གཟའ་ཕུར་བའི་ཉིན་བཀའ་ཁྲི་བློ་བཟང་སེང་གེ་མཆོག་གིས་ཉེ་ཆར་གྱི་བོད་ནང་གི་ཛ་དྲག་གནས་སྟངས་ལ་དམིགས་ཏེ། བཙན་བྱོལ་བོད་མིའི་སྒྲིག་འཛུགས་ཀྱི་དྲ་བརྙན་བརྒྱུད་རྒྱལ་སྤྱིའི་ཐོག་འབོད་སྐུལ་གསལ་བསྒྲགས་ཤིག་གནང་འདུག
ཁ་སང་ཕྱི་ཚེས་ ༢༦ ཉིན་བཀའ་བློན་ཁྲི་པ་བློ་བཟང་སེང་གེ་མཆོག་གིས། ཉེ་ཆར་བོད་ནང་གི་ཞི་བའི་ངོ་རྒོལ་ཐོག་རྒྱ་དམག་གིས་དམར་གསོད་དྲག་གནོན་བྱེད་བཞིན་པའི་ཛ་དྲག་གནས་སྟངས་ཐད། རྒྱལ་སྤྱིའི་སྤྱི་ཚོགས་དང་བོད་དོན་རྒྱབ་སྐྱོར་ཚོགས་པ། རྒྱལ་སྤྱིའི་གསར་འགོད་པ་དང་འགྲོ་བ་མིའི་ཐོབ་ཐང་ཚོགས་པ་ཁག་བཅས་ཀྱིས་རྒྱབ་སྐྱོར་ཡོང་བའི་རེ་སྐུལ་དང་། རྒྱ་གཞུང་གི་ངོས་ནས་དྲག་གནོན་སྲིད་ཇུས་མཚམས་འཇོག་བྱས་ཏེ་བོད་མིའི་དགོས་འདུན་ལ་ཉན་འཇོག་བྱེད་དགོས་པའི་འབོད་སྐུལ་གནང་ཡོད་པ་མ་ཟད། ཕྱི་ཟླ་ ༢ ཚེས་ ༨ ཉིན་འཛམ་གླིང་ཡུལ་ཕྱོགས་སོ་སོར་གནས་པའི་བོད་རིགས་ཡོངས་དང་བོད་དོན་རྒྱབ་སྐྱོར་བ་ཚང་མས་བོད་ནང་བོད་མི་ཚོར་གདུང་སེམས་མཉམ་སྐྱེད་མཚོན་ཆེད། དུས་གཅིག་ཏུ་ཞི་བའི་ལས་འགུལ་སྤེལ་རྒྱུ་དང་། དེ་བཞིན། བོད་མི་རྣམས་ཀྱིས་ལོ་གསར་སྐབས་ཆོས་ཀྱི་བྱེད་སྒོ་མ་གཏོགས་རྒྱས་སྤྲོས་དང་ཐུགས་སྤྲོ་མི་གཏོང་རྒྱུའི་འབོད་སྐུལ་ཡང་གནང་འདུག
བཀའ་ཁྲི་མཆོག་གི་འབོད་སྐུལ་གསལ་བསྒྲགས་ནང་། ཚང་མས་མཁྱེན་གསལ་ལྟར། ཕྱི་ཟླ་ ༡ ཚེས་ ༢༣དང་ ༢༤ ཉིན་ནི་རྒྱ་མི་རིགས་ཀྱི་ལོ་སར་ལ་ཁེལ་ཡོད་སྟབས། ལོ་སར་དགའ་སྟོན་གྱི་ཐུགས་སྤྲོ་བཏང་བསྡད་པའི་སྐབས་འདིར། བོད་ཀྱི་ས་ཁུལ་བྲག་མགོ་དང་རྔ་པ།རྒྱལ་རོང་། གསེར་རྟ་སོགས་ནས་བོད་མི་བརྒྱ་ཕྲག་མང་པོས་ཞི་བའི་སྒོ་ནས།སོ་སོའི་འགྲོ་བ་མིའི་གཞི་རིམ་ཐོབ་ཐང་ཁག་རྩོད་ལེན་གྱི་ལས་འགུལ་སྤེལ་ཡོད་པ་རེད། གོ་ཐོས་བྱུང་པ་ལྟར་ན། སྐབས་དེར་རྒྱ་གཞུང་དམག་མིས་བོད་རིགས་མང་ཚོགས་ཁྲོད་མེ་མདའ་བརྒྱབ་སྟེ་ད་ལྟའི་ཆར་མི་ ༦ འདས་གྲོངས་དང་། མི་ ༦༠ ཙམ་ལ་རྨས་སྐྱོན་བཟོས་ཡོད་པ་དང་། དེ་དག་ཁྲོད་རྨས་སྐྱོན་ཚབས་ཆེན་ཕོག་ཡོད་མཁན་ཡང་བྱུང་ཡོད་འདུག དངོས་གནས་སྙིང་རྗེ་མེད་པའི་དྲག་སྤྱོད་ཀྱི་སྲིད་ཇུས་འདི་འདྲ་སྤེལ་བ་མ་ཟད། འཆར་གཞི་ལྡན་པའི་སྒོ་ནས་བོད་མིའི་ཐོག་དྲག་གནོན་སྲིད་ཇུས་ལག་བསྟར་བྱས་དང་བྱེད་བཞིན་ཡོད། དེ་བཞིན། ༢༠༠༨ ལོར་བོད་ནང་ཞི་བའི་སྒེར་ལངས་བྱུང་པ་ནས་བཟུང་། བོད་མིའི་སེམས་ནང་རྒྱ་གཞུང་ལ་འཁོན་འཛིན་དང་མ་དགའ་བ་ཤུགས་ཆེན་པོ་ཆགས་ཡོད། དེ་ལ་བརྟེན་ནས་བོད་མི་ཚོས་ཞི་བའི་ངོ་རྒོལ་བྱེད་བཞིན་ཡོད་པ་རེད།
སྤྱིར་བོད་བཙན་བཟུང་བྱས་པ་ནས་བཟུང་། རྒྱ་གཞུང་གིས་བོད་ནང་ལ་སྤྱི་ཚོགས་རང་ལུགས་ཀྱི་ལྷ་ཡུལ་བསྐྲུན་རྒྱུ་ཡིན་ཞེས་བཤད་བཞིན་ཡོད་པ་རེད། ཡིན་ནའང་། དངོས་ཡོད་གནས་ཚུལ་ག་འདྲ་ཆགས་ཡོད་པ་རེད་ཟེར་ན། ཆབ་སྲིད་ཐོག་དམ་དྲག་དང་། བོད་མིའི་རིག་གཞུང་རྩ་མེད། ཁོར་ཡུག་གཏོར་བཤིག ༸གོང་ས་མཆོག་གི་སྐུ་པར་ཀྱང་ཉར་ཆོག་གི་མེད་ལ། དཔལ་འབྱོར་ཐོག་ནས་ཀྱང་དབྱེ་འབྱེད་བྱེད་ཀྱིན་ཡོད་པ་རེད། རྒྱུ་མཚན་དེ་དག་ལ་བརྟེན་ནས། ད་ལྟའི་ཆར་ཡང་བོད་སྤྱི་ཡོངས་ལ་དམ་དྲག་ཤུགས་ཆེན་པོ་བྱེད་བཞིན་པ་མ་ཟད། ད་ལྟའི་ཆར་ཕྱི་རྒྱལ་མི་རིགས་ཁག་ཀྱང་བོད་ནང་འགྲོ་ཆོག་གི་མེད་པ་རེད། དངོས་ཡོད་གནས་ཚུལ་ལ་རྒྱ་གཞུང་གིས་ཡོངས་བསྒྲགས་མ་བྱས་པའི་ཐོག་དྲག་པོའི་ཁྲིམས་གཞི་ལག་ལེན་སྟར་བྱེད་བཞིན་པ་གསལ་པོ་ཞེ་དྲག་རེད། དེ་དག་ནི་དངོས་གནས་བློ་ཕམ་དགོས་པའི་གནས་ཚུལ་རེད།
རྒྱ་ནག་གཞུང་གི་མགོ་ཁྲིད་ཚོས།ཞི་བའི་སྒོ་ནས་སྒེར་ལངས་བྱེད་མཁན་རྣམས་ཀྱི་འབོད་སྒྲ་དང་། དེ་བཞིན་རང་ལུས་མེར་བསྲེགས་གཏོང་མཁན་རྣམས་ཀྱིས་ག་རེ་གསུངས་བཞིན་པ་དེ་དག་ཐུགས་ལ་འཇོག་རྒྱུ་གལ་ཆེན་པོ་རེད་བསམ་གྱི་འདུག གང་ཡིན་ཟེར་ན། དྲག་གནོན་དང་བསད་རྡུང་གི་ལམ་ནས་བོད་ཀྱི་གནད་དོན་དེ་སེལ་ཐུབ་རྒྱུ་རེད་དམ་མ་རེད་ཟེར་ན། དེ་རྩ་བ་ཉིད་ནས་སེལ་ཐུབ་ཀྱི་མ་རེད། བོད་མིའི་དངོས་ཡོད་དཀའ་ངལ་ག་རེ་ཡིན་མིན་དང་། དེ་སེལ་བ་ལ་བོད་མི་ཚོར་ཆེ་མཐོང་དང་ཐོབ་ཐང་སྤྲོད་རྒྱུ། ཞི་བའི་ཐོག་ནས་སྲིད་ཇུས་ལག་ལེན་བསྟར་རྒྱུ་གལ་ཆེན་པོ་རེད། དེ་ལྟར་བྱས་ན་བོད་ནང་ལ་བདེ་འཇགས་ཡོང་གི་རེད། དེ་མ་གཏོགས་དྲག་གནོན་ཁོ་ནའི་ཐོག་སྲིད་ཇུས་སྤེལ་བསྡད་པ་ཡིན་ན། ནམ་ཡང་བོད་པའི་དཀའ་ངལ་སེལ་ཐབས་མེད། ང་ཚོའི་ངོས་ནས་ཀྱང་གྲོས་མོལ་བྱ་རྒྱུར་ཆོད་སེམས་བརྟན་པོ་ཡོད། ཡིན་ནའང་། བོད་མིའི་སྒང་ལ་འདི་ལྟ་བུའི་དྲག་གནོན་སྲིད་ཇུས་སྤེལ་ཏེ། བོད་མི་མང་གི་ཚེ་སྲོག་ལ་གནོད་འཚེ་གཏོང་བཞིན་པ་འདིར་ནམ་ཡང་མོས་མཐུན་མེད་ལ། དེར་ང་ཚོས་ངོ་རྒོལ་མཐའ་གཅིག་ཏུ་བྱ་རྒྱུ་ཡིན། དེ་བཞིན། རྒྱ་ནག་ནང་ཡོད་པའི་རྒྱ་རིགས་ཚོ་དང་རྒྱལ་སྤྱིིའི་མི་མང་རྣམས་ཡིན་ནའང་འདྲ། དེའི་ཐད་ཚང་མས་ངོ་རྒོལ་ཡོད་ཅེས་བཤད་རྒྱུ་གལ་ཆེན་པོ་རེད།
རྒྱལ་སྤྱིའི་སྤྱི་ཚོགས་ལ་བོད་མི་ཚོར་རྒྱབ་སྐྱོར་གནང་དགོས་པའི་འབོད་སྐུལ་ཞུ་རྒྱུ་ཡིན་ལ། ད་ལྟ་དངོས་ཡོད་གནས་ཚུལ་ཐོག་རྒྱ་གཞུང་གིས་བོད་མི་ཚོའི་འགྲོ་བ་མིའི་ཐོབ་ཐང་སྲུང་སྐྱོབ་བྱེད་ཀྱི་མེད་པ་དེའི་ཐད། བོད་མིར་འགྲོ་བ་མིའི་ཐོབ་ཐང་སྤྲོད་དགོས་པ་རེད་ཅེས་རྒྱབ་སྐྱོར་གནང་རྒྱུའི་དུས་ལ་བབ་ཡོད། དེ་བཞིན། རྒྱལ་སྤྱི་དང་མཉམ་འབྲེལ་རྒྱལ་ཚོགས་ཀྱི་ངོས་ནས་ཀྱང་བོད་ནང་གི་དངོས་ཡོད་གནས་ཚུལ་ག་རེ་ཡིན་མིན་རྟོག་ཞིབ་ཆེད་ཞིབ་འཇུག་མི་སྣ་གཏོང་རྒྱུ་དང་། རྒྱལ་སྤྱིའི་གསར་འགོད་པ་ཚོ་བོད་ནང་ཕེབས་ཏེ་ཞིབ་འཇུག་གནང་རྒྱུ་གལ་ཆེན་པོ་རེད་ལ། པེ་ཅིན་གྱི་མགོ་ཁྲིད་ཚོར་ཞུ་དགོས་པ་ག་རེ་འདུག་ཟེར་ན། ཁྱོད་རང་ཚོས་ཕྱོགས་གཅིག་ནས་བོད་མི་ཁྱིམ་ཚང་གཅིག་ཡིན་ཞེས་བརྗོད་བཞིན་ཡོད་ལ། ཕྱོགས་གཞན་ཞིག་ནས་དྲག་གནོན་སྲིད་ཇུས་དེ་ལྟ་བུ་བསྟར་བྱས་པ་དེ་ནི། རྒྱལ་སྤྱི་དང་རྒྱ་ནག་རང་ཉིད་ཀྱི་རྩ་ཁྲིམས་ལའང་འགལ་ཡོད་པ་རེད། བྱེད་སྟངས་དེར་རྒྱལ་སྤྱིའི་ཐོག་ངོ་རྒོལ་ཡོད་ལ། དེ་བཞིན། སྔར་ལས་ལྷག་པར་རྒྱ་ནག་རང་གི་ཆེ་མཐོང་དང་བཟང་སྤྱོད་ཀྱང་ཇེ་ཞན་དུ་འགྲོ་བཞིན་པ་དེ་གསལ་བོ་བཟོ་རྒྱུ་གལ་ཆེན་པོ་རེད།
བོད་ནང་གི་བོད་རིགས་སྤུན་ཟླ་ཚོར་ཞུ་རྒྱུར། ཁྱེད་རྣམ་པའི་འབོད་སྒྲ་དེ་ང་ཚོས་གསལ་བོ་རྟོགས་ཐུབ་ཀྱིན་འདུག ཁྱེད་ཚོས་བློས་གཏོང་མཛད་པ་དེ་དག་ང་ཚོས་ནམ་ཡང་བརྗེད་ཐབས་མེད། ཁྱེད་ཚོའི་བདེ་དོན་བསྒྲུབ་རྒྱུ་དེ་དུས་ནམ་ཡང་ང་ཚོའི་སེམས་ཁོངས་ན་ཡོད་ཅེས་ཞུ་རྒྱུ་ཡིན་ལ། དེ་དང་མཉམ་དུ། ཁྱེད་རྣམ་པས་འུ་ཐུག་ཐབས་ཟད་ཀྱི་ཉེན་འཚབ་ཡོད་པའི་ལས་འགུལ་རིགས་གང་ཐུབ་མི་སྤེལ་རྒྱུར་འབོད་སྐུལ་ཞུ་རྒྱུ་ཡིན།
ཕྱི་ཟླ་ ༢ ཚེས་ ༢༢ ཉིན་ནས་བོད་ཀྱི་ལོ་གསར་མགོ་ཚུགས་བཞིན་ཡོད་ལ། སྐབས་དེར་བོད་མི་ཚོས་ཆོས་ཕྱོགས་དང་སྲོལ་རྒྱུན་བྱེད་སྒོ་ཙམ་མ་གཏོགས། དེ་ལས་གཞན་པའི་རྒྱས་སྤྲོས་དང་ཐུགས་སྤྲོ་སོགས་མི་གཏོང་བའི་འབོད་སྐུལ་ཞུ་རྒྱུ་ཡིན། གཙོ་ཆེ་ཤོས་ང་ཚོས་གཞིས་བཞུགས་བོད་མི་ཚོར་གདུང་སེམས་མཉམ་སྐྱེད་ཡོད་པའི་རྣམ་འགྱུར་གསལ་པོ་སྟོན་ཆེད། ཕྱི་ཟླ་ ༢ ཚེས་ ༨ སྟེ་གཟའ་ལྷག་པའི་ཉིན། བོད་མི་ཡོངས་དང་བོད་དོན་རྒྱབ་སྐྱོར་ཚོགས་པ་ཚང་མས་འཛམ་གླིང་ས་ཕྱོགས་གང་སར་གདུང་སེམས་མཉམ་སྐྱེད་ཀྱི་ལས་འགུལ་སྤེལ་རོགས་གནོངས། གང་ཡིན་ཟེར་ན། ཞི་བའི་སྒོ་ནས་ལས་འགུལ་སྤེལ་མཁན་བོད་མི་ཚོར་དྲག་གནོན་གྱིས་བསད་རྡུང་བྱེད་བཞིན་པ་དེར་ངོས་ལེན་རྩ་བ་ནས་མེད་པ་དང་། ང་ཚོའི་ངོས་ནས་དེར་ངོ་རྒོལ་ཡོད་པའི་རྣམ་འགྱུར་སྟོན་རྒྱུ་གལ་ཆེན་པོ་རེད། ཡིན་ནའང་། གདུང་སེམས་མཉམ་སྐྱེད་ཀྱི་ལས་འགུལ་སྤེལ་སྐབས་ཚང་མས་ཐུགས་ལ་འཇོག་དགོས་པ་ཞིག་ལ། ངེས་པར་དུ་ཞི་བའི་སྒོ་ནས་ལས་འགུལ་སྤེལ་རྒྱུ་དང་། ལས་འགུལ་དེའང་ཡུལ་ཁྲིམས་དང་མ་འགལ་བ་དང་། ཆེ་མཐོང་ལྡན་པའི་སྒོ་ནས་གནང་རོགས། དེ་བཞིན་ལས་འགུལ་ཁྲོད་ཚང་མ་མཉམ་ཞུགས་གནང་རོགས་ཞེས་འབོད་སྐུལ་ཞུ་རྒྱུ་ཡིན། ཐུགས་རྗེ་ཆེ། ཅེས་གསུངས་འདུག
གསར་འགོད་པ། ཚེ་རིང་རྒྱལ།
དྲ་གྲོགས་རྣམས་པས་སོ་སོས་བསམ་ཚུལ་དང་ཐབས་ལམ་དྲ་ཚིག་ཐོག་སྤེལ་བ་རྗེས་སུ་ཡི་རང་ཞུ་་་་་་་བོད་ཀྱི་འཐབ་རྩོད་འདི་བཀའ་ཁྲི་ཅིག་པུར་མགན་ཡོད་པ་དང་བསྒྲུབ་དགོས་པ་སྒྲུབ་ཐབ་ཡ་དེ་འདྲ་མ་རེད་་་ད་ལྟ་བོད་ནང་ཁོང་དང་ཤཻས་ཡོད་འདྲ་མཉམ་ཅན་དང་ཉམས་མྱོང་ཅན་མང་པོ་ཡོད་པ་དེ་ཚོས་གཙོ་བོ་རམས་འདེབས་ཀྱིས་ལས་ཀ་བྱེད་པའི་རེ་བའི་ཞུ་གུ་་ཡོད་་་་་ད་ལྟ་ང་ཚོ་གནས་སྟངས་འདི་འདྲའི་སྐབས་ཕན་ཚུན་ཡིད་ཆེས་དང་མཉམ་ལས་བྱེད་རྒྱུ་གལ་ཆེན་མཐོང་་་མི་ཚོ་མས་དམིགས་ཡུལ་ཅིག་བཟུང་ཐོག་ནས་བྱ་བ་སྒྲུབ་པ་ལས་ལྟད་མོ་ལྟས་པས་ཁེ་ཕན་མི་རྙེད་་་དེ་ཙམ་ཤེས་ཡོན་དང་ཉམས་མྱོང་ཡོད་པ་དེ་ཚོས་གཙོ་བོ་ཕྱག་ལས་མགན་བཞེས་རོགས་་་་་་ཀུ་ཆེ
བཀའ་ཁྲི་མཆོག་གིས་བློ་སྤོབས་དང་གདེང་ཚོད་ཆེན་པོའི་སྒོ་ནས་ལས་འགུལ་སྤེལ་ཕྱོགས་སྐོར་གསུང་འཕྲིན་བསྩལ་གནང་མཛད་པར་ཐུགས་རྗེ་ཆེ་ཞུ་རྒྱུ་དང། ཁ་སྔོན་ཕྱི་ཚེས་༢༤་ནས་བཟུང་བོད་མདོ་ཁམས་ཀྱི་ས་ཕྱོགས་གང་སར་ཁ་པར་འགྲོ་གི་མི་འདུག་ཟེར་ཞིང། དེ་རིང་ལྷ་སར་ཡང་བཀག་འདུག། དེ་འདྲ་ཡིན་དུས་བོད་ནང་རྒྱ་ནག་དམར་གཞུང་གིས་འདོད་འདོད་དུ་གཉའ་གནོན་བཙོན་འཇུག་དང་། གསོད་གདུང་འཕྲོག་བཅོམ་སོགས་བྱེད་ཀྱི་ཡོད་ས་རེད། དེར་རྟེན་བཀའ་ཁྲི་མཆོག་གིས་གསུང་པ་ལྟར། ལས་འགུལ་གྱི་ཁ་ཕྱོགས་རྒྱལ་སྤྱི་ལ་གཏད་ནས་ཁྱབ་བསྒྲགས་དང་རོགས་རམ་ཞུ་རྒྱ་གལ་ཆེར་མཐོང་།
རྒྱ་དམར་གཞུང་ལ་ཞུ་བ་བྱས་ནས་ཡོང་རྒྱུ་མེད་པ་དེ། རྒྱ་དམར་གཞུང་གི་ད་ལྟའི་དངོས་ཡོད་གནས་ཚུལ་དང་དཔོན་རིགས་ཚོས་རུལ་སུངས་ནག་ཉེས་ཀྱིས་གསལ་རྗེན་ལ་བསྟན་ཡོད་པ་རེད། དབང་སྒྱུར་བ་དང་རུལ་སུངས་བ་དག་ལ་གནོན་ཤུགས་སྤྲད་དེ་མི་བྱེད་ག་མེད་ཀྱི་གནས་སུ་སླེབས་ན་མ་གཏོགས་རང་རྟོགས་ཀྱི་སྒོ་ནས་སྲིད་ཇུས་ལ་འགྱུར་བ་ནམ་ཡང་གཏོང་སྲིད་ཀྱི་རེད། ཞུ་བ་དང་གནས་ལུགས་བགྲང་སྟེ་འདུག་པ་ནི། དམར་གཞུང་གིས་དུས་བབ་ངང་སྒུག་གིས་བོད་རྩ་མེད་བཟོ་བའི་སྲིད་ཇུས་དེའི་འཁོར་རྒྱུགས་ཁྲོད་བསྡད་ཏེ། མཐར་རང་ཤི་རྒྱག་པའི་ལམ་དུ་ཕྱོགས་ལས་གཞན་མེད། ངས་བལྟས་ནས་བཀའ་ཁྲིས་བཤད་སྟངས་འགྲིག་འདུག དྲག་སྤྱོད་དབང་སྒྱུར་བ་ཡིན་པ་ལ་རེད་ཅེས་མཛུབ་མོ་བཙུགས་ཏེ་བཤད་དགོས་པ་རེད། དབང་སྒྱུར་བ་ཞིག་ཡིན་ཕྱིན་གནས་ལུགས་ལ་ཉན་གི་མ་རེད། སོ་སོའི་ཁེ་ཕན་ལ་ལྟ་གི་རེད། རྒྱ་དམར་གཞུང་གི་ཁེ་ཕན་ཡོད་ཚད་ལ་ཁ་གཏད་གཅོག་རྒྱུ་དེ་ནི། ད་གཟོད་རྒྱ་བོད་གནད་དོན་སེལ་ཐབས་ཀྱི་ཚོང་རྫས་གཅིག་པུ་རེད། དབང་སྒྱུར་བའི་ཁ་གཏད་ནས་སོ་སོས་སོ་སོར་ལྷ་ཡུལ་བསྐྲུན་ཏེ་དག་ཞིང་སྒོམ་ནས་ཡོང་རྒྱུ་གཅིག་ཀྱང་ཡོད་པ་མ་རེད། ཕ་རོལ་དབང་སྒྱུར་བའི་ངོས་ནས་ལྷ་ཡུལ་དང་དག་ཞིང་བསྐྲུན་སའི་གཞི་སེན་མོ་ཙམ་ཡང་ཡོད་པ་མ་རེད། དེ་ནི་ང་ཚོས་རང་ཉིད་ལ་གནས་སྐབས་ཀྱི་སེམས་གསོ་ཙམ་གཏོགས་གནད་དོན་ཐག་གཅོད་ཐད་ཕན་མི་སྲིད།
འཇིགས་མེད་སེང་གེས་ཡི་གེ་ཡག་པོ་ཀློག་ཤེས་ཀྱི་མེད་པ་འདྲ་་་བླུན་པོ་སྨྲ་བ་་ཉུང་ན་མཛེས།།།།།།།།།།།།།།།་
སྲིད་བློན་ལགས་་་ཁ་སྔོན་དབྱིན་ལན་གསར་འགོད་པས་་་གསུང་དེ་ག་རང་རེད་་་་
རྒྱ་ནག་ལ་སྐྱོན་བརྗོད་དང་སྡིགས་མོ་བྱས་པས་ཕན་ཐོག་དེ་ཙམ་མེད་་་་གཙོ་བོ་ཞུ་བའི་ཚུལ་གྱིས་གྲོས་མོ་བྱེད་རོགས་ཟེར་རེ་བ་དང་འབོད་བསྐུལ་ཞུ་དགོས་་་་ང་ཚོ་རྒྱ་ནག་གིས་དབང་བསྒྱུར་འོག་ཡོད་པས་འཇིགས་བསྐུལ་གྱི་སྡིགས་མོས་གང་ཡང་ཕན་གྱི་མེད་་་་ངེས་པར་གྲོས་མོལ་གྱི་ཐབས་ལམ་བརྩལ་ནས་་་ཁྱེད་རང་རྒྱ་ནག་གི་དབུ་ཁྲིད་དང་འཇལ་ཐུབ་པ་བྱུང་ན་རེ་བ་ཡོད་རེད་གཞན་གང་ཡང་ཕན་ཐོགས་མེད་་་རྒྱ་ནག་གི་དབུ་ཁྲིད་ཚོས་གྲོས་མོས་བསམ་བློ་ཡོད་ཀྱང་ང་ཚོས་སྐྱོན་བརྗོད་དང་སྡིགས་མོ་འདྲ་བྱས་ཁ་ཐག་རིང་པོ་བྱས་ན་ཁོ་ཚོ་ཡང་དེ་ཙམ་གྱིས་ཐག་རིང་འགྲོ་གི་རེད་་་དེ་ན་ངེས་པར་ཕན་ཚུན་གྲོགས་པོ་ཡོངས་ཐབས་ཀྱི་ཐབས་ལམ་དང་དམིགས་་ཡུལ་ཐོག་ནས་དཀལ་ངལ་སེལ་ཐབས་འགྱོགས་པར་བྱེད་རོགས་་་་རེ་བ་གཙོ་བོ་ཁྱེད་རང་རྒྱ་ནག་གི་དབུ་ཁྲིད་དང་འཇལ་ནས་གྲོས་མོལ་བྱེད་རྒྱུ་དེ་ཡིན་་་
རེ་བ་རི་ལྟར་མཐོ་བའི་བཀའ་ཁྲི་ཡི ། །
བློ་གྲོས་མཁའ་ལྟར་ཡངས་པའི་ཐུགས་ཀློང་ནས ། །
དུས་བབ་ཆར་ལྟར་འཇོ་བའི་གསུང་བཟང་བཅུད ། །
གཞིས་བྱེས་སྤུན་ལྟར་བརྩེ་བའི་གསོས་སུ་རོལ ། །
ལོ་འདིར་བོད་ནང་ནས་རྒྱལ་གཅེས་པ་ཚོས་མི་རིགས་ཀྱི་ཆེད་དུ་ཚེ་སྲོག་མཆོད་རྫས་སུ་གཤམ་སོང་་་་དེ་ནི་དེ་སྔོན་ལོ་རྒྱུས་ཐོགས་ལ་བྱུང་མྱོང་མེད་པའི་གནས་སྟངས་ཤིག་ཆགས་ཡོད་་་་་་ལོ་འདིར་བྲང་ཁོགའ་ལ་སྙིང་ཡོད་ན་ལོ་གསར་གྱི་དགའ་སྟོན་གཏན་ནས་བྱ་མི་རིགས་་་་དེ་ལྟར་བྱ་ན་མི་རིགས་ཀྱི་རྐང་འདྲེན་ཆགས་སོང་བ་རེད་་་་་སྐུ་མཁྱེན་ལོ་འདིར་བཀའ་ཤག་གིས་གསུངས་པའི་བཀའ་ལ་བརྩི་ནས་བོད་མི་སུས་ཀྱང་ལོ་གསར་མ་གཏོངས་རོགས་་་་་་
བརྙན་འཕྲིན་ལ་ལྟ་དུས་བཀའ་ཁྲི་མཆོག་གི་གདོང་ཉམས་ཤོར་འདུག སྐད་གསེང་ཀྱང་མཐོན་པོ་མི་འདུག ཞེ་ས་མ་ཞུས་ན་ངོ་ཤོར་ནས་སྐད་ཆ་ཞིག་བཤད་འདུག
འབོད་སྐུལ་ནང་དུ་བོད་ནང་ནས་མུ་མཐུད་མེར་བསྲེགས་གཏོང་དགོས་པ་འདྲ་ཞིག་བཤད་འདུག ཚེ་སྲོག་ལ་བདག་པོ་རྒྱབ་པའི་ལས་འགུལ་རིགས་སྤེལ་དགོས་ཚུལ་ཁྱོན་ནས་གསུངས་མི་འདུག ཁ་སྔོན་༧གོང་ས་མཆོག་གི་དགོངས་གཞི་དང་མཐུན་པར་བཀའ་ཤག་གིས་ལས་ཀ་བྱེད་ཀྱི་ཡོད་གསུངས་བ་ལྟར། ད་ནི་གསལ་ཁ་བྱས་ན་ཡག་གི་རེད། ༧གོང་ས་མཆོག་གིས་ལས་འགུལ་འདི་རིགས་ལ་འཛིན་པའི་ལྟ་ཚུལ་ཐད་རྒྱབ་སྐྱོར་ཡོད་ན། ཚེ་སྲོག་ལ་གཅེས་སྤྲས་བྱས་པ་བརྒྱུད་ནས་ད་ལྟའི་རྒྱ་ནག་གི་རྩ་ཁྲིམས་དང་། བཅའ་སྒྲིག་ཁག་གི་འབྲུ་དོན་བཞིན་ཁྲིམས་ཐོག་ནས་རྩོད་པ་རྒྱག་དགོས་པར་འབོད་སྐུལ་བྱས་ན་འོས་པར་མཐོང་ལ། ཡང་སྒོས་ལྷག་པར་ཅན་དུ་རང་སྲིད་རང་སྐྱོང་གི་༼ བསམ་འཆར་༽གྱི་ནང་དོན་བཞིན་བོད་གཞིས་བྱེས་གཉིས་ནས་འཐབ་རྩོད་བྱ་ཐུབ་ན་ཡོངས་སུ་འོས་འཚམས་སུ་མཐོང་། འཐབ་རྩོད་དེ་འདྲའི་ལམ་དུ་ཕྱིན་པ་ཡིན་ན། རྒྱལ་སྤྱི་དང་རྒྱ་ནག་གང་གི་ཕྱོགས་ནས་ཀྱང་མ་མཐོང་མདོག་མདོག ཡང་ན་གཡོ་འགེབས་དྲག་གནོན་བྱེད་རྐྱང་བྱ་རྒྱུར་ངོ་ཚ་དང་བྱེད་མ་བདེ་ཞིག་ཡོང་ངེས་པ་རེད། དེ་བས་བཀའ་ཁྲི་མཆོག་གིས་གསལ་ཁ་བྱས་ན་འཕྲལ་བདེ་ཕུགས་བདེ་རེད་འདོད། དེ་མིན། ལས་འགུལ་འདིའི་ཐད་བཀའ་ཤག་ལ་འགན་ཁུར་ཡོད་པ་རེད།
ཕྱི་ནང་བོད་མི་ཀུན་གྱི་རེ་ལྟོས་དང་ཡིད་ཆེས་བྱེད་སའི་བཀའ་ཁྲི། ང་ཚོའི་ཆེད་དུ་རང་སྲོག་བཏང་ཚར་བའི་འདས་པོ་ཚོས་རྣམ་ཤེས་འཁོར་སའི་བཀའ་ཁྲི། ཆབ་སྲིད་དང་ཁྲིམས་ལུགས་ལ་འབུར་དུ་ཐོན་པའི་བཀའ་ཁྲི། སྡེར་མོ་ཡོད་ན་སྤུ་གསེང་ནས་འདོན་རན་འདུག
བཀའ་ཁྲིའི་ནུས་པ་ཅི་ཡོད་འདོན་རན་འདུག་་་་་
ད་ཡིན་ན་རྫིག་ཉམས་དང་མཁས་ཉམས་བསྟན་ནས་འདུག་རྒྱུའི་དུས་ཤིག་མིན་པར་ཐབས་བརྒྱ་ཇུས་སྟོང་ཅི་ཡོད་བྱེད་དགོས་པར་ཐུག་འདུག་