དེ་རིང་ཉིན་གུང་བོད་ནང་གི་ཆུ་ཚོད་ ༡།༣༠ ཙམ་ལ་མདོ་སྨད་རྔ་པ་རྫོང་ཐོག་ཏུ་མི་སྐྱ་ཞིག་གིས་རྒྱ་གཞུང་ལ་ངོ་རྒོལ་བྱས་ཏེ་རང་ལུས་མེར་བསྲེགས་བཏང་ཡོད་འདུག
རྡོར་གདན་དུས་དབང་ནས་ཕྱིར་ལོག་བཞིན་པའི་ཀིརྟི་དགོན་པའི་བོད་ནས་འབྲེལ་མཐུད་པ་གྲྭ་ཚེ་རིང་ལགས་ཀྱིས་ཁ་པར་བརྒྱུད་གནས་ཚུལ་བརྗོད་གསལ་ལ། དེ་རིང་ཉིན་གུང་བོད་ནང་གི་ཆུ་ཚོད་ ༡།༣༠ ཙམ་ལ། རྔ་པ་རྫོང་ཐོག་ཏུ་མི་སྐྱ་རང་ལོ་ཉི་ཤུ་ཡས་མས་ཅན་ཞིག་གིས་རྒྱ་གཞུང་ལ་ངོ་རྒོལ་སྐད་འབོད་སྒྲོག་བཞིན་རང་ལུས་མེར་བསྲེགས་བཏང་ཡོད་འདུག འོན་ཀྱང་། སྐབས་དེའི་ཁོང་གི་འབོད་ཚིག་གི་ནང་དོན་ཅི་ཡིན་དང་། མིང་དང་ལོ་རྒྱུས་ས་ཆ་གང་ནས་ཡིན་པ་སོགས་ད་སྔ་ཤེས་ཐུབ་མ་སོང་ཟེར།
དེ་མ་ཐག་རྒྱ་ནག་གི་ཉེན་རྟོག་པ་དང་དམག་མི་མང་པོ་འབྱོར་ཏེ། ལྕག་མདུང་གི་སྣེ་རུ་ལྕག་གི་འཛེར་མ་མང་པོ་བསྟར་ཡོད་པའི་མཚོན་ཆ་སོགས་ཀྱིས་ཕྱོགས་སོ་སོ་ནས་རུབ་རྡུང་བྱས་སྐབས། ས་གནས་བོད་རིགས་མང་པོ་འདུ་འཛོམས་ཀྱིས་རེ་ཟུང་གིས་སྐད་འབོད་རྒྱག་པ་དང་རེ་ཟུང་གིས་ཞུ་བ་བྱས་ཏེ། མེར་བསྲེགས་གཏོང་མཁན་དེ་ཚུར་ལེན་ཐབས་བྱས་ཀྱང་དམག་མི་དང་ཉེན་རྟོག་པ་ཧ་ཅང་མང་བའི་དབང་གིས་ལོན་ཐུབ་མི་འདུག
སྐབས་དེར་མང་ཚོགས་དང་ཉེན་རྟོག་པའི་བར་འཁྲུག་འཛིང་ཤོར་ཏེ་མི་སྐྱ་གཉིས་དང་བཙུན་མ་གཅིག་འཛིན་བཟུང་བྱས་ཡོད་པ་དང་། ལོ་ན་ཅུང་ཐོ་བའི་བུད་མེད་ཅིག་ལ་རྨས་སྐྱོན་ཚབས་ཆེན་ཕོག་སྟེ་ཤི་ཟིན་པར་ཚོད་དཔག་བྱེད་ཀྱི་ཡོད་འདུག ས་གནས་སོ་སོ་ནས་བོད་རིགས་སྐྱ་སེར་ཧ་ཅང་མང་པོ་འཛོམས་ཏེ་གནས་ཚུལ་སྔར་ལས་ཛ་དྲག་ཏུ་ཕྱིན་སྐབས། རྒྱ་དམག་གིས་མང་ཚོགས་ཁྲོད་དུག་རླངས་གཏོར་ཏེ་མི་མང་པོ་ས་རུ་འགྱེད་ཡོད་པ་མ་ཟད། དེའི་རྗེས་མང་ཚོགས་ཁྲོད་གང་བྱུང་དུ་མེ་མདའ་བརྒྱབ་སྟེ། མང་ཚོགས་ཀྱིས་མཐོང་ས་ནས་ཕོ་གསར་གཅིག་དང་བུད་མེད་གཅིག་བཅས་མི་གཉིས་ལ་མེ་མདའ་ཕོག་ཡོད་ཅིང་། བུད་མེད་དེར་རྨས་སྐྱོན་ཚབས་ཆེན་ཕོག་སྟེ་གདོང་པ་ཁྲག་གིས་གཡོག་ཡོད་པ་མང་པོ་ཞིག་གིས་མཐོང་འདུག
རྙོག་དྲ་དེ་བྱུང་མ་ཐག་རྒྱ་གཞུང་གིས་རྔ་པ་ཀིརྟི་དགོན་པའི་སྒོ་ཆེན་བརྒྱབ་ཡོད་ཀྱང་། དགེ་འདུན་པ་མང་པོ་ཞིག་ཡུལ་དངོས་ལ་འབྱོར་ཡོད་འདུག་ལ། དེ་མིན། དགོན་པ་གཞན་དག་དང་རྫོང་ཉེན་འཁོར་གྱི་བོད་རིགས་མང་ཚོགས་ས་གནས་དེར་འཛོམ་བཞིན་ཡོད་འདུག ད་ལྟ་ཕྱོགས་གཉིས་ཀའི་མི་འབོར་མང་དུ་འགྲོ་བཞིན་ཡོད་སྟབས་གནས་ཚུལ་ཛ་དྲག་ཆགས་ཡོད་འདུག
བོད་མི་རིགས་ཀྱི་རྩ་དོན་ཆེད་དཔའ་ངར་དང་སྙིང་སྟོབས་ལྡན་པའི་སྤུན་ཟླ་རྣམས་འདི་ལྟར་ཚེ་སྲོག་གི་བདེན་དཔང་གནང་པ་ནི་གཟི་བརྗིད་དུ་མི་མཐོང་མཁན་སུ་ཡང་མེད་འོན་ཀྱང་ད་སྐབས་ཀྱི་འགྱུར་བ་ལས་འུ་ཚོས་གནས་སྟངས་ལ་གཟི་བརྗིད་མངོན་མི་ལུས་རིན་ཆེན་འདི་མི་རིགས་ཤིག་གི་ཆེད་དུ་གཏོང་པ་འདིའི་སྐྱེ་བུ་དམ་པའི་རང་གཤིས་ཤིག་ཡིན་པར་མ་ཟད་དམ་པ་གོང་མ་རྣམ་གྱི་རང་ལས་གཞན་གཅེས་ཀྱི་ཆོས་ཕྱོགས་ཀྱི་བསམ་བློ་རྣམ་དག་ཞིག་ཡིན་པ་ཡང་སྒྲུབ་དུ་རུང་བ་ཞིག་ཡིན་ཇི་ལྟར་ཁྱེད་ཚོས་མཛད་རྗེས་ལ་དུས་ནམ་གུས་བཀུར་དང་ཡི་རིང་ཡོད།
ང་ཚོ་ནི་གཅིག་རྗེས་གཉིས་མཐུད་ངང་འདི་འདྲ་འགྲོ་དགོས་པའི་ལས་དབང་ཡོངས་རྫོགས་ཉོས་ཟིན་པ་རེད། དེ་ནི་ཞི་བདེར་དགའ་བའི་མི་བུ་ཞིག་གིས་རང་ཉིད་ཀྱི་ལུས་པོ་མཆོད་མེར་སྒྲོན་ནས་རང་རིགས་ལ་ཞི་བདེ་ཡོང་བའི་ཆེད་དུ་རེད། ང་ཚོའི་མི་རིགས་འདི་ཉིད་རྫོགས་ཚར་ན་དེ་ནས་མི་རིགས་གཞན་པ་ལ་ཞི་བདེ་ཞིག་ཐོབ་པར་ངེས། གཤེགས་ཟིན་པའི་སྤུན་ཟླ་ལགས་ཁྱེད་རང་གི་ལྷད་མེད་ལྷག་བསམ་དེ་ངས་དུས་ནམ་ཡང་བརྗེད་མི་སྲིད་ལ་ཁྱེད་ཉིད་ངའི་སེམས་ཁོང་ནས་ནམ་ཡང་ཡལ་མི་སྲིད།
བོད་ནང་གི་དཔའ་བོ་ཚོ་ལ་ངས་བོད་མི་ཡུལ་གྱར་ཡོངས་ཀྱི་ཚབ་ཞུས་ནས་སྙིང་ཐག་པ་ནས་དགའ་བསུ་དང་བསྔགས་བརྗོད་སྨོན་ལམ་ཞུ་བཞིན་ཡོད་
ད་གཞུང་སྒེར་ཚང་མའི་ལས་སྣེ་ཚོས་མི་དམངས་ཀྱི་སྣེ་འཁྲིད་ནས་ལས་འགུལ་མཐའ་ཁྱོལ་ཤིག་སྤེལ་དགོས་པའི་དུས་ལ་བསླེབས་ཡོད་གལ་སྲིད་བོད་ནང་གི་བོད་མི་ཚོའི་ཐུགས་བློ་མ་ཁེངས་པ་ལ་སོགས་བྱུང་ན་དངོས་ནས་བཙན་བྱོལ་ངན་ཅི་བྱས་ཀྱང་པན་ཐོགས་གང་ཡང་མེད་ད་བོད་མི་དམངས་ཀྱི་ལས་འགུལ་དེ་གཞི་ལ་བཞག་ནས་སྒེར་གཞུང་གཉིས་ཅིག་བསྒྲིལ་ངང་ལས་འགུལ་ཇི་སྲིད་བོད་ཀྱི་ཉི་མ་མ་བསལ་བ་དེ་སྲིད་དུ་ལས་འགུལ་མཐའ་ཁྱོང་ཞི་བདེ་ངང་བོད་མི་ཚོ་འདོད་པ་ཁེངས་པའི་ལས་འགུལ་ངེས་པར་དུ་སྤེལ་དགོས་་
བོད་རྒྱལ་ལོ་
དབུ་འཁྲིད་རྣམ་ཚོས་ལས་འགལ་སྤེལ་དང། ང་ཚོ་ཡོང་ཆོག་ཆོག་ཡིན། ནམ་ཡིན་ང་ཚོ་གྲ་འགྲིག་ཡིན། ཁྱེད་ཚོ་གྲ་འགྲིག་ཡིན་ནམ། ཆར་གཞི་ཡོད་དམ། ཛ་དྲག་གི་གནས་ཚུལ་འདི་ཁྱེད་ཚོས་གསན་གྱི་ཡོད་དམ། རྒྱ་ནག་གི་ཀླད་པ་རྡོ་ལྟར་མཁྲེགས་ན། ང་ཚོས་ལས་འགན་ཆུ་ལྟར་བཞུར།
ཀ་དག་དྲི་མེད་ཐུགས་གཙང་དྲ་གྲོགས་རྣམས། །ཁ་བར་གཞིས་གནས་གདོང་དམར་སྙིང་སྟོབས་ཀྱིས། །ག་དུས་ཡིན་ན་སྐུ་ལུས་མཆོད་མེ་སྤར། །ང་ཡིས་སྙིང་གཟེར་སྡུག་གིས་མིག་ཆུ་འཁོར། །ང་ཚོས་གཞིས་ལུས་བོད་ཀྱི་སྤུན་ཟླའི་ཆེད། །ག་ཎ་སྦྱོར་མཆོད་ཚོགས་ཀྱིས་འཁོར་ལོ་བསྐོར། །ཁ་ཙམ་མིན་པའི་དོན་ལ་ཁད་པའི་ཆེད། །ཀ་བ་རང་གཟུགས་འགྱུར་མེད་གཏན་པོར་མཛོད། །
དེ་རིང་དུས་བབས་དེབ་སྐྱེལ་ཐུབ་པའི་དགའ་ཚོར་དང་། སྤུན་ཟླ་མེར་བསྲེག་བཏང་བར་མཐོང་པའི་སྡུག་བསྔལ་གཉིས་མཉམ་དུ་འདྲེས་ནས་བརྗོད་མི་ཤེས་པའི་ཚོར་བ་ཞིག་བྱུང་།
རིག་པའི་རལ་གྲིས།
བཀའ་བློན་བསོད་ཆེན་བློ་བཟང་སེང་གེའི་ཁྲི་རབས་འདི། དངོས་གནས་འདྲ་འདྲའི་ནང་ནས་མ་འདྲ་བ་ཞིག་རེད། བོད་ཀྱི་སྲིད་སྐྱོངས་སམ་སྲིད་འཛིན་གྱི་ལས་འགན་ཁྱེར་བ་ནས་བཟུང་རྒྱ་གཞུང་ལ་ཡང་སེམས་ཁོངས་ནས་མི་བཟོད་པའི་ན་ཟུག་སྤྲད་ཐུབ་སོང་ལ། རྒྱ་གཞུང་གིས་བརྫུན་བཟོས་ཆབ་སྒྲགས་ཀྱིས་འཛམ་གླིང་གང་སར་བརྫུན་གྲིབ་ཀྱིས་སྒྲིབས་ཤིང་རང་རེ་བོད་ཀྱི་བདེན་དོན་མོག་མོག་པོར་བསྒྱུར་བའི་སྐབས་འདིར། བོད་མིའི་སྙིང་སྟོབ་དང་དབུ་ཁྲིད་ཀྱི་བསོད་ནམས་དང་མཁྱེན་རབ་ཀྱི་ཤུགས་ཀྱིས། སྒྲིབ་གཡོག་ཇི་ཙམ་འཐུག་ཀྱང་འཛམ་གླིང་སྐྱེ་བོའི་ཁྲོད་དུ་མངོན་གསལ་དོད་པོས་ར་འཕྲོད་པར་བྱེད་པ་འདིས་ང་ཅག་བོད་ཀྱི་གཞོན་སྐྱེས་རྣམས་ལ་འཆི་ནད་ཕོག་པའི་མིར་སྲོག་འཐུད་ཐུབ་པའི་གསར་འགྱུར་ནང་བཞིན་གཞིའི་བྱེས་བོད་མིར་སྙིང་སྟོབས་སྤྲད་མཁན་གྱི་སྨན་པ་ཟླ་མེད་ཞིག་ཏུ་ངོས་འཛིན་བྱེད་ཀྱི་ཡོད
སྐུ་ལུས་སྒྲོན་མེར་མཆོད་ནས་བོད་ཡུལ་མུན་པའི་སྨག་རུམ་རྩད་ནས་འཇོམ་པའི་ལས་འགུལ་ལ་ཞུགས་དང་ཞུགས་བཞིན་པ་ཁྱེད་རྣམས་ནི། བོད་ཀྱི་ཆོས་རྒྱལ་ཆེན་པོ་རྣམས་དང་བོད་ཀྱི་དཔའ་བོ་དཔའ་མོ་རྣམས་ཀྱིས་ཀྱང་ཁྱེད་རྣམ་པ་ནང་བཞིན་ལྷག་བསམ་དང་སྙིང་སྟོབས་ཆེན་པོའི་མཛད་རྗེས་གནང་མེད་པར་མ་ཟད་ཁྱེད་རྣམས་ནི་འཛམ་གླིང་ཆེ་གེ་མོ་འདིའི་ཐོག་ཏུ་ལོ་རྒྱུས་སུ་འཁོད་ཆོག་པའི་དཔའ་བོ། རང་ལས་གཞན་གཅེས་ཀྱི་སྙིང་སྟོབ་ཅན་གྱི་བྱང་ཆུབ་སེམས་དཔའ། རྒྱ་གཞུང་གི་བརྫུན་བཟོས་འཇོམ་པའི་རྡུལ་ཕྲན་མཚོན་ཆ་ངོ་མ་དེ་ཡིན། ་་་་་་
གསུངས་པ་འདི་ལ་རྒྱབ་སྐྱོར་དང་སྐྱར་ཟློས་བྱ་འདོད་བྱུང་ལགས།
དབུ་འཁྲིད་རྣམ་པ་ཚོས་གོ་སྐབས་མ་ཤོར་བ་བྱས་ནས་
མི་མང་གི་འགོ་འཁྲིད་དང་། ལས་འགལ་སྤེལ་དང་། ང་ཚོའི་ཕོ་གསར་དང་མོ་གསར་སོགས་གཙོའི་མི་མང་ལ་སེམས་ཤུགས་ཡོད། གོ་སྐབས་མ་ཤོར་བ་བྱས་ནས འགོ་འཁྲིད་དང་། ལས་འགལ་སྤེལ་དང་། མགྱོགས་པོ་ལས་འགུལ་སྤེལ་དང་། མྱུར་དང་སྤེལ་དང།་
ལས་འགལ་ལས་འགལ་ ལས་འགལ་སྤེལ་དང་།
ང་ཚོས་གཞུང་དང་ཚོགས་པ་སོགས་ཀྱིས་གང་བྱེད་མིན་ལ་བལྟས་ནས་བསྡད་ན་ཡོང་ཐབས་ཁག་པོ་རེད། ད་ལྟ་བར་འཛམ་གླིང་སྒང་ལ་ཅུང་ཁྱབ་བསྒྲགས་བྱེད་ཐུབ་པ་འདི་ཚོ་བོད་ཕྱི་ནང་གི་དཔའ་བོ་དཔའ་མོ་ཚོའི་བཀའ་དྲན་ཁོ་ན་ཡིན། ད་དུང་ཡང་ང་ཚོ་ལ་མགོ་འཁྲིད་མཁན་ཡོད་ན། སྒེར་གཞུང་མཉམ་འགུལ་བྱེད་པར་ཡིད་ཆེས་ཡོད། ང་ཚོ་དུས་དང་བསྟུན་ནས་འགོ་འཁྲིད་ཐུབ་ཀྱི་མི་འདུག མགོ་འཁྲིད་དང་། སེམས་ཤུགས་མ་ཆགས་དང་།
བཀའ་བློན་བསོད་ཆེན་བློ་བཟང་སེང་གེའི་ཁྲི་རབས་འདི། དངོས་གནས་འདྲ་འདྲའི་ནང་ནས་མ་འདྲ་བ་ཞིག་རེད། བོད་ཀྱི་སྲིད་སྐྱོངས་སམ་སྲིད་འཛིན་གྱི་ལས་འགན་ཁྱེར་བ་ནས་བཟུང་རྒྱ་གཞུང་ལ་ཡང་སེམས་ཁོངས་ནས་མི་བཟོད་པའི་ན་ཟུག་སྤྲད་ཐུབ་སོང་ལ། རྒྱ་གཞུང་གིས་བརྫུན་བཟོས་ཆབ་སྒྲགས་ཀྱིས་འཛམ་གླིང་གང་སར་བརྫུན་གྲིབ་ཀྱིས་སྒྲིབས་ཤིང་རང་རེ་བོད་ཀྱི་བདེན་དོན་མོག་མོག་པོར་བསྒྱུར་བའི་སྐབས་འདིར། བོད་མིའི་སྙིང་སྟོབ་དང་དབུ་ཁྲིད་ཀྱི་བསོད་ནམས་དང་མཁྱེན་རབ་ཀྱི་ཤུགས་ཀྱིས། སྒྲིབ་གཡོག་ཇི་ཙམ་འཐུག་ཀྱང་འཛམ་གླིང་སྐྱེ་བོའི་ཁྲོད་དུ་མངོན་གསལ་དོད་པོས་ར་འཕྲོད་པར་བྱེད་པ་འདིས་ང་ཅག་བོད་ཀྱི་གཞོན་སྐྱེས་རྣམས་ལ་འཆི་ནད་ཕོག་པའི་མིར་སྲོག་འཐུད་ཐུབ་པའི་གསར་འགྱུར་ནང་བཞིན་གཞིའི་བྱེས་བོད་མིར་སྙིང་སྟོབས་སྤྲད་མཁན་གྱི་སྨན་པ་ཟླ་མེད་ཞིག་ཏུ་ངོས་འཛིན་བྱེད་ཀྱི་ཡོད
སྐུ་ལུས་སྒྲོན་མེར་མཆོད་ནས་བོད་ཡུལ་མུན་པའི་སྨག་རུམ་རྩད་ནས་འཇོམ་པའི་ལས་འགུལ་ལ་ཞུགས་དང་ཞུགས་བཞིན་པ་ཁྱེད་རྣམས་ནི། བོད་ཀྱི་ཆོས་རྒྱལ་ཆེན་པོ་རྣམས་དང་བོད་ཀྱི་དཔའ་བོ་དཔའ་མོ་རྣམས་ཀྱིས་ཀྱང་ཁྱེད་རྣམ་པ་ནང་བཞིན་ལྷག་བསམ་དང་སྙིང་སྟོབས་ཆེན་པོའི་མཛད་རྗེས་གནང་མེད་པར་མ་ཟད་ཁྱེད་རྣམས་ནི་འཛམ་གླིང་ཆེ་གེ་མོ་འདིའི་ཐོག་ཏུ་ལོ་རྒྱུས་སུ་འཁོད་ཆོག་པའི་དཔའ་བོ། རང་ལས་གཞན་གཅེས་ཀྱི་སྙིང་སྟོབ་ཅན་གྱི་བྱང་ཆུབ་སེམས་དཔའ། རྒྱ་གཞུང་གི་བརྫུན་བཟོས་འཇོམ་པའི་རྡུལ་ཕྲན་མཚོན་ཆ་ངོ་མ་དེ་ཡིན།
རང་རེའི་བཙན་བྱོལ་དུ་གནས་པའི་གཏད་སོ་གང་ཡང་མེད་མི་འཁྱམས་འདི་རྣམས་ནི་ཁ་རོ་ལ་གཏད་ནས་མི་ངུ་ནས་གྱང་ལ་གཏད་ནས་ངུ་བའི་ངང་ནས་མི་ཚེ་འདའ་བཞིན་པ་རེད།
ད་དུང་དཀྱིལ་ཤར་ཡུལ་གྲུ་ནང་བཞིན་གྱི་གཞན་ལ་འཚེ་བའི་ལས་སུ་མི་ཞུགས་པའི་དམ་བཅའ་རྡོ་ལ་རི་མོ་བྲིས་པ་ནང་བཞིན་བརྟན་ཅིང་། འཛམ་གླིང་སྐྱེ་བོ་ཡོངས་ལ་ཐུགས་ཁུར་བཞེས་པའི་ཀུན་ཁྱབ་ཀྱི་ལྷག་བསམ་སྙིང་དུ་འཆང་། ཤིན་ཏུ་ཡ་ངའི་གནས་སུ་ལྷུང་བའི་བོད་དང་བོད་ཀྱི་ཆོས་དང་རིགས་གཞུང། འཛམ་གླིང་སྐྱེ་བོ་མང་པོར་འདི་ཕྱི་གཉིས་ཕན་གྱི་མཐུན་འགྱུར་སྩོལ་ནུས་པ་རྩ་མེད་གཏོང་བ་སེམས་ཀྱིས་མ་བཟོད་ནས། རང་གིས་ཆེས་བརྩེ་རང་གི་སྲོག། རང་གི་མིག རང་གི་མགོ་བཅས་གཞན་ཁོ་ནའི་ཁྱེད་དུ་གཏོང་མཁན་ཁྱེད་རྣམས་བྱང་ཆུབ་སེམས་དཔའ་མིན་ན་སུ་ཡང་བྱང་ཆུབ་སེམས་དཔའ་ཟེར་འཇོག་རྒྱུ་མི་བརྙེད་སེམས་ཐག་ཡིན།
ང་ནི་ཁྱེད་རྣམས་པའི་མཛད་རྗེས་ལ་རྗེས་སུ་ཡིད་རངས་ཡོད་ལ། ཚེ་ལུས་གྲངས་མེད་རྗེས་ཡོད་ཀྱང་ད་ལྟའི་ཁྱེད་རྣམས་ཀྱི་མི་ཚེ་འདི་ནང་བཞིན་བྱང་ཆུབ་སེམས་དཔའི་སྤྱོད་པ་བརླབ་བྱེད་ཐུབ་པ་ཞིག་དེ་སྔོན་བྱེད་ཐུབ་མེད་པ་ཁོ་ཐག་ཆོད
དེ་དང་མཉམ་དུ་དྲྭ་འབུ་ཀླད་སྟོང་རང་གཞུང་དང་རྡ་རམ་ས་ལའི་གཞུང་ལ་རྒྱ་གུང་ཁྲན་ཚང་ལས་སྡང་ཞེན་ཆེ་ཙམ་ཟིན་མཁན་འདི་རྣམས་ལ་དངོས་གནས་སྙིང་ན་གི།
མདོར་ན་བོད་མིའི་སྐུ་ལུས་མཆོད་མེར་སྦར་བའི་མེ་སྟག་ཆུང་རུང་། རྒྱ་གཞུང་གི་བརྫུན་བཟོས་ལོ་རྒྱུས་དང་། ངན་གཡོའི་རྩ་ཕུངས་རི་ཙམ་སྲེག་པ་གདོན་མི་ཟ། བོད་ཀྱི་མི་རིགས་འདི་སྲེག་ནས་སྟོང་ན་འདྲ། རྒྱ་གཞུང་གིས་ངན་ཇུས་ཀྱིས་སྟོང་ན་འདྲ་སྟོང་ཚུལ་གཅིག་པ་རེད། འོན་ཀྱང་སྲེག་ནས་འཛམ་གླིང་སྐྱེ་བོས་སྟོང་མི་བཅུག་ངེས་ཅན་རེད་ལ། རྒྱ་གཞུང་གི་ངན་གཡོས་སྟོང་བ་ཐེ་ཚོམ་མེད་གལ་སྲིད་རང་རེས་མཁྱེན་རབ་ཀྱི་འཕྲུལ་མདའ་བེད་སྤྱད་མ་བྱས་ན། ད་ཡིན། ང་ཚོ་བོད་པ་ཚོ་དཔའ་བོ་ཡིན་ན་ད་ཡིན། རྒོད་པོ་ཡིན་ན་ད་ཡིན། རང་ལས་གཞན་གཅེས་ཀྱི་བྱང་སེམས་ཡིན་ད་ཡིན།
ཨོཾ་མ་ཎི་པདྨེ་ཧཱུཾ།བདེ་བ་ཅན་ཞིང་ཁམས་སུ་སྐྱེས་བར་ཤོག
བཙན་བྱོན་གཞུང་དང་ཚོགས་སྡེ་ཁག་ལས་འགུལ་སྤེལ་བ་ཉུང་ཉུང་རེད།
མ་དགོས་ཚོགས་པ་ཁག་རེ་ཟུར་འགན་འཛྀན་སྐབས་འཚོལ་རིང་ལུགས་པས་གཞུང་དངོས་ཟས་ཐབས་དང་སྤུན་ཉེ་རྣམས་ལ་ལས་ཀ་དང་གླ་ཆ་ཡག་བ་སྤྲོད་ཐབས་བྱེད་ཀྱིས་འདུག་ག་།སྐྱོ་པོ་རེད།
ང་ཚོ་བཙན་བྱོལ་ཅི་འདྲ་ཐབས་སྐྱོ་བ་ལ། ཉེ་ཆར་མི་གསུམ་རང་ལུས་བསྲེགས་དུས་ལས་འགུལ་ཅི་ཡང་སྤེལ་མ་སོང་། ད་རེ་ཡང་གང་ཡང་བྱེད་ས་མ་རེད། དངོས་གནས་ཡིད་ཐང་ཆད་སོང་། ཡིད་སྐྱོ་སོང་།ངོ་ཡང་ཚ། རང་བཙན་ནས་དབུ་མ། དབུ་མ་ནས་དོན་ཚན་ལྔ་རྩིས་མེད། ད་ནི་ལས་འགུལ་གང་ཡང་མི་སྤེལ་བའི་དབུ་ལམ་མིང་ཙམ་དོན་སྟོང་ཞིག་ཡིན་པ་འདྲ།
བཙན་བྱོལ་གཞུང་དམངས་གཉིས་ཀྱི་གདུང་སེམས་མཉམ་སྐྱེད་མ་གནང་པར། འཇམ་ཅག་གེར་བསྡད། རྣམ་འགྱུར་འདིར་བལྟས་ན། ཕལ་ཆེར་རང་ལུས་སྲེག་པའི་དོན་རྐྱེན་དེ། སྣང་མེད་དུ་འཇོག་པར་ཚད་ཀྱིས་མི་འདུག། ན་ནིང་གི་ལོར་རང་ལུས་བསྲེགས་མཁན་བསྟུད་མར་ཐེངས་བཅུ་གཉིས་བྱུང་བ་དེ་ལ། བློ་ཡིད་ཚིམ་པའི་ལས་འགུལ་དང་། ནུས་པ་ལྡན་པས་རྒྱལ་སྤྱི་ཐོག་དྲིལ་བསྒྲགས་བྱེད་ཐུབ་མེད། ད་དུང་ཡང་དེར་མུར་བསྡད་པ་ཡིན་ན། བོད་ནང་གི་བོད་མི་ཚོ། ཡིད་ཐང་རྦད་དེ་ཆད་དེ། ང་ཚོས་བོད་ཕྱི་ནང་གང་ལའང་རེ་བ་རྒྱག་ས་མེད་པ་འགྱུར་ཉེན་འདུག བཙན་བྱོལ་བས། གཞུང་མི་དམངས་ལ་ཡིད་ཐང་ཆད། མི་དམངས་གཞུང་ལ་ཡིད་ཐང་ཆད་དེ། གཞུང་མི་དམངས་གཉིས་ཁ་ཐག་ཇེ་རིང་ལ་སོང་སྟེ། མ་མཐར་རང་བཙན་ལག་དེབ་ཀྱི་དངུལ་འདུ་མཁན་ཇེ་ཉུང་དུ་འགྲོ་སྲིད། དེ་ཙམ་མ་ཚད་ཕྱི་རྒྱལ་ཁག་གིས་བོད་དོན་ལ་དོ་སྣང་ཆུང་དུ་འགྲོ་བ་མ་ཚད་རོགས་དངུལ་ཡང་ཉིན་རེ་བཞིན་ཇེ་ཉུང་དུ་འགྲོ་ཉེན་འདུག ད་དངོས་གནས་བོད་བསྟན་སྲིད་ཆེད་དུ་མིན་ནའང་སོར་སོས་ལྟོ་ཕོགས་ཆེད་དུ་རྩ་དོན་འཐབ་རྩོད་བྱ་དགོས་པ་སེམས་སོ།། དངོས་གནས་བྱེད་ན་བོད་ནང་དོན་རྐྱེན་བྱུང་མིན་ལ་མ་ལྟོས་པར་ཕྱི་སྡོད་བོད་མི་རྣམས་ཀྱིས། ནམ་རུང་སྐད་འབོད་དང་བོད་དོན་ཁྱབ་སྒྲོག་བྱེད་དགོས་པ་དེ་ཕྱི་སྡོད་བོད་མིའི་ལས་འགན་ཡིན། དེ་ལས་ལྡོག་སྟེ་ཕྱི་རྒྱལ་ལ་ཡོད་པའི་ ཁག་ཅིག་རྩ་དོན་གྱི་ལས་འགུལ་ཕར་ཞོག རྒྱའི་གཞུང་ཚབ་ཁང་དུ་གཅིག་རྒྱུག་གཉིས་འཐུད་དུ་རྒྱུག་སྟེ། རྩ་དོན་ལས་འགུལ་ནམ་མཁའི་སྐར་མ་ཡིན་པ་འདྲ། བོད་རིགས་མཐུན་ཚོགས་ཡང་གཙང་མ་མིན་པའི་སྐད་ཆ་དེ་འདྲ་གོ་རྒྱུ་འདུག། ད་དངོས་གནས་བློ་ཕམ་ཡོད་དོ།།
ད་གཞུང་མང་གཉིས་ཀ གཟིམ་རན་མ་། བཞེངས་རན་རེད། ཡར་བཞེངས་ན་ཐབས་བྱུས་གནང་རན་རེད། བོད་ནང་དུ་ཇི་ལྟར་ངར་བ་དེ་ལྟར། ང་ཚོས་ཀྱང་རྒྱབ་སྐྱོར་བྱེད།
ཁོང་ཚོ་རང་སྲོག་གཏོང་ཕོད་ན། ང་ཚོས་སྐད་འབོད་རྒྱག་ལོས་ཕོད།
ཉིས་སྟོང་བརྒྱད་ཀྱི་ལོ་ནང་བཞིན་བྱས་ན་གྲ་སྒྲིག་ཡོད་ཟེར་བ་དེ་འོས་ཤོག་གི་ཆེད་མིན་ན། ད་ཐུགས་བསམ་ཞིག་བཞེས་རན་རེད་ལ། བཀའ་སྤྱི་སོགས་གཙོ་བས་མི་མང་མཉམ་འཛོམས་ཀྱི་ད་གང་བྱེད་ཀྱི་དགོས་རྒྱུ་འདུག་ཁ་ནང་ལ་འཁོར་ནས་བསམ་བློ་གཏོང་རན་རེད་འདུག་ལགས། ད་རྒྱུ་ཡོད་ན་རྒྱུ་ངོམ་བྱེད་རན་རེད། བྱུས་ཡོད་ན་ཐབས་བྱུ་བསྟོན་རན་རེད།
བཀའ་ཁྲི་བོད་ཡིག་སྟེང་གི་སེངྒེ་དང་། དབྱིན་ཡིག་སྟེང་གི་སངས་རྒྱས། དོན་ངོ་མ་གོ་རྒྱུ་མེད་པའི་སེམས་ཅན།
གཅིག་བསྒྲིལ་དང་། གསར་གཏོད། རང་མགོ་རང་ཐོན་གསུམ་གྱི་དགོང་འཆར་གང་དུ་སོང་པ་རེད།
ལོ་སྔོན་མ་བོད་ནང་ལ་དེ་འདྲའི་ཛ་དྲག་གི་གནས་ཚུལ་བྱུང་ནའང་། འཛམ་གླིང་ན་དོན་སྐྱེན་ཆེ་བའི་གནས་ཚུལ་བཅུའི་གྲལ་དུ་འཇོག་མ་ཐུབ་པ་ཆེ་ཤོས་དེ་ཆགས་ཡོད། ཁྱེད་ཀྱི་རྩ་དོན་གསུམ་དེ་རང་གི་སྐྱེ་དམན་དང་ཕྲུ་གུ་སྐྱོང་ཚུལ་ཞིག་ཡིན་པ་འདྲ།
ཀརྨ་པས་ཉེ་ཆར་རྡོ་རྗེ་གདན་ནས་གསར་འགྱུར་ཁྲི་ལྷག་ལ་བོད་ནང་གི་བོད་མི་གཞིས་ལུས་རྒྱ་ཆེ་མིང་དེ་བོད་མི་བཅོས་མ་ཡིན་པ་སྙིང་སྟོབས་དང་ལྷག་བསམ་ཆེན་པོ་རེད་ཤག་་་་ང་ཚོ་བཙན་བྱོལ་ལ་བསླེབས་ནས་བསྡད་་རྣམས་བོད་མི་བཅོས་མ་མ་ཡིན་པའི་རང་གཤིས་བརླགས་ནས་་་གཡོ་རྒྱུ་དང་ཕྲག་དོག་ཆེ་རུ་སོང་ཡོད་པའི་ཚོར་སྣང་ཡོང་གི་འདུག་གསུངས་འདུག་སྐད་ཆ་དེས་བོད་གཞིས་བྱེས་གཉིས་ཀྱི་བསམ་བློའི་བར་ཆད་ལ་སྡོམ་ཏག་ཏག་བརྒྱབ་འདུག་་་་བོད་ནང་གི་མི་འདི་ཚོ་མི་རིགས་ཀྱི་དོན་དུ་སྙིང་སྟོབས་དང་ལྷག་བསམ་ཆེ་དྲགས་པས་ཚེ་སྲོག་ཡང་གཏོང་ཐུབ་པ་རེད་་་་བཙན་བྱོལ་ནང་གི་བོད་དོན་ཟེར་བའི་སྐད་ཆ་དེ་ཚོ་མགྲིན་པ་ཡན་ཆད་མ་གཏོགས་དོན་ངོ་མའི་ཚོར་སྣང་ཞིག་སུ་ལ་ཡང་ཡོད་པ་མ་རེད།
རྡ་སའི་སྐབས་འཚོལ་བ་འདི་ཚོས་བོད་དོན་ཟེར་བ་དེ་རང་གི་ཁེ་ཕན་ཆེད་དུ་ཚོལ་ལས་ཤིག་ལས་གཞན་དམིགས་ཡུལ་གང་ཡོད་པ་མ་རེད་་་་་་་ད་མི་བཤད་་་ཨ་ཁ་ཁ་་་་་་
བཙན་བྱོལ་སྒྲིག་འཛུགས་དང་བཙན་བྱོལ་ཚོགས་སྡེ་ཁག ལྷག་པར་ཕྱི་རྒྱལ་ཡུལ་གྲུ་ཁག་གི་བོད་རིགས་སྤྱི་མཐུན་ཚོགས་པ། ས་གནས་གཞོན་ནུ། བུད་མེད་ལྷན་ཚོགས་སོགས་ཀྱི་འགན་འཁུར་བ་དང་འགོ་འཁྲིད་མཁན་ཚོ། ཁེ་བཟང་ཅུང་ཙམ་དང་རྐུབ་ལྕགས་རྩོད་ལེན་སྐབས་སེམས་ཤུག་དང་འཇོན་ཐང་ཡོད་ཟེར་བ་བདེན་ན། ད་ཆ་བོད་ནང་ཛ་དྲག་དང་། རྒྱལ་སྤྱིས་དོ་སྣང་བྱེད་བཞིན་པའི་གལ་ཆེའི་གོ་སྐབས་འདི་ལྟ་བུ་དམ་བཟུང་བྱས་ཏེ་མི་མང་གི་སྣེ་ཁྲིད་ནས་དོན་སྨིན་གྱི་ལས་འགུལ་འདྲ་མིན་གང་མགྱོགས་ངང་སྤེལ་ཐུབ་དགོས། ངེས་པར་སྤེལ་དགོས། མགྱོགས་པོར་སྤེལ་དགོས། འདི་ལས་གཞན་རྒྱལ་ཁབ་དང་མི་རིགས་ཀྱི་ལས་དོན་ནམ་རྩ་དོན་གལ་ཆེ་བ་དང་རྩ་ཆེ་བ་གང་ཡོད། བཙན་བྱོལ་རང་དབང་བའི་བོད་པ་ཚོ།
དཔའ་བོ་ཁོང་རྣམས་ལ་སེམས་གཏིང་ནས་གུས་འདུད་ཞུ། ཁྱེད་ཚོ་ནམ་ཡང་སེམས་ཤུགས་མ་ཆག་དང་ང་ཚོ་དུས་རྟག་ཏུ་ཁྱེད་ཚོའི་རྒྱབ་ལ་ཡོད།
འགྱོད་སེམས་དང་བཅས་བཀའ་དྲིན་ཆེ། ཁྱེད་རྣམ་པ་བོད་མི་རིགས་ཀྱི་ཆེད་དུ་ཚ་གཟེར་ལ་མ་འཛེམ་པར་སྐུ་སྲོག་མེ་དཔུང་ཁྱོད་ནས་ཤི།
ཡ་ང་བ་ཞིག་ལ། དེ་ལས་ལྡོག་ཕྱོཊ་ཀྱི་ལས་ཞིག་ལ་་་་་་ རྡོར་གདན་དུ་ཞབས་བྲོ་དང་གླུ་གར་གྱི་འཚམས་ཆད་ཀྱི་མི་འདུག དེ་ནི་ཆེས་སྐྱག་བྲོ་བའི་ལས་དཀའ་ཞིག་ཏུ་ངོས་འཛིན་བྱེད་ཀྱིན་ཡོད།
ང་ཚོ་བཙན་བྱོལ་བ་ལ་ དངུལ་མ་རག་ན། བོད་ནང་རྩ་དོན་གྱི་ལས་འགུལ་ཅི་འདྲ་སྤེལ་ནའང་དགའ་སྡུག་ཅི་ཡང་མེད། མ་ཚད། ཐོབ་དང་གོ་ས་ཕྱོགས་ལྷུང་གིས་དུས་འདའ་བཞིན་ཡོད། ཁྱོད་ཚོས་བོད་ནང་མུ་མཐུད་ནས་ལས་འགུལ་སྤེལ་ནའང་བཙན་བྱོལ་གཞུང་དམངས་ལ་རེ་བ་མ་བྱེད། རབ་བྱུང་ན་མེ་སྲེག་གི་ལས་འགུལ་འདི་མཚམས་འཇོག་གནང་སྟེ། རང་རེའི་སྤྱི་ཚོགས་ཀྱི་སྣེ་ཁྲིད་གནང་ན་ཅི་མ་རུང་ངོ་།།
བོད་ནང་གི་རྒྱལ་གཅེས་དཔའ་བོ་དཔའ་མོ་རྣམས་ཀྱིས། སོ་སོའི་མི་རིགས་དང་རིག་གཞུང་གི་ཆེད་དུ། ལུས་སྲོག་མེར་སྒྲོན་ནས་སྐད་འབོད་ངོ་རྒོལ་རིགས་མཚམས་འཇོག་མེད་པར་མུ་མཐུད་ཛ་དྲག་ཏུ་འགྲོ་བཞིན་ཡོད་ཀྱང་། དེ་ལས་ཟློག་སྟེ་བཙན་བྱོལ་དུ་ཡོད་པའི་བོད་རིགས་དག་གིས་ཁོང་རྣམ་པའི་རླབས་ཆེན་གྱི་མཛད་རྗེས་དེ་དག་རྒྱུན་ལྡན་གྱི་སྣང་ཚུལ་ཞིག་ལ་ལྟས་ཏེ། མཇལ་ཅག་གེར་གནས་པ་ལས། གལ་ཆེའི་ལས་འགུལ་དང་ངོ་རྒོལ་སོགས་འཛམ་གླིང་སྒུལ་ཐུབ་པའི་ཁོང་རྣམ་པར་རྒྱབ་སྐྱོར་དང་ཕྱག་རོགས་ཞུ་པའི་སྤོབས་པ་མེད་དོན་ཅི་ཡིན་ནམ།
དཔའ་རྒོད་ཚོ་ཏོག་ཙམ་སྒུག་རོགས ང་ཚོར་བྱ་ལོང་བྱེད་ལོང་ཞིག་སྤྲོད་རོགས. ཕྱི་བོད་ཚོ. སོ་སོའི་རྒྱལ་ཁབ་ནང་ནས་གྲོགས་པོ་དང་. ཚོགས་པ. ཆོས་ལུགས འོས་འཕེན་སོགས་རྒྱུད་ལམ་གང་ཡོང་སྤྱད་དེ་རྒྱ་དམར་ཁེར་རྐྱང་་སོགས་གནོན་ཤུགས་ཨེ་ཐུབ་ལ་འབད་རན་རེད
ང་ཚོས་བོད་ནང་འཐབ་རྩོད་ཛ་དྲག་ཇི་ཙམ་ཕྱིན་པ་དེ་ཙམ་གྱིས་ཤུགས་རྒྱབ་ནས་ལས་འགུལ་གང་འགྱོག་དང་ཤུགས་ཆེན་སྤེལ་དགོས་་་བོད་པ་ཚོ་ད་འགྱོགས་པར་ལང་ཤོག་་་དམིགས་ཡུལ་དང་ཐབས་ལམ་མ་ནོར་བའི་སྒོ་ནས་འགྱོགས་པར་ཤོག
གཙན་བྱོལ་གཞུང་གི་ལས་འགུལ་་ངེས་པར་འགྱོགས་པར་སྤེལ་དགོས།
རྒྱལ་སྤྱི་འབོད་བསྐུལ་དང་་་རྒྱ་གཞུང་ལ་ངོ་རྒོལ་་་བོད་ཀྱི་རྩ་དོན་གསལ་ཁ་ཡོད་པའི་སྒོ་ནས་སྐད་འབོད་དང་སྦྱར་ཡིག་བཀྲམ་པ་་་་སོགས་འགྱོག་པར་བྱེད་རོགས