མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

མེ་ལྕེ་གློད་ཡོད་དམ།

བོད་ཀྱི་དུས་བབ།
༢༠༡༡/༡༡/༠༣
Share on FacebookShare on TwitterShare on EmailShare on Whatsapp
དགེ་འདུན་རབ་གསལ།

རྩོམ་པ་པོ་མེ་ལྕེ་ ཟླ་སྔོན་མའི་ཚེས་ ༡༩ ཉིན་འཛིན་བཟུང་བྱས་པའི་གནས་ཚུལ་ཐོན་རྗེས་ གཞི་ནས་ངས་མེ་ལྕེའི་རྩོམ་ཡིག་རྣམས་བཀླགས་པ་ཡིན། ཁོང་གིས་དགེ་འདུན་ཆོས་འཕེལ་གྱི་སྙན་ངག་སྐོར་འཆད་པའི་སྐབས་སུ་འདི་འདྲ་ཞིག་བྲིས་འདུག “དགེ་འདུན་ཆོས་འཕེལ་གྱི་སྙན་ངག་གཙོ་བོ་ཕྱོགས་གཉིས་སུ་འདུ་སྟེ། མི་རིག་བསམ་བློ་དང་བློ་འབྱེད་བསམ་བློའོ༎ མི་རིག་བསམ་བློ་ནི་གཙོ་བོ་སྲོལ་རྒྱུན་ལ་ཡིན་དགག་དང་ཕྱིར་རྟོག་བྱས་པ་ལས་མཚོན་པ་དང་། བློ་འབྱེད་བསམ་བློ་ནི་གཙོ་བོ་མི་གཤིས་ཀྱི་བཅིངས་འགྲོལ་དང་རང་དབང་བརྩོན་ལེན་བྱས་པ་ལས་མཚོན་ནུས།” ཞེས་གསལ་འདུག རྗོད་ཚིག་འདི་འདྲ་ལ་ནི་ང་ལ་མཚོན་ན་ཚིག་གསར་གྱིས་ཁེངས་ལ། གཞུང་ལུགས་དང་སྐད་གཞན་ཞིག་གི་རྒྱབ་རྟེན་མེད་པར་གོ་དཀའ་བར་གྱུར།
ངས་ལན་གཅིག་རླུང་འཕྲིན་པ་ཞིག་ལ། “རྒྱ་ཆེའི་གསན་མཁན་རྣམ་པ་”ཞེས་གསར་འགྱུར་གྱི་མགོ་བརྗོད་དུ་འཆད་པ་དེ་ཏག་ཏག་ཅིག་ཡིན་ནམ་ཞེས་དྲིས་མྱོང་། དེ་ནི་“གསན་མཁན་རྣམ་པ་”ལ་རྒྱ་ཆེ་ཆུང་གི་རྣམ་དབྱེ་འབྱེད་པ་དེ་ང་ཚོའི་ལས་ཀ་ཞིག་མ་རེད་དྲན་བྱུང་།
“ཉེ་ལམ་གངས་སྒྲ་བརྙན་རིག་གནས་ལས་སྒྲུབ་ཁང་གི་གཙོ་སྒྲུབ་འོག་ཏུ་སྐབས་དང་པོའི་ བོད་གཞས་བགྲོ་གླེང་ཚོགས་འདུ་འམ་གླེང་སྟེགས་ཤིག་ཟླ་༡༡པའི་ཚེས་༥ཉིན་མཚོ་སྔོན་ ཞིང་ཆེན་རྨ་ལྷོ་ཁུལ་ནས་ཚོགས་རྒྱུ་རེད།” ལུང་ཚིག་འདི་ནི་ བོད་ཀྱི་ན་གཞོན་ དྲ་བ་ནས་དྲངས་པ་ཡིན། འདི་ལའང་མ་མཐའ་ལ་ཡང་བོད་ཀྱི་སྲོལ་རྒྱུན་པ་ཞིག་གིས་གོ་དཀའ་བའི་རྗོད་པ་ལྡན་འདུག
ལོ་ཤས་གོང་། གྲོགས་པོ་ཞིག་གིས་ཕྲན་ལ་གློག་ཀླད་ཀྱི་སྐོར་འཆད་པའི་བོད་ཡིག་རྩོམ་ཞིག་ཀློག་ཏུ་བཅུག སྐབས་དེར། ངེད་ཀྱིས་ཚིག་འབྲུ་རེ་རེ་བཞིན་བརྡ་སྤྲོད་ཀྱི་འགྲེལ་དང་བཅས་གོ་ཐུབ་མོད། རྩོམ་ཡིག་གི་ཚིག་དུམ་རེ་རེས་ཅི་ཞིག་སྟོན་པའི་ནང་དོན་དེ་མ་གོ་བར་གྱུར།
རྒྱ་ཡིག་མི་ཤེས་མཁན་ཞིག་ཡིན་ན། བོད་ནང་གི་བོད་ཡིག་ཚགས་པར་རྣམས་ཀློག་སྐབས་ནང་དོན་མི་ཤེས་པའི་དཀའ་ངལ་འབྱུང་། དེས་ན་བོད་པས་བོད་སྐད་མི་ཤེས་པའམ། ཡང་ན། བོད་སྐད་ཀྱིས་བོད་སྐད་ཀྱི་གོ་མི་ཆོད་པ་ཞིག་ཏུ་འགྱུར་བཞིན་ཡོད་དམ།
ངའི་གྲོགས་པོ་ཤེས་ཡོན་པ་ཞིག་གིས་བརྗོད་དོན། “ལོ་རབས་བརྒྱད་ཅུ་པ་ནས་མགོ་བཙུགས་ཏེ། བོད་ཀྱི་ཤེས་ཡོན་ཅན་ཚོས་བོད་ཀྱི་ལོ་རྒྱུས་ལ་བརྟགས་པའི་སྐབས་སུ། བཙན་པོའི་དུས་ཀྱི་གཟི་བརྗིད་དང་སྟོབས་ཤུགས་དེ་དག་རིམ་གྱིས་ཉམས་པར་བྱེད་པ་ནི་ཆོས་ལུགས་ཡིན་པ་དང་། བོད་མི་རིགས་འདི་འཛམ་གླིང་དུ་འདྲ་མཉམ་དུ་གནས་དགོས་ན། བོད་མིའི་བསམ་སྤྱོད་ཀྱང་འཛམ་གླིང་གི་མི་གཞན་དང་འདྲ་བ་ཞིག་བྱེད་དགོས་པའི་འདོད་པ་འཕེལ་བ་དང་། དེའི་རྒྱབ་རྟེན་དུ་ནུབ་ཕྱོགས་པའི་གཞུང་ལུགས་བཙལ་བ་རེད།” ཅེས་བཤད་པ་ལྟར། བོད་ཀྱི་སྲོལ་རྒྱུན་ལ་མེད་ཅིང་བོད་མི་རིགས་སྐྱོབ་པར་བྱེད་པའི་གཞུང་ལུགས་ནང་འདྲེན་བྱེད་སྐབས་ གཞུང་ལུགས་མི་ཤེས་མཁན་རྣམས་ཀྱིས་བོད་ཡིག་ཤེས་ཀྱང་རྟོགས་དཀའ་བའི་རིག་གཞུང་ཞིག་འཁྱེར་ཡོང་བཞིན་པ་རེད་དམ། འདི་ཡང་གསར་བརྗེ་ཞིག་གི་ཆ་ཤས་གལ་ཆེན་པོ་ཞིག་རེད་དམ།
ལགས་རེད། འདིའང་མེ་ལྕེ་ཞིག་རེད། མེ་ལྕེ་འདི་རིག་གནས་གསར་བརྗེ་དང་ལྷན་དུ་བོད་ལ་མཆེད་མགོ་བཙུགས་ཤིང་། མེ་ལྕེ་འདི་རིག་གནས་གསར་བརྗེའི་མཇུག་གི་གུ་ཡངས་ཀྱི་དུས་སྐབས་དེར་ཇེ་ཆེར་གྱུར། མེ་ལྕེ་འདི་ནི་དོན་གྲུབ་རྒྱལ་གྱི་ “ལང་ཚོའི་རྦབ་ཆུ་”དང་འབྲེལ་ནས་མཆེད། རིམ་གྱིས་མེ་ལྕེ་འདི་དག་ཏུ་སྙན་ངག་དང་བརྩམས་སྒྲུང་སོགས་སུ་མཆེད། མེ་ལྕེ་འདི་ལོ་ངོ་བཅུ་ཕྲག་གསུམ་དང་བཞི་ཡི་རིང་མཆེད། ཁོང་ཚོས་ མུན་ནག་དང་འོད་ཟེར་བཤད་སྐབས་མེ་ལྕེ་འདི་འཆད་བཞིན་འདུག་ལ། ཁོང་ཚོས་ རྗེས་ལུས་དང་རྨོངས་དད་བཤད་སྐབས་ཀྱང་མེ་ལྕེ་འདི་འཆད་བཞིན་འདུག འདི་ནི་གཅོད་པ་ཀླུ་རྒྱལ་གྱི་དེབ་གསུམ་ལ་བམ་ཀློག་ཅིག་བྱས་པས་ང་ལ་སྤྲད་པའི་ཚོར་སྣང་དེ་རེད།
༢༠༠༥ ལོར་འཚོགས་པའི་མི་རབས་གསུམ་པའི་སྙན་ངག་འདུ་ཚོགས་ཀྱི་སྟེང་ཆོད་དོན་གསུམ་ཟེར་བ་ཞིག་ཡོད་པ་ནི་གཤམ་གསལ་ལྟར་རེད། “༡ གྲྭ་བས་རང་མོས་སྙན་ངག་བྲིས་ཆོག་གམ། ལན་དུ། ཆོག ༢ བོད་ལ་ངེས་དོན་གྱི་གྱི་བུད་མེད་སྙན་ངག་པ་ཡོད་དམ་མེད། ལན་དུ། མེད། ༣ འཇུ་སྐལ་བཟང་གི་སྙན་ངག་གིས་ཡིད་ཚིམ་མམ། ལན་དུ། མི་ཚིམ།” ཞེས་པ་འདི་རེད། སྐྱབས་ཆེན་བདེ་གྲོལ་གྱིས་མི་རབས་གསུམ་པའི་འགྲེལ་བཤད་བྱེད་སྐབས། “མི་རབས་གསུམ་པ་ཞེས་པ་དེ་ཕྱོགས་གཅིག་ནས་ང་ཚོས་ན་ཚོད་ལ་ངོས་འཛིན་པ་དང་། ཕྱོགས་གཞན་ཞིག་ནས་བསམ་བློ་གཏོང་ཕྱོགས་དང་སེམས་ཀྱི་ཁ་གཏོད་ས་མི་འདྲ་བ་ཞིག་ལ་ངོས་འཛིན་གྱིན་ཡོད།”ཅེས་བཤད་འདུག ཁོང་ཚོ་ནི་ ཅི་ཡང་བཤད་ཕོད་ལ། ཅི་ཡང་བྱེད་ཕོད་པའི་འབྲོང་རྒོད་ཅིག་དང་འདྲ། འདིའང་སེམས་ཀྱི་ཁ་གཏོད་ས་མི་འདྲ་བའི་མེ་ལྕེ་ཞིག་ཡིན་ནམ།
གཅོད་པ་ཀླུ་རྒྱལ་འཛིན་བཟུང་བྱས་ནས་བདུན་ཕྲག་གསུམ་ཉེ་བའི་སྐབས་འདིར་ངས་ཁོང་གི་འཛིན་བཟུང་སྐོར་ལ་བྲིས་པའི་དུས་བབ་གསར་འགྱུར་དེ་སླར་ཡང་བཀླགས་པ་ཡིན། ཆབ་བྲག་ལྷ་མོ་སྐྱབས་ལགས་ཀྱིས། “ཁོང་ལྟ་བུའི་རྩོམ་པ་པོ་རེ་རེ་ནི་མི་རིགས་ཀྱི་མགྲིན་ཚབ་པ་རེ་རེ་ཡིན་ལ། དྲང་བདེན་གྱི་སྙུག་ཐོགས་དཔའ་རྒོད་རེ་རེ་ཡིན། ཁོང་ཚོ་ནི”འོད་ཟེར་གྱི་ལག་པས་མུན་ནག་གི་ངོ་གདོང”འབྲུ་མཁན་ཡིན་པས། “སང་ཉིན། སྐྱ་རེངས་ཀྱི་འཇིག་རྟེན་མུན་པའི་ཁྲོད་བཀྱགས་འོང”ངེས་ཡིན། ཁྱེད་ཅག་གི་རྗེས་ན་གདུང་སེམས་མཉམ་སྐྱེད་དང་བདེན་པའི་རྒྱབ་ལངས་བྱེད་མཁན་གྱི་ཁྲི་འབུམ་ཡོད། བདེན་ལུགས་ཀྱིས་དགྲ་མགོ་གནོན་ཐག་ཆོད་ཡིན།” ཞེས་བསྒྲགས་འདུག
སྲོལ་རྒྱུན་དང་དེང་རབས་ཀྱི་བར་ན་མེ་ལྕེ་ཞིག་མཆེད་བཞིན་པ་དེ་གསལ་པོ་རེད། གཅོད་པ་ཀླུ་རྒྱལ་གྱིས་རང་གི་ “ཚེར་མའི་ལམ་གྱི་ང་རོ་”ཞེས་པའི་ནང་། “དུས་རབས་ཉི་ཤུ་བའི་ནང་དུ་དེང་རབས་ཀྱི་ཤེས་ཡོན་ཅན་གྱི་མཚན་ཉིད་ཚང་བ་ནི་དགེ་འདུན་ཆོས་འཕེལ་དང་དོན་གྲུབ་རྒྱལ་གཉིས་མ་གཏོགས་བྱུང་མེད།”ཅེས་བསྒྲགས་ཤིང་། “ད་ལྟ་རང་རེའི་ཤེས་ཡོན་ཅན་གྱི་སྡེ་ལ་མཚོན་ན། ལྗིད་ཏིག་ཏིག་གི་འགན་འཁྲི་དེ་ཕྲག་ཏུ་ལེན་རྒྱུ་ཡིན་ནམ་ལེན་རྒྱུ་མིན་པ་དང་། ལོ་རྒྱུས་ལ་འགན་འཁུར་བའི་སྐད་ཆ་འཆད་རྒྱུ་ཡིན་ནམ་འཆད་རྒྱུ་མིན་པ། བསམ་བློའི་རྣོ་དབལ་ཚ་བའི་རྩོམ་ཡིག་འབྲི་རྒྱུ་ཡིན་ནམ་འབྲི་རྒྱུ་མིན་པ། སྤྱི་ལ་ཕན་ཞིང་སྒེར་ལ་གནོད་པའི་ལམ་བུའམ་སྤྱི་སྒེར་གཉིས་ཀར་ཕན་པའི་ལམ་བུ་འདེམས་རྒྱུ་ཡིན་ནམ་འདེམ་རྒྱུ་མིན་པ་སོགས་ཀྱི་འདམ་ག་ཆེན་པོ་ཞིག་ལ་ཐུག་འདུག”ཅེས་བྲིས་འདུག
དཔེ་ཁང་ཕྱི་ཡི་ “གསར་བརྗེ་”དང་ནང་གི་མནོ་བསམ་ཞེས་པའི་རྩོམ་དེ་ནི་ ༢༠༠༦ ལོར་མཆེད་པའི་པགས་སྲེག་ལས་འགུལ་སྐོར་ཡིན་པ་དང་། པགས་སྲེག་ལས་འགུལ་དེས་གཅོད་པ་ཀླུ་རྒྱལ་ལ་སྤྲད་པའི་བསམ་བློ་ནི། “རང་ཉིད་ཀྱི་བློ་སྤོབས་དང་རྟོགས་པ། བློ་སྦྱོང་། དཔའ་གདེང་སོགས་མང་ཚོགས་ཕལ་བ་ཞིག་ལའང་མི་དོ་བར་ད་དུང་ཤེས་ཡོན་ཅན་དུ་ཁས་འཆེས་བཞིན་པའི་བྱ་སྤྱོད་འདི་ལ་ཐེ་ཚོམ་དང་། རང་གི་རྣམ་ཤེས་ལ་ཚ་འདྲི་ཐེངས་ཤིག་མི་བྱེད་མཐུ་མེད་བྱུང་།”ཞེས་བྲིས་འདུག འོན་ཀྱང་ཁོང་གིས་འདི་ལྟར། “འུ་ཅག་གི་ལོ་རྒྱུས་དང་ད་ལྟའི་གནས་བབ་གང་ལ་བལྟས་ཡོང་ན། བླ་སྤྲུལ་དང་ཆོས་ལུགས་པ་ནི་རང་རེའི་སྤྱི་ཚོགས་འདིའི་ཡོད་ཚད་དང་སྲོག་ཤིང་ལྟ་བུར་གྱུར་འདུག བླ་སྤྲུལ་དང་ཆོས་ལུགས་པས་གསུངས་པ་ནི་ད་གཟོད་ཚད་མར་འཛིན་ཞིང་གཙུག་ཏུ་བཀུར་ལ། བླ་སྤྲུལ་དང་ཆོས་ལུགས་པས་བསྟན་པ་ནི་ད་གཟོད་བདེན་པར་མཐོང་ཞིང་སྙིང་ནས་དད། ཡོད་ཚད་བླ་སྤྲུལ་དང་ཆོས་ལུགས་པས་ཁ་ལོ་སྒྱུར་བའི་སྤྱི་ཚོགས་འདིའི་ནང་དུ་སྒེར་ཚུགས་དང་དགག་སྒྲུབ་ཀྱི་གོ་ཆ་སྤྲས་པའི་ཤེས་ཡོན་ཅན་དག་ནི་ཇི་འདྲའི་ཉམ་ཆུང་ཨང་”སོགས་བྲིས་ཏེ་རྨི་ལམ་ཆེན་པོ་ཞིག་སྒྲུབ་པར་ཆས་སྐབས་ཀྱི་སྐྱོ་ཉམས་བཏོན་འདུག འདི་ལྟ་བུའི་ཚིག་ཚོགས་ཀྱིས་ཁེངས་པའི་ “མི་གཞིའི་སྙིང་སྟོབས།” དང་། “ཁུ་སིམ་ཁད་ཀྱིས་དཀྲོགས།” “ཚེར་མའི་ལམ་གྱི་ང་རོ་” སོགས་ནི་མེ་ལྕེ་ཞིག་ཡིན་ནམ།
གཅོད་པ་ཀླུ་རྒྱལ་གྱི་དེབ་གསུམ་ལས་མཐོང་བ་ནི། ཁོང་གིས་འཛམ་གླིང་གི་གྲགས་ཅན་རྩོམ་པ་པོ་མང་པོའི་དེབ་བཀླགས་ཡོད་པ་མ་ཟད། བོད་ཡིག་དཔེ་དེབ་སྣ་ཚོགས་བཀླགས་ཡོད་ལ། དགེ་འདུན་ཆོས་འཕེལ་དང་དོན་གྲུབ་རྒྱལ་ལ་དུངས་ཞེན་ཆེ་ཞིང་། བོད་མི་རིགས་འདི་ནི་སྐྱོབ་དགོས་པའི་འབད་བརྩོན་གྱི་འགན་འཁུར་ཕྲག་ཏུ་བཞེས་པ་ཞིག་ཧ་ཅང་གསལ།
དེས་ན། ཞོགས་དུང་དང་མེ་ལྕེ་སོགས་ཀྱིས་མིའི་ཐོབ་ཐང་དེ་རྩོད་ཅིང་། རང་གི་རང་དབང་གི་ཆེད་དུ་གཞན་ལ་མགོ་བོ་མི་སྒུར་བའི་སྙིང་སྟོབས་ཀྱི་གོ་ཆ་བགོས་ཏེ། མེ་ལྕེ་ཞིག་སྦར་བཞིན་ཡོད་དམ།
ན་གཞོན་སྤུན་ཟླ་རྣམས་ཀྱིས་འགན་འཁུར་ཞིག་འཁྱེར་ཏེ་མདུན་དུ་བསྐྱོད་སྐབས། ངེད་ཀྱིས་རང་གི་ཞྭ་མོ་ཕུད་ནས་གུས་ཕྱག་ཅིག་བྱེད་འདོད་ལ། སྲོལ་རྒྱུན་པ་དང་དེང་རབས་པ་སོགས་ཀྱི་གདོང་གཡོགས་འདི་བཤུས་པའི་ཤུལ་ན་ལྷག་པའི་གངས་ཅན་པའི་ན་གཞོན་རྣམས་ལ་ཡིད་སྨོན་ཞིག་འཆོར་རོ༎
འདི་མེ་ལྕེ་ཞིག་ཡིན་ནམ།
འབར་བའི་མེ་ལྕེ་ཡིན་ནམ། སྦར་བའི་མེ་ལྕེ་ཡིན།
མེ་ལྕེ་གློད་ཡོད་དམ། མེ་ལྕེ་བཀག་ཡོད།
གང་ལྟར། གཅོད་པ་ཀླུ་རྒྱལ་ལ་མྱུར་དུ་བཅིངས་འགྲོལ་ཐོབ་པ་དང་གཅོད་པ་ཀླུ་རྒྱལ་གྱིས་མྱུར་དུ་བཅིངས་འགྲོལ་འདྲེན་པའི་སྨོན་ལམ་འདེབས།

འབྲེལ་ཡོད་གསར་འགྱུར།

བོད་དོན་ལས་འགུལ་འཇམ་དབྱངས་བསྟན་འཛིན་ལགས་དྷ་མ་ས་ལ་འབྱོར། ༢༠༢༥།༠༥།༢༥ དུས་བབ་ཀྱི་པར།
Mobile App

རྒྱ་གར་ཧི་མ་ཅལ་མངའ་སྡེའི་ནང་བོད་དོན་དྲིལ་བསྒྲགས་གནང་བཞིན་འདུག

ཆུ་ཚོད་ ༤ སྔོན་ལ།
Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢

མཆན། 9

  1. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    མེ་ལྕེ་གློད་འདུག
    http://www.chapdaklhamokyab.fr/%E0%BD%91-%E0%BD%A2-%E0%BD%84-%E0%BD%82-%E0%BD%A6-%E0%BD%96-%E0%BD%84/%E0%BD%95-%E0%BD%A1-%E0%BD%A3-%E0%BD%A3-%E0%BD%A3-%E0%BD%96/%E0%BD%A2-%E0%BD%98-%E0%BD%94-%E0%BD%94-%E0%BD%98-%E0%BD%A3-%E0%BD%A3%E0%BD%82%E0%BD%A6/

    Reply
  2. ཟླ་བ་ཚེ་རིང་། says:
    ལོ་ 14 སྔོན།

    མེ་ལྕེ་ལགས་དེ་རིང་གློད་གྲོད་བཏང་འདུག་ཟེར། ཡིན་པའི་སྨོན་འདུན་ཞུ།

    Reply
  3. མྱི་ནག་ཚང་། says:
    ལོ་ 14 སྔོན།

    ཁྱུང་དཀར་ལགས། རྒྱ་ནག་གཞུང་འདི་འདྲའི་ཐད་ལ་སྤྱང་དྲག་སྟབས་གསང་སྣེ་ཕྲན་བུ་ཙམ་ཡང་ཕྱིར་འཆོར་འཇུག་གི་མ་རེད། གཞུང་ལ་ཞིབ་བཤེར་དང་འདྲི་བརྩད་བྱེད་མཁན་ཡང་མེད། དེར་བརྟེན་བཙོན་ནས་ཤི་མཁན་རྣམས་དང་གར་སོང་ཆ་མེད་དུ་གྱུར་བའི་རིགས་ནི་དོགས་གཞི་དེའི་འོག་ལ་མི་འཇོག་ཀ་མཉད་རེད།

    ད་ལོར་ཨ་རིའི་གསར་འགོད་པ་ཞིག་གིས་ཁྲོམ་ར་དམར་པི་ཞེས་པའི་དཔེ་དེབ་ཅིག་བཏོན་པ་དེའི་ནང་དུ་གནད་དོན་དེ་གླེང་ཡོད་ཚུལ་ནེའུ་ཡོག་དུས་བབ་ཀྱིས་ངོ་སྤྲོད་གནང་སོང་། ང་ལ་དོགས་པ་མི་འདུག

    ད་དུང་ཆབ་སྲིད་བཙོན་པར་གཅར་རྡུང་གི་སྐོར་ནི་ཡ་ང་བ་ཞིག་རེད། དེའི་སྐོར་གྱི་དཔེ་དེབ་ཅིག་ངའི་ལག་ལ་འབྱོར་སོང་། དེ་ནི་རྒྱ་ནག་གཅིག་པུ་མ་རེད། ཀློག་གིན་ཀློག་གིན་བླ་འཐོར་བ་ཞིག་རེད།

    Reply
  4. ཆབ་བྲག་ལྷ་མོ་སྐྱབས། says:
    ལོ་ 14 སྔོན།

    ཁ་བརྡ་ནས་དྲངས། ངོ་མ་བདེན་གི་ཡ།

    ༣༽ བོད་ཡིག་སྐྱབས་ནས།
    སྤྱི་ལོ་ ༢༠༡༡ ཟླ་ ༡༡ ཚེས་ ༣ གི་ཆུ་ཚོད་ ༨ སྐར་མ་ ༡༥

    ཁྱེད་ཅག་གིས་ཁོང་ཅག་གི་བློ་ཁོག་གམ་སྙིང་སྟོབས་ཙམ་ལ་མ་གཏོགས་གདེང་འཇོག་བྱེད་མི་ཐུབ་པ་ལྟ་བུའི་རྣམ་འགྱུར་འདིས་ངའི་བློ་ཕམ་སོང། ངོ་མ་ཕམ་སོང། རྩོམ་པ་པོ་ནི་མི་རིགས་ཀྱི་མགྲིན་ཚབ་པ་ཡིན་ལ་སྒོ་འབྱེད་པ་ཡང་ཡིན་པར་མི་རིགས་མང་པོས་གདེང་འཇོག་བྱེད་ཀྱིན་ཡོད། ཁྱེད་ཅག་གིས<>དང་༢༠༠༨ལོའི་<> <> འདི་གསུམ་པོ་ཡག་པོ་ཞིག་བཀླགས་ནས་རང་གིས་བྲིས་པ་དེ་ཚོར་གཤིབ་སྡུར་ཞིག་གྱིས་དང། ནང་སྙིང་འདྲ་མིན་སྡུར་དང། ཤེས་ཡོན་ཅན་གྱིས་ཤེས་ཡོན་ཅན་མ་མཐོང་ན་དེ་ནི་ངོ་མ་མུན་ནག་གི་ངོ་གདོང་གཞན་ཞིག་རེད་ཡ་་་་
    ༤༽ བོད་ཡིག་སྐྱབས་ནས།
    སྤྱི་ལོ་ ༢༠༡༡ ཟླ་ ༡༡ ཚེས་ ༣ གི་ཆུ་ཚོད་ ༩ སྐར་མ་ ༡༤

    ཁྲག་ཡིག ཤར་དུང་རི། གནམ་ས་གོ་འབྱེད།
    འདི་གསུམ་པོ་དེབ་རྟགས་ནང་ལ་ཤར་མེད་པ་ཅི་ཡིན་ནམ།
    འདི་གསུམ་པོ་ད་ལྟའི་བོད་ནང་གི་རྩོམ་པ་པོ་རྣམས་ཀྱི་ཚབ་མཚོན་རྩོམ་ཡིག་ཆགས་ཡོད།

    Reply
  5. ཁྱུང་དཀར says:
    ལོ་ 14 སྔོན།

    མྱི་ནག་ལགས། དེ་འདྲ་རང་ད་ཨེ་ཡིན་ན། ད་སྔ་བར་དུ་བོད་པ་མང་པོ་ཞིག་བཙོན་འཇུག་དང་གནར་གཅོད་མང་པོ་བྱས་ཚར་རེད། ལ་ལ་ཞིག་གནར་གཅོད་ཀྱིས་བཙོན་ནས་གྲོངས་ཚར་བ་རེད། ལ་ལ་ཞིག་གློད་གྲོལ་བཏང་རྗེས་གྲོངས་འགྲོ་ཀི་ཡོད་པ་རེད། ཡིན་ནའང་། ད་སྔ་བར་དུ་བོད་པའི་བཙོན་པ་གང་ཞིག་གི་གློ་སྙིང་མཆིན་གསུམ་བཏོན་ནས་ཕྱིར་ཚོང་བྱས་པ་དང་དོག་གནས་ཡོད་པའི་རིགས་ཙམ་བཤད་ཐུབ་ན་ག་འདྲ་འདུག

    Reply
  6. མྱི་ནག་ཚང་། says:
    ལོ་ 14 སྔོན།

    མེ་རུ་སྲེག་ནས་ཐལ་དང་རྡུལ་དུ་བཏང་བཞག་ན་འོ་ཙི་རེད། ཤི་མ་གསོན་དུ་རྒྱ་ལག་ལ་ཤོར་བ་དེ་ཚོ་ཕངས་པ་ལ། རྒྱ་གཞུང་གིས་ལམ་སེང་སྨན་ཁང་ལ་ཁྲིད། དེ་ནས་སྙིང་དང་མཆིན་པ། གློ་བ། མིག་སོགས་འདྲུ་གི་རེད། ད་དུང་བེད་སྤྱོད་ཡོད་པ་ཚང་མ་ཁྲོམ་རར་བཙོང་གི་རེད། ད་ཕན་མི་བཅུ་གཅིག་སྲེག་པའི་ཕྱེད་ཀ་གར་སོང་ཆ་མེད་དུ་གྱུར་བ་རྣམས་ཕལ་ཆེར་ཕྱིར་ཡོང་ཡོད་པ་མ་རེད། ལྟོས་སྡོད་ཨ།

    Reply
  7. བོན་རྒྱ་བསྟན་འཛིན་རབ་རྒྱས། says:
    ལོ་ 14 སྔོན།

    སྤྱིར་ན་ཤེས་བྱ་གང་ཞིག་ལའང་ཚད་མས་དམིགས་སུ་མི་རུང་བ་ཞིག་མེད་པས། བོད་ཡིག་གཙང་མ་ཞིག་བྲིས་རྗེས་ཤེས་ཀི་མེད་དུས་དེ་ནི་རང་གི་བློ་གྲོས་ཀྱི་རྩལ་གྱིས་མ་འདང་བ་ལས་གཞན་ཞིག་ཡིན་མི་སྲིད།

    དྲང་མོར་བཤད་ན་བདག་གིས་ཀྱང་རྣ་ལགས་ཀྱི་རྩོམ་ཡིག་འདིའི་དགོས་པ་དང་དགག་བྱ་རིལ་གྱིས་གོ་མི་ཐུབ་ཀི། དེ་ནི་བདག་གིས་རང་གི་བློ་མིག་གི་ཤེད་ཤུགས་སམ་བློ་གྲོས་ཀྱི་རྩལ་གྱིས་མ་འདང་བར་ངོས་འཛིན་བཞིན་ཡོད།

    གཅིག་བྱས་ན་ “མི་གཞིའི་སྙིང་སྟོབས།” དང་། “ཁུ་སིམ་ཁད་ཀྱིས་དཀྲོགས།” “ཚེར་མའི་ལམ་གྱི་ང་རོ་” སོགས་ནི་མེ་ལྕེ་ཞིག་མིན་ཡང་སྲིད། ཡིན་ནའང་། མེ་ལྕེ་མིན་པའི་ཚིག་ཚོགས་འདི་དག་གིས་རྒན་ལགས་ཀྱང་འན་ཙམ་གྱིས་བསྲེག་ལ་ཁད་དུ་གྱུར་ཡོད་ཚོད། འདི་དག་ནི་མེ་ལྕེ་ཞིག་མིན་ནམ་ཞེས་ཁ་ཕྱིར་བསྐོར་ནས་ཀྱང་དྲི་བ་ཞིག་དྲིས་ན་ལན་ཅི་ཞིག་གནང་རྩིས་ཡོད།

    ཡང་གཅིག་བཤད་ན་བསྟན་བཅོས་འདི་དག་སུ་ཞིག་གིས་སྦར་བའི་མེ་ལྕེ་དང་གང་ཞིག་བསྲེག་པའི་མེ་ལྕེ་ཡིན་མིན་དེ་ནི་ང་ཚོས་གསལ་རྟོགས་ནུས་པས་ན་དེ་ལ་དྲི་བ་ཞིག་འདུག་གམ།

    Reply
  8. ལུང་རྟོགས། says:
    ལོ་ 14 སྔོན།

    འདི་ལྟ་བུའི་རྩོམ་ཡིག་མཐོང་ན་སྤྲོ་བ་འཕེལ།

    Reply
  9. ཨ་རིག་དགེ་མཐོང་། says:
    ལོ་ 14 སྔོན།

    མི་རིགས་ཀྱི་སླད་དུ་མེ་ལྕེ་ལ་བསྲེགས་པའི་དཔའ་བོ་བཅུ་དང་ལྷན་དུ། མེ་ལྕེ་འབོད་པའི་སྙུག་ཐོགས་པ་ཞིག་ཀྱང་བཙན་གྱིས་ཁྲིད་ཐལ། མེ་ལྕེ་འདི་བག་ཆགས་ཀྱི་གཏིང་ཟབ་ས་ནས་མེ་མཆེད་མྱོང་ཡོད་ལ། མེ་ལྕེ་འདི་མི་རིགས་ཀྱིས་སླད་དུ་འབར་ཡོད། མེ་ལྕེ་འདི་དཔེ་དེབ་ཕལ་ཆེ་བའི་སྟེང་ན་འོད་ལམ་ལམ་འཕྲོ་བཞིན་པའི་སྐབས་སུ། གློ་བུར་བོར་ཐལ། ཕྱིར་ཐོན་ན་བརྡ་ཞིག་རྒྱོབས། མེ་ལྕེ། མི་རིགས་ཀྱི་མེ་ལྕེ། རྒན་རབ་གསལ་གྱིས་རྩོམ་པ་པོ་འདི་ལ་གདེང་འཇོག་དང་ཁོང་གི་བཞུད་ལམ་ལ་ཞིབ་འཇུག་གནང་བ་དགའ་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese