བོད་ནང་གི་རང་ལུས་མེར་བསྲེགས་ལ་སྐྱོན་བརྗོད་བྱེད་པའི་རྒྱ་ནག་གི་དྲག་གནོན།

འདྲེ་མགོ་རྡོའམ་ཡེ་རྡོ་ཟེར་བ་འདི་གཉིས་མི་གཅིག་ཡིན་པ་དེ་རིང་གཞི་ནས་ཤེས་སོང་།

བོད་མི་མཐེ་བོང་ཙམ་ཞིག་ཡིན་རུང་བོད་སྤྱི་བའི་དོན་དུ་བསམ་ཚུལ་གང་ཡང་བཤད་དགོས་བའི་དུས་ལ་བབ་ནས་འདུག་སྟེ། ཡིན་ནའང་སྐབས་བབས་ཀྱི་བརྗོད་གཞི་དང་འབྲེལ་ཡོད་ཀྱི་བསམ་ཚུལ་གླེང་རྒྱུ་ལས་ཉ་ཉོག་ཡོད་ཚད་དཀྲུགས་དཀྲུགས་བཏང་ཡོང་དུས། གནད་དོན་མང་བོ་ཞིག་སྔར་བཞིན་མདུད་ལོག་ཁོ་ན་ཆགས་འགྲོ་བ་ལས་སྐྱ་དགར་ནས་གསལ་གྲོལ་བྱེད་ཐབས་ཤིག་རྙེད་སྲིད་པ་མ་རེད། དེའི་ཕྱིར་ཕྲན་ཀྱིས་སྲིད་སྐྱོངས་བློ་སེང་མཆོག་གི་དཔྱད་རྩོམ་འདི་སྐོར་ནས་བསམ་ཚུལ་སྣ་གསུམ་ལ་དབྱེ་ནས་མཆན་འདེབས་པའི་ལས་སུ་ཞུགས་བ་ཡིན།

དང་པོ། སྲིད་སྐྱོངས་བློ་སེང་མཆོག་གི་དཔྱད་རྩོམ་འདིའི་ཁ་བྱང་དངོས་དེ་ཅི་ལྟར་དབྱིན་ཡིག་ཐོག་བཀོད་ཡོད་མེད་ཐད་ནས་ཉན་ཞིབ་གསལ་བོ་ཞིག་བྱེད་དགོས་བ་རེད་བསམ་པ་དྲན་བྱུང་། དེ་བཞིན་ཡིག་བསྒྱུར་བ་རྨ་མགུར་ལགས་ཀྱིས་གནས་ཚུལ་ཚ་བོ་ཡིན་ཐོག་ལ་དཀའ་ལས་བརྒྱབ་ནས་བསྒྱུར་བྱས་འདུག་པས་ཐུགས་རྗེ་ཆེ་ཞུ་བ་ལགས། བསྒྱུར་སྐྱོན་རེ་འགའ་སུ་ལའང་ཡོང་སྲིད་པ་ལྟར། བཀའ་ཁྲི་བློ་སེང་མཆོག་དཔྱད་རྩོམ་འདིའི་ཁ་བྱང་བསྒྱུར་སྟངས་ཏག་ཏག་རང་བསྡད་མེད་ཚུལ། བཙན་བྱོལ་བ་འབོད་པས་གསུང་གནང་བ་དེ་ག་རང་རེད།

གཉིས་བ། སྲིད་སྐྱོངས་བློ་སེང་མཆོག་གི་འཛིན་སྐྱོངས་ཀྱི་ངོས་ནས་དང་ད་ལྟའི་བོད་ནང་གི་ཛ་དྲགས་གནས་བབས། དེ་བཞིན་པེ་ཅིན་གཞུང་གི་འཁྱོག་བརྗོད་བྱེད་ཕྱོགས། རྒྱལ་སྤྱིའི་སྲིད་སྟེགས་ནས་མཁོ་བསྒྲུབས་བྱེད་དགོས་བའི་རོགས་འདེགས་གང་ཐད་ལ་བལྟས་རུང་། ཁོང་སྲིད་སྐྱོངས་བློ་སེང་མཆོག་གི་དཔྱད་རྩོམ་འདི་དུས་ལ་བབ་ནས་རྐྱེན་དང་འཕྲད་ཡོད་པར་འདོད་པས་ཡིད་སེམས་དགའ་ནས་ཡོད།

གསུམ་པ། ཁོང་བཀའ་ཁྲི་མཆོག་གི་དཔྱད་རྩོམ་འདི་ཡིན་ནའང་འདྲ། དེ་བཞིན་རྒྱལ་སྤྱིའི་སྲིད་སྟེགས་ནས་བོད་ནང་གི་ཛ་དྲགས་ཀྱི་གནས་སྟངས་འབྱུང་རྐྱེན་གླེང་སློང་གང་ནུས་ཀྱིས་བྱས་ཟིན་པ་དང་། རེ་བ་ཡང་ཡག་ས་ཞིག་བརྒྱབ་ནས་དགོས་འདུན་ཁག་བཏོན་གནང་བ་རེད། འོན་ཀྱང་། འདས་བའི་དུས་ཚོད་ནང་ལ་དཔེར་བཞག་ན་་བོད་ནང་གི་ཛ་དྲགས་ཀྱི་གནས་རེ་རེ་དང་སྟབས་བསྟུན་སྒོས། ཐེངས་མང་དང་ལན་མང་ལ་འུ་ཅག་གི་དགོས་འདུན་གང་མང་བཏོན་ནས་འཐབ་རྩོད་རབ་དང་རིམ་པ་བྱས་ཡོད་བ་རེད་དེ། པེ་ཅིན་གཞུང་གཡོ་འགུལ་ཅི་ཡང་མ་ཐེབས་ལ། སུན་སྣང་གང་ཡང་མ་བྱུང་བ་རེད། མཐར་ཐུག་བོད་གངས་ཅན་པའི་དགོས་འདུན་གང་ཡང་མ་བསྒྲུབས་པའི་ཁར་ཡང་དང་བསྐྱར་དུ་བཙན་མནོན་བྱས། བསམ་བཞིན་དུ་རྒྱལ་སྤྱིའི་མིག་མདུན་ནས་དྲགས་ཆས་ཁོ་ནས་འཇིགས་སྐུལ་རྐྱང་བྱས་བ་རེད། རྒྱུ་མཚན་འདི་འདྲ་ལ་བརྟེན་ནས་ད་ཐེངས་བཀའ་ཁྲི་མཆོག་གཙོ་བྱས་བོད་གངས་ཅན་པའི་དགོས་འདུན་ཅི་ལྟར་འགྲུབ་ཐབས་ལ་ཐབས་ལམ་མ་འདྲ་ཞིག་བཙལ་ནས་རྙེད་དགོས་རེད་དམ། ཡང་ན་འདས་སོང་བཞིན་དགོས་འདུན་ཉག་གཅིག་མ་འགྲུབ་ཀྱང་འུ་ཅག་གིས་རང་ཉིད་ལ་གུ་ཡངས་བྱེད་རྒྱུ་འམ། ཡང་མིན་ན་རྒྱལ་སྤྱིའི་སྲིད་སྟེགས་ལ་ཁ་གདངས་ནས་མིག་ཅེར་རེ་ངང་སྒུག་བྱེད་དགོས་བ་ཡིན་ནམ།

སྤྱིར་ནས་བསམ་ཚུལ་་མཐའ་མ་འདི་གླེང་སློང་མང་ཙམ་དང་ཁ་ཚང་ཞིག་བྱེད་དགོས་བར་འདོད་ཡོད་མོད། རེ་ཞིག་མཇུག་སྐྱེལ་རྒྱུའི་ཚབ་ལ་དྲ་གྲོགས་ཚོ་དྲི་བ་ཞིག་བཀོད་ན་དགེ་ཕན་ཆེ་བ་འདུག་བསམ་ཐོག འདི་མུར་བཞག་བ་ཡིན། རྒྱུད་རིམ་ཡོད་པའི་སྒོ་ནས་གནད་དོན་དག་སྐྱ་དགར་ཐུབ་ན་དགེ་མཚན་ཆེ་བ་འདུག་ལ། རིམ་ཀྱིས་འུ་ཅག་དྲ་རྒྱ་སྟེང་ལ་འཛོམས་པའི་དགོས་བ་རྒྱུ་མཚན་ཞིག་དང་སྐབས་བབས་ཀྱི་གནད་དོན་འབབ་སྟེགས་ཞིག་ཀྱང་རྙེད་སྲིད་པ་རེད།

གངས་ཕྲུག་ཟེར་བ་འདིས་ག་རེ་ལབ་ཀྱི་ཡོད་རེད། བོད་མི་དམངས་ཀྱིས་བསྐོས་པའི་སྲིད་འཛིན་བློ་བཟང་སེང་གེས་ཨ་ཪི་གྲོས་ཚོགས་འཐུས་མི་རྣམས་སུ་མཇལ་འཕྲད་གནང་བར་དགའ་པོ་མ་བྱུང་པར་འདྲ།
ཡིན་ནའང་ཨ་རི་གྲོས་ཚོགས་འཐུས་མི་དང་རྒྱལ་སྤྱིའི་གནད་ཡོད་མི་སྣ་ལ་སྲིད་འཛིན་བློ་བཟང་སེང་གེ་མཆོག་གིས་མཇལ་འཕྲད་དགོས་ངེས་རེད་ལ་བོད་རྒྱ་ཆེན་མི་དམངས་ཀྱིས་འདོད་རེ་བ་དང་འདུན་པ་ཡང་རེད།
བུ་ཆུང་ཚེ་རིང་སོགས་ཀྱིས་མ་གཏོགས་བཀའ་ཁྲིས་མཇལ་འཕྲད་གནང་ན་འགྲིག་གི་མེད་མདོག་མདོག་བཤད་པ་འདིར་ཅི་འདྲ་དགོད་མོ་ཤོར་བའི་སྐད་ཆ་ཞིག་རེད་ཨང།

བཀའ་ཁྲི་མཆོག་གི་རྩོམ་ཡིག་འདིའི་ནང་དུ་གནད་ལ་འཁེལ་བའི་དགོངས་ཚུལ་ཅི་ཞིག་འདུག་གམ། བཀའ་ཁྲིའི་མཚན་ཐོག་ནས་རྩོམ་ཡིག་འདི་འདྲ་སྤེལ་རྒྱུ་ནི་བོད་མི་ཚོའི་ཆེ་མཐོང་ཤོར་སྤྱད་ཅིག་ལས་གཞན་གང་ཡང་མ་རེད།
བཀའ་ཁྲི་མཆོག་གིས་ད་བར་བོད་ནང་མེར་སྲེག་ལས་འགུལ་ཐད་ངོས་འཛིན་མ་འདྲ་བ་གང་ཡང་གནང་ཐུབ་མེད་ལ། དེ་བཞིན་མེར་སྲེག་གི་ལས་འགུལ་འདི་བཞིན་རྒྱལ་སྤྱིའི་ཁྲིམས་ཁང་གང་ཞིག་ཏུའང་བསྐྱལ་ཐུབ་མེད་པས། ཁོང་ཁྲིམས་ལུགས་ཆེད་མཁས་ཡིན་པའི་ངོས་ནས་ང་ཚོ་ཅི་ཞིག་ཕན་ཡོད་དམ། དེ་བས་བཀའ་ཁྲི་མཆོག་གིས་ཤེས་ལྡན་པ་རྣམས་ལ་བཀའ་འདྲི་གྲོས་བསྡུར་རྒྱུད་དེ་གནད་ལ་འཁེལ་བའི་གཏམ་བཤད་གནང་དགོས་ཀྱི་འདུག

ཉེ་ཆར་ཨ་རི་ནས་ཁོང་གི་བོད་དོན་འགྲེལ་བརྗོད་ཀྱི་ལྗིད་ཁོག་དེ་རྦད་དེ་ངོ་ཚ་བོའི་གནས་སུ་གྱུར་ནས། ཀིརྟི་རིན་པོ་ཆེའི་གསུང་བཤད་མིན་ན་སྲིད་སྐྱོང་བའི་རྣམ་འགྱུར་རྫིག་པོ་འདིའི་ནང་སྟོང་བ་ཆགས་གྲབས་བྱས་ཡོད།

འོག་ཏུ་བཙན་བྱོལ་བས་ཁ་བྱང་གི་ཨིན་ཡིག་རྫུན་མ་བཀོད་འདུག
ཕ་ཡུལ་དྲྭ་ཚིགས་ནང་གི་ཨིན་ཡིག་གི་ཁ་བྱང་ངོ་མ་ནི་འདི་ཡིན།
Chinese repression to blame for immolations in Tibet

སྤྱི་ཡོངས་ནས་འགྱུར་ཡག་པོ་འདུག ཁོ་བོའི་བསམ་འཆར་ནི་རྩོམ་ཡིག་འདིའི་འགོ་བརྗོད་ཀྱི་སྐོར་ལ་ཡིན། བོད་ནང་གི་རང་ལུས་མེར་བསྲེག་ལ་སྐྱོན་བརྗོད་བྱེད་པའི་རྒྱ་ནག་གི་དྲག་གནོན། ཞེས་པ་དེའི་དོན་གང་འདྲ་གོ་དགོས་སམ། གོ་བ་བླངས་ན། མེར་བསྲེག་གི་ལས་འགུལ་ལ་སྐྱོན་བརྗོད་བྱེད་མཁན་ནི་རྒྱ་ནག་ཡིན་པའི་བཟོ་འདྲ་པོ། ཡང་ན་གཞན་སུ་ལ་གོ་དགོས་སམ། འགོ་བརྗོད་འགྱུར་སྟངས་འགྲིག་མིན་འདུག འདི་ནི་ཐད་འགྱུར་ཐལ་ཆེ་དྲག་འདུག་བསམ། ཨིན་ཡིག་གི་ནང་དུ། China’s Repression to blame for inflamations in Tibet ཞེས་པ་འདི་རེད། གནས་ཚུལ་འདི་ཕ་ཡུལ་དྲ་རྒྱ་ནང་དུ་བཀོད་ཡོད། ཁོ་བོས་བསམས་ན། བོད་ནང་གི་རང་ལུས་མེར་བསྲེག་འབྱུང་རྐྱེན་ནི་རྒྱ་ནག་གི་དྲག་གནོན་ཡིན། ཞེས་པ་ལྟར་འགྱུར་ན་ལེགས། རྒྱུ་མཚན་ནི། རྒྱ་ནག་གིས་མེར་བསྲེག་གི་ལས་འགུལ་འདི་ནི་ཕྱིར་བཞུགས་༸གོང་ས་མཆོག་དང་བཙན་བྱོལ་གཞུང་། དེ་བཞིན་གཞུང་འབྲེལ་མ་ཡིན་པའི་ཚོགས་པ་གཞོན་ནུ་ལྟ་བུས་ངན་བསྐུལ་བྱེད་པ་རེད་ཟེར་ནས་སྐྱོན་བརྗོད་པ་དེ་ལ་ལན་འདེབས་ཀྱི་ཚུལ་དུ་ལས་འགུལ་དེ་དག་འབྱུང་རྐྱེན་ངོ་མ་ནི་རྒྱ་ནག་གི་དྲག་གནོན་ལ་ངོ་མ་ཐེབས་ནས་ཐབས་སྡུག་གི་ལས་འགུལ་འདི་སྤེལ་དགོས་བྱུང་བ་རེད་ཟེར་བ་འདི་ཡིན།

སྒྱུར་པ་པོ་རྨ་མགུར་ལ་ཐུགས་རྗེ་བླ་ལྷག་ཏུ་ཆེ་ཞུའོ། གལ་ཆེན་གྱི་གསར་འགྱུར་བསྒྱུར་བ་ནི་ཕྱོགས་གང་ནས་བསམ་ཀྱང་ལས་འགུལ་རླབས་ཆེན་ཞིག་ཡིན་པ་གསལ་པོ་རེད། མུ་མཐུད་ད་དུང་གསར་འགྱུར་དང་ཆབ་སྲིད་དཔྱད་བརྗོད་གང་མང་བསྒྱུར་གནང་ཡོང་བའི་འབོད་སྐུལ་ཞུ་གི་ཡོད།

རྨ་འགུར་སངས་རྒྱས་ལགས་ནས་གལ་ཆེའི་ཡིག་ཆ་འདི་བསྒྱུར་གནང་བར་ཐུགས་རྗེ་ཆེ་ཞུ་རྒྱུ་ཡིན། ད་ལན་བསྒྱུར་བ་འདིས་མཚོན་པའི་བོད་དང་བོད་མིར་འབྲེལ་བ་ཡོད་པའི་ཆབ་སྲིད་ཀྱི་ཡིག་རིགས་མང་ཙམ་བསྒྱུར་རོགས་ཅེས་འབོད་སྐུལ་ནན་པོ་ཞུ་གི་ཡོད།

བཙན་བྱོལ་ནང་བོད་གཞུང་མང་གིས་ལས་འགུལ་མང་པོ་ཞིག་སྤེལ་བཞིན་པ་དེའི་ཐད་རྒྱལ་སྤྱིའི་བརྒྱུད་ལམ་ཁག་ཏུ་བོད་དང་འབྲེལ་བའི་གལ་ཆེའི་གནས་ཚུལ་མང་པོ་ཞིག་ཉིན་བཞིན་ཐོན་གྱི་འདུག ཡིན་ནའང་བོད་ཡིག་གི་གསར་འགྱུར་བརྒྱུད་ལམ་ཁག་གི་ནང་སྤེལ་གནང་གི་མི་འདུག ང་ཚོས་སོ་སོའི་དབུ་ཁྲིད་ཚོས་གང་གནང་བཞིན་པ་དང་། རྒྱལ་སྤྱིས་ཡ་ལན་གང་འདྲ་ཐོབ་བཞིན་པ་དེ་ངེས་པར་ཤེས་དགོས་རྒྱུ་དེ་གལ་ཆེན་ཆགས་ཡོད་པ་རེད།

དེ་བཞིན་བོད་དོན་གཙོ་བོ་བྱས་པའི་ཆབ་སྲིད་དཔྱད་བརྗོད་ཀྱི་རྩོམ་ཡིག་མང་པོ་ཞིག་མཁས་དབང་ཁག་གིས་སྤེལ་གནང་བསྡད་ཀྱི་ཡོད་རེད། ང་ཚོ་བོད་ཡིག་ཀློག་པ་པོ་ཚོས་དེ་ཚོ་ངེས་པར་གོ་དགོས་ཀྱི་འདུག གནད་དོན་འདི་དག་གི་ཐད་ཡིག་བསྒྱུར་གནང་ཐུབ་མཁན་ཚོས་བོད་ནང་གི་བོད་མིའི་ངོ་ལ་བལྟས་ནས་བསྒྱུར་གནང་ཐུབ་ན་རྣམ་པ་ཚོས་བོད་དོན་ལས་འགུལ་རླབས་ཆེ་ཤོས་ཤིག་རེད་བསམ་གྱི་འདུག

གང་ལྟར་ཁྱོན་ཡོངས་ཀྱི་གནས་ཚུལ་ཤེས་པའི་ཐོག་ནས་འགྲོ་མ་ཐུབ་ན་རང་ཕྱོགས་དང་གཞན་ཕྱོགས། མདོར་ན་ནང་ཁུལ་འཐེན་འཁྱེར་དེའི་ཐོག་མགོ་འཁོར་འགྲོ་གི་འདུག་ལ། དྲ་རྒྱ་ཁག་གི་ནང་དཔྱད་བརྗོད་རྩོམ་ཡིག་ཧ་ཅང་ཉུང་བ་དང་། རེ་ཟུང་ཡོད་པ་དེ་ཚོར་བགྲོ་གླེང་ཞིབ་ཙམ་ཡང་འགྲོ་ཐུབ་ཀྱི་མེད་པ་འདིས་ང་ཚོ་ལ་ཁྱོན་ཡོངས་ཀྱི་གནས་ཚུལ་གལ་ཆེན་པོ་ག་ཚོད་ཆགས་ཡོད་པ་དེ་སྟོན་བཞིན་འདུག

ཐུགས་རྗེ་ཆེ་ཐེངས་གཉིས་ལ་བཀླགས་ཟིན་པ་ཡིན།