འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཉེ་ཆར་དབུས་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱིས་བཙན་བྱོལ་བོད་མིའི་གཞིས་ཆགས་ཁུལ་ཡོངས་ལ། གཞིས་བྱེས་བོད་མིའི་སྐྱིད་སྡུག་མཉམ་མྱོང་དང་དཀའ་སྡུག་ནང་ལྷུང་པའི་རང་རིགས་རྣམས་ལ་གདུང་སེམས་མཉམ་སྐྱེད་ཆེད། ཉིན་གཅིག་དུས་གཅིག་ཏུ་བསྔོ་སྨོན་མཆོད་འབུལ་གནང་དགོས་པའི་གསལ་བསྒྲགས་གནང་བ་ལྟར། ཁ་སང་ཕྱི་ཚེས་ ༨ ཉིན་ཅོན་ངྷི་ར་ནང་ཆེན་སྡེ་དགེ་ས་གནས་ཁྱབ་ཁོངས་དཔལ་འབྲི་གུང་བཀའ་བརྒྱུད་བུམ་མང་བྱམས་པ་གླིང་དུ། བཀའ་བརྒྱུད་བུམ་མང་དགོན་དང་སྔ་འགྱུར་ཟབ་གསང་ཆོས་འཁོར་གླིང་། རྫོང་སར་བཤད་གྲྭ་བཅས་ཀྱི་དགེ་འདུན་པ་ ༡༠༤ ཙམ་དང༌། སུ་ཇཱ་བོད་ཁྱིམ་དང་ཅོན་ཏ་ར་བོད་ཁྱིམ། སམ་བྷོ་ཊ་བཅས་ཀྱི་དགེ་སློབ་ ༥༡༠ ཙམ། དེ་བཞིན། སྨན་རྩིས་ཁང༌དང་དོན་ལྡན་རྒན་གསོ་ཁང་། གཞིས་ཆགས་མི་མང་ ༡༧༠ བཅས་བསྡོམས་མི་གྲངས་ ༨༠༠ འདུ་འཛོམས་གནང་སྟེ། ས་གནས་འགོ་འཛིན་བསྟན་འཛིན་རབ་དགའ་ལགས་ནས་སྨོན་ལམ་གསུངས་འདོན་དང་འབྲེལ་བའི་ངོ་སྤྲོད་གསལ་བཤད་གནང་བ་ལྟར། ཞོགས་པའི་ཆུ་ཚོད་ ༩ པ་ནས་ཕྱི་དྲོའི་་ཆུ་ཚོད་ ༥ བ་བར་བོད་མི་འདས་གྲོངས་སུ་གྱུར་བ་རྣམས་ལ་མྱ་ངན་གུས་འདུད་ཆེད། ཁ་རས་ནག་པོ་དཀྲིས་ཏེ་བསྔོ་སྨོན་མཆོད་འབུལ་གནང་ཡོད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
སྐྱིད་གར་སྟེགས་སྟེང་ནས་འཛོམས་སླད་དུ།།
སྡུག་ཉི་མ་གཅིག་ལ་འཛོམས་སྲོལ་བཟང་།།
སེང་རྒྱལ་དར་འོག་གི་བོད་མི་ཚོ།།
ད་རང་ཉིད་སུ་ཡིན་ཤེས་སོང་ངམ།།
ཡིག་གཟུགས་མ་འདྲ་བའི་དབང་གིས་ནོར་འཁྲུལ་ཤོར་འདུག ད་ལྟ་བཟོ་བཅོས་བྱས་ཡོད་ལགས།
གསར་བཤད་དང་། ནོར་བཅོས། དྲི་བ་??????????????????????
དབུས་བོད་མིའི་སྒྲིག་འཛུགས་ཀྱིས་བཀའ་སྩལ་གསལ་བསྒྲགས་གནང་བ་བཞིན་འདི་གར་ས་གནས་ཅོན་ཏ་ར་ལ་ཡོད་པའི་དགོན་སྡེ་ཁག་དང་། སློབ་གྲྭ་ཁག། གཞིས་ཆགས་ཁག་མཉམས་འཛོམས་ཐོག། བོད་མི་རིགས་ཀྱི་རྩ་དོན་འཐབ་རྩོད་ཀྱི་ཆེད་སྐུ་ལུས་མཆོད་འབུལ་ཐོག་ཞི་བའི་ངོ་རྒོལ་གནང་མཁན་གྱི་བོད་ནང་གི་རྒྱལ་གཅོས་དཔའ་བོ་དཔའ་མོ་དེ་དག་ལ་གདུང་སེམས་མཉམ་སྐྱེད་ཆེད། བསྔོ་སྨོན་མཆོད་འབུལ་གཞི་རྒྱ་ཆེ་ཞིག་གནང་བའི་ཁྱབ་ཁོངས་སུ་དཔལ་རྫོང་སར་བཤད་གྲྭའི་དགེ་སློབ་རྣམས་མཉམས་ཞུགས་བྱས་ཡོད་ཀྱང་འདི་གའི་གསར་ཤོག་འགོད་མི་དགོས་པའི་རྒྱུ་མཚན་གང་ལགས།།།།