ཟླ་འདིའི་ཕྱི་ཚེས་ ༡ ཉིན་ཆབ་མདོ་ཀརྨ་ཞང་དུ་སྐུ་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་རོང་ཚ་བསྟན་འཛིན་ཕུན་ཚོགས་ལགས་ཕྱི་ ༦ ཉིན་ཆབ་མདོའི་སྨན་ཁང་ཞིག་ཏུ་འདས་གྲོངས་སུ་ཕྱིན་ཡོད་འདུག་ལ། ས་གནས་འབྲེལ་ཡོད་ཅིག་གིས་ཀྱང་ཁོང་གྲོངས་ཏེ་དེ་རིང་བར་ཉིན་ ༤ འགྲོ་བཞིན་ཡོད་ཚུལ་དང་། དགོན་སྡེ་ཁག་ལ་བསྔོ་རྟེན་འབུལ་བཞིན་ཡོད་སྐོར་བརྗོད་འདུག
བོད་མི་མང་སྤྱི་འཐུས་སྨོན་ལམ་མཐར་ཕྱིན་ལགས་ཀྱིས་གནས་ཚུལ་བཏང་འབྱོར་བྱུང་བ་ལྟར་ན། ཁ་སང་ཕྱི་ཚེས་ ༨ ཉིན་བོད་མི་ཁག་ཅིག་སྨན་ཁང་ལ་སོང་ནས་ཁོང་གྲོངས་ཡོད་པའི་གནས་ཚུལ་འདུག་པ་ལྟར་ཕུང་པོ་རྩིས་སྤྲོད་དགོས་ཚུལ་བཤད་སྐབས། ཁོ་ཚོས་ཕུང་པོ་ནང་མི་ལ་སྤྲད་ཚར་ཟིན་སྐོར་བཤད་ཡོད་འདུག་ཀྱང་། དོན་དངོས་ཐོག་ཁོང་གི་ཕུང་པོ་ད་སྔ་ནང་མི་ལ་རྩིས་སྤྲོད་བྱས་ཡོད་མི་འདུག
བསྟན་འཛིན་ཕུན་ཚོགས་ལགས་ཀྱིས་སྐུ་ལུས་མེར་བསྲེགས་གཏོང་སྐབས། “༧རྒྱལ་བ་བསྟན་འཛིན་རྒྱ་མཚོ་མཁྱེན” ཞེས་འབོད་ཚིག་སྒྲོག་བཞིན་ཡོད་པ་ཉེ་འཁོར་གྱི་བོད་མི་ཚོས་ཐོས་འདུག ད་དུང་གནས་ཚུལ་ཡོང་ཁུངས་གཞན་ཁག་ཅིག་གིས་བརྗོད་པ་ལྟར་ན། ཁོང་གི་བཟའ་ཟླ་ཡང་འཛིན་བཟུང་བཀག་ཉར་བྱས་ཡོད་པ་དང་། ཤུལ་ལུས་ནང་མི་ཚོར་དམ་དྲག་དམིགས་བསལ་བྱེད་བཞིན་ཡོད་འདུག
དཔའ་རྒོད་ཁྱེད་ཀྱི་འདོད་དོན་མྱུར་དུ་འགྲུབ་པའི་སྨོན་ལམ་ཡོད།
འདི་ནས་ཤི་འཕོས་མ་ཐག་ནས་དགའ་ལྡན་ལ་སྐྱེ་སྟེ་བྱང་ཆུབ་ལུངས་བསྟན་ཐོབ་པར་ཤོགས།
བཀའ་དྲིན་ཆེ། ཡང་བསྐྱར་སྡུག་བསྔལ་མྱོང་མི་དགོས་པའི་དག་ཞིང་དུ་སྐྱེ་བར་སྨོན།
ད་ཆ་ང་ཚོ་བོད་མི་ན་གཞོན་ཚོར་དྲག་པོའི་དཔུག་ཁག་ཞིག་དགོས་པ་ནི་ཁ་ཚ་དགོས་གཏུགས་རེད་འདུག ༼བོད་མི་རིགས་ཀྱི་རྩ་དོན་ཆེད་༽
རྒྱལ་གཅེས་དཔའ་བོ་བསྟན་འཛིན་ཕུན་ཚོགས་ཁོང་ལ་མྱ་ངན་དང་གུས་འདུད་ཞུ་རྒྱུ་མ་ཟད་ཁོང་གི་བྱས་འབྲས་ལ་ཡི་རང་གུས་བཀུར་ཡོད།
ཚེ་འདས་རོང་ཚ་བསྟན་འཛིན་ཕུན་ཚོགས་ལགས།
བསྟན་དང་དེ་འཛིན་ཆབ་སྲིད་རང་རིགས་སླད། །
གཅེས་པའི་ལུས་སྲོག་ལོངས་སྤྱོད་ཡོངས་བཏང་ཞིང་། །
དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །
གྲུ་འཛིན་མགོན་དེའི་ཐུགས་རྗེས་སྐྱོངས་བར་མཛོད། །
བདེ་འགྲོའི་སྐྱེས་བཟང་བརྒྱུད་སངས་རྒྱས་གོ་འཕང་མྱུར་དུ་ཐོབ་པར་ཤོག །
བསྟན་དང་དེ་འཛིན་ཆབ་སྲིད་རང་རིགས་སླད།། གཅེས་པའི་ལུས་སྲོག་ལོངས་སྤྱོད་ཡོངས་བཏང་ཞིང་།། དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།། གྲུ་འཛིན་མགོན་དེའི་ཐུགས་རྗེས་སྐྱོངས་བར་མཛོད།།
དཔའ་བོ་ཁོང་གི་དགོས་འདུན་སྙིང་ལ་བཅིངས་ཡོད. ཚེ་རབས་ཀུན་ཏུ་ཕྱག་ན་པད་མོས་རྗེས་སུ་འཛིམ་པར་སྨོན རྒྱ་དམར་མགོ་འཇུག་སློག་པརདམ་བཅའ་འཇོག
ང་ཚོའི་བོད་པ་ཚང་ལ།།
ནོར་བུ་མེད་པ་མ་རེད།།
རྒྱལ་གཅེས་དཔའ་བོ་དཔའ་མོ།།
ནོར་བུ་མིན་པ་ཅི་རེད།།
དཔའ་བོའི་གཟི་བརྗིད་ནམ་ཡང་ཉམས་པ་མེད།