ཁ་སང་གཟའ་ཕུར་བུའི་ཉིན་འབར་མའི་གྲོས་ཚོགས་ནང་། གཞུང་དང་སྤྱི་ཚོགས་ཀྱི་གནད་དོན་གང་གི་ཐད་མི་མང་ལ་ཞི་བའི་ངོ་རྒོལ་གྱི་རང་དབང་སྤྲོད་རྒྱུའི་གྲོས་གཞི་ཞིག་བཏོན་པར་མང་མོས་རྒྱབ་སྐྱོར་ཐོབ་ཡོད་པ་དང་། སྲིད་འཛིན་གྱིས་དེར་མཚན་རྟགས་བཀོད་དེ་ཁྲིམས་གཞིར་གཏན་འབེབས་བྱས་ཡོད་འདུག
ཕྱི་ཚེས་༢༢ཉིན་གྱི་འབར་མའི་གྲོས་ཚོགས་ནང་མི་མང་ཞི་རྒོལ་རང་དབང་གི་གྲོས་གཞི་བྱུང་པར་མང་མོས་རྒྱབ་སྐྱོར་ཐོབ་རྗེས། ཕྱི་ཚེས་ ༢༤ ཉིན་སྲིད་འཛིན་ཐེན་སེན་(Thein Sein) གྱིས་བཀའ་འཁྲོལ་མཚན་རྟགས་བཀོད་དེ་ཁྲིམས་གཞིར་གཏན་འབེབས་བྱུང་ཡོད་འདུག གཏན་འབེབས་བྱུང་པའི་ཁྲིམས་གཞི་དེ་ནི་ད་སྔའི་འབར་མ་གཞུང་གི་ཆབ་སྲིད་བཅོས་སྒྱུར་གལ་ཆེ་ཤོས་ཤིག་ཆགས་ཡོད་འདུག་ལ། འདས་པའི་ལོ་མང་རིང་འབར་མའི་ནང་གྲྭ་བ་གཙོ་བོར་གྱུར་པའི་མི་མང་གིས་དམངས་གཙོ་བཅོས་སྒྱུར་དང་འགྲོ་བ་མིའི་ཐོབ་ཐང་དགོས་པའི་ཞི་རྒོལ་རིམ་པར་བྱས་སྐབས། དམག་མིའི་གཞུང་གིས་ཞི་རྒོལ་བ་ཚོར་དྲག་གནོན་དང་དམར་གསོད།བཙོན་འཇུག་སོགས་བྱས་ཡོད་པ་རེད།འབར་མའི་གྲོས་ཚོགས་གོང་མའི་འཐུས་མི་ཨ་ཡེ་(Aye Maung)ཟེར་པ་ཞིག་གིས་གསར་ལམ་ཁག་ལ་བརྗོད་པ་ལྟར་ན། ལོ་སྔོན་མའི་རྒྱལ་ཡོངས་འོས་བསྡུ་དེ་དྲང་བདེན་ཁ་གསལ་མེད་པའི་སྐྱོན་བརྗོད་དང་། དམག་མིའི་སྲིད་གཞུང་གྲོས་ཚོགས་ལམ་ལུགས་སུ་འཕོ་འགྱུར་ཕྱིན་རྗེས་གཞུང་གི་དབང་ཤུགས་གཙོ་བོ་དམག་མའི་ལག་ཏུ་ཡོད་པར་བསྐྱོད་བརྗོད་བྱེད་ཀྱི་ཡོད་ཀྱང་། འདས་པའི་ཟླ་འགའི་ནང་ཆབ་སྲིད་བཙོན་པ་ཀློད་གྲོལ་དང་། ཆབ་སྲིད་ཚོགས་པ་ཚང་མ་ངོས་ལེན་བྱས་པ། གསར་འགྱུར་བརྒྱུད་ལམ་གྱི་རང་དབང་རྒྱ་ཆེར་ཕྱེས་པ། ཕྱི་ཕྱོགས་ཀྱི་རང་དབང་ལྟ་ཞིབ་པ་ཡོང་བཅུག་པ།དེ་བཞིན། ཐེངས་འདིར་མི་མང་ཞི་རྒོལ་རང་དབང་གི་ཁྲིམས་གཞི་གཏན་འབེབས་བྱས་པ་བཅས་ནི། ༡༩༦༢ ལོར་དབྱིན་ཇིའི་འོག་ནས་འབར་མ་རང་བཙན་ཐོབ་རྗེས་ནས་ད་ལྟའི་བར་བྱུང་མ་མྱོང་པའི་ཆབ་སྲིད་ཀྱི་འགྱུར་པ་ཞིག་ཡིན་པར་བརྗོད་འདུག
ཕྱི་ཚེས་ ༢༣ ཉིན་ཉི་ཧོང་གིས་འབར་མའི་དམངས་གཙོ་བཅོས་སྒྱུར་ལ་བསྔགས་བརྗོད་དང་། འབྱུང་འགྱུར་བདུན་ཕྲག་ནང་འབར་མའི་སྤྱི་ཚོགས་འཕེལ་རྒྱས་དང་། རྒྱལ་སྤྱིའི་ལས་དོན་ནང་མཉམ་ཞུགས་བྱ་ཕྱོགས་སྐོར་ལ་འབར་མར་རོགས་འདེགས་དང་གྲོས་བསྡུར་བྱ་འཆར་ཡོད་པ་བསྒྲགས་འདུག
ཕྱི་ལོ་ ༡༩༦༢ ལོར་འབར་མ་དབྱིན་ཇིའི་དབང་སྒྱུར་འོག་ནས་རང་བཙན་ཐོབ་རྗེས། ལོ་སྔོ་མའི་བར་འབར་མ་དམག་མིའི་དབང་སྒྱུར་འོག་གནས་ཡོད་འདུག
གསར་འགོད་པ།བནྡེ་སྐྱབས།
རྒྱ་གཞུང་གི་དྲག་པོའི་ཚ་བོ་ག་ཐྰ་ཕི་དམར་གསོད་བཏང་བའི་རྗེས་སུ། རྒྱ་གཞུང་དྲག་པོའི་དགེ་ཕྲུག་འབར་མ་ཚོས་རང་གི་དྲག་པོའི་དགེ་རྒན་རྒྱ་གཞུང་ལ་འགྲམ་ལྕག་ཚ་ཐག་ཆོད་ཅིག་ཞུས་པ་དང་ཁྱད་མེད་པ་ཆགས་པ་རེད། རྒྱ་གཞུང་ད་དུང་ག་དུས་གཉིད་ཚད་འོངས།
འབར་མའི་གནས་སྟངས་ཡག་རུ་འགྲོ་བ་བཟང་། ད་དུང་ཡང་ལྷོད་གཡེང་མེད་པར་དམངས་གཙོ་མ་ཐོབ་བར་འཐབ་རྩོད་མུ་མཐུད་དགོས། འཛམ་གླིང་འདིའི་ཐོག་ཏུ་དམར་པོའི་རིང་ལུགས་འཛིན་མཁན་རྒྱ་ནག་ཁེར་རྐྱང་ཆགས་ན་ཅི་མ་རུང་། འབར་མ་གཞིན་བོད་ལའང་རང་དབང་གང་འདྲ་ཐུབ་མིན་སུས་ཀྱང་བརྗོད་དཀའ། འབར་མ་ནི་དབང་འཛིན་ཕྱོགས་ཁག་གིས་དབང་བསྒྱུར་བྱེད་ཡོད་ནའང་། མི་རིགས་རིང་ལུགས་ཀྱི་གནད་དོན་མེད། རྒྱ་ནག་གིས་མི་རིགས་ཆེན་པོ་རིང་ལུགས་མ་དོར་བར་རྒྱ་ནག་དམངས་གཙོ་ཆགས་ན་འདྲ་དམར་པོ་ཡིནའང་འདྲ། བོད་ནང་རང་དབང་གི་བདེ་སྐྱེད་ཀྱི་ཉི་མ་ཤར་དཀའོ།
འབར་མའི་གནས་སྟངས་ཡག་རུ་འགྲོ་བ་བཟང་། ད་དུང་ཡང་ལྷོད་གཡེང་མེད་པར་དམངས་གཙོ་མ་ཐོབ་བར་འཐབ་རྩོད་མུ་མཐུད་དགོས། འཛམ་གླིང་འདིའི་ཐོག་ཏུ་དམར་པོའི་རིང་ལུགས་འཛིན་མཁན་རྒྱ་ནག་ཁེར་རྐྱང་ཆགས་ན་ཅི་མ་རུང་། འབར་མ་གཞིན་བོད་ལའང་རང་དབང་གང་འདྲ་ཐུབ་མིན་སུས་ཀྱང་བརྗོད་དཀའ། འབར་མ་ནི་དབང་འཛིན་ཕྱོགས་ཁག་གིས་དབང་བསྒྱུར་བྱེད་ཡོད་ནའང་། མི་རིགས་རིང་ལུགས་ཀྱི་གནད་དོན་མེད། རྒྱ་ནག་གིས་མི་རིགས་ཆེན་པོ་རིང་ལུགས་མ་དོར་བར་རྒྱ་ནག་དམངས་གཙོ་ཆགས་ན་འདྲ་དམར་པོ་ཡིནའང་འདྲ། བོད་ནང་རང་དབང་གི་བདེ་སྐྱེད་ཀྱི་ཉི་མ་ཤར་དཀའོ།
དམག་དཔུང་གི་དྲག་གནོན་ཇི་ལྟར་བྱས་ན་ཡང་བདེན་པ་ཡོད་མཁན་མི་རིགས་ཤིག་ཡིན་དུས་དུས་ནམ་ཞིག་འདི་ལྟར་རང་དབང་གི་བདེན་མཐའ་གསལ་ངེས་རེད། དམར་དམག་གིས་དྲག་འཐབ་་ཇི་ལྟར་བྱས་ནའང་ཞི་བ་དང་བདེན་པ་རྒྱལ་རྒྱུ་ཡིན་པ་གསལ་བོ་རེད། བོད་མི་རིགས་ལ་ཡང་འདི་ལྟར་རང་དབང་ཐོབ་ངེས་ཡིན་པས་ང་ཚོས་ཞི་བའི་ངང་ནས་ལས་འགུལ་སྤེལ་རྒྱུ་གལ་ཆེན་པོ་ཡིན་པས་བོད་མི་སྤྱི་བོ་གནམ་བསྟན་ཚང་མའི་འགན་ཁུར་གྱི་གལ་ཆེན་མ་ཡིན་ནམ།
བདེན་པ་དང་གནས་ལུགས་ཟེར་བ་འདི་སྔ་ཕྱི་མ་གཏོགས་མངོན་དུ་འགྱུར་གྱི་འདུག་ག ད་ང་ཚོའི་བདེན་པ་དང་གནས་ལུགས་ཀྱང་མི་རིང་བར་མངོན་དུ་འགྱུར་བར་རེ་ཡོད།
འབར་མའི་མི་དམངས་ལ་འཚམ་འདྲི་དང་བཀྲ་ཤིས་བདེ་ལེགས་ཞུ།
འབར་མའི་མི་དམངས་ཚོར་རྟེན་འབྲེལ་ཞུ། འདི་ཡང་མིའི་རིགས་དང་ལྷག་པར་ཨེ་ཤ་ཡའི་མདུན་བསྐྱོད་ཀྱི་གོམ་པ་ཞིག་ལོས་ཡིན། ལོ་གཅིག་གཉིས་ཀྱི་གོང་དུ་སྒེར་བདག་སྲིད་དབང་གི་ཆེད་དུ་རང་དབང་སྐད་འབོད་པ་དག་དམར་གསོད་བྱེད་པར་ཐེ་མི་ཚོམ་པའི་སྲིད་གཞུང་ཞིག་འདི་ལྟར་གུ་ཡངས་དམངས་གཙོའི་ལམ་ཁར་སྙེག་པ་མཐོང་ཚེ། རང་ཅག་གི་རེ་བའི་ས་བོན་དེ་ལའང་དཔྱིད་དུས་དྲོན་མོ་ཞིག་ལོས་འཆར་སྙམ་པའི་རེ་བ་སྐྱེས་འོང་།
དཀོན་མཆོག་མཁྱེན། ང་ཚོ་ལ་འདི་ལྟ་བུའི་རང་དབང་ཞིག་དང་འཕོ་འགྱུར་ཞིག་བྱུང་ན་དགའ་བ་ལ་ཨང་། བསྟན་པ་དང་སྟོན་པ་གཅིག་པའི་འབར་མའི་དགེ་འདུག་པ་དང་འབར་མའི་མི་དམངས། དེ་བཞིན་གཞུང་འཛིན་པ་ཡོངས་ལ་སེམས་རྩ་འཁོལ་པོས་འཚམས་འདྲི་བཀྲ་ཤིས་བདེ་ལེགས་ཞུ།
དམག་དཔུང་གི་དྲག་གནོན་ལམ་ལུགས་ཤིག་འདི་ལྟར་རྩ་ཁྲིམས་ཀྱི་སྟངས་འཛིན་དུ་འགྱུར་བཞིན་པ་འདིས་དྲག་པོ་དང་ཞི་བ། རྫུན་མ་དང་བདེན་པ་དག་གི་ནུས་པ་གང་ཆེའི་རྒྱལ་ཕམ་གྱི་གནས་ལུགས་ཤིག་མཚོན་གྱིན་ཡོད།
ཀྲུང་གོར་ཡང་མི་དམངས་ཀྱིས་ཞི་རྒོལ་ཆོག་པའི་རང་དབང་ཞིག་ཅི་འདྲ་མཁོ་ཨང། རང་དབང་འདི་སྔ་ཕྱི་མ་གཏོགས་སྨིན་ངེས་པའི་ནུས་ལྡན་ས་བོན་ཞིག་ཡིན་སྟེ། འདི་ནི་རྒྱ་ཆེའི་མི་དམངས་ཀྱི་རང་བཞིན་ལྷན་སྐྱེས་དང་འབྲེལ་བའི་ཐོབ་ཐང་གི་ས་བོན་ཞིག་ཡིན་པས་སོ།