༧རྒྱལ་བ་རིན་པོ་ཆེ་དང་དོལ་རྒྱལ་གཉིས་ལས་གཅིག་གདོམས།

སྨར་ལུང་ལགས་ དེ་ག་རང་ཐུགས་བསམ་བཞེས་ན་ཡག་ཤོས་རེད་ འདོད་ན་བཙན་གྱིས་འགོག་པའི་དོན་ཡང་མེད་། མི་འདོད་ནན་གྱིས་བསྐུལ་བའི་དོན་ཡང་མེད་། ཆོས་དང་ཆབ་སྲིད་མཉམ་དུ་བསྲེས་པ་ལས། རང་གི་རང་དབང་རང་ལ་དག་ན་ལེགས།

དེང་སང་ས་ཕྱོགས་གང་སར་དོལ་རྒྱལ་བརྟེན་གསོལ་བྱེད་མཁན་མི་ཉུང་བ་ཞིག་མཆིས། འོན་ཏང་། ཁོང་ཚོའི་ངོ་དབྱིབས་དང་གཤིས་ལུགས་ལ་བལྟས་བས་ང་ཚོས་དོལ་རྒྱལ་བརྟེན་དང་མི་བརྟེན་གྱི་སྤུ་རིས་འབྱེད་དཀའ་བར་བརྟེན། ཆོས་དང་ཟིང་ཟིང་གི་འབྲེལ་འདྲེས་བྱེད་ཀྱིན་ཡོད་མེད་ཀྱང་གསལ་བོ་ཤེས་དཀའ་བས་བཞུགས་ཕྱོགས་དོལ་རྒྱལ་མི་བརྟེན་མཁན་ཚོ་ལའང་ཁོང་ཚོ་ལས་ཐ་དད་དུ་འབྱེད་པའི་འབྱེད་ཆོས་མངོན་གསལ་དོད་པོ་ཞིག་བཟོ་རྒྱུ་གལ་ཆེ་བར་མཐོང་བས་རྣམ་པ་ཚོས་བསམ་གཞིགས་མཛོད།

ཁ་བྱང་དང་ཧ་ཅང་ཐག་ཉེ་བའི་གསར་འགྱུར་ཚིག་ཉུང་དོན་འདུས་ཤིག་བྲིས་འདུག དངོས་གནས་གོ་བདེ་ཞིང་ཡིད་ལ་འཛིན་སླ་བ་ལ་དཔེ་རེད། ད་དུང་རྒྱ་འདྲེ་འགོང་བོ་དེས་རྒྱུད་བརླབ་པའི་མི་ངན་འགས་དགེན་དམ་བློ་བཟང་རྒྱ་མཚོ་སོགས་མི་གསུམ་བགྲོངས་པ་དང་། དགེན་དམ་པའི་མགུ་བ་སོགས་ལ་གྲིས་༡༧ བཙུགས་པའི་སྐོར་པར་རིས་བཅས་དམ་པ་ཁོང་གི་ཤག་ཏུ་ད་ལྟའང་མཐོང་རྒྱུ་ཡོད་པ་སོགས་བྲིས་ཡོད་ཚེ་གསར་འགྱུར་འདིས་ནུས་པ་དེ་བས་ཆེ་ཙམ་མི་འདུག་གམ།
རྒྱལ་བསྟན་འབངས་དང་བཅས་བར་འཚེ་བྱེད་ན།།
རྒྱ་འདྲེ་འཁོར་ཚོགས་ཐལ་བའི་རྡུལ་དུ་རློགས།།

སྨར་ཀླུང་ལགས་༧གོང་ས་མཆོག་ལ་དད་ལོགས་དུས་ནམ་ཡང་བྱེད་ཀྱི་མ་རེད་ཡིན་ཡང་བཀའ་བརྒྱ་ཆ་བརྒྱ་བརྩི་ཐུབ་བོད་མི་སུ་ཡང་ཡོད་མ་རེད་ལ་ངས་ཀྱང་བརྩི་ཐུབ་གྱི་མི་འདུག་ལགས

ལྷ་དབང་ཁྱོད་རང་ལ་གུས་པས་མིང་ཞིག་བཏགས་ན། (འདྲེ་དབང་)གྲོགས་པོ་ལགས། (གལ་སྲིད་དོལ་རྒྱལ་གདམ་པ་ཡིན་ན་དེ་སྔོན་ཆོས་འབྲེལ་ཞུས་པ་ག་རེ་བྱེད་དགོས་རེད་ བླ་སློབ་བརྩི་དགོས་དང་མི་དགོས་གསལ་པོ་གསུང་རོགས་གནང་) དེ་མ་ཏྲཾ་རུ་ཏྲར་འགྱུར་བ་ལས་སློབ་མ་ཞིག་གི་དྲི་ཙམ་ཡང་མེད་ཐག་ཆོད། དཔལ་ལྡན་བླ་མའི་རྣམ་པར་ཐར་པ་ལ། །སྐད་ཅིག་ཙམ་ཡང་ལོག་ལྟ་མི་སྐྱེ་བ་ཞིག་གི་བླ་སློབ་ཀྱི་འབྲེལ་པ་དགོས་པ་ལས། དེ་རྩ་ཆད་ཡིན་པའི་ཕྱིར། དེ་རུ་ཏྲར་བརྗོད་དགོས་པའི་རྒྱུ་མཚན་ཡོད་ཏེ། ཁྱོད་བླ་མའི་བཀའ་དང་འགལ། མཆེད་གྲོགས་ཀྱི་དམ་ཚིག་ཉམས། མཚན་ལྡན་གྱི་བླ་མ་གངས་ཅན་ལྗོངས་ཀྱི་སྐྱབས་མགོན་ཡོད་ན་དེས་ཆོག མེད་དེས་ཕུང་གི་བླ་མ་སྤྱན་རས་གཟིགས་དང་རྣམ་དབྱེར་མེད་པ་ལ་རྒྱབ་བསྟན། ཕུང་འདྲེ་དོལ་རྒྱལ་དང་དུ་ལེན་ནས་མི་བསད་རྟ་བཅག བསྟན་དགྲ་རྒྱ་མི་དམར་པོའི་རྐུབ་གཡོག་རྒྱུག་བོད་ཀྱི་ཆོས་ལུགས་གོང་བུ་གཅིག་གྱུར་ལ་དུག་བཏབ། མི་རིགས་ཀྱི་ལ་རྒྱ་རལ། མཐུན་སྒྲིལ་གྱི་ལམ་བུ་བཅད། དངུལ་དང་བླ་མ་བརྗེ། འདྲེ་དང་ཁ་མཐུན་བྱེད། རྒྱ་ཟོག་ལ་ལ་འགྲོ་དུས། ཏོ་ལེས་བཅུར་འགྲོས་བྱེད་པ་ཡིན་པའི་ཕྱིར། ངོ་མི་ཚའམ། གླད་མེད་ཚོ། བསམ་བློ་ཡག་པོ་ཞིག་ཐོང་དང་།

ལྷ་དབང་ལགས། སྟག་བུ་དང་། ཕག་བུ། ཁྱི་བུ་ཅི་ཡིན་མི་ཤེས། ༧རྒྱལ་བ་རིན་པོ་ཆེ་སྐུ་ཚེ་ཞབས་པད་བརྟན་པར་ཤོག བོད་ལ་རང་བཙན་གཙང་མ་མྱུར་དུ་ཐོབ་པར་ཤོག

དཀར་ཕྱོགས་དྲེགས་པའི་ལྷ་གྲོགས་ཀྱི་ཚུལ་དུ་བསྟེན་རུང་ཡང་། སྐྱབས་ཡུལ་མིན་ནོ། སྨོན་ལོག་དོལ་རྒྱལ་ལྟ་བུ་བསྟེན་ན་འདི་ཕྱི་གཉིས་ཕོང་གི་རྒྱུ་ལས་མ་འདས། ཆོས་འབྲེལ་ཡོད་ནའང་། འདམ་ག་གཅིག་ལས་མེད། ལྷ་འདྲེ་མཉམ་གནས་ཡོང་ཐབས་མེད་དོ། སྨོན་ལོག་རྒྱལ་བའི་བསྟན་དགྲ་འདི། ལོ་དང་ཟླ་བ་མ་བཞག་པར། ཞག་དང་ཟ་མ་མ་བཞག་པར། སྐད་ཅིག་ཉིད་ལ་བརླག་པར་མཛོད།

འདས་པའི་དུས་སུ་བསྐལ་བཟང་སངས་རྒྱས་སྟོང་རྩ་གཉིས་འཇིག་རྟེན་དུ་བྱོན་ནས་དད་ལྡན་སེམས་ཅན་གྲངས་ལས་འདས་པ་སྨིན་གྲོལ་གྱི་ལམ་ལ་བཀོད་ཡོད། དེ་བཞིན་རྒྱལ་བ་ཤྰ་ཀྱ་ཐུབ་པས་ཀྱང་གདུལ་བྱ་སེམས་གྲངས་མང་གྲོལ་བ་མཛད་མོད།

གངས་ཅན་ལྗོངས་འདིར་མཚོན་ན་གདུལ་དམུ་རྒོད་ཅན་གྱི་ཞིང་ཁམས་གཅིག་ཡིན་སྟབས། འཕགས་མཆོག་ཕྱག་ན་པདྨོས་བསམ་བཞིན་སྲིད་པའི་ཚུལ་གྱི་རྒྱལ་བློན་དང་། ལོ་ཙྰ་བ། སེམས་དཔས་ཆེན་པོ། མཁན་སློབ་སོགས་ཀྱི་ཚུལ་བསྟན་ནས་སེམས་ཅན་འདུལ་བར་བྱེད་པ་ཡིན།

དུས་ད་ལྟའང་འཕགས་མཆོག་ཕྱག་ན་པདྨོ་༸ གོང་ས་སྐྱབས་མགོན་ཡིད་བཞིན་ནོར་བུའི་སྐུ་ཡི་འཕྲེང་བ་བཅུ་བཞི་པའི་ཚུལ་གྱིས་འཛམ་གླིང་སྤྱི་དང་སྒོས་སུ་བོད་འབངས་ཐུགས་བརྩེའི་སྤྱན་རས་གཟིགས་ཀྱིས་དད་ལྡན་རྣམས་སམིན་གྲོལ་གྱི་ལམ་ལ་འགོད་བཞིན་པ་རེད།

ཡིན་ནའང་ལས་དང་དང་བསོད་ནམས་དམན་ཞིང་ལྟ་བ་ལོག་པའི་བོད་མི་འགའ་ཤས་ཤིག་གི་བཀའ་སློབ་ལམ་སྟོན་འོག་ཤར་བསྐྱོད་བྱེད་ཐུབ་ཀྱིན་མེད་པ་དེ་ང་ཚོ་བོད་གངས་ཅན་ལྗོངས་ཀྱི་ནང་པ་ཞིག་གིས་ངོས་ན་བཤད་ན་ཧ་ཅང་གི་བློ་འཕང་བྱེད་དགོས་པ་ཞིག་རེད།

ཡིན་ནའང་བསམ་བློ་ཕྱོགས་གཞན་གཅིག་ནས་བཏང་ནས་༸ ཀུན་གཟིགས་པཎ་ཆེན་སྐུ་འཕྲེང་ལྔ་པ་ཆེན་པོ་ཆོས་ཀྱི་རྒྱལ་མཚན་མཆོག་གིས་གསུང་ལྟར།
སངས་རྒྱས་གྲངས་མེད་བྱོན་པས་མ་གདུལ་བ།།
མ་རུང་གདུལ་དཀའི་སྙིགས་དུས་འགྲོ་བ་རྣམས།།
བདེ་གཤེགས་ལམ་ལམ་ཇི་བཞིན་སྟོན་པ་ཡིས།།
སྐྱབས་མགོན་ཐུགས་རྗེ་ཅན་ལ་གསོལ་བ་འདེབས།།

ཞེས་པ་ལྟར་སྔར་ནས་ད་བར་སངས་རྒྱས་དང་བྱང་ཆུབ་སེམས་དཔའ་མང་པོས་འདུལ་མ་ཐུབ་པའི་གདུལ་བྱ་མ་རུང་ཅན་ཡིན་ཙང་སྤྱན་རས་གཟིགས་ཀྱི་གདུལ་བྱར་བཟུང་ནས་འདུལ་ཐབས་གནང་བཞིན་ཡོད།

དེར་བརྟེན་སྐྱབས་མགོན་ཐུགས་རྗེ་ཅན་འཕགས་མཆོག་སྤྱན་རས་གཟིགས་༸ རྒྱལ་བ་བསྟན་འཛིན་མཚོར་གསོལ་བ་བཏབ་བཏབ་བྱས་ན་གང་ཙམ་ཞིག་ནས་གཅིག་ནས་ལམ་ནོར་རྡོག་ཤེས་བྱས་ནས་བསམས་གཞིགས་ཐུབ་པའི་རེ་ཅུང་ཟད་མཆིས། ཨོཾ་མ་ཎི་པདྨེ་ཧུཾ།

ལྷ་དབང་ལགས་སུ།
གནས་ཆུང་ཆོས་རྒྱལ་ཆེན་མོ་ནི། སློབ་དཔོན་རིན་པོ་ཆེ་སོགས་ཀྱིས་དམ་གཞག་བཀའ་སྒོས་གནང་ཟིན་པའི་དམ་ལྡན་གྱི་སྲུང་མ་ཞིག་རེད། དོལ་རྒྱལ་ཤུགས་ལྡན་ནི། སྨོན་ལོག་དམ་སྲི་སེམས་ཅན་ལ་གནོད་བཞིན་པའི་གདོན་འདྲེའི་ཡི་དྭགས་སུ་སྐྱེས་ནས་འདྲེ་གསར་ལོ་༤༠༠ཙམ་ལས་ཕྱིན་མེད་པ་གཉིས་ཀྱི་ཁྱད་པར་མི་མཁྱེན་ནམ། སྙིང་རྗེ་འདྲེ་ཁྱོད་དང་། ཁྱོད་ཀྱི་རྗེས་འབྲངས་པ་ཚོ། ལམ་ལོག་པ་ལས་མྱུར་དུ་ཐར་པའི་སྨོན་འདུན་དང་བཅས།

གནས་ཁྱད་པར་ཅན་༸རྒྱལ་བ་ཤྰ་ཀྱ་ཐུབ་པ་མངོན་པར་རྫོགས་པའི་སངས་རྒྱས་ཀྱི་གནས་ཆེན་རྡོ་རྗེ་གདན་དང་། ཆོས་ཁྱད་པར་ཅན་གསང་བསྔགས་རྡོ་རྗེ་ཐེག་པ་དཔལ་དང་པོའི་སངས་རྒྱས་དུས་ཀྱི་འཁོར་ལོའི་བཀའ་དབང་གཟབ་མོ། བླ་མ་ཁྱད་པར་ཅན་འཕགས་མཆོག་ཕྱག་ན་པདྨོའི་རྣམ་རོལ་གངས་ཅན་བོད་ཀྱི་ཚེ་རབས་འདི་ཕྱི་གཏན་གྱི་སྐྱབས་གནས་༸ གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་ནས་ད་རེས་ཡང་བསྐྱར་དམ་སྲི་འབྱུང་པོ་གདུག་པ་ཅན་དོལ་རྒྱལ་སྐོར་ལ་བཀའ་སློབ་ནན་པོ་གནང་དགོས་ཐུབ་པ་དེར་ཞིབ་ཏུ་བསམས་གཞིགས་བྱས་ན་ང་ཚོ་བོད་རིགས་ནང་པའི་མི་དམངས་ཀྱིས་ངོས་ནས་བཤད་ན་དངོས་གནས་ངོ་ཚ་དགོས་པ་གཅིག་དང་ཐབས་སྐྱོ་བའི་གནས་སྟངས་ཞིག་རེད།

ནང་པ་སངས་རྒྱས་པ་ཞིག་ཡིན་ཕྱིན་སྟོན་པ་སངས་རྒྱས་ནས་བརྒྱུད་པའི་མགོན་པོ་ཀླུ་སྒྲུབ་ཡབ་སྲས་དང་། འཕགས་མེད་སྐུ་མཆེད། ས་ར་ཧ་ལུ་ཡི་བ། ཏེ་ལོ་ན་རོ་པ། ཞི་བ་ལྷ། ཀུ་ས་ལི་རྣམ་གཉིས། མཁན་སློབ་ཆོས་གསུམ། ས་ཆེན་གོང་མ་ལྔ། བཀའ་བརྒྱུད་གོང་མ་ལྔ། བཀའ་གདམས་གོང་མ་ཡབ་སྲས། རྗེ་ཙོང་ཁ་པ་ཡབ་སྲས། རྒྱལ་བ་པཎ་ཆེན་གོང་མ། ༸ གོང་ས་ལྷ་མིའི་རྣམ་འདྲེན་ཆེན་པོ་སྐྱབས་མགོན་ཡིད་བཞིན་ནོར་བུ་སྐུ་དངོས་བཅས་སུ་བརྒྱུད་པའི་བོད་རྒྱུད་ནང་བསྟན་གྱི་ཆོས་རྩ་ཆེན་འདི་འདྲ་ཞིག་ཡོད་བཞིན་དུ་སྐྱབས་གནས་འདྲེ་རུ་འཛིན་མཁན་དག་ལ་བསམས་ན་དངོས་ནས་སེམས་སྐྱོ་དགོས་པ་ཞིག་དང་། ངོ་དགོས་པ་ཞིག ཡ་ང་དགོས་པའི་ནང་པའི་མིང་ཙམ་འཛིན་ཞིག་མ་ཡིན་ནམ།

ཡིན་ནའང་ལས་འབྲས་ཟེར་བ་དེ་གང་གིས་བྱས་པའི་འབྲས་བུ་དེ་གང་གི་ཐོག་ཏུ་མི་འདོད་དུ་བབས་ཏེ་ལས་་བསགས་པ་ཆུད་མི་ཟ་བས་ལས་འབྲས་རང་རང་སོ་སོས་མྱོང་དགོས་སྟབས་ང་ཚོ་ནང་པ་ཞིག་དང་། བོད་རིགས་ཞིག གངས་ཅན་ཆོས་ལྡན་ཞིང་གི་མེ་ཏོག་གང་ལ་ཕོག་པའི་ལྷ་རྒྱལ་འཕགས་མཆོག་སྤྱན་རས་གཟིགས་ཀྱི་བཀའ་དགོངས་ལྟར་ལམ་མ་ནོར་སྟེང་དུ་འགྲོ་དགོས་པ་དེ་རང་རང་སོ་སོར་མཚོན་ན་ཚེ་རབས་འདི་ཕྱི་གཏན་གྱི་གནས་སྟངས་དང་འབྲེལ་བ་ཆེན་པོ་ཡོད།

རབ་འབྱམས་རྒྱལ་བ་ཀུན་གྱི་མཛད་པའི་འཁུར།།
སྙིང་སྟོབས་ཕྲག་པར་བཟུང་བའི་རླབས་ཆེན་གྱི།།
འཕྲིན་ལས་ཀུན་ཕན་ནམ་མཁའི་སྙིང་པོ་ཅན།།
བཞེད་པ་ཇི་བཞིན་ལྷུན་གྱིས་འགྲུབ་པར་ཤོག།

རང་རེ་བོད་མི་འདི་རྣམས་བསོད་ནམས་ཟད་སྟངས་ལ་ལྟས་ན་༧སྐྱབས་མགོན་རིན་པོ་ཆེ་ལས། དོལ་རྒྱལ་འདྲེ་ངན་འདི་གདམ་ཉེན་འདུག་ད། གཟབ་གཟབ་གྱིས་བོད་པ་ཚོ།

གནས་ཆུང་དང་པེ་ཧར་སོགས་དམིགས་གསལ་ཡིན་ནམ

དེ་བཞིན་དུ་འཇིག་རྟེན་དྲེགས་པའི་ལྷ་གང་ལ་ཡང་སྐྱབས་བཅོལ་མི་རུང་ཚུལ་དང། ལྷག་པར་དམར་མཆོད་རིགས་སྤོང་དགོས་ཚུལ་དང། ཆང་ཚོད་མེད་འཐུང་བ་དང་མ་ཅང་སོགས་ཀྱི་རྒྱལ་འཛུགས་ཆེན་པོ་བྱེད་པ་སོགས་ཀྱང་མི་ལེགས་ཚུལ་དང། དགོན་སྡེ་ཁག་གི་སྤྱི་ཐབ་ཏུ་དཀར་ཟས་ཁོ་ན་སྤེལ་བ་ལེགས་ཚུལ་དང། འབྲོག་པ་ཚོར་འཚོ་བའི་དགོས་དབང་གིས་ཤ་ཟ་དགོས་པས་སྒོ་ཕྱུགས་ཕམ་ཚོང་བྱེད་པའི་ཚུལ་ཡང་མི་འོས་ཚུལ་བཅས་ཀྱི་བཀའ་སློབ་ཟབ་མོ་གནང་བྱུང་བས། དེ་དག་ཀྱང་བཀའ་སློབ་ཆ་ཚང་འདིར་ཞིབ་འགོད་གནང་རྒྱུ་གལ་ཆེ་བར་མཐོང་ངོ།