བཀའ་བློན་ཁྲི་བར་འདྲི་བ། ཚེ་རིང་འོད་ཟེར།

མཛངས་མ་ཚེ་རིང་འོད་ཟེར་ལགས། རྩོམ་པ་པོ་ཁྱེད་ཀྱིས་ལོ་མང་རིང་ང་ཚོའི་བོད་ཀྱི་རྩོམ་ཡིག་བྲིས་པ་བཀའ་དྲིན་ཆེ། ཡིན་ན་ཡང་ཁྱེད་ལ་རྩོམ་ཡོན་ཅི་ཙམ་ཞིག་འབབ་ཀྱིན་པ་བོད་མི་ཚཽས་ཤེས་ཀི་ཡོད་མདོག་མེད་པས། ཁྱེད་རང་རྒྱལ་ནང་གི་རྒྱལ་ས་པེ་ཅིན་དུ་བདེ་ཞིང་སྐྱིད་པར་བཞུགས་ཏེ། བོད་མི་ཚོའི་ཁ་ཤ་བསྔོགས་ཏེ་རྩོམ་ཡིག་ཐུང་ཐཱུང་ཞིག་བྲིས་ཀྱང་། ཨེ་ཤེ་ཡི་རླུང་འཕྲིན་ཁང་གི་རིན་བབ་ཅི་ཙམ་སྤྲོད་ཀྱིན་ཡོད་པ་བོད་མི་ཚོས་ཤེས་ཀྱིན་མེད། ཁྱེད་ཨེ་ཤ་ཡའི་གསར་འགོད་པ་བྱེད་དེ་སྡད་ཀྱང་ད་དུང་ཁྱེད་བཟའ་ཚང་གཉིས་བདེ་བར་བཞུགས་ཅིང་། ད་དུང་ཁྱེད་བཟའ་ཚང་གཉིས་ཀྱིས་བོད་རྩོམ་མ་བྲིས་ཚེ་འཚོ་རྟེན་མེད་པའི་བདེན་ལུགས་ལ་འཛེམས་སོན་རེ་བཞེས་རོགས། ཁྱེད་ཀྱི་འཚོ་རྟེན་གཙོ་བོ་བོད་དོན་ཐོག་རྩོམ་འབྲི་རྒྱུུ་ཡིན་པ་དང། ཁྱེད་ལ་གནས་ཚུལ་སྤྲད་པའི་བོད་མི་ཚོར་ཁྱེད་ཀྱིས་རིན་འབབ་དེ་ཚོའི་ཉུང་ཚམ་རེ་ཡང་སྤྲོད་མྱོང་མེད། ཁྱེད་ཀྱིས་ཁྱོ་ཀ་ཝང་ཡི་ངན་སྐོལ་འོག་བོད་མི་མང་གི་ཡིད་ཆེས་བླངས་རྗེས། ད་ལྟ་ན་གཞོན་པ་བོད་མི་ཁྲི་ཚོ་འགས་གདམས་པའི་བཀའ་ཁྲི་བློ་བཟང་སེང་གེ་ལགས་ལ་ཧམ་བཤད་དང་བློ་བཟང་སེང་གེ་ལགས་ལ་མ་དགའ་བའི་མི་རྣམས་ཕུགས་ཀྱི་མདའ་མོ་ལ་བཟུང་ཏེ།་་བོད་མིའི་བར་དུ་དཀྲུག་ཤིང་འཕེན་རྒྱུ་དེ་འདྲའི་མགྱོགས་པོ་གྱུར་བ་ང་ཚོ་པེ་ཅིང་དུ་ཡོད་པའི་བོད་མི་ཚོའི་བློ་ཡུལ་ལ་ཤར་མེད། ང་ཚོས་བོད་རྩོམ་རེ་འཁྱོངས་ཚེ་སྐུར་རྒྱུར་ཡང་ཞེད་འདར་རྒྱག་དགོས་ས་ནས། ཁྱེད་ཀྱིས་བྱེད་ཚུལ་དང་ལྷག་དོན་དུ། རྒྱ་མི་ཝང་ཡི་ངན་སྐོལ་ལ་ང་ཚོ་སྔོན་ནས་རྣམ་རྟོགས་གཏིང་ཟབ་ཡོད།
དཔྱད་གཏམ་རིང་ཡང་འདི་ནས་མཚམས་འཇོག པེ་ཅིང་ནས་ཡུ་རོབ་ཏུ་སྐུར

བློ་བཟང་སེང་གེར་རང་སྐྱོན་ངོས་ལེན་བྱེད་ཐུབ་པའི་བློ་ཁོག་འདུག་གམ།

ཤར་ཕྱོགས་ཁུག་རྟ་ལགས་ཀྱིས་བསླབ་བྱ་ཡག་པོ་གནང་འདུག ཡིན་ནའང་འུ་ཚང་གི་མི་རབས་གསར་བའི་དབུ་ཁྲིད་ཚོ་ད་དུང་འདི་ལྟ་བུའི་ཚད་ལ་སླེབས་ཡོད་པ་མ་རེད། ཁོང་ཚོ་ད་དུང་མི་མངོན་ས་ན་ཀླད་རྙིང་སྤྱི་ཚོགས་ཀྱི་རུལ་དྲི་སྐྱུར་དྲི་མང་པོ་ཁ་ནས་ཡོད་པ་རེད།

དང་པོ་ཨ་ཅག་འོད་ཟེར་ལ་འཚམས་འདྲི་དང་དྲི་བ་འདི་འདྲའི་ཚ་བོ་སྔ་ཕྱི་གཉིས་ལ་བཏང་གནང་མཛད་པར་ཐུགས་རྗེ་ཆེ་ཞུ་ལ།
སྲིད་དོན་པ་ཚོར་ནོར་འཁྲུལ་ཡོང་ངེས་པ་དང་། མཚམས་རེར་ནོར་འཁྲུལ་ལ་ལྟོས་དུས། ཨོ་ད། སྲིད་དོན་པ་ཚོར་ལར་ཞེན་ཟེར་བ་ཞིག་ཨེ་ཡོད་ན་བསམས་པའི་དོགས་པའང་ཡོང་གི་རེད། སྐབས་དེར་བོད་པའི་སྐད་ཆ་བཤད་སྟངས་ཤིག་ལ་ཀུན་སློང་ལ་དོགས་པ་ཡོད་ཟེར་རྒྱུ་འདིས་ཅང་ཕན་ཚོད་མི་འདུག་པས།
ནོར་འཁྲུལ་ལ་ནོར་འཁྲུལ་དུ་གཟིགས་ནས་བརྒྱུད་ལམ་ཆེ་ས་ཞིག་ནས་བཟང་སྤྱོད་ལྡན་པའི་གསལ་བཤད་དམ་དགོངས་སེལ་ཞུས་པ་ཡིན་ན་དེ་རང་གཞན་རོགས་གསུམ་ལ་ཕན་ཐག་ཆོད་ཅིག་ལ། རྩ་དོན་ལ་ཕན་ཐག་ཆོད་རེད།
དེ་ལ་སྒྲུང་ཞིག་ཡོད། སྔ་ལོར། ཐའེ་ཝན་ནས་ཆེས་མཐོའི་དཔོན་རིགས་བཟའ་ཚང་ཅན་ཞིག་གིས་བུ་མོ་མཛེས་མ་ཞིག་ཟུར་བསྟེན་བྱེད་བཞིན་པའི་གསང་བ་གསར་འགོད་པ་ཚོས་ཤེས་རྟོགས་བྱུང་བ་རེད། ཤེས་རྟོགས་བྱུང་ནས་བདུན་ཕྲག་གཅིག་ཙམ་ལ་བརྙན་འཕྲིན་གསར་འགྱུར་དང་ཚགས་པར་སོགས་སུ་གསར་འགྱུར་འཕགས་ཤོས་དོན་དག་དེ་ག་རང་རེད། དེ་ཡིན་དུས། མཐའ་མར་ཁོང་གིས་རང་ཉིད་གཞུང་གི་དཔོན་རིགས་ཤིག་ཡིན་པའི་ཆ་ནས་མི་མང་གི་ཡིད་ཆེས་བརླག་པར་བརྙན་འཕྲིན་བརྒྱུད་ལམ་ནས་དགོངས་སེལ་ཞུས་པ་རེད། དགོངས་སེལ་ཞུས་རྗེས་མགོ་སྒུར་ཏེ་སྐར་མ་གཅིག་ཙམ་བསྡད་པ་རེད།
དེ་ལ་མི་མང་པོས་ལག་པ་རྡབ་སོང་། ཐ་ན་ལམ་བར་ཟས་རིགས་ཙག་ཙིག་བཙོང་མཁན་དང་ཐང་ཚོང་ཚོས་ཀྱང་དགོངས་སེལ་ཞུས་པ་དེ་འགྲིག་རབ་བཤད་སོང་།
དེ་ཡིན་དུས། བྱ་སྤྱོད་དེ་འུ་ཚོས་ཚུར་ལེན་ཐུབ་ན་ཡག་གི ལྷག་པར་སྲིད་དོན་དབུ་ཁྲིད་ཚོར་གོམས་གཤིས་འདི་འདྲ་ཞིག་འཇགས་ཐུབ་པ་ཡིན་ན། བོད་ཀྱི་སྲིད་དོན་ལོ་རྒྱུས་སྟེང་ཀུན་སྤྱོད་གསར་པ་ཞིག་སྐྱེ་སོང་བ་རེད།

སེམས་ནང་གང་དྲན་སྙིང་གཏམ་དང་ཁ་ནས་གང་བརྗོད་བཀའ་སློབ་ཟེར་ན་ད་ལྟའི་དུས་ཚོད་འདི་ལ་ཕལ་ཆེར་འགྲིག་མིན་བཤད་དཀའ་དྲ་གྲོགས་རྣམས་ཐུགས་བསམ་བཞིས་དགོས་བསམ།
མི་གཅིག་གི་མིང་སྔོན་ལ་སྟོན་མིན་གྱི་རྩོད་གཞི་ལ་གུས་པས་ནམ་ཡང་ཧང་བསམ་ནས་རྩོད་པ་མི་རྒྱག།

“དོན་དག་ཆུང་ཚག་གང་ཟག་སྒེར་གྱི་སྙིང་ཉེ་བ་ཞིག་ལ་ཉིན་གླ་མཚམས་འཇོག་པའི་རྐྱེན་ངན་ཙམ་ཡང་བཟོད་པར་མི་ནུས་ནས། བྱེ་བ་དྲུག་གི་ཚབ་མཚོན་ནུས་ངེས་ཤེས་པས་ལོ་ནས་ལོ་བསྟུད་བསྲེག་བཅད་བརྡར་པའི་གསེར་བཞིན་ཡང་ནས་ཡང་དུ་བརྟག་ཅིང་དཔྱད་ནས་གདེམས་བསྐོས་བྱས་པའི་བཀའ་ཁྲིར་ཁྱད་གསོད་བྱས་རྐྱང་བྱེད་པ་འདི་དག་ནི། ཤེས་ལྡན་དག་གི་ལས་ཀ་མིན” ཟེར་ནས་རིག་པའི་རལ་གྲི་ཞེས་པས་སླར་ཡང་གནད་དོན་འདི་དྲུད་ནས་སླེབས་བྱུང་ལ། ད་དུང་དོན་དག་ཆུང་ཚགས་དང་ཉིན་གླ་མཚམས་འཇོག་ཙམ་དང་ཁྱད་གསོད་བྱས་ཟེར་བའི་ཚིག་དག་དག་སྤྱད་འདུག
བདེན་དོན་ལ་མངོན་སུམ་དུ་བསྙོན་དོན་ཅི་ཡིན་ཆ་མ་འཚལ་ན་ཡང། དེ་ནི་ཉིན་གླ་ཙམ་གྱི་གནད་དོན་ཞིག་མིན་པ་གཟུ་བོར་གནས་པ་ཚོས་ལོས་ཤེས། ཉིན་གླའི་ལས་ཀ་ནས་མཚམས་བཅད་པ་གཅིག་པུ་ཡིན་ན་དེ་ལ་གླེང་གཞི་ཆེན་པོ་ཞིག་ཡོང་དགོས་དོན་མེད། དེ་ལྟར་ཐག་བཅད་པས་ཆོག་ན་ཡང་བཅད་མེད། དེ་ནི་རྩོམ་པ་པོའི་རང་དབང་སྨྲ་བརྗོད་ལ་ཚད་བརྒལ་གྱི་ཉེས་ཆད་བཏང་བ་ཞིག་ཡིན། ཉེས་པ་མེད་པའི་ཉེས་ཆད་ཅིག་ཡིན། འདི་རྩོམ་པ་པོ་མང་པོར་ཕོག་ཐུག་འགྲོ་ཉེན་ཞིག་ཡིན། དེ་བས་དེ་དོན་ཆུང་ཞིག་ཀྱང་མིན། ཉེས་ཆད་དེ་འདྲ་འབབ་ཀྱི་མི་འདུག དེ་མི་འགྲིག་གི་ཞེས་བཤད་པ་ཙམ་ལ་ཁྱད་གསོད་ཅེས་པའི་ཐ་སྙད་འདི་གཏན་ནས་འཇུག་ས་མེད།

སྤྱིར་འོད་ཟེར་ལགས་ཀྱིས་རྩོམ་འབྲི་མཛད་པ་ནི་དགའ་བསུ་ཞུ་བཞིན་ཡོད། ཁོང་གི་རྩོམ་འདི་ལ་མི་འགྲིག་པ་མིན་འདུག ཁོང་གི་བོད་རྩ་དོན་སེམས་བཅངས་ཀྱིས་དཔྱད་རྩོམ་མཛད་པ་ནི་ཁོང་གི་སྒེར་གྱི་གཞི་རིམ་ཐོབ་ཐང་ཡིན། འོན་ཀྱང་། འགའ་རེས་དེ་ཆོལ་ཁ་ཆོས་ལུགས་ཀྱི་གནད་དོན་དང་མཉམ་བསྲེས་བྱེད་པ་ནི་སྤྱི་ཚོགས་ཀྱི་འགན་ཁུར་མེད་པའི་སྐད་ཆ་ཞིག་ཡིན། བྱས་ཙང་། ད་ཕྱིན་སྐད་ཆ་ཉ་ག་ཉོ་གེ་འདིའི་རིགས་འཁྱེར་མ་ཡོང་རོགས།

རང་གི་དབུ་ཁྲིད་ལ་རང་གི་མིས་སྐྱོན་བརྗོད་པ་དེ་ཤ་ཚ་བའི་གཏམ་ཡིན། ཡང་གཅིག་བཤད་ན་དམངས་གཙོ་ཞེས་པའི་རང་དབང་སྨྲ་བརྗོད་ཀྱི་ཁྱད་ཆོས་དེ་རེད། འདི་ཙམ་གྱིས་ཆོལ་ཁའི་བར་དང་གཞུང་དམངས་བར་ལ་འགལ་བ་དང་ཆིག་སྒྲིལ་ལ་ཉེན་ཁ་ཡོང་བསམ་ན་བསམ་མཁན་དེ་རིགས་ཀྱི་བློ་ཁོག་གུ་དོག་དྲགས་པ་རེད།
ངའི་བསམ་ཚུལ་ལ་འདི་ལྟར་དུས་ཐོག་ཆར་བ་ལྟར་དུ་ལེགས་ཉེས་བླང་དོར་གསལ་འབྱེད་གནང་བ་འདི་རིགས་དགེ་མཚན་ཆེ་བར་མཐོང་གི་ཡོད། སྐྱོན་མེད་སར་སྐྱོན་བཙལ་བ་དང་སྐྱོན་ཆུང་བ་ཞིག་ཆེ་བར་བཏང་ན་མི་འགྲིགས་ལ། ལྷག་པར་དུ་ཡང་མི་དཀར་ལ་ཞྭ་ནག་གཡོག་ན་གཏན་ནས་མི་འགྲིགས། འདི་ལ་མི་ཆེ་ཆུང་དང་བཟང་ངན་གྱི་དབྱེ་བ་མེད།

སྐབས་དོན་སྐབས་དེའི་བཀའ་ཁྲིའི་གསུང་དུམ་བུ་ཞིག་དྲངས་ན།
“སྔ་ལོ་ཕྱི་ཟླ་གསུམ་པ་ནས་བཟུང་རྔ་པ་ཁུལ་དང་རྟའུ། གསེར་རྟ།

ཆབ་མདོ་སོགས་སུ་བོད་མི་མང་པོ་འཛིན་བཟུང་བཀག་ཉར་གྱི་གནས་སྟངས་ཛ་དྲག་ཇི་ཆེར་སོང་ཡོད། སྔ་ལོ་གཅིག་པུར་ང་ཚོས་ཤེས་རྟོགས་བྱུང་བར་བོད་རིགས་ན་གཞོན་བཅུ་གཉིས་ཀྱིས་རང་ལུས་མེར་སྲེག་བཏང་བའི་ཡིད་སྐྱོ་བའི་གནས་ཚུལ་བྱུང་ཡོད། དེ་ཡང་ ༡།དགེ་འདུན་པ་བློ་བཟང་ཕུན་ཚོགས་རང་ལོ་ ༢༡ དང༌། ༢།དགེ་འདུན་པ་ཚེ་དབང་ནོར་བུ་རང་ལོ་ ༢༩། ༣།དགེ་འདུན་པ་བློ་བཟང་སྐལ་བཟང་རང་ལོ་ ༡༨། ༤།དགེ་འདུན་པ་བློ་བཟང་དཀོན་མཆོག་རང་ལོ་ ༡༨། ༥།དགེ་འདུན་པ་བློ་བཟང་དབང་ཕྱུག་རང་ལོ་ ༡༧། ༦།མཁའ་དབྱིངས་རང་ལོ་ ༡༨། ༧།ཆོས་འཕེལ་རང་ལོ་ ༡༩། ༨།ནོར་བུ་དགྲ་འདུལ་རང་ལོ་ ༡༩། ༩།བཙུན་མ་བསྟན་འཛིན་དབང་མོ་རང་ལོ་ ༢༠། ༡༠།དགེ་འདུན་པ་ཟླ་བ་ཚེ་རིང་རང་ལོ་ ༣༨། ༡༡།བཙུན་མ་དཔལ་ལྡན་ཆོས་བཟང་རང་ལོ་ ༣༥། ༡༢།བསྟན་འཛིན་ཕུན་ཚོགས་རང་ལོ་ ༤༠ བཅས་ཡིན། ཡིད་སྐྱོ་བའི་དོན་རྐྱེན་དེ་དག་ལ་ྋགོང་ས་ྋསྐྱབས་མགོན་ཆེན་པོ་མཆོག་ཀྱང་ཐུགས་འཚབ་ཆེན་པོ་མཛད་ཀྱི་ཡོད་པ་མཁྱེན་གསལ་རེད། ང་ཚོའི་ངོས་ནས་ཀྱང་སེམས་འཚབ་དང་སྦྲགས་བོད་ཀྱི་རྩ་དོན་མུ་མཐུད་གནས་པར་ཁོང་ཚོ་འཚོ་གནས་དགོས་པའི་ངོས་འཛིན་ཞུ་བཞིན་ཡོད། དེར་བརྟེན་བོད་ཕྱི་ནང་གཉིས་སུ་འཁོད་པའི་བོད་རིགས་སྤུན་ཟླ་རྣམས་ཀྱིས་བོད་མིའི་ཕུགས་རྒྱང་རིང་པོའི་ཁེ་ཕན་ཆེད་ཤེས་ཡོན་ཐོག་ནུས་ཤུགས་སྒྲིལ་དགོས་པའི་འབོད་སྐུལ་ཞུ་གི་ཡོད། གོང་གསལ་རང་ལུས་མེར་སྲེག་གཏོང་མཁན་བཅུ་གཉིས་ནས་བདུན་འདས་གྲོངས་སུ་གྱུར་ཟིན་པ་དང་ལྔའི་གནས་སྟངས་གར་སོང་ཆ་མེད་ཀྱི་གནས་སྟངས་སུ་གྱུར་འདུག

སྤྱིར་བསྟན་སྲིད་མི་རིགས་ཀྱི་ཆེད་དུ་ལུས་སྲོག་བློས་གཏོང་མཁན་ཡོངས་དང་ཡང་སྒོས་གོང་གསལ་འདས་གསོན་རྣམས་དང་ཁོང་ཚོའི་ཕ་མ་གཉེན་ཉེ་གཙོ་བོ་གྱུར་བའི་འཛིན་བཟུང་བཙོན་འཇུག་གི་དམ་བསྒྲགས་འོག་ཚུད་ཡོད་པའི་གཞིས་བཞུགས་སེར་སྐྱ་མི་མང་ཡོངས་ལ་གདུང་སེམས་མཉམ་སྐྱེ་ཞུ་ཆེད་དང༌། བོད་དོན་བདེན་མཐའ་མྱུར་དུ་སེལ་བར་སྤྱི་མཐུན་གྱི་བསོད་ནམས་གོང་མཐོར་སྤེལ་སླད་དེ་རིང་རེས་གཟའ་ལྷག་པའི་ཉིན་བདག་ཅག་སྟོན་པ་མངོན་པར་རྫོགས་པའི་སངས་རྒྱས་པའི་གནས་མཆོག་རྡོ་རྗེ་གདན་གྱི་རྟེན་མཆོག་སྤྱན་སྔའི་དྲུང་དུ་མཆོག་གསུམ་རྒྱལ་བ་རྒྱ་མཚོའི་ཐུགས་རྗེས་བསྐུལ་བའི་མཆོད་འབུལ་སྨོན་ལམ་རྒྱས་པ་འདིེ་གཞུང་དམངས་གཉིས་ནས་གོ་སྒྲིག་ཞུས་པ་ཡིན།”
གོང་གསལ་འདི་ལས་བཀྲ་བྷེའི་མཚན་མ་བརྗོད་པ་དེ་བསམ་བཞིན་དང་བརྗེད་སོང་བ་སོགས་ཀྱི་ནོར་འཁྲུལ་མིན་པ་གསལ་རྟོགས་ཐུབ། འདི་ནི་སྔ་ལོ་གཅིག་པུ་དཔེ་མཚོན་ལ་དྲངས་པ་ཞིག་རེད། འདི་ལ་མ་འོས་པ་གང་ཡང་མི་འདུག གལ་ཏེ་རྒྱལ་གཅེས་དཔའ་བོ་སྤྱི་དང་ལྷག་པར་རང་ལུས་མེ་བསྲེགས་བཏང་མཁན་ཁོ་ནའི་གནས་བབ་ཅིག་གླེང་བ་ཡིན་ན་དེ་དང་འབྲེལ་ཡོད་ཀྱི་མགོ་མཇུག་ཚང་མ་ཚང་དགོས་ཟེར་ན་འོས་པ་ཞིག་རེད།
ངས་འདི་ལྟར་གསལ་བཤད་བྱེད་དོན། ཆེད་དུ་ང་ཚོའི་ཁྱིམ་ཁ་གསུམ་པོར་ཕྲ་མ་བྱེད་མཁན་དང་བསམ་མ་ཤེས་པར་རི་བོང་ཅལ་འདྲོགས་བྱེད་མཁན་ཚོར་གོ་བརྡ་ཞིག་སྤྲད་པ་ཡིན།
མདོར་བསྡུས་ན། བཀའ་ཁྲིའི་སྐབས་འདིའི་གསུང་བཤད་ལ་སྐྱོན་ཆེན་པོ་མེད་པ་མ་ཟད་འོད་ཟེར་ལགས་ཀྱིས་དགོངས་འཆར་གནང་བ་དེ་ཡང་འགྲིག་པ་ཞིག་རེད། གླེང་སྟངས་འདི་རིགས་ནི་གུང་ཁྲན་ཏང་ལ་མེད་པའི་ང་ཚོའི་དམངས་གཙོའི་གཏམ་བརྗོད་ཀྱི་གཟི་བརྗིད་ཡིན་ཞེས་སྨྲ་བར་སྤོབས་སོ།

བསྟན་འཛིན་ཆོས་རྒྱལ་ལགས་ལ་ཡིད་ཆེས་ཡོད་མེད་གཙོ་བོ་མ་རེད། གཞིས་བཞུགས་སྤུན་ཟླ་ཚོའི་དྲན་སྐུལ་བྱས་པ་བརྩི་འཇོག་བྱས་ནས་བཀྲ་བྷེ་ཞེས་ཁ་ལྕེ་ཞིག་འགུལ་རྒྱུ་དེ་དངོས་གནས་བྱས་ན་ལས་སླ་མོ་ཞིག་རེད།
ནོར་འཁྲུལ་ཤོར་བ་དེ་ཙམ་ནོར་འཁྲུལ་མེད་ཀྱང་ནོར་འཁྲུལ་ངོས་ལེན་མེད་པ་ནི་ཆེས་ཆེ་བས་ནོར་འཁྲུལ་ཞིག་དང་བཟང་སྤྱོད་ལས་འདས་པའི་གནད་དོན་ཞིག་རེད་འདོད།

བཀའ་ཁྲི་མཆོག་ནས་ནས་ཡོ་རོབ་ཀྱི་གསུངས་བཤད་ལ་ནོར་འཁྲུལ་བྱུང་བ་ངེས་ལེན་གནང་ནས་ཁ་སེང་དུས་དབང་སྐབས་ཡོ་སྲངས་གནང་བ་ནི་དངོས་གནས་མི་སྤྱོད་དང་མཐུན་པ་མ་ཟད་བསྔགས་འོས་པ་ཞིག་རེད། འོན་ཀྱང་ཡོ་སྲང་གནང་ལུགས་ནི་རྣམ་དཔྱོད་ལྡན་པ་ཞིག་མ་བྱུང་བ་དེ་བློ་ཕན་རང་རེད། འོན་ཀྱང་མི་ལ་སྐྱོན་དང་ཤིང་ལ་མཛེར་པ་མེད་པ་ཞིག་མེད་པ་མཁྱེན་པ་མཛོད་ཞུ་རྒྱུ་དང་། བཀའ་ཟུར་སློབ་དཔོན་ཟབ་མདོང་མཆོག་ནས་གཞུང་གི་ལས་ཀྱི་སྣེ་མོ་བའི་ནོར་འཁྲུལ་ལ་ཡོ་བསྲང་དང་ཐེར་འདོན། སྒྲིག་འཛུགས་ཀྱིས་མི་རིགས་དང་སྤྱི་ཚོགས་ལ་བསྐུར་བའི་ལས་དོན་ཐོག་འབད་འབུང་བྱ་རྒྱུ་བཅས་ནི་མང་ཚོགས་ལ་འཁྲི་བའི་ལས་འགན་རེད། གསུང་པ་དེ་ཡང་མི་མང་ཚང་མས་སེམས་ལ་བཞག་ཐུབ་པ་ཞིག་དགོས།

དྲ་གྲོགས་ཚོས་བཤད་ན་བཀྲ་བྷེ་བརྗེད་སོང་མིན་དང་བཀའ་ཁྲི་ཞིབ་ཚགས་ཡིན་མིན་སོགས་རེད། ཡིན་ནའང་གནད་དོན་གཙོ་བོ་ཡོ་རོབ་ཁག་ནས་གསུང་བཤད་དེ་ནོར་འཁྲུལ་ཤོར་སོང་བ་དེ་ད་རེས་༢༠༡༡་གིས་ཁ་གསབ་བྱས་དེ་ཡོལ་ཐབས་བྱས་བ་དེ་རེད།། ལོ་ཚིགས་དེ་ཁ་སྣོན་བྱེད་པ་ལས་དཔའ་བོ་ཁོང་གི་མཚན་བཀླགས་ཡོད་ན་བསམ་གྱིན་འདུག་ནོར་འཁྲུལ་ཤོར་བ་དེ་ཡོལ་སྟངས་ནས་བཀའ་ཁྲིའི་ཀུན་སློང་གནད་དོན་ཡོད་པའི་དོགས་པ་འདུག །

གཞུང་གི་ལས་ཀྱི་སྣེ་མོ་བའི་ནོར་འཁྲུལ་ལ་ཡོ་བསྲང་དང་ཐེར་འདོན། སྒྲིག་འཛུགས་ཀྱིས་མི་རིགས་དང་སྤྱི་ཚོགས་ལ་བསྐུར་བའི་ལས་དོན་ཐོག་འབད་འབུང་བྱ་རྒྱུ་བཅས་ནི་མང་ཚོགས་ལ་འཁྲི་བའི་ལས་འགན་རེད། ཁྲི་ཟུར། ཟམ་གདོང་རིན་པོ་ཆེའི་གསུང་ཕབ་བཤུས།

མཁྱེན་རབས་ཀྱི་རྣམ་སྤྱོད་ཡངས་པའི་འོད་ཟེར་མཚོ་ལགས། བཀྲ་བྷེ་ལགས་ཀྱིས་རང་ལུས་མེ་བསྲེགས་གཏོང་དོན་ནི་བོད་ཆོལ་གསུལ་གཅིག་སྒྲིལ་ཡོང་ཆེད་ཡིན་པ་ལས་ཁོང་འདས་རྗེས་བོད་མི་ཚོ་ཕན་ཚུན་ནང་འཁྲུག་ཡོང་ཆེད་མ་ཡིན་པ་ནི་མཁྱེན་ལྡན་མ་ཁྱེད་ལ་ང་ཚོ་སུས་ཀྱང་བཤད་མ་དགོས་པ་ཞིག་ཡིན་པས། དགོས་པ་དང་རྒྱུ་མཚན་གང་ཞིག་གིས་ཁྱོད་ཀྱིས་འདི་ལྟར་རྒྱ་དམར་གྱིས་ཁེས་ལེན་མ་བྱས་པའི་གཡོ་ཅུས་དག་ལ་ངོ་རྒོལ་བྱེད་པ་ལས་བཙན་པའི་འཐབ་རྩོད་ཀྱི་སྨྱུག་རྩེ་སྲིད་སྐྱོང་བློ་བཟང་སེང་གེ་མཆོག་ལ་གཏད་པ་ཡིན། སྙན་པར་གྲགས་པའི་མཁྱེན་ལྡན་མ་ཁྱེད་ཀྱི་སྐད་ཆ་འདི་དག་གིས་རྒྱ་དམར་སྲིད་གཞུང་གི་ལག་མཐུལ་ན་སྒོ་ང་བཞིན་ཉམས་ཆུང་བའི་བོད་མིའི་ལས་དབང་ལ་གསུབ་ཏུ་མེད་པའི་རྨ་ཁ་གསར་བ་ཞིག་བཟོ་རྒྱུར་ཐུགས་བསམ་བཞེང་མྱོང་མེད་དམ། བཀྲ་བྷེས་མཚོན་པའི་བོད་མིའི་དཔའ་རྒོད་འདི་དག་བློ་བཟང་སེང་གེ་ཙམ་ཏུ་མ་ཟད་མཐའ་ན་སྲིང་ལམ་ཀྱི་སློང་མོ་བ་ཚོས་ཀྱང་ཤེས་ཚོད་དུ་ཡོད་ན་འདི་ཁྱོད་ཀྱིས་ཅིས་ཕྱིར་ཆབ་སྲིད་ཀྱི་ཐོབ་ཐང་རྩོད་པ་ནང་བཞིན་འཐབ་རྩོད་ཀྱི་དངོས་པོ་ཞིག་ཏུ་བསྐྲུན་པ་ཡིན་ནམ། འཇིག་རྟེན་འདིར་འབྱུང་བཞིན་པའི་བྱ་དགོས་ཡོད་ཚད་དུས་ཚོད་ཀྱི་དབང་གིས་མིང་བརྡ་མི་འདྲ་བ་དང་རྒྱས་བཅད་ཡོང་བཞིན་ཡོད་ནའང་དེས་འདས་ཟིན་པ་བརྗེད་སོང་བའི་བདེན་དབང་ནམ་ཡང་བྱེད་མི་ཐུབ་ལ་ཆོས་ཉིད་ལའང་འབྱུང་མི་སྲིད་པ་ཞིག་ཡིན་པས། དྲ་གྲོགས་ཚོས་ཀྱང་བསམ་བློ་ཞིབ་མོར་བཏང་ནས་རང་ལུས་མེ་བསྲེགས་གཏོང་མཁན་གྱི་དཔའ་བོ་དཔའ་མོ་འདི་དག་གི་མཐར་ཐུག་གི་དམིགས་ཡུལ་གང་ཡིན་ཤེས་བར་བྱེད་རྒྱུ་ཧ་ཅང་གལ་ཆེན་རེད་སྙམ།

བཀའ་ཁྲི་ལབ་རྐྱ་འདི་ར་བཟི་ཡིན་རྒྱུ་མ་རེད་བཱ། མིའི་གྲངས་ཀ་ཙམ་ཡང་མི་ངེས་པ་འདིས། སྤྱིར་ཁོང་ལ་བོད་ཀྱི་ཞགས་རྩི་མ་འཛོམས་པའི་རྟགས་སྟོན་གྱི་ཡོད་པས། བསམ་ཞིང་བསམས་ན་སྙིང་རྗེ་ཞིང་ངུ་བྲོ་བ་ཞིག་མིན་ནམ། བོད་ནང་ནས་གནས་ཚུལ་འདི་ཚོ་གསལ་བོར་མཁྱེན་ན་ཡག་གི་རེད། གཅིག་ནས་གཉིས་བརྒྱུད་དེ་གསལ་བོ་བཤད་རྒྱུ་གལ་ཆེན་རེད།

༈ ཚེ་རིང་འོད་ཟེར་ལགས། བཀའ་ཁྲིད་མཆོག་གིས་བོད་རྩ་དོན་ཆེད་རང་སྲོག་གློད་གཏོང་བརྗེད་སོང་བ་རྩ་བ་ནས་མིན་སྙམ། ང་རང་ཚོས་བསམ་བློ་རྒྱ་ཆེན་གཏོང་དགོས། དེ་ཙམ་གྱིས་བཙན་བྱོལ་བོད་གཞུང་དང་གཞིས་བྱེས་གཉིས་སུ་གནས་པའི་བོད་མི་ཡོངས་ནས་ཁོང་རྣམ་པས་བྱེད་རྗེས་ལ་ལུས་ངག་ཡིད་གསུམ་ནས་གུས་བཏུད་ཡོད་མཁྱེན་དགོས། བཀའ་ཁྲིད་མཆོག་གིས་མིང་མི་བྱེད་རྒྱུ་མཚན་ཅི་ལགས་ཞུས་ན། ཁོང་གིས་གསུང་དོན་ལ་འདི་ལོ་ཉེ་ཆར་ཕྱི་ལོ་ ༢༠༡༡ ཟླ་བ་ ༣ པ་ནས་བརྩིས་པའི་མི་གྲངས་ཞིག་གསུངས་པ་ཞིག་ཡིན་མ་གཏོགས་དེ་མིན་གནད་དོན་གཞན་གང་ཡང་མིན། དེ་སྐབས་ཕྱི་ལོ་ ༡༩༩༨ ལོའི་དཔའ་བོ་ཐུབ་བསྟན་དངོས་གྲུབ་དང་འདི་ལོའི་རྒྱ་གར་དང་བལ་ཡུལ་ནང་དུ་ཡང་སྲོག་ལ་བར་ཆད་མ་བྱུང་བ་མ་གཏོགས། ཁོང་རྣམ་པས་སྐུ་ལུས་མཆོད་པ་ཕུལ་བ་དེ་ཡང་དམིགས་ཡུལ་འདྲ་མཉམ་ཡིན་ཡང་མིང་དོན་བཏོན་མེད། གལ་ཏེ་དཔའ་བོ་ཐུབ་བསྟན་དངོས་གྲུབ་ནས་བརྩིས་པའི་མིང་འདོན་ནས་བར་དུ་ཀྲ་བྷེ་ཀྱི་མིང་འདོན་ཆད་པ་ཡིན་ན་ཁྱེད་འོད་ཟེར་ལགས་ཀྱིས་གསུངས་པའི་སྐྱོན་དེ་སྲིད་འཛིན་མཁས་དབང་བློ་སེང་ལ་འཇུག །དེ་མིན་བཀའ་མོལ་གང་འདྲ་ཞིག་གནང་ཀྱང་སྔ་རྗེས་ཚང་མ་ལ་གཟིགས་ནས་བཀའ་མོལ་ལམ་སྐྱོན་འཇུག་གནང་རོགས། ངས་བསམ་འདིའི་ཐོག་བསམ་བློ་རྒྱ་ཆེན་པོ་བཏང་བ་ཡིན་མ་གཏོགས་གང་ཐོན་དུ་བཤད་པ་མིན། གལ་ཏེ་ད་དུང་ཁྱེད་རང་གིས་བཀའ་ཁྲིད་མཆོག་ནོར་ཁྲུལ་དུ་བརྩིས་པ་ཡིན་ན། ཁོང་གི་རྗེས་ཚབ་ཏུ་ང་རང་བོད་མི་ཞིག་ཡིན་པའི་ཆ་ནས་འོད་ཟེར་ལགས་ཁྱེད་དགོངས་དག་ཞུ་རྒྱུ་ཡིན།
ཐུགས་རྗེ་ཆེ།
སྤྱིར་ཕྱི་ལོ་ ༡༩༥༩ གོང་ཙམ་ནས་བོད་བསྟན་སྲིད་དང་བོད་རང་བཙན་ཆེད་རང་སྲོག་གློད་བཏང་གིས་རྒྱ་དམར་འཐབ་འཛིངས་བྱས་ནས་འདས་གྲོང་སོང་བ་མང་པོ་བྱུང་ཡོད་ཀྱང༌། སྐབས་འདིར་ཕྱི་ལོ་ ༡༩༩༨ ནས་བརྩིས་པའི་གཞིས་བྱེས་གཉིས་ནས་བོད་བསྟན་པ་ཆབ་སྲིད་དང་དམིགས་བསལ་གྱིས་བོད་རང་བཙན་སླར་གསོའི་ཆེད་སྐུ་ལུས་མེ་མཆོད་འབུལ་མཁན་འདས་སོན་གཉིས་གྱི་མཚན་གཤམ་གསལ།

༢༡༽ ༢༠༡༢།༡།༡༤ མིང་དང་ལོ་མེད་་་་་
༢༠༽ ༢༠༡༢།༠༡།༠༨། སྤྲུལ་སྐུ་བསོད་ནམས་དབང་རྒྱལ། འདས། ལོ།༤༢། བོད་མགོ་ལོག
༡༩༽ ༢༠༡༢།༠༡།༠༦། གྲྭ་ཟུར་བསྟན་ཉི། འདས། ལོ།༢༠། བོད་རྔ་བ།
༡༨༽ ༢༠༡༢།༠༡།༠༦། གྲྭ་ཚུལ་ཁྲིམས། འདས། ལོ།༢༠། བོད་རྔ་བ།
༡༧༽ ༢༠༡༡།༡༢།༠༡། གྲྭ་ཟུར་བསྟན་འཛིན་ཕུན་ཚོགས། འདས། ལོ།༤༦། བོད་ཆབ་མདོ།
༡༦༽ ༢༠༡༡།༡༡།༡༠། གྲྭ་བོད་ཕྲུག །གསོན། ལོ།༤༥། བལ་ཡུལ་མཆོད་རྟེན།
༡༥༽ ༢༠༡༡།༡༡།༠༤། ཤེས་རབ་ཚེ་རྡོར། གསོན། ལོ།༢༥། རྒྱ་གར་ལྡི་ལི།
༡༤༽ ༢༠༡༡།༡༡།༠༣། ཨ་ནེ་དཔལ་ལྡན་ཆོས་བཟང༌། འདས། ལོ།༣༥། བོད་དཀར་མཛེས།
༡༣༽ ༢༠༡༡།༡༠།༢༥། གྲྭ་ཟླ་བ་ཚེ་རིང༌། གསོན། ལོ།༣༨། བོད་དཀར་མཛེས།
༡༢༽ ༢༠༡༡།༡༠།༡༧། ཨ་ནེ་བསྟན་འཛིན་དབང་མོ། འདས། ལོ།༢༠། བོད་རྔ་བ།
༡༡༽ ༢༠༡༡།༡༠།༡༥། གྲྭ་ཟུར་ནོར་བུ་དགྲ་འདུལ། འདས། ལོ།༡༩། བོད་རྔ་བ།
༡༠༽ ༢༠༡༡།༡༠།༠༧། གྲྭ་ཟུར་མཁའ་དབྱིངས། འདས། ལོ།༡༨། བོད་རྔ་བ།
༩༽ ༢༠༡༡།༡༠།༠༧། གྲྭ་ཟུར་ཆོས་འཕེལ། འདས། ལོ།༡༩། བོད་རྔ་བ།
༨༽ ༢༠༡༡།༡༠།༠༣། གྲྭ་སྐལ་བཟང་དབང་ཕྱུག །གསོན། ལོ།༡༨། བོད་རྔ་བ།
༧༽ ༢༠༡༡།༠༩།༢༦། གྲྭ་བློ་བཟང་སྐལ་བཟང༌། གསོན། ལོ།༡༩། བོད་རྔ་བ།
༦༽ ༢༠༡༡།༠༩།༢༦། གྲྭ་བློ་བཟང་དཀོན་མཆོག །གསོན། ལོ།༡༨། བོད་རྔ་བ།
༥༽ ༢༠༡༡།༠༨།༡༥། གྲྭ་ཚེ་དབང་ནོར་བུ། འདས། ལོ།༢༩། བོད་དཀར་མཛེས།
༤༽ ༢༠༡༡།༠༣།༡༦། གྲྭ་ཕུན་ཚོགས། འདས། ལོ།༢༡། བོད་རྔ་བ།
༣༽ ༢༠༠༩།༠༢།༢༧། གྲྭ་བཀྲ་བྷེ། གསོན། ལོ།༢༠། བོད་རྔ་བ།
༢༽ ༢༠༠༦།༡༡།༢༣། ལྷག་པ་ཚེ་རིང༌། གསོན། ལོ།༢༣། རྒྱ་གར་བྷིང་ལོ།
༡༽ ༡༩༩༨།༠༤།༢༧། ཐུབ་བསྟན་དངོས་གྲུབ། འདས། ལོ།༦༠། རྒྱ་གར་ལྡི་ལི།

བཀའ་ཁྲིས་བཀྲ་བྷེའི་མཚན་མ་བོས་པའི་གནས་ཚུལ་དངོས་ཡིན་ན། དངོས་གནས་བློ་ཕམ་གྱི་གནད་དོན་ཞིག་རེད་ལ། གལ་ཏེ་བཀའ་ཁྲི་མཆོག་གིས་ཀྱང་འདི་ལྟར་ཁྱི་སྨྱོན་གྱིས་སོ་བརྒྱབ་པ་ལྟ་བུའི་ཁ་ལབ་འཐེན་བསྡད་ན། ལོ་རྒྱུས་དང་ཁྲིམས་ཀྱི་རིགས་པ་གང་ཐད་ལ་འགལ་གྱི་ཡོད།

རྗེས་ཕྱོགས་འདིའི་རིགས་ལ་ཧ་ཅང་གཟབ་དགོས་པ་དང་། ད་རེའི་གནས་ཚུལ་འདི་ལ་དགོངས་དག་ཞུ་དགོས་པ་རང་རེད། གནད་དོན་འདིས་ཤུགས་རྐྱེན་ངན་པ་ཞིག་མི་ཐེབས་པའི་ངེས་པ་གཏན་ནས་མེད།

བཅར་འདྲི་མཁན་ཚེ་རིང་འོད་ཟེར་ལགས། ཁྱེད་ཀྱི་མ་ཐོས་སམ། ང་ཚོའི་བཀའ་ཁྲིའི་བོད་མི་མང་གི་མདུན་སར་རང་གིས་ཁས་བླང་དམ་བཅས་པའི་རྩ་དོན་གསུམ་པོ་རྒྱུན་སྐྱོང་བྱེད་རྒྱུ་བརྗེད་ཟིན་ན་བཀྲ་བྷེ་གང་ནས་དྲན་ཐུབ།
བདག་གིས་ནི་བཀའ་ཁྲིའི་རང་སྲོག་བློས་གཏོང་མཁན་ཐམས་ཅད་མ་བརྗེད་པ་ལ་བཀའ་ཆེ་ཞུའོ། །

ཁྱོད་ལ་རྒྱུ་མཚན་དང་གནས་ལུགས་འདུག ཚང་མ་ལ་དྲན་བསྐུལ་རེ་བཏང་ནོ་ཐུགས་རྗེ་ཆེ། བོད་དོན་མ་བརྗེད། རང་ལུས་མེར་བསྲེགས་ཀྱི་དཔའ་བོ་དཔའ་མོ་ཚོ་མ་བརྗེད། ཨ་བོད་པ་ཚང་། ཨ་མྱེ་ཚང་།