ས་གནས་བདེ་དོན་ལས་ཁུངས་ཀྱི་གོ་སྒྲིག་འོག ཁ་སང་ཕྱི་ཚེས་ ༨ ཉིན་རྒྱ་གར་བྱང་ཤར་ཁུལ་གྱི་ར་ཝང་ལ་བོད་མིའི་གཞིས་ཆགས་དང་སྒང་ཏོག ཀ་སྦུག རྡོར་གླིང་། བསོད་ནམས་དར་གླིང་གཞིས་ཆགས་བཅས་ཀྱི་མི་མང་ ༢༠༠༠ ཙམ་གྱིས། ནུབ་བྷང་གྷིལ་གྱི་ཤི་རི་ཀོ་རིའི་རྡོར་གླིང་ནས་གྲོང་ཁྱེར་ཁྲིམས་ཁང་བར་གཞི་རྒྱ་ཆེ་བའི་རྔམ་སྟོན་ཁྲོམ་སྐོར་གྱི་ལས་འགུལ་ཞིག་སྤེལ་ཡོད་འདུག་ལ། གོམ་བགྲོད་སྐབས་མང་ཚོགས་ཀྱིས་བོད་ནང་རང་ལུས་མེར་བསྲེགས་གཏོང་མཁན་ཚོའི་པུར་སྒམ་སྟེང་བོད་ཀྱི་རྒྱལ་དར་རེ་གཡོགས་ཤིང་། ཁ་ལ་ཁ་རས་ནག་པོ་རེ་གཡོགས་ཏེ་སྐད་འབོད་ཁྲོམ་སྐོར་དང་། དབྱིན་ཧིན་གསུམ་ཐོག་ས་གནས་མང་ཚོགས་ལ་ཡིག་ཆ་སྟོང་ཕྲག་ལྷག་འགྲེམས་སྤེལ་བྱས་ཡོད་འདུག ལས་འགུལ་མཇུག་སྡོམ་མཛད་སྒོའི་སྟེང་། བོད་མི་མང་སྤྱི་འཐུས་ཤར་གླིང་ཟླ་སྒྲོན་ལགས་དང་སྤྱི་འཐུས་ཀིརྟི་སྒྲོལ་དཀར་ལྷ་མོ་ལགས་རྣམ་གཉིས་ཀྱིས། ད་ལྟའི་བོད་ནང་གི་ཛ་དྲག་གནས་སྟངས་སྐོར་ངོ་སྤྲོད་དང་གསར་འགོད་ལྷན་ཚོགས་ཤིག་བསྐངས་ཡོད་འདུག
ཐུགས་རྗེ་ཆེ།
གང་དུ་དྲག་གནོན་ཡོད་ན། དེ་རུ་ངོ་རྒོལ་ཡོད།
གསར་འགོད་པའི་གསན་ནོར་བྱུང་བ་འདྲ། ཁ་སང་ནུབ་བྷང་གྷིལ་ཁོངས་སུ་སྤྱི་འཐུས་ངོ་ཕེབས་གཉིས་ནི་སྤྱི་འཐུས་ཀིརྟིའི་སྒྲོལ་དཀར་ལྷ་མོ་ལགས་དང་ཤར་གླིང་ཟླ་སྒྲོན་ལགས་གཉིས་རེད། གངས་ལྷ་མོ་མ་རེད་དེ་གསལ་བཤད་ཙམ་ཡིན།
བེམ་སྒམ་བཟོས་པ་དང་། གོ་སྒྲིགས། འཛོམས་སྟངས་སོགས་ཧ་ཅང་ཡག་པོ་འདུག ༼རང་ཉིད་ལ་བུ་ཞིག་མ་སྐྱེས་ཚེ།། གཞན་གྱི་བུ་དེ་མི་བུ་རེད།།༽ཟེར་བ་ལྟར་རང་གིས་ཤུགས་རྒྱག་དགོས་ནི་རེད་ཡཱ། ཐུགས་རྗེ་ཆེ།།
ནུབ་བྷེང་གྷལ་ཟེར་དགོས། ནམ་རྒྱུན་ས་གནས་ཀྱི་མིང་ལ་དོ་སྣང་མང་ཙམ་སྤྲད་དགོས་ཀྱི་འདུག ས་གནས་ཀྱི་མིང་མང་པོ་ལ་སྒྲ་གདངས་ནོར་ནས་འབྲི་གིན་འདུག
བོད་མི་རིགས་ཀྱི་ལས་འགུལ་འདི་འདྲ་གནང་པ་རླབས་ཆེན་རེད་གང་ནུས་ཀྱི་འཕགས་རྩགས་རྒྱག་རྒྱུ་འུ་ཚོས་ལས་འགན་རེད། སྤུན་ཟླ་ཚོ་ཤུགས་རྒྱབ་རོགས་ཞུ།