འབར་མའི་མི་མང་ཞི་རྒོལ་ལ་རང་དབང་།

རྒྱ་གཞུང་གི་དྲག་པོའི་ཚ་བོ་ག་ཐྰ་ཕི་དམར་གསོད་བཏང་བའི་རྗེས་སུ། རྒྱ་གཞུང་དྲག་པོའི་དགེ་ཕྲུག་འབར་མ་ཚོས་རང་གི་དྲག་པོའི་དགེ་རྒན་རྒྱ་གཞུང་ལ་འགྲམ་ལྕག་ཚ་ཐག་ཆོད་ཅིག་ཞུས་པ་དང་ཁྱད་མེད་པ་ཆགས་པ་རེད། རྒྱ་གཞུང་ད་དུང་ག་དུས་གཉིད་ཚད་འོངས།

འབར་མའི་གནས་སྟངས་ཡག་རུ་འགྲོ་བ་བཟང་། ད་དུང་ཡང་ལྷོད་གཡེང་མེད་པར་དམངས་གཙོ་མ་ཐོབ་བར་འཐབ་རྩོད་མུ་མཐུད་དགོས། འཛམ་གླིང་འདིའི་ཐོག་ཏུ་དམར་པོའི་རིང་ལུགས་འཛིན་མཁན་རྒྱ་ནག་ཁེར་རྐྱང་ཆགས་ན་ཅི་མ་རུང་། འབར་མ་གཞིན་བོད་ལའང་རང་དབང་གང་འདྲ་ཐུབ་མིན་སུས་ཀྱང་བརྗོད་དཀའ། འབར་མ་ནི་དབང་འཛིན་ཕྱོགས་ཁག་གིས་དབང་བསྒྱུར་བྱེད་ཡོད་ནའང་། མི་རིགས་རིང་ལུགས་ཀྱི་གནད་དོན་མེད། རྒྱ་ནག་གིས་མི་རིགས་ཆེན་པོ་རིང་ལུགས་མ་དོར་བར་རྒྱ་ནག་དམངས་གཙོ་ཆགས་ན་འདྲ་དམར་པོ་ཡིནའང་འདྲ། བོད་ནང་རང་དབང་གི་བདེ་སྐྱེད་ཀྱི་ཉི་མ་ཤར་དཀའོ།

བདེན་པ་དང་གནས་ལུགས་ཟེར་བ་འདི་སྔ་ཕྱི་མ་གཏོགས་མངོན་དུ་འགྱུར་གྱི་འདུག་ག ད་ང་ཚོའི་བདེན་པ་དང་གནས་ལུགས་ཀྱང་མི་རིང་བར་མངོན་དུ་འགྱུར་བར་རེ་ཡོད།

འབར་མའི་མི་དམངས་ཚོར་རྟེན་འབྲེལ་ཞུ། འདི་ཡང་མིའི་རིགས་དང་ལྷག་པར་ཨེ་ཤ་ཡའི་མདུན་བསྐྱོད་ཀྱི་གོམ་པ་ཞིག་ལོས་ཡིན། ལོ་གཅིག་གཉིས་ཀྱི་གོང་དུ་སྒེར་བདག་སྲིད་དབང་གི་ཆེད་དུ་རང་དབང་སྐད་འབོད་པ་དག་དམར་གསོད་བྱེད་པར་ཐེ་མི་ཚོམ་པའི་སྲིད་གཞུང་ཞིག་འདི་ལྟར་གུ་ཡངས་དམངས་གཙོའི་ལམ་ཁར་སྙེག་པ་མཐོང་ཚེ། རང་ཅག་གི་རེ་བའི་ས་བོན་དེ་ལའང་དཔྱིད་དུས་དྲོན་མོ་ཞིག་ལོས་འཆར་སྙམ་པའི་རེ་བ་སྐྱེས་འོང་།

དམག་དཔུང་གི་དྲག་གནོན་ལམ་ལུགས་ཤིག་འདི་ལྟར་རྩ་ཁྲིམས་ཀྱི་སྟངས་འཛིན་དུ་འགྱུར་བཞིན་པ་འདིས་དྲག་པོ་དང་ཞི་བ། རྫུན་མ་དང་བདེན་པ་དག་གི་ནུས་པ་གང་ཆེའི་རྒྱལ་ཕམ་གྱི་གནས་ལུགས་ཤིག་མཚོན་གྱིན་ཡོད།
ཀྲུང་གོར་ཡང་མི་དམངས་ཀྱིས་ཞི་རྒོལ་ཆོག་པའི་རང་དབང་ཞིག་ཅི་འདྲ་མཁོ་ཨང། རང་དབང་འདི་སྔ་ཕྱི་མ་གཏོགས་སྨིན་ངེས་པའི་ནུས་ལྡན་ས་བོན་ཞིག་ཡིན་སྟེ། འདི་ནི་རྒྱ་ཆེའི་མི་དམངས་ཀྱི་རང་བཞིན་ལྷན་སྐྱེས་དང་འབྲེལ་བའི་ཐོབ་ཐང་གི་ས་བོན་ཞིག་ཡིན་པས་སོ།