༡༡།༡༡།༡༡་ལ་བྲིས།

སྤྱིར་གནམ་འོག་གི་མི་མང་བོ་ཞིག་ཨང་གྲངས་ཀྱི་འོག་དུ་འཚུད་ནས་ཡོད། ཨང་གྲངས་དེ་ཡང་མི་རྣམས་ཉིན་མཚན་མེད་དུ་གཡོག་དུ་བཀོལ་བའི་དངུལ་གྱི་ཁ་གྲངས་ཀྱང་ཆགས་ཡོད། མི་རྣམས་དེ་མཚུངས་ཀྱིས་ཨང་གྲངས་ལ་དགའ་བའི་སྲོལ་རྒྱུན་ཡང་མི་རིགས་སོ་སོ་ལ་གཏན་ནས་མི་འདྲ་བ་དང་། མི་རེ་རེ་ཡིས་རང་ཉིད་ཀྱི་རྨོངས་བློའི་ངེས་སུ་འཆར་ཚུལ་ཡང་གཏན་ནས་མི་འདྲ་བ་ཞིག་བྱུང་གི་ཡོད་ལ། དེ་ལ་ཡིད་ཆེས་བྱེད་སྟངས་དང་རེ་བ་བྱེད་པ། བྱ་བ་ཞིག་གི་འགོ་རྩོམ་པ་བཅས་གང་འཐད་ལ་ཨང་གྲངས་འདེམས་པར་སྤྲོ་བོ་ཡོད་པ་ཡིན།

༡༡།༡༡།༡༡ཨང་གྲངས་འདི་ལ་དགའ་བའི་རྒྱུ་མཚན་ཞིག་ནི། བསམ་བློ་རྩེ་གཅིག་དུ་འཇོག་པ། དམིགས་ཡུལ་རྩེ་གཅིག་དུ་སྒྲུབས་པ། འགྱུར་མེད་རྟག་བརྙན་གྱི་སེམས་པ་གཅིག་བསྐྱེད་བསྲུང་བྱེད་པ། འགྲོ་མི་གཅིག་གི་ངོས་ཐད་ནས་ལས་ཀ་ཡོད་ཚད་ཚོར་བ་གཅིག་པའི་འདུ་ཤེས་ཟབ་དུ་བཏང་ནས་ལས་དོན་གང་ཡོད་སྔར་ལས་ལེགས་སུ་གཏོང་བར་འབད་འབུངས་བྱེད་པར་འདོད་པ། འདྲ་མཉམ་བདེ་སྡུག་གི་སེམས་བྱུང་གི་ཡིག་འབྲུ་མང་དུ་བཏང་ནས། རིགས་གཅིག་སྤུན་ཟླ་དག་གི་ཆེད་དུ། སྐྱེ་བ་དོན་ཡོད་པ། གསོན་པ་རྒྱུ་མཚན་ཡོད་པ་ཞིག་བྱེད་པར་འདོད་པའི་རྨི་ལམ་དེ་དག་རེད་འདུག དེ་ཡིན་ན། དོན་དངོས་ཐོག ང་རང་༡༡།༡༡།༡༡ཨང་གྲངས་འདི་དག་ལ་དགའ་བ་ཙམ་གྱིས་ངའི་མི་ཚེ་ལ་འགྱུར་བ་འགྲོ་མི་སྲིད་ཀྱང་། ༡༡།༡༡།༡༡ཨང་གྲངས་འདི་དག་ལ་དགའ་བ་བཞིན། ངས་གང་ཞིག་འགོ་བརྩམས་པ་དེ་དག་ག་དུས་ཡིན་ཡང་དེ་རིང་གི་ཉིན་མ་ཚར་དུས་ཨང་གྲངས་གཞུག་མ་དེ་བརྗེ་བོ་རྒྱགས་སྲིད་ཀྱང་། ངས་དམིགས་ཡུལ་དང་རྨི་ལམ། འགྲོ་བ་མི་གཅིག་བྱེད་པའི་བདག་དབང་གི་བསམ་བློ་གཅིག་པོ་དེ་ཉིད་ཡར་རྒྱས་ཤིང་། གོང་འཕེལ་དུ་གཏོང་བའི་སྙིང་རུས་འདི། ཤ་གཟད་དེ་རུས་དང་། རུས་གཟད་དེ་རྐང་ལ་ཐུག་རེག་བར་དུ་འབད་ཐུབ་པར་ངས་རང་ཉིད་ལ་སྐུལ་ལྕགས་བཏང་ཞོར་དུ། ཨང་གྲངས་༡༡།༡༡།༡༡་འདི་བསུས་པ་ཡིན།