ཟླ་འདིའི་ཕྱི་ཚེས་ ༢༢ ཉིན་བཀའ་ཁྲི་བློ་བཟང་སེང་གེ་མཆོག་དང་ནང་སྲིད་བཀའ་བློན་རྒྱ་རི་སྒྲོལ་མ་མཆོག ནང་སྲིད་དྲུང་འཕར་དོན་གྲུབ་རྡོ་རྗེ་ལགས་བཅས་ཨ་རུ་ནཱ་ཅལ་མེའོ་ཆོས་འཕེལ་གླིང་དུ་ཕེབས་ཏེ། ཁེ་ནཱ་ཌར་བོད་མི་ ༡༠༠༠ གཏོང་རྒྱུ་གཞུང་འབྲེལ་ཐོག་ལས་གཞི་མགོ་འཛུགས་བྱས་འདུག
བཀའ་ཁྲི་མཆོག་དང་ནང་སྲིད་བཀའ་བློན་རྣམ་གཉིས་ཆེད་ཕེབས་ཀྱིས་ཨ་རུ་ནཱ་ཅལ་ཁུལ་གྱི་མེའོ་དང་ཏི་ཛུ། བསྟན་འཛིན་སྒང་། ཊུ་ཊིིང་བཅས་བོད་མིའི་གཞིས་ཆགས་ཁག་གི་མགོ་འཛིན་མི་སྣ་ ༣༠ ཙམ་བསྐངས་ཏེ། ས་ཁུལ་དེ་ ༤ ནས་བོད་མི་ ༡༠༠༠ ཁེ་ནཱ་ཌར་གཏོང་རྒྱུའི་ལས་གཞི་མགོ་འཛུགས་བྱ་རྒྱུ་ཡིན་པའི་གསལ་བསྒྲགས་དང་། འབྱུང་འགྱུར་ལོ་ལྔའི་ནང་ལས་གཞི་དེ་ཡོངས་སུ་འགྲུབ་པར་བྱ་འཆར་ཡིན་ཚུལ་བཀའ་གནང་འདུག
བཀའ་ཁྲི་མཆོག་གིས་ལས་གཞི་དེའི་རྒྱབ་ལྗོངས་དང་ངོ་བོ། ལོ་ལྔའི་ནང་ལས་གཞི་ཇི་ལྟར་ལག་བསྟར་བྱ་ཕྱོགས། ཁེ་ནཱ་ཌར་གཏོང་རྒྱུའི་མི་སྣ་འདེམས་སྟངས་བཅས་ཀྱི་སྐོར་ལ་ངོ་སྤྲོད་དང་ལམ་སྟོན་གནང་ཡོད་པ་མ་ཟད། ལས་གཞིའི་རྐང་འགན་འཁུར་མཁན་དག་ངོ་སྤྲོད་དང་། ལས་གཞི་ཚགས་ཚུད་ཡོང་རྒྱུར་ས་གནས་མི་མང་གིས་མཐུན་འགྱུར་མཉམ་རིབ་བྱ་དགོས་པའི་འབོད་སྐུལ་ཡང་གནང་འདུག
ཁེ་ནཱ་ཌར་བོད་མི་ ༡༠༠༠ འཐེན་རྒྱུའི་ལས་གཞི་འདི་ ༢༠༠༧ ལོར་༧གོང་ས་མཆོག་གིས་ཁེ་ནཱ་ཌའི་སྲིད་བློན་སི་ཊེ་ཧྥན་ཧར་པར་མཆོག་ལ་འབོད་སྐུལ་གནང་བར་བརྟེན། རྗེས་སུ་ཁེ་ནཱ་ཌའི་གཞུང་གིས་བོད་མི་གཅིག་སྟོང་ལེན་རྒྱུར་ཁེ་ལེན་བྱུང་པ་ཞིག་ཡིན།
གསར་འགོད་པ། བནྟེ་སྐྱབས།
༸ གོང་ས་མཆོག་གི་ཐུགས་རྗེའི་བཀའ་དྲིན་ལས་ཁ་ན་ཌར་བོད་མི་ཆིག་སྟོང་ལེན་རྒྱུའི་ཐད་ལ་བོད་མིའི་སྒྲིགའཛུགས་ཀྱིས་ངོས་ནས་འགན་འཁུར་ཡག་པོ་ཞིག་ལེན་དགོས་པ་དེ་ཧ་ཅང་གི་ལག་ཆེ་ཞིག་ཡིན།
གང་ཡིན་ཟེར་ན་ཨ་རུ་ན་ཅལ་ཁུལ་གྱི་བོད་མི་སྐྱབས་བཅོལ་ཉམ་ཐག་ཁོ་ན་མ་གཏོགས་དེ་མིན་མོན་རིགས་རྒྱ་གར་བའི་ཁོངས་གཏོགས་རིགས་གཅིག་ཀྱང་འཛུགས་བཞུགས་བྱ་མི་ཉན།
དེ་ནི་ས་གནས་ས་ཐོག་གི་ལས་བྱེད་ཚོས་ངེས་པར་དུའང་འགན་འཁུར་རྐང་ལེན་དང་ལས་དོན་ཚགས་ཚུད་ཡག་པོ་ཞིག་ལེན་ཐུབ་པ་ཅིས་ཀྱང་བྱེད་དགོས།
གང་ཡིན་ཟེར་ན་སྔོན་མ་བལ་ཡུལ་ནས་ས་གནས་ལས་བྱེད་ཚོས་ཤར་པའི་མི་རིགས་མང་པོར་བོད་མའི་རང་དབང་གི་ལག་དེབ་སྤྲད་པའི་མི་ ༧༠༠ བདུན་བརྒྱ་ཙམ་ད་ལྟ་ཁ་ན་ཌར་གནས་སྡོད་བྱེད་བཞིན་ཡོད།
ད་ལྟ་ཤར་པའི་མི་རིགས་དེ་དག་བོད་མིའི་མིང་ཐོག་ནས་ཁ་ན་ཌརར་སྐྱབས་བཅོལ་ཞུས་ཟིན་རྗེས་བོད་མིའི་རང་དབང་གི་དངམབླངས་ཁྲལ་ཡང་རྒྱག་གི་མེད། དེས་བོད་མི་ ༧༠༠ སྐྱབས་བཅོལ་གྱི་ས་མིག་འགག་ཡོད་པ་རེད།
ད་དུང་ཐེངས་འདིའི་ལས་གཞིའི་ཐད་ནོར་འཛོལ་སྤྭ་ཙམ་མི་ཡོང་བ་ཞིག་ངེས་དུ་བྱེད་ཐུབ་པ་དགོས།