ཟླ་འདིའི་ཕྱི་ཚེས་ ༩ ཉིན་ཁམས་བྲག་མགོ་རྫོང་དུ་རང་ལོ་ ༤༠ ཡིན་པའི་གྲྭ་ཡེ་ཤེས་རིག་གསལ་དང་། ཁོང་གི་སྤུན་ཆུང་བ་རང་ལོ་ ༣༨ ཡིན་པའི་ཡེ་ཤེས་བསམ་འགྲུབ་གཉིས་ལ་རྒྱ་དམག་གིས་མེ་མདའ་བརྒྱབ་སྟེ་དམར་གསོད་བཏང་འདུག
ཕྱི་ཟླ་ ༡ ཚེས་ ༢༣ ཉིན་གྲྭ་ཡེ་ཤེས་རིག་གསལ་ལགས་བྲག་མགོ་རྫོང་དུ་བོད་མིའི་ཞི་རྒོལ་ལས་འགུལ་ཁྲོད་ཞུགས་ཡོད་པ་དང་། རྒྱ་དམག་གིས་མང་ཚོགས་ཁྲོད་མེ་མདའ་གང་བྱུང་བརྒྱབ་སྟེ་དམར་གསོད་དྲག་གནོན་བྱས་སྐབས། ཁོང་གི་ལག་པ་ལའང་མེ་མདའ་ཕོག་སྟེ་རྨས་སྐྱོན་བཟོས་ཡོད་འདུག་ལ། རྒྱ་དམག་གིས་འཇུ་བཟུང་བྱ་རྒྱུ་དོགས་ཏེ་སྨན་བཅོས་སོགས་བྱེད་མ་ཐུབ་པར། ནོར་བ་ཞེས་པའི་འབྲོག་སར་བྲོས་བྱོལ་དུ་ཕྱིན་ཏེ་ཡིབ་བསྡད་བྱས་ཡོད་ཀྱང་། ཟླ་འདིའི་ཕྱི་ཚེས་ ༩ ཉིན་རྒྱ་དམག་གིས་རྩད་གཅོད་རྗེས་འདེད་ཀྱིས་ཁོང་གཉིས་ཉེན་ཡོལ་དུ་སྡོད་སའི་འབྲོག་སར་ཡོང་སྟེ། ཁོང་སྤུན་མཆེད་གཉིས་ལ་མེ་མདའ་བརྒྱབ་སྟེ་དམར་གསོད་བཏང་འདུག ཁོང་གཉིས་ཀྱི་ཕའི་མིང་ལ་དགའ་རབ་ཉི་མ་དང་མའི་མིང་ལ་སངས་ལྷ་ཡིན་འདུག
ཉེ་སྔོན་རྒྱའི་ལོ་གསར་སྐབས་ཁམས་བྲག་མགོ་ཏུ་བོད་མི་ཚོས་ཞི་རྒོལ་ལ་རྒྱ་དམག་གིས་དམར་གསོད་དྲག་གནོན་བྱས་ཡོད་པ་ལྟར། རྨས་སྐྱོན་ཕོག་པའི་བོད་མི་མང་པོ་ཞིག་རྒྱ་གཞུང་གི་འཇུ་བཟུང་དོགས་ཏེ་སྨན་བཅོས་བྱེད་མ་ཐུབ་པར་རི་སྒང་དག་ཏུ་བྲོས་བྱོལ་ལ་ཕྱིན་ཡོད་འདུག
བཙན་པོ་བུ་ཡི་གདུང་རྒྱུད།།
གེ་སེར་རྒྱལ་པོའི་གཅེས་ཕྲུག།
ཁ་བ་རི་པའི་དོན་དུ།།
གངས་དཀར་དམར་པོ་གྱུར་སོང་།།
དཔའ་བོ་ཕོ་མོ་རྣམ་པར།།
དག་པའི་ཞིང་དུ་དྲངས་པས།།
ཡིག་དྲུག་མ་ཎི་སྒྲངས་ནས།།
གསོལ་བ་སྙིང་ནས་འདེབས་ཡོད།།
མི་རིགས་ཀྱི་ཞན་ཁོག་དང་བཙན་པོའི་ཁྲག་རྒྱུན་ཡོད་པའི་ཁམས་པའི་དཔའ་བོ་གཉིས་ཤི་ན་ཡང་ཤི་གོ་ཆོད་འགུ གཏམ་རྒྱུད་སྒང་པ་བོད་ལ་བཞག་ནས་འགྲོ་སོང་།
བསྔོ་བ་སྨོན་ལམ་གསུང་རྒྱུ་ནི་ཧ་ཅང་གལ་ཆེན་པོ་ཡིན་ཡང་འདི་ལྟར་ཕྱོགས་གཅིག་གི་བསམ་བློ་ཐོག་ནས་བཏང་སྙོམས་སུ་བསྡད་ནཤི་གསོན་གཉིས་ཀྱི་མངོན་འདོད་ག་ལ་འགྲུབ་ཐུབ།བསམ་བློ་བ་དང་ཐབས་བྱུས་པ་ཚོས་ད་ལྟ་ཉིད་ནས་ཐབས་ཇུས་འདོན་རན་རེད་ལ་མདུན་སྐྱོད་མགོ་གང་ནས་རྩོམ་ན་རྩོམ་རན་རེད།དཔའ་བོ་དཔའ་མོ་རྣམས་ཀྱི་ཚེ་སྲོགས་གྲོན་ཆུང་བྱེད་རྒྱུར་ཉིན་ཞགས་འགའ་དང་ཟླ་བ་ཁ་ཤས་མིན་གཤིས་དམིགས་ཡུལ་གྱི་མཐའ་བསྐྱེལ་དགོས་པར་བརྟེན་རྒྱའི་དྲག་གནོན་འོག་ནས་བོད་མི་སྟོང་ཕྲག་མང་པོ་གློད་གྲོལ་ལ་ཐབས་ལམ་འདྲ་མིན་ལག་ལེན་བསྟར་བར་ཤོག
བོད་བསྟན་པ་ཆབ་སྲིད་ཀྱི་ཆེད་དུ་ཁོང་སྐུ་མཆེད་གཉིས་ཀྱི་སྲོག་ཀྱང་ཤོར་སོང་། ཨ་ཁ་ཁ། ཁྱེད་གཉིས་བྱང་ཆུབ་མ་ཐོབ་ཀྱི་བར་དུ་དལ་འགྲོ་ནས་དལ་འགྲོར་སྐྱེ་བར་ཤོག ཨོམ་མ་ཎི་པདྨེ་ཧཱུྃ། ཨོམ་མ་ཎི་པདྨེ་ཧཱུྃ། ཨོམ་མ་ཎི་པདྨེ་ཧཱུྃ། སྤྱན་རས་གཟིགས་དབང་༸ཁྱེད་ཀྱི་ས་རུ་སྐྱེ་བར་ཤོག །
ཨ་བླ་མ་མཁྱེན། བྱ་བྱེའུ་གསོད་གསོད་བྱེད་ཀྱི་འདུག་གཱ རྒྱ་ནག་འདི་སྐྲག་ས་འཇིགས་ས་གང་ཡོད་དམ། དངོས་གནས་བྱས་ན་རྒྱ་ནག་གཞུང་གི་བཀོད་འདོམས་མེད་པར། འོག་གི་དམག་མི་ཚོས་མེ་མདའ་གང་བྱུང་རྒྱག་པའང་ཡོད་སྲིད་ཀྱི་རེད་ལ། དེའི་ནང་ན་བོད་རིགས་བླུན་པོའང་ཡོད་སྲིད་ཀྱི་རེད།
ཨཱོཾ་མ་ནི་པདྨེ་ཧཱུྃ།ཡང་བུ་སྤུན་གཉིས་བསད་སོང་ཟིག།འདས་ཟིན་པའི་ལོ་དང་སྐལ་བའི་ནང་དུ་བོད་རྒྱལ་ཁབ་ཀྱི་ཆེད།བོད་མི་རིགས་ཀྱི་ཆེད།ཆོས་དང་རིག་གཞུང་གི་ཆེད།ཕ་ས་ཕ་ཡུལ་གྱི་ཆེད་དཔའ་བོ་དང་དཔའ་མོ་ག་ཚད་ཞིག་གྲོང་ཡོད་ད།ཨཱོཾ་མ་ནི་པདྨེ་ཧཱུྃ།ཨཱོཾ་མ་ནི་པདྨེ་ཧཱུྃ།ཨཱོཾ་མ་ནི་པདྨེ་ཧཱུྃ།