དེ་རིང་ཕྱི་ཚེས་ ༢༧ ཉིན་མཉམ་མཉམ་འབྲེལ་རྒྱལ་ཚོགས་ཀྱིས་ལྷན་ཚོགས་འཐུས་མིའི་ཚོགས་འདུ་ཞིག་བསྐངས་ཏེ། རྒྱལ་ཚོགས་བདེ་འཇགས་ལྷན་ཁང་ལ་སི་རེ་ཡའི་སྲིད་འཛིན་བྷ་ཤར་སྲིད་སྟེགས་ལས་འབབ་རྒྱུར་གནོན་ཤུགས་སྤྲོད་དགོས་པའི་གྲོས་གཞི་བཏོན་ཡོད་འདུག
ཐེངས་འདིའི་རྒྱལ་ཚོགས་ལྷན་ཁང་ཁག་གི་ཚོགས་འདུ་དེ་ནི་ཨ་རབ་མཐུན་ཚོགས་ཀྱིས་ཉེ་ཆར་སི་རེ་ཡའི་ནང་རྟོག་ཞིབ་ཚོགས་ཆུང་བཏང་པའི་སྙན་ཐོ་ལ་རྒྱབ་ལངས་ཐོག སི་རེ་ཡའི་སྲིད་འཛིན་བྷག་ཤར་དང་ཁོང་གི་དྲག་ཆས་དམག་གིས་ཞི་རྒོལ་བའི་སྟེང་མུ་མཐུད་དྲག་གནོན་བྱེད་ཀྱི་ཡོད་སྟབས། བྷག་ཤར་སྲིད་སྟེགས་ལས་བབས་ཏེ་གཞུང་གི་དབང་ཆ་མི་མང་ལ་རྩིས་སྤྲོད་བྱ་དགོས་རྒྱུ་དེ་ཡིན་འདུག་ལ། ཨ་རབ་མཐུན་ཚོགས་ཀྱི་ཚོགས་གཙོ་ནཱ་བྷེལ་ (Nabil al-Arabi) དང་ཁཱ་ཊར་རྒྱལ་ཁབ་ཀྱི་སྲིད་བློན་གཉིས་ཆེད་དུ་ནེའུ་ཡོག་ཏུ་བསྐྱོད་དེ། ཕྱི་ཚེས་ ༢༨ ཉིན་རྒྱལ་ཚོགས་བདེ་འཇགས་ལ་ཨ་རབ་མཐུན་ཚོགས་ཀྱི་གྲོས་དོན་ལ་རྒྱབ་སྐྱོར་ཡོང་རྒྱུར་འབོད་སྐུལ་ཞུ་རྒྱུ་ཡིན་འདུག
བྷག་ཤར་གཞུང་གིས་ཨ་རབ་མཐུན་ཚོགས་ཀྱི་གྲོས་གཞི་དེ་ནི་སི་རེ་ཡའི་རྒྱལ་ཁོངས་གནད་དོན་ལ་ཕྱི་ཕྱོགས་ཀྱིས་ཐེ་ཇུས་བྱས་པའི་སྐྱོན་བརྗོད་དང་། ད་སྔ་གཞུང་དམག་ ༢༠༠༠ ཙམ་སི་རེ་ཡའི་ནང་གི་འཇིགས་སྐུལ་པ་དང་དྲག་སྤྱོད་ཤོག་ཁག་གིས་དམར་གསོད་བཏང་པར་བརྟེན། དྲག་སྤྱོད་ཤོག་ཁག་ལ་དམ་དྲག་དང་མི་མང་ལ་སྲུང་སྐྱོབ་བྱས་ལས་དྲག་གནོན་བྱེད་ཀྱི་མེད་ཚུལ་བརྗོད་ཡོད་འདུག
འགྲོ་བ་མིའི་ཐོབ་ཐང་སྡེ་ཚན་ཁག་གིས་བརྗོད་པ་ལྟར་ན། ཉེ་བའི་ཉིན་འགའི་ནང་གཞུང་དམག་གིས་ཞི་རྒོལ་མི་མང་ ༦༥ ཙམ་དམར་གསོད་དང་། སི་རེ་ཡའི་ཟིང་འཁྲུགས་ཁྲོད་ད་སྔ་མི་མང་ ༥༠༠༠ ལྷག་རྐྱེན་ལམ་དུ་བཏང་ཡོད་འདུག་ལ། སི་རེ་ཡའི་ཞི་རྒོལ་པས་གསར་ལམ་ཁག་ལ་ཕྱི་ཚེས་ ༢༦ ཉིན་གཅིག་པུར་ཞི་རྒོལ་བ་ ༣༢ དམར་གསོད་བཏང་ཡོད་ཅིང་། དེའི་ཁྲོད་བྱིས་པ་ཡང་ཡོད་པར་བརྗོད་འདུག
ད་ལྟའི་ཆར་གཞུང་དམག་མང་པོ་ཞིག་སྲིད་འཛིན་བྷག་ཤར་ལ་བློ་ལོག་སྟེ། མང་ཚོགས་ཁྲོད་མཉམ་ཞུགས་ཀྱིས་གཞུང་ལ་ངོ་རྒོལ་བྱེད་ཤུགས་ཆེ་རུ་འགྲོ་བཞིན་ཡོད་འདུག
གསར་འགོད་པ། བནྡེ་སྐྱབས།
ནད་པ་ལགས།
་་དེ་ནི་ཆེས་བཀྲིས་པའི་བྱ་བ་བཟང་ཤོས་ཤིག་རེད། ་་་ བྲིས་པ་ལས། དེ་ནི་ཆེས་བཀྲ་ཤིས་པའི་བྱ་བ་བཟང་ཤོས་ཤིག་རེད། ཅེས་བྲིས་ན་མི་བཟང་ངམ། སྤྱི་སྐད་ཀྱི་ཆེད་དུའོ། །
སྲིད་དབང་སྒེར་སྤྱོད་པ་གང་དུ་ཡོད་ཀྱང་དེར་ངོ་རྒོལ་བྱེད་དགོས། སི་རིའི་ཡའི་མི་དམངས་ཀྱིས་ཞི་རྒོལ་ལ་ད་ཆ་གཞུང་དམག་གིས་ཀྱང་བརྒྱབ་སྐྱོར་བྱེད་བཞིན་པ་དེ་ནི་སི་རི་ཡའི་མི་དམངས་ཀྱི་མ་འོངས་པའི་རེ་བ་མངོན་འགྱུར་ཡོང་བའི་གཞི་རྟེན་དུ་གྱུར་ཡོད།
སི་རི་ཡའི་སྲིད་དབང་མི་དམངས་ལ་རྩིས་སྤྲོད་ཐུབ་པ་བྱུང་ན་དེ་ནི་ཆེས་བཀྲིས་པའི་བྱ་བ་བཟང་ཤོས་ཤིག་རེད།
མཉམ་འབྲེལ་རྒྱལ་ཚོགས་ནང་བོད་དོན་སྐོར་ལ་དོན་ཚན་ཡིག་ཆ་སྤྱི་ལོ་༡༩༥༩ དང་།༡༩༦༣ དང་༡༩༦༥ལོར་སོ་སོར་བཞག་པ་རྣམས་ལ་རྩོད་པ་རྙིང་ལོངས་དང་། དེང་དུས་དང་འཚམས་པའི་བོད་རྒྱའི་མི་རིགས་གཉིས་ཀར་ཕན་པའི་ལས་འགུལ་ལ་མཉམ་འབྲེལ་རྒྱལ་ཚོགས་ཀྱིས་ཀྱང་། གནོན་ཤུགས་བྱེད་དགོས་པའི་དུས་ཚོད་ལ་སླེབས་ཡོད་པ་འདི་ལས་ཀྱི་སྣེ་མོར་གཏོགས་པའི་ལས་བྱེད་ཚོས་འགན་བླངས་སྣེ་འཁྲིད་སྔར་ལྷག་བྱ་དགོས་དུས་གཏུགས་མི་དགོས་སམ།
སྐར་ཀླུ་ཤིང་གསུམ་ལ་རྒྱབ་སྐྱོར་བྱ་རྒྱུ་ལས་ཚིག་གཞན་ལྷག་མི་འདུག་པས་མཉམ་འབྲེལ་རྒྱལ་ཚོགས་དང་རྒྱ་ནག་གི་མ་དྲང་བའི་གདོང་རིས་གཉིས་ཀ་གསལ་སྟོན་བྱ་རྒྱ་དེ་གལ་ཆེན་རེད་འདུག་ལགས།
རྒྱལ་ཚོགས་ཀྱིས་གནོན་ཤུགས་གཉིས་པ་རྒྱ་ནག་ལ་སྤྲད་དེ། ཧོའུ་ལག་དམར་ལ་རང་སྐྱག་རང་ལ་ཟ་རུ་བཅུག་ནས་འཛམ་གླིང་ལ་དགོངས་དག་ཞུ་རུ་འཇུག་དགོས།
མཉམ་འབྲེལ་རྒྱལ་ཚོགས་ལ་རྒྱ་ནག་ལ་སྤྲེལ་ལད་བཤད་པའི་ཁ་ཡོད་པ་མ་གཏོགས་བོད་པའི་སྐྱིད་སྡུག་ལ་ལྟ་བའི་མིག་ཡོད་པ་མ་རེད།
འཛམ་གླིང་གི་རྒྱལ་ཚོགས་མ་རེད། རྒྱ་ནག་གི་མཐུན་ཚོགས་རེད། དྲུང་ཆེ་འབེན་ཁེལ་མི་ཡང་རྒྱ་གྲོགས་ཞ་ར་ཞིག་རེད།