བརྙན་འཕྲིན་བརྒྱུད་ལམ་བཀག་སྡོམ།

རྒྱ་ནག་གཞུང་གིས་མཚོ་སྔོན་རེབ་གོང་ཁུལ་གྱི་བོད་མི་ཚོས་ཕྱི་ཕྱོགས་ཀྱི་བརྡ་འཕྲིན་ལ་ལྟ་ཉན་བྱེད་བཞིན་ཡོད་པའི་དོགས་གཞིའི་འོག་ཉེ་ཆར་བརྙན་འཕྲིན་བརྒྱུད་ལམ་ཡོངས་བཀག་ཡོད་འདུག

ཉེ་ཆར་བོད་ནས་གསར་དུ་འབྱོར་བའི་བོད་མི་ཞིག་གིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། འདི་ལོར་རྒྱ་ནག་གཞུང་གིས་གཞུང་ཕྱོགས་ནས་རྨ་ལྷོ་བོད་རིགས་རང་སྐྱོང་ཁུལ་རེབ་གོང་བཙན་མོ་སྡེ་བའི་ནང་བོད་མི་ཚོས་ཨ་རིའི་རླུང་འཕྲིན་ལ་བལྟ་བཞིན་ཡོད་པའི་གནས་ཚུལ་ཤེས་རྟོགས་བྱུང་སྟེ། སྔ་ཕྱི་ཐེངས་མང་པོར་ས་གནས་འབྲེལ་ཡོད་མི་སྣས་རྟོགས་ཞིབ་དང་ཞིབ་འཇུག་བརྒྱུད་སྡེ་བ་ཡོངས་ཀྱིས་བརྙན་བསྡུ་འཕྲུལ་ཆས་ཆ་ཚང་བསྡུ་རུབ་ཀྱིས་བརྙན་བསྡུ་འཕྲུལ་ཆས་གསར་བ་མཁོ་སྤྲོད་བྱས་ཡོད་འདུག་ལ། འདི་ལོ་ཕྱི་ཟླ་ ༤ ཡས་མས་སུ་ཡང་བསྐྱར་ས་གནས་འབྲེལ་ཡོད་མི་སྣ་དང་ལས་བཟོ་བ་ཁག་ཅིག་ཡོང་སྟེ་སྡེ་བའི་རི་སྟེང་དུ་གློག་སྡོང་གསར་འཛུགས་བྱས་ཏེ། ཕྱི་ཕྱོགས་ཀྱི་བརྒྱུད་ལམ་གཅིག་ཀྱང་བལྟ་མི་ཐུབ་པར་བཟོས་ཡོད་ཀྱང་། ཉེ་ལམ་བསྐྱར་དུ་མི་རེ་ཟུང་གིས་ཕྱི་ཕྱོགས་ཀྱི་གནས་ཚུལ་ལ་ལྐོག་ལྟ་བྱེད་བཞིན་པའི་དོགས་གཞིའི་འོག་སྡེ་བ་ཡོངས་ཀྱིས་བརྙན་འཕྲིན་བརྒྱུད་ལམ་ཆ་ཚང་བཀག་ཡོད་འདུག

གསར་འགོད་པ་དོན་གོ