རྒྱ་ནག་གཞུང་གིས་སྔ་ལོ་ཕྱི་ཟླ་ ༤ པའི་ནང་རྔ་པ་ཀིརྟི་དགོན་པའི་གྲྭ་བློ་བཟང་མཁས་གྲུབ་ལགས་འཛིན་བཟུང་གིས་ལོ་ ༡ མ་ཟིན་ཙམ་གྱི་རིང་སི་ཁྲོན་མེན་ཡཱང་བཙོན་ཁང་དུ་བཙོན་འཇུག་བྱས་ཡོད་པ་ལྟར། འདི་ལོའི་ཕྱི་ཟླ་ ༡ པའི་ནང་བཙོན་ཁང་ནང་ཉེས་རྡུང་ཚབས་ཆེན་བཏང་སྟེ་ལུས་སྨད་ཞ་བོར་གྱུར་རྗེས་བཙོན་གྲོལ་བཏང་ཡོད་པ་དང་། འབྲེལ་ཡོད་ནང་མིས་སྨན་བཅོས་བྱེད་པའི་ཐད་ལ་འབད་པ་བྱས་ཡོད་ཀྱང་། སྨན་པས་ཁོང་ལ་སྨན་བཅོས་བྱས་ཀྱང་ཕན་ཐོགས་མེད་པའི་སྐོར་བརྗོད་ཡོད་སྟབས། ཉེ་ལམ་ས་གནས་བོད་མི་མང་པོ་ཁོང་གི་ཁྱིམ་དུ་ཕྱིན་སྟེ་ཁོང་ལ་ཐུགས་གསོ་དང་ལྟ་རྟོགས་བྱེད་ཀྱི་ཡོད་འདུག
རང་ལོ་ ༣༩ ཡིན་པའི་གྲྭ་བློ་བཟང་མཁས་གྲུབ་ལགས་ནི། སྔར་ལོའི་ཕྱི་ཟླ་ ༣ པའི་ཚེས་ ༡༦ ཉིན་རྔ་པ་ཀིརྟི་དགོན་པའི་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེག་གིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་རྗེས། རྒྱ་གཞུང་གིས་རྔ་པ་ཀི་རྟི་དགོན་པའི་གྲྭ་པ་ ༣༠༠ འཛིན་བཟུང་བྱས་ཡོད་པ་དང་། སྐབས་དེར་གྲྭ་པ་ཁག་ཅིག་གར་སོང་ཆ་མེད་དུ་གྱུར་ཡོད་པའི་ཁྲོད་ཀྱི་གཅིག་ཡིན་པ་དང་། ཕྱིས་སུ་ཁོང་བཀག་ཉར་ཁང་རིམ་པ་བརྒྱུད་རྗེས་སྔར་ལོའི་ཕྱི་ཟླ་ ༧ པའི་ཚེས་ ༡༥ ཡས་མས་སུ་ལོ་ ༣ གྱི་དུས་བཀག་བཙོན་འཇུག་གི་ཁྲིམས་ཐག་བཅད་དེ་སི་ཁྲོན་མེན་ཡཱང་བཙོན་ཁང་དུ་བཙོན་འཇུག་བྱས་འདུག
ཁོང་གཅིག་བུ་འུ་ཚོས་ཧ་གོ་བ་རེད་མ་གཏོགས་ད་དུང་འདྲ་བརྒྱ་ཕྲག་མང་པོ་ཞིག་མནར་གཅོད་འོག་ཏུ་གནས་ཡོད་པ་གསལ་བོ་ཡིན། ཆས་སྲིད་ཀྱི་ཉེས་མང་བཏགས་ནས་བཙོན་འོག་ཏུ་བཅུགས་ནས་ཕྱིར་རང་ཡུལ་དུ་ལོག་ཐུབ་པ་བྱུང་རུང་མི་ཕྱེད་ཁ་བཟོས་ནས་བཏང་ཡོད་པ་འདི་ལྟར་གཅིག་གཅིག་རབ་སྤྲོད་གསལ་བོ་རེད། དཔའ་རྒོད་ཁོང་མྱུར་དུ་ནད་ལས་སྐྱོབ་ཐུབ་ཡོངས་བའི་སྨོན་འདུག་ཞུ།