གེ་སར་རྒྱལ་བོ་དང་ཏཱ་ལའི་བླ་མ། མྱི་ནག་ཚང་།

རྒྱ་གཞུང་གིས་ལྷ་སྒྲུང་ལྟ་བུར་བསམས་ནས་བཀག་སྡོམ་མ་བྱས་པ་ཡིན་སྲིད་ཀྱང་དེ་ནི་ཁོ་ཚོར་མཚོན་ན་ནོར་འཁྲུལ་ཞིག་ཆགས་ཡོད། རྒྱུ་མཚན་གེ་སར་སྒྲུང་ནང་ན་བོད་དང་རྒྱ་དཀར་ནག་བཅས་རྒྱལ་ཁབ་སོ་སོ་ཡིན་ཚུལ་དང། བོད་ཅེས་པ་དེ་ཡང་བོད་ཁ་བ་ཅན་ཡོངས་ལ་གོ་དགོས་པ།(ང་ཆུང་དུས་གེ་སར་སྒྲུང་ནང་ནས་རྒྱ་ལ་དམག་བརྒྱབ་ཚུལ་ཡོད་པ་ཡང་གོ་མྱོང།) བཙན་པོའི་གཉའ་གནོན་དང་མི་རིགས་རང་སྲུང་གི་དཔའ་སྟོབས་དགོས་པ། ནང་པའི་ཆོས་སྤེལ་དགོས་པ། འཛམ་གླིང་ཞི་བདེར་འགོད་དགོས་པ་སོགས། མདོར་ན། ལས་ལ་བརྩོན་ཞིང་དཔའ་ངར་ལྡན་པ། ལས་འབྲས་བརྩི་ཞིང་ཐབས་ལ་མཁས་པའི་འཛམ་གླིང་གི་ཡང་རྩེ་ལྟ་བུའི་རྒྱལ་ཁབ་དཔལ་དང་ལྡན་པ་ཞིག་འཛུགས་སྐྲུན་དགོས་པའི་དོན་སྙིང་ལྡན་ཡོད།
དེ་བས་གེ་སར་གྱི་སྒྲུང་གི་བསྟན་པ་ཅི་ཙམ་དར་ན་བོད་མི་རིགས་ཀྱི་ངོ་བོ་དེ་ཙམ་དུ་བརྟན་བརླིང་དང་ཉམས་པ་མེད་པར་གནས་རྒྱུར་ཚོད་དཔག་ཐུབ་པ་ཞིག་རེད།
དེས་ན་དཔའ་བོའི་ལོ་རྒྱུས་དོན་སྙིང་ཅན་འདིའི་ཐོག་ལ་ཡིད་བཞིན་ནོར་བུའི་ཐབས་མཁས་མཛད་པ་དང་ལམ་སྟོན་ལྷན་ཐབས་སུ་གྱུར་ན་ང་ཚོས་རང་ཉིད་ལ་རེ་བ་དང་གདེང་འཇོག་མཐོ་རུ་འདེགས་ཐུབ་པ་ཞིག་མ་རེད་དམ།

དཔེར་ན། བོད་མི་ཚོས་༧རྒྱལ་བ་རིན་པོ་ཆེའི་གསུང་ལས་གེ་སར་གྱི་སྒྲུང་མང་བ་གོ་ཡོད་པ་རེད། ལྷ་ས་བརྙན་འཕྲིན་དང་མཚོ་སྔོན་རླུང་འཕྲིན་ཁང་སོགས་ཀྱིས་འདས་པའི་ལོ་ ༥༠ ལྷག་གི་རིང་ལ་གེ་སར་གྱི་སྒྲུང་བཤད་རྒྱང་སྲིང་བྱས་ཡོད་པ་རེད། དེ་བཞིན་༧རྒྱལ་བ་རིན་པོ་ཆེའི་གསུང་དཔེ་ལས་གེ་སར་རྒྱལ་བོའི་སྒྲུང་དེབ་མང་བ་ཡོད་པ་རེད། དཔེ་དེབ་ ༧༠ ལྷག་བཤད་ཀིན་ཡོད་པ་རེད། འཛམ་གླིང་སྟེང་གི་དཔའ་བོའི་རྟོག་བརྗོད་ཀྱི་སྒྲུང་རིང་ཤོས་དེ་རེད།

མི་ནག་ཚང་ལགས་མི་ལོ་ ལྔ་བཅུའི་ནང་གེ་སར་གི་སྒྲུང་ས་དར་རྡོ་དར་ཏུ་བཏང་ཏེ་བོད་མི་ཚོས་གོ་ཐུབ་པ་དང་། རྒྱལ་བ་རིན་པོའི་ཆེའི་གསུང་དང་། གསུང་། ཐ་ན་སྐུ་པར་ཙམ་ཡང་མཐོང་རྒྱུ་མེད་པའི་གནད་དོན་དེ་གང་ཡིན་ནམ།

ངས་བསམ་ནས་རྒྱ་མིས་རྒྱལ་བ་རིན་པོའི་སྐུ་དཔར་དང་། བཀའ་སློབ། དཔེ་དེབ། བརྙན་འཕྲིན་སོགས་ཚང་མ་བཀག་པ་དང་། དཔའ་བོ་གེ་སར་གེ་སར་གྱི་སྒྲུང་ཤོད་པ་དང་། ལོ་རྒྱུས་བརྗོད་པ། དཔེ་དེབ་ ༧༠ ལྷག་འགྲེམས་སྤེལ་བྱས་པ་བཅས་ཀྱི་བོད་མི་རིགས་ཀྱི་ལས་དབང་ལ་བསམས་ན་གནད་འགག་ཅན་ཞིག་ཆགས་ཀྱིན་ཡོད་པ་འདྲ།

དམོར་བསྡུས་ནས་བཤད་ན་རྒྱལ་བ་རིན་པོའི་བཀའ་སློབ་དང་དཔེ་དེབ་སོགས་ཀྱི་བོད་དང་བོད་མི་རིགས་ལ་རྩ་དོན་ལ་ཕན་གྱི་ཡོད་ཙང་རྒྱ་ནག་གིས་བཀག་སྡོམ་ནན་པོ་བྱས་པ་རེད།

གནའ་བོའི་ལྷ་སྒྲུང་གེ་སར་གྱི་སྒྲུུང་ཇི་ཙམ་ཁྱབ་སྤེལ་དང་གསལ་བཤད་བྱས་ནའང་བོད་དང་བོད་མི་རིགས་ཀྱི་ད་ལྟའི་རྩ་དོན་ཕན་ཐོགས་མེད་ཙང་རྒྱ་མིས་འགྲེམས་སྤེལ་བྱེད་དུ་བཅུག་པ་ཞིག་རེད།

གསར་བརྗེ་སྐྱབས་འདི་ལུང་རིགས་དང་མཐུན་ཕྱོགས་ཅན་དང་ནང་ཕན་ཚུན་བསྟོད་རེ་ཅན་ཞིག་ཡིན་པ་དྲ་འབུ་ཚང་མས་ཤེས་གསལ་རེད། ཅིའི་ཕྱིར་རང་གི་རྩོམ་ཅིག་བྲིས་རྗེས་གཞན་གྱི་གོ་བ་ལེན་ཕྱོགས་ཐད་སེམས་ཁྲལ་བྱེད་ཀྱི་ཡོད་ན། ཡ་མཚན་རེད། མི་བསམ་ཤེས་དག་གིས་འདི་འདྲ་གནང་ན་སྙིང་རྗེ་བ་ཞིག་མ་རེད་དམ།

མྱི་ནག་ཚང་གི་རྩོམ་ཡིག་འདིར་གནད་དོན་གཉིས་གླེང་འདུག
གཅིག་ནས་གླིང་རྗེ་གེ་སར་རྒྱལ་པོ་དང་༸གོང་ས་ཏཱ་ལའི་བླ་མ་གཉིས་བོད་མི་རིགས་ཀྱི་སེམས་ཁོངས་སུ་ཡང་སྙིང་ཇི་ལྟར་བྱས་ཏེ་འཛུལ་ཡོད་མེད་དང་དེ་གཉིས་ཀྱི་ཤུགས་རྐྱེན་གྱི་སྐོར་ནས་རེད།
གཉིས་ནས་བོད་སྐྱོབ་དགོས་ན་བོད་མི་རྣམས་ལ་ཅི་ཞིག་མཁོ་བ་རེད་ཅེས་དྲི་བ་ཞིག་དྲིས་ནས་དེ་ལ་ལན་འདེབས་བྱས་འདུག བོད་སྐྱོབ་ཀྱི་རྐང་དེ་བཞིན་དཔའ་ངར་ཞུམ་མེད་ཀྱི་རང་གཤིས་དང་ཚུལ་མཐུན་ཞི་བའི་ཀུན་སྤྱོད་གཉིས་ཀྱི་སྟེང་ནས་འཛུགས་དགོས་སྐོར་བཤད་འདུག

ནད་པ་ལགས། ང་ཚོས་གང་བཤད་ཀྱིན་པ་དེ་གཞི་རྩར་བཟུང་ན་ཡག་གི་རེད། དོན་དག་ཡོད་པ་རེད། དེ་ལས་ལྷག་པའི་ཉེས་མེད་ཉེས་འགེལ་གྱི་སྐད་ཆར་རྫོགས་མཐའ་མེད་པ་ཁྱེད་ལ་ཡང་གསལ་ཆ་ཡོད་པ་རེད། དེ་དག་གིས་ཁུངས་འཁྱོལ་གི་མ་རེད། ཉེས་ལ་དེ་མི་གཅིག་གི་མགོ་ལ་འགེལ་ས་ཡོད་པ་མ་རེད། མི་རིགས་རང་གི་ལས་རེད། ད་རྩོད་ན་ཡང་མི་རིགས་རང་གི་རྣམ་དཔྱོད་དང་བློ་སྟོབས་ལ་ཐུག

ཤར་ཕྱོགས་ཁུག་རྟས་ལན་བདེ་མོ་ཞིག་སྤྲད་འདུག ཡིན་ཡང་རང་རང་ལ་དངོས་གནས་རྩ་འཛིན་ལྟ་བུའི་ལངས་ཕྱོགས་དང་ལས་ཕྱོགས་ཤིག་ཡོད་ན་དེ་རྩ་འཛིན་བྱ་རྒྱུ་གལ་ཆེན་པོ་རེད། གནས་ལུགས་དང་རྒྱུ་མཚན་ཞེས་པ་དེ་ཡང་བཙན་པོ་ཡིན་སྟབས་མགོ་བསྒུར་ཤེས་དང་ཁས་ལེན་ཤེས་བྱས་ན་མཛེས་པ་དང་དེ་ལྟར་ཕྱིན་ན་རང་ཉིད་ཀྱང་ཚད་ཐུབ་ལ་འགྲོ་གི་རེད། ཆོས་མཐུན་གྱི་མི་ཚེ་ཡང་དེ་འདྲ་ཞིག་ཡིན་རྒྱུ་རེད་འདོད།

མཆན་དང་པོ་འབྲི་མཁན་གྱིས། རྒྱལ་བ་རིན་པོ་ཆེ་གླིང་གེ་སར་ལ་སྦྱར་ནས་བཤད་ན་གནས་ཆུང་ཆོས་རྒྱལ་གྱི་ཐུགས་ཁྲོས་འགྲོ་ནི་རེད་ཅེས་བྲིས་འདུག

གྲོགས་པོ་ཞིག་གིས་ཀྱང་སྒྲུང་ཅུང་ཡ་མཚན་རེ་བཤད་སོང་། འདི་ན་ཆོས་བརྒྱུད་ནང་ཁུལ་གྱི་ན་ཚ་དེ་འདྲ་ཡོད་ཚེ་བློ་ཕམ་གྱི་གནས་ཚུལ་རེད། མཆན་མཁན་ཚོའི་ནང་དུའང་དོན་དངོས་ལས་ཕར་གཡོལ་ཚུར་གཡོལ་གྱི་ལམ་ནས་འབྲི་མཁན་འདུག

འཇམ་ནོར་དང་ལྷ་ཚེ་གཉིས་ནི་ད་ལྟ་ཁྱེད་ཚོས་དམོད་བཞིན་པའི་གནས་སྟངས་དེའི་འོག་ནས་གླེང་ཡོད། ཁོང་གཉིས་ཀྱིས་རྒྱལ་བ་རིན་པོ་ཆེར་བཟུང་བའི་ཡིད་ཆེས་ནི་བོད་མི་ཀུན་ལས་དམའ་བ་ཞིག་མ་རེད་ཅེས་ལབ་ཡོད།

རྒྱལ་བ་རིན་པོ་ཆེ་མཆོག་གི་བཀའ་དྲིན་ནི་ང་ཚོ་ཚང་མས་མཉམ་དུ་ཤེས། མཉམ་དུ་ཚོར་ཡོད་པ་རེད་འདོད། ཡིན་ཡང་། ཁོང་ཉིད་ལག་རྡོ་དང་ལག་དབྱུག་ལ་བཀོལ་ནས་གཞན་གྱི་མགོར་གཞུ་མཁན་འདི་དག་ག་ལེར་རྩབ་ཧྲལ་དུ་གཏོང་རྒྱུ་ནི་ང་ཚོའི་ཐུན་མོང་གི་ལས་དོན་རེད་འདོད། འདི་དག་གིས་ཐ་ན་མཆན་ཐིག་ཤར་འགའ་རེ་བྲིས་ན་ཡང་རྒྱལ་བ་རིན་པོ་ཆེ་གླེང་གི་རེད། ཁ་གྲགས་ཚད་ལ་རྒྱལ་བ་རིན་པོ་ཆེ་གླེང་གི་རེད། རྒྱལ་བ་རིན་པོ་ཆེ་ཨང་དང་པོ་དང་། གནས་ལུགས་དང་རྒྱུ་མཚན་ཞེས་པ་ཨང་གཉིས་པར་འཇོག་གི་རེད། རྒྱལ་བ་རིན་པོ་ཆེ་མཆོག་གི་དགོངས་གཞི་ལས་བརྒལ་བའི་གླེང་མོལ་ཞིག་མགོ་བཙུགས་ཡོད་པ་རེད། འདིའི་རིགས་ནི་ད་གཟོད་དམར་པོ་དམར་རྐྱང་རེད་འདོད།

མྱི་ནག་ཚང་གི་བསམ་ཚུལ་སྤྱི་ཡོངས་ལ་མོས་མཐུན་ཡོད། མྱི་ནག་ཚང་འདི་ནམ་རྒྱུན་དོན་གྱི་གནད་ལ་འཇུ་ཐུབ་ངེས་རྩོམ་པ་པོ་ཞིག་ཡིན། འོན་ཀྱང་། སྐུ་ཞབས་འཇམ་དབྱངས་ནོར་བུ་དང་སྐུ་ཞབས་ལྷ་བཟང་ཚེ་རིང་གཉིས་བོད་དོན་འཐབ་རྩོད་ཀྱི་ཚབ་མཚོན་མི་སྣ་གཉིས་ཡིན་ལབ་ན། ངས་ནི་ཁ་ཐུག་ལ་རྩོམ་རིག་གི་སྐད་ཆ་བཤད་སྐབས་ཚབ་མཚོན་རྩོམ་ཡིག་ཅེས་པ་དེ་དང་འདྲ་བོ་ཞིག་གོ་ཡོང་གི་འདུག དེ་ལྟར་ཡིན་ན། འདས་མ་ད་གསུམ་གྱི་བོད་དོན་འཐབ་རྩོད་ཀྱི་ལོ་རྒྱུས་ཁྲོད་ཁོང་གཉིས་ལྟ་བུ་ཞིག་བྱུང་མ་མྱོང་བའམ་འབྱུང་མི་སྲིད་པར་ཐག་བཅད་ནས་བཤད་པ་ལྟ་བུ་ཞིག་ཏུ་གོ་སོང་། འོན་ཀྱང་དེ་ལྟ་བུ་ཞིག་མིན་པར་སྨོན། འོན་ཀྱང་ཚང་མས་གསལ་པོ་ཤེས་དགོས་པ་ཞིག་ལ་ངས་ཁོང་གཉིས་ལ་ནམ་ཡང་བརྩི་བཀུར་བྱེད་པ་ལས་སྡང་སེམས་བྱེད་ཀྱིན་མེད་ལགས་ཞུ་བ་ཡིན།

བསྟན་འཛིན་ཆོས་རྒྱལ་ལགས་ཀྱིས་བཤད་པ་ལྟར་རེད། ལོ་ཤས་གོང་ཟམ་གདོང་རིན་པོ་ཆེ་མཆོག་གིས་དེ་འདྲ་ཞིག་གསུངས་པ་དྲན་གི་འདུག བོད་པ་ཚོ་མཚམས་རེར་ནང་ཁུལ་ན་འཆམ་པོ་མཐུན་པོ་མེད་པ། ཕྱོགས་རིས་འཐེན་འཁྱེར་ཡོད་པ་འདྲ་ཞིག་ཡིན་ཡང་། ཨུ་ཐུག་དུས་དེར་ཚང་མ་རྡོག་རྩ་གཅིག་སྒྲིལ་དང་གཅིག་རྒྱབ་གཅིག་ལངས་ཀྱི་བསམ་བློ་ཤུགས་ཆེན་པོ་ཡོད་ཅེས་གསུངས་སོང་། དེ་འདྲ་ཞིག་ཡིན་ཀྱང་ལོས་དགོས། ཁོང་གི་བཀའ་མོལ་དེ་ནི་བོད་ཤོར་མཚམས་ཀྱི་ཉམས་མྱོང་ལས་བསགས་པའི་སྡོམ་ཚིག་ཅིག་ཡིན་པ་འདྲ། དེས་ང་ཚོར་གནས་སྟངས་གང་དུ་ལྷག་ཀྱང་གདེང་ཚོད་ཅིག་སྟེར་གི་འདུག

བཙན་བྱོལ་བ་ལགས། ངས་ནི་ཤུགས་རྐྱེན་དེ་གཉིས་ཀ་ད་སྐབས་བོར་མི་རིགས་ཀྱི་སེམས་ཀྱི་གོ་ཆ་རེར་གླེང་གིན་ཡོད་མ་གཏོགས། དམག་འཁྲུག་ལ་འགྲོ་དགོས་ཚུལ་བཤད་མེད་ལ། དེ་འདྲའི་དུས་སྐབས་ཤིག་མིན་པ་གླེན་པ་ཁ་ནག་ཞིག་ཡིན་ཡང་ཤེས་གི་རེད་འདོད།

གེ་སར་རྒྱལ་བོ་དང་༧གོང་ས་མཆོག་བསྡུར་ཐུབ་གི་མི་འདུག་ཅེས་པ་དེ་ཁྱེད་ལ་ཐུགས་ཁག་མི་འདུག་སྟབས། ཡིན་གཅིག་མིན་གཅིག་བསྡུར་དགོས་པའི་ངེས་པ་ཡོད་པ་མ་རེད། རང་ཉིད་ལ་བསམ་ཚུལ་མི་འདྲ་བ་ཞིག་ཡོད་པ་ཇི་བཞིན་དུ་མི་གཞན་པ་ལ་ཡང་སོ་སོའི་བསམ་ཚུལ་རེ་ཡོད་སྟབས། ཡིན་གཅིག་མིན་གཅིག་བསམ་ཚུལ་མཐུན་དགོས་པའི་ངེས་པ་ཡོད་པ་མ་རེད་ལ། ཕོག་དགོས་པའི་རྒྱུ་མཚན་ཡང་ཡོད་པ་མ་རེད། གནས་སྐབས་དེ་ཙམ་ཡིན།

གླིང་རྗེ་གེ་སར་རྒྱལ་པོ་དང་། ཨ་ཁུ་སྟོན་པ་དང་། འབྲུག་པ་ཀུན་ལེགས་རྣམས་བོད་ཀྱི་ལོ་རྒྱུས་ནང་དུ་བྱུང་ཡོད་མེད་ནི་ཉམས་ཞིབ་ཀྱི་ཡུལ་ཡིན། གལ་སྲིད་དེ་དག་བྱུང་ཡོད་པའི་དབང་དུ་བཏང་རུང་། ང་ནི་དུས་ནམ་དུ་ཡང་གླིང་གེ་སར་རྒྱལ་པོ་༸གོང་ས་མཆོག་དང་མཚུངས་བསྡུར་བྱེད་ཕོད་ས་མ་རེད། རྒྱུ་མཚན་ནི། ཞི་དྲག་གཉིས་མཚུངས་བསྡུར་བྱ་ཐབས་མེད་པས་རེད། གལ་སྲིད་འཇུག་འབྲས་དང་ཀུན་སློང་ལ་གཞིགས་ནས་མཚུངས་བསྡུར་བྱེད་པ་ཡིན་ན། མ་འོངས་ལོ་ཤས་གང་མཚམས་སོང་རྗེས་༸གོང་ས་སྐུ་ཕྲེང་བཅོ་ལྔ་པ་དང་ཨ་འབྲུག་མགོན་པོ་བཀྲིས་གཉིས་མཚུངས་བསྡུར་བྱེད་མི་སྲིད་པ་མ་རེད། ངས་བལྟས་ན་རྩོམ་འདི་ནི་གེ་སར་རྒྱལ་པོ་འུར་སྒྲོག་གིས་བསྟོད་བསྔགས་བྱེད་པའི་ཆེད་དུ་༸གོང་ས་མཆོག་གི་མཚན་མཉམ་དུ་དྲུས་པ་ཞིག་ཏུ་མཐོང་།

གླིང་གེ་སར་བོད་མི་རིགས་ཀྱི་འཚོ་བ་དང་སེམས་ཁམས་ནས་ཐོན་པའི་རིག་གནས་ཤིག་ཡིན་པ་བསྙོན་དུ་གང་ན་ཡོད། འོན་ཏེ་དེ་༧ཏཱ་ལའི་བླ་མའི་རིག་གནས་དང་ལྷག་པར་དུ་༧གོང་ས་བཅུ་བཞི་པ་ཆེན་པོ་བསྡུར་གྱི་ཡོད་ན་དེ་དེ་ཙམ་གྱི་སྐད་ཆ་ཞིག་ལས་ས་རྒྱ་ཅི་གང་མེད་པ་གསལ་བོ་རེད། གཞན། ༧ཏཱ་ལའི་བླ་མ་སྤྱན་རས་གཟིགས་སུ་རྟོག་བཟོ་བྱས་པ་མ་རེད། རྟོག་བཟོ་དང་དངོས་པོའི་ཡིན་ལུགས་རྣལ་མ་ཞིབ་འདེད་ཀྱི་ཤེས་རབ་བམ། ཡིན་ལུགས་རྣལ་མ་རྟོགས་པའི་ཤེས་རབ་གཉིས་གཏན་དུ་བསྡུར་ས་མི་འགྲོ ཁྱེད་ནས་རང་གིས་སྤྱན་རས་གཟིགས་སུ་ལྟ་བའི་རྒྱུ་མཚན་ལ་བསམ་བློ་བཏང་ནས་༧གོང་ས་མཆོག་ཀྱང་གེ་སེར་ལྟ་བུའི་རྟོག་བཟོའི་སྒྱུ་རྩལ་ཞིག་གིས་མི་རྣམས་ཀྱི་ཁ་མིག་ནས་ཁོག་དང་། ཁོག་ནས་རུས་པའི་གསེང་དུ་ཐིམས་པ་མིན་ནམ་བསམས་ན་ཁྱེད་ནོར་བ་རེད་ལགས། དེ་གཉིས། དངོས་པོ་གཉིས་ཀྱི་ཡོན་ཏན་བསྡུར་ན་དང་པོ་དངོས་པོ་རེ་རེའི་ཡོན་ཏན་རང་རྒྱུད་དུ་ཆུད་པ་བྱེད་རོགས།
དེ་ཙམ་ཡིན། དེང་སང་རྡོར་གདན་དུ་ཁང་པ་མ་རེག་པས་བྲེལ་འཚུབ་ཡིན། འཐེན་ཐུག་འཐུང་ཞོར་མ་འདིས་ཐུགས་དམ་བསྐང་མི་ཐུབ་མ་རྗེས་ནས་ག་ལེར་ཡིན།

མྱིའི་གཟུགས་སུ་འཇིག་རྟེན་འདིར་ཡོང་མིན་ད་དུང་གསལ་བོ་མ་ཆགས་པའི་རྟོག་བཟོའི་ཚབ་མཚོན་གྱི་གེ་སེར་རྒྱལ་བོ་དེ་ལ། བོད་ལུང་ཁུག་རེ་ན་བཤད་སྲོལ་སྣ་ཚོགས་ཤིག་འདུག་པས། ཆོས་སྲིད་གཉིས་ཀྱི་དཔའ་སྟོབས་འཛམ་གླིང་ལ་མ་ཤོངས་པའི་༧རྒྱལ་མཆོག་བསྟན་འཛིན་རྒྱ་མཚོ་ལྷ་མིན་མི་མིན་གེ་སེར་རྒྱལ་བོ་དང་མཚུངས་བསྡུར་བྱས་པ་ནི་ཅི་འདྲིའི་ཡིད་སྐྱོ་བ་ཞིག་རེད་ཨང་།
མ་གཞི་ནས་རྩོམ་འདི་བཀླགས་དུས། ཤེས་རབ་རྣམ་དཔྱོད་ཀྱི་ཐོན་རྫས་མཚུངས་བསྡུར་བྱ་རྒྱུ་ལས་ལྡོག་སྟེ། སྒྲུང་རིང་དུ་ཆགས་པའི་མི་ཤི་རྟ་འགྱེད་ཀྱི་རང་ས་སྲུང་སྐྱོབ་བྱེད་སྟངས་༧གོང་ས་མཆོག་གི་བྱམས་སྙིང་རྗེའི་ཁར་སྣོན་དགོས་ཀྱི་འདུག་ཟེར་ཁུལ་ཡིན་མོད། དུས་མ་འདྲ་བས་དཔའ་བློ་སྟོབས་སྟོན་ཚུལ་མ་འདྲ་བ་ཞིག་ཡུལ་ལུང་ཀུན་པོར་ཡོད་ངེས་ཀྱང་། ཨ་པ་ལུང་རིགས་ཀྱིས་ཞི་དྲག་ཟུང་སྦྲེལ་ལས་དྲག་པོའི་འདོད་མོས་ཆེན་པོ་ཞིག་སྟོན་པ་འདི་ཕལ་ཆེར་རང་གི་འདོད་འདུན་གྱི་ཤུགས་དྲག་ནས་མཚུངས་ཆོས་སྦྱར་རྒྱུ་རྦད་དེ་ནོར་སོང་བ་ཡིན་པ་འདྲ།
ད་དུང་ཆོས་པ་ཞིག་ཡིན་ན། འཇིག་རྟེན་པའི་ལྷ་འདྲ་བོ་ཞིག་༧གོང་ས་མཆོག་དང་མཚུངས་བསྡུར་བྱེད་པ་ཧམ་པ་ཚ་དྲག་འདུག་ཅེས་ཟེར་ངེས་པ་རེད། ངའི་རེ་བར་ཆོས་དང་འཇིག་རྟེན་པ་གང་ཡིན་ན་ཡིན། གང་ལྟར་མཚུངས་བསྡུར་གྱི་ཆ་དེ་ཞིབ་ཚགས་ཤིག་ཡོད་ན་གོ་བརྡ་ཞིག་འཕྲོད་ངེས་རེད།

ཞིབ་པར་བཀླགས། འོན་ཀྱང་འཇམ་ནོར་དང་ལྷག་བཟང་ལགས་ཁོང་གཉིས་ཀྱི་སྐད་ཆ་རྩེ་གཉིས་མ་འདི་ཀོ། ལངས་ཕྱོགས་པར་རློམ་པའི་འཐབ་རྩོད་པ་ཞིག་གི་སྐད་ཆ་མ་རེད། ལར་ནས་དེང་ཁོང་གཉིས་ཀ་རང་བཙན་གླེང་མཁན་ཙམ་ལས། རང་བཙན་འཐབ་རྩོད་པ་ཞིག་མིན་པ་ས་རིས་ཐང་གསལ་རེད།

ང་ཚོས་ལོ་ངོ་བཅུ་ཕྲག་གོང་ནས་བྱང་ཐང་སྟོང་པ་འདིར་ཁོང་གཉིས་སྒུག་ནས་ཡོད་ཀྱང་། ད་ལྟ་ད་དུང་ཡང་དྲག་འགུལ་ཅི་ཡང་མེད། འཐབ་རྩོད་པ་འདི་འདྲ་ཞིག་ཡིན་རྒྱུ་མ་རེད། འཇམ་ནོར་ལགས་ཀྱི་གྲང་དམག་དང་། ལྷག་བཟང་ལགས་ཀྱི་དུག་སྦྲང་གི་འཆར་གཞི་རྣམས་དགུན་གྱི་འཁྱགས་རོམ་ནང་ཐིམ་ཚར་བ་རེད།

གླིང་གེ་སར་རྒྱལ་པོ་དང་། རྒྱལ་བ་རིན་པོ་ཆེ་ནི། བོད་མི་རིགས་ཀྱི་མགོ་བོ་འདེགས་བྱེད་ཀྱི་སྟོབས་ཤུགས་རེད། ༸གོང་ས་སྐྱབས་མགོན་ཆེན་པོས་མི་རྗེ་སེང་ཆེན་ནོར་བུ་ལ་འདི་ལྟར་གསུངས་ཏེ། ཀྱེ། རྨད་བྱུང་བསོད་ནམས་ཡེ་ཤེས་ལས་གྲུབ་པའི།། རྨ་གཡང་ནོར་བུའི་ཡུལ་གྱི་རྒྱན་གཅིག་པོ།། འཛམ་གླིང་རྒྱལ་པོ་ནོར་བུ་དགྲ་འདུལ་ཞེས།། རྒྱལ་དབང་པདྨའི་ཕོ་ཉ་འཁོར་དང་བཅས།། ཞེས་སོགས་བསྟོད་གསོལ་གལ་ཆེན་གནང་པ་དང་། མཚོ་སྔོན་ཞིང་ཆེན་གེ་སར་གཞན་ཕན་ཐེབས་རྩ་ཚོགས་པའི་ཚོགས་གཙོ་ཧཱུྃ་ཀར་རྡོ་རྗེ་མཆོག་གིས། རྨོག་དཀར་དར་འཕྲུ་ལྡེམ་པ་འཚུབས་སེ་འཚུབ།། འགུགས་བྱེད་དབང་ཞགས་དམར་པོ་འཁྱུགས་སེ་འཁྱུག། ཤེས་རབ་རལ་གྲིའི་རྣོ་དབལ་རྔམས་སེ་རྔམ།། བསྟན་དང་འགྲོ་བའི་མགོན་དུ་ད་བཞེངས་ཤིག། མཆོག་དཀར་གཞུ་རྒོད་མཉེན་འགྱུར་ལྡེམས་སེ་ལྡེམ།། རྣོ་མྱུར་ཉག་ཕྲན་རྩེ་ཁ་ཐགས་སེ་ཐག། དགྲ་འདུལ་མདུང་རིང་འགུལ་སྟངས་ལྷམས་སེ་ལྷམ།། བསྟན་པའི་དགྲ་སྡེ་འཇོམས་པའི་ལས་ལ་བཞེངས།། འཇིགས་རུང་སྟ་ཆེན་འབར་བ་ཤགས་སེ་ཤག། རྒྱབ་གོས་ཆུ་དར་དམར་པོ་ལྷབས་སེ་ལྷབ།། འདོད་འབྱུང་ལྕག་ཚན་གཟི་བྱིན་ལྷངས་སེ་ལྷང་།། རྣལ་འབྱོར་རླུང་རྟ་སྐྱེད་ལ་ད་ཚུར་ཕེབས།། ཞེས་དང་། དབང་ཞལ་སྨུག་པོའི་གཟི་མདངས་འཕྱུར་རུ་རུ།། ཁྲ་ཡག་སྤྱན་མདས་རྩེད་ཞགས་ཤ་ར་ར།། སོ་འཛུམ་མི་ཏིག་འོད་དཀར་འཚེར་རེ་རེ།། སྙིང་གི་རེ་བའི་དཔལ་ཁྱོད་འཛུམ་གྱིས་བསྐྱོད།། རོ་སྟོད་རི་རྒྱལ་ལྷུན་པོ་ཡོ་རོ་རོ།། ཤ་རྒོད་གྲུ་གུ་སྒྲིལ་མ་ལྷོགས་སེ་ལྷོག། ཤེད་ཆེན་བརླ་གཉིས་སྒ་འགྱུར་ཡ་ལ་ལ།། མཛེས་བརྗིད་སྟོང་གི་དབང་ཕྱུག་ཚུར་ལ་ཕྱོགས།། ཞེས་སོགས་(བསྟོད་བསྐུལ་འཛམ་གླིང་དགྱེས་པའི་དབྱངས།) གེ་སར་རྒྱལ་པོའི་དཔའ་ཉམས་དང་འཕྲིན་ལས་ལ་སྦྱར་ཏེ་སྔ་ན་མེད་པའི་འབྲི་སྟངས་ཁྱད་པ་ཞིག་སྤྱད་འདུག གཞན་ཡང་། གངས་རིའི་རངས་མངས་ནི་གེ་སར་རྒྱལ་པོའི་རྗེས་ཤུལ་ཡིན་ལ། གེ་སར་རྒྱལ་པོའི་རྗེས་ཤུལ་ནི་གངས་རིའི་ལ་རྒྱ་ཡིན། ཞེས་དང་། མི་རིང་མི་ཐུང་བའི་མགོ་ལོག་ལོ་རྒྱུས་ཁྲོད་གེ་སར་དཔའ་བོའི་བཀའ་དྲིན་དྲན་མཁན་ཐོག་མ་དང་། གེ་སར་དཔའ་བོའི་སྒྱུ་རྩལ་ལྟད་མོ་སྟོན་མཁན་དང་པོ། གེ་སར་རྒྱལ་པོའི་རྗེས་ཤུལ་སྔོག་མཁན་སྔོན་མ། གེ་སར་མགོ་ལོག་དང་། མགོ་ལོག་གེ་སར་གྱི་རྣམ་ཐར་འཁྲབ་མཁན་ཐོག་མ་ནི་ང་ཚོ་ཡིན་ལ། ང་ཚོ་ནི་རྨ་ཡུལ་གེ་སར་རིག་གནས་སྟེ་བ་ཡིན། རྨ་ཡུལ་གེ་སར་རིག་གནས་ལྟེ་བ་ནི། སྐྱིད་དུ་གེ་སར་དགའ་བའི་དགོད་སྒྲ་ཞིག་མ་ཟད། སྡུག་དུས་གེ་སར་སྐྱོ་བའི་གླུ་ཆུང་ཞིག་ཀྱང་ཡིན། རྨ་ཡུལ་གེ་སར་རིག་གནས་ལྟེ་བ་ནི། གེ་སར་རྣམ་ཐར་ལྟད་མོར་འབུལ་བའི་ཟློས་གར་བ་ཞིག་མ་ཟད། གེ་སར་རྣམ་ཐར་བཞེངས་བཀོད་ཆེ་བའི་གཏོང་ཕོད་པ་ཞིག་ཀྱང་ཡིན། ཞེས་སོགས་གསུངས་ཏེ། གླིང་གེ་སར་གྱི་འཕྲིན་ལས་དར་སྤེལ་དང་རིག་གནས་འཛིན་སྐྱོང་གི་གལ་ཆེན་མི་སྣ་ཞིག་ཏུ་གྱུར་འདུག།

ཀརྨ་རྡོ་རྗེ་ལགས་ལ་བཀའ་དྲིན་ཆེ་ཞུ།

མི་ནག་ཚང་ལགས།
བོད་ནང་ལ་མཚོན་ན་བོད་དོན་གྱི་བློས་བཏང་ནི་བོད་ཕྱི་ལོག་༼ལོགས་༽ལས་རྒྱ་ཆེ་བ་ཡོད་པ་རེད། ཆོད་སེམས་དང་སྙིང་སྟོབས་ཀྱང་བོད་ཕྱི་ལོག་༼ལོགས་༽ལས་ཆེ་བ་ཡོད་པ་རེད། ཅེས་པའི་ཕྱི་ལོགས་་ལ་ཡང་འཇུག་ས་དེ་ངེས་པར་བསྐྱོན་དགོས།
ངས་ཨ་མ་དམ་དེས་ཀྱང་གེ་སར་རྒྱལ་པོའི་ལྷ་སྒྲུང་ནང་གི་གེ་སར་དང་སྲུ་མོ་འབྲུག་མོའི་ལོ་རྒྱུས་རྣམས་རྒྱ་གར་གྱི་གཏམ་བརྒྱུད་ནང་གི་དགའ་བྱེད་རམ་དང་སི་ཏའི་ཆོས་སྒྲུང་ལྟར་ཉམས་ལེན་བྱས་ཐུབ་ངས་མིག་མཐོང་ལག་ཟིན་བྱུང་མྱོང་ཡོད་ལགས།

“།ང་སྐྱེ་ས་བོད་ཡུལ་གླིང་དཀར་སྟོད། །ངའི་འགྲོ་དོན་བསྟན་དང་འགྲོ་བ་ཀུན།
།ངའི་མཛད་པ་དྲག་པོའི་དམག་དཔོན་ཚུལ། །དོན་དེ་ཕྱིར་གླིང་རྗེ་སེང་ཆེན་ཐོགས།
།ད་གོང་མ་ལྷ་ན་བཞུགས་ན་ཡང༌། །ངའི་འགྲོ་དོན་འཛམ་བུ་གླིང་ན་ཡོད།
།རྗེ་རྒྱལ་བ་ཞི་བདེའི་དེད་དཔོན་དེ། །ང་ཞི་བའི་ཚུལ་དུ་བྱོན་པ་ཡིན།
།བཀའ་ཇི་བཞིན་སྒྲུབ་ན་བསམ་དོན་འགྲུབ། །ཆོས་སངས་རྒྱས་བསྟན་པ་རྒྱས་གྱུར་ནས།
།དགྲ་ཀླ་ཀློ་མཐའ་དག་ཞི་འགྱུར་ཅིང༌། །སྤྱིར་འཛམ་གླིང་ཞི་བདེའི་དཔལ་གཡང་དང༌།
།སྒོས་གངས་ཅན་བོད་ལ་བདེ་སྐྱིད་འཆར། །སྐྱིད་རང་ལ་རག་ལས་གཞན་གྱིས་མིན།
།གཞན་གཅེས་འཛིན་སྐྱིད་ཀྱིགཞི་མ་ཡིན།”

ཡག་པོ་ཞེ་དྲག་གསུངས་ཤག བཙན་པོ་འདུལ་བའི་ཐོ་བ། གཉོམ་ཆུང་སྐྱོང་བའི་ཕ་མ་ནི་གླིང་རྗེ་གེ་སར་རྒྱལ་བོ་རེད། དེང་སྐབས་ཁག་ཅིག་གཉོམ་ཆུང་འདུལ་བའི་ཐོ་བ། བཙན་པོར་བསྟུན་པའི་སྡར་མ་རང་ཆགས་ཡོད་པ་རེད།

སྤྱིར་བཏང་ཡག་པོ་བྲིས་འདུག་པ་ངོས་རང་གིས་ངོས་ལེན་བྱེད་བཞིན་ཡོད། འོན་ཀྱང་གེ་སར་རྒྱལ་པོའི་སྒྲུང་ནི་མགོ་འཇུག་ཚང་མར་དམག་འཁྲུག་རྒྱབ་བའི་ལོ་རྒྱུས་ཤ་སྟག་རེད། སྲུང་སྐྱོབ་ཀྱི་ཆེད་དུ་རེད་ཟེར་བ་ནི། ཐ་ན་མའོ་ཙེ་ཏུང་དང་ཧིཊ་ལར་སོགས་ཀྱིས་ཀྱང་སྲུང་སྐྱོབ་ཀྱི་ཆེད་དུ་ཡིན་ཟེར་བཞིན་ཡོད། འོན་ཀྱང་སྲུང་སྐྱོབ་བྱ་ཚུལ་གྱི་ཐབས་ལམ་དེ་དྲག་པོ་ཞིག་ཡིན། གེ་སར་རྒྱལ་པོ་སྤྱན་རས་གཟིགས་ཀྱི་རྣམ་སྤྲུལ་ཡིན་མིན་ད་ལྟ་བཤད་ཚོད་མི་ཐིག རྒྱུ་མཚན་འཕེར་བ་ཞིག་མེད།

གེ་སར་རྒྱལ་བོའི་སྒྲུང་གི་ནང་དུ། ཕར་བཙན་གནོན་དང་བཤུ་གཞོག ཉེས་མེད་མནར་གཅོད། དཔུང་མེད་ཐུབ་ཚོད། རྒྱུ་འབྲས་ལ་མི་རན་པའི་ལས་ཤིག་བརྩམས་པ་གོ་མྱོང་མེད། དེ་ལས་ལྡོག་སྟེ། མགོན་མེད་ལ་མགོན་སྐྱབས། བྱམས་སྙིང་རྗེ་གཞི་རྩར་བཟུང་བའི་༼སྲུང་སྐྱོབ་ཀྱི་དམག་འཁྲུག་༽རྐྱང་བརྒྱབ་ཡོད་པ་རེད། འདི་ལ་ནོར་འཁྲུལ་ཡོད་ན་ནི་སླར་ཡང་གེ་སར་གྱི་སྒྲུང་ཀློག་ནས་ཞིབ་འཇུག་བྱ་དགོས་པ་རེད། འོན་ཀྱང་། དེ་འདྲའི་བར་དུ་འགྲོ་མི་དགོས་པ་བོད་པ་རྩམ་གཟན་ཚང་མས་ཤེས་གི་རེད་འདོད།

སྤྱིར་༸གོང་ས་མཆོག་དང་གེ་སར་རྒྱལ་པོ་གཉིས་མཉམ་དུ་བསྲེས་ནས་མཚུངས་བསྡུར་བྱེད་པ་ནི་མི་འོས་པ་ཞིག་ཏུ་མཐོང་། གང་ཡིན་ཟེར་ན། གཅིག་ནི་ཞི་བདེའི་དེད་དཔོན་དང་། ཡང་གཞན་ནི་དྲག་པོའི་རྒྱུན་འཛིན་ཞིག་ཡིན

འཇམ་ནོར་གྱིས་ཆབ་སྲིད་ཁྱེད་ཚོས་ཤེས་ཐུབ་ཀྱིན་མི་འདུག ཆབ་སྲིད་པ་ཞིག་གི་སྐད་ཆ་ལ་ཆ་འཇོག་བྱེད་རྒྱུ་ཡོད་ན་རང་ཉིད་ཆབ་སྲིད་མི་ཤེས་པའི་རྟགས་ཁོ་ནའོ།
དེ་རིང་ལྷ་རེད་ལབ་ན་སང་ཉིན་བདུད་རེད་ལབ་ཀྱི་རེད། ལེགས་པར་བརྟག་དགོས་པར་སེམས་སོ།

མི་ལ་ཉེ་རིང་ཆགས་སྡང་ཡོད་རེད། ལྷ་ལ་འང་ཕྲག་དོག་འགྲན་སེམས་ཡོད་རེད། དགེ་ལུགས་ཁོ་ན་དར་སའི་ས་ཁུལ་དུ་ཁྱིམ་ནང་ལ་གྲུབ་མཐའ་གཞན་པའི་དཔེ་ཆ་ཤོག་ལྷེ་འགའ་ཐོན་ཙམ་ལའང་ལྷ་འཁྲུག་འདྲེ་འཁྲུག་བཀྲ་མི་ཤིས་སྣ་དགུ་ཡོང་གི་ཡོད་པ་བོད་མིའི་མྱོང་བས་གྲུབ་ཡོད། དེང་སང་སྤྱི་ཚོགས་ཀྱིས་བསམ་ཤེས་བྱེད་ཐུབ་ས་སྲུང་མས་བསམ་མི་ཐུབ་ས་ཡོད་པ་ཡིན་ས་རེད།

རྒྱལ་བ་རིན་པོ་ཆེ་གླིང་གེ་སར་ལ་སྦྱར་ནས་བཤད་ན་གནས་ཆུང་ཆོས་སྐྱོང་མ་དགའ་ནས་གད་འགྲོ་ནི་རེད་ཀོ