པས་ཁྱེད་རང་གིས་ཞིབ་འཇུག་ཅིག་གནང་ན་ང་ནང་ཁུལ་དཀྲུག་མཁན་ཡིན་མིན་གསལ་པོ་ཤེས་ངེས་རེད། སྤྱིར་མི་ལ་ཆགས་སྡང་ཡོད་པས་ཕྱོགས་ཞེན་གྱི་རྣམ་པ་ཅུང་ཟད་རེ་སུ་ལ་ཡིན་ཡང་ཐོན་སྲིད་པ་རེད། འོན་ཀྱང་མི་རིགས་འདིའི་གནས་སྟངས་ཉག་ཕྲའི་སྐབས་འདིེར་ནང་ཁུལ་ཕྱོགས་ཞེན་གྱི་རྣམ་པ་ཤུགས་ཆེན་པོ་ཐོན་ན་འགྱེལ་ཐོག་རྡོག་བརྫིས་ལྟ་བུ་འགྱུར་ངེས་པས་ངས་གང་ལ་ཡང་མ་འཛེམ་པར་རེ་བསྐུལ་དེ་ཞུས་པ་ཡིན་པས་དཔྱོད་ལྡན་རྣམས་ཀྱིས་དཔྱད་ཞིབ་ཡག་པོ་གནང་རོགས།

ང་ཚོའི་བཀའ་ཁྲི་ཁོང་དགུང་ལོ་ཆུང་ཆུང་རེད། ཤེས་རྒྱ་ཆེན་པོ་རེད། ད་བར་དུ་སུ་གང་གིས་གསུང་མ་ཐུབ་རེ་ཁོང་གིས་གསུང་གི་འདུག ད་བར་དུ་སུ་གང་གིས་སྒྲུབ་མ་རེ་ཁོང་གིས་སྒྲུབ་གི་འདུག ལས་རིམ་ཚང་མ་བང་སྒྲིག་ནས་ཡོང་གི་ཡོད་པ་རེད། ད་ཁྱོད་ཚོའི་མུག་ཁ་དེ་ཅུང་བཙུམ་ནས་ཕྱར་གྲུ་མཉམ་འདེགས་བྱས་ན་གང་འདྲ་རེད།

བཀའ་ཁྲི་ཁོང་ལ་བོད་མི་དམངས་ཀྱི་བཀའ་ལུང་ཆ་ཚང་ཡོད་པ་རེད། བཅོལ་བའི་ལས་ལ་མི་གཞོལ་བར། མ་བཅོལ་བའི་ཇུས་གཏོགས་སྐམ་པོ་རེར་འཐམ་མཁན་ལས་བྱེད་རེ་ཟུང་ཕྱིར་འབུད་བྱ་རྒྱུའི་དབང་ཚད་ཁོང་ལ་ཡོད་དང་ཡོད།

དོན་དག་གཞན་པ་ཞིག་ནི། ལ་ལས་འདི་ཆོལ་ཁའི་ཕྱོགས་ཞེན་ཡིན་པར་བཤད། དགེ་འདུན་རབ་གསལ་ལགས་ཀྱིས་ཀྱང་ཆོལ་ཁའི་ཞེན་ཁོག་བཤད་པ་ཞིག་མི་འདུག་ལ། མཆན་མཁན་སུ་གཅིག་གིས་ཆོལ་ཁའི་ཞེན་ཁོག་གི་ཆ་ནས་གླེང་བཞག་པ་ཞིག་མཐོང་མ་སོང་། དེ་ལྟར་གླེང་མཁན་ནི་རིགས་དབྱེན་དཀྲུག་པ་རེད། ང་རང་ཡང་མདོ་སྨད་པ་ཐེབ་ཆག་ཅིག་ཡིན། འོན་ཀྱང་། ཞེན་ཁོག་སྐམ་པོ་དེས་ཅི་ཡང་མི་ཡོང་བ་ངོ་འཕྲོད་བསྡད་མཁན་ཞིག་ཡིན།

སྤྱིར་བཏང་ཚོགས་པ་གང་ཞིག་ནས་མི་སུ་ཞིག་ལས་གནས་ལས་གནས་དབྱུང་གཏོང་བའི་ལུགས་སྲོལ་ཡོད་པ་སུས་ཀྱང་ཤེས་པ་རེད། ཡིན་ན་ཡང་ང་ཚོ་ཧ་ལས་ཤིང་ཧོན་ཐོར་ནས་འཆད་བཞིན་པ་ནི།
གཅིག བློ་བཟང་སེངྒེ་ལགས་ཀྱིས་རང་གི་ཞན་ཆ་བཤད་པའི་རྩོམ་ཡིག་ཅིག་ལ་ཁ་གཡར་ནས། དམངས་གཙོའི་སྒྲིག་འཛུགས་དང་སྨྲ་བརྗོད་རང་དབང་རྩིས་མེད་དབང་བ།
གཉིས། བོད་ཀྱི་དྲྭ་རྒྱ་ཁག་ཏུ་བོད་མིའི་སྒྲིག་འཛུགས་དང་༧གོང་ས་མཆོག་ལ་སྐྱོན་བརྗོད་སྣ་ཚོགས་ཡོང་བཞིན་པ་རྣམས་སྣང་མེད་དུ་བཞག་ནས། རང་ཉིད་ཀྱི་མཚང་ལ་ཕོག་དུས་ཅི་ཡང་བྱེད་ཕོད་པ་འདིས་ཁོའི་གཤིས་ཀར་སྲིད་དབང་སྒེར་འཛིན་པའི་གཡའ་ཡོད་པའི་རྣམ་པ་མངོན་པ།
གསུམ། རང་ཉིད་ལ་ཁ་གཏད་དང་འགྲན་བསྡུར་བྱེད་ས་མེད་ན་རང་ཉིད་ཀྱི་ལས་ཀའི་ངོ་བོ་དང་གནས་སྟངས་ཡར་རྒྱས་མི་འགྲོ་བའི་སྤྱི་ཚོགས་ཀྱི་རྒྱུན་སྲོལ་རྩིས་མེད་བཏང་བ།
བཞི་པ། བཀའ་ཁྲིར་ལངས་སྐབས་རང་ཉིད་སྡོད་སའི་ས་གནས་བོད་རིགས་ཚོར་རང་ཉིད་བཀའ་ཁྲིར་ལངས་པའི་འགྲན་རྩོད་སྐོར་གྱི་གཏམ་བཤད་གཅིག་ཀྱང་སྤེལ་མེད་པར་གསང་བ་ཞིག་ཡོད་པ།
ལྔ་པ། ལས་རོགས་བཀའ་བློན་དུ་དེ་སྔ་རྩོད་གཞི་དང་གླེང་རྙོག་ཡོད་པའི་མི་ཞིག་འདེམས་བསྐོ་བྱས་པ།
དྲུག་པ། རང་གི་ཉེ་འབྲེལ་ལ་བཀའ་བློན་གྱི་གོ་གནས་སྤྲད་པ།
འདི་ལྟ་བུའི་གནས་ཚུལ་ལ་བལྟས་ན་ཡང་། བློ་བཟང་སེངྒེས་རང་གི་སྲིད་དབང་བརྟན་ཡོང་བར་མི་སྣའི་རྒྱབ་རྩ་ངེས་ཅན་ཞིག་གྲ་སྒྲིག་བྱས་པ་རེད། བློ་བཟང་སེངྒེ་ཡང་མི་ཡིན་པས་སྐྱོན་ལོས་ཡོད། ཁོ་ལ་རྒྱབ་སྐྱོར་བྱེད་མཁན་རྣམས་ཀྱིས་ཀྱང་གང་ཐུབ་དྲང་བདེན་གྱི་སྐད་ཆ་བཤད་དགོས་པ་ནི་ “རེ་བ་བཟང་ས་ནས་རྒྱག་དགོས་” པའི་བཀའ་རྩ་རེད། ཡང་སོ་སོའི་སྐད་ཆར་སོ་སོས་འགན་ཁྱེར་དགོས་པ་རེད། ལྷག་པར་མི་ཉག་སྐལ་བཟང་དང་འཇམ་དཔལ་རལ་གྲི་ཟེར་བ་སོགས་ཀྱིས་དེ་བས་ཀྱང་རང་གི་སྐད་ཆར་འགན་འཁྱེར་དགོས་པ་རེད། དེ་ནི་འགན་ཆེན་པོ་རེད། དྲྭ་བདག་སོ་སོའི་ངོས་ནས་ཀྱང་མི་འདི་དག་ལ་རྒྱུས་ལོན་བྱེད་དགོས་པ་རེད། དེ་ནི་ “གྲ་སྒྲིག་སྡུག་ས་ནས་བྱེད་” དགོས་པའི་རྐྱེན་གྱིས་རེད། བདེན་པ་ཉིད་རྣམ་པར་རྒྱལ་གྱུར་ཅིག

དེ་རིང་དྲ་ཐོགས་གི་གྲོགས་པོ་མང་པོ་ཞིག་གིས་སྐད་ཆ་བཤད་སྟངས་ནོར་འདུག་དགེ་འདུན་རབ་གསལ་དང་ས་ལེ་རྒྱལ་སོགས་དྲང་ཚུགས་ཅན་གྱི་སྐད་ཆ་བཤད་མཁན་ཡིན་པ་ལས་ཕྱོགས་རིས་མཐུན་ཁྱེར་དང་ངོ་བསྟོད་སྤྲེལ་ལད་འཁྲབ་མཁན་མིན་པ་ནམ་རྒྱུན་དྲ་ཐོགས་ཕེབས་མཁན་ཚང་མའི་ཤེས་གསལ་རེད། དགེ་རབ་ཁོང་གིས་གསུང་པ་ནང་བཞིན་བློ་སེང་གི་བཤིས་ཀ་ནི་ང་ཚོ་ཚང་མའི་མི་ཤེས་རྒྱུ་མང་པོ་རེད་ ཨ་རི་ཧ་ཝ་ཌི་སློབ་གྲྭའི་ནང་ལས་གནས་གང་ཡིན་སོགས་སྔར་ནས་རྩོམ་པ་པོ་ཁང་སར་རྡོ་རྗེ་དང་དགེ་རབ་སོགས་གིས་གསང་པ་ནང་བཞིན་རེད། ད་དུང་ང་ཚོ་ཚང་མའི་མི་ཤེས་བཞིན་དུ་ཨུ་ཚུགས་བྱེད་ནས་ཁོང་གཅིག་ཡིན་འདོག་འདོག་བཤད་སྡད་ན་ཕན་ཐོག་ཡོད་མ་རེད དེ་ལས་ང་ཚོ་ཚང་མའི་སྐྱོན་ཡོད་ས་སྐྱོན་བརྗོད་དང་ཡོད་ཏན་ཡོད་ས་བསྟོད་པ་བྱེད་དགོས་གི་རེད་ ཡིན་གཅིག་མིན་གཅིག་ཆོ་ཁ་དང་ཆོས་ལུགས་ཕྱོགས་རིས་ཞིག་བྱེད་སྡད་ན་ང་ཚོ་རང་ཉིད་གི་རང་བཅད་པ་ལས་དགེ་མཚན་གང་ཡོད། ཤར་ཁུ་སྙོགས་གླེང་ནི་ཚོགས་ཆུང་གི་ཚོགས་གཙོ་ཐུབ་བསྟན་བསམ་འཕེལ་གི་དྲི་བ་ལེན་འདེབས་ལ་ལྟོས་ན་གསལ་པོ་རེད་ཁོང་གིས་ལས་བྱེད་སྒྲིགས་གཞི་དང་འགལ་ཚུལ་དང་ཡང་ཆོད་གན་རྫོགས་ཚུལ་སོགས་ནང་འགལ་ཤ་སྟགས་གསུང་གི་འདུག ད་དུང་ཁ་ཤས་ཞིག་གི་ཤར་ཁུ་ཀླུ་མཁར་བྱམ་དང་སྡུར་ནས་བཤད་གི་འདུག་ཡིན་ཡང་ཀླུ་བྱམ་ཤར་ཁུ་དང་བསྡུར་ཐབ་གཏན་ནས་མེད་གང་ཡིན་ཟེར་ན་ཀླུ་བྱམ་ཁོང་གིས་བོད་མི་རིག་ཆེད་དུ་རྩོམ་ཡིན་འབྲི་གི་ཡིན་སྐད་ཆད་བཤད་གི་ཡིན་གསུང་པ་ལས་ངའི་རྩོམ་ཡིག་བྲིས་པ་དེ་ནོར་སོང་དགོངས་དག་ཐུགས་བདེན་ཞུས་མེད། ཤར་ཁུ་གི་ངའི་རྩོམ་ཡིག་སྤེལ་བ་ནོར་སོང་ཕྱིན་ཆད་དེ་འདྲའི་རྩོམ་ཡིག་སྤེལ་གི་མིན་དགོངས་དག་ཐུག་བདེན་ཞུས་པ་རེད་ དེའི་ཐོགས་ནས་རྩོམ་པ་པོའི་ཁ་ཕྱོགས་ལྟོ་གོས་ཆེད་ཡིན་དང་ཡང་ན་བོད་མི་རིག་ཆེད་གང་ཡིན་གསལ་པོ་བྱེད་ཡོད་པ་རེད།

ལུང་རྟོགས་ལ་ཞུ་རྒྱུར།
ཁྱེད་ཀྱིས་ཁ་ཡག་ལ་སྦྱར་ནས་མགོ་འོག་ལ་བསྡུས་པའི་དབྱེན་དཀྲུག་གི་སྐད་ཆ་མ་བཤད་ན། འདི་ན་
བཀའ་ཤག་གསར་བའི་ཐག་གཅོད་ནོར་འཁྲུལ་དུ་ངོས་འཛིན་མཁན་གྱི་མཆན་བུ་བའི་ཁྲོད་མདོ་སྟོད་དང་
མདོ་སྨད་དབུས་གཙང་སྟེ་བོད་ཆོལ་ཁ་གསུམ་གྱི་མི་ངོ་མཆིས། གལ་གནད་ལ་ཐུག་སྟེ་ངོ་སྤྲོད་བྱ་དགོས་
བྱུང་ཚེ་དེ་དུས་གདོང་སྟོན་རྒྱུ་གྲ་སྒྲིག་ཡོད་པ་རེད། ཁྱེད་ཀྱིས་རྐང་བཙུགས་ནས་མདོ་སྨད་ཀྱི་མཆན་བུ་ཁོ་ནར་ངོས་འཛིན་པ་ནི། གཅིག་བྱས་ན་ཁྱེད་ཀྱི་ཕུགས་ལ་བསམ་བློ་གཏོང་མ་ཤེས་པ་ཡིན་སྲིད་མོད། གཅིག་བྱས་ན་ཁྱེད་ཀྱིས་རྐང་བཙུགས་ནས་བོད་མི་ནང་ཁུལ་དཀྲུགས་བཞིན་འདུགརྗེས་སོར་ཁྲིམས་ཐོག་ནས་སྐད་ཆ་འདི་གླེང་དགོས་བྱུང་ཚེ་ཁྱེད་རང་གང་དུ་ཡོད་ཀྱང་སྐད་ཆ་འདིར་འགན་ཁྱེར་ཐུབ་དགོས། དེ་ཁྱེད་ནས་ཤེས་པར་གྱིས་་་་་་་་་་་་་་་་

ལུང་རྟོགས་ལགས་སུ་ཞུ་རྒྱུ།
གལ་སྲིད་ཁྱེད་ཀྱིས་བོད་མི་རིགས་དང་རྒྱལ་ཁབ་ཀྱི་དོན་དུ་སྐད་ཆ་དྲང་པོ་མདའ་འདྲ་པ་ཞིག་བཤད་འདོད་ན། ཆོལ་ཁའི་མིང་ཨ་མདོ་ཞེས་བརྗོད་པ་ནི་ལེགས་པོ་མིན་འདུག ཁྱེད་ཀྱིས་དཔེར་ན་། བོད་ནང་སུ་དཔའ་པོ་དཔའ་མོ་རྣམས་ཀྱིས་རང་སྲོག་བློས་གཏོང་བཞིན་པའི་སྐབས་འདིར་ང་ཚོས་འདིར་རྩོད་པ་རྒྱག་པ་འདི་ཧ་ཅང་སྐྱོ་པོ་རེད་ཅེས་བརྗོད་ན་ཇི་འདྲ་མི་ལེགས་སམ།

རྩོམ་པ་པོས་གང་བཤད་བཞག་ཅིག་གཡུག་ནས་གླེན་བཤད་རྒྱག་པ་འདི། མིག་ཡ་གཅིག་མེད་པའི་རྟགས་རེད། དེ་ཐབས་ཤེས་ཡོད་པ་མ་རེད། ལས་རེད། མ་ཤེས་ན་ཐབས་ཤེས་མེད་པ་རེད།
དེ་ནས་དཔུང་སྒྲིལ་ཟེར་བའི་སྐད་ཆ་རྫོབ་རོ་དེ་དག་མ་བཤད་ན་ཡག་གི་རེད། བདེན་པ་ཡོད་ན་དཔུང་སྒྲིལ་དགོས་ཀྱི་རེད། བདེན་པ་བོར་ནས་བཙན་བྱོལ་དུ་རོ་ཟ་རྒྱུ་ཡིན་ནམ། བདེན་པའི་ཆེད་དུ་༧གོང་ས་མཆོག་སྐུ་ཚེ་མང་ཆེ་བ་ཕྱི་ཡུལ་ནས་བཞུགས་ཡོད། གནད་འགག་འདི་ཚོ་འགོ་འཚོས་པ་གནང་ན་ཡག་གི་རེད།
སེང་གེ་ཨ་རི་ནས་ཡོང་བ་རེད། ཨ་རིའི་བོད་མི་ཚོས་ཁོ་སོང་ས་བསྡད་སའི་སྐྱག་པ་དང་གཅིན་དྲི་ཚོར་ཡོད་པ་རེད། ཨིན་ཡིག་ཐོག་ན་བོད་ཀྱི་ཆབ་སྲིད་བསྐྱར་ཞིབ་པས་ས་ས་དང་རྡོ་རྡོ་སར་བཞག་འདུག དེ་ཁུངས་སྐྱེལ་དང་བཅས་པ་འདུག དེ་བས་དེ་མཐོང་བྱེད་ཀྱི་མིག་མེད་ཀྱང་མིག་ཅིག་གཡར་ནས་ལྟོས་ན་དགའ་ནི་རེད།
འགྱུར་མེད་ཟེར་བ་དེས་དགོངས་སེལ་ཞུས་འདུག་ཟེར།་དེ་ལབ་ན་ག་རེ་ལབ་ཀྱི་ཡོད་པ་རེད་དམ། ཁོང་གི་༧གོང་ས་མཆོག་དང་རྒྱལ་བོ་གཉའ་ཁྲི་ནས་ཁྲིམས་མཐུན་བར་མ་ཆད་པར་ཡོང་བའི་གཞུང་དེ་བརྩི་བཀུར་བྱས་ནས་ལབ་གླེང་མི་ཡོང་ཆེད་གང་ཡོང་ཡོང་བསམ་ཤེས་བྱས་ཚུལ་གསལ་བསྒྲགས་དག་ཏུ་བཀོད་མི་འདུག་གམ། སེང་གེ་ཤོག་བུར་འགྱུར་བཞིན་པ་དེ་ཤོག་བུ་རང་རེད་མ་གཏོགས་གཞན་གང་ཡང་མ་རེད། དེ་བས་རྣམ་པ་ཚོས་སྐད་ཆ་བཤད་ན་འགོ་ཚོས་པ་གནང་རོགས། བོད་ཀྱི་ཆབ་སྲིད་བསྐྱར་ཞིབ་རྩོམ་སྒྲིག་པའི་གཏམ་བོད་བསྒྱུར་ཁ་ཤས་ཤིག་གཤམ་གྱི་དྲ་གནས་དག་ཏུ་ཡོད།
http://www.khabdha.org/?p=16958
http://www.khabdha.org/?p=17312
http://www.khabdha.org/?p=15303
དེས་ཁྱེད་ཚོར་མིག་རེ་སྟེར་ཐུབ་པའི་ཡིད་ཆེས་ཡོད།

གཟིགས་མཁན་ཚོས་མཆན་བུ་མང་པོ་བཏབ་འདུག ཐུགས་རྗེ་ཆེ།
རྩོམ་གྱི་མཆན་བུ་རྣམས་ཀྱི་ཁ་ཕྱོགས་དེ་སླར་ཡང་ཤར་ཕྱོགས་ཁུག་རྟ་ལ་འཁོར་འདུག ངས་སྒྲིག་གཞི་ལ་བརྟེན་ནས་ལས་ཀ་འཐོབ་ཆོག་གི་རེད་ལ་ལས་ཀ་ཤོར་ཡང་ཆོག་གི་རེད་ཅེས་ཞུས་ཡོད། འདི་གནད་དོན་དེ་མ་རེད། གནད་དོན་ངོ་མ་ནི། བློ་བཟང་སེང་གེས་རྐྱེན་རྩ་འདི་འདྲ་ཞིག་ལའང་འཇུས་ནས་དབང་ཆ་སྤྱད་པ་དེ་རེད། ཤར་ཕྱོགས་ཁུག་རྟའི་རྩོམ་གྱི་ནང་དོན་དེས་བཀའ་ཁྲིའི་དགོངས་པ་ཚོམ་ཡོད་པའང་གསལ་པོ་རེད། རང་གི་མིང་གནས་ལ་དོ་ཕོག་འགྲོ་གི་ཡོད་དུས་ ཁུག་རྟའི་ལས་ཀའང་མཚམས་འཇོག་བྱེད་བཅུག་པ་རེད། འདིའི་ཐོག་ནས་ཁུག་རྟ་ལ་བརྟག་པ་ལས་སེང་གེ་ལ་བརྟག་རྒྱུ་དེ་གལ་ཆེན་པོར་མཐོང་སོང་། སེང་གེ་ལ་བརྟག་པ་དེ་ཡང་བོད་སྤྱི་པའི་བདེ་དོན་ལ་འབྲེལ་བ་མི་འདུག་མ་གསུངས་རོགས། སེང་གེ་མི་རེད། མི་དེ་ཡང་འཇོན་པོ་ཞིག་རེད། འོན་ཀྱང་ཁོང་གི་གཤིས་ཀ་ཁག་ཅིག་ཁོང་གིས་ང་ཚོར་གསུངས་ཡོད་མ་རེད། ཁོང་གི་ལོ་རྒྱུས་ཁག་གཅིག་ཁོང་གིས་ང་ཚོར་གསུངས་ཡོད་པ་མ་རེད། ཡང་དྲང་པོར་གསུངས་ཡོད་པ་མ་རེད། དེ་ཚོ་ཡང་ཁོང་གི་གཤིས་ཀ་ཞིག་རེད། དེ་དག་ཀྱང་དབྱིན་སྐད་ཀྱི་གསར་ལམ་དག་ན་ཁུངས་དང་བཅས་ཏེ་བཀོད་འདུག བོད་ཡིག་ལ་ད་བར་གླེང་སློང་བྱས་མ་སོང་། བྱས་ཙང་འདིར་བཤད་པ་ཡིན།
སྐྱོན་བཤད་སྐབས་བཟང་ཡང་བཤད་དགོས་པ་དེ་ཡང་གལ་ཆེན་པོ་རེད། དེ་འདིར་ཆད་པ་རེད། དེ་ལ་དགོངས་དག་ཞུ།

དགེ་འདུན་རབ་གསལ་ཟེར་བ་འདིས་གསུང་བ་འདི་ཚོ་ལ་ཞིབ་འཇུག་ཞིག་བྱས་ན་དོག་པ་ཟ་དགོས་པ་ཞིག་རེད། མི་འདི་ཚོའི་བྱེད་སྟངས་འདི་རང་ཉིད་དངུལ་གྱི་ཉོས་བས་དབང་ལས་བྱུང་བ་ཞིག་མིན་ནམ་བསམ། རང་ཉིད་ཀྱི་འདོད་བློ་ལྟར་རང་སྟངས་ནས་ཡིད་མ་ཁེངས་པ་ཞིག་ལས་བྱུང་བ་ཞིག་ཡིན་པ་གསལ་བཤད་མི་དགོས་པ་ཞིག་རེད། བོད་མང་ཆེ་བའི་ཁ་ཕྱོགས་ཤེས་དགོས་པ་མ་ཟད་ང་ཚོ་ལ་དུས་རབ་འདིར་དགོས་པ་དེ་གང་ཡིན་ངོ་འཕྲོད་དགོས།

ཁ་སང་དེ་རིང་འདི་ནས་རྩོམ་པ་པོ་རྒན་རབས་པ་ཆབ་བྲག་ལྷ་མོ་སྐྱབས་དང་། དགེ་འདུན་རབ་གསལ་གཉིས་ཀྱིས་ཀྱང་རང་གི་ལས་དོན་གྱི་ཞར་ ཞོར་ནས་ཁོམ་སྐབས་ཕྱུང་སྟེ་སྨྲ་བརྗོད་
རང་དབང་རྩལ་འདོན་གནང་བཞིན་པ་ནི། གཉོམ་ལག་མ་རྒྱས་པའི་བོད་དམངས་གཙོ་གཞུང་ཞིག་ལ་མཚོན་ན། ཇི་འདྲའི་ལག་ཆ་མང་པོ་ཞིག་ལེན་རྒྱུ་ཡོད་པ་ཨང་། འདི་ཚང་མ་༸གོང་ས་མཆོག་གིས་རིང་ནས་ཡིད་ལ་བརྣག་པའི་
དམངས་གཙོ་མཚན་ཉིད་ཚང་བ་ཞིག་ལ་མངོན་འགྱུར་ཡོང་རྒྱུར་རེ་བའི་ཞབས་ཞུ་རྨ་མེད་ཅིག་དང་། བོད་མི་རིགས་འདིའི་སྨྲ་བརྗོད་རང་དབང་སྲུང་སྐྱོབ་ཀྱི་གོམས་སྟབས་གསར་བ་ཞིག་ཀྱང་ཡིན་པས་ཁ་དྲོ། ཡག་བྱུང་ཞེས་ཞུ་རྒྱུ་ཡིན།

དམངས་གཙོའི་འགོ་གཙོ་ལ་ལེགས་ཉེས་ཀྱི་རྩོམ་ཡིག་དགོས་པ་ནི། དམངས་གཙོའི་རང་དབང་དང་ཁེ་ཕན་ཡིན་པས་ངེས་པར་དུ་དགའ་བསུ་ཞུ་འོས་ལ། འོན་ཀྱང་ལུང་ཚན་གྱིས་ཞེན་ཆགས་དང་འགའ་ཞིག་གིས་བོད་ཡིག་པོ་མི་ཤེས་སྟངས་སོགས་འོས་བསྡུའི་སྔོན་ལ་བཤད་དགོས་པ་ད་ལྟ་གཞི་ནས་བཤད་པ་ནི་སྤྱི་དོན་ལ་ཕན་ལས་གནོད་ཆེ། རྩོམ་གྱི་མཇུག་ཏུ་འོས་ལངས་སྐབས་སུ་བཤད་མ་བཤད་སོ་སོར་ཁ་ཁག་གསལ་སྟོན་བྱས་པ་ནི། མཁས་ལ་དྲང་ཚུགས་ཆེ་བའི་རྩོམ་ཡིག་ཏུ་མཐོང་ལགས།

བོད་ནང་བོད་མི་རྣམས་ཀྱི་རང་ལས་བོད་བསྟན་པ་ཆབ་སྲིད་ཀྱི་ཆེད་མེ་མཆོད་རྒྱག་གི་ཡོད།
རང་རེ་བཙན་བྱོལ་བ་ཚོ་འདི་ལྟར་ཕྱོགས་རིས་ཀྱི་གདོན་གྱི་མནར་ནས་འདིག་ཕོད་དམ། འདི་གསར་པ་གང་ཡང་མ་རེད་སྔོན་མ་ཟམ་གདོང་བླ་མས་ཡང་ཀླུ་མཁར་བྱམས་ཀྱང་གཞུང་ལས་ནས་ཕུད་པ་རེད་དེ་སིས་ཀྱང་མ་གོ་བ་འེ་རེད།

ཁ་བ་སྐམ་པོའི་སྐད་ཆ་ཉུང་ཉུང་དེར་གོ་རྒྱུ་ཆེན་པོ་འདུག སྡེར་ཆགས་ཀྱི་རྒྱལ་བོ་ཞིག་གིས་འདབ་ཆགས་བྱིའུ་ཞིག་བདས་པ་དེ་ནི་བྱིའུ་ཁུག་རྟའི་ངག་གི་ཀྱུར་ཀྱུར་གཅིག་པོ་ཡིན་རྒྱུ་མ་རེད། དམིགས་ཡུལ་གཞན་ཞིག་ཡོད་རྒྱུ་རེད་འདོད་ཀི དེ་ལ་ཞིབ་འཇུག་བྱེད་རྒྱུ་གལ་ཆེན་དུ་མཐོང་། བཟང་ཕྱོགས་ཀྱི་དམིགས་ཡུལ་ཡིན་ནམ་ངན་ཕྱོགས་དམིགས་ཡུལ་ཡིན་མིན་ཀྱང་དེ་དུས་ལྷང་ལ་འབུད་རྒྱུ་རེད།

སྨྲ་བརྗོད་རང་དབང་ལ་བཅོ་རྒྱུ།

དགེ་འདུན་རབ་གསལ་ལགས་ཀྱིས་གང་ལེགས་བྲིས་པར་ཡི་རངས་ཞུ། ང་ཚོས་སེང་གེའི་སྡེར་མོ་དེ་འགྱིག་ལས་གྲུབ་པར་སེམས་ཐག་གཙང་བཅད་ཀྱིས་བརྗོད་ཐུབ་ལ། གཡུ་རལ་སོགས་ཀྱང་སྲང་བར་གྱི་བ་སྤུ་ལས་གྲུབ་པ་ཞིག་ལས་སེང་གེ་ངོ་མའི་སྡེར་མོ་དང་། གཡུ་རལ་ག་ལ་ཡིན། ཅི་སྟེ་སེང་གེ་ངོ་མའི་སྡེར་མོ་དང་། གཡུ་རལ་ལྡན་ན་ད་བཟོད་ཤར་ཕྱོགས་ཁུག་རྟ་ཕལ་ཆེར་ཁོང་གི་སྡེར་མོའི་འོག་གྲོངས་ཚར་བ་རེད། སྟབས་ལེགས་པ་ཞིག་ལ་འགྱིག་གི་སྡེར་མོས་ཤར་ཕྱོགས་ཁུག་རྟ་ཤི་རྒྱུ་ཕར་བཞག ན་གཟུགས་ཙམ་ཡང་བཏང་བཟོ་མིན་འདུག

ད་རེས་རྒན་རབ་གསལ་ནོར་འདུག ཤར་ཕྱོགས་ཁུག་རྟ་ལགས་ལ་རྐྱེན་ངན་གྲོགས་ཤར་གྱིས་ཨ་འཇིགས་ཀྱི་བླ་བྱར་གྱུར་འདུག་པར་མ་ཟད། ཟམ་གདོང་གི་སྒོ་བྱ་དང་དཔལ་ལྡན་ཚོགས་གཙོའི་ཁྱིམ་བྱ། དབུ་མའི་ལམ་ལས་འགུལ་ཁང་གི་ནེ་ཙོར་གྱུར་འདུག་ཅེས་ཚང་མ་ལོས་བཤད་ཀྱིན་འདུག དེ་མིན་ནུབ་ཕྱོགས་སུ་ཆོད་གན་མ་བཞག་པར་རྒྱ་ནག་ལྟར་མི་ཚེ་གཅིག་ལ་ལས་ཀ་སྤྲད་སྟངས་ཤིག་ཀྱང་ཡོད་དམ། ཕལ་ཆེར་རྒན་ལགས་དེའི་གྲས་མིན་འགྲོ།