སེ་རི་ཡ་དང་ལེ་བྷེ་ཡའི་མི་མང་གིས་རྒྱ་ནག་གཞུང་ཚབ་ཁང་ལ་ངོ་རྒོལ་བྱས་ཏེ། སྒོ་དང་སྒེའུ་ཁུངས་ཆག་ཧྲལ་དང་རྩིག་ངོས་སུ་ངོ་རྒོལ་འབོད་ཚིག་སྣ་ཚོགས་བྲིས་ཡོད་འདུག
ཁ་སང་ཕྱི་ཚེས་ ༦ ཉིན་སེ་རི་ཡ་དང་ལེ་བྷེ་ཡའི་མི་མང་སྐོར་ཅིག་གིས་ལེ་བྷེ་ཡའི་རྒྱལ་ས་ཌི་རེ་པོ་ལི་(Tripoli)ནང་ཡོད་པའི་རྒྱ་ནག་གཞུང་ཚབ་ཁང་གི་སྒོ་འགྲམ་དུ་འདུ་འཛོམས་ཀྱིས། མཉམ་འབྲེལ་རྒྱལ་ཚོགས་ཀྱིས་སེ་རེ་ཡ་དྲག་པོའི་གཞུང་གིས་མི་མང་དམར་གསོད་དྲག་གནོན་མཚམས་འཇོག་དང་། སྲིད་འཛིན་བྷ་ཤར་སྲིད་སྟེགས་ནས་འབབ་དགོས་པའི་གྲོས་ཆོད་ལ་རྒྱ་ནག་དང་ཨུ་རུ་སུ་གཉིས་ཀྱིས་དགག་བྱ་བྱས་པར་ངོ་རྒོལ་སྐད་འབོད་བྱས་འདུག ངོ་རྒོལ་སྐབས་མང་ཚོགས་ཀྱིས་བྱ་སྒོང་དང་། ཀྲོ་མ་ཀྲུ། རྡོ་སོགས་ཀྱིས་བརྒྱབ་སྟེ་རྒྱ་ནག་གཞུང་ཚབ་ཐོག་ཁང་གི་སྒོ་དང་སྒེའུ་ཁུང་རྣམས་ཆག་ཧྲལ་ཏུ་བཏང་ཡོད་པ་དང་། རྩིག་གྱང་གི་ངོས་སུ་ངོ་རྒོལ་གྱི་འབོད་ཚིག་སྣ་ཚོགས་བྲིས་ཡོད་འདུག
རྒྱ་གཞུང་ལ་ངོ་རྒོལ་བྱེད་མཁན་སེ་རི་ཡ་དང་ལེ་བྷེ་ཡའི་མི་མང་རྣམས་ཀྱིས། རྒྱ་ནག་གཞུང་ཚབ་ཁང་གི་ཐོག་ཁའི་སྐར་མ་ལྔ་ཅན་གྱི་རྒྱའི་རྒྱལ་དར་མར་ཕེབས་ཏེ། དེའི་ཚབ་ལ་སེ་རི་ཡ་ཡར་ལངས་མི་མང་གི་དར་ཆ་དང་། ལེ་བྷེ་ཡ་བར་བརྒལ་མཐུན་ཚོགས་(NTC)ཀྱི་དར་ཆ་གཉིས་ཀྱི་གཅིག་བསྒྲེངས་རྒྱུ་ཡིན་སྐོར་བསྒྲགས་འདུག སེ་རི་ཡའི་མི་སེར་ཡིན་པའི་མའོ་ར་ཌི་(Ahmed Mourad)ཡིས། “ འདི་དག་ཡོད་ཚད་ནི་སེ་རི་ཡའི་གྲོང་ཁྱེར་ཧོམ་སི(Homs) ནང་ད་ལྟ་འབྱུང་བཞིན་པའི་དམར་གསོད་དྲག་གནོན་གྱི་རྐྱེན་གྱིས་ཡིན་ལ། འདི་ནི་རྒྱ་ནག་དང་ཨུ་རུ་སུ་གཉིས་ཀྱིས་མཉམ་འབྲེལ་རྒྱལ་ཚོགས་ཀྱི་གྲོས་ཆོད་ལ་དགག་བྱ་བྱས་པའི་མཇུག་འབྲས་རེད།”ཅེས་བརྗོད་ཡོད་པ་རེད།
དེ་རིང་ཕྱི་ཚེས་ ༧ ཉིན། མཉམ་འབྲེལ་རྒྱལ་ཚོགས་ཀྱི་ཨ་རའི་འཐུས་ཚབ་པ་ལྕམ་རའེ་སི་(Susan Rice)ལགས་ཀྱིས། རྒྱ་ནག་དང་ཨུ་རུ་སུས་རྒྱལ་ཚོགས་ཀྱི་གྲོས་ཆོད་ལ་དགག་བྱ་བྱས་པ་དེས། ཞི་བའི་ཐོག་ནས་སེ་རི་ཡའི་འཁྲུག་ཟིང་སེལ་ཐབས་ལ་འབད་བརྩོན་གནང་མཁན་དག་གི་སེམས་ལ་རྨ་ཁ་ཆེན་པོ་བཟོས་ཡོད་པ་གསལ་འདོན་དང་སྦྲགས། ཁོ་མོས་ “པེ་ཅིན་དང་མའོ་སི་ཁའོ་ཡིས་དེ་ལྟར་སྒྲུབ་པ་དེས་སེ་རི་ཡ་ནང་ཟིང་འཁྲུག་འབྱུང་རྒྱུར་ཉེན་ཁ་ཆེན་པོ་བཟོས་ཡོད། རྒྱ་ནག་དང་ཨུ་རུ་སུ་གཉིས་ཀྱིས་མཉམ་གཅིག་ཏུ་ཚེ་སྲོག་མཇུག་སྒྲིལ་ཉེ་བའི་སྒེར་གཅོད་པ་ཞིག་ལ་རྒྱབ་སྐྱོར་གྱི་ལངས་ཕྱོགས་བཟུང་བ་རེད། ཡིན་ནའང་། བྷ་ཤར་(Bashar al-Assad) གྱི་མཇུག་མཐའི་ཉི་མ་སླེབས་ལ་ཉེ་སྟབས། རྒྱ་ནག་དང་ཨུ་རུ་སུ་ཡི་བྱ་སྤྱོད་དེས་སེ་རི་ཡ་མི་མང་དང་ས་ཁུལ་རང་བཞིན་གྱི་གནས་སྟངས་ཉེན་ཁའི་ཕྱོགས་སུ་བསྒྱུར་ཡོད། ”ཅེས་བརྗོད་འདུག
ཟླ་འདིའི་ཕྱི་ཚེས་ ༦ ཉིན་སེ་རི་ཡའི་གྲོང་ཁྱེར་ཧོམ་སི་ནང་དྲག་པོའི་གཞུང་གི་དམག་མིས་བསྐྱར་དུ་དྲག་གནོན་དམར་གསོད་ཐེངས་གཅིག་བྱས་ཡོད་པ་དང་། སྐབས་དེར་མི་མང་དཀྱིས་མ་ ༤༢ ལྷག་དམར་གསོད་དང་། མི་བཅུ་གྲངས་ལྷག་ལ་རྨས་སྐྱོན་བཟོས་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲག་སྤྱོད་པ་སུ་ཡིན་ཤེས་དཀའ་མོ་རེད་འདུག
ངོ་རྒོལ་བྱེད་ཚུལ་དེ་འདྲ་དེང་རབ་དང་མི་མཐུན་པ་རེད་
ད་ལྟའི་དུས་འདིར་ང་ཚོས་སྤྱི་དམངས་ཀྱི་མི་སྟོན་པ་ཞེས་པའི་ཚིག་འདིར་གོ་བ་ལེན་ཐུབ་པ་དགོས་ཀྱི་རེད་།
འདི་ལྟར་མལྟས་ཡོང་ན་ང་ཚོའི་མཆན་འདེབས་པ་མང་ཆེ་བའི་སེམས་ནང་ན་འཚེ་མེད་ཞི་བ་ཟེར་བ་དེའི་གོ་དོན་དང་། དེ་ལ་ཡིད་ཆེས་ཀྱིས་འདང་གིན་མེད་པ་གསལ་བོ་རེད། གཞན་གྱིས་ཅི་བྱས་ཀྱང་ང་ཚོ་ལ་ལམ་དབུ་མ་དང་། སྤྱོད་པའམ་བྱེད་ཐབས་འཚེ་བ་མེད་པ་ལས་གཞན་ཅི་ཡང་མེད་པ་དང། དེ་ལས་གཞན་ཅི་ཡང་མི་དགོས་པ་ཤེས་པར་བྱས་ན་བཟང་སྙམ།
འུ་ཚོས་འདི་ཕྱོགས་ནས་ཀུ་རྒྱངས་ཤིག་ཀྱང་བྱེད་ཐུབ་མི་ཐུབ་ཡིན་པ་སེམས་མི་སྐྱོའམ།
དཔེ་ཡག་པོ་རེད། དུས་ཐོག་ཏུ་ངོ་རྒོལ་བྱེད་ཐུབ་པ་དེ་ཡར་ལངས་མི་དམངས་ཀྱི་གཟི་བརྗིད་རེད།
གང་དུ་དྲག་གོན་ཡོད་ན། དེ་རུ་ངོ་རྒཽལ་བྱེད་དགོས། སྲིད་དབང་སྤྱོད་པ་ཚང་མ་ཆམ་ལ་ཕབ་དགོས།
ལོངས་ཤོག་ལོངས་ཤོག་འཛམ་གླིང་ལ་ཞི་བདེ་འདོད་མཁན་རྣམ་པ།
རྒྱ་དམར་པོ་ལ་ངོ་རྒོལ་ཆེད་དུ་ལོངས།
དམར་ཤོག་འཐོར་ཞིག་འགྲོ་བའི་དུས་ཡིན།
དམར་དཔོན་འགོ་འཇུག་ལོག་པས་དུས་ཡིན།
དམར་གསོད་མཚམས་འཇོག་བྱེད་པས་དུས་ཡིན།
དམར་པོའི་བསྟན་པ་ནུབ་པའི་དུས་ཡིན།
ཨ་ལ་ལ། སྐྱིད་པོ་བྱུང་། ད་དུང་མང་ཙམ་བྱོས།
འོ་ཡ་ད་ག་ལེར་ག་ལེར་ནམ་ལངས་ཀྱི་ཡོད་པ་འདྲ། ད་ཨ་རབས་གླིང་ནས་རྩིས་པས་འཛམ་གླིང་ཡུལ་གྲུ་ཚང་མ་བཞེངས་རོགས་གནང་། ལོང་ཤོག་ལོང་ཤོག་ནམ་ལངས་ལ་ཉེ་བས་ང་ཚོ་ཚང་མ་ལོང་ཤོག།
ངོ་མ་ད་འདི་རེད་པར་ལ་གཅིག་ལྟོས་དང་། ང་ཚོ་བོད་པས་འདི་ཚོ་ལ་དཔེ་བྱེད་དགོས་རྟག་པར་ཞི་བ་རྐྱང་བྱས་སྡད་ན་གང་ཡོང་། ཆབ་སྲིད་ཟེར་དུས་སྐྱང་ཀུམ་ཤེས་དགོས།
མི་ཚོ་འདི་འདྲ་རེད་གཞོན་ནུ་ཚོགས་པ་ད་ཡིན་ད།
སེ་རི་ཡ་དང་ལེ་བྷེ་ཡའི་མི་མང་ལ་ཐུགས་རྗེ་ཆེ་ཞུ་རྒྱུ་ཡིན། མ་ཟད་རྒྱ་མའི་ཆབ་སྲིད་ག་འདྲ་ཡིན་མིན་འཛམ་གླིང་མི་དམངས་གི་གསལ་པོ་ཆགས་པ་རེད།
ཨིམ་ཨིམ། རྒྱ་ནག་ལ་དེ་དགོས་ཡཱ། བོད་མི་རིགས་ཀྱིས་ད་བར་ཞི་རྒོལ་བྱས་ན། རྡུང་འཕྲོག་བཅོམ་གསུམ་ཟེར་གྱི། ད་ཅི་འདྲ་རེད་དམ། ཁང་ཆག་དེ་ཧོའུ་ཅིན་ཐོ་ཡི་སྐྱག་ཁང་ཡིན་རྒྱུ་ན་ད་བཟང་གི་མོ། དངོས་གནས་རྒྱལ་ཁབ་གཞན་པ་ནས་རྒྱ་ནག་གི་བྱེད་སྟངས་ལ་རྣམ་འགྱུར་ཤུགས་ཆེན་མ་བསྟན་ན། རྒྱ་ནག་གིས་ཅིག་བཟོད་ཀྱི་མི་འདུག་གཱ། གཏོར་རྒོལ་བྱས་ན་ད་གཟོད་བོད་འདི་བཟང་བོ་ཞིག་ཡིན་པ་ར་འཕྲོད་ཀྱི་རེད། སྐྱིད་འདི། ཨ་སྐྱིད་འདི།
གལ་ཏེ་འདི་ཁོ་ཚོ་ལ་རྐྱེན་ངན་ཞིག་ཡིན་ན་ང་ཚོའི་གྲོགས་སུ་འཁྱེར་འོས་སམ། ཐུབ་བམ། དེ་ནི་གཞུང་འབྲེལ་གྱིས་གང་ལ་གདུང་སེམས་མཉམ་བསྐྱེད་དང་གང་ལ་ངོ་རྒོལ་སྡང་སེམས་ཡོད་པའི་ཁ་ཅིག་གྲགས་ཙམ་གྱིས་ཀྱང་་་་་་
་ངས་བལྟས་ན་ངོ་རྒོལ་འདི་ཡང་རྒྱ་ནག་གི་དྲག་གནོན་ལྟ་བུའི་ཁ་གཏད་ནས་ཞི་བའི་ངོ་རྒོལ་ཙམ་ལས་འདས་མེད། འོན་ཀྱང་ངས་སང་ཉིན་ང་ཚོས་ཀྱང་འདི་ལྟར་བྱེད་འོས་ཞེས་པའི་དོན་མིན་ད། ཞི་རྒོལ་གྱི་ལག་ཆ་གཙོ་བོ་དེ་ཁ་འཐབ་དང་རྣམ་འགྱུར་ཡིན། འཇམ་ནོ་ཐལ་བ་ཡིན་ཡང་མིག་ལ་དེ་ཡིས་གནོད་ཆེ་ཟེར་བའི་གོ་དོན་ལ་ཇི་ལྟར་ལག་ལེན་བྱེད་འོས་མིན་སུ་དང་སུས་ཤེས་སམ།
ངོ་མ་ཆབ་སྲིད་ཟེར་བ་འདི་སྙོག་འཛིང་ཤིན་ཏུ་ཆེན་པོ་རེད། མི་དམངས་ལ་དགོས་པ་ནི་རང་དབང་ཡིན་ལ། རྒྱལ་ཁབ་ལ་དགོས་པ་ནི་མཚན་སྙན་རེད། རྒྱ་ནག་དང་ཨུ་རུ་སུ་ཡིས་གྲོས་ཆོད་དེར་རྒྱབ་སྐྱོར་མ་བྱས་པ་ནི་ནུབ་ཕྱོགས་པ་དག་གིས་མི་དམངས་ལ་སྐུལ་སློང་གིས་ཤར་ཕྱོགས་ཀྱི་རྒྱལ་ཁབ་དག་རེ་རེ་བཞིན་མགོ་སྟིང་སློག་གི་ཡོད་པས་ཡིན་མོད། དོན་ངོ་མ་དེ་ནི་རང་གིས་རང་ཉིད་མེ་མདའི་འབེན་དུ་བསླངས་དང་ཁྱད་མེད་པར་ཚོར་བྱུང་། མ་གཞི་ནས་མི་དམངས་སྐུལ་སློང་བྱེད་པའི་ཇུས་ངན་འདི་ཡང་ཅི་ལས་གདུག་རྩུབ་མི་ཆེའམ།།
ང་ཚོས་གོ་སྐབས་འཛིན་ཐུབ་རྒྱུ་ན་རྒྱ་གཞུང་ལ་ངོ་རྒོལ་བྱེད་རོགས་མང་པོ་འདུག ང་ཚོའི་བྱང་ཆུབ་སེམས་བསྐྱེད་ཁང་(བཀའ་ཤག་ལ་ཟེར)གིས་ཞལ་འདོན་དང་སྨོན་ལམ་མཆོད་འབུལ་རྐྱང་གིས་ངོ་རྒོལ་བྱེད་ཀྱི་རེད། མར་གྱུར་སེམས་ཅན་དང་། བདག་གཞན་མཉམ་བརྗེ། རང་ལས་གཞན་གཅེས་གསུམ་ནི་དམངས་གཙོའི་ཀ་བ་གསུམ་ཀྱི་སྲོག་ཤིང་ལྟ་བུར་འཇོག་གི་རེད།
ད་ཅག་ཅག་ཉིལ་ཉིལ་བཟོས་འདུག ཨེ། གཞོན་ནུ་ལྷན་ཚོགས་ཡིན་ན་འདྲ། ཅིག་བྱེད་ཀྱི་ཡིན་ཟེར་མཁན་ཚོས་ཀྱང་ལྡི་ལིའི་གཞུང་ཚབ་ཁང་དེ་ཞེད་སྣང་ལ་ཅིག་གཏད་པ་ཡིན་ན། ཧཧཧཧཧ