ཕྱི་ལོ་ ༢༠༡༡ ཟླ་ ༡༢ ཚེས་ ༢༧ ཉིན་ཁམས་སྡེ་དགེ་འཇོ་མདའ་རྫོང་པདྨ་ཤང་གི་ཡུལ་མི་ཡིན་ཞིང་། ད་ལྟ་རང་ལོ་ ༤༩ སོན་པའི་ཆབ་སྲིད་བཙོན་ཟུར་ཨ་ཤག་ཚང་ནོར་ལྷ་ལགས་ལྷ་སའི་སྨན་ཁང་ཞིག་ཏུ་འདས་གྲོངས་སུ་གྱུར་འདུག
༢༠༠༩ ལོར་རྒྱ་གཞུང་གིས་ཁམས་སྡེ་དགེ་འཇོ་མདའ་ས་ཁུལ་དང་། འདན་ཆོས་འཁོར་དགོན། སྐྱབས་ཆེ་དགོན་སོགས་སུ་རྒྱ་གཞུང་གིས་རྒྱལ་གཅེས་ཆོས་གཅེས་དང་། ཏཱ་ལའི་ཁ་བྲལ་རིང་ལུགས་པར་ངོ་རྒོལ་ཟེར་བའི་མིང་རྟགས་བསྡུ་རུབ་ཀྱི་ལས་འགུལ་རིམ་པར་སྤེལ་སྐབས། སྐྱབས་ཆེ་དགོན་པའི་དགེ་འདུན་པ་རྣམས་ཀྱིས་ངོས་ལེན་རྩ་བ་ནས་མ་བྱས་པར་ཕྱོགས་གང་སར་བྲོས་བྱོལ་དུ་ཕེབས་ཏེ་ཟླ་གཅིག་རིང་དགོན་པ་ནང་སྟོང་པ་ཆགས་དགོས་བྱུང་པ་ལྟར། ལོ་དེའི་ཕྱི་ཟླ་ ༦ ཚེས་ ༢༧ ཉིན་རྒྱ་དམག་རྣམས་སྐྱབས་ཆེ་དགོན་གྱི་ཆོས་སྡེ་གཙོ་པོ་པདྨ་སྨད་པའི་ནང་དུ་ཡོང་སྟེ། བོད་མི་འགྱུར་མེད་མགོན་པོ་དང་རྒྱ་ཚང་རྡོ་རྗེ་གཉིས་འཛིན་བཟུང་བྱས་ཏེ་སྐྱབས་ཆེ་དགོན་དུ་ཁྲིད་པར་བརྟེན། ཡུལ་མི་རྣམས་དངངས་འཚབ་ཆེན་པོ་ལངས་ཏེ་བོད་མི་ ༢༧ སྐྱབས་ཆེན་དགོན་དུ་སོང་སྟེ་ཁོང་གཉིས་གློད་གྲོལ་གཏོང་དགོས་པའི་རེ་སྐུལ་ཞུས་སྐབས། རྒྱ་དམག་གིས་བོད་མི་དེ་དག་ཁྲོད་དུག་རྫས་འཕངས་ཏེ་དྲན་པ་འཐོར་བཅུགས་རྗེས་གང་བྱུང་གཅར་རྡུང་དང་། བོད་མི་ ༢༢ འཇུ་བཟུང་བཀག་ཉར་གྱིས་འཇོན་མདའ་རྫོང་དུ་ཁྲིད་དེ་ཁྲིམས་གཅོད་བཙོན་འཇུག་སོགས་བྱས་པའི་ཡོད་པ་ལྟར། ཨ་ཤག་ཚང་ནོར་ལྷ་དང་མགོན་པོ་དར་རྒྱས་གཉིས་བྱེད་གཏེ་གཙོ་བོ་ཡིན་པའི་ཉེས་མིང་འོག་ཆབ་མདོར་ཁྲིད་དེ་བཙོན་འཇུག་ཁྲིམས་ཐག་ལོ་གཉིས་བཅད་ཡོད་པ་རེད། ཡིན་ནའང་། རྒྱ་དམག་གིས་ཁོང་ལ་གཅར་རྡུང་མནར་གཅོད་ཚད་ལས་བརྒལ་བ་བཏང་ཡོད་པར་བརྟེན། བཙོན་ཁང་ནང་ནད་མནར་གྱི་རྐྱེན་པས་ ༢༠༡༡ ལོར་གློད་གྲོལ་གཏོང་དགོས་བྱུང་རྗེས། སྔ་རྗེས་ཐེངས་གསུམ་ཙམ་ལ་རྒྱ་ནག་ཁྲིན་ཏུའུ་སྨན་ཁང་དུ་ཁྲིད་དེ་སྨན་བཅོས་བྱས་ཀྱང་ནད་གཞི་དྲག་སྐྱེད་མ་བྱུང་པར་ཇེ་སྡུག་ཏུ་ཕྱིན་ཏེ། ཕྱི་ལོ་ ༢༠༡༢ ཟླ་ ༡༢ ཚེས་ ༢༧ ཉིན་ལྷ་སའི་སྨན་ཁང་ཞིག་ནང་འདས་གྲོངས་སུ་གྱུར་ཡོད་འདུག
གསར་འགོད་པ། ཚེ་རིང་རྒྱལ།
བསམ་དོན་འགྲུབ་ལ་བདེ་ནས་བདེ་བར་སྐྱེ་བར་ཤོག །
པོ་ཏཱ་ལ་ལགས།
རྒྱལ་བ་རིན་པོ་ཆེས་བོད་ནང་གི་མི་འདི་ཚོའི་ལུས་ཐོག་ལ་མནར་གཅོད་འདི་འདྲ་མ་བྱེད་མི་གསུངས་པ་གང་ཡིན་ནམ།
དེ་ནི་བསམ་བློ་གཉིས་པ་ཞིག་བཏང་དགོས་བ་ཆགས་ཡོད།
འགྱུར་མེད་ལགས་་
བོད་ནང་ནས་མི་མང་པོ་རྩ་དོན་ཆེད་དུ་གྲོངས་སོང་ལ
འདི་ནས་ང་གཉིས་མི་ཚེ་དོན་མེད་འཕྲོ་བརླགས་ངང་ཤི་ཉེས་འདུག་་་་་
འདི་ལྟར་བརྗོད་ན་མི་མཛེས་སམ
བཙོན་ཟུར་ཞིག་གིས་(དྷ་རམ་སའི་བཙན་བྱོལ་བོད་གཞུང་འདིས་རྩ་དོན་བརྗེད་ནས་གཞུང་ངོ་མ་ཞིག་འཛིན་སྐྱོངས་བྱེད་པའི་འདུ་ཤེས་ཁྱེར་གྱི་ཡོད་པ་འདྲ།་་་་་་་་་དེ་ནོར་བ་རེད་)་ཅེས་གསུང་་་དེ་གསར་ཤོག་སྟེང་དུ་དམིགས་གསལ་གི་ཚུལ་དུ་བཀོད་དགོས་པ་སྣང་་་གཞུང་དམངས་གཉིས་ཆར་ལ་བསམ་བློ་དེ་ཕལ་ཆེར་ཡོད་པ་འདྲ།།་་་ང་ཚོ་རྩ་དོན་ཆེ་པོ་ཡིན་སྟབས་གཞུང་འདི་ངེས་པར་ཡོད་དགོས་ལ་རྒྱུན་བརྟན་པོ་དགོས།་་་ཡིན་ཡང་ང་ཚོས་གྲ་སྒྲིག་གཉིས་ངེས་པར་དགོས་་་སང་ཉིན་འགྲོ་བའི་གྲ་སྒྲིག་ཅིག་དང་ལོ་མང་འདུག་པའི་གྲ་སྒྲིག་གཉིས་དགོས།་་བསྟན་འགྱུར་ལགས་སེམས་མ་ཆུང་བྱེད་།་ཆབ་སྲིད་མི་སྣས་ག་རེ་ཟེར་འདུག་ལྟོས
བོད་ནང་ནས་མི་འདི་འདྲ་མང་པོ་མི་རིགས་ཀྱི་བདེ་སྡུག་ཆད་དུ་འཕྲོ་བརླགས་ཕྱིན་སོང་་་་སེམས་ཕམ་ཡོད་་་་་རྒྱལ་བ་རིན་པོ་ཆེས་ད་ཐེངས་བོད་ནས་ཕེབས་པའི་གསར་འགྱུར་ཚོ་ལ་རང་ལུས་མེར་བསྲེགས་མཚམས་འཇོགས་བྱ་འོས་་་་ཞེས་གསུངས་ན་ཅི་མ་རུང་་་་་སྙམ་སོང་་་་་་
ང་ཚོས་ལོ་གསར་པའི་ནང་། གྲུབ་འབྲས་མ་ཐོབ་ནའང་རྒྱ་བོད་གནད་དོན་ཐག་ཆོད་ངེས་བཟོ་དགོས། ལམ་དབུ་མ་རྩོད་མཁན་དབུ་མ་རྩོད་རང་བཙན་རྩོད་མཁན་རང་བཙན་རྩོད། འོན་ཀྱང་སཚེ་མེད་ཞི་བདེ་ལྟ་གྲུབ་རྒྱང་རིང་དུ་འདོར་དགོས། སྙིང་རྗེ་བྱེད་ན་ཕམ་ཁ་རེད། བཟོད་པ་སྒོམ་ན་གྱོང་གུད་རེད། གང་ལྟར་རྒྱ་དམར་གྱིས་བོད་རྩ་མེད་བཟོ་རྒྱུ་རེད། ང་ཚོས་ལམ་ཁ་གསར་པ་བཙལ་དགོས།
ཐབས་ཟད་འུ་ཐུག་གི ལམ་ཁ་གཞན་ཞིག་བདམས་དགོས། ག་རེ་བྱེད་བས་རེད་བཙན་བྱོལ་ཚོ། མགོ་ནས་གཞུག་བར་སྟོང་ཉིད་ལ་མཉམ་པར་བཞག་པ་རེད་དམ། སྤུན་ཟླ་མང་པོའི་ཚེ་སྲོག་འགྲོ་བཞིན་འདུག དགའ་སྡུག་ཅི་ཡང་མེད་པའི་བཙན་བྱོལ་བ། ངོ་རེ་བ་ཞེ་རེ་ཁྲེལ། དབང་ཐང་ཤོར་སྐབས་འདིར་དབང་འདྲ་རེ་བསྐུར་ནས་འདུག་གམ་ཅི།།
རྒྱལ་གཅེས་དཔའ་བོར་མྱལ་ངན་གུས་འདུད་ཞུ།
འདས་པོ་དེ་ཉིད་བདེ་ཆེན་དག་པའི་ཞིང་དུ་དྲོངས། ཤུལ་བཞུགས་ནང་མི་རྣམས་ལ་འགལ་རྐྱེན་རིགས་མི་འབྱུང་བའི་སྨོན་ལམ་ཞུ། བོད་རྒྱལ་ལོ།
བོད་ནང་ནས་སྲོག་ལ་མ་འཛེམ་པར་ལས་དོནསྤེལ་བའི་རྒྱབ་གཉེར་དུ. ང་ཚོས་འཛམགླིང་བསྒུལ་དགོས་ངེས་རེད
ངོ་ནས་བཤད་ནི ཡིན. བོད་པའི་བོད་དོན་པ་ཚོ་ལགས. ང་ཚོས་གང་བྱེད་ཀ. ཅིག་ཅིག་གཅེར་བརྡུང་བྱས་ཐར་སྨན་ཁང་དུ་་་་སྨན་བཅོས་གང་ཡོང་བྱས་ཀྱང་མ་ཕན་པར་འདས་་་ཟེར་ཐུབ་ཙམ་བྱས་ནས་སྡོད་རྒྱུ་ནི་ཆོད་མེད་པ་རང་རེད་འདོད.
ངས་བྱས་ན. བོད་སེམས་པའི་ཕྱིར་སྡོད་བོད་པ་གང་ན་སུ་
བཞུགས་ཚང་མས་སོ་སོའི་ངོ་ཤེས་ནས་ཚོགས་སྡེ ལུང་ཚན. རིགས་. རུས. ཆོས་ལུགས. ལྟ་གྲུབ་་སོགས་སྤྱད་དེ་གང་ཡོང་ཅི་ཡོང་གིས. རྒྱ་གཞུང་དང་ཚོང་འབྲེལ་སོགས་བཅད་དེ. རྒྱ་དམར་ནི འཛམ་གླིང་འདིའི་སྟེང་ན. གྲོགས་མེད་ཁེར་རྐྱང་བ་ཁོ་ན་གཅིག་པོ་ཆགས་ཐུབ་པ་བྱེད་དགོས་སོ་སྙམས་སོ།།