ངའི་ནང་བོད་ཡིན། ང་ལ་རང་གི་ནང་དུ་ལོག་པའི་རང་དབང་དགོས། ངའི་ནང་མི་བོད་མི་རིགས་ཡིན། བོད་མི་རིགས་ལ་རང་དབང་དགོས། རང་དབང་གི་ཉི་མ་མ་ཤར་བར་དུ་ངས་གོམ་བགྲོད་བྱེད་ཀྱི་ཡིན། རང་གི་ཕ་ཡུལ་བོད་དུ་ཁ་ཕྱོགས་ནས་གོམ་བགྲོད་བྱེད་ཀྱི་ཡིན། ངའི་བླ་མ་བསྟན་འཛིན་རྒྱ་མཚོ་ཡིན། ཁོང་རང་གི་ཕ་སར་བཞུགས་པའི་ཐོབ་ཐང་དང་རང་དབང་དགོས། ཉི་མ་དེ་ཤར་རེག་བར་དུ་ངས་གོམ་བགྲོད་བྱེད་ཀྱི་ཡིན། བོད་དུ་ཁ་ཕྱོགས་ནས་གོམ་བགྲོད་བྱེད་ཀྱི་ཡིན། བོད་པའི་སྙིང་ཡོད་མཁན་དག་ང་ཡི་རྒྱབ་དུ་ལོངས་ཤོག འགྲོ་བ་མིའི་སེམས་ཡོད་མཁན་དག་གིས་ང་དང་ངའི་མི་རིགས་སྐྱོབས་པའི་རྒྱབ་སྐྱོར་བྱེད་རོགས།
བོད་པ་ཚོ་གཉིད་ལས་སད་པར་གྱིས། རང་ཉིད་རང་གི་མགོན་ཡིན། ང་ཚོ་ལ་རང་གི་ཕ་ཡུལ་གྱི་གཞིས་ལུས་སྤུན་ཟླ་དག་སྐྱོབས་པའི་འབོད་སྒྲ་སྒྲོག་པའི་འགན་འཁྲི་ཡོད། འགན་འཁྲི་དེ་མ་བླངས་ཚེ། བོད་ལ་སྐྱེ་བའི་ལས་འགན་མ་བླངས་པ་ཡིན། བོད་ལ་སྐྱེ་བའི་རྒྱུ་འབྲས་མ་བརྩིས་པ་རེད། ང་ཚོ་བོད་དུ་འགྲོ རང་གི་ཕ་ཡུལ་དུ་འགྲོ བོད་མི་ཚང་མ་ལ་རང་དབང་ཐོབ་རེག་བར་དུ། རྒྱལ་བ་རིན་པོ་ཆེ་བོད་དུ་སླེབས་རེག་བར་དུ། གོམ་བགྲོད་བྱེད། བོད་མི་གང་ན་སུ་ཡོད་པ་དག་གིས་རང་ཉིད་བོད་མི་ཡིན་པ་ངོ་ཤེས་རེག་བར་དུ། བོད་མི་རིགས་ཀྱི་སྐད་ཡིག་གི་རང་དབང་ཐོབ་རེག་བར་དུ། བོད་གཞིས་ལུས་རྒྱལ་གཅེས་ཆབ་སྲིད་བཙོན་པ་ཡོངས་རྫོགས་རང་ཁྱིམ་དུ་བདེ་བར་ལོག་རེག་བར་དུ། གོམ་བགྲོད་བྱེད། ཤ་ཟད་ནས་རུས་དང་རུས་ཟད་ནས་འཆི་བ་མ་སླེབས་པར་དུ། མི་རིགས་ཀྱི་འཐབ་རྩོད་འདི་ཉིད་བྱེད་པའི་འགན་དབང་མི་རིགས་རང་ཉིད་ལས་གཞན་སུ་ལའང་མེད་པ་སེམས་གཏིང་ནས་བོད་མི་དག་གིས་ཤེས་ནས་ང་ཡི་རྒྱབ་དུ་བླངས་པར་ཡིད་ཆེས་ཡོད་ལ་དེ་ཡི་བར་དུ། རྒྱལ་བ་རིན་པོ་ཆེ་ཚང་ཕོ་བྲང་དམར་པོ་སྟེང་དུ་ཕེབས་ནས་བོད་མི་ས་ཡ་དྲུག་ལ་བཀའ་ཆོས་གསུང་རེག་བར་དུ། གོམ་བགྲོད་བྱེད། གོམ་བགྲོད་བྱེད། དུས་ཚོད་དང་ཉིན་མ་དེར་སླེབས་པ་དང་བསྟུན། ང་རང་གི་མགོ་ཁྲིད་དེ་འགྲོ་རྒྱུ་ཡིན། ད་ལྟའི་བར་དུ་ང་དང་བཅས་པའི་བོད་ཀྱི་སྐྱེ་བོ་མི་ཉུང་བ་ཞིག་གིས་ཁ་ནས་བཤད་པ་རེད། ད་ནི་ལག་ལེན་ལ་འདེབས་པའི་དུས་ལ་སླེབས་ཡོད་ངེས་རེད། གྲུབ་འབྲས་ཡོད་མེད་དང་བོད་མི་རིགས་ཀྱིས་མི་རིགས་ཀྱི་འཐབ་རྩོད་འདི་ལ་རྒྱབ་སྐྱོར་ཡོད་མེད། འཛམ་གླིང་འདིར་གནས་པའི་སྐྱེ་བོ་འགྲོ་བ་མིའི་སྙིང་ཡོད་མཁན་དག་གིས་རོགས་སྐྱོར་སླེབས་མིན། ཉི་མ་དེར། གོམ་བགྲོད་ཀྱི་འགོ་བཙུགས་པ་དང་ཤེས་ངེས་ཡིན། བོད་མི་ཚོ། ང་ཚོ་ལ་རང་གི་ནང་ཡོད། ནང་ལ་བདག་པོ་རྒྱགས་པའི་ཐོབ་ཐང་ང་ཚོ་ལོས་ཡོད། ཡོད་དགོས་པ་ཡིན། དེ་ཡི་ཆེད་དུ་ང་ཚོ་རང་གི་ནང་དུ་ལོག་འགྲོ དུས་ཚོད་དང་ཉི་མ་གཏན་འཁེལ་བ་དང་ཁྱབ་བསྒྲགས་བྱེད་ཀྱི་ཡིན། བོད་མི་སུ་ཞིག་རང་གི་ནང་དུ་ལོག་པར་གོམ་བགྲོད་བྱེད་འདོད་ཡོད་ན་ང་ལ་འབྲེལ་བ་བྱེད་རོགས་ཞུ། ང་ཡི་གློག་འཕྲིན་ཁ་བྱང་འདི་ཡིན། souloflove538@gmail.com
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
ཁྱེད་ཀྱི་ལས་དོན་འདིར་སྙིང་ཐག་པ་ནས་དགའ་བསུ་དང་རྒྱབ་སྐྱོར་ཡོད། ད་བོད་ནང་ནས་འདི་ལྟར་མེ་འབར་ཐུབ་ན་བཙན་བྱོལ་ནས་དམིགས་འདི་འཁྱེར་ནས་འགོ་འཛུགས་དགོས། ང་རང་དུས་འདིར་ཧ་སངས་པ་ཞིག་ལ་བོད་ཁ་ལ་འཁྱེར་ཞིང་རྒྱབ་ལ་གོན་ནས་བསྡད་ཡོད་པའི་རྡ་རམ་ས་ལའི་ཚོགས་པ་དེ་ཚོར་ཡ་མཚན་གྱི་འདུག ད་འདི་ཚོས་ལས་འགུལ་ཞིག་མི་སྤེལ་བར་ཁུ་སིམ་མེར་བསྡད་བཞིན་འདིར་ང་དོགས་པ་དང་ཞེན་པ་གཏིང་ནས་ལོག་གི་ཡོད། མ་གཞི་ནས་ལས་འགུལ་འདི་འདྲ་ཚོགས་པ་ཚོས་ད་སྣེ་ཁྲིད་དགོས་རེད་མོ།ཚང་མ་ལྷོད་ལྷོད་རེད། ངོ་མ་ངོ་ཚ་ཡ་རེད། བོད་ནང་ནས་མི་མེ་དང་མེམདའ་འགྲོགས་ནས་བོད་དོན་རྩོད་པའི་རྦ་རླབས་འཕྱུར་བཞིན་ཡོད་དུས། བཙན་བྱོལ་ནས་ཁུ་སིམ་མེར་དང་ད་དུང་ཟ་རྒྱུ་ཞིག་དང་རྐུབ་ཀྱོག་བསྲུངས་ནས་བསྡད་ཡོད་པ་དེ་ལོ་རྒྱུས་ནང་རྒྱུ་འབྲས་འཁོར་ངེས་རེད།
ཤར་ཕྱོགས་ཁུག་རྟ་ལགས། མི་རིང་བར་ངའི་མིང་ངོ་མ་དང་འཐབ་རྩོད་ཀྱི་དམིགས་ཡུལ་དང་འབོད་ཚིག དུས་ཚོད་བཅས་ངོ་སྤྲོད་བྱེད་ངེས་ཡིན། ང་སྔོན་ལ་ཐོན་ཡོང་། སྤུན་ཟླ་ཚོ་རྗེས་ལ་ཕེབས་པར་རེ་བ་ཡོད།
གྲོགས་པོ་ལགས་ཁྱེད་ཀྱི་སེམས་ཤུགས་ལ་རྒྱབ་སྐྱོར་ཡོད། ཁྱེད་ཀྱི་དངོས་མིང་དང་ས་གནས་འདིར་ཞོག་དང་། ངས་ཁྱབ་བསྒྲགས་བྱ་ངེས་ཡིན།
ཀུན་དགའ་ལགས། ཉིད་ཀྱང་བོད་མི་ཞིག་ཡིན་དུས་རང་ཉིད་ལ་བོད་མི་རིགས་ཀྱི་བདེ་སྡུག་གསུང་བའི་ཐོབ་ཐང་ལོས་ཡོད། བཤད་པའི་ཐོབ་ཐང་ཡོད་པ་དེ་བཞིན་དུ་ང་ཚོས་རང་ཉིད་ལ་ཡང་སྒྲུབ་པའི་ཐོབ་ཐང་ཡོད་པ་ཤེས་དགོས་ཀྱི་འདུག ལྷག་དོན་དུ་གཅིག་བསྲེག་སོང་། གཉིས་བསྲེག་སོང་ཟེར་ནས་བལྟས་བསྡད་ན་དངོས་ནས་རན་པོ་མི་འདུག ད་ནི་འུ་ཅག་གི་རྐ་ལག་འགུལ་ནས་གཞིས་ལུས་མི་མང་གི་སྐྱིད་སྡུག་ལ་འགན་འཁུར་རན་རེད་འདུག
ངའི་བསམ་ཚུལ།
རང་དབང་ལུང་པར་སྡོད་པའི་རང་རིགས་སྤུན་ཟླ་ཡོངས་དང་། ལྷག་པར་གཞིས་ལུས་བོད་རྒྱ་ཆེའི་མི་མང་གིས་རེ་བའི་ཞིང་ས་བཙན་བྱོལ་བོད་གཞུང་དང་ཆབ་སྲིད་ཀྱི་ཚོགས་པ་ཁག
བོད་ནང་ནས་རྒྱལ་ཁབ་དང་མི་རིགས་ཀྱི་ཆེད་བསྟུད་མུར་སྐུ་ལུས་མེར་བསྲེགས་དང་སྐུ་སྲོག་འབེན་དུ་བཙུགས་ནས་རྒྱ་དམར་ལ་ཞི་རྒོལ་འདི་འདྲ་གནང་བཞིན་པའི་སྐབས་འདིར། རང་དབང་ལུང་པར་སྡོད་པའི་གཞུང་མང་གཉིས་ངོས་ནས་ཉིན་གཅིག་དུས་གཅིག་ལ་སྤེལ་བའི་བསྔོ་སྨོན་མཆོད་འབུལ་ཙམ་གྱིས་འགན་འགྲུབ་སོང་པ་དང་ཁྲལ་འཇལ་ཟིན་པའི་བཟོ་དང་ཚོར་སྣང་གིས་བོད་ནང་ན་བལྟས་ནས་བཞུགས་མ་གནང་རོགས། སྐུ་མཁྱེན། ཐུགས་མཁྱེན། མ་མཐའ། ཉུང་མཐར་ཡང་ལོ་གཅིག་ཙམ་རིང་ལ་རང་དབང་ལུང་པ་སོ་སོ་ནས་མུ་མཐུད་དེ་རྒྱུན་མ་ཆད་པའི་སྒོ་ནས་ལས་འགུལ་སྣ་སྣང་སྤེལ་རོགས། ང་ཚོའི་དཀའ་ངལ་གྱི་གནས་སྟངས་འདི་རྒྱ་ནག་མི་མང་གཙོས་འཛམ་གླང་མི་མང་ཚང་མས་ཧ་གོ་ཡ་ཅིག་དང་དོ་སྣང་ཡོད་པ་ཅིག་གནང་རོགས།
ལས་འགུལ་སྤེལ་སྟངས་ཡང་བོད་པ་ཡོད་སའི་རང་དབང་ལུང་པ་ས་གནས་རྣམས་པང་སྒྲིགས་ནས་ལོ་གཅིག་གི་ཟླ་བ་བཅུ་གཉིས་དེ་བདུན་ཕྲག་དང་ཉི་མ་ཁག་བགོས་ཀྱིས་ལས་འགུལ་གོ་སྒྲིག་གནང་ན་མི་ཆོག་གམ། ཆབ་སྲིད་པ་དང་བསམ་བློ་བ་ཚོས་བསམ་ཚུལ་རེ་གསུང་དང་།
ལྷོ་ཕྱོགས་ཉི་ཟླ་ལགས། རྒྱབ་སྐྱོར་ཞུས་པ་བཀའ་དྲིན་ཆེ། ང་ཚོ་ཚང་མ་བོད་ལ་སྐྱེ་བའི་འགན་ཡོད་པ་རེད་ལགས།
མིག་ལགས། ལས་དབང་ལ་སྐྱབས་འཇུག་ཞུས་ནས་བསྡད་ན་འགྲིག་གི་ཡོད་ན། རྒྱལ་བ་རིན་པོ་མཆོག་གི་གཙོ་བའི་བོད་མི་འབུམ་ཁ་ཤས་ཤིག་ལ་སྐྱབས་བཅོལ་ལ་བསྡོད་དགོས་དོན་ཡོད་པ་མ་རེད་ཟེར་ནས་ཞུས་ན་འགྲིག་གི་ཡ། ལས་དབང་སྒྲུབ་དགོས་དང་བསགས་དགོས་པ་ལས་སྨོན་ལམ་བཏབ་ནས་བསྡད་བཞག་ན་འགྲུབ་འགྲོ་བ་ཞིག་ག་ལ་ཡིན།
མི་ཞིག་ཡིན་ཕྱིན་ཆད་རང་གི་ཁྱིམ་ན་ལོག་མི་འདོད་པ་སུ་ཞིག་ཡོད། དེ་ལ་དོགས་པ་མི་དགོས། གཙོ་བོ་ལོག་སྟངས་རེད། དེའང་ཐབས་གང་གིས་ལོག་ཐུབ་མིན་ལྟ་རྒྱུ་དེ་རེད།།
ཁ་སང་ང་དང་རྒན་རབས་པ་ཞིག་གི་ལྟ་ཚུལ་གླེང་དུས་ཁོས་དིང་སང་གི་རྔམ་སྟོན་བྱེད་སྟངས་དེ་གོང་ས་མཆོག་གི་དགོངས་གཞི་དང་འགལ་བ་མ་ཚད་དེས་རང་ཉིད་མེད་པ་གཏོང་བ་ལས་ཅི་ཡང་ཕན་གྱིན་མ་རེད་ཟེར། ངས་འོ་ན་ང་ཚོས་ཡོད་ཚད་བརླགས་ཟིན་རྗེས་སུ་གང་ལ་སྒུག་དགོས་པ་རེད། གོ་སྐབས་ཀྱིས་ང་ཚོ་བཞག་ནས་བུད་སོང་རྗེས་ད་དུང་ང་ཚོས་གོ་སྐབས་སྒུག་དགོས་པ་རེད་དམ་སྨྲས་དུས་དེ་ནི་ལས་དབང་ལ་སྒུག་རྒྱ་རེདཟེར། ངོ་མ་ལས་དབང་ལ་སྒུག་ནས་བདེན་པའི་གཏིང་མངོན་སྲིད་དམ
ངོ་མ་དགའ་འོས་པ་ཞིག་རེད། བོད་གཞུང་གིས་ལས་འགན་གང་འདྲ་ཞིག་སྤེལ་དགོས་མ་ཤེས་པར་ཚོགས་འདུ་ར་ཚོགས་བཞིན་འདུག ངོ་མ་སྐྱོ་ཀི་ཡ། མི་རེ་ངོས་རེ་ནས་ལས་འགན་རེ་མགོ་བརྩམ་ན་རྩོམ་རན་རེད། བགའ་བསུ་ཡོད། རྒྱབ་སྐྱོར་ཡོད། སེམས་ཤུགས་མ་ཆགས།