གཟའ་ལྷག་པའི་ཉིན་ཧོན་ཌུ་རཱ་སིའི་བཙོན་ཁང་ཞིག་ལ་མེ་ཤོར་ཏེ་བཙོན་པ་ ༣༠༠ ལྷག་རྐྱེན་ལམ་དུ་ཕྱིན་ཡོད་འདུག
ཕྱི་ཚེས་ ༡༤ ཉིན་ལཱ་ཊན་ཨ་མི་རི་ཀ་གླིང་གི་ཧོན་ཌུ་རཱ་སི་(Honduras)སྤྱི་མཐུན་རྒྱལ་ཁབ་གྱི་གྲོང་ཁྱེར་ཀཱོ་མཱ་ཡཱ་གྷུའ་(Comayagua) ནང་གི་བཙོན་ཁང་ཞིག་མེ་ཤོར་ཏེ། བཙོན་པ་ ༣༠༠ ལྷག་རྐྱེན་ལམ་དུ་ཕྱིན་ཡོད་པ་མ་ཟད། བཙོན་པ་ ༣༥༦ ཙམ་བོར་བརླགས་དང་། བཙོན་པ་ ༢༡ ཙམ་ལ་རྨས་སྐྱོན་ཕོག་ཡོད་ལ། བཙོན་པ་ ༤༧༥ ཙམ་བསྐྱབས་ཐུབ་པ་བྱུང་ཡོད་ཀྱང་། ད་ཆར་སྲོག་རྐྱེན་བྱུང་པའི་གྲངས་ཚད་ཁ་གསལ་བྱེད་ཐུབ་མེད་པའི་ཁར། མེར་སྲེག་ཐེབས་ཏེ་ངོས་འཛིན་མི་ཐུབ་པའི་རིགས་ལ་(DNA)བརྟག་དཔྱད་བརྒྱུད་ཤེས་རྟོག་བྱ་འཆར་ཡོད་འདུག
ཉིན་དེའི་མེ་སྐྱོན་ཐད་ཀཱོ་མཱ་ཡཱ་གྷུའ་གྲོང་ཁྱེར་མེ་གསོད་རུ་ཁག་གི་མགྲིན་ཚབ་པ་ཇོ་སུའེ་(Josue Garcia) ཡིས་བརྗོད་པ་ལྟར་ན། ཁོང་ཚོས་མཐོང་ས་ནས་བཙོན་པ་ ༡༠༠ ལྷག་བཙོན་ཁང་གི་ནང་ན་ཀུ་ཅོ་འདོན་པ་དང་སྲོག་ཐར་ཐབས་བྱེད་ཀྱིན་པ་མཐོང་བཞིན་དུ་སྲོག་སྐྱོབ་ཐུབ་མེད་པ་དང་། སྲོག་སྐྱོབ་མ་ཐུབ་པའི་རྒྱུ་མཚན་ནི། ཁོང་ཚོར་བཙོན་ཁང་གི་སྒོ་འབྱེད་བྱེད་ལྡེའུ་མིག་མེད་པ་དང་། ལྡེའུ་མིག་ཡོད་མཁན་གྱི་བཙོན་སྲུང་པ་གང་དུ་ཡོད་མེད་ལག་སོན་མ་བྱུང་སྟབས་བཙོན་ཁང་ཁག་ཅིག་གི་ནང་དུ་ཡོད་པའི་བཙོན་པ་ཡོངས་རྫོགས་མེ་སྲེག་དང་དབུགས་འཚུབ་ཐེབས་ཏེ་གྲོངས་ཡོད་འདུག
བཙོན་ཁང་གི་མེ་སྐྱོན་འབྱུང་རྐྱེན་ཐད་འབྲེལ་ཡོད་བཙོན་ཁང་གི་ལས་བྱེད་དག་གིས་བརྗོད་པ་ལྟར་ན། ཕྱི་ཚེས་ ༡༤ དགོང་མོ་བཙོན་པ་ཞིག་གིས་རང་གི་ཉལ་གདན་མེར་བསྲེགས་བཏང་པར་རྐྱེན་བྱས་ཏེ་མེ་སྐྱོན་ཚབ་ཆེན་འདི་བྱུང་ཡོད་སྐོར་བཤད་ཡོད་ཀྱང་། ད་སྔ་མེ་སྐྱོན་གྱི་འབྱུང་རྐྱེན་ཁ་གསལ་བཟོ་ཐུབ་མི་འདུག
གསར་འགོད་པ། བནྡེ་སྐྱབས།
ཤི་བོ་ཚོ་གང་ལྟར་ད་ནས་ཡོངས་སུ་ཚར་བ་རེད། དེ་དག་ལ་རེ་སྒུགས་བྱས་ཡོད་པའི་ནང་མི་དེ་དག་སྙིང་རྗེ། ད་དུང་བཙོན་སྲུང
་་བ་དེ་ཚོར་ཡང་ཅི་བྱེད་གང་ཆ། ཨོཾ་མ་ཎི་པདྨེ་ཧཱུཾ|།
དེ་རིང་ནས་བཟུང་བཙོན་གྲོལ་ཐོབ་སོང་བ་རེད། འོན་ཀྱང་ཨ་ཁུ་ཆོས་རྒྱལ་གྱིས་ཡང་བསྐྱར་འཛིན་ན་ཐང་། ཤི་བོ་ཚོར་མྱ་ངན་ལོས་བྱེད། གསོན་པོ་ཚོར་མཚམས་འདྲི་ཡོད།
བྱང་ཆུབ་སེམས་མཆོག་རིན་པོ་ཆེ།། མ་སྐྱེས་པ་རྣམས་སྐྱེས་གྱུར་ཅིག། སྐྱེས་པ་ཉམས་པ་མེད་པ་དང་།། གོང་ནས་གོང་དུ་འཕེལ་བར་ཤོག།
བསྔོ་བ་སྨོན་ལམ་རེ་བྱས་ན་བཟང་གི་མ་གཏོགས། ནམ་ཉི་མ་ཞིག་ལ་སོ་སོར་ཡང་འགྲོ་དགོས་ནི་རེད།
ཨ་ཁ་ཁ། ལས་ངན་བཙོན་པ་དང་བཙོན་སྲུང་ཚོར་སྙིང་གཅེས། ཨོམ་མ་ཎི་པད་མེ་ཧཱུང་།